См. также: Молитвы на сон грядущим без толкований; Молитвы на сон грядущим с толкованием; Молитвы на сон грядущим церковнославянским шрифтом
Аще иерей, глаголет: Благослове́н Бог наш:
Аще ли не иерей: Моли́тв ра́ди Пречи́стыя Твоея́ Ма́тери, и всех святы́х Твои́х, Го́споди Иису́се Христе́, Бо́же наш, поми́луй нас. Ами́нь.
Священник: Благослове́н Бог наш, всегда́, ны́не и при́сно и во ве́ки веко́в.
Чтец: Ами́нь. Сла́ва Тебе́, Бо́же наш, сла́ва Тебе́.
Царю́ Небе́сный: Трисвятое и по О́тче наш:
Царь Небесный: Трисвятое. Слава, и ныне: Пресвятая Троица: Господи, помилуй. (3) Слава, и ныне: Отче наш:
Священник: Ибо Твоё есть Царство: Чтец: Аминь.
Тропари сия:
Поми́луй нас, Го́споди, поми́луй нас; вся́каго бо отве́та недоуме́юще, сию́ Ти моли́тву я́ко Влады́це, гре́шнии прино́сим: поми́луй нас.
Помилуй нас, Господи, помилуй нас, / ибо, не находя себе никакого оправдания, / молитву эту мы, грешные, Тебе приносим, как Владыке: / «Помилуй нас!»
Слава: Го́споди, поми́луй нас, на Тя бо упова́хом; не прогне́вайся на ны зело́, ниже́ помяни́ беззако́ний на́ших, но при́зри и ны́не я́ко благоутро́бен, и изба́ви ны от враг на́ших; Ты бо еси́ Бог наш, и мы лю́дие Твои́, вси́ дела́ руку́ Твое́ю, и и́мя Твое́ призыва́ем.
Слава: Господи, помилуй нас, ибо на Тебя мы уповаем, / не прогневайся на нас сильно / и не вспомни беззаконий наших, / но воззри и ныне, как Милосердный / и избавь нас от врагов наших. / Ибо Ты – Бог наш, и мы – Твой народ; / все мы – дело рук Твоих / и имя Твоё призываем.
И ныне: Милосе́рдия две́ри отве́рзи нам, благослове́нная Богоро́дице, наде́ющиися на Тя да не поги́бнем, но да изба́вимся Тобо́ю от бед: Ты бо еси́ спасе́ние ро́да христиа́нскаго.
И ныне: Милосердия двери отверзи нам, / благословенная Богородица, / дабы мы, надеясь на Тебя, не постыдились, / но избавились молитвами Твоими от бед, / ибо Ты – спасение рода христианского.
Таже: Го́споди, поми́луй, 12.
Господи, помилуй. (12)
Молитва 1, святаго Макария Великаго, к Богу Отцу:
Бо́же ве́чный и Царю́ вся́каго созда́ния, сподо́бивый мя да́же в час сей доспе́ти, прости́ ми грехи́, я́же сотвори́х в сей день де́лом, сло́вом и помышле́нием, и очи́сти, Го́споди, смире́нную мою́ ду́шу от вся́кия скве́рны пло́ти и ду́ха. И да́ждь ми, Го́споди, в нощи́ сей сон прейти́ в ми́ре, да воста́в от смире́ннаго ми ло́жа, благоугожду́ пресвято́му и́мени Твоему́, во вся́ дни живота́ моего́, и поперу́ борю́щия мя враги́ плотски́я и безпло́тныя. И изба́ви мя, Го́споди, от помышле́ний су́етных, оскверня́ющих мя, и по́хотей лука́вых. Я́ко Твое́ е́сть ца́рство, и си́ла и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
Боже вечный и Царь всего сотворенного, сподобивший меня дожить до этого часа! Прости мне грехи, которые я совершил в этот день делом, словом и помышлением, и очисти, Господи, смиренную мою душу от всякой скверны плоти и духа. И дай мне, Господи, эту ночь провести в мирном сне, чтобы, встав со смиренного моего ложа, благоугождал я пресвятому имени Твоему во все дни жизни моей и побеждал нападающих на меня врагов – плотских и бесплотных. И избавь меня, Господи, от помыслов суетных, оскверняющих меня, и пожеланий порочных. Ибо Твоё Царство, и сила, и слава, Отца, и Сына, и Святого Духа, ныне, и всегда, и во веки веков. Аминь.
Молитва 2, святаго Антиоха, ко Господу Иисусу Христу:
Вседержи́телю, Сло́во О́тчее, Сам соверше́н сый, Иису́се Христе́, мно́гаго ра́ди милосе́рдия Твоего́ никогда́же отлуча́йся мене́, раба́ Твоего́, но всегда́ во мне почива́й. Иису́се, до́брый Па́стырю Твои́х ове́ц, не преда́ждь мене́ крамоле́ змии́не, и жела́нию сатанину́ не оста́ви мене́, я́ко се́мя тли в нем есть. Ты у́бо, Го́споди Бо́же покланя́емый, Царю́ Святы́й, Иису́се Христе́, спя́ща мя сохрани́ немерца́ющим све́том, Ду́хом Твои́м Святы́м, И́мже освяти́л еси́ Твоя́ ученики́. Даждь, Го́споди, и мне, недосто́йному рабу́ Твоему́, спасе́ние Твое́ на ло́жи мое́м: просвети́ ум мой све́том ра́зума свята́го Ева́нгелия Твоего́, ду́шу любо́вию Креста́ Твоего́, се́рдце чистото́ю словесе́ Твоего́, те́ло мое́ Твое́ю стра́стию безстра́стною, мысль мою́ Твои́м смире́нием сохрани́, и воздви́гни мя во вре́мя подо́бно на Твое́ славосло́вие. Я́ко препросла́влен еси́ со Безнача́льным Твои́м Отце́м и с Пресвяты́м Ду́хом во ве́ки. Ами́нь.
