Драматургия

Благороднии, благочестивии,

государие премилостивии!

Не тако слово в памяти держится,

якоже аще что делом явится.

Христову притчю действом проявити

зде умыслихом и чином¹⁶⁵¹ вершити.

О блудном сыне вся речь будет наша,

аки вещь живу, узрит милость ваша.

Всю на шесть частей притчю разделихом,

по всяцей оных нечто примесихом

Утехи ради,¹⁶⁵² ибо все стужает¹⁶⁵³,

еже едино без премен бывает.

Изволте убо милость си явити,

очеса и слух к действу приклонити:

Тако бо сладость будет обретенна,

не токмо сердцам, но душам спасенна.

Велию ползу может притча дати,

токмо изволте прилежно внимати.

Изыдет Отец со двома сынома и со многими слуги и начнет глаголати.

Отец глаголет к сынома:

Благословен Бог отныне до века,

иже от земля созда человека!

Ему честь, слава во вся веки буди,

яко преблаго своя править люди!

Всех есть Промыслник¹⁶⁵⁴, ихже есть Создатель,

во благо время всех живых Питатель.

Кто несуменно в него уповает,

того никако Господь оставляет.

Сам искусих се во всяцей потребе,

егда уповах на живуща в небе.

Он мою юность добре есть управил,

на живот честный в мире мя наставил;

Он ми науку дал и разум благий;

даде богатства Господь мой предрагий.

К тому изволил з своей благодати

вас на утеху, сынов, мне подати.

Имже богатства в наследства премнога

суть ми врученна от всещедра Бога;

Всех благ доволно: отчин, сребра, злата,

мнози раби суть и красна полата.

Токмо есть требе Бога вам хвалити,

в любви и правде ему послужити.

Благодарствие в сердцах ваших буди,

милость храните на нищыя люди;

Мир, смирение, кротость сохраняйте;

всякия злобы от вас отревайте¹⁶⁵⁵,

Мудрость стяжите, правда буди с вами,

лжя не изиди вашими устами.

С честными людми дружество держите,

прелюбытворцев¹⁶⁵⁶ далече бежите.

Бежите всех злых, яко люта змия.

вся заповеди сохраните сия.

Тако изволит Бог благословити

вас и даст многа в мире лета жити.

Аз уже стар есмь, смерти ожидаю,

помощи от вас при кончине чаю.

Все вам вручаю, токмо мене чтите,

между собою мир, любовь храните.

Сын старший глаголет к отцу:

Отче мой драгий! Отче любезнейший!

Аз есмь по вся дни раб ти смиреннейший.

Не смерти скоро аз желаю тебе,

но лет премногих, як самому себе.¹⁶⁵⁷

Честнии руце твои лобызаю,

честь воздаяти должну обещаю.

Уст твоих слово в сердци моем выну

сохраню, яко подобает сыну.

На твое лице хощу выну зрети,

всю мою радость о тебе имети.

Во ничто злато и сребро вменяю¹⁶⁵⁸,

паче сокровищ тебе почитаю.

С тобою самым¹⁶⁵⁹ изволяю жити,

неже всем златом обогащен быти.

Ты моя радость, ты ми совет благий,

ты моя слава, отче мой предрагий!

Вижду аз светло, како нас любиши,

егда твоих благ общники твориши.

Несм аз достоин тоя благодати,

за твой труд и нам Бог то волит¹⁶⁶⁰ дати,

Благодарствие убо возсылаю

Богу, а твои руце лобызаю.

Любо приемля благословение,

обещая ти повиновение,

Желаю выну аз с тобою быти,

в обоем¹⁶⁶¹ щасти с отцем моим жити.

Всякия труды готов подимати,

отчия воли прилежно слушати.

Весь аз твой раб есмь, рад выну служити,

в послушании живот мой кончити.

Отец к сыну старейшему:

Буди на тебе благословение

Бога всесилна за то смирение!

Ты обещался с нами пребывати,

Бог имать на тя милость излияти.

Сын юнейший к отцу:

Радости наша, сынов твоих славо,

между пречестных честнейшая главо,

Отче любезный, нам даный от Бога,

живи в радости здрав на лета многа!

Благодарствие тебе возсылаем

за милость, юже днесь от тебе знаем,

Мудрость словес ти любезно прияхом,

в скрижалех сердец наших написахом.

Еже велиши, того мы желаем;

а Бог поможет, тако уповаем.

Поучаеши нас благо пожити

и славу рода нашего множити, –

Вседушно того аз, сын твой, желаю,

попечение о том полагаю.

Брат мой любезный избра в дому жити.

славу в пределех малых заключити.

Бог ему в помощ при твоей старости

изжити лета красныя юности!

Вящшая мой ум в ползу промышляет,

славу ти в мир весь простерти желает.

Идеже восток и где запад солнца,

славен явлюся во вся мира конца.

От мене дому разширится слава,

и радость примет отчая ти глава.

Точию изволь милость си явити,

уму моему помощ сотворити.

Вся нам даеши, несть требе толико,

часть мне достоину отдаждь, мой владыко,

Еюже имам много пристяжати¹⁶⁶²,

всякая страна имать нас познати.

Свещи под спудом не лепо стояти,¹⁶⁶³

с солнцем аз хощу тещи и сияти.

Заключение видит ми ся быти, –

в отчинной стране юность погубити.

Бог волю дал есть: се птицы летают,

зверие в лесах волно пребывают.

И ты мне, отче, изволь волю дати,

разумну сущу, весь мир посещати.

Твоя то слава и мне слава будет,

до конца мира всяк нас не забудет.

А егда даст Бог везде посетити,

воскоре имам в дом ся возвратити

В славе и чести, – тогда радость тебе

будет на земли и аггелом в небе.

Не медли, отче! Часть ми изволь дати,

благословенство свое излияти.

Путь бо мой близ есть, мысль моя готова,

токмо от тебе жду отческа слова.

Даждь ми десницу твою целовати,

абие хощу путь мой начинати.

Отец к сыну юнейшему:

Добро есть славы, сыне мой, искати,

чуждыя страны с умом посещати,

За славу люди главу полагают,

морския волны с бедством преплавают.

Но то удобно таковым творити,

иже начата славно в дому жити.

Не хощу тебе аз воли отяти,

юже всякому Бог изволил дати;

Точию в дому вящше приучися,

странству¹⁶⁶⁴ удобен пред нами явися.

Сын юнейший к отцу:

Отче любезный, время мне губиши,

аще един день мене удержиши.

Пусти мя, егда охотно желаю:

славно ти будет, верно обещаю.

Что стяжу¹⁶⁶⁵ в дому? Чему изучуся?

Лучше в странствии умом сбогачуся.

Юньших от мене отци посылают

в чюждыя страны, потом ся не кают.

Не держи, отче, молю со слезами!

Се пред твоими падаю ногами.

Отец к юнейшему сыну:

Печаль ми, чадо, велику твориши,

егда у мене отпуста¹⁶⁶⁶ молиши.

Вижду тя не у¹⁶⁶⁷ добре изученна,

юности воля сия несть спасенна.

Но да увеси, коль добро слушати,

шествуй со Богом, не хощу держати.

Часть ти достойну всех добр отлагаю

храни опасно, тощно¹⁶⁶⁸ увещаю.

Отец же к рабом:

Раби вернии! Злато несите,

многоценныя одежды дадите,

Много колесниц сребром наполняйте,

турския кони уборно¹⁶⁶⁹ седлайте.

Слуга к отцу:

Государю наш! Се на твоя слова

злато, одежды и вся суть готова.

Отец к сыну блудному:

Приемли, чадо, то благословение,

точию твори доброе строение¹⁶⁷⁰.

Сын блудный к отцу:

Целую руце твое, родителю!

Любо приемлю вся, благодетелю!

Отец к рабом:

Возы и кони на дворе ставляйте,

вся потребная в путь уготовляйте.

Раб к отцу:

Вся совершенна, ни мало медлихом,

по твоей воли дело совершихом.

Отец к сыну блудному:

Се, чадо мое, тя обогащаю,

по твоей воли тебе отпущаю

И подаю ти благословение:

имей о себе сам попечение.

Сын блудный к отцу:

Отче любезны! Се ти челом бию,

под твое нозе преклоняю выю¹⁶⁷¹,

Благодаря тя за вся благодати,

яже ми еси изволил подати.

Любо целую благословение,

с ним рад приемлю путетворение.

Сын блудный ко брату:

И тебе, брате любезный, лобзаю,

милости вашей сам ся поручаю.

В молитвах ваших мене поминайте,

крове своея не пренебрегайте.

Аз уже иду, вы мя проводите,

с благословенством в путь мя отпустите.

Сын старей ко брату:

Щасливый путь ти от Господа буди!

Везде мя, молю, брате, не забуди.

Аз хощу выну любовь сохранити,

се иду со отцем тебе проводити.

И пойдут вси за завесу. Певцы поют, и будет intermedium¹⁶⁷².

Изыдет Блудный сын с немноги слугами и глаголет:

Хвалю имя Господне, светло прославляю,

яко свободна себе ныне созерцаю.

Бех у отца моего, яко раб плененный,

во пределех домовых, як в турме¹⁶⁷³ замкненный.

Ничто бяше свободно по воли творити:

ждах обеда, вечери, хотяй ясти, пити;

Не свободно играти, в гости не пущано,

а на красная лица зрети запрещано.

Во всяком деле указ, без того ничтоже.

Ах! Колика неволя, о мой святый Боже!

Отец, яко мучитель, сына си томляше,

ничесоже творити по воли даяше.

Ныне, слава Богови, от уз свободихся,

егда в чуждую страну едва отмолихся.

Яко птенец из клетки на свет изпущенный,

желаю погуляти, тем быти блаженный.

Богатство имам много и доволно хлеба,

несть кому его ясти, слуг болши потреба.

Аще ся кто обрящет охотник служити,

имам сладце питати и ценно¹⁶⁷⁴ платити.

Слуга Блуднаго:

Милостивый государю, аз хощу искати

таковых, иже тебе будут работати.

Блудный:

Друг ми будеши, не раб, егда со слугами

многими немедленно станеши пред нами.

Возми на путь сто рублев, за труды другое;

егда возвратишися, дам ти еще втрое.

Слуга:

Аз иду; ты, государь, изволь ожидати,

имам ти со слугами абие предстати.

Слуга за завесу, а Блудный сядет на столце¹⁶⁷⁵ и к слугам глаголет:

Не добро богатому мало слуг имети.

С ким имам ясти, пити? Кто нам будет пети?

Прискорбно ми есть без слуг. Вина чашу дайте,

сами по десяти чаш полных испивайте.

Он будет пити, и слуги, наполнивши, держат в руках, и един от них глаголет:

Те чаши испиваем мы за тебе, света.

Буди, государь наш, здрав на многа лета!

Зде, пивше, запоют: «На многа лета!»

В то время приидет Слуга, искавый новых слуг, с многими слугами и речет:

Радуйся, государю! Светло веселися!

Се раб твой со многими слуги возвратися.

Блудный:

Добре, о благий рабе! Прими себе за то,

якоже обещах ти, сребро или злато.

Но повеждь ми, что сии искусни творити?

Аз готов комуждо сто рублев платити.

Слуга, искавый слуг, глаголет:

За мзды воздаяние ручку ти целую,

о сих людех искусных верно извествую,

Яко вси суть потребни в пути, в людех, в дому:

пити, ясти, шутити обычай всякому.

Блудный:

Ха! ха! ха! ха! Ха! ха! ха! То добрии люди.

Слыш! Даждь им по сту рублев. Дай же, не забуди!

Слуга новый глаголет:

Преблагий государю! За то ся кланаем¹⁶⁷⁶,

а во услугах наших верность обещаем.

Блудный:

Добре, слузи вернии! Ну ж возвеселимся!

Общая днесь нам радость, вином прохладимся.

Сядите, слузи мои! Вина наливайте,

а за наше здравие до дна испивайте!

Кто из вас в зерни¹⁶⁷⁷ умеет, той сяди со мною;

прочий в карты, в тавлеи¹⁶⁷⁸ играйте с собою;

Аще кто проиграется, та на мне утрата;

а кто добре выйграет, за труд гривна злата.

Слуга зернщик:

Аз бывах искусен зернию играти,

с тобою, государь, не хощу дерзати.

Блудный:

Сяди, брате, со мною, дерзай, як у брата;

аще обыграеши, сто рублев заплата.

А вы, прочий друзи, весело играйте,

мои богатства вземше, смело пройгравайте.

И тако сядут играти, и будут похищати добро Блуднаго и проигравати, а Блудный речет к зернщику:

Добре играеши, се сто рублев тебе;

но щастия ради напиймыся себе.

И напиются.

Зернщик:

Еще ли, государь, изволишь играти?

Блудный:

Подвеселил есм себе, лучше пойду спати.

Зернщик к прочиим играющим

Востаните, братие, добре послужите,

государя своего на постель ведите.

Един от игравших речет

Встаним, друзи, и пойдем: время почивати,

уже благодетель наш изволил престати.

И тако Блудный сын пойдет, сланяяся, а за ним вси. Певцы поют, и буди intermedium.

Изыдет Блудный сын похмелен, слуги различно утешают; он обнищает.

Блудный:

Чуждуся¹⁶⁷⁹ зело, векую¹⁶⁸⁰ болит глава, –

постель бе мякка, не твердая лава¹⁶⁸¹.

К тому не помню, како положихея.

Негли¹⁶⁸² та вина¹⁶⁸³, яко утрудихея,

Вчера играя? А крепко стужает¹⁶⁸⁴

болезнь, даже мир весь ся обращает¹⁶⁸⁵.

Пил есмь опасно¹⁶⁸⁶, а вем, что причина

прилежный промысл¹⁶⁸⁷, о чести кручина.

Но, даст Бог, будет все по мысли нашей,

вземшу искус¹⁶⁸⁸ благ мне о службе вашей.

Слуга 1:

Государю наш, тому не чюдися:

младый нрав, пити не научися.

Аз есмь искусен, вем, како лечити:

изволь скляницу¹⁶⁸⁹ днесь вина испити.

О чести всуе трудиши ти главу,

наш лик¹⁶⁹⁰ разширит везде твою славу.

Блудный:

Здравый совет твой. Вина мне дадите,

себе по чаше того ж наполните.

Пиет, глаголя:

Будите здрави, любезнии друзи!

2 слуга отвещает:

Пий на много лет! Мы ти верни слузи.

Пети: «На многа лета».

Блудный:

Бог ти заплати за твой совет здравый!

Вем у6¹⁶⁹¹лекарство от болезни главы.

Еще на печаль кто врачество знает?

Молю, мне службу в том да изявляет.

Слуга 3:

Утехою печаль обычно лечити,

сладкоигрателем вели приходити.

Блудный:

Сам пригласи их скоро, да играют,

и певцы купно сладце воспевают.

Зде будут играти и пети, потом глаголет

Блудный:

Правда, утешно и сладце играют,

и гласы певцов зело украшают.

Достойны мзды суть, даждь им, ел у го, злата,

да утешит их многая заплата.

4 слуга, казначей:

Государю мой, злато расточися¹⁶⁹²,

все сокровище уже истощися;

Не на свирели денег есть потреба,

было бы за что утро купить хлеба.

Блудный:

Не буди скорбен, сии мои слузи

дадут нам взаим, як добрии друзи;

А мусикием¹⁶⁹³ отдаждь ту одежду.

Имам аз в друзех известну надежду.

Отдав одежду верхнюю, останет в единой, что видя,

5 слуга глаголет:

Государю наш, хлеб твой понуждает,

да гортань моя правду ти вещает.

Господь и мешок – то приятель правы,

людская приязнь токмо для забавы.

Не дам ти взаим, не хощу служити,

не имаши бо чим нам заплатити.

Слуга 6 глаголет:

И аз не мышлю болше работати,

не можеши мя без злата наяти¹⁶⁹⁴.

И за сей месяц изволь ми платити,

не хощу к тому¹⁶⁹⁵ аз с тобою быти.

Слуга 7:

Рад бых аз служил верно твоей славе,

аще бы еси имел разум в главе.

Злато и разум слуги собирает;

кто буй¹⁶⁹⁶, то трое купно погубляет.

Доволно служих, заплаты не чаю,

темже¹⁶⁹⁷ от тебе днесь ся отдаляю;

А что заслужих, изволь ми отдати,

аще не даси, буду награждати.

Слуга 8:

Не надеяхомся мы того по тебе,

егда призвал еси нас служити себе.

Много обещався, ни мало платиши,

тем нас на услугах своих не узриши.

Слуга 9:

Кто сладко яст, пиет, вскоре обнищает,

то нам Священное Писмо¹⁶⁹⁸ извещает.

Кто отцу преслушник, не послушен Богу,

за то тя обыдут¹⁶⁹⁹ скорби попремногу.

Не слузи мы тебе, сам будешь служити,

токмо бы кто хлебом изволил кормити.

Слуга 10:

Государю наш, челом бием тебе

за хлеб и за соль, а слуг ищи себе;

Мы прочь отходим, пьяницу лишаем¹⁷⁰⁰,

за свои труды сами мзду воздаем.

Он же глаголет ко клевретом¹⁷⁰¹

Чего, братия, у него нам ждати?

Что потом за труд возможем прияти?

Емлим¹⁷⁰² останки, сам да погибает,

како впред жити, юноша да знает.

Зде вси крикнут: «Емлим, емлим, емлим!» и расхитят останки.

Един же от них, сиречь Слуга 10, глаголет:

Еще тебе милость сию сотворяем,

яко тя, безумна, в живых оставляем.

Моли Бога за нас, не являй никому,

возвратися скоро к отцу до дому.

И отходят вси.

Блудный:

Увы мне! Увы мне! Что се сотвориша?

Вся вземше, едва мя жива оставиша.

Что сотворю? Пойду, велю их имати¹⁷⁰³,

еда¹⁷⁰⁴ что сокровищ возмогу сыскати.

И отходит, плачя. Пение, емуже последует intermedium.

Изыдет Блудный гладен, продает последнюю одежду, облекается в рубище, службы

ищет, пристает к господину, посылается свиния пасти, пасет, яст со свиниами,

свинию погубил, биен; ищет и, плача, глаголет: «Коль много хлба у отца моего»

и проч.

Блудный:

Горе мне, бедну! Горе окаянну,

сущу безкровну¹⁷⁰⁵, безпомощну, странну!

Людие злыи вся ми расхитиша,

ниже на пищу мало оставиша.

Глад стражду велий. Кто мя напитает?

Во стране чюждей никто мя не знает.

Едина токмо оста ми одежда,

на ту о хлебе последня надежда.

