Мѣ́сѧца тогѡ́же въ к҃г-й де́нь. Ст҃а́гѡ мꙋ́ченика лꙋ́ппа.

Въ сі́й де́нь ѿдае́тсѧ пра́здникъ ᲂу҆спе́нїѧ прест҃ы́ѧ бцⷣы, и҆ пое́тсѧ всѐ пра́здника.

Ве́чера ѻ҆бы́чнаѧ каѳі́сма. На Гдⷭ҇и, воззва́хъ, стїхи̑ры пра́здника, на ѕ҃. Сла́ва, и҆ ны́нѣ, пра́здника. А҆́ще въ пѧто́къ ве́чера: Сла́ва, пра́здника: И҆ ны́нѣ, догма́тїкъ настоѧ́щагѡ гла́са. Прокі́менъ днѐ, кромѣ̀ вхо́да и҆ паремі́й. И҆ а҆́бїе, Сподо́би, гдⷭ҇и: Є҆ктенїа̀, И҆спо́лнимъ вече́рнюю: На стїхо́внѣ стїхи̑ры, и҆ Сла́ва, и҆ ны́нѣ, пра́здника. По Ѻ҆ч҃е на́шъ: тропа́рь пра́здника, є҆ди́ножды: є҆ктенїа̀, и҆ ѿпꙋ́стъ.

На повече́рїи конда́къ пра́здника. Полꙋ́нощницꙋ же пое́мъ по ѻ҆бы́чаю съ каѳі́смою и҆ съ тропарѝ ѻ҆бы́чными, а҆ не пра́здника. Глаго́лемъ же моли́твꙋ, Помѧнѝ, гдⷭ҇и:

На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, и҆ ны́нѣ, то́йже. По каѳі́смахъ сѣда́льны пра́здника. И҆ чте́нїе: и҆ ѱало́мъ н҃. Канѡ́ны пра́здника: Пе́рвый со і҆рмосо́мъ на и҃: и҆ дрꙋгі́й со і҆рмосо́мъ на ѕ҃: і҆рмосы́ же пое́мъ ѻ҆бою̀ канѡ́нѡвъ, по два́жды. Катава́сїа: Преꙋкраше́ннаѧ: По г҃-й пѣ́сни ѵ҆пакоѝ пра́здника. По ѕ҃-й пѣ́сни конда́къ и҆ і҆́косъ пра́здника. На ѳ҃-й пѣ́сни, Честнѣ́йшꙋю не пое́мъ: но пое́мъ припѣ́вы пра́здника, ꙗ҆́коже на са́мый пра́здникъ. Свѣти́ленъ пра́здника, два́жды. На хвали́техъ стїхи̑ры пра́здника, на д҃. Сла́ва, и҆ ны́нѣ, пра́здника. Славосло́вїе вели́кое. По трист҃о́мъ тропа́рь пра́здника, є҆ди́ножды. Є҆ктенїа̀, и҆ ѿпꙋ́стъ. И҆ и҆схожде́нїе въ притво́ръ. И҆ ча́съ а҃. На часѣ́хъ тропа́рь и҆ конда́къ пра́здника.

На лїтꙋргі́и бл҃жє́нна ѻ҆бою̀ канѡ́нѡвъ пѣ́снь ѳ҃, на и҃. По вхо́дѣ тропа́рь пра́здника. Сла́ва, и҆ ны́нѣ, конда́къ пра́здника. Прокі́менъ, а҆ллилꙋ́їа, и҆ прича́стенъ пра́здника. А҆пⷭ҇лъ, и҆ є҆ѵⷢ҇лїе днѐ, и҆ пра́здника.

