Песнопения воскресной службы

Стихиры на Господи воззвах. Вечерния наша молитвы | приими Святый Господи, | и подаждь нам оставление грехов, | яко един еси | я влей в мире воскресение.

– Обыдите, людие, Сион, | и объимите его | и дадите славу в нем Воскресшему из мертвых, | яко Той есть Бог наш, | избавлей нас от беззаконий наших.

Догматик. Всемирную славу, | от человек прозябшую, | и Владыку рождшую, | небесную дверь воспоим Марию Деву, | безплотных песнь и верных удобрение. | Сия бо явися небо и храм Божества; | Сия, преграждение вражды разрушивши, | мир введе и Царствие отверзе: | Сию убо имуще веры утверждение, | Поборника имамы из Нея рождшагося Господа. | Дерзайте убо, дерзайте, людие Божии; | ибо Той победит враги яко всесилен.

Стихиры на стиховне. Страстию Твоею, Христе, | от страстрй свободихомся | и воскресением Твоим из нетления избавихомся, | Господи, слава Тебе.

Слава и ныне, Богородичен. Се исполнися Исаиино проречение, | Дева бо родила еси | и по рождестве яко прежде рождества пребыла еси; | Бог бо бе рождейся, | тем же и естества новопресече. | Но о, Богомати, моления Твоих рабов | в Твоем храме приносимая Тебе не презри, | но яко Благоутробнаго Твоима рукама носящи, | на Твоя рабы умилосердися, | и моли спастися душам нашим.

Тропарь. Камени запечатану от Иудей, | и воином стрегушим Пречистое Тело Твое, | воскресл еси, тридневный Спасе, | даруяй мирови жизнь. | Сего ради силы небесныя вопияху Ти, Жизнодавче: | слава воскресению Твоему, Христе; | слава царствию Твоему; слава смотрению Твоему, едине Человеколюбче.

Богородичен. Гавриилу вещавшу Тебе Дево, радуйся, | со гласом воплошашеся всех Владыка, | в Тебе святем Животе, | яко же рече праведный Давид: | явилася еси ширшая небес, | поносивши Зиждителя Твоего. | Слава Всельшемуся в Тя, | слава Прошедшему из Тебе; | слава Свободившему нас рождеством Твоим.

Ирмосы канона; песнь 1. Твоя победительная десница боголепно в крепости прославися: | та бо Безсмертне, | яко всемогущая, противныя сотре, | Израильтянам | путь глубины новосоделавшая.

–      3. Едино Ведый человеческаго существа немощь | и милостивно в не воображься, | препояши мя с высоты силою, | еже вопит Тебе, Святый: | одушевленный храме | неизреченныя славы Твоея, Человеколюбче.

–      4. Гору Тя благодатиею Божиею приосененную, | прозорливыма Аввакум усмотрив очима, | из Тебе изыти Израилеву провозглашаше Святому, | во спасение наше и обновление.

–      5. Просветивый сиянием пришествия Твоего, Христе, | и осветивый крестом Твоим мира концы, | сердца просвети светом Твоего Богоразумия, | православно поющих Тя.

–      6. Обыде нас последняя бездна, | несть избавляяй, | вменихомся яко овцы заколения; | спаси люди Твоя, Боже наш; | Ты бо крепость немотствующих и исправление.

Кондак. Воскресл еси яко Бог из гроба во славе, | и мир совоскресил еси, | и естество человеческое яко Бога воспевает Тя, | и смерть изчезе: | Адам же ликует, Владыко, | Ева ныне от уз избавляема радуется зовуще. | Ты еси иже всем подая, Христе, воскресение.

–      7. Тебе умную, Богородице, пещь, | рассмотряем вернии: | яко же бо отроки спасе три превозносимы, | мир обнови во чреве Твоем всецел, | хвальный отцев Бог и препрославлен.

–      8. В пещи отроцы Израилевы, | якоже в горниле добротою благочестия | чистее злата блещахуся, глаголюще: | благословите вся дела Господня Господа | пойте и превозносите во вся веки.

–      9. Образ чистаго рождества Твоего, | огнепалимая купина показа неопальная; | и ныне на нас напастей свирепеющую угасити, молимся, пещь, | да Тя, Богородице, непрестанно величаем.

Стихиры на хвалитех. Стих: Сотворите в них суд написан: | слава сия будет всем преподобным Его.

Поем Твою, Христе, спасительную страсть, | и славим Твое воскресение.

Стихиры на Господи воззвах. Прежде век от Отца рождшемуся Божию Слову, | воплощшемуся от Девы Марии, | приидите поклонимся: крест бо претерпев, | погребению придадеся, | яко Сам восхоте, | и воскрес из мертвых, | спасе мя заблуждающаго человека.

–      Христос Спас наш, | еже на ны рукописание пригвоздив на кресте заглади, | и смертную державу упраздни; | покланяемся Его тридневному воскресению.

