Изборник службы, жития, словеса похвальна и акафист святым учителям Словенским Кириллу и Мефодию

а҃. Бг҃ъ млⷭ҇тивый и҆ ще́дрый, жела́ѧй покаѧ́нїѧ человѣ́ча, да всѝ спас́тсѧ и҆ въ ра́зꙋмъ и҆́стины прїи́дꙋтъ, не хо́щетъ бо сме́рти грѣ́шникꙋ, но є҆́же пока́ѧтисѧ и҆ жи́вꙋ бы́ти є̑м̀, а҆́ще и҆ наипа́че ѕло́бѣ прилежи́тъ, но не ѡ҆ставлѧ́етъ ро́да человѣ́ча ѿпа́сти ѡ҆слабле́нїемъ и҆ въ собла́знъ непрїѧ́зненъ прїитѝ и҆ поги́бнꙋти, но на ка̑ѧждо ѹ҆̀бо лѣ̑та и҆ времена̀ не престае́тъ твори́ти на́мъ мнѡ́гаѧ бл҃годѣѧ̑нїѧ, ꙗ҆́коже и҆спе́рва та́коже и҆ ны́нѣ: пе́рвое чрез̾ патрїа̑рхи и҆ ѻ̑ц҃ы̑ и҆ по тѣ́хъ чрез̾ прⷪ҇рѡки, по си́хъ же чрез̾ а҆пⷭ҇тѡлы и҆ мч҃нки, та́же првⷣными м̑жи и҆ ѹ҆чт҃ли, и҆збира́ѧ ихъ ѿ многомѧте́жнагѡ житїѧ̀ сегѡ̀. Зна́етъ бо Гдⷭ҇ь Своѧ̑, иже Є҆гѡ̀ с́ть, ꙗ҆́коже речѐ: ѻ҆́вцы Моѧ̑ гла́са Моегѡ̀ сл́шаютъ, и҆ по Мнѣ̀ грѧд́тъ, и҆ живо́тъ вѣ́чный даю̀ и҆мъ. Є҆́же сотворѝ и҆ въ на́шъ ро́дъ, воздви́гнꙋвъ на́мъ сицева̀ ѹ҆чт҃лѧ, и҆́же просвѣтѝ ꙗ҆зы́къ на́шъ и҆ ѹ҆́мъ на́шъ сла́бостїю ѡ҆мраче́нный, па́чеже ле́стїю дїа́волею, не хотѣ́вшымъ на́мъ въ свѣ́тѣ за́повѣдей Бж҃їихъ ходи́ти.

Житїе́ же є҆гѡ̀, вкра́тцѣ сказа́емо, ꙗ҆влѧ́етъ и҆̀ сицевы́мъ, ꙗ҆́коже бѣ̀, да и҆́же кто̀ хо́щетъ, то̀ слы́ша, подо́битисѧ є҆м̀, бо́дрость прїи́метъ и҆ лѣ́ность ѿмете́тъ, ꙗ҆́коже речѐ а҆пⷭ҇толъ: подо́бни мѝ быва́йте, ꙗ҆́коже и҆ а҆́зъ Хрⷭ҇т̀.

в҃. Во Сол́нстѣмъ гра́дѣ бѣ̀ м́жъ нѣ́кїй доброро́денъ и҆ бога́тъ, и҆́менемъ Ле́въ, предержа̀ са́нъ со́тническъ под̾ воево́дою. Бѣ́ же бл҃говѣ́ренъ и҆ првⷣнъ сохранѧ́ѧ всѧ̑ за́пѡвѣди Бж҃їѧ и҆́стиннѡ, ꙗ҆́коже и҆ногда̀ Іѡвъ. Живы́й же съ жено́ю родѝ се́дмь ѻ҆троча́тъ, ѿ ни́хже бѣ̀ мѣ́зинець¹, седмы́й, Кѡнстанті́нъ фїлосо́фъ, наста́вникъ и҆ ѹ҆чи́тель на́шъ. Є҆гда́ же родѝ є҆го̀ ма́ти, вдадѐ є҆го̀ д̆о̆и́лицѣ² дабы̀ и҆̀ дои́ла, ѻ҆троча́ же не хотѧ́ше ни ка́коже ч́ждагѡ сосца̀ косн́тисѧ, ра́звѣ ма́тернѧ, до́ндеже ѿдое́нъ³ бы́сть. Сїе́ же бы́сть по Бж҃їю смотрѣ́нїю, да честна́гѡ ко́рене бл҃гоче́стнаѧ ѻ҆тра́сль до́брымъ млеко́мъ воздое́на⁴ б́детъ. Пото́мъ же дѡ́бра та̑ роди́тєлѧ совѣща́стасѧ не сходи́тисѧ ктом̀, говѣ̑юща себѐ, но та́кѡ живѧ́ста ѡ҆ Гдⷭ҇ѣ, ꙗ҆́кѡ бра́тъ и҆ сестра̀ за д҃і лѣ́тъ, до́ндеже и҆́хъ сме́рть разлꙋчѝ, ника́коже прест̑плша тогѡ̀ совѣ́та. Хотѧ́щꙋ же м́жꙋ є҆ѧ̀ ѹ҆мре́ти, пла́кашесѧ ма́ти ѻ҆троча́те сегѡ̀ глаголющи: Ни ѡ҆ чесо́мже скорблю̀, ра́звѣ ѡ҆ младе́нцѣ се́мъ є҆ди́нѣмъ, ка́кѡ ѹ҆стро́енъ б́детъ. Ѻ҆́нъ же речѐ єй: вѣ́рꙋ и҆мѝ мѝ, же́но, надѣ́юсѧ на Бг҃а, ꙗ҆́кѡ да́стъ є҆м̀ Гдⷭ҇ь Бг҃ъ ѻ҆тца̀ и҆ строи́телѧ такова́го, и҆́же ѹ҆стро́итъ всѧ̑ Хрїстїа́ны. Є҆́же и҆ бы́сть.

г҃. Седми́ же лѣ́тъ бы́въ ѻ҆́трокъ, ви́дѣ со́нъ и҆ повѣ́да ѻ҆ц҃̀ и҆ ма́тери и҆ речѐ, ꙗ҆́кѡ воево́да собра̀ всѧ̑ дѣви̑цы на́шегѡ гра́да и҆ речѐ ко мнѣ̀: и҆зберѝ себѣ̀ ѿ ни́хъ, ю҆́же хо́щеши подр́жїе на по́мощь и҆ ра́внꙋ себѣ̀. А҆́зъ же глѧдѣ̀въ и҆ ѡ҆смотрѣ́въ вси́хъ, ви́дѣхъ є҆ди́нꙋ краснѣ́йшꙋ ѿ всѣ́хъ, лице́мъ свѣтѧ́щꙋсѧ и҆ ѹ҆кра́шенꙋ ве́льми мони̑сты ѕлаты́ми и҆ би́серомъ и҆ все́ю красото́ю, є҆́йже бѣ̀ и҆́мѧ Софі́а, си́рѣчь мⷣрость, т̀ и҆збра́хъ. Слы́шавше же словеса̀ сїѧ̑ роди́тєлѧ є҆гѡ̀ реко́ста къ нем̀: сы́не, хранѝ зако́ны ѻ҆тца̀ твоегѡ̀, и҆ не ѿри́ни наказа́нїѧ ма́тере твоеѧ̀: занѐ свѣти́лникъ за́повѣдь зако́на, и҆ свѣ́тъ. Рцы́ же премⷣрости: сестра̀ мѝ б́ди, и҆ мⷣрость зна́емꙋ себѣ̀ сотворѝ: сїѧ́етъ бо премⷣрость па́че со́лнца и҆ а҆́ще и҆мѣ́ти ю҆̀ б́деши жен̀, ѿ мно́га ѕла̀ и҆зба́вишисѧ є҆́ю.