Вседержитель, Слово Отчее, Иисусе Христе! Будучи Сам совершенным, по великому милосердию Твоему никогда не покидай меня, раба Твоего, но всегда во мне пребывай. Иисусе, добрый Пастырь Твоих овец, не предай меня мятежу змия и на волю сатаны не оставь меня, ибо семя погибели есть во мне. Но Ты, Господи Боже, от всех принимающий поклонение, Царь Святой Иисусе Христе, сохрани меня во время сна немеркнущим светом, Духом Твоим Святым, Которым Ты освятил Твоих учеников. Дай, Господи, и мне, недостойному рабу Твоему, спасение Твоё на ложе моем: просвети ум мой светом разумения святого Евангелия Твоего, душу – любовью ко Кресту Твоему, сердце – чистотою слова Твоего, тело моё – Твоим страданием, чуждым страсти, мысль мою Твоим смирением сохрани. И подними меня в надлежащее время на прославление Тебя. Ибо прославлен Ты со безначальным Отцом Твоим и с Пресвятым Духом вовеки. Аминь.
Молитва 3, ко Пресвятому Духу:
Го́споди, Царю́ Небе́сный, Уте́шителю, Ду́ше и́стины, умилосе́рдися и поми́луй мя гре́шнаго раба́ Твоего́, и отпусти́ ми недосто́йному, и прости́ вся́, ели́ка Ти согреши́х днесь я́ко челове́к, па́че же и не я́ко челове́к, но и горе́е скота́, во́льныя моя́ грехи́ и нево́льныя, ве́домыя и неве́домыя: я́же от ю́ности и нау́ки злы, и я́же суть от на́гльства и уны́ния. А́ще и́менем Твои́м кля́хся, или́ поху́лих е в помышле́нии мое́м; или́ кого́ укори́х; или́ оклевета́х кого́ гне́вом мои́м, или́ опеча́лих, или́ о чем прогне́вахся; или́ солга́х, или́ безго́дно спах, или́ нищ прии́де ко мне, и презре́х его́; или́ бра́та моего́ опеча́лих, или́ сва́дих, или́ кого́ осуди́х; или́ развелича́хся, или́ разгорде́хся, или́ разгне́вахся; или́ стоя́щу ми на моли́тве, ум мой о лука́вствии ми́ра сего́ подви́жеся, или́ развраще́ние помы́слих; или́ объядо́хся, или́ опи́хся, или́ без ума́ смея́хся; или́ лука́вое помы́слих, или́ добро́ту чужду́ю ви́дев, и то́ю уя́звлен бых се́рдцем; или́ неподо́бная глаго́лах, или́ греху́ бра́та моего́ посмея́хся, моя́ же суть безчи́сленная согреше́ния; или́ о моли́тве не ради́х, или́ и́но что́ соде́ях лука́вое, не по́мню, та бо вся́ и бо́льша сих соде́ях. Поми́луй мя, Тво́рче мой Влады́ко, уны́лаго и недосто́йнаго раба́ Твоего́, и оста́ви ми, и отпусти́, и прости́ мя, я́ко Благ и Человеколю́бец, да с ми́ром ля́гу, усну́ и почи́ю, блу́дный, гре́шный и окая́нный аз, и поклоню́ся, и воспою́, и просла́влю пречестно́е и́мя Твое́, со Отце́м, и Единоро́дным Его́ Сы́ном, ны́не и при́сно и во ве́ки. Ами́нь.
Господи, Царь Небесный, Утешитель, Дух истины, умилосердись и помилуй меня, грешного раба Твоего, и отпусти мне недостойному, и прости всё, в чём я согрешил сегодня пред Тобою как человек, более же того, не только как человек, но и хуже скота: вольные мои грехи и невольные, известные и неизвестные; те, что от юности и от навыка злого, и те, что от вспыльчивости и беспечности. Если же я именем Твоим клялся или похулил его в помышлении моем; или кого укорил, или оклеветал кого во гневе моем, или опечалил, или от чего-то раздражился; или солгал, или невовремя спал, или нищий пришел ко мне, и я презрел его; или брата моего опечалил, или вступил в ссору; или кого осудил, или расхвастался, или возгордился, или разгневался; или, когда я стоял на молитве, ум мой увлекся обольщением мира сего; или имел нечистые мысли; или объелся, или опился, или неразумно смеялся; или злое помыслил, или, увидев чужую красоту, уязвлен был ею в сердце; или непристойное говорил; или над грехом брата моего посмеялся, тогда как мои согрешения бесчисленны; или к молитве был нерадив; или, ещё что-либо соделав злое, не помню, – ибо всё это и больше этого я соделал! Помилуй меня, Творец мой, Владыка, унылого и недостойного раба Твоего, и оставь, и отпусти, и прости меня, как благой и Человеколюбец, да с миром лягу, усну и упокоюсь я, блудный, грешный и несчастный, и поклонюсь, и воспою, и прославлю многочтимое имя Твоё со Отцом и Единородным Его Сыном, ныне, и всегда, и вовеки. Аминь.
