Московского Никольского единоверческого монастыря настоятеля священно-инока Павла краткое слово в день поставления его во священника, 15 декабря 1868 года

Днесь в церкви Божией, возложением руку архиереову, таинство помазания от Духа Святого соверши мя, прежде далече бывша и церкве и тайн ея. И се, братие, вся нова зрю, – и завет нов и таинства нова, и священство ново. Се вся нова не того ради точèю, яко по ветхом предана суть, или по первом наступили: ибо и второе, аще бы имело обветшати, не могло бы именоватися новым, понеже обветшавающее погубляет имя нового. Новый Завет, якоже именуется нов, тока и есть присно нов; аще ли присно нов, то и вечен; аще ли вечен, то и неотъемлем (не якоже первый) и конца не имать. Сего имени новый и изначала своего подаяния ветхий завет не имел; но имя сие, еще при бытии Закона ветхого, закону Христову дано бысть: се дние грядут, глаголет Господь, и завещаю дому израилеву и дому Иудину завет нов. Посему Моисеом данный завет не ветшающим не был, аще при бытии и крепости оного ин завет уже именуется новым. Сей, пророками предуказанный, новый завет Апостолы именуют вечным: кровию завета вечного (Евр.13:20); а сам Господь силу и сущность нового вечного завета указует в своей живоносной крови, ибо сказал: сия чаша новый завет моею кровию. (Лк.22:20). Яв убо, яко чаша крови Христовы, яже до скончания мира приноситися имать, купно и тело Его, за нас ломимое, се есть завет нов и вечен: приносители и причастники тела и крови Христовы, сии суть служители и причастники нового, вечного завета.

Старообрядцы глаголемии такожде именуют себя сынами и причастниками завета нового; но точию именуют, существенной же принадлежности истинных причастников сего завета не имеют: ибо не имеют вечной, непрерывно от Апостол влекущейся иерархии, без которой и преподание тайн тела и крови Христовы не возможно. А безпоповцы даже проповедуют, якобы ныне настало время, в неже и быти не должно нового завета священству и жертве; как словом, так и самым безъиерархическим пребыванием своим они проповедуют обветшание и конец нового и вечного завета. Увы, горестного ослепления! Завет ли новый, Христом преданный, обветшал? Но небо и земля мимо идут, а словеса Господня не имущ прейти (Мф.24:35). Не закон новый обветшал; а обветшали и охромели, по слову пророка, проповедующии его обветшание. Ныне, говорят безпоповцы, повсюду тьма (т.е. безверие), всюду смрад, всюду мертвость и священства православного несть. Увы! Свет ли Христом преданного священства тьма объяла? Никакоже! Тьма его не объят; но ослепшему, и в полудне сияющу солнцу, тьма есть, смердящему повсюду смрад, и мертвому нигде же несть жизни...

Так некогда и я слепотствовал очима; и мне по всюду тьма быти мнилась. Егда же Богъ-Слово, просвещаяй всякого человека, упование (Сый) и сущим в мори далече, живоносным светом своим коснуся очию сердца моего: тогда начал я первее разсуждати о Евангельских обетованиях, яко Христос обеща Духу Святому с нами во веки пребывати, Его же и посла, да действует в Церкви господственне, Своею силою и властию разделяя дары, поставляя в саны чрез руковозложение, совершая строителей тайн Христовых. Где же ныне исполнение сих непреложных обетований? Помышлял я с сокрушением сердечным. Во мнимом старообрядчеств оного не обретается: ибо не точию безпоповцы, но и мнящии быти со священством, не имеют у себя разделения даров служения, еже от Духа Святого, не имеют непрерывно от Апостол идущего поставления в саны чрез руковозложение, почему и Духа Святого господства и спребывания с ними признать не возможно; о Церкви же православной тогда еще не имел я здравого разсуждения. И тако с сердечным сокрушением постоянно помышлял я в уме своем: где сбываются непреложныя Господни обещания? Где Дух Святый господствует, управляет, разделяет благодатныя действа? – и крепкою молитвою молил Господа, да просветит мысль мою и разрешит мое недоумение: Владыко Господи! Вем, яко по множеству грехов моих недостоин есмь и входа в храм Твой святый, идеже приносится безкровная жертва Твоя; но молю Тя, прежде неж? умрети ми, сподоби поне издалеча видети и поклонитися месту селения славы Твоея, идеже страшная Твоя совершаются таинства! Вем, яко недостоин есмь прияти тело Твое святое и честную кровь; но молю, сподоби мя поне целовати руку служащую тайнам Твоим!

Егда же, Богу содействующу, уверился я в незыблемом православии греко-российския Церкви, узрел полноту иерархического чина святыя, соборныя, апостольския Церкви; узрел грады православные и во градех обилие храмов Божиих, узрел Царя и люди благоверныя и благочестивыя, – о, коликия любви и радости исполнися сердце мое! Святые храмы Божии, многажды безчувственными, хладными очами виденные, аки бы внезапу явились и создались предо мною, и вся тварь, яже прежде омерзена мняшеся, акибы иною предстала, и самыя даже времена акибы изменимся; ибо ублажаемыя глаголемыми старообрядцами лета, яже до Никонова па триаршества, возвратились к нам! К сим же по велицей Божией милости, сподобихся дара, его же и пряти когда либо не чаях: пред имущими от Святого Духа власть оставляти грехи принесох покаяние и разрешение приях, таже и безсмертныя трапезы Господни, причастия страшных Таин тела и крове Христовы, недостойный, сподобихся. О великого Божия милосердия к грешникам, от них же первый есмь аз, не житием точию, но и хулениями, их же некогда на Церковь Божю износих! Воистинну исполнися на мне слово Псаломника: милость твоя, Господи, поженет мя (Пс.22:3); милость твоя велия на мшь (Пс.85:18).

Но и се не предел еще Божия о мне благоволения. Что реку, братие, о сих, яже ныне о мне содеваются? Ныне помазуюсь от Духа; ныне поставляюсь и посылаюсь на строение Таин, на служение Христово ... Трепещу и ужасаюсь, помышляя величество служения и мое недостоинство и недостаточество; что творити подобает, не доумею; прияти дар страшуся, но и отрещись не смею. Убо веруя Господеви, Иже посла мя на дело служения сего, и уповая на силу Духа Божия, Иже немощная к врачующего, приемлю повеление, и молюся Ему, да укрепит мя и сотворит Свое оруде. И вы, братие, побуждаеми любовию, сотворите о мне моление, да помилует мя Господь,да жизнию и словом достоин буду служения, еже ныне приемлю.

К вам обращаю теперь слово мое, им же Господь поетави мя быти пастыря. Молю вас, возлюбленнии, ходити по путем Евангелия, последуя примеру жизни преподобных отец наших, очищати прежде внутренняя сткляницы и блюда, и тщатися достигнути в совершение закону и пророком, еже есть любовь; молю такожде, с духовным деланем и телесного труда не презирати, но елико по сим тщатися, да не во всем отяготим иных; ибо и Павловы руце ему и сущим с ним к потребе послужиша.

Бог же мира и Отец щедрот да сподобит всех нас Своея милости, да наставит на стези заповедей Своих и да сподобит получити будущих благ наследие со святыми Его. Тому слава да будет во вся веки, аминь.