Є҆гда́ же вда́ста и҆̀ во ѹ҆че́нїе кни́жное, преспѣва́ше па́че всѣ́хъ ѹ҆чєни́къ въ кни́гахъ па́мѧтїю и҆ хи́тростїю до́брою ве́льми, ꙗ҆́кѡ и҆ диви́тисѧ всѣ̀мъ. Є҆ди́ножды же, ꙗ҆́коже є҆́сть ѻ҆бы́чай сыновѡ́мъ бога́тыхъ лови́твою тѣшитисѧ, и҆з̾иде и҆ Кѡнстанті́нъ съ ни́ми, ꙗ҆́стребъ сво́й взе́мь, и҆ ꙗ҆́кѡ пꙋстѝ и҆̀, а҆́бїе по Бж҃їю смотрѣ́нїю ѡ҆брѣ́тесѧ вѣ́тръ и҆ взе́мь є҆го̀ занесѐ. Ѻтрокъ же ѿто́лѣ во ѹ҆ны́нїе и҆ печа́ль ѿ тогѡ̀ впа́дъ, два̀ дни̑ хлѣ́ба не ꙗ҆дѧ́ше. Чл҃колю́бїѧ бо Своегѡ̀ ра̀ди Млⷭ҇тивый Бг҃ъ не хотѧ́й житі̑йскимъ веще́мъ ѡ҆бы́кнꙋти є҆м̀, оѵ҆до́бь ѹ҆ловѝ и҆̀, ꙗ҆́коже дре́вле Плакі́дꙋ є҆ле́немъ ѹ҆ловѝ въ ло́вѣ, та́кѡ и҆ сего̀ ꙗ҆́стребомъ. Въ себѣ̀ помы́сливъ житїѧ̀ сегѡ̀ ѹ҆тѣхꙋ, ст҃ы́й Кѡнстанті́нъ пла́кашесѧ є҆ѧ̀, глаго́лѧ: Таково́ ли житїѐ сїѐ да въ ра́дости мѣ́сто печа́ль пребыва́етъ; ѿ сегѡ̀ днѐ и҆ны́мъ пꙋте́мъ поид̀, и҆́же є҆́сть л́чшїй сегѡ̀, и҆ въ молвѣ̀ житїѧ̀ сегѡ̀ дне́й свои́хъ не и҆ждив̀. И҆ ѹ҆че́нїю себѐ преда́въ, сѣдѧ́ше въ дом̀ свое́мъ ѹ҆ча́сѧ кни́гамъ и҆з̾ ѹстъ ст҃а́гѡ Григо́рїа Бг҃осло́ва. И҆ зна́менїе крⷭ҇тное сотворѝ на стѣнѣ̀ и҆ похвал̀ написа̀ ст҃о́мꙋ Григо́рїю, си́це:

ѽ Григо́рїе, тѣ́ломъ человѣ́че, дꙋше́ю же Агг҃ле, ты́ бо тѣ́ломъ человѣ́къ є҆сѝ и҆ А҆пⷭ҇толъ ꙗ҆ви́сѧ. Ѹ҆ста́ бо твоѧ̑, ꙗ҆́кѡ є҆ди́нъ ѿ Серафі̑мъ Бг҃а прославлѧ́ютъ, и҆ всю̀ вселе́ннꙋю просвѣща́ютъ пра́выѧ вѣ́ры наказа́нїемъ. Тѣ́мже и҆ менѐ припа́дающа къ тебѣ̀ любо́вїю и҆ вѣ́рою прїимѝ и҆ б́ди мѝ просвѣти́тель и҆ ѹ҆чи́тель. И҆ та́кѡ хвалѧ́ше Бг҃а.

Вше́дъ же Кѡнстнті́нъ во мнѡ́ги бесѣ̑ды и҆ въ ра́зꙋмъ ве́лїй, и҆ не могі́й разꙋмѣ́ти глꙋбины̀, во ѹ҆ны́нїе вели́ко впадѐ. Стра́ненъ же бѣ̀ нѣ̀кїй т̀, ѹ҆мѣ́ѧ грамматикі́ю, и҆ къ нем̀ ше́дъ, молѧ́ше и҆̀ и҆ на ног̀ є҆гѡ̀ па́даѧ, вда́сѧ є҆м̀: сотворѝ мѝ бла́го, наꙋчи́ мѧ хꙋдо́жествꙋ граммати́ческꙋ. Ѻ҆́нъ же тала́нтъ сво́й скры̀ и҆ речѐ къ нем̀: Ѻтроче, не трꙋжа́йсѧ: ѿреклсѧ бо є҆́смь ѿтню́дъ никого̀ не наꙋчи́ти сем̀ въ моѧ̑ дни̑. Па́ки же ѻтрокъ со слеза́ми кла́нѧѧсѧ є҆м̀, глаго́лаше: возмѝ всю̀ ча́сть мою̀ въ до́мѣ ѻ҆ц҃а̀ моегѡ̀, є҆́же мнѣ̀ досто́итъ, и҆ наꙋчи́ мѧ. Е҆м́же не хотѣ́вшꙋ посл́шати є҆гѡ̀ ше́дъ до́мови, въ мл҃твахъ пребыва́ше, да ѡ҆брѧ́щетъ жела́нїе се́рдца своегѡ̀. Вско́рѣ же сотворѝ Бг҃ъ во́лю боѧ́щихся Е҆гѡ̀.

Ѡ҆ красотѣ̀ бо є҆гѡ̀ и҆ м́дрости и҆ о приле́жнѣмъ ѹ҆че́нїи, є҆́же бѣ̀ растворе́но въ не́мъ, слы́шавъ царе́въ строи́тель, и҆́же нарица́етсѧ логоѳе́тъ, и҆ посла̀ по него̀, да ѹ҆чи́тсѧ съ царе́мъ. Ѻтрокъ же, ѹ҆слы́шавъ сїѐ, съ ра̀достїю ѿпра́висѧ въ п́ть и҆ на пꙋтѝ покло́ньсѧ, мл҃твꙋ сотворѝ, глаго́лѧ: Бж҃е ѻ҆ц҃ъ на́шихъ и҆ Гдⷭ҇и Млⷭ҇тиве, И҆́же є҆сѝ сотвори́лъ всѧ́чєскаѧ сло́вомъ, и҆ премⷣростїю Твое́ю созда́въ человѣ́ка, да владѣ́етъ сотворе́нными Тобо́ю тва́рьми, да́ждь мѝ с́щꙋю при Прⷭ҇то́лѣ Твое́мъ премⷣрость, да разꙋмѣ́въ что̀ є҆́сть ѹ҆го́дно Тебѣ̀, спас́сѧ. Азъ бо є҆́смь ра́бъ Тво́й и҆ сы́нъ рабы́ни Твоеѧ̀. И҆ къ сем̀ про́чꙋю Соломо́ню моли́твꙋ и҆зглаго́ла, и҆ вста́въ речѐ: а҆ми́нь.

д҃. Е҆гда́ же прїи́де къ Царюгра́дꙋ, вда́ша и҆̀ ѹ҆чи́телемъ да ѹ҆чи́тсѧ, и҆ въ г҃ мѣ́сѧцы и҆зꙋчѝ всю̀ грамматикі́ю, и҆ прѡ́чаѧ нача́тъ ѹ҆чє́нїѧ. Наꙋчи́сѧ же Ѡ҆ми́рꙋ и҆ геѡме́трїи, и҆ ѹ҆ Льва̀ и҆ Фѡ́тїа дїале́ктицѣ и҆ всѣ̑мъ фїлосѡ́фскимъ ѹ҆че́нїємъ, па́ки же и҆ рито́рїцѣ и҆ а҆рїѳме́тїцѣ и҆ а҆строно́мїи и҆ мꙋсикі́и и҆ всѣ̑мъ прѡ́чимъ Є҆̀ллинстимъ ѹ҆че́нїємъ. Та́коже навы́че всем̀, ꙗ҆́коже ни є҆ди́нъ ѿ ни́хъ навы́че. Ско́рость бо съ прилежа́нїемъ совокꙋпи́сѧ, и҆̀мже дрꙋгъдр́ гꙋ приспѣва́ющымъ ѹ҆чє́нїѧ и҆ хꙋдѡ́жества соверша́ютсѧ. Бо́лѣ же ѹ҆че́нїѧ ти́хій ѻ҆́бразъ на себѣ̀ ꙗ҆влѧ́ѧ, бесѣ̀доваше съ тѣ̀ми, съ ни́миже бѧ́ше поле́знѣе, ѹ҆кланѧ́ѧсѧ ѿ ѹ҆кланѧ́ющихсѧ въ ѕло́бꙋ, ка́кѡ бы земна̑ѧ на небє́снаѧ премѣни́въ и҆злетѣти и̑з̾ тѣлесѐ сегѡ̀ и҆ съ Бг҃омъ ж́ити.