Изыде Купчин, имея свиту и хлеб, и глаголет:

Что ти, юноше? Кая печаль тебе?

Не сумнив буди, а мужайся себе.

Блудный:

Добрый человече! Кая ми отрада?

Вчера богат бех, днесь гибну от глада.

Купчин:

Глад мощно хлебом скоро утолити,

аз продам хлеба, изволи купити;

За ту одежду хлеб ти продаваю

и мою ризу свыше прилагаю.

Блудный:

Бог тя даде ми, человече благий!

Гладну ми сущу, хлеб зело не драгий.

На моя риза, изволь свою дати,

нужда ми зелна урок чреву дати.

Ту заменят ризы и, хлеб отдая, Купчин глаголет:

Яждь во здравие, хлебом насытися,

а чрева ради трудом приложися.

Аще хощеши верно послужити,

имам тя добрым людем предявити.

Вем человека богатаго зело,

тому на службу предадися смело.

Блудный:

Аггел ми еси, свято твое слово:

се мое сердце служити готово.

Ту изыдет Человек богатый и глаголет к Купчину и Блудному:

Откуду людие и что дело ваше,

яко встретение случистеся наше?

Купчин:

Аз куплю дею¹⁷⁰⁶ и тем ся питаю,

аще в товарех прибыль обретаю.

Сей же клеврет¹⁷⁰⁷ мой хощет работати,

аще изволить кто его наяти.

Господин:

Аще есть верен, не должен никому,

приму служити до моего дому.

И обращся к Блудному и речет:

Слышь, человече! Хощеш ли служити

и во всем верен господину быти?

Блудный:

Рад, государю, тебе работати

и во всем верность мою сохраняти.

Господин:

Даждь же ми руку на праведном слове,

да будешь крепок нам по сей умове¹⁷⁰⁸.

Блудный:

И обе руце рад ти простираю,

яко охочо тебе работаю.

Господин:

Се уже крепок раб ми сотворися,

в дом мой на труды абие потщися.

Но веждь обычай, яко аз никому

в начале службы честны не дам в дому.

Иди на село; что велят, трудися,

на честну службу прежде заслужися.

Покажи руце, да могу познати,

в кую тя службу подобает дати.

Посмотрев на руце и пощупав, паки глаголет:

О, несть мозолей, зело мягки длани!

Бодрствуй отселе, лености престани.

Слышиш, прикажчик! На село возмите,

а свини пасти ему прикажите.

Прикажчик:

Добро, государь мой! Творю веление,

прикажу ему свиней пасение.

Господин идет за завесу, а Прикажчик глаголет:

Ходи к свинарем, паси купно с ними,

сия сапожки из ног твоих сними.

Премени кафтан, в хуждший облецися,

свиней погубити опасно¹⁷⁰⁹ блюдися.

Зде ин свинопас изыдет, гоня прасята, к нему же глаголет:

Слыши ты, малче! Се товарищ тебе,

свиней сгубити блюдитеся себе.

Аз имам вскоре к вам ся возвратити

и по заслугам обема платити.

Пастух к Блудному:

Ну, друже милый! Корито с рожцами¹⁷¹⁰

принеси семо, поставь пред свинями.

А Блудный принесет и речет

И аз есми гладей, а несть ми что ясти,

рожци ми будут за всякия сласти.

Тогда яст, а Пастух свиния присадит до корита; он же разгневася, ударит свиния,да разбегутся

Пастух:

Что делаеши? Свини отгоняешь?

Всуе от рожцев оны отбиваешь,

Се побегоша, аще погубиши,

язвами хребта бедне¹⁷¹¹ заплатиши.

Тут приходит Прикажчик:

Малци! Что у вас добраго ся деет?

Труд ваш о стаде еда добре¹⁷¹² спеет?

Пастух:

Государю мой! Винни пред тобою,

враг се, а не друг у свиний со мною:

Сам рожци ял есть, и свини разгнаше,

аз не вем, стадо где поутекаше.

Прикажчик:

Возмите врага, плетьми разсечите,

а потом свиней прилежно ищите.

Поведут за завесу Блуднаго и биют плетьми, он кричит: «Государь, пощади!»,

а Прикажчик глаголет:

Бий врага добре, да весть свое дело,

да пасет бодро, хранит стадо цело.

И крикнет: «Полно бити, час пустити!» Ту приведут Блуднаго убита¹⁷¹³, к нему же речет Прикажчик:

Ищи свиней, враже! Блюдись погубити,

ибо до смерти велю тя убити.

И отходит Прикащик, а Блудный глаголет:

Увы мне! Увы! Что имам творити?

Свини погубих, хотят мя убити.

Гладом и хладом веема помираю

и бичми люте посечен бываю.

О коль бе благо в дому отчим быти,

нежели в страны чюждыя ходити!

Хлеб наемник тамо избывает¹⁷¹⁴,

а мое чрево гладом погибает.

Пойду ко отцу, до ног поклонюся,

глаголя сице, пред ним умилюся:

«Отче! Согреших на небо и к тебе,

прими мя поне¹⁷¹⁵ в наемника себе;

Несмь бо достоин сын твой нарещися».

О даждь ми, Боже, к отцу довлещися!¹⁷¹⁶

И поидет за завесу. Ту пение и intermedium, по нем пение паки.

Изыдет отец Блуднаго сына, печаляся о сыне; сын возвращается и проч.

Отец Блуднаго:

Туга¹⁷¹⁷ велика сердце ми смущает,

лютая печаль душу исполняет.

Не вем, где сын мой юнший обратися¹⁷¹⁸,

иже от мене древле удалися.

Жив или умре, никто же вещает,

отчее сердце толма¹⁷¹⁹ умирает.

Сыне мой драгий! Сыне возлюбленный!

Коль ты от мене еси удаленный!

Кая тя страна, сыне мой, питает?

Кто тя на разум правый наставляет?

Кто тя утешит, во печали суща,

никого сродна¹⁷²⁰ в тых странах имуща?

Кто бы ми дал то сына созерцати,

хотя бы нага в дом мой восприяти!

В е с т н и к:

Радуйся, государь наш, и возвеселися!

Сын твой, иже погибл бе, к тебе приближися.

По благодати Божей возвратися цело,

токмо не скорбен буди, что обнища зело.

Отец:

Нага от Бога приях того сына;

аще и днесь наг, то мне не кручина.

Кто его виде, идете, сретайте,

мне о приходе абие вещайте.

Пойдут неции слузи, и абие другий вестник.

В е с т н и к другий глаголет:

Во вратех сын твой идет со слезами,

встыдится люте¹⁷²¹ худыми ризами.

Ту покажется Блудный от завес, а Вестник речет:

Се идет в двери,

что не даш веры?

Отец двигнется далече и, напад на выю сыновню, целует и глаголет:

Сыне мой милы, отнюд нечаянный¹⁷²²,

днесь паки Богом ты ми дарованный!

Блудный:

Согреших, отче, на небо и к тебе,

прими мя поне в наемника себе.

Несмь у достоин сын твой нарещися,

ты яко отец умилостивися.

Отец к рабом:

Одежду перву сыну изнесите,

честно на плеща его возложите.

И одеют его.

Отец:

Дадите перстень, на руку взлагайте,

первую почесть ему сотворяйте.

Взложат перстень и поклонятся.

Отец:

Сапоги дайте и взуйте на нозе,

вижду и, яко бяше в скорби мнозе.

Обуют и поклонятся.

Отец:

Идите, телца тучна заколите,

со мною ядше, вси ся веселите,

Яко сын мой сей, иже мертв вменися,

се, слава Богу, жив к нам возвратися.

Иже погибл бе, обретеся ныне.

Возвеселися всяк о моем сыне!

Пойдут за завесу, и тогда играют органы и прочая, и поют мало, токмо един слуга на феатре останет, котораго, пришед, Сын старший вопрошает

Сын старей к слузе:

Слушай, отроче! Кия в дому лики?

Кая пения и пир превеликий?

Отрок:¹⁷²³

Брат твой прииде, а отец заклати

повеле телца и всим ликовати,

Яко жив и здрав к нему возвратися,

ащегвсех благих вконец отщетися¹⁷²⁴.

Сын старей:

Аще брат в дому, аз не хощу внити,

при нем и с отцем мне отнюд не жити.

Отрок:

Государю наш, изволь зде пождати,

аз отцу тайно имам весть подати.

Пойдет отрок за завесу. Отец, изшед к сыну старшему, молит:

Сыне мой прелюбезный! Гневен ми не буди,

вниди в дом, обрадуй мя, и брата, и люди.

Сын старей к отцу:

Отче мой драгий! Аз ти работаю

толика лета и не преступаю

Воли твоея, а ты мне заклати

никогда даде и мала козляти,

Дабы со други мне пир сотворити,

по трудех мало ся возвеселити.

А егда сей в дом сын твой возвратися,

иже имений даных отщетися,

Ядый с блудницы, ты велел заклати

телца питанна и пир совершати.

Отец к сыну старейшу

Сладкое чадо! Ты всегда со мною

неотлученно и аз есьмь с тобою;

Моя твоя суть, вся свободна тебе,

вели заклати, что изволишь себе,

Токмо радуйся и возвеселися,

яко сей брат твой к нама возвратися,

Иже мертв бяше, а жив соблюдеся;

уже изгибл бе и днесь обретеся.

Вниди в радости в веселу полату,

прояви любовь обретенну брату.

Сын старей к отцу

Не хощу ти, отче, преслушником быти,

иду аз с тобою любовь сотворити.

И пойдут за завесу. Ту пение и лики, по сем intermedium, паки пение.

Изыдет Блудный одеян и честен, хвалит Бога, яко возвратися

Боже превечный! Буди слава тебе,

егоже хвалят аггели на небе!

Вся тварь да поет имени твоему,

да творит почесть Господу своему,

Яко премудре вся устроил еси,

яже на земли и что на небеси.

Мерилом правым вся суть размеренна,

вся по естеству в чине¹⁷²⁵ положенна.

Горе¹⁷²⁶ прекрасно светила сияют,

землю пространну плоды украшают;

Рибами море зело исполнися,

воздух птицами красно удобрися.

Но изряднее род наш украшенны,

образом твоим зело удобренны,

Егоже кто весть добре почитати,

удобен¹⁷²⁷ в небе венец восприяти.

Аз же, сын блудный, зде обезчестихся,

образу тому позорник¹⁷²⁸ явихся,

Егда, не слушав отчя веления,

низвергох иго его правления.

Идох в чюждыя далекия страны,

погубих блудно мне пожиток¹⁷²⁹ даны,

Обнищах вконец, пасох свиней стада

и рожцы ядох свиныя от глада.

А что пострадах, стыждуся являти:

то поминая, должен есмь плакати.

Наипаче долг мой есть Бога хвалити,

что мя изволил на путь наставити,

Да, раскаявся, к отцу возвращуся,

горкими слезы пред ним умилюся.

То ми сотворшу, отец мой преблагий

не устыдися, яко придох нагий:

Приях любезно над мою надежду¹⁷³⁰,

в древнюю мене облече одежду,

Паки изволил мя обогатити,

во преждней чести в дому своем быти.

О коль велика, отче, любовь твоя!

Недостойна бе тоя грубость моя.

О, что воздам ти, отче мой сладчайший,

над всяку цену¹⁷³¹ отче мой дражайший!

Ты мя восприят в гноище верженна¹⁷³²,

ты мя оживи, бывша умерщвленна.

Что убо благо могу ти творити

и како имам тя благодарити

За толикия твоя благодати,

яже изволи на мя излияти?

Отец Небесный сам ти воздарует,

иже всим милость за милость готует.

Аз же отселе хощу пребывати

в послушании, себе подчиняти;

Познах бо ныне юность дурность быти,

аще кто хощет без науки жити.

Каюся о злых, содеянных мною,

о мой любезный отче, пред тобою.

Буду во притчю¹⁷³³ аз всем человеком,

наипаче младым во вся веки веков.

Но и отец мой не вне притчи будет:

кто его милость толику забудет?

Божия милость им вообразися,

Кто Богу винен к Богу возвратися!

Любезне руце и он простирает,

удобне¹⁷³⁴ злобы грешником прощает,

За что аз его выну прославляю,

вашим милостем сицев поклон даю.

Пение будет, а по нем

Благороднии, благочестивии,

государие премилостивии!

Видесте притчю, Христом изреченну,

по силе делом днесь воображенну,

Дабы Христовым словам в сердцах быти

глубже писанным, чтобы не забыти.

Юным се образ старейших слушати,

на младый разум свой не уповати;

Старим да юных добре наставляют,

ничто на волю младых не спущают.

Наипаче образ милости явися,

в немже Божая милость вобразися,

Да и вы Богу в ней подражаете,

покаявшимся удобь прощаете.

Мы в сей притчи аще согрешихом,

ей, огорчити никого мыслихом;

Обаче, молим, изволте простити,

а нас в милости господстеи хранити,

За что хранени будете от Бога

в милости его на лета премнога.

Ту вси изшедше, поклонятся, а мусикия¹⁷³⁵ запоет, и тако разыдутся гости.

Конец и Богу слава.

Благовернейший пресветлейший царю,

многих царств и князтв правый государю!

Пречестным венцем богоувенчанный,

всем православным яко солнце даный,

Да нам светиши ясне добротами,

якоже солнце светлыми лучами!

Велий есть свет твой, тме¹⁷³⁸ одолевает,

мрак безверия веема отгоняет.

Адамант¹⁷³⁹ в злате несть толико красен,

яко верою дух твой светло ясен.

Бога во Троице ты едина чтиши

и должный поклон любезно твориши,

Под нозе его главу ти смиряя,

со смирением кротость соблюдая.

Что-либо сану царску приличетвует,

то святая ти душа державствует;

Доброты гнездо положиша в тебе,

во сердце твоем живут, яко в небе.

Навходоносор не тако живяше,

аще и скипетр в деснице¹⁷⁴⁰ держаше:

Тмою неверства¹⁷⁴¹ бе он помраченны,

велиим чудом едва просвещенны.

К тому гордости в сердци исполнися,

всех богов паче сам быти возмнися.

Образ свой людем повелел бе чтити,

не послушавшых во пещи спалити.

Трие отроцы во огнь вовержени,

но от ангела цело сохранени,

Имже царь чюдом к вере приведеся,

честь же отроком велика дадеся.

То комидийно мы хощем явити

и аки само дело представити

Светлости твоей и всем предстоящым

князем, боляром, верно ти служащым,

Во утеху сердец здрави убо зрите,

а нас в милости своей сохраните.

По сем да играют.

Изыдет Навходоносор с боляры и слугами шестию человек, а вооруженных вой за ними станет шесть же человк. Царь убо, сед на месте уготованном, начнет глаголати

Верни раби, боляре, дворяне

и вси царств наших славнии земляне¹⁷⁴²!

Видите крепость десницы моея:

вся побеждении суть страны от нея,

Никто противу возможе ми стати,

весь мир един аз имам одержати,

Всяких стран бози с нами не дерзают.

Нас бога богов от днесь вси да знают!

Темже¹⁷⁴³ умыслих образ сотворити

лица нашего и всем представити

На поле Дейре, да вси почитают

образ наш и нас бога нарицают.

Слыши, казночей! Се велим мы тебе:

даждь чиста злата, елико есть требе,

Абие вели образ наш творити,

на превысоце столпе поставити.

Казначей

Что бог вещает, страшно есть то слово,

по твоей воли все будет готово.

Отидет Казначей длати образ, а Навходоносор глаголет

Егда наш образ златый созерцаем,

тогда всех верность, яже к нам, познаем.

Любяй¹⁷⁴⁴ нас верно будет препочтенны,

не любяй паки будет осужденны.

Слыши, Зардане! Вели готовати

пещ, смолу, нафу¹⁷⁴⁵ и огнь розжизати

Близу образа, да всяк вовержется,

имже наш образ честный не почтется.

сердцем твое веление

приведу вскоре во исполнение.

И отходит Зардан, а начнет глаголати Навусар

Светлый наш царю и пресилный боже!

Никто ти в бранех силен быти може.

Ныне ли убо может кто дерзати,

еже противу воли твоей стати?

си слово твое огню подобится, –

того и пещи кто не убоится?

Добре велиши огнем сожигати

образу чести не хотящих дати.

Навходоносор

Добро все, еже бог повелевает,

аще и весь мир вконец погибает.

Мы тако хощем: кто дерзнет судити,

в един час велим живота лишити.

Вы днесь печалей нам не поминайте,

о мусикии сладцей промышляйте.

Приидут мусикии¹⁷⁴⁶, и речет к ним Навусар

Елика весть утешная быти,

та потщитеся пред царем творити.

Зде будут ликовствования.

Приходит Казночей и глаголет

Царю пресветлый, живи ты во веки,

вся превозшедый мира человеки!

Се уже слово твое совершися,

образ твой честный лепо поставися.

И отложше завесу, покажется образ стояй.

Навходоносор глаголет

Верный мои раби! Блажим¹⁷⁴⁷ труды ваша,

отселе будет милость на вас наша.

Приходит Зардан и глаголет

Царю над цари! Царствуй многа лета

над всеми страны до кончины света!

Се твоя воля мною исполненна,

велиим зело пещь огнем разжженна.

И покажется пещь.

Навходоносор

Добре трудился, но не угашайте,

изгребий¹⁷⁴⁸, смолы, нафы прилагайте,

Да, то видяще, вси ся поклоняют

образу злату, нас с ним почитают.

Зардан

Рад то творити, еже ты велиши,

Сам светлым оком работу узриши!

Навходоносор ко Амире болярину

Амире верный! В том прилежен буди,

да всяких санов днесь предстанут люди

Почтити образ; а вели играти

в трубы, органы и свирелствовати¹⁷⁴⁹,

Во еже бы гласом небес доходити,

и в то бы время всем поклон творити;

Аще же чести кто не схощет дати,

в пещь таковаго вели вовергати,

Яже в седмеро¹⁷⁵⁰ буди распаленна,

изгребей, смолы, нафы исполненна.

Амир к царю

Непобедиме царю! Здрав ты буди!

На пол Дейре вси предстоят люди,

И вся готова: изволь соглядати,

како вси будут образ почитати.

Навходоносор

Убо есть время, повели трубити

и златый образ наш поклоном чтити.

Тогда помашет¹⁷⁵¹ Амир, глаголя

Слышите, гудци! Гласно¹⁷⁵² вы свиряйте!

Вы же, людие, образу честь дайте!

Гудец речет

Повеления токмо ожидахом,

ко писканию¹⁷⁵³ вся уготовахом.