Молитва 4, святаго Макария Великаго:
Что́ Ти принесу́, или́ что́ Ти возда́м, великодарови́тый Безсме́ртный Царю́, ще́дре и Человеколю́бче Го́споди, я́ко леня́щася мене́ на Твое́ угожде́ние, и ничто́же бла́го сотво́рша, приве́л еси́ на коне́ц мимоше́дшаго дне сего́, обраще́ние и спасе́ние души́ мое́й стро́я? Ми́лостив ми бу́ди гре́шному и обнаже́нному вся́каго де́ла бла́га, возста́ви па́дшую мою́ ду́шу, оскверни́вшуюся в безме́рных согреше́ниих, и отыми́ от мене́ весь по́мысл лука́вый ви́димаго сего́ жития́. Прости́ моя́ согреше́ния, еди́не Безгре́шне, я́же Ти согреши́х в сей день, ве́дением и неве́дением, сло́вом, и де́лом, и помышле́нием, и все́ми мои́ми чу́вствы. Ты Сам, покрыва́я, сохрани́ мя от вся́каго сопроти́внаго обстоя́ния Боже́ственною Твое́ю вла́стию, и неизрече́нным человеколю́бием, и си́лою. Очи́сти, Бо́же, очи́сти мно́жество грехо́в мои́х. Благоволи́, Го́споди, изба́вити мя от се́ти лука́ваго, и спаси́ стра́стную мою́ ду́шу, и осени́ мя све́том лица́ Твоего́, егда́ прии́деши во сла́ве, и неосужде́нна ны́не сном усну́ти сотвори́, и без мечта́ния, и несмуще́н по́мысл раба́ Твоего́ соблюди́, и всю сатанину́ де́тель отжени́ от мене́, и просвети́ ми разу́мныя о́чи серде́чныя, да не усну́ в смерть. И посли́ ми А́нгела ми́рна, храни́теля и наста́вника души́ и те́лу моему́, да изба́вит мя от враг мои́х; да воста́в со одра́ моего́, принесу́ Ти благода́рственныя мольбы́. Ей, Го́споди, услы́ши мя гре́шнаго и убо́гаго раба́ Твоего́, изволе́нием и со́вестию; да́руй ми воста́вшу словесе́м Твои́м поучи́тися, и уны́ние бесо́вское дале́че от мене́ отгна́но бы́ти сотвори́ Твои́ми А́нгелы; да благословлю́ и́мя Твое́ свято́е, и просла́влю, и сла́влю Пречи́стую Богоро́дицу Мари́ю, Ю́же дал еси́ нам гре́шным заступле́ние, и приими́ Сию́ моля́щуюся за ны; вем бо, я́ко подража́ет Твое́ человеколю́бие, и моля́щися не престае́т. Тоя́ заступле́нием, и Честна́го Креста́ зна́мением, и всех святы́х Твои́х ра́ди, убо́гую ду́шу мою́ соблюди́, Иису́се Христе́ Бо́же наш, я́ко Свят еси́, и препросла́влен во ве́ки. Ами́нь.
Что Тебе принесу или что Тебе воздам, богатый дарами бессмертный Царь, щедрый и человеколюбивый Господи, за то, что меня, ленящегося служить Тебе и ничего доброго не сотворившего, довел до конца прошедшего дня сего, к обращению и спасению душу мою направляя? Милостив будь ко мне, грешному и лишенному всякого доброго дела, восставь падшую мою душу, осквернившуюся в безмерных согрешениях, и удали от меня все злые помыслы видимой жизни сей. Прости, Единственный Безгрешный, согрешения мои, которыми я согрешил пред Тобою в сей день сознательно и по неведению, словом, и делом, и помышлением, и всеми моими чувствами. Ты Сам сохрани меня от всякой вражеской напасти, покрывая божественною Твоею властью и неизреченным человеколюбием и силою. Очисти, Боже, очисти множество грехов моих. Благоволи, Господи, избавить меня от сети лукавого, и спаси страстную мою душу, и озари меня светом лица Твоего, когда придешь во славе, и ныне дай мне сном уснуть не в осуждение, и без мечтаний и смущений мысли раба Твоего соблюди. И все сатанинские дела отгони от меня, и просвети разумные очи сердца моего, да не усну я сном смертным. И пошли мне Ангела мира, хранителя и наставника души и тела моего, да избавит меня от врагов моих; да, восстав с постели моей, принесу Тебе благодарственные молитвы. О, Господи, услышь меня, грешного и нищего раба Твоего, волею и совестью! Дай мне, восстав от сна, слову Твоему поучаться и через Ангелов Твоих уныние бесовское далеко отгони от меня! Да благословлю я имя Твоё святое и прославлю, и славлю Пречистую Богородицу Марию, Которую Ты дал нам, грешным, в защиту, и услышь Её, молящуюся за нас; ибо знаю, что Она подражает Твоему человеколюбию и молиться не перестает. Её заступлением, и Священного Креста знамением, и ради всех святых Твоих, убогую душу мою сохрани, Иисусе Христе, Боже наш, ибо Ты свят и прославлен вовеки. Аминь.
Молитва 5:
Го́споди Бо́же наш, е́же согреши́х во дни сем сло́вом, де́лом и помышле́нием, я́ко Благ и Человеколю́бец прости́ ми; ми́рен сон и безмяте́жен да́руй ми; А́нгела Твоего́ храни́теля посли́, покрыва́юща и соблюда́юща мя от вся́каго зла; я́ко Ты еси́ храни́тель душа́м и телесе́м на́шим, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Господи, Боже наш, всё, в чём я согрешил сегодня словом, делом и помышлением, как благой и Человеколюбец, прости мне. Мирный сон и безмятежный даруй мне. Ангела Твоего хранителя пошли, защищающего и сохраняющего меня от всякого зла. Ибо Ты – хранитель душ и тел наших, и Тебе славу воссылаем, Отцу, и Сыну, и Святому Духу, ныне, и всегда, и во веки веков. Аминь.