Ѹ҆зрѣ́въ же и҆̀ та́кѡ с́ща логоѳе́тъ, дадѐ є҆м̀ вла́сть над̾ до́момъ свои́мъ и҆ въ царе́вꙋ пала́тꙋ со дерзнове́нїемъ входи́ти. И҆ вопросѝ є҆гѡ̀ є҆ди́ною, глаго́лѧ: фїлосо́фе, хотѣлъ бы̀ ѹ҆вѣ́дѣти что̀ є҆́сть фїлосо́фїа. Ѻ҆́нъ же хи́трымъ ѹ҆мо́мъ речѐ тогда̀: Бж҃їимъ и҆ человѣ̑честимъ веще́мъ ра́зꙋмъ, є҆ли́кѡ мо́жетъ человѣ̀къ прибли́житисѧ Бг҃ꙋ, ꙗ҆́кѡ добродѣ́телїю ѹ҆чи́тъ человѣ́ка бы́ти по ѻ҆́бразꙋ и҆ по подо́бїю Сотвори́вшагѡ є҆гѡ̀. Ѿ сегѡ́ же па́че возлюбѝ є҆го̀ и҆ вопроша́ше ѡ҆ все́мъ м́жъ се́й толи́кѡ вели́къ и҆ че́стенъ. Ѻ҆́нъ же сотворѝ є҆м̀ ѹ҆че́нїе фїлосо́фско, въ ма́лыхъ словесѣ́хъ ве́лїй ѹ҆́мъ сказа́въ. Въ чистотѣ́ же пребыва́ѧ ве́льми ѹ҆гожда́ше Бг҃ꙋ, толи́кѡ любе́зенъ всѣ̑мъ быва́ше. И҆ логоѳе́тъ, творѧ̀ є҆м̀ всѧ́кꙋ че́сть говѣ́йнꙋ⁵, зла́то мно́го даѧ́ше є҆м̀, ѻ҆́нъ же не прїима́ше.

Е҆ди́ною же речѐ къ нем̀: красота̀ твоѧ̀ и҆ м́дростъ н́дѧтъ мѧ̀ безмѣ́рнѡ люби́ти тѧ̀. И҆мѣ́ю а҆́зъ дще́рь дꙋхо́внꙋю, ю҆́же кре́стилъ є҆́смь, кра́снꙋ и҆ бога́тꙋ, ро́да добра̀ и҆ вели́ка. А҆́ще хо́щеши, подр́жїю сїю̀ тѝ да́мъ. Ѿ царѧ́ же ве́лїю че́сть и҆ кнѧже́нїе прїи́мь, бѡ́льша си́хъ ѡ҆жида́й, вско́рѣ бо стратигъ⁶ б́деши. Ѿвѣща́ же є҆м̀ фїлосо́фъ: да́ръ оѵ҆̀бо ве́лїй хотѧ́щымъ є҆гѡ̀, мнѣ́ же бо́лѣе ѹ҆че́нїѧ нѣ́сть ничто́же, и҆́мже ра́зꙋмъ собра́въ пра́дѣднїѧ че́сти и҆ бога́тства хощ̀ и҆ска́ти. Слы́шавъ же логоѳе́тъ є҆гѡ̀, ше́дъ къ цари́цѣ, речѐ: сѐ фїлосо́фъ ю҆́ный не лю́битъ житїѧ̀ сегѡ̀, не ѿп́стимъ є҆го̀ ѿ на́съ, но постри́гше и҆̀ на попо́вство, дади́мъ є҆м̀ сл́жбꙋ, да б́детъ вївлїоѳи́каръ⁷ ѹ҆ патрїа́рха въ ст҃ѣй Софі́и, є҆да̀ понѐ та́кѡ ѹ҆держи́мъ є҆го̀. И҆ сотвори́ша є҆м̀ то̀. Ма́ло же съ ни́ми въ то́мъ побы́въ, на ̆Ѹ҆́зкое мо́ре ̆⁸ ше́дъ, скры́сѧ ѻтай въ монастырѝ. И҆ска́ша же є҆го̀ ѕ҃ мѣ́сѧць и҆ є҆два̀ ѡ҆брѣто́ша. И҆ не мого́ша є҆го̀ ѹ҆н́дити на то́ же слꙋже́нїе, ѹ҆моли́ша є҆го̀ ѹ҆чи́телскїй са́нъ прїѧ́ти, ѹ҆чи́ти фїлосо́фїи своѧ̑ тозе́мцы и҆ стра̑нныѧ со всѧ́цѣю сл́жбою и҆ по́мощїю. И҆ сїѐ прїѧ́тъ.

є҃. А҆̀ннїй патрїа́рхъ є҆́ресь воздви́глъ бѣ̀, глаго́лѧ не твори́ти че́сти ст҃ы̑мъ і҆кѡ́намъ. И҆ собо́ръ собра́вше ѡ҆бличи́ша и҆̀, ꙗ҆́кѡ непра́вѡ глаго́летъ. И҆ согна́ша є҆го̀ со стола̀. Ѻ҆́нъ же речѐ: Наси́лїемъ мѧ̀ согна́ша, а҆ не препрѣ́вше менѐ: не мо́жетъ бо никто́же проти́витисѧ словесє́мъ мои҆мъ. Ца́рь же съ патрїа́рхомъ ѹстро́ивъ⁹ фїлосо́фа, посла̀ къ нем̀ ре́къ та́кѡ: а҆́ще мо́жеши ю҆́ношꙋ сего̀ препрѣ́ти, па́ки сто́лъ тво́й прїи́меши. Ѻ҆́нъ же ѹ҆зрѣвъ фїлосо́фа ю҆́на тѣ́ломъ, не вѣ́дый же ста́ра ѹ҆ма̀ въ не́мъ речѐ є҆м̀ и҆ пѡ́сланнымъ съ ни́мъ: вы̀ подно́жїѧ моегѡ̀ нѣ́сте досто́йни, ка́кѡ а҆́зъ съ ва́ми прѣ́тисѧ хощ̀; фїлосо́фъ же речѐ: не людска́гѡ ѻ҆бы́чаѧ держѝ, но за́повѣдїй Бж҃їихъ зрѝ: ꙗ҆́коже бо ты̀ є҆сѝ ѿ землѝ, дꙋша́ же Бг҃омъ соста́влена, та́кѡ и҆ мы̀ всѝ, то̀ на зе́млю зрѧ̀, человѣ́че, не горди́сѧ. Па́ки же Аннїй ѡвѣща̀: не лѣ́по є҆́сть въ є҆́сень цвѣтца̀ и҆ска́ти, ни ста́рца на войн̀ гна́ти, ꙗ҆́коже нѣ́коего ю҆́ношꙋ Н́естора. Фїлосо́фъ же ѿвѣща̀ є҆м̀: са́мъ на сѧ̀ вины̑ ѡбрѣта́еши. Рцы́ ми, въ кі́й во́зрастъ дꙋша̀ сильнѣйши є҆́сть тѣлесѐ; Ѻ҆́нъ же речѐ: на ста́ростъ. Фїлосо́фъ же речѐ: то̀ на к́ю бра́нь го́нимъ тѧ̀, на тѣле́снꙋю, и҆лѝ дꙋхо́внꙋю; Ѻ҆́нъ же речѐ: на дꙋхо́внꙋю. Фїлосо́фъ же ѿвѣща̀: то̀ ты̀ ны́нѣ силнѣ́йший хо́щеши бы́ти, не глаго́ли на́мъ та́цѣхъ при́тчъ, не без̾ вре́мене бо ни цвѣте́ць и҆́щемъ, ни на войн̀ тебѐ го́нимъ.

Посрами́всѧ же та́кѡ ста́рецъ и҆́намѡ ѡ҆братѝ бесѣ́дꙋ, и҆ речѐ ста́рецъ: Рцы́ ми, ю҆́ноше, ка́кѡ крⷭ҇т̀ разоре́нꙋ с́щꙋ, не кла́нѧемсѧ є҆м̀, ни лобыза́емъ є҆го̀, вы́ же а҆́ще лицѐ и҆ до пе́рси то́кмѡ б́детъ, і҆кѡ́ннꙋю че́сть є҆м̀ творѧ́ще, не стыди́тесѧ; Фїлосо́фъ же ѿвѣща̀: четы́ре бо ча̑сти крⷭ҇тъ и҆́мать, и҆ а҆́ще є҆ди́на є҆гѡ̀ ча́сть ѹ҆б́детъ, своегѡ̀ ѻ҆̀браза ѹ҆жѐ не и҆́мать, і҆кѡ́на же ѿ лица̀ ѻ҆́бразъ и҆ подо́бїе ꙗ҆влѧ́етъ тогѡ̀, є҆гѡ́же ра́ди пи́сана б́детъ. Не лво́ба бо лица̀, ни ры́сьѧ зри́тъ взира́ющїй, но Пе́рвагѡ ѻ҆́бразъ. Па́ки же ста́рецъ речѐ: ка́кѡ ѹ҆̀бо кла́нѧемсѧ крⷭ҇т̀ без̾ написа́нїѧ, а҆́ще и҆ и҆ні́и крⷭ҇ти бѧ́хꙋ, і҆кѡ́нѣ же, а҆́ще не б́детъ напи́сано имени, чі́й є҆́сть ѻ҆́бразъ, не твори́те че́сти; Фїлосо́фъ же ѿвѣ́ща: всѧ́къ бо крⷭ҇тъ подо́бїе и҆́мать Хрⷭ҇то́вꙋ крⷭ҇т̀, і҆кѡ́ны же не и҆мѣ́ютъ всѣ̀ ѻбраза є҆ди́наго. Ста́рецъ же речѐ: ка́кѡ вы̀ і҆кѡ́ны творѧ́ще кла́нѧетесѧ и҆̀мъ, Бг҃ꙋ рекшꙋ къ Мѡѷсе́ови: не сотвори́ши всѧ́кагѡ подо́бїѧ: фїлосо́фъ же проти́вꙋ сем̀ ѿвѣща̀: а҆́ще бы ре́клъ: не сотвори́ши ни како́гѡ же подо́бїѧ, пра́вѡ глаго́леши; но ре́клъ є҆́сть: не всѧ́кагѡ, си́рѣчь досто́йное. Не могі́й проти́вꙋ сем̀ прѣ́тисѧ, ста́рецъ ѹ҆молча̀, посра́мльсѧ.

