Век осьмый – что значит?

а). Просветитель, сл. 8, стр. 210 (2 изд.): «Св. Иоанн Дамаскин глаголет сице: глаголетжеся убо сего мира седморичен век, рекше от небеснаго и земнаго сотворения даже и до общаго человеком востания. Есть бо скончание особно, своя комуждо смерть: есть же и общее всему скончание, егда приидет быти общему человеком востанию, осмый же век приходяй. Премудрый же Максим Исповедник рече, яко Господа в осмом дни являющася, сиречь в пришествии Его... И св. Исаак Сирианин глаголет: в сем веце несть осьмый. Зри что глаголет: яко в нем веце несть осьмый, сиречь несть осьмый век: но аще и осьмая тысяща настанет, но век седморичен есть... Глаголет же св. Иоанн Лествичник: седмь убо седмаго ньшешняго века суть делания: осмое же будущаго века знаменательно есть» (стр. 211)... стр. 212: «А егда же приидет будущий век, иже не числится ми седмицами, ни денми, ни нощми, ни западом солнце разоряется, но имуща незаходимаго солнца; того ради нарекоша того осмый век, занеже по седморочисленном сем веце настанет». Стр. 213: «Вси святии отцы наши и учителие подобно тому нарекоша (т. е. что настоящий век седмеричен, a осьмой будущий), и не един же от них рече, яко 7 тысящ лет жити, а егда настанет осмая тысяща, тогда будет конец, но вси полагают настоящий век, а не тысящу и будущий век, а не тысящами лет числят... стр. 214: «Обычай есть Бож. Писанию тысящею глаголати неуставная лета. Яко же великий Иоанн Богослов и Евангелист в своем откровении глаголет: яко поклоняем будет непорочный Агнец тысящу лет, Христа проявляя: того ради устремишася неции рещи и написати, яко по Христове воскресении тысяща лет до антихристова прихода. Но зри яко великий Богослов неуставныя лета тысящею наричет. Аще ли же тако было, якоже неции разумеша, отселе за пятьсот лет непоклоняем бы был непорочный Агнец Христос Бог наш, и хотяше приити антихрист: но несть тако, но якоже рех, о недоведомых летех глаголет»... стр. 215: «потаена же святыми писании ни какоже искати, скотско бо есть се».

Стр. 216: «Велия бо стремнина и пропасть глубока, писанием неведение и самосмышленим изобретение. От сего убо и добрая зле приемлется... сие житие растленное введе, сие и ереси роди... от сего неведения и ныне устремишася неции рещи: седмь тысящ жити, а егда настанет осьмая тысяща тогда конец будет. Аще и вся писания прочтеши, не обрящеши того, но, якоже рех, неведомо никому всемирное скончание написаша. Аще ли хощеши известнее уведети, прочти списание премудраго онаго старца, иже книгу написа, глаголемую Зерцало. Тамо пишет о конци сице: Душа: ни, рабыни моя не оставляй, но рцы ми к сим мало о последних ныняшняго века, и о кончине его, когда и како, и какова есть, и когда антихрист приидет он, чаяние бо его страшит мя и смущает... Плоть: иже откуду и како приидет, се убо реку тебе, а еже когда, никако неведомо есть сие. Многажды о сем вопросиша Христа апостоли Его и ученицы, но не рече им когда, рече бо сице к ним глаголя: никтоже весть никакоже онаго дне, ни Ангели сами, но Отец Мой един» (Мф.24:36)... стр. 217: «Глаголют же паки друзии: понеже есть седморичен настоящий век, убо лепо есть ему довлети же и пребывати, Дóндеже седмая тысяща вся скончается... Нο и сие речение не благословно мнится мне... стр. 218: «Но да престану сия, не лепо бо есть та писати яко ничтоже известно в сих изобретая, сущее бо баснь, а истинное никтоже отнюдь рекл есть... Аще ли же инии приводят на свидетельство, еже в мясопустном Синаксари написал Никифор Ксанфопул, той бо рече: глаголет же ся, яко по седми тысящ лет будет приход Его: виждь что рече: глаголет же ся, a не вемы. кто глаголет: не убо рече, яко глаголет пророк, или апостол, или кто от прочих святых: обычай бо есть Бож. писанию глаголати тако о неведомых вещех... Безсловесно убо есть, еже приводити на свидетельство неведомыя вещи... Но что ради сия вея проидохом; но яко да покажем, еже Бог не повеле ведати, сего, аще и тмами трудимся ищуще и испытающе, не возможем уведати, но точию на свою главу огнь сибираем» (стр. 218–219).

Стр. 220: «И абие начаша мнети, яко тысяща лет по Христове воскресении до антихристова царствия, и свидетельства приводяще, еже великий Иоанн Богослов рече, связан будет зверь, сиречь диавол, тысящу лет, и изложиша пасхалию дотоле. Но ниже тии истину рекоша: лет бо тысящу на неуставном приемлется. Абие неции начашася домышляти, яко седморичен есть век сей настоящий; убо лепо есть ему довлети и пребывати, Дóндеже седмая тысяща вся кончается, и абие изложиша пасхалию до седмь тысящнаго лета. Сия убо собою умысливше неции, а не от святых апостол, ниже от богоносных отец наших и учителей, ниже от святых седми собор вселенских кто известно сказа, или изобрете: сего ради сия слаба и не крептка. He лепо бо есть о тех писати, иже не имут свидетельства от Бож. Писаний.

б) О Вере гл. 16 л. 137 об.: «Осьмаго века будущаго безконечное, пением сим осмогласным провозвестиша».

в) Иоанн Дамаскин, Богословие, кн. 2, гл. 1, § 3, л. 24: Глаголются убо таковыя седмь веки мира сего, сиречь от создания небесе и земли даже до общаго человеческаго скончания и востания. Ибо скончание частное, есть смерть всякаго: а общее и всемирное скончание, егда имать общее же быти человеков воскресение. Таже осьмый век, будущий век есть».

г). Благовестное ев., Марка, гл. 14. зач. 64, л. 87 и об. – 88: «Аминь же глаголю вам, яко к тому не имать пити от плода лознаго до дне того, егда е пию ново во царствии Божии. (Из толкования): Разумей же сице: виноград Господь сам, плод же винограда тайный разум сокровен, иже сам рождает, учай человека разуму. В царствии же Божии, сиречь в осьмом веке».

Другие свидетельства о восьмом веке см. у Озерского ч. I, стр. 450–451.