Молитва 6:
Го́споди Бо́же наш, в Него́же ве́ровахом, и Его́же и́мя па́че вся́каго и́мене призыва́ем, да́ждь нам, ко сну отходя́щим, осла́бу души́ и те́лу, и соблюди́ нас от вся́каго мечта́ния, и те́мныя сла́сти кроме́; уста́ви стремле́ние страсте́й, угаси́ разжже́ния воста́ния теле́снаго. Даждь нам целому́дренне пожи́ти де́лы и словесы́; да доброде́тельное жи́тельство восприе́млюще, обетова́нных не отпаде́м благи́х Твои́х, я́ко благослове́н еси́ во ве́ки. Ами́нь.
Господи, Боже наш, в Которого мы веруем и Чье имя более всякого имени призываем! Дай нам, ко сну отходящим, облегчение душе и телу, и сохрани нас от всякого мечтания и темного сладострастия. Останови порывы страстей, угаси огонь возбуждений телесных. Дай нам жить целомудренно в делах и словах, чтобы, проводя добродетельную жизнь, не лишились мы обещанных Тобою благ, ибо Ты благословен вовеки. Аминь.
Молитва 7, святаго Иоанна Златоустаго:
Го́споди, не лиши́ мене́ небе́сных Твои́х благ.
1 Господи, не лиши меня небесных Твоих благ.
Го́споди, изба́ви мя ве́чных мук.
2 Господи, избавь меня от вечных мук.
Го́споди, умо́м ли или́ помышле́нием, сло́вом или́ де́лом согреши́х, прости́ мя.
3 Господи, умом ли или мыслью, словом или делом я согрешил – прости меня.
Го́споди, изба́ви мя вся́каго неве́дения и забве́ния, и малоду́шия, и окамене́ннаго нечу́вствия.
4 Господи, избавь меня от всякого неведения, и забвения, и легкомыслия, и окаменелого бесчувствия.
Го́споди, изба́ви мя от вся́каго искуше́ния.
5 Господи, избавь меня от всякого искушения.
Го́споди, просвети́ мое́ се́рдце, е́же помрачи́ лука́вое похоте́ние.
6 Господи, просвети сердце моё, помраченное злым пожеланием.
Го́споди, аз я́ко челове́к согреши́х, Ты же я́ко Бог щедр, поми́луй мя, ви́дя не́мощь души́ моея́.
7 Господи, я как человек согрешил, но Ты, как Бог щедрый, помилуй меня, видя немощь души моей.
Го́споди, посли́ благода́ть Твою́ в по́мощь мне, да просла́влю и́мя Твое́ свято́е.
8 Господи, пошли благодать Твою в помощь мне, чтобы я прославил имя Твоё святое.
Го́споди Иису́се Христе́, напиши́ мя раба́ Твоего́ в кни́зе живо́тней и да́руй ми коне́ц благи́й.
9 Господи, Иисусе Христе, впиши меня, раба Твоего, в книгу жизни и даруй мне конец благой.
Го́споди, Бо́же мой, а́ще и ничто́же бла́го сотвори́х пред Тобо́ю, но да́ждь ми по благода́ти Твое́й положи́ти нача́ло благо́е.
10 Господи, Боже мой, хотя я и не сделал ничего доброго пред Тобою, но дай мне по благодати Твоей положить доброе начало.
Го́споди, окропи́ в се́рдце мое́м ро́су благода́ти Твоея́.
11 Господи, окропи в сердце моем росу благодати Твоей.
Го́споди небесе́ и земли́, помяни́ мя гре́шнаго раба́ Твоего́, сту́днаго и нечи́стаго, во Ца́рствии Твое́м. Ами́нь.
12 Господи неба и земли, вспомни меня, грешного раба Твоего, скверного и нечистого, в Царстве Твоём. Аминь.
Го́споди, в покая́нии приими́ мя.
1 Господи, в покаянии прими меня.
Го́споди, не оста́ви мене́.
2 Господи, не оставь меня.
Го́споди, не введи́ мене́ в напа́сть.
3 Господи, не введи меня в напасть.
Го́споди, да́ждь ми мысль бла́гу.
4 Господи, дай мне мысли добрые.
Го́споди, да́ждь ми сле́зы и па́мять сме́ртную, и умиле́ние.
5 Господи, дай мне слезы, и память о смерти, и сокрушение.
Го́споди, да́ждь ми по́мысл испове́дания грехо́в мои́х.
6 Господи, дай мне мысль об исповедании грехов моих.
Го́споди, да́ждь ми смире́ние, целому́дрие и послуша́ние.
7 Господи, дай мне смирение, целомудрие и послушание.
Го́споди, да́ждь ми терпе́ние, великоду́шие и кро́тость.
8 Господи, дай мне терпение, великодушие и кротость.
Го́споди, всели́ в мя ко́рень благи́х, страх Твой в се́рдце мое́.
9 Господи, вложи в меня корень блага – страх Твой в сердце мое.
Го́споди, сподо́би мя люби́ти Тя от всея́ души́ моея́ и помышле́ния и твори́ти во всем во́лю Твою́.
10 Господи, сподоби меня любить Тебя от всей души моей и помышления и исполнять во всём волю Твою.
Го́споди, покры́й мя от челове́к не́которых, и бесо́в, и страсте́й, и от вся́кия ины́я неподо́бныя ве́щи.
11 Господи, защити меня от некоторых людей, и бесов, и страстей, и от всякого иного неподобающего дела.
Го́споди, ве́си, я́ко твори́ши, я́коже Ты во́лиши, да бу́дет во́ля Твоя́ и во мне гре́шнем, я́ко благослове́н еси́ во ве́ки. Ами́нь.