ѕ҃. По си́хъ же А҆га́рѧне, нарица́емїи Сарацы́не, воздвиго́ша х́лꙋ на є҆ди́но Бжⷭ҇тво̀ Ст҃ы́ѧ Трⷪ҇цы, глаго́люще: ка́кѡ вы̀, Хрїстїа́не Еди́нагѡ Бг҃а мнѧ́ще раздѣлѧ́ете Е҆го̀ па́ки на трѝ, глаго́люще, ꙗ҆́кѡ є҆́сть Ѻ̑ц҃ъ, Сн҃ъ и҆ Ст҃ы́й Дх҃ъ. А҆́ще мо́жете и҆звѣ́стнѡ сказа́ти, то̀ посли́те м́жа, и҆́же мо́жетъ глаго́лати ѡ҆ се́мъ и҆ препрѣ́ти ны̀. Бѧ́ше же тогда̀ фїлосо́фъ к҃д лѣ́тъ. Собо́ръ же сотво́рь ца́рь, призва́въ є҆го̀ и҆ речѐ є҆м̀: слы́шиши ли, фїлосо́фе, что̀ глаго́лютъ скве́рнїи А҆га́рѧне на на́шꙋ вѣ́рꙋ. А҆́ще є҆сѝ слꙋга̀ и҆ ѹ҆чени́къ Ст҃ы́ѧ Трⷪ҇цы, ше́дъ проти́висѧ и҆̀мъ и҆ Бг҃ъ, всѧ́кїѧ ве́щи Сверши́тель и҆ въ Трⷪ҇цы славосло́вимый, Ѻ̑ц҃ъ, Сн҃ъ и҆ Ст҃ы́й Дх҃ъ, да да́стъ тѝ бл҃года́ть и҆ си́лꙋ въ словесѣ́хъ, и҆ ꙗ҆́кѡ дрꙋга́го Двд҃а но́ваго ꙗ҆ви́тъ на Голїа́ѳа, съ тремѝ каме́нми побѣди́вша, и҆ да возврати́тъ тѧ̀ къ на́мъ, сподо́бивъ Нбⷭ҇нагѡ Црⷭ҇твїѧ. Слы́шавъ же се́й речѐ: ра́дъ и҆д̀ за вѣ́рꙋ Хрїстїа́нскꙋю. Что́ бо мѝ є҆́сть сла́ждши на се́мъ свѣ́тѣ, ꙗ҆́кѡ за Ст҃́ю Трⷪ҇цꙋ ѹ҆мре́ти и҆ жи́вꙋ бы́ти;

Приста́виша же къ нем̀ асѷгкрі́та¹⁰ Геѡ́ргїа, и҆ посла́ша ѧ҆̀. Доше́дшымъ же и҆̀мъ та́мѡ, ѹ҆зрѣ́ша стра̑нныѧ и҆ гн̑сныѧ вє́щи, содѣ́ѧвшыѧсѧ ѿ А҆га́рѧнъ, ꙗ҆̀же сотвори́ли бѧ́хꙋ на порꙋга́нїе и҆ посмѣѧ́нїе всѣ̑мъ Хрїстїа́нѡмъ въ мѣ́стѣ ѻ҆́нѣмъ жив́щымъ: бѧ́хꙋ бо ѻ҆́брази де́монстїи напи́сани внѣ́дꙋ на две́рехъ всѣ́хъ Хрїстїа́нъ, ди́вы творѧ́ще и҆ рꙋга́ющесѧ. Вопроси́ша же фїлосо́фа глаго́люще: мо́жеши ли разꙋмѣ́ти, фїлосо́фе, что̀ є҆́сть зна́менїе сїѐ. Ѻ҆́нъ же речѐ: де́монстїй ѻ҆́бразъ ви́дждꙋ и҆ непщ́ю, ꙗ҆́кѡ Хрїстїа́не т̀ жив́тъ вн́трь. Ѻ҆ни́ же не мо́гꙋтъ жи́ти съ ни́ми, бѣжа́тъ ѿ ни́хъ во́нъ. А҆ и҆дѣже сегѡ̀ зна́менїѧ нѣ́сть внѣ́дꙋ, то̀ съ тѣ́ми с́ть вн́трь. На ѻ҆бѣ́дѣ же сѣдѧ́ще А҆га́рѧне м́жи ѹ҆́мнїи и҆ кни́жнїи, ѹ҆че́ни геѡме́трїи и҆ астроно́мїи и҆ прѡ́чимъ на́камъ, искꙋша́юще є҆го̀ вопроша́хꙋ, глаго́люще: ви́диши ли, фїлосо́фе, ди́вное ч́до, ка́кѡ проро́къ бо́жїй Махме́тъ, принесы́й на́мъ благ̀ вѣ́сть ѿ бо́га, ѡ҆братѝ мнѡ́ги лю́ди, и҆ всѝ держи́мсѧ зако́на є҆гѡ̀, ничто́же престꙋпа́юще. А҆ вы̀ Хрⷭ҇то́въ зако́нъ держа́ще, ва́шегѡ прⷪ҇ро́ка, ѻ҆́въ си́це, ѻ҆́въ и҆́накѡ, ꙗ҆́коже ѹ҆го́дно є҆́сть ком́ждо ва́съ, та́кѡ держитѐ и҆ творитѐ. Къ си̑мъ же фїлосо́фъ ѿвѣща̀: Бг҃ъ на́шъ є҆́сть ꙗ҆́кѡ глꙋбина̀ морска́ѧ. Прⷪ҇ро́къ же глаго́летъ ѡ не́мъ: ро́дъ є҆гѡ̀ кто̀ и҆сповѣсть; ꙗ҆́кѡ взе́млетсѧ ѿ землѝ живо́тъ є҆гѡ̀. Є҆гѡ́же ра́ди и҆ска́нїѧ мно́зи во глꙋбин̀ т̀ схо́дѧтъ, и҆ си́лнїи ѹ҆мо́мъ по́мощїю Є҆гѡ̀ бога́тство раз́мное прїе́млюще, препла́ваютъ и҆ возвраща́ютсѧ, а҆ сла́бїи же ꙗ҆́кѡ въ гнилы́хъ корабле́хъ преплы́ти покꙋша́ющесѧ, ѻ҆́ви ѹ҆топа́ютъ, дрꙋзі́и же съ трꙋдо́мъ є҆два̀ ѿдыха́ютъ, немощно́ю лѣностїю влающесѧ¹¹. Ва́ше же ѹ҆че́нїе є҆́сть ѹ҆́зко и҆ ѹ҆до́бно, є҆́же можетъ прескочи́ти всѧ́къ ма́лъ и҆ вели́къ. Нѣ́сть бо кромѣ̀ людска́гѡ ѻ҆бы́чаѧ, но є҆́же всѝ мо́гꙋтъ дѣ́ѧти. И҆ ничто́же бо заповѣдалъ ва́мъ. Є҆гда́ бо не ѹ҆держа́лъ є҆́сть гнѣ́ва ва́шегѡ и҆ по́хоти, но попꙋсти́лъ, то̀ въ каков̀ про́пасть ври́нꙋти вы̀ и҆́мать, смы́сленный да разꙋмѣ́етъ. Хрⷭ҇то́съ же не та́кѡ, но ѿ ни́зꙋ тѧ́жкое горѣ̀ возво́дитъ, вѣ́рѣ и҆ бл҃гоче́стїю ѹ҆чи́тъ человѣ́ка: Творе́цъ бо сы́й всѣ̑мъ, ме́ждꙋ А҆̀гг҃лы и҆ скоты̑ сотвори́лъ є҆́сть человѣ́ка, словесе́мъ и҆ смы́сломъ ѿлꙋчи́въ ѿ скота̀, а҆ гнѣ́вомъ и҆ по́хотїю ѿ Агг҃лъ, и҆ къ ко́ей ча́сти кто̀ приближа́етсѧ, то́ю па́че причаща́етсѧ ни́жнихъ, и҆лѝ вы́шнихъ.