Догматик. Прейде сынь законная, | благодати пришедши: | яко же бо купина не сгараше опаляема, | тако Дева родила еси, | и Дева пребыла еси; | вместо столпа огненнаго | праведное возсия Солнце; | вместо Моисея | Христос, спасение душ наших.

Стихиры на стиховне. Воскресение Твое, Христе Спасе, | всю просвети вселенную, | и призвал еси Твое создание: | всесильне Господи, слава Тебе.

Слава и ныне. Богородичен. О чудесе новаго всех древних чудес! | Кто бо позна Матерь без мужа рождшую | и на руку носящую всю тварь Содержащаго? | Божие есть изволение рождшееся: | Его же яко Младенца, Пречистая, Твоима руками носившая | и матернее дерзновение к Нему имущая, | не престай Молящи о чтущих Тя, | ушедрити и спасти души наша.

Тропарь. Егда снисшел еси к смерти, Животе Бессмертный, | тогда ад умертвил еси блистанием Божества: | егда же и умершия от преисподних воскресил еси, | вся силы небесныя взываху: | Жизнодавче Христе Боже наш, слава Тебе.

Богородичен. Вся паче смысла, | вся прсславная Твоя, Богородице, таинства, | чистоте запечатанной и девству храниму, | Мати позналася еси неложна, | Бога рождши истиннаго; | Того моли спастися душам нашим.

Ирмосы канона, песнь 1. Во глубине постла иногда | фараонитское вссвоинство преоруженная сила; | воплощееся же Слово всезлобный грех потребило есть, | препрославленный Господь, | славно бо прославися.

–      3. Процвела есть пустыня, яко крин Господи, | языческая неплодящая церковь, | пришествием Твоим, | в ней же утвердися мое сердце.

–      4. Пришел еси от Девы | не ходатай, ни Ангел, | но Сам, Господи, воплощься, | и спасл еси всего мя человека. | Тем зову Ти: слава силе Твоей, Господи.

–      5. Ходатай Богу и человеком был еси, Христе Боже; | Тобою бо, Владыко, к Светоначальнику Отцу Твоему, | от нощи неведения, | приведение имамы.

–      6. В бездне греховней валяеся, | неизследную милосердия Твоего призываю бездну: | от тли, Боже, мя возведи.

Кондак. Воскресл еси от гроба, всесилные Спасе, | и ад видев чудо ужасеся, | и мертвии восташа. | Тварь же видящи срадуется Тебе, и Адам свеселится, | и мир, Спасе мой, воспевает Тя присно.

–      7. Богопротивное веление | беззаконнующаго мучителя | высок пламень вознесло есть: | Христос же простре, Богочестивым отроком росу духовную, | сый благословен и препрославлен.

–      8. Пещь иногда огненная в Вавилоне | действа разделяше, | Божиим велением халдеи опаляющая: | верныя же орошающая поющия: | благословите вся дела Господня, Господа.

–      9. Безначальна Родителя Сын Бог и Господь, | воплошься от Девы нам явися, | омраченная просветити, и собрати расточенная; | тем всепетую Богородицу величаем.

Стихиры на хвалитех, стих: Сотворите в них суд написан | слава сия будет всем преподобным Его. Всякое дыхание и вся тварь | Тя славит, Господи, | яко Крестом смерть упразднил еси, | да покажеши людем, еже из мертвых Твое воскресение, | яко Един Человеколюбец.

Стихиры на Господи воззвах. Твоим Крестом, Христе Спасе, | смерти держава разрушися, | и диавола прелесть упразднися; | род же человеческий верою спасаемый | песнь Тебе всегда приносит.

–      Славлю Отца и Сына силу | и Святаго Духа пою власть, | нераздельное, несозданное Божество, | Троицу единосущную, | царствующую в век века.

Догматик. Како не дивимся | Богомужному рождеству Твоему, Пречестная? | искушения бо мужескаго не приемши, Всенепорочная, | родила еси без отца Сына плотию, | прежде век от Отца рожденнаго без матере, | никакоже претерпевшаго изменения, | или смешения или разделения, | но обою существу свойство дело сохраншаго. | Тем же, Мати Дево Владычице, | Того моли спастися душам | православно Богородицу исповедающих Тя.

Стихиры на стиховне. Страстию Твоею, Христе, | омрачивый солнце, | и светом Твоего воскресения | просветивый всяческая, | приими нашу вечернюю песнь, Человеколюбче.

Слава и ныне, Богородичен. Без семене от Божественнаго Духа, | волею же Отчею зачала еси Сына Божия, | от Отца без матере прежде век суща; | нас же ради из Тебе без отца бывша, | плотию родила еси | и Младенца млеком питала еси. | Тем же не престай молити | избавитися от бед душам нашим.

Тропарь. Да веселятся небесная, | да радуются земная: | яко сотвори державу | мышцею Своею Господь, | попра смертию смерть, | первенец мертвых бысть, | из чрева адова избави нас, | и подаде мирови велию милость.