И начнут трубити и пискати, народи же поклонятся, а трие отроцы не поклонятся, что видя, Амир велит их поимати, глаголя сице

Поймите¹⁷⁵⁴, поймите людей беззаконных,

образу царскому нимало поклонных!

Тогда их поймут и приведут пред царя. И речет Амир

Пречестный царю! Се людие злии,

не преклониша образу ти выи.

Повеление твое укоряют,

на честный образ хулы испущают.

Навходоносор с гневом глаголет к отроком

Седрах и Мисах, Авденаго и ты!

Бысте вы у нас зело нарочиты¹⁷⁵⁵, –

Что слышим о вас? Вы ли обругаете

Нас и образу поклона не даете?

Сам хощу зрети, вы правду явите,

со гласом трубным главы поклоните.

Аще поклона не хощете дати,

люте имате¹⁷⁵⁶ в пещи пострадати.

Кто бог есть, могущ вас мук свободити,

от рук пресилных наших исхитити?

Седрах глаголет

Несть требе, царю, нам ти отвещати.

Бог всемогущий силен нас изяти

Из огня люта силою своею

и свободити от руку твоею.

Мисах

К тому веждь, царю, яко прещение¹⁷⁵⁷

огня не введет нас во прелщение¹⁷⁵⁸;

Аще же огню Бог хощет ны¹⁷⁵⁹ дати,

мы за честь его готови страдати.

Авденаго

Живаго Бога небеснаго знаем,

бездушный образ смело обругаем.

Не подобает твари почитати:

Творец есть Бог наш, того хощем знати.

Навходоносор, разярився, крикнет

Оле злых врагов! Како суть прелщени!

Скоро будут во огнь вовержени.

Крепции вой! Скоро похитите,

посреде пещи враги вовержите.

Тогда Вой похитят и, вяжуще я¹⁷⁶⁰, глаголют:

1

Благо вам бяше царя послушати,

в сицеву беду себе не вревати¹⁷⁶¹.

2

Зол род еврейский; крепко их вяжите,

непокоривых ни мало щадите.

3

Кто врага царска хощет пощадити,

сам есть достоин смертно казним быти.

4

Аз и две коже готов есмь издрати

с едного хребта, а сам не страдати.

5

Мне евреина толь сладко убити,

яко же меда сладка чашу пити.

6

Вержите во пещь, мало глаголите;

еже велят вам, то скоро творите.

И вергнут в пещь, абие же да снидет к ним аггел и тако да глаголет к отроком

А н г е л

Вернии слузи истиннаго Бога!

Да не смущает вас печаль премнога!

Не оставит вас Господь всемогущей,

не повредит вы пламень все ядущый.

Яко росою тем ся охлаждайте,

Богу вашему честь и славу дайте!

Тогда Азария или Мисах начнет глаголати умиленно: «Благословен еси, Господи Боже отец наших, и хвално и прославленно имя твое во веки, яко праведен еси о всяческих, яже сотворил еси нам» и проч., якоже есть у Даниила в глав 3. Зде огнь из пещи халдеи опалит и един от них возопиет:

Увы нам! Люте огнь нас пожигает,

иже из пещи чюдне избегает.

И падут они. Царь, увидев, возопиет сице

Кое то чюдо? Пламень утекает

из пещи и раб моих опаляет.

Возмите трупы, земли предадите,

сами ся огня лютаго блюдите.

Таже вси трие отроци умиленными гласы да поют «Благословен еси, Господи Боже отец наших, и хвален и превозносим во вки» и проч., яко таможде у Даниила.

Амир глаголет

Оле чюдесе! Врази не сгоряют,

некия песни сладце воспевают.

Царь глаголет

Видение паче слуха уверяет,

хощу, да око мое соглядает.

И, востав, возрит в пещь и, яко узрети ему четырех в ней сущих, речет к боляром

Что есть, велможи? Не три ли ввержени

отроцы во огнь, да будут сожжени?

Амир глаголет

Ей, трие, царю, казнь сию прияша,

яко образу поклона не даша.

Царь

Что убо вижду, в пламени огненни

четыри мужи ходят разрешении¹⁷⁶²!

Вси суть без вреда, четвертый блистает,

яко Сын Божий. О, чюдо бывает!

Увы мне, увы! Аз, грешный, прельстихся,

на рабы Бога живаго ярихся.

Они суть святи, аз же грешен зело;

невинных и огнь сохранил есть цело.

Что убо имам аз, бедный, творити?

О прощение хощу их молити.

И приступль Царь к пещи, глаголет

Седрах и Мисах, Авденаго честный!

О, раби Бога, иже есть не лестный!

Тощно из пещи сея изидите,

к нам, согрешившым, в ползу приидите.

Прощение ми изволте дарити,

Богу вашему аз хощу служити.

Ту изыдут отроцы неврежденны, их же зряще, велможи воскликнут:

1

Оле чудесе! Како не сгореша

отроци сии и огнь одолеша?

2

И то есть дивно, что власы суть целы,

аще великим пламенем горелы.

3

Зрите одежды, како не растленны,

бывше великим пламенем паленны.

4

Ей, чюдо есть се, но кто оно деет¹⁷⁶³,

ум неискусный мой недоумеет.

Царь

Вижду, боляре, кая чюдо сила

в очесех наших ныне сотворила.

Благословен Бог, сотворивый тако,

его же Седрах, Мисах, Авденаго

Нам провещают! Он царь и владыка,

его есть крепость всех паче велика.

Его аггелом сии избавлени,

из люты пещи здрави сохранени,

Иже на муки плоти си предаша,

чюждему богу почести не даша,

Царское наше слово преслушаша,

яко на Бога жива уповаша.

О, блаженнии раби Бога права,

емуже поклон дает моя глава!

Пред лицем вашим того от днесь знаю,

его истинна Бога всем вещаю.

Аще же дерзнет его кто хулити,

убиен буди, а дом расхитити

Повелеваем; несть бо тако силен

Бог, яко Бог ваш, иже зело дивен.

Вы же, честнии слузи жива Бога,

примете от нас владетелства многа.

Паче всех князей будите почтени,

за други наша отселе вменени.

Седрах

Богу честь, слава, сие чюдо явлшу,

нас сохранившу, а тебе взыскавшу!

Тебе за почесть главы преклоняем,

должную верность тебе обещаем.

Мисах

Не сия токмо Бог наш совершает,

но ина многа дела содевает,

Яже временно твоей благодати,

да веруеши, имамы сказати.

Авденаго

Точию веруй, царю превеликий!

Верный раб буди Небесна Владыки.

Смирен явися: он будет с тобою

и укрепит тя своею рукою.

Царь

Благодарю вы, любимии друзи,

Бога живаго истиннии слузи,

Яко обиду хощете забыти,

а нам Божию славу изявити.

Любезне слух мой на ту преклоняю

и сокровище сердца предлагаю.

Но днесь в полату вы с нами грядите,

вашим приходом дом возвеселите.

И отидут за завесы. По сих епилог.

Пресветлый царю и благочестивый,

Богом венчанный и христолюбивый!

Благодарим тя о сей благодати,

яко изволи действа послушати.

Светлое око твое созерцаше

комидийное сие действо наше,

Имже ти негли¹⁷⁶⁴ не угодни быхом,

яко искуства должна не явихом.

Разума скудость выну погрешает,

а ум богатый радостно прощает,

Темже смиренно к ногам припадаем:

еже простити нам, сие желаем.

Мы же имамы Господа молити

да во всем тебе изволит простити,

К тому да подаст мирно царствовати,

а противники вскоре побеждати,

И приложит ти многа лета жити,

потом небесный венец наследити.

«Многа лета!» Играние.

Натура людская

Натура людска, в образ Бога есмь созданна,

Разум, память и воля суть мне дарованна,

Не дарованна, паче данна, не отята

От преслушавшой Бога чрез змиа треклята,

Заньже¹⁷⁶⁶ ми есть отята мудрость и святыня,

Безсмертие, нетленность, житиа простыня¹⁷⁶⁷.

Разумею разумом, яко злом обяхся,

Знает и память, яже в рае наслаждахся,

Воля ми безвольная оковася узом,

С нею разум и память единым союзом.

Дерзнет воля на радость, память памятает,

Яко за малу радость вечная скорбь чает.

Егда хощет простерти в самовольство руки,

Разум рече: «Памятай¹⁷⁶⁸ диавола штуки,

Како тя, безсмертную, в рай уловиша

За дерзость сетми смерти и теми сокрыта».

Тым ся ми разум, память, воля упражняет,

Вести же ни от кого отменныя чает.

Омыльная¹⁷⁶⁹ надежда

Что, Натуро людская, сетуеш созданна,

Над все вдание¹⁷⁷⁰ лучши Богу подобанна?

Имущой образ Бога, что ти не довлеет,

Красота и лепота егда ти светлеет?

Имаш ты покоренна вся, яже суть в мире

Летвующии¹⁷⁷¹, ходящий и пловущии звери.

Вся сия покоренна суть под твоя нозе,

Убо не сетуй, паче радуйся по Бозе.

Натура

Вся ми суть покоренна, но и аз подданна

Смерти, егда согреших в рай¹⁷⁷² первозданна!

Надежда

Не отчайся, Натуро, имей мя, Надежду,

Возвед очи, посмотри: зостаеш между

Коими вещми? Се ти век златый послужит,

Мир в брань не претворится, лука не натужит¹⁷⁷³.

Любовь, кротость незлобна с тобою пребудут,

Фортуна, вечна радость неотступны будут.

Натура

Аще тако есть, добре; се скорбь отлагаю,

Радостна веселюся, скачю и играю.

Злат век, мир, щастье, радость мене окружают,

Убо сердцу моему скорби не стужают¹⁷⁷⁴.

Век златый

Счисляй, о Натуро людска, во мне златыя часы,

Златый ти век вещаю¹⁷⁷⁵ нехитрыми гласы.

Покой

Смотри, Натуро людска, на сию маслину,

О ней мира не в брани чрез мене чай выну¹⁷⁷⁶.

Любовь

Аз, Любовь, сим союзом к тебе привязанна,

Понеже мя имеешь, вся тебе суть данна.

Кротость

Всегда в кротости сердце ти да веселится,

Тому злобная язва никогда случится.

Незлобие

Чрез незлобие на тя гнев никто воздвигнет,

Радуйся, злоба бо тя никогда постигнет.

Радость

Внимай сладкогласному сему инструменту,

Сего слыша, никогда дознавай ляменту¹⁷⁷⁷.

Фортуна

Дотоль, Натуро людска, пребывай весело,

Донележе фортунно не станет ми коло¹⁷⁷⁸.

Натура

Благополучный ныне приспеша ми часы,

Егда радостотворны слышу от вас гласы.

Так есть, яко-сь¹⁷⁷⁹, Надеждо, прежде возвещала –

С златым мне веком радость исте¹⁷⁸⁰ обещала.

Радостна в златом веце и в недрех фортуны;

Радости! Весели мя, исправ своя струны.

Строит¹⁷⁸¹ и Разсуждение приходит.

Разсуждение

Тако-сь¹⁷⁸² ся уловила чрез весть неистову!

Се радости измену¹⁷⁸³ имаши готову.

Смотри, како измена вещи преплетает,

И благополучие беды сообщает.

Уловила, Надеждо, тебе нечаянно,

Егда, Разсуждение, бех от тя попранно!

Где Надежда омыльна, яже тя прельстила,

Яже ти словес сетми лестне уловила?

Слыши, что Век железный будет глаголати.

Егда златый Век может ему постояти¹⁷⁸⁴?

Зри и что противная противным сотворят,

Увидишь, яко радость на плачь ти претворят.

Железный век

Что при Натуре людской себе водворяешь?

Или мене крепчайша над себе не знаешь?¹⁷⁸⁵

Удержиши ли прелесть, в десницы ти сущу,

Егда мою железну кулю¹⁷⁸⁶ испущу?

Зри: злато и железо катится однако,

Не можеш быти лучшим над мя, веруй всяко.

Златыми си часами людей уловляеш

В своя сети, а моих железных не знаешь!

Аз убо совокуплю со железом злато,

Да весть Натура, яко есть не злато – блато.

Не будешь от союза сего разплетенный¹⁷⁸⁷,

Но во век со мною будеши слученны¹⁷⁸⁸.

Брань

Ты чрез увядаему льстиши¹⁷⁸⁹ ю маслину?

Зри: меч брани ту сечет и так будет выну.

Да не речеши: «Мирен в век Мир пребываю»,

В самый корень маслины мечь свой угружаю¹⁷⁹⁰.

Ненависть (к Любве зубы)

Ты, Любве, что вещаешь пажити¹⁷⁹¹ сугубы

Сим союзом? Сия вся претрут моя зубы.

Ярость (стрела к Кротости)

Ты речешь, яко Кротость язвы не достигнет?

Се чрез стрелу Ярости язва ту постигнет.

Злоба

Ты, Незлобие, знаком что Натуру взводишь?

Рцы, како ту от уза¹⁷⁹² Злобы освободишь?

Се жало в неповинном агнце углебает¹⁷⁹³,

Ниже с него изыти когда помышляет.

(к Радости Плач)

Плач

Радости! Своя струны ты устроеваеш,

А змоченну слезами плату¹⁷⁹⁴ не внимаешь.

Радость, сладость! Плачь платом тебе воспящаю¹⁷⁹⁵,

Омоченным слезами струны отягчаю.

Зависть к Фортуне, сиречь Коло

Престани, Коло, точитися¹⁷⁹⁶ всуе,

В котором Натура заводится буе¹⁷⁹⁷,

Прежде ти в ад: не стерся крюк мой, препинает,

Да Натура Фортуну, какова есть, знает.

В точащомся Фортуне силы не познает,

Ниудержанно¹⁷⁹⁸ Коло зря, да разсуждает.

Натура

О, люто окаянства в суетном семь мири!

Почто лестной Надежде аз, бедна, ях¹⁷⁹⁹ веры?

Веселыми помыслы впредь мя исполнила,

Ныне туюжде радость на плачь претворила.

Егда Злата Железный века побеждает,

Брань покоя маслину мечем посекает,

Во всем полно измены и непостоянства,

Горе! В житии моем всего окаянства,

Ничто истиннейшаго паче смерти чаю,

Жду гроба, а красоты венец мой слагаю!

Иду окруженная печальми и беды.

Все

Мы твоими, Натуро, купно пойдем следы.

Смерть

Го! Го! Го! Радуюся Смерти от Адама,

Царствующая даже и до Авраама,

По Аврааме дотоль свободна царствую,

Человеческим родом сильна властенствую.

Царей и князей под моя покоряю нози,

Сильны вой падают предо мною мнози.

Все боятся, всех бо аз от сею¹⁸⁰⁰ косою

Предпинаю¹⁸⁰¹, як цветы польныя¹⁸⁰² з росою.

Едина сильна, славна есмь Смерть во вся веки,

Без останка потреблю аз все человеки.

Сама Натура людска добре то познала:

Прозревши мою силу, с фрону¹⁸⁰³ сего встала,

Венец красоты з главы своея сложила,

Мя боящися, власти та моей вручила.

Сяду на престол, возьму и венец на главу,

Да все видят у Смерти безсмертную славу.

Жизнь

Стой и не прикасайся фрону человека,

Иже ти не подлежит во вся веки века.

Аз есмь Жизнь, яже придох того оживити,

Живота безконечна в веки сподобити.

Ты же властелинствовать не дерзай без суда,

Изыйди оттоль скоро, иди полна студа¹⁸⁰⁴.

Аз власть имам живити, аз и умертвити,

Смерти или житию вечному вручити.

Маловременна лестна¹⁸⁰⁵ мира сего слава,

Ищущим себе в сладких смертна есть отрава,

Яко бо в себе жало мед утаевает

И уста наслаждающ внутрность уязвляет:

Сице и сего мира сладость в себе мает,

Сладкую жизнь множае желчию кончает.

Образ сего в Ироде есть треокаянном,

Зело в суетных мира сластех окованном.

Уже за временную, гиблющую славу

Против самого Бога гордую си главу

Вознес – того чрез зависть искаше убити,

Дабы маловременной чести не згубити.

Ищуще же, невинных множество отроков

Изби за¹⁸⁰⁶ агнцев, агнцев сущих без пороков,

За что и сам воскоре истым¹⁸⁰⁷ судом Бога

Претерпе: днесь во аде терпит зла премнога.

Се не токмо словом и делом изявим,

Да крепость ныне Бога рожденна прославим.

Сему всяк с охотою, молим, да внимаешь,

Ты же, архиерею, да благословляешь¹⁸⁰⁸

Земля

Аще не от естества есть Земли стенати,

Яко вещи бездушной, слезы проливати,

За сладко пловущия водныя потоки,

Шумящия з внутрности твердейшей опоки¹⁸⁰⁹.

Обаче не держу, повторяя: горе!

Точу¹⁸¹⁰ слез прегорчайших пространное море.

Увы, увы! Проклята за грех есмь Адама

И Еввы, яже яблко урве си рукама

В рай заповеданно¹⁸¹¹. Аз за¹⁸¹² красный цветы

Волчец^{1813, 1814} родити буду мерский во вся леты.

Красна бех, доброплодна, раждах не оранна¹⁸¹⁵,

Ныне тща¹⁸¹⁶, аще и есмь потом полианна.

Никогдаже на перво буду возвращенна,

Ниже по проклятии паки освященна.

Небо

Не сетуй, Земле скорбна, паче веселися:

Честь ти болша преждния ныне устройся;

Не клятие¹⁸¹⁷, но болшу улучиш святыню,

Чрез Бога воплощенна вечну благостыню.

Той мя, Небо, преклонив, на тя, Земле, сниде,

Человек бысть – человек да на Небо взыйде.

От твоея созданны трости сообщися¹⁸¹⁸

Божеству, убо тебе не леть¹⁸¹⁹ есть пещися.

Будешь мне, неклятому Небу, приобщенна;

Аз земля, ты же небом будеш нареченна,

Якоже Бог наречен и есть человеком,

Смертен человек Богом живым во веки веком.

Земля

Небо! Роса словес ти мя не орошает,

Но паче всдыханием тяжким изсушает:

То глаголешь, емуже быти невозможна,

Аз же Божия знаю словеса неложна,

Имиже есмь проклята, ты же мя случаешь

Со собой, бо с водою огнь то сообщаешь.

Может ли тма там быти, где светлость сияет?

Гонит от себе тму свет, а не сообщает.

Небо

Земле! Не печалися, скоро ся утешиш,

Мир на тебе вещающ глас скоро услышиш:

Мир мирови даруяй прийде к тебе мирен –

Исус Христос, Сын Божий, Агнец кроток, смирен.