Вопроси́ша же є҆го̀ па́ки: ка́кѡ вы̀ Бг҃ꙋ є҆ди́нꙋ с́шꙋ, въ Трⷪ҇цѣ сла́вите И҆̀; скажѝ, а҆́ще вѣ́си; Ѻ҆ц҃а̀ бо нарица́ете и҆ Сн҃а и҆ Дх҃а. А҆́ще бо та́кѡ глаго́лете, то̀ и҆ жен̀ Є҆м̀ дади́те, да сѧ̀ ѿ Тогѡ̀ мно́зи бо́зи расплодѧ́тъ. Къ си̑мъ же фїлосо́фъ ѿвѣща̀: не глаго́лите такѡвы́ѧ х̑лы безчи̑нны. Мы̀ ѹ҆̀бо до́брѣ навы́кли є҆смы̀ ѿ Ѻ̑ц҃ъ, Прⷪ҇рѡ́къ и҆ ѹ҆чт҃ль сла́вити Трⷪ҇цꙋ: Ѻ҆ц҃ъ бо и҆ Сло́во и҆ Дх҃ъ трѝ ѵ҆поста̑си въ є҆ди́нѣмъ сꙋществѣ̀. Сло́во же то̀ воплоти́сѧ въ Дв҃ѣ и҆ роди́сѧ на́шегѡ ра́ди сп҃се́нїѧ, ꙗ҆́коже и҆ Махме́тъ проро́къ ва́шъ свидѣ́тельствꙋетъ, написа́въ си́це: посла́хомъ д́хъ на́шъ къ дѣ́вѣ и҆зво́ливше да роди́тъ. Ѿ сегѡ̀ и҆ а҆́зъ ва́мъ и҆звѣще́нїе творю̀ ѡ҆ Трⷪ҇цѣ.

Си́ми же словєсы̀ пораже́ни, на дрꙋга̑ѧ ѡ҆брати́шасѧ глаго́люще: ꙗ҆́кѡ та́кѡ є҆́сть, ꙗ҆́коже глаго́леши, го́стю¹². Да а҆́ще Хрⷭ҇то́съ Бг҃ъ ва́шъ є҆́сть почто̀ не твори́те, ꙗ҆́коже вели́тъ; пи́сано бо є҆́сть во Єѵⷢ҇лстихъ кни́зѣхъ: моли́те за врагѝ, добро̀ твори́те ненави́дѧщымъ и҆ гонѧ́щымъ, и҆ лани́тꙋ ѡ҆брати́те бїю́щымъ. Вы́ же не та́кѡ, но проти̑вна ѻ҆р̑жїѧ ѻстри́те на творѧ́щихъ ва́мъ такова̑ѧ. Фїлосо́фъ же проти́вꙋ си̑мъ ѿвѣща̀: Двѣма̀ за́повѣдема с́щема въ зако́нѣ, кто̀ зако́нъ соверша́ѧ ꙗ҆влѧетсѧ, и҆́же ли є҆ди́нꙋ сохрани́тъ, и҆лѝ и҆́же ѻ҆́бѣ; Ѿвѣща́ша же ѻ҆нѝ: ꙗ҆́кѡ и҆́же ѻ҆́бѣ. Фїлосо́фъ же речѐ: Бг҃ъ є҆́сть ре́клъ: моли́те за ѡ҆би́дѧщыѧ То́й є҆́сть па́ки ре́клъ: бо́лши сеѧ̀ любвѐ никто́же мо́жетъ ꙗ҆ви́ти въ житїѝ се́мъ, да кто̀ д́шꙋ свою̀ положи́тъ за др́ги своѧ̑. Др̑гъ же ра́ди мы̀ и҆ сѐ дѣ́емъ, да не съ тѣле́снымъ плѣне́нїемъ и҆ дꙋша̀ и҆́хъ плѣне́на б́детъ.

Па́ки же глаго́лаша ѻ҆нѝ: Хрⷭ҇то́съ да́нь даѧ́лъ за Сѧ̀ и҆ за и҆ны̑ѧ. Вы́ же ка́кѡ не твори́те дѣ́лъ Є҆гѡ̀ и҆ ѹ҆жѐ а҆́ще бере́жете себе то̀, ка́кѡ ѹ҆жѐ да́ни не дае́те сицево́мꙋ вели́кꙋ и҆ крѣ́пкꙋ ꙗ҆зы́кꙋ І҆смаилі́тскꙋ за бра́тїю ва́шꙋ и҆ др́ги. Ма́ла же про́симъ, то́кмѡ є҆ди́нагѡ зла́тника, и҆ доне́лиже стои́тъ всѧ̀ землѧ̀ храни́мъ ми́ръ межд̀ собо́ю, ꙗ҆́коже и҆́нъ никто́же. Фїлосо́фъ же ѿвѣща̀: а҆́ще кто̀ въ слѣ́дъ ѹ҆чи́телѧ ходѧ́й, хо́щетъ въ то́й же слѣ́дъ ходи́ти въ ѻ҆́нъже и҆ то́й, дрꙋгі́й же срѣ́тъ, соврати́тъ и҆̀, др́гъ ли є҆м̀ є҆́сть, и҆лѝ вра́гъ; Ѻ҆нѝ же рѣ́ша: вра́гъ. Фїлосо́фъ же речѐ: є҆гда̀ Хрⷭ҇то́съ да́нь даѧ́лъ, ко́е влады́чество бѣ̀: І҆смаилі́тско ли, и҆лѝ Ри́мско. Ѿвѣща́ша ѻ҆нѝ: Ри́мско. Ѻнъ же речѐ: тѣ́мже не досто́итъ на́съ зазира́ти, поне́же Ри́млѧнѡмъ да́нь всѝ дае́мъ.

По си́хъ же и҆ и҆̀на мнѡ́га вопроша́нїѧ вопроша́ша, и҆скꙋша́юще ѿ всѣ́хъ хꙋдо́жествъ, ꙗ҆̀же и҆ са́ми ѹ҆мѣ́ѧхꙋ. Сказа́ же и҆̀мъ всѧ҆, и҆ є҆гда̀ и҆́хъ препрѣ́ ѿ си́хъ, и҆ рѣ́ша къ нем̀. Ка́кѡ ты̀ всѧ̑ сїѧ̑ ѹ҆мѣ́еши; Фїлосо́фъ же речѐ и҆̀мъ: человѣ́къ нѣ́кїй, поче́рпъ во́дꙋ въ мо́ри, въ мѣшцѣ̀ ноша́ше ю҆̀, и҆ хвалѧ́шесѧ глаго́лѧ къ стра́нникѡмъ, ви́дите ли во́дꙋ, є̑ѧ́же никто́же и҆́мать ра́звѣ менє̀. Прише́дъ же є҆ди́нъ м́жъ помо́рникъ и҆ речѐ къ нем̀: н̆еи́стовъ ли сѧ̀ дѣ́ешй¹³, хвалѧ́сѧ то́кмѡ ѡ҆ смердѧ́щемъ мѣшцѣ̀; а҆ мы̀ сегѡ̀ пꙋчи́нꙋ¹⁴ и҆мѣ́емъ. Та́кѡ и҆ вы̀ дѣ́ете, а҆ ѿ на́съ всѧ̑ хꙋдѡ́жества и҆зошлѝ с́ть.

По си́хъ же ди̑внаѧ творѧ́ще, показа́ша є҆м̀ в̆їно̆гра́дъ¹⁵ насажде́ный и҆ногда̀, ѿ землѝ и҆зни́кнꙋвый. И҆ є҆гда̀ сказа̀ и҆̀мъ, ка́кѡ сїѐ быва́етъ, па́ки показа́ша є҆м̀ всѐ бога́тство, и҆ хра̑мины ѹ҆творє́ны ѕла́томъ и҆ сребро́мъ, и҆ ка́менїемъ драги́мъ и҆ би́серомъ, глаго́люще: ви́ждь, фїлосо́фе: ди́вное ч́до, си́лꙋ вели́кꙋ и҆ мно́го бога́тство Ѻ҆ма́ра, влды́ки Сарацы́нска. Рече́ же къ ни̑мъ фїлосо́фъ: не ди́во сїѐ є҆́сть. Бг҃ꙋ же хвала̀ и҆ сла́ва, сотво́ршемꙋ всѧ̑ сїѧ̑ и҆ да́вшемꙋ на ѹ҆тѣ́хꙋ человѣ́кѡмъ: Тогѡ̀ бо с̀ть, а҆ не и҆на́гѡ. Коне́чнѣ же на свою̀ ѕло́бꙋ ѡ҆брати́вшесѧ, да́ша є҆м̀ ꙗ҆̀дъ пи́ти, но Бг҃ъ Млⷭ҇тивый ре́къ: а҆́ще и҆ сме́ртно что̀ и҆спїе́те, ничто́же ва́съ не вреди́тъ, и҆зба́ви и҆ того̀, и҆ на свою̀ зе́млю здра́ва возвратѝ є҆го̀ па́ки.

