Повести о покаянии беса
Подготовка текста и комментарии А.В. Пигина
Повесть, κακο един бес прииде в покаяние. Патерик скитский1026
Сказание о вещи славной и повести дивной, еже ислолнитися речению Писания: «Радость бывает велия на небеси ангелом о едином грешнице кающемся».1027 Се бысть истинная радость велия на небеси, еже предлежащая повесть явити хощет, еже обносится писание в патерице Египетском.1028
Бе некий пустыни к в пустыне египетьской, внимая своему спасению. И навык искусно разумети сеть вражию и лесть бесовскую, и вся козни диявольския ни во что же вменяше, бяше совершенно муж смыслен. Сильно есть се слово, сего дело же совершенно. В пустыни, яко во граде, живяше, со зверми водворяяся, понеже мнози зверие к нему прихождаху.
И се паки един дивий зверь, о немже нам слово, нача ходити к нему начасто и вид свой изменяя, хождаше же дней 15. И виде его старец, рече ему: «Рцы ми, зверю, кто еси: зверь ли или дух?» И рече ему зверь: «Дух есмь в виде льва велика». Старец же рече ему: «Да како ты овогда аки зверь являешися, овогда аки лес?» – «Аз есмь трава, и вода, и ветр. Аз есмь птица, и гад, и скот. Аз могу всяк вид пременити и показати, да тя устрашу и прельщу». Рече ему старец: «Аще прельстити, что сотворити с прельщенным до конца?». Рече ему бес: «Аз тя тогда во ад и в муки вечныя, яко пленника, сведу».
И рече ему старец: «А аз тя спасти хощу, дабы ты был паки ангел». И вострепета бес: «Отче, мерзко ми сие речеши. Како могу сие сотворити, и кто может мне покаяние дати?» Рече же ему старец: «Не отпущу тя, Дóндеже покаешися и спасен будеши. Аз за тя Бога умолю и буду знать меру своему спасению. И аще за тя помолю, и будеши ангел. И аз тя вижу чювственныма очима и глас агельский услышу». И рече дух: «Вем, отче авва, добре вем: вся глубина во аде родства огненаго исполнена нам наследовати. И сего, отче, страшуся и трепещу. Безконечная мука и лют тартар уготован нам на осуждение. Сего, авва, страшуся и аз, и кто весть сие. Аще бы было мне покаяние у Бога, всяко бы припал к щедротам Его милосердия».
И рече ему старец: «Ложь еси и во истинне не стоити. Почто речеши? Всяко могу показати: ложь еси и истинны несть в тебе». И рече дух: «Вем, отче авва! Да и того ради начасто к тебе прихожду. Вижу тя совершена в делех и заповедех иноческих». И рече ему старец: «Да можеши ли себя нарещи древняя злоба, и помраченная прелесть, и мерзость запустения?1029 Аще ли ни, то аз тя замучу». Отвеща бес: «Могу, честный старче, и не срамляюся. Не якоже иногда Зерефер лестно, приходя к старцу, искушая, вопрошаше его. Аз же не тако! Но боюся мук во аде, отче, и хотя с чистым помыслом и доброю волею хотя спасения, аще можеши Бога ты умолити о моем окаянстве. Аз есмь древняя злоба! Аз есмь омраченная прелесть! Аз есмь мерзость запустения! Глаголю и не срамляюся, ищу себе помилования от Бога Отца, и единороднаго Сына Его, и всесвятаго и благаго Духа. И не мерско ми есть, но сладко и радостно рещи».
И рече старцу: «Отче авва, хощет мя неприязнь раздрати». И осеняя рукою над главою его старец, и он весь потрясеся, яко дым от ветра. И бысть с небесе яко молния облиста его, и гром бысть. И рече ему старец: «Можеши ли воспети песнь херувимскую1030 ныне?» И рече дух: «Могу, честный отче. Но токмо ты отиди подале, яко полъпоприща,1031 понеже от гласа жив быти не можеши. И уши закрый рукама». И отиде старец полъпоприща, и помысли уши не закрыти, понеже рече: «Он есть дух и тма, аз же есмь свет. Могу стояти».