Той тя милосердием на перво претворить,

Той тя быти другиню мне, Небу, сотворит.

Земля

Прийдет? Аще и прийдет, огнь воврещи¹⁸²⁰ прийдет,

Не благословение – мечь з уст его изыйдет.

Небо

Ни, Земле! Рече: «Аз есмь на землю пришеды,

Да жизнь имать и лишен всяк з земли прошеды».

Земля

Победихся, о Небо, для твоей порады¹⁸²¹,

Жду от Бога реченной чрез тебе отрады.

Пение: «Христос раждается, славите» и прочая.

Милость Божия

Неизреченна милость Бога, необята,

За преступство Адама мирови отята,

Егда тот запрещенну прикоснуся плоду,

Наведе проклятие общему си роду,

Заключи дверь златую небеснаго града,

Отверзе тму кромешну лютейшаго ада.

Но не прогневайся в век Бог, ни враждуяй,

Прийде под леты, милость мирови дарствуяй,

Человеком бывает чрез милость премногу,

Да бренна человека уподобит Богу!

Ныне небо земля бысть, земля небом убо.

Земля, небу причтена! Радуйся сугубо!

Ликуй, небо! Место бо ангела гордыни

Человеком наполнит Бога благостыни.

Да сорадуются ти аггельския лики,

Егда сожительствуют има человеки!

Земле, за змия вражду иногда¹⁸²² проклята!

Радуйся, яко Богом ныне есть свята!

Уже не к тому¹⁸²³ волчец имаши родити,

Но будеш украшенна различными цветы.

Первы Адам сподоби клятвы тя руками,

Вторый Адам,¹⁸²⁴ ходящи по тебе ногами

Пресвятыми, освяти тя в вечныя роды

И вожделенными тя ублажить плоды.

Земля

О, Милости Божия неизглаголанна!

Аз, Земля, грехом Еввы веема окалянна¹⁸²⁵,

Под твои пречистыя скланяюся нозе,

Чту тя, славлю и хвалю во веки о Бозе,

Понеже мя, грешную, дотоль сохраняла,

Ныне же красотою неба увенчала.

Сама облаком легким с небеси низходишь,

Тягость же мою бренну на небо возводишь.

Буди благословенный во век веков, Боже,

Яко твоя милость мне, грешной, поможе!

Небо

О, милости всещедра! Под прекрасный нозе

Прекланяюся, Небо, волею по Бозе.

Молю: идеже еси, да буду с тобою!

Совокупи мя землею во век со собою!

Милосердие

Земле! Через милость Бога Небу приближися.

Небо! Чрез милость Бога Земли примирися.

Се вас союзом златым на веки спрягаю,

Мир, единство и любовь на вас полагаю.

Небо

Слава во вышних Богу днесь о сем да буди!

Земля

Мир земли благоволный да воспоют люди!

Пение: «Слава в вышних Богу» и прочая.

Вражда, или Зависть

Горе, ах! Люцеперу и целому аду!

Так-то нам Милость Божа сотвори отраду!

За един токмо помысл всех с неба свергает,

Человека за дело в небо исправляет.

Лучше ли есть брание¹⁸²⁶, нежели дух чистый?

Ах! Человек стал Богом, аз же дух нечистый

От всех есмь нареченна, аз, прежде созданна,

Аз архиерейским ликом¹⁸²⁷ венцем увенчанна.

А человек – прах, пепел, персть едина бренна,

Мне на поругание тако вознесенна!

Едва Люцепер¹⁸²⁸ мнился равен Богу быти,

А человек враг дерзнул делом совершити, –

На время нам сообщен, имеет отраду,

Мы же на веки веков вдадохомся аду.

Горе! Горе! Снедает яд мою утробу:

Персть, вечному имуща предатися гробу,

В наших прежних жилищах себе водворяет!

Горе! Горе! Сердце ми зависть растерзает,

Зря горести, услаждаю снедением сердца,

Горкий в мира сладостех буди ти, мордерца¹⁸²⁹!

Дондеже Бог есть Богом, ад безсмертный адом,

Смертным ада сеяти буду на тя ядом.

Процветут моя плоды, убийство и вражда,

Тым плодом утолится кровавым ми жажда.

Вулкане, а Вулкане! Тя молю усильне:

Остра ми оружия надобно есть зелне¹⁸³⁰.

Поспешете на помощ, охотны¹⁸³¹ Цыклиопы!

Возжигайте огнь, Бронты! Бийте в млат, Стеропы!¹⁸³²

Мечи, копиа, узы, остры куйте стрелы:

Сия в Иудейския разсею пределы.

Сотворю пролитие крове, аки море.

(ярится)

Не единому сотворит мечь горкое горе,

Упиется копие не в едну утробу,

Поплывет крове током не един ко гробу.

Будет зде и невинный мечем погибати,

Будет себе самого мечем побивати.

Тако чрез сеть смертную пойдет в ада узы,

Исцелит разстерзанну утробу Медузы.

Циклиопы

(все вместе говорят)

Се огнь возжигаем, в млаты ударяем,

Копиа и узы для тебе, Медузы,

И мечи, и стрелы в Иудейски пределы

Готуем, гортуем¹⁸³³,

Тебе подметуем¹⁸³⁴.

Примайся, Цыклиопе!

Бий крепко, Стеропе!

Бронте! Не ленися,

Вражде прислужися.

Пастырие

Два бутто пошли в город для покупки, а третий при овцах бых; наступившой же нощи¹⁸³⁵ пошол тех искати и прочее.

Пастырь 1 Борис

Судари мои светы! Здорово ли живете?

Вы в сем месте собраны подавно седите,

Не видали ли моих товарищ, идущих

В город или з города, кошели несущих?

Один уже и пристар, маленко горбатый,

Крив на глаз, имя ему Аврам-сторожатый¹⁸³⁶.

Другий молод, именем Афоня названный,

В старом шюбионку, что нам в подпасочки данный.

Пошли в город для хлеба на ужину купити,

А мене оставили овечок хранити;

Замешкали, а уже нощ темна приходить,

А на мене едного страх велик находит.

Я, бросив и овечки, пошол их искати.

В город далеко, страшно, зде их буду ждати.

(сядет)

Ой, Аврам, Аврам! Тойжде зашол на кружало¹⁸³⁷;

Когда б ему какое там лихо не стало.

Пастырь 2 Аврам

Борисе, гето¹⁸³⁸ ты здесь, а овца покинул?

Борис

А ты для чего в город пошодши, загинул¹⁸³⁹?

Пришол вечер, я овцы загнал во ограду,

А сам уже пошол был вас искать ко граду.

Кое вас там так долго лихо удержало?

Аврам

Не покручинься, братец: зайшол на кружало,

За алтынец винишка и с парнишком испив.

Борис

От петь¹⁸⁴⁰ я догадался! А мне-то не купив?

Аврам

Никак, купил и тебе, как петь не купити?

Малец, вынь ми с кошеля. На, зволишь ли испити?

Борис

Ну-тко, сядьте ж и сами, по разу напьемся.

Хлеба купили ли?

Афоня (говорит)

Есть. Горазд подкрепемся.

Афоня

Вот тебе хлеб, вот тебе соль, вот и калачи.

Кушай, старичок, здоров, а на нас не ворчи.

Аврам

Да кушаймо же поскоряя, пора итти к стаду,

Штоб иногда¹⁸⁴¹ какой волк не влез во ограду.

Запоют аггели, а они забудутся, кусы в ротах. Думают долго, один на одного

смотрит, нескоро в небо.

Аврам

Што, брат? Где же так-гетак¹⁸⁴² поют хорошенко?

Еще я так не слыхав. Ты слышишь, Афонко?

Афоня

Я вже слышу и вижду, ей, птички высоко,

Смотрете, еддак ваше не досмотрить око:

Ты стар, ты на глаз хром. Вот в гору смотрете!

Борис и Аврам

Е-е-е! Видим, видим!

Афоня

А што, правда, птички?

Аврам

Брат! Кажется, робятка стоят невелички?

Афоня

Судари! И хто видал ребята с крылами?

Птицы то залетели межи облаками;

Етак бы хорошенко робята не пели.

Смотри, смотри: не видно, вот и полетели.

Борис

Летете ж здоровенки, а мы поседемо,

Маленко покушавши, к овечкам идемо.

Аврам

Когда б же так над стадом нашим всю нощ пели,

То б мы, их слушаючи, спати не хотели.

Афоня! Ты учися на дутки играти,

Штобы мы не хотели, да и ты, дремати.

Аггел к пастырем; убоятся.

Радость, о пастырие, от мене приймете

И не ужасайтеся, но словам внемлете.

Радость ныне велия мирови явися:

Спас человеческому роду родися

От пренепорочныя Марии Девицы,

Небесных купно земных жителей Царицы.

Близ града Вифлиема в вертепе¹⁸⁴³ глубоком,

Между волом и ослом, на месте высоком,

В яслех на остром сене, пеленами ввитый¹⁸⁴⁴,

Нищ лежит всего мира Царь презнаменитый.

Там убо веселыма ногама идете,

Достойную ему честь и поклон дадете.

Борис

Осударь! Кто ты таков? Ты княжего рода?

Чаю, что князь твой отец или воевода.

Аггел

Аз есмь архаггел не от земна рода,

Но от небесных ликов¹⁸⁴⁵ воевода.

Неприступну престолу Бога услугую

И тайны того миру аз благовествую.

Еже и вам вещаю, от его посланный:

Тому поклон да будет от вас ныне данный.

Аврам

Чаю, тебе, государь, к князям послали,

Штоб они великому Царю поклон дали,

Не к нам, нищим постухам, гето ты заблудил

Или не вслухал. Вестник к нам таки не ходил.

Аггел

Аще и Царь есть царем, ныне же смиренный,

Волею между скоты в стаи¹⁸⁴⁶ положенный.

Нищету возлюбивый, вас, нищих, взывает,

Пастырь сый всем пастырем, вас, пастырей, чает.

Борис

Осударь! Надобно ли што в поклон понести,

Штоб не велел, як наш князь, у шею вон вести?

Аггел

Господь ваш и Бог благих ваших не требует,

Не хощет себе даров, но он да дарствует.

Чисто сердце за дары тому принесете,

Веру, надежду, любов ему предложете.

Глаголанная мною скоро сотворете,

Аз буду невидим, вы в вертеп идете.

Борис

Што же так итти худо? Ходем, украсемся,

В чулки, лапти новые поадиом приберемся.

Афоня! Позабирай калачи и вино,

Да и ты приберися; пойдиом все заодно.

Пение

Аггел пастырем вестил:¹⁸⁴⁷

Христос ся вам днесь родил

В Вифлееме, граде Давидовом,

В колене Иудовом

От Девы Марии.

Хотяще знать известно,

Еже им благовестно,

В Вифлеем скоро пошли,

Отроча в яслех знашли,

Матерь с Иосифом.

То дивное Рождество

Не изречет ветейство¹⁸⁴⁸.

Зачала Дева сына в чистоте

И родила в целосте

Девства своего.

Пастырие пришли к вертепу

Борис

Постойте же вы здеся, я посмотрю пойду,

Есть ли в яслех реченный, и знова к вам приду.

Есть, братцы, есть, и не спит, и матушка седит.

Аггели поют, и стар Иосиф там стоит.

Ходем, я скажу: «Здравствуй»; ты рцы: «Милость пошли»,

А ты скажи: «Прости нас, што ни с чим зде пришли».

Авраам

Тихонько же отопри. Не спит ли рожденный?

Не замай – спит, штоб не был нами возбужденный.

Пение в вертепе

Ныне весь мир да играет:

Девая Христа раждает,

Младенца, первенца,

Небеснаго облюбенца¹⁸⁴⁹.

Во вертепе днесь раждаеть

И во яслех полагает.

Иисус Христа, Бога иста

Повивает Дева чиста.

Борис (поклоняется)

Здравствуй, о Спасителю, нам ныне рожденный,

Самоволно во яслех смирен положенный!

И подушечки нету, одеялца нету,

Чим бы тебе нашему согретися свету!

На небе, як сказуют, в тебе полат много.

А здезь што в вертепишку лежиши убого,

В яслех на остром сене, между буи скоты,

Нища себе сотворив, всем даяй щедроты?

Ето нам, деревенским, зде лежать прилично,

А тебе, Спасителю, етак необычно.

Но понеже извольне¹⁸⁵⁰ так себе смиряеш,

Царь царем сый, нищету толику примаеш,

Буди благословенный, Боже, во веки веков,

Возлюбивый нас, грешных тако человеков!

И паки реку: буди Бог благословенный,

На спасение миру всему нарожденный!

И ты, того рождшая, будь благословенна,

Мати Бога и Дева во век прославленна!

Ты, кормилец старенкий, буди же хвалимый,

От негоже Отрок зде положен хранимый!

За лучшое приветство на нас ни дивете,

Пастухам деревенским, молимся, простете.

Аврам

И аз ти кланяюся, Боже воплощенный,

Да нас возвеселиши, в плоти умаленный!

Плачеши, зде лежащий за грехи Адама,

Обрадуй же плачуща и мене, Аврама,

Дай благословение всем нам, Бога чадо,

Спаси наше, еже мы в поле пасем, стадо!

Спаси и;домы наша и в них всех живущих,

Помилуй и нас, нищих, зде при тебе сущих!

Мы тя хвалим и хвалить будем по вся годы,

Да хвалят тя, Спасе наш, во веки вся роды!

И тебе, Бога Мати, главу преклоняю,

Тебе, святый Осипе, челом ударяю;

Помолитеся за нас к воплощенному Богу,

Да подаст нам в свояси щасливу дорогу.

Афоня

Напоследок и я, нищ, к тебе припадаю,

Боже, нам нарожденный, и тя величаю.

Буди благословенный, Боже наш, во веки,

Яко еси возлюбил тако человеки!

Оставивши на небе златыя полаты,

Изволил еси пожить зде между быдляты¹⁸⁵¹.

На одном сенцы лежиш, як какой сирота,

Всех одеваешь, а тя окрывает нагота.

Подобало б, дабы мы чим тя подарили,

Послали б што мяконько или чим покрыли.

Но прости – нищи есмы, имамы ничтоже,

Прости ны, милостивый и всещедрый Боже!

Прости и благослови и ты, Мати Богу,

И ты, святый Осипе, за милость премногу!

Идемо восвояси, нас благословете.

Все

В путь идущим и дома сущим помозете!

Пастырие людем возвещают

Радуйтеся, людие! Родися Спаситель,

Истинный всего мира Бог и Откупитель.

Мы тому самовидцы¹⁸⁵², своим зрели оком

При граде Вифлееме, в вертепе глубоком.

Лежит в яслех на сене отрочокч маленький,

Там и матушка его и Осип старенький.

Мы им поклонилися да домой ступаем,

А што там видели, всем вам возвещаем.

Здравствуйте, радуйтеся, веселы ликуйте,

А Христа рожденнаго все купно празднуйте!

Любопытство звездочетское

Что в течении кругов вышних ся являет

Новаго, яко ум мой недоумевает?

Вем о моем искустве, имже не хвалюся:

Место содий¹⁸⁵³, звезд рещи не мало сумнюся.

Полудня круг на месте зовом Анстаритос,¹⁸⁵⁴

Блюдет своего места полунощный Вритос,

Овен станет на восток, солнце в онь вселится¹⁸⁵⁵

И течение начнет, Юнец удалится;

Близнята, Рак, Лев, Дева полудне¹⁸⁵⁶ обыймут,

Вес, Скорпий, Стрелец, Козлищ полунощчи¹⁸⁵⁷ приймут,

Скудель, воду лиющи, к сим же прилучится,

Двойство Рыб водолюбных при нем ся явится.

Поллюкс стоит, Кастору светла¹⁸⁵⁸ оделяющ,

Блещит от него Кастор, светло заимающ.

Звезда морска, навклером¹⁸⁵⁹ являющи пути,¹⁸⁶⁰

Ценозура не может с места ся двигнути.

Вижду же в своем чину дождевныи Гиады,

Являющий сушу такожде Плеады.

Сих быти неразличных аз да созерцаю,

Имена их подробну сице нарицаю:

Сия под седми на два разделенныи чины,

Являющий сушу и дожда пучины.

Пасифо, Пифо, Тихе, Евдор, Авросиа,

Коронис и Плексаврис – дождевны суть сия;

Електра, Алкиона, Мая, Астеропе,

Келена, Тайгенета и неиста¹⁸⁶¹ Меропе¹⁸⁶² –

Сиа вторых седмица сушу изявляет.

Всех звезд мой ум течении, чин и силу знает.

Но не вем, что звезду ныне вижду нову,

Не на обычном месте. Мню ю неистову¹⁸⁶³:

Всяка звезда на тверде небесном сияет,

Сиа между облаки себе водворяет,

Блещит несоравненно над всех звезд светила,

Не может ум пояти, что есть в ней за сила:

Что более в полунощ все звезды змеряют¹⁸⁶⁴,

Ея луча в полудне себе исправляют.

О, кто бы ми поведал, что есть в ней за сила?

Иду, где Валаама¹⁸⁶⁵ мудраго могила.

Воспряни, Волааме! Гроб ти открываю.

Что се звезда нова? – повеждь ми, желаю.

Ты аще телом сложен в гробе почивает,

Но между звездочетцы искуством сияешь.

Валаам

Что ум свой любопытством всуе утруждает,

Валаама же словес не воспоминаеш?

Не веси, яко еще во Арави сущи,

Прорекох о сей звезде, сице глаголющи:

«Егда всех последнейшо веков время придет,

Тогда от Иакова нова звезда взыдет».

Любопытство

Что же есть в ней за сила? Нет в ней звездна чина,

Ниже когда явится звезда так едина

Ближае всех от земли, навыше облак ходит,

И не к западу себе, но к югу приводит.

Валаам

Создатель всех звезд, луны и светлаго Феба,

Строитель всемощнейший пространнаго неба,

Иже прежде денница из Отца родися,

В часе зде рожден, сею звездою явися.

На полуденну страну звезда та простует¹⁸⁶⁶,

Хотящ правду уведать, ей да последует,

Обращет Иакова семя там блаженно,

От него же родися Слово воплощенно.

Той будет мети область¹⁸⁶⁷ над всю подсолнечну,

Распрострет свою славу во век безконечну.

Любопытство

Верую, Валааме, словесам ти истым,

Но хощю еще оком зреть ми прозорчистым¹⁸⁶⁸;

Сице мене мнение увещает духа,

Яко зрение лучше верит паче слуха.