з҃. Не по мно́зѣ же вре́мени, ѿре́ксѧ Кѡнстнті́нъ, сегѡ̀ житїѧ̀, сѣ́де на є҆ди́нѣмъ мѣ́стѣ без̾ молвы̀ себѣ̀ самом̀ то́кмѡ вне́млѧ, и҆ на ѹ҆́трїй де́нь ничто́же не ѡ҆ствлѧ́ѧ, но ни́щымъ раздаѧ́ше всѐ, на Бг҃а печа́ль возлага́ѧ, И҆́же ѡ҆ всѣ́хъ на всѧ́къ де́нь пече́тсѧ. Є҆ди́ною же на ст҃ы́й де́нь слꙋзѣ̀ є҆гѡ̀ тꙋжа́щꙋ, ꙗ҆́кѡ ничто́же не и҆̀мамъ на си́цевъ де́нь че́стенъ, ѻ҆́нъ же речѐ є҆м̀: препита́вый и҆ногда̀ І҆и҃лѧ въ пꙋсты́ни, и҆́мать да́ти и҆ на́мъ здѣ̀ пи́щꙋ, но ше́дъ призовѝ понѐ пѧ́ть ни́щихъ м̑жъ, ча́ѧ Бж҃їѧ по́мощи. И҆ ꙗ҆́кѡ бы́сть ѡ҆бѣ́днїй ча́съ, принесѐ м̀жъ бре́мѧ всѧ́кїѧ ꙗ҆́ди и҆ де́сѧть зла̑тникъ. И҆ Бг҃ꙋ хвал̀ воздадѐ ѡ҆ всѣ́хъ си́хъ. Въ Ѻ҆ли́мпъ же ше́дъ къ Меѳо́дїю, бра́тꙋ своем̀, нача́тъ жи́ти и҆ мл҃твꙋ твори́ти беспреста́ни къ Бг҃ꙋ, то́кмѡ со кни́гами бесѣ́дꙋѧ.

и҃. Прїидо́ша же послы̀ къ царю̀ ѿ Коза́ръ, глаго́люще: ꙗ҆́кѡ и҆спе́рва Є҆ди́наго то́кмѡ Бг҃а зна́емъ, И҆́же є҆́сть над̾ всѣ́ми и҆ Том̀ кла́нѧемсѧ на восто́къ, и҆ ѡ҆бы́чаи своѧ̑ и҆́ны ст̑дны держи́мъ. Є҆врє́и ѹ҆̀стѧтъ ны̀ вѣ́рꙋ и҆́хъ и҆ дѣла̀ прїѧ́ти, Сарацы́ни же на дрꙋг́ю стра́нꙋ, ми́ръ даю́ще и҆ дары̀ мнѡ́ги, понꙋжда́ютъ ны̀ на свою̀ вѣ́рꙋ, глаго́люще: ꙗкѡ на́ша вѣ́ра добрѣ́йши є҆́сть всѣ́хъ ꙗ҆зы̑къ. Сегѡ̀ ра́ди посыла́емъ къ ва́мъ, ста́рꙋю помина́юще др́жбꙋ и҆ любо́вь держа́ще: ꙗ҆зы́къ бо ве́лїй с́ще, ѿ Бг҃а ца́рство де́ржите, и҆ ва́шегѡ совѣ́та вопроша́юще про́симъ ѹ҆ ва́съ м́жа кни́жна, да, а҆́ще препри́тъ Є҆вре́ѧ и҆ Сарацы́на, ва́шꙋ вѣ́рꙋ прїи́мемъ.

Тогда̀ взыска̀ ца́рь фїлосо́фа и҆ ѡ҆брѣ́тъ и҆̀, сказа̀ є҆му̀ Каза́рскꙋю рѣ́чь, глаго́лѧ: и҆ди́, фїлосо́фе, къ люде́мъ си̑мъ, сотворѝ и҆̀мъ ѿвѣтъ и҆ сло́во ѡ҆ Ст҃ѣй Трⷪ҇цѣ съ по́мощїю Є̑ѧ̀. И҆́нъ бо никто́же мо́жетъ сегѡ̀ досто́йнѡ сотвори́ти. Ѻ҆́нъ же речѐ: а҆́ще вели́ши, влады́ко, на сїю̀ рѣ́чь съ ра́достїю и҆д̀, и҆ пѣшь и҆ бо́съ и҆ без̾ всегѡ̀, є҆гѡ́же не велѧ́ше Бг҃ъ ѹ҆ченикѡ́мъ свои̑мъ носи́ти. Ѿвѣща́ же ца́рь: а҆́ще бы сїѐ ты̀ є҆сѝ хотѣ́лъ ѡ҆ себѣ́ твори́ти, то̀ до́бра мѝ глаго́леши, но ца́рскꙋю держа́вꙋ вѣ́дый и҆ че́сть, че́стнѡ и҆дѝ съ ца́рскою по́мощїю.

Тогда́ же пои́де въ п́ть и҆ доше́дъ до Корс́нѧ наꙋчи́сѧ т̀ Жидо́встѣй бесѣ́дѣ и҆ кни́гамъ, ѻ҆́смь часте́й грамма́тїки преложи́въ, и҆ ѿ тогѡ̀ ра́зꙋмъ бо́лїй воспрїи́мь. Самарѧни́нъ нѣ́кїй т̀ живѧ́ще, и҆ приходѧ̀ къ нем̀ стѧза́шесѧ съ ни́мъ, и҆ принесѐ Самарѧ̑нски кни̑ги и҆ показа̀ є҆м̀. И҆ и҆спро́шь ѧ҆̀ ѹ҆ негѡ̀, фїлосо́фъ затвори́сѧ въ хра́минѣ, моли́твꙋ ѹ҆се́рдно дѣ́ѧ, и҆ ѿ Бг҃а ра́зꙋмъ прїи́мъ, честѝ нача̀ кни́ги без̾ поро́ка. Ѹ҆зрѣ́въ же Самарѧни́нъ возопѝ гла́сомъ ве́лїимъ и҆ речѐ: вои́стинꙋ, иже во Хрⷭ҇та̀ вѣ́рꙋютъ вско́рѣ Дх҃ъ Ст҃ы́й прїе́млютъ и҆ бл҃года́ть. Сы́нꙋ же є҆гѡ̀ а҆́бїе кре́щшꙋсѧ, тогда̀ и҆ са́мъ по не́мъ крⷭ҇ти́сѧ. Ѡ҆брѣ́те же т̀ є҆ѵⷢ҇лїе и҆ ѱалти́рь Р́сскими писмєны̀ писа̑на, и҆ человѣ́ка ѡ҆брѣ́тъ глаго́люща то́ю бесѣ́дою, бесѣ́дова съ ни́мъ и҆ си́лꙋ рѣ́чи прїи́мъ, свое́й бесѣ́дѣ приклада́ѧ, разлꙋчѝ писмена̀ гла̑снаѧ и҆ согла̑снаѧ, и҆ къ Бг҃ꙋ мл҃твꙋ творѧ̀, вско́рѣ нача́тъ честѝ и҆ сказа́ти, и҆ мио́зи дивлѧ́хꙋсѧ є҆м̀, Бг҃а хва́лѧще.

Слы́шавъ же, ꙗ҆́кѡ ст҃ы́й Кли́ментъ, є҆щѐ въ мо́ри лежи́тъ, помоли́всѧ речѐ: вѣ́рꙋю въ Бг҃а и҆ на ст҃а́гѡ Кли́мента надѣ́юсѧ, ꙗ҆́кѡ ѡ҆брѣстѝ и҆́мамъ є҆го̀ и҆ и҆знестѝ и҆з̾ мо́рѧ. Ѹ҆бѣди́въ же а҆рхїепкⷭ҇па и҆ со всѣ́мъ кли́росомъ и҆ бл҃гоговѣ́йными м̑жи всѣ́дше въ корабли̑ и҆ и҆до́ша на мѣсто. И҆ ѹ҆ти́шшꙋсѧ мо́рю ве́льми, доше́дше нача́ша копа́ти, пою́ще. Тогда́ же бы́сть вонѧ̀ ве́лїѧ, ꙗ҆́кѡ кади̑лъ мно́гихъ, и҆ по се́мъ ꙗ҆ви́шасѧ ст҃ы̑ѧ мо́щи, ꙗ҆̀же бзе́мше съ вели́кою че́стїю и҆ сла́вою, всѝ гра́ждане внесо́ша во гра́дъ, ꙗ҆́коже пи́шетъ въ ѡ҆брѣ́тенїи є҆гѡ̀.