И воспе песнь «Иже херувими тайно образующе», и прочее сего стиха. И паде старец на землю, не може стояти от гласа ангельска. Отверзоша же ся небеса, и ангели, радующися о покаянии его, летаху по небесем с веселием. И бысть глас на небеси, яко гром вопиюш: «Приимите его в первое достоинство его и дадите ему первую одежду». Егда же отпе стих, тогда помощию Божиею слетеша два ангела и дата криле ему, и белое одеяние снесоша с небесе, и взяша на небо предстояти Святей Троице. Богу нашему слава и ныне вовеки. Аминь.
Повесть дивна, κακο покайся бес и проси у старца креститися
Патерик Синайский, знамение «П», лист 345.1032
Повесть дивна, како покаяся бес и проси у старца креститися
Поведа нам авва Пимин,1033 яко некогда ходящу ему по пустыни, виде беса, стояща при устии реки, всего окровавлена.
«Аз же зрех, что имать быти. Постояв той мало, нача драти власы своя и терзати лице свое. Аз же, постояв мало и приступл, рече ему: «Заклинаю тя именнем Господа нашего Исуса Христа, рцы ми: что ти содеяся?» Он же с плачем глагола: «Отиди от Мене, старче, и не мучи мене. Ибо толику тяжку печаль имам, яковыя, отнележе испадох от небеси, не видех. Колико уязвен бых от Богослова железными веригами Андрея ради1034 и прочих святых, не обретох толики беды, иже в настоящее время подъемлю». Аз же паки рекох: «Рцы ми Господа ради, яко да увем вину печали твоея». Ответа диявол: «Жих тридесять шесть лет в души единаго князя и, елико хотех, тем глумихся, яко мучити и убивати християн сотворих его. По мале же времени прииде некий старец от пустыни, сотвори его веровати Распятому и отрещися отца нашего и всех нас и крести его. Того ради сице и терзаюся, отче. Не вем, како предстану отцу моему». Аз же паки вопросих его: «Еда крещение разрушает все ваши козьни?» Отвеща диявол: «Ей, отче, великий дар от Христа своего приемлют крещением. Прежде бо крещения всяк человек, и грешен, и праведен, наш раб и слуга, и имя его в книгах отца нашего написано. И егда креститца, тогда свобождается от ига рабства нашего и бывает раб Распятому. И приставляется к нему аггел хранити его во дни и в ноши и неприступны нас к нему творит, имый в руку своею пламенный мечь, егоже видевше, вельми страшимся. Имя его из книги отца нашего заглажено бывает невидимою силою Божиею и написуется на небесех в книгах животных».1035
Сия слышах, рече ко дияволу: «Аще сия вся свеси, почто не раскаешися?» Рече диявол: «Не вем, простит ли Бог и приемлет ли Бог мое покаяние. Вем, яко Манасию прости, ниневитяны гнев на милость преложи, и Навуходоносору покаятися сподоби,1036 и разбойников и блудниц не отвержеся прняти, Июду призывая на покаяние.1037 Но токмо сие, отче, смущает мя, яко ни един каяся и творяй добродетели не исходит нашея власьти, аще не первее в купели крестился. Всяко прият был бы пред Господем. Но сего точию не вем, яко дух есть, не могу креститися». Аз же Рех ему: «Ты без плоти согрешил еси, того ради не требе крещения. А имущим первородный Адамль грех и с плотию согрешили – сим требе креститися. Потом же, аще растлят крещение злыми делы, требе плачь и покаяние и прочее. Тебе же треба точию истинно раскаятися. Аз ти поручник буду, яко Бог, видев твое покаяние, простит тя». Той же рече к святому: «Ни, отче, ничем иным невозможно избыти от области отца нашего, аще не крещением. Сего ради, аще можешь, крести мя. Когда аще крещуся, вем, яко свободен буду от князя адскаго».
И егда той изрек, рече ми: «Рцы, отче, молитвы мнози! Се бо скоро братия наша подъемлют мя и ведут ко отцу нашему, тогда лютее мне будет». Аз же рече ему: «Рцы успешнее: Отче наш, Иже еси на небесех».1038 Егда той начат пети слова сия, рече ми: «Отче, некрещении не поют». Аз же рече ему: «Пой со умилением – и узриши славу Божию». И егда той воспет паки, и прилетеша духове, яко галищ множество,1039 возопиша: «Наш еси! Почто чюжаго отца прославляеши?» Той же единою поя, ни очима на них взирая. И видех: снидоша от восток два аггела и реша ему: «Уже молитвами сего святаго старца Бог прият твое раскаяние». И возложи на нь ризы белы, и пояс, и крылие, и венец на главу его возложиша, и возопиша: «Аллилуйя!» И вознесошася на небо.