Богородичен. Тя ходатайствовавшую спасение рола нашего | воспеваем, Богородице Дево: | плотию бо от Тебе восприятою Сын Твой и Бог наш, | Крестом восприим страсть, | избави нас от тли яко Человеколюбец.

Ирмосы канона, песнь 1. Воды древле | манием Божественным | во едино сонмище совокупивый | и разделивый море израильтеским людем, | сей Бог наш | препрославлен есть. | Тому единому поим, яко прославися.

–      3. Иже от Несущих вся приведый | Словом созидаемая, | совершаемая Духом, | Вседержителю Вышний, | в любви Твоей утверди мене.

–      4. Положил еси к нам твердую любовь, Господи, | Единороднаго бо Твоего Сына за ны на смерть дал еси. | Тем жс Ти зовем благодаря те: | слава силе Твоей, Господи.

–      5. К тебе утреннюю всех Творцу, | преимушему всяк ум мироен, | зане свет повеления Твоя; | в них же настави мя.

–      6. Бездна последняя грехов обыде мя, | и исчезает дух мой; | но прострый, Владыко, высокую Твою мышцу, | яко Петра мя, | Управителю, спаси.

Кондак. Воскресло еси днесь из гроба Щедро, | и нас возвел еси от врат смертных. | Днесь Адам ликует, и радуется Ева, | вкупе же и прораны с патриархи воспевают непрестанно | Божественную державу власти Твоея.

–      7. Яко же древле благочестивыя три отроки оросил еси | в пламени Халдейстем, | светлым Божества огнем и нас озари, | благословен еси, взывающия, | Боже отец наших.

–      8. Нестерпимому огню соединившего, | Богочестия предстояще юноши, | пламенем же невреждени, | Божественную песнь пояху: | благословите, вся дела Господня Господа, | и превозносите во вся веки.

–      9. Новое чудо о Боголепное! | Девическую бо дверь затворенную | яве проходить Господь, | наг во входе, | и плотоносен явися во исходе Бог, | и пребывает дверь затворена. | Сию неизреченно, | яко Богоматерь величаем.

Стихиры на хвалитех, стих: Сотворите в них суд написан, | слава сия будет всем преподобным Его.

Приидите вси язы́цы, | уразумейте страшныя тайны силу: | Христос бо Спас наш, | еже в начале Слово, | распятся нас ради, ) и волею погребеся, и воскресе из мертвых, | еже спасти всяческая; | Тому поклонимся.

Стихиры на Господи воззвах. Животворящему Твоему кресту | непрестанно кланяющеся, Христе Боже, | тридневное воскресение Твое славим: тем бо обновил еси истлевшее человеческое естество, Всесильне, | и иже на небеса восход обновил еси нам, | яко Един Бог и Человеколюбец.

– Врата адова сокрушил еси Господи, | и Твоего смертию смертное царство разрушил еси: | род же человеческий от нетления свободил еси, | живот и нетление миру даровав, | и велию милость.

Догматик. Иже Тебе ради | Богоотец пророк Давид, | песненно о Тебе провозгласи, | величия Тебе Сотворшему: | прсдста Царица одесную Тебе, | Тя бо Матерь ходатайцу живота показа, | без отца из Тебе вочеловечитися благоволивый Бог, | да Свой паки обновят образ, истлевший страстьми, | и заблудшее горохищное обрет овча, | на рамо восприим, ко Отцу принесет | и Своему хотению, | с небесными совокупит силами, | и спасет, Богородице, мир | Христос, имеяй велию и богатую милость.

Стихиры на стиховне. Господи, восшед на крест, | прадеднюю нашу клятву потребил еси, | и сошед во ад, вечныя узники свободил еси, | нетление даруя человеческому роду; | сего ради поюще славим | животворящее и спасительное Твое востание.

Слава и ныне, Богородичен. Призри на моление Твоих раб, Всенепорочная, | утоляющи лютая на ны востания, | всякия скорби нас изменяющий | Тя бо едину твердое и известное утверждение имамы; | и Твое предстательство стяжахом; | да не постыдимся, Владычице, | Те призывающий, | потщися на умоление Тебе верно вопиющих: | радуйся, Владычице, всех немоще, | радосте и покрове, | и спасение душ наших.

Тропарь. Светлую воскресения проповедь, | от Ангела уведевша Господни ученицы, | и прадеднее осуждение отвергша, | Апостолом хвалящася глаголаху: | испровержеся смерть, | воскресе Христос Бог, | даруяй мирови велию милость.

Богородичен. Еже от века утаенное, | и Ангелом несведомое таинство, | Тобою, Богородице, сущим на земли явися Бог, | в неслитном соединении воплощаем, | и крест волею нас ради восприим, | ниже воскресив первозданнаго, | спасс от смерти души наша.