Коза́рскїй же воево́да съ вѡ́и ше́дъ, ѡ҆стꙋпѝ Хрїстїа́нскїй гра́дъ, и҆ ѡ҆бложѝ є҆гѡ̀. Ѹ҆вѣ́дѣвъ же фїлосо́фъ, не лени́сѧ, и҆́де къ нем̀. Бесѣ́довавъ же съ ни́мъ и҆ ѹ҆чи́тєлнаѧ словеса̀ предложи́въ, ѹ҆кротѝ и҆̀, и҆ то́й ѻ҆бѣща́всѧ є҆м̀ крⷭ҇ти́тисѧ ѿи́де, никоеѧ́же па́кости сотвори́въ лю́демъ тѣ̑мъ.

Возврати́сѧ же и҆ фїлосо́фъ въ п́ть сво́й, и҆ въ пе́рвый ча́съ моли́твꙋ творѧ́щꙋ є҆м̀, нападо́ша на́нь Ѹ҆́гри, во́лчески во́юще, хотѧ́ще є҆го̀ ѹ҆би́ти. Ѻ҆́нъ же не ѹ҆жасе́сѧ, ни мл҃твы своеѧ̀ ѡ҆ста́ви, но то́кмѡ Гдⷭ҇и поми́лꙋй взыва́ше, бѣ́ бо конча́лъ ѹ҆жѐ сл́жбꙋ. Ѻни́ же ѹ҆зрѣ́вше є҆го̀, по Бж҃їю смотрѣ́нїю ѹ҆кротѣ́ша и҆ нача́ша кла́нѧтисѧ є҆м̀, и҆ словеса̀ ѹ҆чи́тєлнаѧ ѿ ѹстъ є҆гѡ̀ слы́шавше, ѿпꙋсти́ша и҆̀ со все́ю дрꙋжи́ною.

ѳ҃. Всѣ́дъ же въ кора́бль, пꙋтѝ сѧ ꙗтъ Коза́рскагѡ на Меѡ́тское є҆́зеро и҆ Каспі̑йскаѧ врата̀ го́ръ Кавка́жскихъ. Посла́ша же Коза́ры проти́вꙋ є҆м̀ м́жа лꙋка́ва и҆ хи́тра, и҆́же бесѣ́дꙋѧ съ ни́мъ речѐ є҆м̀: ка́кѡ вы̀ ѕо́лъ ѡ҆бы́чай и҆мѣ́ете, ста́вите ца́рь и҆́нъ во и҆на́гѡ мѣ́стѡ ѿ и҆на́гѡ ро́да; Мы́ же по ро́дꙋ сѐ дѣ́емъ. Фїлосо́фъ же є҆м̀ речѐ: и҆ Бг҃ъ въ Са́ла мѣ́сто ничто́же ѹ҆го́дна дѣ́юща, и҆збра̀ Дв҃да, ѹ҆гожда́юща є҆м̀, и҆ ро́дъ є҆гѡ̀. Ѻ҆́нъ же речѐ є҆м̀: ка́кѡ ѹ҆̀бо вы̀, кни̑ги держа́ще въ рꙋк̀, ѿ ни́хъ всѧ̑ при̑тчи глаго́лете, мы́ же не та́кѡ, но ѿ пе́рсїй всю̀ м́дрость ꙗ҆́ко погло́щше и҆зно́симъ ю҆̀, не гордѧ́щесѧ ѡ҆ писа́нїи, ꙗ҆́коже вы̀. Рече́ же фїлосо́фъ къ нем̀: рек̀ тѝ на сїѐ та́кѡ: а҆́ще срѧ́щеши м́жа на́га и҆ глаго́летъ тѝ ꙗ҆́кѡ мнѡ́ги ри̑зы и҆ зла́то и҆́мать, и҆́меши ли є҆м̀ вѣ́рꙋ, ви́дѧ и҆̀ на́га; И҆ речѐ: нѝ. Та́кѡ и҆ а҆́зъ тебѣ̀ глаго́лю: а҆́ще ли є҆сѝ поглоти́лъ всѧ́кꙋ м́дрость, рцы̀ на́мъ, коли́кѡ є҆́сть рѡ́дъ ѿ Ада́ма до Мѡѷсе́а, и҆ коли́кѡ є҆́сть лѣ́тъ кото́рый же ро́дъ держа́лъ. Не могі́й же къ сем̀ ѿвѣща́ти, ѹ҆молча̀.

Доше́дшꙋ же є̑м̀ та́мѡ, є҆гда̀ хотѧ́хꙋ на ѻ҆бѣ́дѣ сѣсти ѹ҆ кага́на, вопроси́ша и҆̀ глаго́люще: ка́ѧ є҆́сть твоѧ̀ че́сть да тѧ̀ поса́димъ на свое́мъ чи́нꙋ; Ѻ҆́нъ же речѐ: дѣда и҆мѣхъ ве́лїѧ и҆ сла́вна ѕѣлѡ̀, и҆́же бли́з̾ царѧ̀ стоѧ́ше и҆ да́ннꙋю є҆м̀ сла́вꙋ ве́лїю ѿве́ргъ, и҆ изгнанъ бы́сть, и҆ на стран̀ ч̀ждꙋ ѿше́дъ ѡ҆бнища̀, и҆ т̀ мѧ̀ родѝ. А҆́зъ же дѣднїѧ дре́внїѧ че́сти и҆ща̀, не достиго́хъ и҆ны́ѧ прїѧ́ти, Ада́мовъ бо вн́къ є҆́смь. И҆ ѿвѣща́ша є҆м̀: досто́йнѡ и҆ пра́вѡ глаго́леши, го́стю. Ѿсе́лѣ же па́че нача́ша пред̾ ни́мъ че́сть и҆мѣти.

Кага́нъ же ча́шꙋ взе́мь и҆ речѐ: пїю̀ во и҆́мѧ Є҆ди́нагѡ Бг҃а, сотво́ршагѡ всю̀ тва́рь. Фїлосо́фъ же ча́шꙋ взе́мь речѐ: пїю̀ во и҆́мѧ Є҆ди́нагѡ Бг҃а и҆ Словесѐ Е҆гѡ̀, Имже нб҃са ѹ҆тверди́шасѧ, и҆ Животворѧ́щаго Дх҃а, И҆̀мже всѧ̀ си́ла и҆́хъ состои́тъ. Ѿвѣща̀ къ нем̀ кага́нъ: всѝ ра́внѡ глаго́лемъ ѡ҆ се́мъ, то́кмѡ разли́чїе держи́мъ. Вы́ бо Трⷪ҇цꙋ сла́вите, а҆ мы̀ кни̑ги ѹ҆лꙋчи́вше, Бг҃а Е҆ди́нагѡ. Фїлосо́фъ же речѐ: Сло́во и҆ Дх҃ъ кни̑ги проповѣ́даютъ. А҆́ще кто̀ тебѣ̀ че́сть твори́тъ, твоегѡ́ же Сло́ва и҆ Дх҃а не въ че́сть твори́тъ, дрꙋгі́й же па́ки всѧ̑ тро́е въ че́сть и҆мѣетъ, кото́рый ѿ ѻ҆бою̀ чести́вѣе є҆́сть; Ѻ҆́нъ же речѐ: И҆́же всѧ̑ тро́е въ че́сть и҆мѣ́етъ. Фїлосо́фъ же ѿвѣща̀: тѣ́мже и҆ мы̀ бо́лшее твори́мъ, дѣлы̑ сказа́юще и҆ прⷪ҇рѡ́къ сл́шающе. И҆са́їа бо речѐ: посл́шай менѐ, І҆а́кѡве І҆и҃лю, є҆го́же а҆́зъ призыва́ю: а҆́зъ є҆́смь пе́рвый, и҆ а҆́зъ є҆́смь въ вѣ́къ, а҆́зъ є҆́смь и҆ ны́нѣ, Гдⷭ҇ь посла̀ мѧ̀ и҆ Дх҃ъ Е҆гѡ̀.