Иду, волхвов за тою звездою исправлю,

Да уведят истинну, тамо их поставлю.

Тебе же за искуство аз честь воздаваю.

Почивай с миром! Гроб ти честно затворяю.

Ирод с велможи

Ирод

на престоле седяй глаголет

Непреодоленныи мужие и мудри,

В бранех, советех, словех ваших богомудри,

Державы моей столпы непоколебимы,

Дражайшие бисеры моей диадимы!

Четверовластный скипетр¹⁸⁶⁹ под солнцем сияет,

Егоже ваша храбрость в мире распространяет.

Десница ваша мою умножает славу,

Яко никогда кому преклоняю главу.

Сердца ваша моему сердцу сопряженный

Так в мире, яко егда на брань воруженныи.

Сего ради сердце ми радуется зело,

Яко вас еднодушных себе приобрело.

Но яко любове вашой возблагодарствую?

Киим вас саном и мздою за то ударствую¹⁸⁷⁰?

На коем кедре вашу начертаю славу?

Коим дафном¹⁸⁷¹ премудру венчаю вам главу?

Кто санов, кто богатства от мене желает,

Обогащу и почту, токмо да вещает.

Сенатор 1

Четверовластны земли юдской¹⁸⁷² господине!

Светило очес наших ты еси едине;

Мзда наша и богатство, наша то и слава,

Егда благополучна видим тя и здрава.

Довлеет нам любов ти, иже нас, нижайших,

Насыщаешь монарших словес ти сладчайших.

Сенатор 2

Добре некто от мудрецов сице поведает,

Яко кротость то творит, что сила не знает.

Влагаешь на нас узы сладкиа, монархо!

Владей убо, здравствуй, крепчайший тетрархо!

Торжествуй над врагами! Мы же неотступно

Верно пособствовати будем тебе купно.

Сенатор 3

Радуйся, о преславный царю, во вся роды!

Прославляйся во веки веков и вся годы,

Не подаждь дремания мечу изощренну,

Да имеешь вселенну тебе покоренну.

Сенатор 4

Спрягл еси любовию нам сердца к своему.

Златым узом¹⁸⁷³ Фортуна престолу твоему

Да припряжется¹⁸⁷⁴! Буди ты победоносный,

Долголетно носящи венец светоносный!

Ирод

Благодарен приветства и любви вашой,

Не отпадут от мысли долго сия нашой.

Радость ныне к радости моей приложися,

Веселися, Ироде, ныне веселися!

Певцы! Сладкиа гласы в устах растворете,

Господина своего песнми веселете!

Вели, да медоточне поють немедленно.

Отрок 1

Воскоре господина творю повеленно.

Пение

Апполлио! Музы! Семо воспешете,

Сладкиа песни с нами воскликнете!

Да веселится велегласный Ирод,

Да торжествует отселе в род и род!

Ирод

Гряди, вели что ино воспети любезно.

Отрок 2

Вскоре ушесам вашим воспоют полезно.

Пение

Ио! Ио! Восклицайте!

Ирода увеселяйте!

Воскликнете сладки гласы,

златые бо имать часы.

А Ионе, бий у струны!¹⁸⁷⁵

Направо, коло Фортуны,

Направо точится пильно¹⁸⁷⁶

и будет так неомыльно¹⁸⁷⁷.

Посланник от триех царей

Поклоненна восточна тебе дал трое царь:¹⁸⁷⁸

Мелхиор стара, Гаспар, третьяя Валтасар.

Волил царь новый Юды в земля твой родити,

Они схотели ему дары понести:

Ливан¹⁸⁷⁹ одна, друга смирн¹⁸⁸⁰, а третяя злато.

Просим тебе, ты не зволь оскорбити за то.

Твою землю Вифлеем пошол поклонился

Нову царю юдейску, да дом воротился.

То моя господина у тебе желае,

Да твоя путешество им вольно дае.

Ирод

Что новаго посланник сей наю¹⁸⁸¹ приносит?

Мира ли, или брани, или чего просить?

Сенатор 1

Сего послаша семо восточны три цары,

Дабы мели¹⁸⁸² путь вольный со драгими дары,

Чрез землю ти идуще со многими труды

Поклон дати коему не вем царю Юды.

Ирод

И кто есть царь юдейский, еще мне живущу?

И кто скипетр обыймет ту в десницы сущу?

Аз есмь царь и властелин, кроме мя никтоже.

Кто ми треокаянный соцарствовать може?

Ты же, глупче, приносишь весть о царю Юды

Кую? Се тя, извлек мечь, разсеку на уды.

Посланник

Воля твой, царю Юда, голова рубати.

Я невинна – мой царь зде схотел мя послати.

Сенатор 2

Не изволь умертвити, монархо, посланна,

Не от его бо воли сия содеянна.

Господие послаша того к твоей власти,

Да им бы путь был мирен и кроме¹⁸⁸³ напасти.

Ирод

Како путь мирен дам им? Не будут без борбы,

Иже ми нанесоша нечаянной¹⁸⁸⁴ скорби.

Сенатор 2

Скорбь сия кая есть скорбь? Пусти его в мири,

Да и тых увещает в истой к тебе веры.

Рцы, да царя новаго честно привитают,

Привитствовавшы, тебе о нем возвещают,

Или тамо идуще, зде изволят быти.

Вем, яко и сам схощеш от них вопросити:

Где рождейся? Потом сам схощешь привитати,

О приветствии же не леть¹⁸⁸⁵ теперь глаголати.

Ирод

Встань и гряди к господам, глаголи же тако,

Яко о их шествии радуюся всяко,

Да изволят идуще мене посетити,

Молю; рад и что от них вопросити.

Где узнали рожденна, и аз хощу знати,

Яко они, подобный тому поклон дати.

Посланник

Добро. Моя рада, что здорова ходила,

Больше того не буду кому говорила.

Ирод

Верные ми велможи! Предлежит нам дело,

Еже ми ныне радость на скорбь претворело.

Подобает уведать, кий то нарожденный

Новый царь на престол мой будет посаженный:

От моея ли крове или прежде бывших

Монарших наследников, себе утаивших?

Но ближайший наследник Иркан фрону бывый¹⁸⁸⁶

Не встанет, мечем моим главу положивый.

Такожде Аристовул, внук его любимый,

Не востанет, на престол праотцем садимый.

И кто оста таковый, фрон мой наследствуяй,

Усмотрете разсудне, всяк гадательствуяй.

Сенатор 1

Превеликий монархо! Всуе ум смущати

Не требе, ниже послов в страны посылати:

О нем ти восточные принесут весть цары,

Где обрящут и дадут нову царю дары.

Сенатор 2

О сем дело настоит¹⁸⁸⁷: егда волсви¹⁸⁸⁸ приидут,

Без согласна от тя все да не изыйдут.

Рцы, да тебе возвестят о царю рожденном,

От них приветствованном и дарми почтенном.

Таже и ты обещай ему дары дати,

А втайне¹⁸⁸⁹ оружия вели готовати.

Поклоним ти под нозе его выю горду,

Вели быти готову мечу и оскорду¹⁸⁹⁰.

Ирод

Аще же не восхощут о нем дати вести,

Кто нам может о цари рожденном повести?

Сенатор 3

И как не изволят, в руках твоих суще?

Не могут тя минути, вести не несуще.

Сенатор 4

Да мысль ти, о монархо, свободна пребудет,

Вели, да на их пути крепкая страж будет:

Аще к царю тещи имут, вели удержати,

Аще же воспять пойдут, вели зде предстати.

Ирод

Добри вой! На стражи будите не спящи,

Всех путем шествующих опасно¹⁸⁹¹ хранящи,

Наипаче егда цари пойдут от Востока

Вожденнаго на царство почтити отрока.

Тем без сумнения их скоро удержете

И к престолу моему семо приведете.

Мы же на мало время в своя си отидем,

Таже в время обычно паки семо придем.

Вой

С охотою, монархо, творим повеленна.

На время та завеса буди закровенна¹⁸⁹²!

Стоимо ж и сохраняймо наж заповеданна:

Не хотем царя наша быти поруганна.

Царей, идущих посредине, стража удержает

Страж 1

Господие! Молим вас, зволте мало стати,

Царю Ироду о вас требе докладати,

В нынешнее бо время Юдея смутися,

Аки бо царь си новый некий народися.

Царь 1

Творим царя вашего наю повеленно.

Изволте доложити, молим, немедленно.

Страж 2

Се иду и возвещу монарсе воскоре.

Изволте помедлити мало при семь дворе.

Сенатор 1

Господин наш, царь Ирод, любезно желает

У престола своего вас да созерцает.

Сенатор 2

Гости вожделенныя! Зволте посетити

Монарху лицем вашим и увеселити;

3 охотою чекает¹⁸⁹³ и радостно прииметь,

Яко другов любезных любовно обымет.

Царь 1

3 охотою на двор царск рады поступаем,

Лице его пресветло узрети желаем.

Царь 1

(к Ироду глаголет)

Преславнейший монархо Июдейския страны,

Саном царства почтенный над всех царей саны!

Здравствуй благополучен лета безчисленна!

Всякаго супостата имей покоренна!

Царь 2

Доколе Феб не станет в бегу златополучныи,

Дотоль царь юдейский будет благополучный.

Царь 3

Четверовластный скипетр четыре мира части

Скоро твоей господской да покорит власти!

Се и мы главы наша тебе покаряем,

Единыя свободы точию желаем,

Да даси нам путь мирен без всяка порока

Посетити новаго рожденна отрока.

Ирод

Радуюся, яко вас здравых созерцаю,

За приветство равные слова воздаваю.

По трудех путьшествия изволте почити,

Хощу нечто ко любве вашой предложити:

Коим случаем все три, не з едныя страны,

В едно намерение и путь сей собранный?

Царь 1

Мы трое равны есмы в учении значном¹⁸⁹⁴,

В звездочетстве. Но егда на небе презрачном

Увидим что ново и не можем пояти

Всяк своим умом, звыкли в едино збирати.

Пред деветмя месецами узрехом на небе

Нову звезду – о том нам сбратися¹⁸⁹⁵ было требе, –

Яже не на небесех была утвержденна,

Но в облацех над небо пречюдно явленна

И, як звездам обычно, не в запад течаше,

Но противу естества на юг та идяше.

Ту звезду разсуждая, надолзе¹⁸⁹⁶ пребыхом,

Многих волхвов искусных в память приводихом.

Егда же помянухом славна Валаама,

Имже та проречеся звезда еще здавна:

«От Иякова, – рече, – звезда возсияет»;

Ерифрея сивилла то же провещает:

«Таже от Израиля востанет человек

Славен, честен и премудр, вожделенный от век,

Тому вся земля имать быти покоренна,

Того царя познает над всех прославленна».

К тому, звезде ведущой, и мы путьшествуем

Да поклоном и дарми того почествуем¹⁸⁹⁷.

Ирод

И где есть она звезда, по нейже идосте?

Дадите ми ю зрети, о нейже рекосте.

Царь 2

По той звезде идуще, егда зде приспехом,

Абие бысть, аки бы никогда видехом –

Скрыся и оттоле наю не есть зрима,

Не вемы, или будет паки нам видима.

Ирод

Кия дары хощете тому царю дати?

Молю, возвестите ми, и аз хощу знати.

Царь 1

Аз злато.

Царь 2

Аз же ливан.

Царь 3

Аз приношу смирну:

Сия дары прилична суть царю всемирну.

Ирод

По-премногу, о друзи, мне ся возлюбисте

За честь, юже толику царю сотвористе.

Хотел бых приветствовать с вами царя нова,

Но дарствия моя ту еще не готова.

Молю, где обрящете, и мне возвестите,

Вестию мене о нем, молю, ввеселите.

Мею сребра и злата, камене добуду;

Витати царя нова, сколь мне мощно, буду.

Царь 1

Благослови ны, царю, во путь намиренный¹⁸⁹⁸,

Ты же здрав живи семо, мирен, надаренный!

Ирод

За посещение вам благодарю зело,

Землю ми июдейску проходите смело.

Егоже желаете, царя посетите,

Аз паки желаю, мне о нем возвестите

Царь 1 к рожденному глаголет

От чиста злата в небе имея полаты

И град святый, емуже блещат стены златы,

На драгих камениях красно основании,

Тебе в вечно жилище, Боже, зготованны, –

Ты же почто оставил красоту толику

И восприял еси ты нищету велику?

Над всех царей честнейший, так себе смиряет,

Егда между скотами тебе водворяешь!

Порфиры и мяхкия одежды дарствуешь

Людем, а на твердейшом сам сене бедствуешь.

Солнца огня теплоту даеш твоей твари,

Греешь землю бездушну воздушными пары, –

Сам в глубоком вертепе себе на хлад давы,

Аки над всего мира нищих обнищавы!

Прийми убо малую от мене часть злата,

Прийми, дражайший злата, злато от мя, блата!

Не придох, – не могу бо, – тя обогатити,

Вся в руку имущаго, но токмо вручити.

Прийми, а мя помилуй, Боже милосердый!

Паки реку: помилуй, Боже милосердый!

Царь 2

Аз пред тобою, Боже, тощ да не явлюся, –

Ливан от мене прийми, смиренно молюся.

Вем, яко ты Бог еси безсмертный, нетленный,

Безбоязненный, во век сущий неизменный,

Человека, чрез змия в рай поврежденна,

Пришел еси целити и живить мертвенна,

Но не инак, точию чрез смерти и раны

Целба, жизнь человеку паки будут даны.

Врачю душам и телам! Ливан ти приличен,

Плотию смертен сущий, божеством же вечен!

Прийми врачевания знак – ливан, молюся,

Ино что болшо несть ми, тем да умилюся.

Твоим даром никаков дар будет сравненный,

За велик от мя прийми сей дар умаленный.

Пребогаты, преславный над все человеки,

Буди благословенный, Боже, во вся веки!

Царь 3

Вечный Боже, на земли ныне воплощенный,

От века Бог, под леты человек рожденный!

Кую ти аз дам титлу яко человеку,

Иже царем и князем даешь титлы з веку?

Царь, иже тебе злато за дар приношаше,

Царя тя быти миру прообразоваше;

Вторый, иже принесе тебе ароматы,

Врачем душ и тел дерзнул тебе нарицати.

Аз тя архиереем, Боже, нарицаю,

Яко архиерею, смирну предлагаю.

Вже бо не смрадна повелиш пасити,

Но со кадилом смирну тебе приносити.

Проженешь¹⁸⁹⁹ сень ветхую, егда тя на жертву

Богу Отцу принесешь за тварь твою мертву.

Архиерею, за весь мир молящи Бога!

Да будет твоя милость и на нас премнога!

Благослови отити во страны своя здравым,

Путем благополучным, веселым и правым.

Вси три

Удаляемся телом, духом же с тобою

Хощем быти, ты нас имей со собою.

Подобает нам иным путем шествовати,

Да не зволим Ироду о сем возвещати,

Да коварен сый царя не убиет,

Крови невинной всуе да не излиет.

Пение

Весь мир ныне веселися, веселися,

Христос Спаситель родися;

(дважды).

Пришли к нему трае цары, трие цары,

Поклон дают, кладут дары;

(дважды).

Ливан, смирну, купно злато, купно злато,

3 различных стран дар той взято;

(дважды).

Мы же ему сердце даймо, сердце даймо,

Чистым сердцем величаймо.

Ирод

Ест ли возвещение о царех прешедших?

Что ми не есть ведомо о их мимошедших?

Сенатор 1

Изволишь, о монархо, стражем зде предстати?

Аще прешли или ни, изволь вопрошати.

Сенатор 4

Стражие! Монаршему лицу предстанете,

О чесом вас вопросит, ответы дадете.

Сенатор 3

Царей прешедших аще вспять шедших видесте?

Почто неудержанных наю¹⁹⁰⁰ не повесте?

Страж 1

Никако не явися ни един идущи,

Аз бо бех неусыпно стражбу ми стрегущи.

Страж 2

Како бы не дерзнули мы их удержати?

И как быхом не дерзнули вам возвещати?

Сенатор 2

Измена есть, о царю! Ин путь возлюбили,

Дабы о нарожденном ти не возвестили.

Прелестники¹⁹⁰¹ сущие тя, царю, прельстиша,

Слово свое царское волшебно сломиша.

Ирод

И тако царми званный царски хранят слово!

Сердце их царьми звати мое не готово.

Не мудрецы, – глупцы, всяк не брат, но изменник;

Не хотел ми быть другом, всяк будет же пленник.

Но прежде настоящо дело совершемо:

Где есть нов царь рождейся, умом поищемо.

Сенатор 1

Четверовластный царю! Аз мыслих надолзе

Кроме иных замыслов что бы к твоей пользе,

Но не успех того, бо не уведах места,

Кая того царя нова где роди невеста¹⁹⁰².

Вели убо рабином прийти премудрейшим,

От книжников еврейских много искуснейшим,

Негли¹⁹⁰³ кое в книгах чтуще зде пророцство¹⁹⁰⁴,

Обрящут того царя новаго нам сродство.

Сенатор 4

Не противу глаголю словеси твоему,

Но аще и младому, умови моему

Тако мнится, яко мечь во Июдеи споре¹⁹⁰⁵

Простерши, изыщемо нова царя вскоре.

Сенатор 2

Добр твой совет, обаче мощно испросити

От книжников, потом же сие сотворити.

Ирод

Добре. Два ми воскоре пригласи рабина

Зде с книгами; именем вели господина.

Парень

3 охотою, монархо, иду по них скоро,

Лицу ти пречестному зде представлю скоро.

Ирод

Мы же чрез сие времяна да не празнословим,

Помысльмо¹⁹⁰⁶, како того наступцу¹⁹⁰⁷ уловим?

Добре зде пришли есте,

(пришедшим рабином)

друзи возлюбленны,

Изрядно в Писании всяком изученны!

Рабин 1

Здравствуешь ли? Что слышно добраго, монархо?

Что тя видим прискорбна, великий тетрархо?

Ирод

Сего ради вас призвах, да усть ваших сладость

Горку ми скорбь претворит на сладкую радость.

Едва некий царь новый в Юдеи родися,

И уже по вселенной везде сый прослыся.

Нецы от востока шедше трие цари,

Мой престол поругавше, тому даша дары.

О нем ми возвестите: где и ест ли тако

Или ни, да скорбь мою отимите всяко.

Рабин 1

Монархо! Аще мене послушать возможно,

Аз тебе от талмутов исповем неложно.

О рожденном отроку глаголать начну ти,

Токмо не прогневайся, смирно ся молю ти.