12 Господи, знаю, что Ты все творишь по Своей воле – да совершится воля Твоя и во мне грешном, ибо Ты благословен вовеки. Аминь.
Молитва 8, ко Господу нашему Иисусу Христу:
Го́споди Иису́се Христе́, Сы́не Бо́жий, ра́ди честне́йшия Ма́тере Твоея́, и безпло́тных Твои́х А́нгел, Проро́ка же и Предте́чи и Крести́теля Твоего́, богоглаго́ливых же апо́стол, све́тлых и добропобе́дных му́ченик, преподо́бных и богоно́сных оте́ц, и всех святы́х моли́твами, изба́ви мя настоя́щаго обстоя́ния бесо́вскаго. Ей, Го́споди мой и Тво́рче, не хотя́й сме́рти гре́шнаго, но я́коже обрати́тися и жи́ву бы́ти ему́, да́ждь и мне обраще́ние окая́нному и недосто́йному; изми́ мя от уст па́губнаго зми́я, зия́ющаго пожре́ти мя и свести́ во ад жи́ва. Ей, Го́споди мой, утеше́ние мое́, И́же мене́ ра́ди окая́ннаго в тле́нную плоть оболки́йся, исто́ргни мя от окая́нства, и утеше́ние пода́ждь души́ мое́й окая́нней. Всади́ в се́рдце мое́ твори́ти Твоя́ повеле́ния, и оста́вити лука́вая дея́ния, и получи́ти блаже́нства Твоя́: на Тя бо, Го́споди, упова́х, спаси́ мя.
Господи Иисусе Христе, Сын Божий, ради молитв многочтимой Матери Твоей и бесплотных Твоих Ангелов, а также пророка и Предтечи и Крестителя Твоего, и богословесных Апостолов, светлых и победоносных мучеников, преподобных и богоносных отцов и всех святых – избавь меня от нынешнего стеснения бесовского. Так, Господи мой и Творец, не желающий смерти грешника, но чтобы он обратился и был жив, дай и мне обращение, окаянному и недостойному. Извлеки меня из пасти змея-губителя, жаждущего поглотить меня и свести живым во ад. Да, Господи мой, утешение моё, ради меня несчастного облекшийся в тленную плоть, избавь меня от убожества и утешение подай бедной душе моей. Внуши сердцу моему творить Твои повеления, и оставить злые деяния, и получить блаженства Твои. Ибо на Тебя я, Господи, уповаю, спаси меня.
Молитва 9, ко Пресвятей Богородице, Петра инока Студийскаго:
К Тебе́ Пречи́стей Бо́жией Ма́тери аз окая́нный припа́дая молю́ся: ве́си, Цари́це, я́ко безпреста́ни согреша́ю и прогневля́ю Сы́на Твоего́ и Бо́га моего́, и мно́гажды а́ще ка́юся, лож пред Бо́гом обрета́юся, и ка́юся трепе́ща: не уже́ли Госпо́дь порази́т мя, и по часе́ па́ки та́яжде творю́. Ве́дущи сия́, Влады́чице моя́ Госпоже́ Богоро́дице, молю́, да поми́луеши, да укрепи́ши, и блага́я твори́ти да пода́си ми. Ве́си бо, Влады́чице моя́ Богоро́дице, я́ко отню́д и́мам в не́нависти зла́я моя́ дела́, и все́ю мы́слию люблю́ зако́н Бо́га моего́; но не вем, Госпоже́ Пречи́стая, отку́ду я́же ненави́жду, та и люблю́, а блага́я преступа́ю. Не попуща́й, Пречи́стая, во́ли мое́й соверша́тися, не уго́дна бо есть, но да бу́дет во́ля Сы́на Твоего́ и Бо́га моего́: да мя спасе́т, и вразуми́т, и пода́ст благода́ть Свята́го Ду́ха, да бых аз отсе́ле преста́л скверноде́йства, и про́чее пожи́л бых в повеле́нии Сы́на Твоего́, Ему́же подоба́ет вся́кая сла́ва, честь и держа́ва, со Безнача́льным Его́ Отце́м, и Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Aминь.
К Тебе, Пречистой Божией Матери, я, несчастный, припадаю и молюсь: Ты знаешь, Царица, что беспрестанно согрешаю и прогневляю Сына Твоего и Бога моего, и, хотя многократно каюсь, лживым пред Богом оказываюсь. Я и каюсь, трепеща, не поразит ли меня уже Господь, и вскоре опять то же делаю! Молю, чтобы Ты, Владычица моя, Госпожа Богородица, зная это, помиловала, укрепила и научила меня доброе творить. Ибо Ты знаешь, Владычица моя Богородица, что сильно ненавижу злые дела мои и всем помышлением люблю закон Бога моего; но не знаю, Госпожа Пречистая, почему то, что ненавижу люблю, а доброго не исполняю. Не допускай, Пречистая, исполняться воле моей, ибо она зла, но да совершится воля Сына Твоего и Бога моего, да спасёт меня, и вразумит и подаст благодать Святого Духа, чтобы я отныне прекратил делать скверное, и в остальное время жил бы по заповедям Сына Твоего, Которому подобает вся слава, честь и власть со безначальным Его Отцом, и пресвятым и благим и животворящим Его Духом, ныне, и всегда, и во веки веков. Аминь.
Молитва 10, ко Пресвятей Богородице:
Блага́го Царя́ блага́я Ма́ти, Пречи́стая и Благослове́нная Богоро́дице Мари́е, ми́лость Сы́на Твоего́ и Бо́га на́шего изле́й на стра́стную мою́ ду́шу и Твои́ми моли́твами наста́ви мя на дея́ния блага́я, да про́чее вре́мя живота́ моего́ без поро́ка прейду́ и Тобо́ю рай да обря́щу, Богоро́дице Де́во, еди́на Чи́стая и Благослове́нная.