Ирмосы канона, песнь 1. Моря Чермную пучину | невлажными стопами | древний пешешеетвовав Израиль, | крестообразныма Моисеовыма рукама | Амаликову силу в пустыни победил есть.

–      3. Веселится о Тебе Церковь Твоя, Христе, зовущи: | Ты моя крепость, Господи, | и прибежище и утверждение.

–      4. Вознесена Тя видевши Церковь на кресте, | Солнце праведное, | ста в чине своем, | достойно взывавши: | слава силе Твоей, Господи.

–      5. Ты, Господи, мой свет, | в мир пришел еси, | свет святый обращали из мрачна неведения, | верою воспевающия Тя.

–      6. Пожру Ти со гласом хваления, Господи, | Церковь вопиет Ти, | от бесовския крове очищшися | ради милости от ребр Твоих истекшего кровию.

Кондак. Спас и Избавитель мой | из гроба яко Бог воскреси от уз земнородныя | и врата адова сокруши, | и яко Владыка воскрссе тридневен.

–      7. В пещи Авраамстии отроцы персидстей, | любовию благочестия паче, | нежели пламенем опаляеми, взываху: | благословен еси в храме славы Твоея, Господи.

–      8. Руце распростер Даниил, | львов зияния в рове затчо, | огненную же силу угасиша, | добродетелию препоясавшеся, | благочестия рачители отроцы, взывающе: | благословите вся дела Господня, Господа.

–      9. Камень нерукосечный | от несекомыя горы Тебе, Дево, | краеугольный отсечеся, | Христос, совокупивый разстоящаяся естества, | Тем веселяшеся Тя, Богородице, величаем.

Стихира на хвалитех, стих. Сотворите в них суд написан, | слава сия будет всем преподобным Его.

–      Крест претерпиевый и смерть. | и воскресый из мертвых, | Всесильне Господи, | славим Твое воскресение.

Стихиры на Господи воззвах. Честным Твоим Крестом, Христе, | диавола посрамил еси | и воскресением Твоим жало греховное притупил еси, | и спасл еси ны от врат смертных: | славим Тя, Едннородне.

– Велие чудо, невидимых Содетель, | за человеколюбие плотию пострадав, | воскрссе Безсмертный. | Приидите отечествия язык Тому поклонимся: | благоутробием бо Его от прелести избавльшеся, | в триех Упостасех | Единаго Бога пети навыкохом.

Догматик. В Чермнем мори | неискусобрачныя Невесты образ написася иногда. | Тамо Моисей – разделитель воды: | зде же Гавриил – служитель чудесе. | Тогда глубину шествова немокренно Израиль; | ныне же Христа роди безсеменно Дева. | Море по прошествии Израилеве пребысть непроходно; | Непорочная по рождестве Еммануилеве пребысть нетленна | Сый и прежде сый, | явлейся яко человек, Боже, помилуй нас.

Стихиры на стиховне. Тебе воплощеннаго Спаса Христа, | и небес не разлучившася | во гласех пений величаем: | яко крест и смерть приял еси за род наш, | яко человеколюбец Господь, | испровергий адова врата, | тридневно воскресл еси, | спасая души наша.

Слава и ныне, Богородичен. Храм и дверь еси, | палата и престол Царев, | Дево всечестная, | Ею же Избавитель мой, Христос Господь, | во тьме спящим явися, | Солнце сый правды, просветити хотя, | яже созда по образу Своему рукою Своею. | Тем же, Всепетая, | яко матерне дерзновение к Нему стяжавшая, | непрестанно моли спастися душам нашим.

Тропарь. Собезначальное Слово Отцу н Духови, | от Девы рождшееся на спасение наше, | воспоим вернии и поклонимся: | яко благоволи плотию взыти на крест | и смерть претерпети, | и воскресити умершия | славным воскресением Своим.

Богородичен, Радуйся, двере Господня непроходимая! | Радуйся стено и покрове притекающих к Тебе! | Радуйся необуреваемое пристанище и неискусобрачная, | рождшая плотию Творца Твоего и Бога. | Молиши не оскудевай о воспевающих | и кланяющихся рождеству Твоему.

Ирмосы канона, песнь 1. Коня и всадника в море Чермное | сокрушаяй брани | мышцею высокою, | Христос истрясе, | Израиля же спасе, | победную песнь поюща.

–      3. Водрузивый на ничесомже землю повелением Твоим, | и повесивый неодержимо тяготеющую | на подвижимем, Христе, камени заповедей Твоих, | Церковь Твою утверди, | Едине Блаже и Человеколюбие.

–      4. Божественное Твое разумев истощание, | прозорливо Аввакум, Христе, со трепетом вопияше Тебе: | во спасение людей Твоих, | спасти помазанныя Твоя пришел еси.

–      5. Одеяйся светом, яко ризою, | к Тебе утреннюю и Тебе зову: | душу мою просвети омраченную, Христе, | яко един благоутробен.