Написал Исайя пророк у талмуты,

Яко мел¹⁹⁰⁸ родитися от колена Июды

3 дому Давида, в главе так седмой вещаше,

Егда царю Ахазу собеседоваше:

«Се Дева во чреве приймет, родить сына,

Еммануил наречет. Тая того вина¹⁹⁰⁹:

Престол Давида отца – его престол будет,

Царству же его конца во веки не будет».

И Соломон премудрый таже глаголаша,

Яко то в сие время быти имеяше,

Написал: «Родится мужь в июдейской стране,

Иже праотцев спасет з пекелной отхлани»¹⁹¹⁰.

Иеремия в главе третей его чает,

От семени Ияковля изыти вещает:

«На земли явися и живет с человеки,

Невидимы знан будет между человеки».

Еще Валаам мудрый, аще жил безбожно,

О нем силою Бога прорече неложно:

«От семени Ияковля прийдет муж великий

И будет обладати над всеми языки».

Ирод

Добре. Еще же молю, аще убо веста¹⁹¹¹:

Где рожден есть? В Писании поищете места.

Рабин 2

Монархо! от мене ты слушай того места,

Где такого отрока родила невеста.

Место его Михея пророк изявляет,

Иже во главе пятой сице поведает:

«Ты, Вифлием, не менши во владыках Июды,

С тебе изыде пасы¹⁹¹² Израиля люди»,

Отколь дается знати, яко в Вифлиема

Собышася Михеем сия глаголема.

В Вифлиеме родися, а в коем же месте,

Втайне о нем Аввакум сице дает вести.

Тако от Аввакума бе прорекованный:

«Посреди двох животных будеш познанный».

Ирод

И тако ми ушеса словы насладисте?

Лучше бы, дабы тако зде не приходисте!

Мнех, яко в моем радость сотвористе сердцы,

Вы в слезах, аки люты тописте мордерцы¹⁹¹³.

Не хощу вас, идете з очес моих вскоре,

Да не зрю вас никогда на монаршем дворе.

Ирод

Егда ли обрящется власть где-сь¹⁹¹⁴ превысока,

Бы по малой радости слезного потока

Не вкусила. Ах! Слез ток виссон омочает!

Зрящу на скипетр, болезнь сердце ми пронзает:

Коликим величеством отвне увенчанный,

Толиким внутрь жалости узом окованный!

Тридесят седмь лет саном царства бех почтенный,

Ныне же внезапу буду извлеченный!

Извлеку прежде мечь мой на завистну выю,

Иже хощет отяти диадиму сию.

Будеш, будеш первее в подземленном доле,

Нежели на юдестем седящи престоле!

Восхощеш избегнути? Но не буде время,

Не злату диадиму уз понесешь бремя:

Хотящь в благих оплывать на Ирода фроне,

Поплывешь и утонешь в крови своей тоне¹⁹¹⁵.

Сенатор 1

Престани, о монархо, о семь сетовати,

Хощу нечто полезно ти советовати:

Вели вожда призвати со силными вой,

Со всяким оружием и крепкими зброи¹⁹¹⁶.

Тых в Вифлиемску зволишь землю отпустити,

Поволишь всех отрочат на главу¹⁹¹⁷ избити.

Между теми наступцу¹⁹¹⁸ твоего убиют,

Твоя же мысль и сердце в радости почиют.

Ирод

Добре глаголешь. Гряди, пригласи ми воя,

Да придут воруженныи ко мне не без строя.

Парень

Господина моего творю повеленно,

Шедши, воя приведу семо немедленно.

Сенатор 1

Двоюлетных повели бить отрок нещадно,

Хотящу наследити¹⁹¹⁹ не будет отрадно.

Вождь 1

На повеление ти приидох готовый,

Имамы творить делом, еже речеши словы.

Вождь 2

Что повелиши, царю, тое будет делом;

Желаем ти работать душею и телом.

Ирод

Хощу, да будут ваши мечи обнаженный

И серца ко моему серцу сопряженный.

Мечи, в купу¹⁹²⁰ сложивше, да всяк лобызает,

Аще ми будет верен, сим да освещает.

Еще же крове нашой, смешавше, вкусемо.

Юнче! Гряди воскоре, чашу подаждь семо.

Се аз в первых источу¹⁹²¹, ты же твори тако

И ты, да и во бранех будет вам еднако.

Вождь 1

Готовы, зри, не токмо з рук кровь источити,

Но и глав не пощадем за тя положити.

Ирод

Пиймо, се глаголющи: «Буди в храбрость нашу!

Нов же царь да испиет от нас смертну чашу».

Вождь 1

Благополучен всегда да долгоденствуешь!

Вождь 2

И над царем новым здрав да долгоденствуешь!

(пиют)

Ирод

Ныне убо десницу крепко вооружите,

В Вифлиема пределы скорее бежете.

Будите без милости, будите жестоки,

Избийте двоюлетны и вящше¹⁹²² отроки,

Да межды тыми новый царь убиен будет,

Моя же вечна слава в целости пребудет.

Вождь

Готовы делом сия исполнити,

Ты же, монархо, зволь благословити.

Пение

Глас слышав – в Раме Рахили рыдаше,

Яко любезных чад си не видяше,

Вопль испускаше:

«О, чада моя, чада прелюбезьна,

Очесем моим красото полезна!

Плачу вас слезна.

Никогда плача аз не утолюся,

Дондеже лицем вас не наслаждуся,

Сама убьюся».

Убиение отрочат неслышимое, но зримое.

Плач и рыдание убиенных отрочат подобием плачевной Рахили.

Глаголати ли имам или молчати буду,

Егда мя вопросите, кто есмь и откуду?

Глаголати пространно плачь ми препинает¹⁹²³,

А хлипание¹⁹²⁴ часто речь ми приседает –

Молчати невозможно сердцу болезненну,

Имущему печалми душу уязвленну.

Мощно ли утаити огнь, в недрех сокровенный?

Иный не утаить болезни дух опечаленный,

Но от болезненныя души провещает,

Внутрь сущую всем яве «Горе есть!» возвещает.

Возвещу убо и аз на мене смотрящим

И яже о мне знати известно хотящим.

Аз есмь плачь, рыдание скорбные Рахили,

Еяже сердце многи скорби уязвили.

Весте ли, о людие, кто та Рахиль бяше?

Та, яже Иякову сожительствоваше,

Иякову супруга, мужу святу, честну,

Видевшему иногда лествицу небесну,¹⁹²⁵

По ней же возхождаху, нисхождаху ноги

Аггелов, сказующих спящу тайны многи.

Того мужа та жена, о ней написано:

«Глас в Раме, глас Рахилин плачевен слышано,

Рахиль плакаше своих чад прелюбезнейших,

Погубляемых от рук немилостивейших,

И утешити себе отнюдь не хотяше,

Понеже детей своих истребленных зряше».

Но речет кто, яко «та двоих токмо мбла

Сынов, ихже по долгом неплодстве родила,

Иосифа прекрасна и Вениамина,

По первородному чаде последняго сына;

Обаче тыи целы а живыи пребываша

И в народ ся премного тыи расплодиша.

О ком убо печется та слезная мати?

О ком тужит? Сетует о коем дитяти?»

Таковая глаголющь, не весть тайны Бога,

Егоже непостижный судбы бездна многа.

Да увесть убо тайну ту, не всем ведому,

Яже деема бяше в Яковле дому.

Безчадна Рахиль долго духом си тужаше,

Яко супружескаго плода не раждаше.

Егда же разрешил Бог оноя неплодство,

Услышав молбу теплу, даде чадородство,

Даде ей купно в дар з своей благостыни

Пророческаго духа бысть ей пророкиний,

Еже будущая то умне предсмотрети

И ведати, каковы будут ея дети,

Дети, внуки, правнуки в последняя роды,

Счастье их и несчастье, плены и свободы.

Во-первых убо, егда родила первенца

И еще не вскормила своего младенца,

А уже в ночном сонном видении зряше

То, еже Иосифу быти имеяше:

Зряше того ведома, егоже связаша,

Яко пленна раба от братии продаша.

Плачущий, рыдающа, к рожьдшеи вопиющи:

«Рахили! О Рахили! – слезне глаголюща, –

Рахили, мати моя, почто мя остави?

О мати, чадо твое от злых рук избави!»

Того Рахиль в видении соннем чаете зрящи,

Обаче со ужасом воспряну, стенящи

И, обьемши младенца матерски руками,

Слезы от очию си точаше реками.

Таже, егда зачала и Вениамина,

Прежде рожества того последняго сына,

Еще во утробе своей младенца имущи,

Уже пророческий век предузре буду щи:

Племя Вениамина како име быти

В бедах, скорбех, печалех гинути, не жити, –

Ово от своих, ово от чюждых гонимый,

От всех убиваемы, веема несчадимы¹⁹²⁶.

Предзряше пророчица она всю подробну

Имевшую брань быти междусобну,

В нейже Вениамина род спод светлаго солнца

Истребится от своих племен до конца.

А за едино токмо скверна греха дело,

Егоже и помыслом вспомянут немало.

Предзряше и другое злое время мати,

Яко мечь асьсириев име поядати

Останок Вениаминь, а не избиенных

Зряше в плен вавилонский скованных веденых,

То Рахиль пророческий егда зряше убо,

Прегорким рыданием рыдаше сугубо,

Ово о избиенных, ово о плененных

Чад своих прелюбезных, вконец¹⁹²⁷ разоренных.

Иных всех и онех рыдаше не тольма¹⁹²⁸,

Якоже о сем часе возрыдая болма,

Егда узре мечь острый скоро обнаживша,

Вифлиемския дети избити имевша.

Ратуеми внуки себе защищаху,

Плененны свободы себе желаху.

А иже пеленами повиты дети, –

Како мощно им бяше себе защитити?

То предзрение¹⁹²⁹ слезы Рахили точаше

И от горкаго плача престать не даяше

Даже до скончания. А егда плачася

Ради¹⁹³⁰ Виниамина и вскоре скончася,

Тело ея честное камо погребенно,

Рахилею оное место нареченно;

Место, идеже потом Вифлием создася,

От гроба Рахилина Рахиль-град прозвася.

И егда в Вифлиеме лютость сотворися,

Рыдание Рахили и плачь обновися,

Аще бо и мертвая тамо почивает,

Обаче ея душа на все то смотряет.

И яко бывши жива, от имевших быти

Рыдавше, такожде и преставши жити,

О событии вещи горчая рыдает,

Якоже еваньгилист то воспоминает:

«Слышится в Раме глас, горце стенящий,

От Вифлиема-града с плачем исходящи,

Глас Рахили плачющей, но несоравненно

Паче перваго плача много болезненно,

Тогда бо единою гортанию кричаше

И от единых очес слезы испущаше;

А ныне елико есть детей, кровь лиющих,

Толико есть матерей, плачевне ревущих».

Того плача аз есмь глас и весник повсюду,

От Рахили дошедши даже и довсюду,

Возвещающ слышащим печаль вельми смутну¹⁹³¹,

Младенцов избиенных смерть зело укрутну¹⁹³².

Кто во вас сердоболен духом умиленным,

Поне мало поболи серцем сокрушенным,

Споболи¹⁹³³ Рахилиным болезнем сердечным,

Соплачи тоя теплым слезам бесконечным!

Ирод, лют властолюбец, добра ненависник,

Самаго диавола истинный наместник,

Новорожденна царя хотя погубити,

Посла неповинныя младенцы избити,

Посла вооруженный, аки на рать, воя,

Аки на не дающих супостат покоя.

Но, о прелюбезнейший мучителю, слыши,

Егда ся незлобивых младенцов биеши:

Егда ли тыя на тя полки собирают?

Егда ли на царство ти брани воставляют,

Которие от матерних сосцев отрывают,

Неповинных мечами люте убивают?

Еже аз умным оком егда созерцаю,

Сице к сердцу моему плачевне вещаю:

«О сердце, сердце, твердейши опоки!

Что удержиши слезныя потоки?

Что от жалости, аки воск, не таешь,

Слез не истощаешь?

Зри, коль жалостный и скорбные часы!

Сквозе пронзают утробу ми гласы

Слезных матерей, плачущих о чадех

В весех и градех.

Чада любезна в кровь сии углебают¹⁹³⁴,

Матери в слезах горких утопают,

Егда биют вой чад немилосердный,

Неблагосердны,

Лютейшии зверя: из рук похищают,

От слатких сосцев обще отрывают,

Всех закалают, агнецев незлобивых

Не творят живых.

Вся Вифлиемска земля превращенна,

В кровь неповинных деток обагренна,

В полях и стогнах¹⁹³⁵ течет крове море.

Горе! Ах, горе!

Четырнадесять тысящ положили

И еще крове тых ся не напили,

Не напоили зверобразного

Ирода злаго.

Впоит¹⁹³⁶ невинность, в небо вопиющи,

Утолишь жажду в серчистой¹⁹³⁷ пловущи

Реце, егда сам пойдешь в ада руце

К вечной муце.

Плачу и плакать непрестанно буду,

Печали сея во век не забуду,

Буду рыдати на злаго Ирода

В роды от рода».

Пение: «Глас слышан в Раме...» и прочая. Вождь с вой приносит главы отрочат,

и Ирод радуется, и венчает, и отпускает.

Вождь

Торжествуй, славный монархо, оттоле

Мирно седящий на твоем престоле!

Четырнадесят тысящь отрочат избихом,

Таможе и наступцу твоего уловихом,

Се в знамя принесохом детияные главы,

Да детище твоея не терзает славы,

Еяже ти живущи не хотели склонити,

Торжественне на мертву изволь наступити.

Кидают.

Ирод

Радость обят мя ныне толь велия зело,

Сколь великую прежде сердце жалость мело.

Вам же благодарствую за толики труды,

Венец победоносный от мене вам буди.

Не замедлю великим саном вас почтити,

Ныне же помозите мне ся веселити.

Певцы! Торжественныя песни воскликните,

Поюще же, во длани весело плещете,

Да мало утешимся по сщастливом бою,

Потом будет склонитися время к упокою.

Пение: «Аполлио! Музы! Семо поспешете...» и прочая.

Ирод

Довольно ликов¹⁹³⁸, певцы! Ныне престанете,

Вельможи, и вы, вой! В свояси идете.

Хощу мало уснути, седящи на фроне,

На преслатком почити Морфеуша лоне.

Аще случай явится, скоро зде придете,

В царском управление словы¹⁹³⁹ пособете.

Юнцы! Венец, скипетр, мечь от мене возьмете,

Где ми есть сокровище, тамо понесете,

Сами же паки вскоре ко мне приходите,

Здравия ми опасно и верно блюдите.

Велете что инаго еще воскликнути,

Донелиже пресладце возмогу уснути.

Пение

Спишь, окаянне, сном обремененный!

Глас невинности, в небо возведенный,

За кровь рыдает, отмщения просить.

О нечаянну¹⁹⁴⁰ смерть тебе голосит.

Отроки¹⁹⁴¹ отбегут Иродовы.

Невинность

Внушай, о небо, невинности гласу!

Не презри крове пролитой в сем часу,

Нас, немовлятков¹⁹⁴², злобы не творивших,

Жизнь оставших¹⁹⁴³!

Ничтоже в жизни злаго содеяхом,

Не токмо злых дел – и словес не знахом,

Кроме любезне матерь нарицати,

Сосца вкушати.

Даждь отмщение от суда ти свята

На кровопивцу Ирода проклята.

Пролил еси кровь жизни отчаяние

Ти, окаянне!

Отвори гортань несыту змиину,

Пий, юже излил еси, кровь невинну;

Еяже жаждал, ныне утолися,

Возми напися.

Простри утробу жаждну, несыту,

Лий в ню кровь сию, ли чрез тя пролиту.

Пий и матерей пролитыя слезы

В стогны и стезы¹⁹⁴⁴.

Пий истекшия от скорбну¹⁹⁴⁵ зеницу

Смотрящих воев на люту десницу,

Бьющу нас, агнецев, для твоей трапезы, –

Пий кровь и слезы.

От крове нашой нам порфиру сшилесь¹⁹⁴⁶,

Бисерами слез матерних спестрилесь¹⁹⁴⁷,

Увенчалесь нам вечным венцем главы

Вечныя славы.

По малой жизни мы вечне царьствуем,

Тебе же вечьну смерть ходатайствуем,

Не злобы нашой, но Бога судбами,

Мстяща законами.

Истинна и два аггела

Ангели! Семо Невинность да придет!

Глас твой пред Бога престол уже взыде,

Еще слезы да зрит и кровь вашу чисту,

Юже пролисте неповинну исту.

Даждь я анггелом, а венец на главу

Приими и гряди во вечную славу.

Приими маслину, та есть знак победы

За Иродовы на вас всех обиды,

Егоже отмщение без всяка откладу

На бесконечны муки вечну предаст аду.

Аз, истая Истинна, вещаю ти исто,

Яко ему готово во аде уже место:

В Цербера всегда будет гортани сидети,

Будет огнем серчистым обяты горети.

Ты же иди в жизнь вечну. Анггели! Приимите,

Между анггелов лики сию водворете.

Со торжествующею в небе торжествуйте!

Се аз вама предиду, вы мне последствуйте.

Почнувся¹⁹⁴⁸, Ирод стогнет и немощным гласом отрочат зовет

Юноша! Ах, юноши! Камо отидосте?

Юноши

Се есмы, господие.

Ирод

Чесо ради мя спяща зде пренебрегаете?

Парень 1

Господие! Великим быхом яты страхом

И того ради от тя спяща отбежахом.

Ирод

Кий страх?

Парень

Исходило некое лицо все бело,

Две чаши носящое, дерзновенно, смело.

Мы недоумехомся, что бы было тако?

Ужасны, не могохом при тебе стать всяко.

Ирод

Горе ми, окаянну! Аз се видях спящи,

Еже ми прорицало смерть в час настоящий:

Невинность то ко Богу за кровь си взывала,

Юже излих, и тою мене напавала1.

Слезы скорбны матерей пити ми даяше,

Отмщение в небо и смерть ми взываше.

Горе! Смерть ми настоит, все тело неможе.

Юноши, молю, вскоре устройте ми ложе.

Строят.

Здравствуй всякий, седящи на моем престоле!

Аз бо на нем сидети не буду оттоле.

Побежите, да семо приидут вельможи,

Рцете, яко царь лежит на смертелном ложи.

Парень 1

Ты иди! Господина аз буду хранити,

Но не изволь долгаго времени медлити.

Пение

О прелеснаго мира! Лютейшаго зверя

Ныне венчает,

А утро пожирает;

Дарствует ныне злато,

Утро мещет в блато;

Садит на престоле,

Потом в ниском доле.