Аз же возопих: «Слава в вышних Богу!»1040 И падох на землю, благодаря Бога. И, востав, иде в монастырь и поведа игумену. И возва братию, повеле ми пред всеми глаголати. Аз же поведах, и вси плакаху, прославиша милосердие Божие, приемше покаяние дияволе».
* * *
Патерик Скитский – один из переводных греческих патериков, в основе которого лежит систематическое собрание «Изречений отцов», где все патериковые рассказы и изречения разделены на главы, представляющие главнейшие монашеские добродетели. С XV в. в древнерусской письменности название «Скитский патерик» применялось также к составленному в Болгарии в XIV в. Сводному патерику и другим патерикам, являясь по сути термином родовым (см.: Николаев Н. И. Патерик Скитский // Словарь книжников и книжности Древней Руси. Л., 1987. Вып. 1: XI–первая половина XIV в. С. 321–325). Автор повести вряд ли имел в виду какой-то конкретный патерик, а лишь использовал популярное в рукописной книжности название (ниже он называет этот патерик «Египетским»).
...в патерице Египетском. – Переведенный с греческого языка сборник патериковых рассказов, возникших в среде ближневосточного, прежде всего египетского, монашества IV–V вв. Патерик включает несколько произведений: «Историю египетских монахов», «О народах Индии и брахманах», «Лавсаик» Палладия Еленопольского, извлечение из алфавитной части «Изречений святых старцев» и др. (см.: Николаев Н. И. Патерик Египетский // Там же. С. 302–308).
«Мерзость запустения» – см. Дан.9:27, 11:31, 12:11; Мф.24:15; Мк.13:14.
...песнь херувимскую... – Церковное песнопение «Иже херувимы тайно образующе...», которое поется на литургии во время Великого входа духовенства, когда Святые Дары переносятся с жертвенника на престол.
...полпоприща... – Поприще – старинная мера длины, около полутора километров.
Патерик Синайский, знамение «П», лист 345. – Синайский патерик – переведенный с греческого языка сборник рассказов, посвященных подвигам синайских и палестинских монахов, основу которого составляет «Луг духовный» Иоанна Мосха (VII в.) (см.: Николаев Н. И. Патерик Синайский //Там же. С. 316–321). Приведенное далее уточнение – «знамение «П«» – является указанием на какой-то сборник, в котором рассказы сгруппированы по именам подвижников, расположенным по алфавиту (в повести старец носит имя «Пимин»). Наиболее известным сборником такого типа был Азбучный патерик, составленный соловецким книжником Сергием Шелониным в 1630–1640-е гт. и изданный старообрядцами в 1791 г. в Супрасле. Весьма вероятно, что ссылка на «знамение «П«» в заглавии повести появилась под влиянием именно Азбучного патерика, который «находился в сфере внимания старообрядцев» (Вознесенский А. В. Старообрядческие издания ХVIII–начала XIX в. Введение в изучение. СПб., 1996. С. 111). Указание конкретного листа («лист 345») заманчиво прочитать как отсылку к какому-то конкретному сборнику, созданному по образцу Азбучного патерика, хотя и возможно, что оно, как и в целом вся первая часть названия повести, является обычной для поздней старообрядческой традиции мистификацией.
авва Пимин... – Персонажами древних патериковых сказаний являются два святых с этим именем: Пимен Великий (египетский) (27 августа) и Пимен Палестинский (27 августа) Рассказы о них входят, в частности, в состав популярного у старообрядцев Азбучного патерика (Супрасль, 1791. Л. 416 об.–436 об., л. 487–487 об.), но ничего общего с содержанием публикуемой повести не имеют.