Благого Царя благая Матерь, пречистая и благословенная Богородица Мария! Милость Сына Твоего и Бога нашего излей на мою страдающую душу, и Твоими молитвами направь меня на добрые дела, чтобы мне остальное время жизни моей без порока прожить и через Тебя рай обрести, Богородица Дева, единая чистая и благословенная.
Молитва 11, ко святому Ангелу хранителю:
А́нгеле Христо́в, храни́телю мой святы́й и покрови́телю души́ и те́ла моего́, вся́ ми прости́, ели́ка согреши́х во дне́шний день, и от вся́каго лука́вствия проти́внаго ми врага́ изба́ви мя, да ни в ко́емже гресе́ прогне́ваю Бо́га моего́; но моли́ за мя гре́шнаго и недосто́йнаго раба́, я́ко да досто́йна мя пока́жеши бла́гости и ми́лости Всесвяты́я Тро́ицы и Ма́тере Го́спода моего́ Иису́са Христа́ и всех святы́х. Ами́нь.
Ангел Христов, мой хранитель святой и покровитель души и тела моего! Прости мне всё, в чём я согрешил в сегодняшний день, и от всякого коварства идущего против меня врага избавь меня, чтобы никаким грехом не прогневал я Бога моего. Но молись за меня, грешного и недостойного раба, чтобы представить меня достойным благости и милости Всесвятой Троицы и Матери Господа моего Иисуса Христа, и всех святых. Аминь.
Кондак, глас 8:
Взбра́нной Воево́де победи́тельная, я́ко изба́вльшеся от злых, благода́рственная воспису́ем Ти раби́ Твои́, Богоро́дице, но я́ко иму́щая держа́ву непобеди́мую, от вся́ких нас бед свободи́, да зове́м Ти; ра́дуйся, Неве́сто Неневе́стная.
Обороняющей нас Военачальнице / за избавление от страшных бед / учреждаем Тебе торжества победы благодарственные / мы, рабы Твои, Богородица! / Но Ты, как имеющая власть необоримую, / от всяческих опасностей нас освободи, да взываем Тебе: / Радуйся, Невеста, брака не познавшая!
Пресла́вная Присноде́во, Ма́ти Христа́ Бо́га, принеси́ на́шу моли́тву Сы́ну Твоему́ и Бо́гу на́шему, да спасе́т Тобо́ю ду́ши на́ша.
Преславная Приснодева, Матерь Христа Бога, принеси нашу молитву Сыну Твоему и Богу нашему, да спасёт Он по молитвам Твоим души наши.
Все упова́ние мое́ на Тя возлага́ю, Ма́ти Бо́жия, сохрани́ мя под кро́вом Твои́м.
Всю надежду мою на Тебя возлагаю, Матерь Божия, сохрани меня под покровом Твоим.
Богоро́дице Де́во, не пре́зри мене́, гре́шнаго, тре́бующа Твоея́ по́мощи и Твоего́ заступле́ния, на Тя бо упова́ душа́ моя́, и поми́луй мя.
Богородица Дева, не презри меня грешного, нуждающегося в Твоей помощи и в Твоём заступничестве, ибо на Тебя уповает душа моя, и помилуй меня.
Таже молитва святаго Иоанникия:
Упова́ние мое́ Оте́ц, прибе́жище мое́ Сын, покро́в мой Дух Святы́й: Тро́ице Свята́я, сла́ва Тебе́.
Надежда моя – Отец, прибежище моё – Сын, покров мой – Дух Святой; Троица Святая, слава Тебе!
Таже: Досто́йно е́сть я́ко вои́стину блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Далее читается: Достойно есть воистину / прославлять Тебя, Богородицу, / вечно блаженную и пренепорочную / и Матерь Бога нашего. / Честью высшую Херувимов / и несравненно славнейшую Серафимов, / девственно Бога-Слово родившую, / истинную Богородицу – Тебя величаем.
Слава, и ныне: Го́споди, поми́луй, Трижды. Го́споди, благослови́, и отпуст:
Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, спаси́ мя, гре́шнаго.
И заключительные молитвы, или, если вечернее правило соединяется с малым повечерием, – окончание последнего.
Когда читаешь повечерие дома, после отпуста вместо прощения и заключительной ектении читай следующие молитвы:
Таже, вместо прощения:
Осла́би, оста́ви, прости́, Бо́же, прегреше́ния на́ша, во́льная и нево́льная, я́же в сло́ве и в де́ле, я́же в ве́дении и не в ве́дении, я́же во дни и в нощи́, я́же во уме́ и в помышле́нии: вся́ нам прости́, я́ко Благ и Человеколю́бец.
Ослабь, отпусти, прости, Боже, согрешения наши вольные и невольные, совершённые делом и словом, сознательно и по неведению, ночью и днём, в уме и мысли, – всё нам прости, как Благой и Человеколюбец.