–      6. Неистовствуюшееся бурею | душетленною, Владыко Христе, | страстей море укроти, | и от тли возведи мя, яко благоутробен.

Кондак. Ко аду Спасе мой, сошел еси, | и врата сокрушивый яко всесилен, | умерших яко Создатель совоскресил еси, | и смерти жало сокрушил еси, | и Адам от клятвы избавлен бысть, Человеколюбче. | Тем же вси зовем: спаси нас, Господи.

–      7. Превозносимый отцев Господь | пламень угаси, отроки ороси, | согласно поющия: | Боже благословен еси.

–      8. Тебе, Вседетелю, в пещи отроцы, | всемирный лик сплетше, пояху: | дела всякая Господа пойте и превозносите во вся веки.

–      9. Исаие, ликуй! Дева | име во чреве | и роди Сына Еммануила, | Бога же и человека, | Восток имя Ему: | Его же величающе, | Деву ублажаем.

Стихира на хвалитех, стих: Сотворите в них суд написан, | слава сия будет всем преподобным Его.

Господи, жены текоша на гроб | видети Тя Христа, | нас ради пострадавшаго, | и пришедша обретоша Ангела на камени седяща | страхом отвальшемся, | и к ним возопи глаголя: | воскресе Господь, рцыте учеником, | яко воскресе от мертвых, | спасаяй души наша.

Стихиры на Господи воззвах: Победу имея, Христе, юже на ада, | на крест восшел еси, | да во тьме смерти седяшия воскресиши с Собою; | Иже в мертвых свобод, | источаяй живот от Своего света, | всесильне Спасе, помилуй нас.

Тебе, Господи, сущаго по всей твари, | грешнии камо бежим; | на небсси Сам живеши, | во аде попрал еси смерть, | во глубины морския, | тамо рука Твоя, Владыко, | к Тебе прибегаем, | Тебе припадающе молимся: | воскрссый из мертвых, помилуй нас.

Догматик. Кто Тебе не ублажит, Пресвятая Дево? | Кто ли не воспоет Твоего пречистаго рождества? | Бездетно бо от Отца возсиявый Сын Единородный, | Той же от Тебе чистыя пройде, | неизреченно воплощься, | естеством Бог сый, | и естеством быв человек нас ради, | не во двою лицу разделяемый, | но во двою естеству неслитно познаваемый. | Того моли, Чистая, Всеблаженная, | помиловатися душам нашим.

Стихира на стиховне. Воскресение Твое, Христе Спасе, | Ангели поют на небесех, | и нас на земли сподоби | чистым сердцем Тебе славити.

Слава и ныне, Богородичен. Творец и Избавитель мой, Пречистая, | Христос Господь | из Твоих ложесн прошед, | в мя оболкийся, | первыя клятвы Адама свобода | Тем же Ти, Всечистая, | яко Божии Матери же и Деве, | воистину вопием немолчно: | радуйся ангельски, | радуйся, Владычице, | предстательство и покрове | и спасение душ наших.

Тропарь. Ангельския силы на гробе Твоем, | и стрегушии омертвеша; | и стояще Мария во гробе, | ищущи пречистаго тела Твоего, и Пленил еси ад, не искусився от него; | сретил еси Деву, даруяй живот. | Воскресый из мертвых, Господи, слава Тебе.

Богородичен. Благословенную нарекий Твою Матерь, | пришел еси на страсть вольным хотением, | возсияв на Кресте, взыскати хотя Адама, | глаголя Ангелом: | срадуйтеся Мне, яко обретеся погибшая драхма. | Вся мудре устроивый Боже наш, слана Тебе.

Ирмосы канона, песнь 1. Яко по суху пешешествовав Израиль | по бездне стопами, | гонителя фараона | видя потопляема; | Богу | победную песнь | поим, вопияше.

–      3. Несть свят, | яко же Ты, Господи Боже мой, | вознесый рог верных Твоих, Блаже, | и утверднвый нас на камени исповедания Твоего.

–      4. Христос моя сила, | Бог и Господь, | честная Церковь | боголепно поет взывающи, | от смысла чиста | о Господе празднующи.

–      5. Божиим | светом Твоим, Блаже, | утреннюющих Ти души | любовию озари, молюся, | Тя ведети, Слове Божий, | истиннаго Бога, | от мрака греховнаго взывающа.

– 6. Житейское море | воздвизаемое зря напастей бурею, | к тихому пристанищу Твоему притек вопию Ти: | возведи от тли живот мой, | Многомилостиве.

Кондак. Живоначальною дланию | умершия от мрачных удолий, | Жизнодавец воскресив всех. Христос Бог, | воскресение подаде человеческому роду: | есть бо всех Спаситель, | воскресение и живот и Бог всех.

–      7. Росодательну убо пещь | содела Ангел | преподобным отроком, | Халдеи же опаляющее веление Божие | мучителя увеща вопити: | благословен еси Боже отец наших.