Колико уязвен бых от Богослова железными веригами Андрея ради – Данный эпизод отсылает к «Житию Андрея Цареградского» – византийскому памятнику X в., известному в Древней Руси уже в домонгольский период, повествующему о подвигах Андрея Юродивого, с именем которого связан праздник Покрова. Однажды ночью к св. Андрею «приде... очивесть дьявол с многы бесы, держаи секиру, а они друзеи – ножи, друзи – дрво, и колье, и меца, и копья...» Явившийся по молитве Андрея Иоанн Богослов (один из 12 апостолов, автор четвертого Евангелия, трех Посланий и Откровения) снял с шеи святого железные вериги и наказал ими по очереди всех бесов: одному из них он нанес «ран 100, и вопияше же яко человек: помилуй мя! Посем пакы протягоша другаго дмона, и бьен бы и т такоже. ( ...) Протягоша же и третьяго, да и ть толико же претерпе. (...) Поряду же бивше всих….» (Молдован А. М. Житие Андрея Юродивого в славянской письменности М., 2000. С. 170–171; этот же рассказ читается в «Прологе» под 3 октября).
…в книгах животных. – Т. е. в «книгах жизни», куда, по воззрениям средневековых христиан, ангелы на небесах заносят человеческие деяния.
Вем, яко Манасию прости, ниневитяны гнев на милость преложи, и Навуходоносору покаятися сподоби... – Манассия – царь Иудейский, о котором повествуется в Четвертой книге Царств и во Второй книге Паралипоменон. Во времена его правления в Иудее возродилось идолопоклонство, проливалась кровь невинных людей. Попав в плен к ассирийцам. Манассия глубоко раскаялся в своем нечестии, после чего Бог простил его и возвратил в Иерусалим на царство (2Пар.33:1–13). Ниневитяне – жители Ниневии, «великого города» Ассирийского царства Согласно Книге пророка Ионы, ниневитяне вели нечестивый образ жизни, и злодеяния их дошли до Господа. Под влиянием проповеди посланного в Ниневию Господом пророка Ионы горожане «обратились от злого пути своего». Бог помиловал город и отвратил от него «пылающий гнев Свой» (Ион.3:8–10). Навуходоносор – царь Вавилонский, завоеватель Иерусалима, на службе у которого состоял пророк Даниил, разгадавший его вещие сны. За гордыню и беззаконие Бог покарал Навуходоносора: царь утратил разум, был лишен власти, отлучен от людей, обитал с полевыми зверями и питался травой. Когда же прошло «семь времен», Навуходоносор прославил Всевышнего, вернувшего ему после этого разум, царство, «сановитость и прежний вид» (Дан.4:31–34) Примечательно, что эти примеры покаяния в Библии приводятся в речи беса. Автор повести, следовательно. хорошо знал легенды, в которых бесы выступают книгочеями и знатоками Священного Писания.
Июду призывая на покаяние. – Иуда Искариот – один из 12 апостолов, предатель Иисуса Христа. В канонических евангелиях этот мотив отсутствует, хотя все сказанное Иуде Христом «клонилось только к назиданию и исправлению предателя» (Толковая Библия, или Комментарий на все книги Св. Писания Ветхого и Нового Завета / Изд. преемников А. П. Лопухина СПб., 1911 Т. 8: Евангелие от Матфея. С. 443). Размышления о возможности покаяния Иуды больше характерны для апокрифической и «народной· экзегетики; ср., например: «Иуда был учеником Господа. И он Господа продал за трицать сребреников. (...) И то Госпоть сказал: кабы он исповедалсы ото всей души, дак иму бы прощенье было, а он нет» («Народная Библия» Восточнославянские этиологические легенды / Сост. и коммент. О. В. Беловой. М., 2004 С. 343–344).
Отче наш, Иже еси на небесех. – Одна из главных христианских молитв, которую сам Христос дал своим ученикам (Мф.6:9–13; Лк.11:2–4).
...и прилетеша духове, яко галищ множество...– По славянским воззрениям, галка является «нечистой» птицей; образы галок принимают бесы, когда являются за душой грешника (см.: Гура А. В. Символика животных в славянской народной традиции. М., 1997. С. 532–534).
«Слава в вышних Богу!» – начало песни, пропетой небесным воинством после рождения Иисуса Христа (Лк.2:14). Этими словами начинается Великое славословие, которое исполняется в церкви на утрене.