Ненави́дящих и оби́дящих нас прости́, Го́споди Человеколю́бче. Благотворя́щим благосотвори́. Бра́тиям и сро́дником на́шим да́руй я́же ко спасе́нию проше́ния и жизнь ве́чную. В не́мощех су́щия посети́ и исцеле́ние да́руй. И́же на мо́ри упра́ви. Путеше́ствующим спутеше́ствуй. Служа́щим и ми́лующим нас грехо́в оставле́ние да́руй. Запове́давших нам недосто́йным моли́тися о них поми́луй по вели́цей Твое́й ми́лости. Помяни́, Го́споди, пре́жде усо́пших оте́ц и бра́тий на́ших и упоко́й их, иде́же присеща́ет свет лица́ Твоего́. Помяни́, Го́споди, бра́тий на́ших плене́нных и изба́ви я от вся́каго обстоя́ния. Помяни́, Го́споди, плодонося́щих и доброде́лающих во святы́х Твои́х це́рквах, и да́ждь им я́же ко спасе́нию проше́ния и жизнь ве́чную. Помяни́, Го́споди, и нас, смире́нных и гре́шных и недосто́йных раб Твои́х, и просвети́ наш ум све́том ра́зума Твоего́, и наста́ви нас на стезю́ за́поведей Твои́х, моли́твами Пречи́стыя Влады́чицы на́шея Богоро́дицы и Присноде́вы Мари́и и всех Твои́х святы́х: я́ко благослове́н еси́ во ве́ки веко́в. Ами́нь.
Ненавидящих и обижающих нас прости, Господи Человеколюбец. Делающим добро сделай добро. Братьям и родным нашим исполни их прошения о том, что служит ко спасению, и даруй жизнь вечную. Болящих посети и даруй им исцеление. Тех, кто в море, направь. Путешествующим сопутствуй. Служащим и милующим нас грехов оставление даруй. Поручивших нам, недостойным, молиться за них помилуй по великой Твоей милости. Вспомни, Господи, прежде усопших отцов и братьев наших и упокой их там, где сияет свет лица Твоего. Вспомни, Господи, братьев наших, находящихся в плену, и избавь их от всякого несчастья. Вспомни, Господи, приносящих пожертвования и творящих доброе во святых Твоих Церквах и исполни их прошения о том, что служит ко спасению, и даруй жизнь вечную. Вспомни, Господи, и нас, смиренных, и грешных, и недостойных рабов Твоих, и просвети наш ум светом познания Тебя, и направь нас на путь заповедей Твоих, по молитвам Пречистой Владычицы нашей Богородицы и Приснодевы Марии и всех Твоих святых, ибо Ты благословен вовеки. Аминь.*
Исповедание грехов повседневное:
Испове́даю Тебе́ Го́споду Бо́гу моему́ и Творцу́, во Святе́й Тро́ице Еди́ному, сла́вимому и покланя́емому, Отцу́ и Сы́ну и Свято́му Ду́ху, вся́ моя́ грехи́, я́же соде́ях во вся́ дни живота́ моего́, и на вся́кий час, и в настоя́щее вре́мя, и в преше́дшия дни и но́щи, де́лом, сло́вом, помышле́нием, объяде́нием, пия́нством, тайнояде́нием, праздносло́вием, уны́нием, ле́ностию, прекосло́вием, непослуша́нием, оклевета́нием, осужде́нием, небреже́нием, самолю́бием, многостяжа́нием, хище́нием, неправдоглаго́ланием, скверноприбы́тчеством, мшелои́мством, ревнова́нием, за́вистию, гне́вом, памятозло́бием, не́навистию, лихои́мством и все́ми мои́ми чу́вствы: зре́нием, слу́хом, обоня́нием, вку́сом, осяза́нием и про́чими мои́ми грехи́, душе́вными вку́пе и теле́сными, и́миже Тебе́ Бо́га моего́ и Творца́ прогне́вах, и бли́жняго моего́ онепра́вдовах: о сих жале́я, ви́нна себе́ Тебе́ Бо́гу моему́ представля́ю, и име́ю во́лю ка́ятися: то́чию, Го́споди Бо́же мой, помози́ ми, со слеза́ми смире́нно молю́ Тя: преше́дшая же согреше́ния моя́ милосе́рдием Твои́м прости́ ми, и разреши́ от всех сих, я́же изглаго́лах пред Тобо́ю, я́ко Благ и Человеколю́бец.
Исповедаю Тебе, Господу Богу моему и Творцу, во Святой Троице Единому, прославляемому и поклоняемому, Отцу, и Сыну, и Святому Духу, все мои грехи, которые я совершил во все дни жизни моей, и во всякий час, и в настоящее время, и в прошедшие дни и ночи делом, словом, помышлением, объедением, пьянством, тайным вкушением пищи, празднословием, унынием, ленью, пререканием, непослушанием, клеветою, осуждением, небрежностью, самолюбием, жадностью, воровством, ложью, корыстолюбием, ревностью, завистью, гневом, злопамятством, ненавистью, сребролюбием, и всеми моими чувствами: зрением, слухом, обонянием, вкусом, осязанием и прочими моими грехами, как душевными, так и телесными, которыми я Тебя, Бога моего, прогневал и ближнего моего обидел. О них сожалея, виновным являюсь пред Тобою, Богом моим и имею желание покаяться. Но только помоги мне, Господи Боже мой, смиренно со слезами молю Тебя: прошлые же согрешения мои прости по милосердию Твоему, и разреши, как благой и Человеколюбец, от всех тех грехов, которые я перечислил пред Тобою.
Молитва святаго Иоанна Дамаскина, юже указуя на одр твой, глаголи:
Перед самым отходом ко сну, указывая на постель свою, читай:
Влады́ко Человеколю́бче, неуже́ли мне одр сей гроб бу́дет, или́ еще́ окая́нную мою́ ду́шу просвети́ши днем? Се ми гроб предлежи́т, се ми смерть предстои́т. Суда́ Твоего́, Го́споди, бою́ся и му́ки безконе́чныя, зло́е же творя́ не престаю́: Тебе́ Го́спода Бо́га моего́ всегда́ прогневля́ю, и Пречи́стую Твою́ Ма́терь, и вся́ Небе́сныя си́лы, и свята́го А́нгела храни́теля моего́. Вем у́бо, Го́споди, я́ко недосто́ин есмь человеколю́бия Твоего́, но досто́ин есмь вся́каго осужде́ния и му́ки. Но, Го́споди, или́ хощу́, или́ не хощу́, спаси́ мя. А́ще бо пра́ведника спасе́ши, ничто́же ве́лие; и а́ще чи́стаго поми́луеши, ничто́же ди́вно: досто́йни бо суть ми́лости Твоея́. Но на мне гре́шнем удиви́ ми́лость Твою́: о сем яви́ человеколю́бие Твое́, да не одоле́ет моя́ зло́ба Твое́й неизглаго́ланней бла́гости и милосе́рдию: и я́коже хо́щеши, устро́й о мне вещь.