–      8. Из пламене преподобным росу источил еси, | и праведнаго жертву водою попалил еси: | вся бо твориши, Христе, токмо еже хотети. | Тя превозносим во вся веки.

–      9. Бога | человеком невозможно видети, | на Него же не смеют чини Ангельстии взирати: | Тобою бо Всечистая, явися человеком | Слово воплощенно. | Его же величавшие | с небесными вои, | Тя ублажаем.

Стихира на хвалитех, стих. Сотворите в них суд написан, | слава сия будет всем преподобным Его.

Крест Твой, Господи, | жизнь и воскресение людем Твоим есть | и надеющеся нань, | Тебе воскресшаго Бога нашего поим: помилуй нас.

Стихиры на Господи воззвах. Приидите, возрадуемся Господеви, | сокрушившему смерти державу | и просветившему человеческий род, | со бесплотными зовуще: | Содетелю и Спасе наш, слава Тебе.

–      Апостоли, видевше воскресение Содетеля, чудяхуся, | поюще хвалу Ангельскую: | сия слава есть церковная, | сие богатство царствия: | пострадавый нас ради, Господи, слава Тебе.

Догматик. Мати убо позналася еси, паче естества Богородице, | пребыла же еси Дева | паче слова и разума: | и чудесе рождества Твоего сказати язык не может, | преславну бо сушу зачатию, Чистая, | непостижен есть образ рождения; | идеже бо хощет Бог, | побеждается естества чин. | Тем же Тя вси Матерь Божию ведуще, | молим Ти ся прилежно, | моли спастися душам нашим.

Стихира на стиховне. Воскресл еси из гроба Спасе мира, | и совоздвигл еси человеки с плотию Твоею; | Господи, слава Тебе.

Слава и ныне. Богородичен. Под кров Твой, Владычице, | вси земнороднии прибегавшие, вопием Ти: | Богородице, упование наше, | избави ны от безмерных прегрешений | и спаси души наша.

Тропарь. Разрушил еси Крестом Твоим смерть, | отверзл еси разбойнику рай, | мироносицам плач преложил еси, | и апостолом проповедали повелел еси, | яко воскресл еси, Христе Боже, | даруяй мирови велию милость.

Богородичен. Яко нашего воскресения сокровище, | на Тя надеющийся Всепетая, | от рова и глубины прегрешений возведи; | Ты бо повинныя греху спасла еси, | рождшая спасение наше, | яже прежде рождества Дева, и в рождестве Дева, | и по рождестве паки пребывавши Дева.

Ирмосы канона, песнь 1. Манием Твоим | на земный образ преложися, | прежде удоборазливаемое | водное естество, Господи, | тем же | немокренно пешешествовав Израиль, | поет Тебе песнь победную.

3.      В начале небеса | всесильным Словом Твоим утверждей, Господи Спасе, | и вседетельным и Божиим Духом | всю силу их, | на недвижимем мя камени | исповедания Твоего утверди.

– 4. Отча недра не оставл | и сошед на землю Христе Боже, | тайну услышах смотрения Твоего | и прославих Тя, едине Человеколюбче.

–      5. Нощ несветла неверным, Христе, | верным же просвещение в сладости словес Твоих; | сего ради к Тебе утренюю, | и воспеваю Твое Божество.

–      6. Плавающего в молве | житейских попечении, | с кораблем потопляема грехи, | и душетленному зверю приметаема, | яко Иона, Христе, вопию Ти: | из смертоносныя глубины возведи мя.

Кондак. Не ктому держава смертная | возможет держати человеки; | Христос бо сниде сокрушая и разоряя силы ея. | Связуем бывает ад, | пророцы согласно радуются; | предста, глаголюще, Спас | сущим в вере: | изыдите, вернии, в воскресение.

–      7. Пещь отроцы огнепальну | древле росоточащу показаша, | единаго Бога воспевающе и глаголюще: | превозносимый отцов Бог, | и препрославлен.

– 8. Неопальная огню | в Синаи причащшаяся купина, Бога яви, | медленноязычному и гугнивому Моисеови, | и отроки ревность Божия | три непреоборимыя во огни певцы показа: | вся дела Господня Господа пойте, | и провозноситс во вся веки.

– 9. Нетления искушением рождшая, | и всехитрецу Слову | плоть взаимодавшая, Мати неискусомужная | Дево Богородице: | приятелище нестерпимаго, | село невместимаго Зиждителя Твоего, Тя величаем.

Стихира на хвалитех, стих. Сотворите в них суд написан: | слава сия будет всем преподобными Его.

–      Воскресе Христос из мертвых, | разрушив смертныя узы: | благовести земле радость велию, пойте небеса Божию славу.

Стихиры на Господи воззвах. Вечернюю песнь, | и словесную службу | Тебе, Христе, приносим: | яко благоволил еси помиловати нас | воскресением.