О лукавствиа мира! Лукавства не мало –

В пресладчайшом меду смертно имать жало,

Где сахаром лесныя слова посыпает,

Пелунную¹⁹⁴⁹ горесть там утаивает.

Парень 2

Великий господине! Вельможи приидоша.

Смотри скорбных, яко тя болна обретоша.

Ирод

Умилосердитеся! Дайте ми пораду¹⁹⁵⁰!

Не дайте ми умерети, подайте отраду!

Сенатор 1

Бежи, юнче, по врача, да будет зде вскоре,

Егоже обрящеши на моем подворье.

Отрок пошел.

Сенатор 2

Друзи! Аз неслыханный смрад в нем ощущаю,

Не живуща, но смертна веема его чаю.

Сенатор 3

Рци нам слово, о царю! Что тебе болеет?

Ирод (немощным гласом)

Ах, увесь изнемогох, все тело дряхлеет.

Сенатор 4

Уступемо подале, аз не могу стати

Блиско смрадна, нозри бо требе затыкати.

Врач

Здравствуйте, первейшии Ирода вельможи!

Что се вашего царя сложило на ложи?

Сенатор 1

Тя вем врача искусна осмотрити болезни.

Может ли еще с нами пожити в сей жизни?

Лекарь (осматривает)

Не гневайтеся на мя: царь ваш болен зело.

Не вем, аще му кое сопеспешит¹⁹⁵¹ дело.

Смотрете: по всему теле множится огница¹⁹⁵²,

Всю утробу повреди лютая чревница¹⁹⁵³,

Се уды все сорвенныи¹⁹⁵⁴, все веема согниша,

Нозри ощущение свое заградиша.

Увесь в болезнех смертных и жити не може.

Изволте готовити ему гробно ложе

И сами, аще кто з вас хощет здрав быти,

Изволите опасно всяк себе хранити.

Смертен есть и всякаго он смертна сотворит,

Аще обоняния кто зде не затворит.

Аз болше стоять не могу. Господа, простете,

И сами, советую, долго не медлете.

Ирод

Что вам врач глаголаше? Да аз вем, недужны.

Повесте, что ми будет в сей час горки, нужны¹⁹⁵⁵?

Сенатор 2

Смертен ти час настоит. Изволь ожидати,

Нам же зде ради смрада не мощно стояти.

Ирод

Ах! Вельможи и вой! Что остависте мя?

Стойте, Дóндеже тела аз низложу бремя.

Уже не время.¹⁹⁵⁶

Ах, горе! Кий глас уши страшный проникает?

Болезненно ми сердце смертию страшает?

В гроб посылает.

Тако ли то, Фортуне, изменяти знаешь?

Вчера на престол, ныне в гроб мя посылаешь!

Вскоре дознаешь.

Недавно вельмож, воев чина окружали,

А ныне окаянна все мя отбежали,

Время дознали.

Ах, с мирскими благими тяжко ся растати,

Тяжше в реце гегенской вечне утопати!

Не изринати¹⁹⁵⁷.

(шепчучи говорит)

Ей! Дай кто помощь и руку!

Ей! Кто добр, утоли муку!

Ах! Страшная вижду!

А-а! Терплю страх!

Ах! Душу устрашают!

Ах! Тело удручают!

Ах, ах, ах!

(и упадет над пропасть)

Отмщение

Толико, окаянне, творити дерзнулесь¹⁹⁵⁸,

Противо Бога ярость, глупче, воздвигнулесь¹⁹⁵⁹.

Се ти аз, Отмщение, то сотворю вскоре,

Яко с трупом си будешь скоро в ада мори.

Коль смертных язв невинных сотворилесь,

Толь тебе во ад вечны дверей отворилесь.

Смертию отрочат всех живот изгубити

Тщался еси – сам в смерти вечно будешь гнити.

Мирно з Богом на земли не хотелесь¹⁹⁶⁰ жити,

3 смертию будеш или смерть тобою владети,

Не помогут вельможи, ни вой избранны.

Иди во ад навеки, иди, окаянный!

Блесни, молния, з неба! Разби, перун, тело!

Земле, пожри! Во веки там будет се дело.

Так будет всяку грешну, кто Бога убивает,

Различными грехами мучит, распинает.

Се, гегенну готову зря, всяк да боится,

Да Ироду гордому зде не собразится¹⁹⁶¹.

Пение

О гордость мира! Что се сотворила?

Сама себе во ад двери отворила

От Люцыпера завистию злою

Для непокою.

Ирод в узах ада

Горе! Горе! Ах, горе! Нестерпимой муки!

В гортань достахся ада, не точию в руки!

Горе! Палит мя пламень, палит мое тело,

Из утробы дышущу, – горе! – палит зело.

Внутрь мене огнь пекелный¹⁹⁶² душу сожигает,

Змий в сердце, и утробу жало угрызает;

Грызет мою утробу мука нестерпима.

О муки! Ах, огня, в век неугасима!

Горю! Горю! Мучуся, мучуся во векй!

Не воскресну от смерти между человеки!

Ах, почто аз родихся? Ах, почто родихся?

По малой жизни во смерть в вечную вселихся.

Проклят родитель, мати проклята ми буди!

Почто мене родили, почто между люди?

Проклят полдень буди, буди час проклятый,

В онже рожден есмь, иже муками обятый!

Все дни, часы, минуты, прокляты вся годы,

Яже изжих суетно, проклятый во вся роды!

Проклята гордость! Та мя во век погубила,

Та мя противу Бога брань творить учила.

Прокляты и вельможи за своя советы,

Наустившия¹⁹⁶³ мя бить невинные дети!

Прокляты и все вой, что не пощадеша!

Почто число толико беззлобных избиша?

Паче всех аз есмь проклят, ту терпящи муку.

Проклят сам себе давы в Люцыпера руку, –

Зде во веки мучуся. Ах, мука велика!

Мука безконечная во вся веки века!

Смотря на мя, гордяся¹⁹⁶⁴, гордится престани,

Да некогда в сей будешь со мною, гортани.

Пение: «О гордость мира...» и прочая.

Смерть

Радостна ныне есмь, Смерть: егоже желала,

Того ныне чрез крепость мою доказала.

Едина торжествую, аз бо победила,

Кровию вифлиемску землю напоила.

Четырнадесять тысящ от сею¹⁹⁶⁵ косою

Покосила отрочат, як траву з росою.

А што лучшее – царя Ирода убила

И в Цербера гортани того посадила.

Власть имам над естеством всяка человека,

Тых силна обладати буду во вся века.

Сяду на престоле, возму и венец на главу,

Да всяк мене боится, видяй мою славу.

Жизнь

Почто, окаянная, тако торжествуешь?

Или мене на земле, Жизни, ты не чуеш?

Не умре Натура людска, но в век жива будет,

Твоей области¹⁹⁶⁶ данна никогда не будет.

Низложи венец, бежи от престола славы,

Там живи, Дóндеже ту сокрушу ограды.

Ты, яже еси ныне отселе изгнанна,

Веждь, яко во век вечный будеши попранна.

Аз имам на престоле седети во веки

И садить со собою моя человеки.

Вы Натуру людску семо приведете,

Близь мене на престоле семо посадете:

Славою и честию аз ту увенчаю,

Яко моя другиня будет, тако чаю.

Сяди, Натура людска, семо на престоле,

Аз тя, Жизнь, оставляти не имам оттоле.

Натура

Жизнь, с небеси данна, будь благословенна!

Главу ти преклоняю аз, Натура бренна.

Яко человечество тако возлюбилась¹⁹⁶⁷,

С тобою пребывати всегда сподобилась.

Жизнь

Прийми венец пречестныи первы ти на главу,

Вечну буди имуща всегда о мне славу.

Смерти же тя никогда не имам предати,

Но по малой жизни в жизнь вечну хощу взяти.

Кротость Божия

Разными дарованми человек почтенный

От Бога, егоже есть дланью сотворенный,

На что не памятаяй, суете вдадеся,

Против самаго Бога гордо вознесеся,

Яко иногда ангел, с неба низверженный,

Иже бе против Бога умом вознесенны.

Но аз, Кротость, низвергох с небеснаго града

И предах того лютой во век муце ада.

Сице и человека горда, вознесенна,

Сотворих с Люцыпером быти посажденна, –

Ирода проклятаго, иже суетою

Уловлен, соплетен же злости слепотою.

Искаше Христа Бога рожденна убити,

Мнел бо себе болшаго, неже Бога быти.

Кто есть велий, яко Бог, Ироде проклятый?

Седи ныне умален, ады узы яты.

Сице всякому будет, иже убивает

Христа грехами, сий и на кресте распинает.

Ирод искаше убить, а ты убиваеш.

Ведай, что тебе или чесого чаеш.

Аз есмь крепка, яко лев, аз ти сотру роги

Гордый ти, за прочий убью грехи многи.

Аще же кто агнчее сердце уготует,

Ведай, яко лев крепки с такими пожирует.

Агнцу, иже за тебе заклан бысть, родися,

Не як лвовы Ирод, кроток поклонися.

Показавши измену мира сего лестну

Тебе, слышателеви нашему пречестну,

За любовныя слухи¹⁹⁶⁸ всем благодарствуем,

Такожде нарожденным Христом приветствуем!

Здрав и благополучен да долгоденствуешь,

Потом вечно на небе с ним же да царствуешь.

Все едиными усты и сердцы желаем,

Простете согрешивших в действе, умоляем!

1

О пияницы

Благий обычай у честных бывает,

Кто болши любит, болши испивает

О господина здравии своего,

Нежели и души своей за него.

Такову любовь аз хощу явити,

О твоем здравии сию чашу пити.

Блудный речет

О мой любезный, како ти воздати,

И слово твое мило мне слышати.

На сто червоных в чашу пологают,

Аще испиеш, тебе ся отдают.

Но, мой любезный, потщися испити,

Радости сердцу моему приложити.

Пианица

Здрав, господине, буди многа лета,

Испию до дна ради тебе, света.

Та чаша первие наполнена будет яве, а потом тайно источиться, юже он подем праздну¹⁹⁷⁰, аки испиет. Потом взем денги повалится и рече Блудный

Возмите его, спати отведите,

Да целы будут златницы, блюдите.

Слуги возмут пианого и на сторону положат, он начнет аки умирати. Придет демон, возмет душу и отнесет во ад. А слуга един посмотрев мертваго, бежит к Блудному и речет

Честный господине, брат наш умирает,

Напився сладце, душу изрыгает.

Блудный

Земля велика, есть где сохранити,

Испил сто златниц, мощно гроб купити.

Собеседник к тому слузе речет

Слушай, мой брате, шед погреби тело,

Мы с господином поседим весело.

Той слуга поидет, а они далей веселятся.

2

Изидет старик, иский мудрости, придет малец школьный¹⁹⁷¹ научити его

Старец

Бог в помощь, государи! Вси здрави будите,

Кручины на беднаго старца не кладите,

Что вышел дерзновенно между милость вашу:

Ума хощу набыти на потребу нашу.

Кто ведает, где разум в лавках продается?

Аршин з десять купити старик волочется.

Уже мне докучно без ума жити.

Аще бы возможно паки младым быти,

Принял бы ся за книгу руки и зубами,

Да бым ума набити в главу кулаками;

А ныне готов есм добраго стяжати,

Токмо бы кто изволил разума продати.

Малец учитель з свитком и с плетию

Бог ти в помощ, старче! О чем ти кручина?

Повеждь, аз тя утешу, искусный детина.

Старик

Ума хощу купити, да не обретаю;

Ходя, у добрых людей давно вопрошаю.

Малец

Не кручинся, о старче! Аз много имею

Ума и старых людей учити г/мею.

Точию есть потребно, что велю, творити

И ни в едином слове упорчивым быти.

Старец

Вся готовь есм творити, учителю честный!

Во мздовоздоянии не буду ти лестный¹⁹⁷².

Малец показует свиток и глаголет

В сей хартии есть разум. Потребно ю сьясти,

Изрядно порозрезав на мелкия части.

Старец

То готов есм сотворити,

Точию бы мудрым быти.

Тогда Малец порежет, а Старец яст и глаголет

О! Вкус жесток есть, хощется блевати.

Малец

Терпи, аще тя хощет и прервати:

Горек труд ныне, но сладкий плод будет,

Егда в главе ти ума прибудет.

Егда сяст Старец, тогда Малец на таблицы написав азбуку и учит Старца.

Малец

Глаголи со мною. Аз.

Старик

Увяз.

Малец

Буки.

Старик

Учителя прибрать в руки.

Малец

Веди.

Старик

У меня уже суть дети.

Малец

Глаголь.

Старик

Учителя за хохол!

Малец

Мало памяти в главе, по телу расплыся;

Хощу в главу вогнати, токмо положися.

Старик ляжет, а Малец от ног плетию во главу память вгоняет и глаголет

Иди в главу, память! Ты, старче, учися,

Но за соху в дом паки приимися.

Старик

О! Есть память, есть! Уже добре знаю,

Изрядно письмо то прочитаю.

Малец

Чти гласно.

Старик читает

Аз, буки, веди, глагол.

Малец

Се память в главу вся добре собрася,

Се уже писмо добре прочитася.

Но днесь довольно, да ты не стужиши!¹⁹⁷³;

Приходи рано, да ся болши учиши.

Старик

Кто ся не хощет в юности труждати,

Должно тому есть в старости страдати.

3

Изыдеть той же Старик и глаголет

Знаете ли мене, мои государи?

Аз был есм вчера без разума старый,

А днесь умудрен есм, грамоты доволен,

Токмо на главу чрез всю нощь бех болень:

Чрево, ум снедше, много говорило,

Даже самому зело тошно было.

Грамоты столко глава моя знает,

Яко весь мозок¹⁹⁷⁴ ея не вмещает.

В пазухе, в зепях¹⁹⁷⁵ грамоты довольно,

По сих бумашках ума зело полно.

Аще же ныне еще поучюся,

Скоро философ велий нарекуся.

Жду учителя: обещался быти,

Скоро и добре хощет научити.

Учитель

Добре пришел еси, учениче милый!

Хощу тя учити от всея ми силы.

Прочти стих вчерашний, потом же поступим

Дале в премудрость, без денег ю купим.

Старик

Учителю мой драгий, добре памятую

«Аз, буки, веди, глаголь» и толк его знаю:

Аз – увяз;

Буки – учителя прибрать в руки;

Веди – у меня уже суть дети;

Глагол – учителя за хохол.

А правда, яко добре сия аз толкую?

Уже философии учится готую.

Учитель

Чюдная твоя мудрость, токмо буим знати,

Вси мудрецы не могут тако толковати.

Время во глубину ти святым умом вступати,

Или горе на древо возвышену быти.

Старик

Челом бию, государю, аз твоей милости,

Яко тобою приях только мудрости.

Учитель

Аще хощеши, старче, еще мудрее быти,

Тупый ум твой потреба добре наострати.

Старик

Пожалуй, государь мой, о том ты потщися,

Дам заплату велику, токмо потрудися.

Се ти злата доволство, изволь изострити

Тупость ума моего, чтоб премудру быти.

Учитель

Сяди а терпи; полезно ти будет:

Ума остроты во главе прибудет.

Тут Учитель, добыв бруса, будет главу острити и глаголет

Главо дурная, брусом сим острися.

Старче безумный, к сохе возвратися.

Старик крикнет

Бережи власов! Увы, болит глава!

Ох! Тяжце придет премудрости слава!

Учитель

Суть буйства власы, нужда изривати;

Ради мудрости изволь пострадати.

Тут рвет власы, а Старик кричит

Доволно уже, лютый учителю!

Изострил еси ум мой, мучителю!

О тяжко зело мудрость есть стяжати,

Унее¹⁹⁷⁶ бяше никогда не знати.

Учитель

Краткая болезнь вечную утеху

Тебе раждает, достойную смеху.

Смотри в грамоту и читай смело,

Се познаеши мудрость добре зело.

Ту возмет письмо и читает; возрадовав же ся, глаголет Старик

Ей, воистинну ум мой изощренный!

В Писаниих зело умудренны!

Токмо не сладко, мнит ми ся, читаю,

Ни словес сладостных лекарства не знаю.

Учитель

Не вдрук все благо можеши прияти,

Будет и сладость, изволь мзду воздати.

Старик

Все, еже имам, буди пред тобою,

Токмо сотвори милость си со мною.

Учитель

Отверзи уста, прими сию сладость,

Сладкоглаголив буди людем в радость.

И мажет медом уста его и лице

Старик глаголет

Паче медвенна усладихся сота,

Сладкая будут словеса из рота.

Учитель

Се сам знаеши, яко умудрися

И гортань твоя мною усладися.

Паши хлеб токмо, при сей мудрости

Не познаеши от глада трудности.

Иди ж у с умом до твоего дому;

Како умудрися, не сказуй никому.

Старик

Иду радостне, тя имам хвалити,

Аще мя люди будут мудрым чтити.

Идет Старик за завесу, а Учитель

Аще смолою сосуд наполнится,

Ниже кадилом удобь выкурится.

Глуп состареся. Кто его научит,

Аще и на смерть кнутами замучит?

Соха, борона – то то дело его,

Ей, не забудет учения моего.

4

Исходит Старик и глаголет

Увы, мне, бедну! Весь изнемогаю,

Частее стеню, неже отдыхаю:

Старость глубока зело ми стужает¹⁹⁷⁷,

Недугом тяжким велми озлобляет¹⁹⁷⁸.

Ноги не крепки, не служат и руце,

В новой на всяк день есм недугов муце.

Глава ми болит, стомах¹⁹⁷⁹ зазнобися,

Сердце печально, все тело растлися:

Уши не слышат, очи видят мало,

Бодрость и действо всех удов¹⁹⁸⁰ престало,

Язык не хощет усты глаголати,

И зубы хлеба не могут сожвати.

Живый хожду труп, веема неключимый¹⁹⁸¹,

А от скудости зело еемь мучимый:

Хлеба не имам, риза вся раздранна,

Не вем 6над мене в мире окоянна¹⁹⁸²,

Зима лютая вельми досаждает,

Мертвеца суща в дрова¹⁹⁸³ изгоняет.

Сещи не могу, обаче¹⁹⁸⁴ искати,

Не возмогу ли готовых собрати?

Пойдет за завесу и абие з дровами изшед, глаголет

Бог ми пособил: найдох дрова сия,

Имиже моя сляцается¹⁹⁸⁵ выя.

Ох, утрудихся! Не могу носити.

Лучше умрети, неже в нужде жити.

Бог мя оставил за преступления,

Не посылает мне умерщвления.

Юный мнози везде умирают,

Старика тленна во гроб предваряют.