Владыка Человеколюбец, неужели мне это ложе гробом будет, или ещё несчастную мою душу озаришь светом дня? Вот, гроб предо мною, вот, мне смерть предстоит. Суда Твоего, Господи, боюсь, и муки бесконечной, злое же творить не перестаю. Тебя, Господа и Бога моего, всегда прогневляю, и Пречистую Твою Матерь, и все Небесные Силы, и святого Ангела, хранителя моего. Знаю, Господи, что недостоин я человеколюбия Твоего, но достоин всякого осуждения и муки. Но, Господи, хочу ли, или не хочу, спаси меня. Ведь если праведника спасешь, нет в этом ничего великого, и если чистого помилуешь, нет в том ничего дивного, – ибо они достойны милости Твоей. Но на мне, грешном, покажи дивную милость Твою, в том яви человеколюбие Твоё, да не преодолеет моя злоба Твою неизреченную благость и милосердие, и как Ты хочешь, со мной сотвори.
И тако хотяй возлещи на постелю, глаголи сие:
Тропари, глас 2
Просвети́ о́чи мои́, Христе́ Бо́же, да не когда́ усну́ в смерть, да не когда́ рече́т враг мой: укрепи́хся на него́.
Просвети очи мои, Христе Боже, / да не усну я смертным сном, / да не скажет враг мой: / я укрепился против него.
Слава: Засту́пник души́ моея́ бу́ди, Бо́же, я́ко посреде́ хожду́ сете́й мно́гих; изба́ви мя от них и спаси́ мя, Бла́же, я́ко Человеколю́бец.
Слава: Будь защитником души моей, Боже, / ибо я хожу посреди сетей многих; / избавь меня от них, Благой, / и спаси меня, как Человеколюбец.
И ныне, Богородичен: Пресла́вную Бо́жию Ма́терь, и святы́х А́нгел Святе́йшую, немо́лчно воспои́м се́рдцем и усты́, Богоро́дицу сию́ испове́дающе, я́ко вои́стинну ро́ждшую нам Бо́га воплоще́нна, и моля́щуюся непреста́нно о душа́х на́ших.
И ныне: Преславную Божию Матерь, и святых Ангелов святейшую, / воспоем не умолкая, сердцем и устами / исповедуя Её Богородицей, / ибо воистину родила Она Бога воплощенного / и молится непрестанно о душах наших.
Таже целуй крест твой, и прекрести крестом место твое от главы до ног, такожде и от всех стран, глаголя:
Также целуй Крест свой, осени им твое ложе и все стороны света, произнося:
Молитва Честному Кресту:
Да воскре́снет Бог, и расточа́тся врази́ Его́, и да бежа́т от лица́ Его́ ненави́дящии Его́. Я́ко исчеза́ет дым, да исче́знут; я́ко та́ет воск от лица́ огня́, та́ко да поги́бнут бе́си от лица́ лю́бящих Бо́га и зна́менующихся кре́стным зна́мением, и в весе́лии глаго́лющих: ра́дуйся, Пречестны́й и Животворя́щий Кре́сте Госпо́день, прогоня́яй бе́сы си́лою на тебе́ пропя́таго Го́спода на́шего Иису́са Христа́, во ад сше́дшаго и попра́вшаго си́лу диа́волю, и дарова́вшаго нам тебе́ Крест Свой Честны́й на прогна́ние вся́каго супоста́та. О, Пречестны́й и Животворя́щий Кре́сте Госпо́день! Помога́й ми со Свято́ю Госпоже́ю Де́вою Богоро́дицею и со все́ми святы́ми во ве́ки. Ами́нь.
Да восстанет Бог и рассеются враги Его, и да бегут от лица Его ненавидящие Его. Как исчезает дым, да исчезнут, как тает воск пред лицом огня, так да погибнут бесы пред лицом любящих Бога, и осеняющих себя крестным знамением и с веселием возглашающих: Радуйся, многочтимый и животворящий Крест Господень, прогоняющий бесов силою на Тебе распятого Господа нашего Иисуса Христа, во ад сошедшего и поправшего силу диавола, и даровавшего нам Тебя, Свой священный Крест, для прогнания всякого врага! О многочтимый и животворящий Крест Господень, помогай мне со святою Госпожою, Девою Богородицею и со всеми святыми вовеки. Аминь.
Или: Огради́ мя, Го́споди, си́лою Честна́го и Животворя́щаго Твоего́ Креста́, и сохрани́ мя от вся́каго зла.
Или кратко: Огради меня, Господи, силою священного и животворящего Креста и сохрани меня от всякого зла.
Когда отходишь ко сну, глаголи: В ру́це Твои́, Го́споди Иису́се Христе́, Бо́же мой, предаю́ дух мой: Ты же мя благослови́, Ты мя поми́луй и живо́т ве́чный да́руй ми. Ами́нь.
Когда отходишь ко сну произноси: В руки Твои, Господи, Иисусе Христе, Боже мой, предаю дух мой. Ты же меня благослови, Ты меня помилуй и жизнь вечную даруй мне. Аминь.