– Тебе славим, Господи, | волею нас ради крест претерпевшаго, | и Тебе покланяемся, всесильно Спасе: | не отвержи нас от лица Твоего, | но услыши и спаси ны воскресением Твоим, | Человеколюбче.

Догматик. Царь небесный | за человеколюбие на земли явися, | и с человеки поживе: | от Девы бо чистыя плоть приемый, | и из Нея прошедый с восприятием; | един есть Сын сугуб естеством, | но не Ипостасию. | Тем же совершенна Того Бога | и совершенна человека воистинну проповедаю те, | исповедуем Христа Бога нашего: | Его же моли, Мати безневестная, | помиловатися душам нашим.

Стихиры на стиховне. Возшел еси на крест, Иисусе, | снизшедый с небесе, | пришел еси на смерть, Животе бессмертный, | к сущим во тьме | Свет истинный, | к падшим всех воскресение, | просвещение и Спасе наш, слава Тебе.

Слава, и ныне, Богородичен. Безневестная Дево, | яже Бога неизреченно заченши плотию, | Мати Бога вышняго, | Твоих рабов мольбы прииями, Всенепорочная, | всем подающи очищение прегрешений; | ныне наша моления приемлющи, | моли спастися всем нам.

Тропарь. С высоты снизшел еси, Благоутробне, | погребение приял, еси тридневное, | да нас свободиши страстей, | животе и воскрссение наше, Господи, слава Тебе.

Богородичен. Иже нас ради рождейся от Девы, | и распятие претерпев Благий, | испровергий смертию смерть, | и воскресение явлей яко Бог, | не презри яже создал еси рукою Твоею: | яви человеколюбие Твое, Миластиве, | приими рождшую Тя Богородицу, молящуюся за ны, | и спаси, Спасе наш, люди отчаянныя.

Ирмосы канона, песнь 1. Колесницегонителя Фараона погрузи, | чудотворяй иногда | Моисейский жезл, крестообразно поразив, | и разделив море: | Израиля же беглеца, пешеходца спасе, | песнь Богови воспевающа.

3.      Утвержден в начале небеса разумом, | и землю на водах основавый, | на камени мя, Христе, заповедей Твоих утверди, | яко весть свят, | паче Тебе, едино Человеколюбче.

4.      Ты моя крепость, Господи, | Ты моя и сила, | Ты мой Бог, Ты мое радование, | не оставль недра Отча, | и нашу нищету посетив. | Тем с пророком Аввакумом зову Ти: | силе Твоей слава, Человеколюбче.

5.      Вскую мя, отринул еси | от лица Твоего, Свете незаходимый, | и покрыла мя есть чуждая тма окаяннаго? | но обрати мя и к свету заповедей Твоих, | пути моя направи, молюся.

6.      Очисти мя, Спасе, | многа бо беззакония моя, | и из глубины зол возведи, молюся: | к Тебе бо возопих, и услыши мя, | Боже спасения моего.

Кондак. Воскрес из гроба, умершия воздвигл еси, | и Адама воскресил еси, | и Ева ликует во Твоем воскресении, | и мирстии концы торжествуют, | еже из мертвых востанием Твоим, Многомилостиве.

7.      Божия снизхождения | огнь устыдеся в Вавилоне иногда: | сего ради отроцы в пещи радованною ногою, | яко во цветнице, ликующе пояху: | благословен еси, Боже отец наших.

8.      Седмерицею пещь | Халдейский мучитель | благочестивым неистовно разжже, | силою же лучшею спасены сия видев, | Творцу и Избавителю вопияше: | отроцы, благословите, | священницы, воспойте, | людие, превозносите во вся веки.

9.      Ужасеся о сем небо, | и земли удивишася концы, | яко Бог явися человеком плотски, | и чрево Твое бысть пространнейшее небес. | Тем Тя Богородицу, | Ангелов и человек чиноначалия величают.

Стихира на хвалитех, стих. Сотворите в них суд написан: | слава сия будет всем преподобным Его.

– Господи, аще и судилищу предстал еси от Пилата судимый, | но не отступил еси от престола со Отцем седя: | и воскрес из мертвых, | мир свободил еси от работы чуждаго, | яко Щедр и Человеколюбец.

Стихира 1-я. Глас 1. На гору учеником идущим, | за земное вознесение, | предста Господь: и поклонившеся Ему, и данныя власти везде научившеся, | в поднебесную посылахуся | проповедати еже из мертвых воскресение, | и еже на небеса восшествие: | им же и во веки спребывати | неложный обещася Христос Бог и Спас душ наших.

Стихира 2-я. Глас 2. С миры пришедшим я же с Мариею, женам, | и недоумевающися, како будет им улучши желание: | явися камень взятый, | божественный юноша утоляяй мятеж душ их: | воста бо, глаголет, Иисус Господь. | Тем же проповедите проповедником Его учеником, | в Галилею тещи, | и видети Его воскресша из мертвых, | яко Жизнодавца и Господа.