Ей, смерть есть слепа, не видит, что взяти,

Мало в ней ума, не весть разеуждати:

Юным есть горька, а тех похищает,

Мне бы была сладка, но мя оставляет.

О смерти! Где ты? Камо заблудила?

Векую беднаго старика забыла?

Потщися ко мне, возми мя до себе,

О, коль аз давно ожидаю тебе!

Смерть изыдет и глаголет

Что, старче древний, слезно вопиеши?

Чесо мя ради до себе зовеши?

Имя ми есть Смерть. Аз весь мир умерщвляю,

Души от телес людских разрешаю.

Старик

Честная Смерти, ничто мне с тобою,

Живи в дружестве добром ты со мною, –

Инии люди семо прехождаху,

Тии до себе тебе призываху.

Смерть

Не льсти¹⁹⁸⁶ мя, старче! По гласе тя знаю,

Чего хощеши? Повеждь, вопрошаю.

Старик

Прости мя, Смерти! Се правду вещаю,

На помощ милость твою призываю:

Пособи дрова на плеща взложити,

Твоим пособством престану тужити.

Смерть

Старче лукавый! Что се ты твориши?

Непрельстимую богатирку льстиши?

Не мое дело в дровах ти пособляти,

Аз вем телеса ваша во гроб хищати.

Обаче тебе имам пособити,

Да скорее в гроб возможеши прити.

Се коса моя дровам ся касает,

Гроб тя древяный в дому твоем чает.

Прощайся с людми и Богу молися,

Утро в могилу ко мне готовися.

Смерть отыдет, Старик глаголет

Увы мне, увы! Что имам творити?

Векую аз дерзнух Смерть к себе гласити?

Сам ю возбудих, яже твердо спаше,

Мене мертвити не у¹⁹⁸⁷ помышляше.

Прельстихся, бедный, лучше бе молчати,

Воли Божия в готовости ждати.

Уже днесь иду в дом свой умирати,

Изволте вы мне прощение дати,

Бога за душу мою помолити,

В последней нужде любовь проявите.

Сами здравствуйте на лета премнога,

Званием Смерти не гневайте Бога.

И отыдет.

5

О летяги¹⁹⁸⁸ сие

Изыдет Летяга и глаголет

Добро с щастием и в гробы ходити,

А лучше того в путь с ним выходити.

Хоша нехорош аз, но щаслив зело,

Се похвалюся тым пред всеми смело.

Идох аз путем и вижду с далека:

Лежит мешок сей, а несть человека,

Взях и посмотрех и се, – слава Богу!

Сто рублев денег. Ну ж я в путь, в дорогу

В радости пошол, теперь погуляю

С други своими, которых сам знаю.

Слушайте, друзи! На кабак ходите,

На вино, на мед пояс разрешите¹⁹⁸⁹!

Лакомый¹⁹⁹⁰, услышав его глаголание, исходит и глаголет

Увы, мне, грешну! Люте погибаю!

Не хощу жити, иду утопаю:

Денег зде вчера погубиль есть многа,

Цело сто рублев. Молю, ради Бога:

Не слыша ли кто? Аз готов платити

И вечно буду Бога за нь молити.

Летяга

Друже! Не печалься, не иди, не топися,

Есть твой убыток, токмо разсудися.

За находное потреба платити:

Половиною будем ся делити.

Лакомый

О, мужу добрый! Буди Бог с тобою,

Яко сотвори ты милость со мною!

Прими, молю тя, тридесять рублев сию,

Искупи от уз бедну мою выю.

Отдаждь той мешок, нимало заимая,

Да будет в мешку сто рублев целая.

Прочее Бог имать возмездити,

И аз готовь есмь благодарен быти.

Летяга, приимет 30, отдает мешок

Смотря на слезы, мало приимаю,

За тридцать рублев сто тебе отдаю.

Сим аз доволен, мало бо трудихся,

Твоими то труды тем же умилихся.

Лакомый

Душе святая, за ту милость тебе

Бог да заплатить на земли и в небе.

Летяга

И за то слава Богу во век буди!

Пойду на кабак, ждут мене там люди.

(И отходит)

Лакомец глаголет

Иди, дураче, не знаешь ничего,

За тритцать рублев се коль купих много.

Ой, буду ж уже себе торговати,

Ради прибыли товар куповати.

Тут Обманщик изыдет, наверзав в мешечик чего-нибудь подобием сорока соболей,

и глаголет

Пойду далече на чюжую страну,

Там продам товар, чтоб не быть познану;

Сорок соболей изрядных имею,

Да своим людем продати не смею.

Лакомец

Слышь, человече, что в мешку носиши?

Вижду – соболи. Что за них просиши?

Обманщик

Изрядный сорок, стоит рублев двесте,

За тритцать отдам, аще не повесте о мне никому.

Ты можешь продати с иншим товаром

И зело много барыша прияти.

Лакомец

Ты молчи, я молчи. Се денег готовых

Даю тридцать рублев считаных домовых.

Обманщик

На что считати? Веру ти имею,

Емлю, а долго стояти не смею.

Буди здрав, брате, богат разживися,

Токмо за прибыль ту не удавися.

(И бежит за завесу)

Лакомец

Иди, где хощешь. Аз продати знаю;

Будет ми прибыль, добре уповаю.

Несть людей чуждых: хощу посмотрити,

3 добрых товаров утеху имети.

Зде, розвзав мешок, выложит, а увидев обман, закричит

Увы мне, бедному! Что се созерцаю?

Яве или во сне? Разсудить не знаю.

Ах, обманул мя человек лукавый,

Вместо соболей сия мне продавый.

Но еще денег надобно смотрети;

Не сицеву ли с них прибыль буду имети?

Развезав мешок, найдет деньги медныи и высыплет, крича

Горе мне, горе! Вконец погубихся!

Своим лакомством излиха прельстихся!

Что се купих аз? Хотех их прельстити,

Но сам прелыцен есм. Людем срам явити:

Раздах вся деньги, а в доме несть хлеба!

В беде ми жити уже несть потреба.

Отнесу в дом сей, сам смерти искати

Пойду, где очи будут путь являти.

(И идет за завесу)

6

Изыдет Богатырь, хотяй битися, и глаголет

Ей! молодец храбрый хощет погуляти;

Кто мне в силе равен, желаю познати.

Кровь во мне играет, не могу терпети,

На едином месте, як баба, сидети.

Многия посетих далекия страны,

Морския пучины мною преплаваны,

Исках богатыря, подобнаго себе,

Не найдох на земли, разве есть кто в небе?

Со славою везде со крепкими брахся,

Выну торжествовах, егда подвизахся.

Аще бы и Сампсон ныне обретался,

Моея крепости веема бы боялся.

Ведают то люди, для того боятся

Моего оружия, вси мене страшатся.

Толико безбедно денно пребываю,

Осмь лет оружия сего не вымаю.

А хотя в новинку, добро посмотрети,

Присхлую к нему кровь платенцем отрети.

Зде добывает оружия и не может его добыти и глаголет

О! твердо засохло, не мощно изяти,

Тому не изволте вы ся дивовати:

От множества крови так ся прилепила,

Як клием веема внутри ся скрепила.

Однако ж потребно с похов¹⁹⁹¹ истягати,

Хотя бы вервием к столпу привязати.

Ту привяжет, за главицу¹⁹⁹² тянет, а в то время исходит русский Воин и глаголет

Дай, Господи, здравия вам всем, добрым людем!

Во мире и покои мы взаим пребудем,

Токмо благоволите то нам известити,

Кто зде дерзнул есть себе излиха¹⁹⁹³ хвалити:

Равнаго силе своей нигде обретает,

Все множество народа един устрашает.

Посмотрел бых на него и могл бых познати,

Како ж на гордая слова ответ дати.

(И, обратився к Богатырю, глаголет)

Не ты ли, окаянне, гордо восклицаше

И храбрым себе человеком зваше?

Богатырь

Не аз, государь! Некто инный бяше,

Иже скверными усты гордо глаголаше;

Прейде мимо пьяница, без ума глашая,

Не ведый, что глаголет, от хмеля падая.

Ты, яко муж премудры, пьяну не противься:

Не может умно рещи – без ума опився.

Воин

Не ты ли сам той, гордо восклицавый,

Оружие к столпу умно привязавый?

Малец избежит и речет

Он есть лукавец, иже похвалися.

Ты, силны мужу, над ним похрабрися.

Воин к Богатырю

А, лукавы человек! Но иди со мною

На брань, аз явлю зде месть над тобою.

Богатырь к Воину

Молю, потерпи мало, не могу изяти

Меча ис пошев¹⁹⁹⁴ его, чим бы воевати.

Зде потягнет и урвет рукоять и сам с нею падет на землю.

В о и н

О! право сильны! Не мог устояти.

Несть кого мечем острым подсекати:

Доволно плети за его похвалу,

Милость сотворю – отдам ему главу.

Зде наступит на выю и биет плетью, глаголя

Глупый человече! Впредь ты не хвалися,

Шилом питайся, за меч не берися.

Богатырь молится

Пощади, государь мой! Пощади, молюся!

Силою никогдаж впредь уж не похвалюся.

Воин, его бия, глаголет: «Не хвалися!» трижды и прогоняет его за завесу и сам

за ним забежит.

7

И изыдет Астролог с трубкою и глаголет

Изыду в люди, в мире проявлюся,

Многим на пользу пожити потщуся.

Прежих весь век мой в науках премногих,

Вем пользовати богатых, убогих.

Наипаче буду на звезды смотряти

И будущая людем провещати.

Вымет трубку и смотрит на звезды, таже глаголет

Доброе лето имать ныне быти,

Жито, пшеницу хощет нам родити.

Паки посмотрит и глаголет

Ученым людем мало будет чести,

Едва довольно дадут пити, ясти.

Паки посмотрит, глаголет

Правды не станет, лжа по градом ходит,

Гнев Божий весьма по себе приводит.

Паки посмотрит и глаголет

Богатым добро жити совещаю,

Хищников много быти познаваю.

Ту снимет из себя одежду и положа, смотрит паки, в то время тать покрадет,

а он глаголет

Благое ведро¹⁹⁹⁵ ныне имать быти,

Ни капля дождя восхощет мочити.

Всуе, опончю носящий, трудихся:

Нигде водою стопа омочится.

Паки смотрит и глаголет

В чюждих потребах мудрыми бывают,

Сами в своей беде ничесоже знают.

В то время дождь его обольет, он же глаголет

Откуду дождь сей? Звезды не являху,

Паче же ведро велие вещаху.

Взяти опончю, чтобы ся окрыти,

Не чаях дождем днесь омочен быти.

Кинется до опончи, не обрет же ея, глаголет

Увы мне, яко в небо засмотрихся!

Опончи, шапки чрез воров лишихся.

Обаче еще имам усмотряти,

Егда возмогу татя поимати.

Паки посмотрив и глаголет

Щасливый путь мне небо проявляет,

За татми скоро в путь повелевает.

Ту побежит скоро и впадет в яму, а Мужик простый пришед, глаголет

Се тебе, глупче, что высоко зриши,

А не на землю под ноги смотриши.

Ты будущая дерзнул провещати,

Твоих случаев не возмогл познати:

Впал еси в яму темную глубоко

За то, что в небо зрел еси высоко.

Лучше под ноги прилежно смотрети,

Землю орати, неже в звезды зрети.

Земля хлеб родит, астрология

Глупых приводит в случаи такия.

Полежи в яме мало, потружайся,

Да тя извлеку, три дни дожидайся.

И отходит за завесу.

Минувшим же трем дням приходит мужик ко астрологу, а он лежит в яме плача.

Он же, взяв палку/, вытащил его из ямы и нача палкой его бити, глаголя

Впредь не смотри на звезды,

Смотри на землю, не теряй епанчу,

Впредь тебе наука.

И отходит, а он молвит

Ах, сучей сын, сель меня, собака,

Убил и изувечил неведомо за что.

Эх, не смотреть было на звезды,

Зделали звезды без епанчи.

И предался я такому мужику дураку.

Эх, глуп я человек, пойду з задору

последней шушун на кабаке на вине пропить,

А сам хотя наг стану ходить.

И отходит.

Непьющий

Брат, желаю тебе много лет,

Прошу на мое предложение дать ответ:

Для чего ты вино возлюбляеш,

Что всегда себя во многом пьянстве обращаешь?

Повежд ми, какая в нем есть сила,

Что оно тебе кажится мила?

Я думаю, в нем нет никакия сласти,

Кроме того, что достичь беды и напасти;

От него всякия погибели являются,

Многия имения и великия чести лишаются.

Пьяница

Напрасно, государь, в том меня осуждаешь,

Ты в вине сам причины не знаеш.

Вино великую силу имеет,

Ежели кто в нем разумеет:

От вина человек имеет веселость,

Вино придает велеречие и смелость,

Оно со многими приятельми совокупляет

И со всяким дружества доставляет.

Непьющий

Да так ли, как ты поступаешь,

Что всяк день пить вина не оставляешь?

Напьешся чрезмерно и повалишся –

Тем ли ты болше от него и веселишися?

Как я думаю, тебе не в пример,

А и свинья чуть не имеет ли тот же манер,

Когда она наелась досыта и поднела вверх рыла –

И то кажится ей мило.

Я признаваю, что нет пьяницы хуже:

Бродит иногда, и ж..а наружи.

Где уже тому хорошую одежу носить,

Хто охотник много вина пить.

Пьяница

Нет, друже, худое твое мнение,

Еще лутче мое разсуждение.

Пьяница человек умной бывает

И скоро ево всяк в компанию принимает.

Ты не пьешь – хто тебя знает

И кто ис того похваляет?

Толко и говорят: «Такой-та он скупяга»,

А пьяницу похваляют: «То-то наш брат, отвага».

Только бы имел денги при себе,

А приятели уже давно при тебе,

Около тебя ходют и поздравляют,

А что им поднесут – мало оставляют.

И говорят: «То-то человек самой отважной,

Кой нас поит, прямой наш брат куражной.

Добро-де, брат, дай и нам розжитца,

Тогда не приминеш и ты с нами повеселитца,

А ныне давай сори, когда у тебя есть,

Знатно по всему, что можно нам с тобою и присесть:

А тебя без вина кто знает?

Я чаю, и в компанию никто не принимает.

А я таким-та образом в компании нахожусь

И с приятелми своими охотно веселюсь.

Непьющий

Хороша пьяницы честь бывает,

И естьли хто такой пожелает,

Тот сам разсуди, что поступки все отмениты:

Часто у пьяницы бывают и глаза подбиты,

Одежду носит всегда голые бока,

И для того мало выходить пьяница ис кобака;

По то время и веселится, как пьян,

И в своем беспамедстве серцем рьян,

А потом в сквернословие обратится

И с кем не надобно начнет бранитца,

А за то ево бьют, таскают, дерут на нем одежду,

Что не на ково бедному вызыметь и надежду.

Поутру, проспавшись, тяжко воздыхает,

А кто бил, того в пьянстве не знает

И говорит: «Ах, теперь-та мне тошна,

Что и головы поднять не можна».

Вчерась хорошо было тебе веселитца,

А теперь нечем и охмелитца;

К тому жь и бока болят,

Весь сам собою трясетца, и руки дрожат.

А потом размышляет, что б заложить да охмелитца,

И вздумает: «Постой, есть чем и повеселитца», –

И скинув с себя хорошей кафтан, продает,

За самую малую цену отдает,

А потом надел на себя кафтанишка худой, серой

И говорит: «Вот такой-та надобно носить с верой,

А тот кафтан хотя был и харош,

Да мне казался он не пригожь;

И к тому жь мне не по кости пришол

И для того с плечь скоро сошел».

Пьяница

Врешь, государь мой! Кто вина не испивает,

Тот всегда нас, пьяниц, осуждает.

А ты отведай-ка сам ево испити,

То станешь всю волю ево творить,

Хотя бы и рад мало совестию пить,

Да не знаеш уже, как лучше и быть.

Ежели мне от вина отстать,

То конечно¹⁹⁹⁷ меня нихто не будет знать.

Непьющий

Знаю, надобно и пить, да в меру,

А не по твоему глупому манеру.

Видимая в том вещь и живой обман,

Как выпьеш вина пивной стакан,

Потом надобно бы чем закусить, –

А ты не вздумаеш чего и попросить.

Начнешь весь день пить во уста,

А требуха, не имея еды, все пуста.

Я и сам вино пью, только не так.

Умей же ево пить так и всяк –

Пред обедом хорошую рюмку хватил

И, взяв что-нибудь, закусил,

Потом сам собя послушаю,

с аппетитом после вина покушаю,

а поедши, пива напьюся

И на постелю спать повалюся.

Пьяница

Ах, много у тебя затеев положено,

А по нашему уставу то все отложено.

Я мало закуску знаю,

Было бы что – и так убираю.

Без закуски лучше меня разнимает,

А брюхо пустое болше подымает.

А ежели я поем, в том мне не помога,

Ибо от того выпью вина много,

А натощак тот час я и с малаго питья заболтаю,

Тогда и хмель в себе познаю.

Непьющей

Оставайся, брат, ты здрав,

Знать, мне уже не переменить твой нрав.

Хотя и много я тебя от питья отвращал

И, однако, уже все свои речи окончал.

Так-то тебе, знать, и быть,

Что весь свой век пьяницею слыть

Будь ты, брат, о том извесной,

А я всегда человек чесной.

Пьяница

Добро, друже, сколко ты со мною не говорил,

А вином видь меня не напоил.

Оставайся так же и ты тут,

Право, и я человек доброй, а не плут,

Только за мной и притчин видь,

Что несу я на себе пьяной вид.

БАИ – Библиотека Российской Академии наук (Санкт-Петербург)

ГИМ – Государственный исторический музей (Москва)

ИРЛИ – Институт русской литературы (Пушкинский Дом) Российской Академии наук (Санкт-Петербург)

ПЛДР, 1–12 – Памятники литературы Древней Руси. XI–XVII вв. М., 1978–1994

РГАДА – Российский государственный архив древних актов (Москва)

РГИА – Российский государственный исторический архив (Санкт-Петербург)

РГБ – Российская государственная библиотека (Москва)

РЫБ – Российская национальная библиотека (Санкт-Петербург)

СОРЯС – Сборник Отделения русского языка и словесности Академии наук

СПбГУ – Санкт-Петербургский государственный университет

ТОДРЛ – Труды Отдела древнерусской литературы Института русской

литературы (Пушкинский Дом) Российской Академии наук (Санкт-Петербург)

ЧОИДР – Чтения в Обществе истории и древностей российских при Московском университете