🕅 Подоба́етъ вѣ́дати, а҆́ще слꙋчи́тсѧ ѿда́нїе ᲂу҆спе́нїѧ бцⷣы въ недѣ́лю:

Въ сꙋббѡ́тꙋ на ма́лѣй вече́рни стїхи̑ры воскрⷭ҇ны по ѻ҆бы́чаю. На стїхо́внѣ стїхи́ра воскрⷭ҇на є҆ди́на, и҆ пра́здника стїхо́вна, съ припѣ́вы свои́ми, вели́кїѧ вече́рни. Сла́ва, и҆ ны́нѣ, пра́здника. Тропа́рь воскрⷭ҇нъ. Сла́ва, и҆ ны́нѣ, пра́здника. На вели́цѣй вече́рни, по ѻ҆бы́чной каѳі́смѣ, на Гдⷭ҇и, воззва́хъ, стїхи̑ры воскрⷭ҇ны, г҃: и҆ ꙾восто́ченъ꙾ ¹⁶ є҆ди́нъ: и҆ пра́здника ѕ҃, пое́мыѧ на са́мый пра́здникъ. Сла́ва, пра́здника: И҆ ны́нѣ, бг҃оро́диченъ а҃ гла́са. На лїті́и стїхи̑ры, и҆ Сла́ва, и҆ ны́нѣ, пра́здника. На стїхо́внѣ стїхи̑ры воскрⷭ҇ны: Сла́ва, и҆ ны́нѣ, пра́здника. На благослове́нїи хлѣ́бѡвъ тропа́рь, Бцⷣе дв҃о, два́жды, и҆ пра́здника є҆ди́ножды. И҆ чте́нїе въ посла́нїихъ а҆пⷭ҇льскихъ.

На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды: Сла́ва и҆ ны́нѣ, пра́здника. По каѳі́смахъ, сѣда́льны воскрⷭ҇ны и҆ бг҃орѡ́дичны и҆́хъ, и҆ чте́нїе во є҆ѵⷢ҇лїи толково́мъ. И҆ непорѡ́чны, и҆ ѵ҆пакоѝ гла́са, и҆ чте́нїе. Степє́нна, и҆ прокі́менъ гла́са. Всѧ́кое дыха́нїе: Є҆ѵⷢ҇лїе воскрⷭ҇но. Воскрⷭ҇нїе хрⷭ҇то́во. Ѱало́мъ н҃. Стїхи́ра воскрⷭ҇на. И҆ прѡ́чаѧ по ѻ҆бы́чаю. Канѡ́нъ воскрⷭ҇нъ, со і҆рмосо́мъ на д҃, и҆ бцⷣы на в҃, и҆ пра́здника ѻ҆́ба канѡ́на на и҃. Катава́сїа: Преꙋкраше́ннаѧ: По г҃-й пѣ́сни конда́къ пра́здника, и҆ і҆́косъ. ѵ҆пакоѝ пра́здника. По ѕ҃-й пѣ́сни конда́къ воскрⷭ҇нъ, и҆ і҆́косъ, и҆ про́логъ. На ѳ҃-й пѣ́сни пое́мъ, Честнѣ́йшꙋю: Свѣти́ленъ воскрⷭ҇нъ. Сла́ва, и҆ ны́нѣ, пра́здника. На хвали́техъ стїхи̑ры воскрⷭ҇ны, на д҃: и҆ пра́здника на д҃, со сла́внымъ: съ припѣ́вы пра́здника. Сла́ва, стїхи́ра є҆ѵⷢ҇льскаѧ. И҆ ны́нѣ, Пребл҃гослове́нна є҆сѝ: Славосло́вїе вели́кое. По трист҃о́мъ тропа́рь воскрⷭ҇нъ то́чїю. Є҆ктєнїѝ, и҆ ѿпꙋ́стъ, и҆ ѡ҆глаше́нїе стꙋді́тово. И҆ и҆схожде́нїе ѻ҆бы́чное въ притво́ръ, и҆ ча́съ а҃, и҆ коне́чный ѿпꙋ́стъ. На часѣ́хъ, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ конда́къ пра́здника, и҆ воскрⷭ҇нъ премѣнѧ́юще глаго́лемъ.

На лїтꙋргі́и бл҃жє́нна гла́са на ѕ҃: и҆ пра́здника, пѣ́снь д҃, на д҃. По вхо́дѣ тропа́рь воскрⷭ҇нъ, и҆ пра́здника. Сла́ва, конда́къ воскрⷭ҇нъ: И҆ ны́нѣ, пра́здника. Прокі́менъ, а҆пⷭ҇лъ, а҆ллилꙋ́їа, и҆ є҆ѵⷢ҇лїе днѐ и҆ пра́здника. Прича́стенъ: Хвали́те гдⷭ҇а съ нб҃съ: и҆ пра́здника.