Стихира 3-я. Глас 3. Магдалине Марии | Спасово благовествуюшей из мертвых воскресение и явление, | неверующе ученицы, | поносими быша о жестосердии: | но знамении вооружшеся и чудесы, | ко проповеданию посылахуся: | и Ты убо, Господи, | к начальному Свету вознеслся еси Отцу, | они же проповедаша всюду слово, | чудесы уверяюще. | Темже просветившеся теми, | славим Твое еже из мертвых воскресение, | Человеколюбца Господи.

Стихира 4-я. Глас 4. Утро бе глубоко, | и жены приидоша на гроб Твой, Христе: | но тело не обретеся желаемое ими. Тем же недоумевающимся, | иже в ризах блещащихся представший, глаголаху: | что Живаго с мертвыми ищете? воста яко же предрече, | что не помните глагол Его? | им же веровавше виденная проповедаху, | но мняхуся лжа благовещения. | Тако быша еще косни ученицы, | но Петр тече и видев, | прослави Твоя в себе чудеса.

Стихира 5-я. Глас 5. О, премудрых судеб Твоих. Христе! | Како Петру убо плащаницами единеми | дал еси разумети Твое воскресение, | Луце же и Клеопе спутешествуя, беседовал еси, | и беседуяй не абие Себе являеши; | тем же и поносим бываеши, | яко един пришельствуяй во Иерусалим, | и не причащаяйся в конец совета их. | Но иже вся к создания пользе строя, | и я же о Тебе пророчествия открыл еси, | и внегда благословиши хлеб, | познался еси им: | их же и прежде того сердца к незнанию Твоему распаластася, | иже и учеником собранным | уже ясно проповедаста Твое воскресение, | им же помилуй нас.

Стихира 6-я. Глас 6. Истинный мир Ты, Христе, | к человеком Божий мир Твой дая по востании учеником, | пристрашны показал еси я, | мнящия дух видети, | но утишил еси мятеж души их, | показавый руце и нозе Твои. | Обаче неверующим, | еще брашен причащением, | и учений воспоминанием, | отверзл еси их ум, | еже разумети писания: | им же и отеческое обетование обежав, | и благословив я, отступил еси на небо: | тем же с ними покланяемся Тебе, | Господи, слава Тебе.

Стихира 7-я. Гласъ 7. Се тма и рано, | и что у гроба, Марие, стоиши, | многую тму имеюши в разуме, | в ней же где положен бысть, вопрошаеши, Иисус; | но вижд срищущася ученики, | како плащаницами и сударем воскресение обретоша, | и помянуша яже о сих писания: | с ними же и кмиже и мы веровавше, | воспеваем Тя Жизнодавца Христа.

Стихира 8-я. Глас 8. Мариины слезы не всуе проливаются тепле, | се бо сподобися и учащих Ангелов, | и видении Самаго Иисуса: | но еще земная мудрствует, | яко жена немощная: | тем же и отсылается не прикасатися Христу. | Но обаче проповедница посылается Твоим учеником, | им же благовествование носящи, | еже ко отеческому жребию восход возвещающие | с нею же сподоби и нас | явления Твоего, Владыко Господи.

Стихира 9-я. Глас 5. Яко в последняя лета, | сущу позде от суббот, | предстал еси другом Христе, | и чудесен чудо извествуеши, | заключенным входом дверным, | еже из мертвых Твое воскресение: | но исполнил еси радости ученики, | и Духа Святаго преподал еси им, | и власть подал еси оставления грехов, и Фомы не оставил еси в неверствия погружатися бури. | Тем же подаждь и нам разум истинный | и оставление прегрешений, | благсутробие Господи.

Стихира 10-я. Глас 6. По еже во ад сошествии, | и еже из мертвых воскресении, | скорбяще, яко же достояще, | о разлучении Твоем, Христе, | ученицы на делание обратишася, | и паки корабли и мрежи, и лова нигде же: | но Ты, Спасе, явився, яко Владыка всех, | одесную мрежи повелеваеши воврещи, | и бысть слово дело вскоре, и множество рыб многое, | и вечеря странная готова на земли. | Ея же, причастившимся тогда Твоим учеником, | и нас ныне мысленно сподоби насладится, | Человеколюбче Господи.

Стихира 11-я. Глас 8. Являя Себе учеником Твоим Спасе, по воскресении, | Симону дал еси овец паству, | залюбве воздаяние, | яже о пастве попечения ища. | Тем же и глаголал еси: | ащэ любиши Мя. Петре, | паси агнцы Моя, | паси овны Моя. | Он же абие показуя друголюбное, | о друзем ученице вопрошаше: | их же молитвами, Христе, | стадо Твое сохраняй от волков губящих е.

Крест начертав Моисей

Отверзу уста моя

Христос рождается, славите

Глубины открыл есть дно

Сушу глубородительную землю

Лицы Израильтестии

Преукрашенная Божественною славою