І҆ꙋдє́и же стоѧ́ще ѻ҆́крестъ негѡ̀, реко́ша є҆м̀: рцы̀ ѹ҆́бѡ на́мъ, ка́кѡ мо́жетъ же́ньскъ по́лъ Бг҃а вмести́ти во чре́во, На́ньже не мо́гꙋтъ зрѣ́ти А҆̀гг҃ли, не́жели роди́ти И҆̀. Фїлосо́фъ же показа̀ персто́мъ на кага́на и҆ на пе́рваго совѣ́тника и҆ речѐ па́ки: а҆́ще кто̀ рече́тъ, ꙗ҆́кѡ пе́рвый совѣ́тникъ не мо́жетъ п᷶рїѧ́ти себѣ̀ въ до́мъ᷶¹⁶ кага́на, и҆ па́ки рече́тъ, ꙗ҆́кѡ послѣ́днїй ра́бъ є҆гѡ̀ мо́жетъ п᷶рїѧ́ти᷶¹⁷ кага́на и҆ че́сть є҆м̀ сотвори́ти, ка́кѡ нарече́мъ є҆го̀, скажи́те мѝ, неи́стова¹⁸ ли, и҆лѝ смы́слена; Ѻнѝ же рѣ́ша: и҆ ѕѣлѡ̀ неи́стова. Фїлосо́фъ же къ ни̑мъ речѐ: что̀ є҆́сть ѿ ви́димыѧ тва́ри честнѣ́е всѣ́хъ; Ѿвѣща́ша є҆м̀: человѣ́къ, по ѻ҆́бразꙋ бо Бж҃їю сотворе́нъ є҆́сть. Па́ки же къ ни̑мъ речѐ фїлосо́фъ: то̀ с́ть неи́стовїй¹⁹, иже глаго́лютъ, ꙗ҆́кѡ не мо́жетъ Бг҃ъ вмести́тисѧ въ человѣ́ка, Ѻ҆́нъ же и҆ въ кꙋпин̀ вмести́сѧ и҆ въ ѻ҆́блакъ и҆ въ б́рю и҆ въ ды́мъ, ꙗ҆вле́йсѧ Мѡѷсео́ви и҆ І҆́ѡвꙋ. Ка́кѡ бо можа́ше, и҆но́мꙋ болѧ́щꙋ, и҆на́го цѣли́ти; Человѣ́ческꙋ бо ро́дꙋ на и҆стлѣ́нїе прише́дшꙋ, ѿ когѡ̀ бо и҆на́гѡ па́ки бы ѡ҆бновле́нїе приїѧ́лъ, а҆́ще не ѿ Самагѡ̀ Творца̀, ѿвѣща́йте мѝ; А҆́ще вра́чь, хотѧ́й приложи́ти пла́стырь болѧ́щымъ, приложи́тъ є҆го̀ къ дре́вꙋ, и҆лѝ къ ка́мени, ꙗ҆ви́тъ ли ѿ сегѡ̀ что̀; И҆ ка̀кѡ Мѡѷсе́й речѐ Дх҃омъ Ст҃ы́мъ въ свое́й мл҃твѣ, р́цѣ распросте́ръ: въ гро́мѣ ка́меннѣ и҆ въ гла́сѣ тр́бнѣмъ не ꙗ҆влѧ́йсѧ на́мъ ктом̀, Гдⷭ҇и, не ꙗ҆влѧ́йсѧ на́мъ ктом̀, Гдⷭ҇и ще́дрый, но всели́сѧ въ на́шꙋ ѹ҆тро́бꙋ, грѣхѝ на́ша ѿи́мь. Акѵ́ла бо та́кѡ глаго́летъ. И҆ та́кѡ раз̾идо́шасѧ съ ѻ҆бѣ́да, наре́кше де́нь, въ ѻ҆́ньже бесѣ́дꙋ ѡ҆ всѣ́хъ си́хъ сотврѧ́тъ.

і҃. Сѣ́дъ же па́ки фїлосо́фъ съ кага́номъ и҆ рече́: а҆́зъ ѹ҆́бѡ въ ва́съ є҆ди́нъ є҆́смь без̾ ро́да и҆ др̑гъ,²⁰ вси́ же стѧза́емсѧ ѡ҆ Бз҃ѣ, Є҆м́же с́ть въ рꙋк̀ всѧ҆ и҆ сердца̀ на́ша. Ѿ ва́съ же и҆̀же с́ть си́лиїи въ словесѣ́хъ, бесѣ́дꙋющымъ на́мъ, є҆́же разꙋмѣ́ютъ, да глаго́лютъ, ꙗ҆́кѡ та́кѡ є҆́сть, а҆ и҆́хже не разꙋмѣ́ютъ, да вопроша́ютъ, и҆ ска́жемъ и҆̀мъ. Ѿвѣща́ша же І҆ꙋдє́и и҆ реко́ша: и҆ мы̀ держи́мъ въ кни́гахъ Сло́во и҆ Дх҃ъ. Скажи́ же на́мъ, кото́рый зако́нъ дадѐ Бг҃ъ пе́рвѣе человѣ́кѡмъ, Мѡѷсе́овъ ли, илѝ є҆го́же вы̀ держитѐ; Фїлосо́фъ же речѐ: сегѡ́ ли ра́ди на́съ вопроша́ете да пе́рвый зако́нъ держитѐ; Ѿвѣща́ша ѻ҆нѝ: є҆́й, пе́рвый бо, є҆го́же и҆ подоба́етъ. И҆ речѐ фїлосо́фъ: а҆́ще хо́щете пе́рвый зако́нъ держа́ти, то̀ ѿ ѡ҆брѣзанїѧ ѹ҆клони́тесѧ ѿню́дъ²¹. Реко́ша же ѻ҆нѝ: чесѡ̀ ра́ди си́це глаго́леши; Фїлосо́фъ же речѐ: скажи́те мѝ н᷶е потаѧ́ще᷶:²² во ѡ҆брѣ́занїи ли пе́рвый зако́нъ да́нъ є҆́сть, и҆лѝ въ неѡбрѣ́занїи; Ѻвѣща́ша же ѻ҆нѝ: мни́мъ, ꙗ҆́кѡ во ѡ҆брѣ́занїи. Фїлосо́фъ же речѐ: не Нѡ́еви ли Бг҃ъ дадѐ зако́нъ пе́рвѣе по заповѣ́данїи и҆ ѿпаде́нїи А҆да́мовѣ, завѣ́тъ нарица́ѧ зако́нъ; речѐ бо къ немꙋ: сѐ а҆́зъ поста́влю завѣ́тъ Мо́й съ тобо́ю и҆ съ сѣ́менемъ твои́мъ и҆ со все́ю земле́ю, тремѝ за́повѣдми держи́мъ: всѧ̑ ꙗ҆ди́те, ꙗ҆́кѡ ѕе́лїе травно́е, є҆ли̑ка под̾ небесе́мъ, и҆ є҆ли̑ка на землѝ, и҆ є҆ли̑ка въ вода́хъ, ра́звѣ мѧ́са въ кровѝ не ꙗ҆ди́те. И҆ и҆́же пролїе́тъ кро́вь человѣ́чꙋ, да пролїе́тсѧ кро́вь є҆гѡ̀ въ тогѡ̀ мѣ́сто. Что̀ глаго́лете проти́вꙋ сем̀, пе́рвый зако́нъ ре́кше держа́ти;

І҆ꙋдє́и же къ нем̀ ѿвѣща́ша: пе́рвый зако́нъ Мѡѷсе́овъ держи́мъ, сегѡ́ же нѣ́сть наре́клъ Бг҃ъ зако́на, но завѣ́тъ, ꙗ҆́коже и҆ пе́рвѣе заповѣда человѣ́кꙋ въ раѝ, и҆ ко А҆враа́мꙋ и҆́накѡ: ѡ҆брѣ́занїе, а҆ не зако́нъ. И҆̀но бо є҆́сть за́конъ, и҆́но же завѣ́тъ. Разли̑чна бо наре́клъ є҆́сть Творе́цъ ѻ҆боѐ. Фїлосо́фъ же ѿвѣща̀ къ ни̑мъ: а҆́зъ ѿ се́мъ скаж̀ ва́мъ си́це, ꙗ҆́кѡ зако́нъ нарица́етсѧ завѣ́тъ. Бг҃ъ бо гла́гола ко А҆враа́мꙋ: даю́ зако́нъ мо́й въ пло́ть ва́шꙋ, є҆́же и҆ зна́менїе наречѐ, ꙗ҆́кѡ б́детъ ме́ждꙋ мно́ю и҆ тобо́ю. То́й же къ І҆еремі́и па́ки вопїе́тъ: посл́шай же завѣ́та сегѡ̀, возглаго́леши бо, речѐ, къ мꙋже́мъ І҆́дѡвымъ и҆ жив́щымъ во І҆ерꙋсали́мѣ, и҆ рече́ши къ ни̑мъ: та́кѡ глаго́летъ Гдⷭ҇ь Бг҃ъ І̑и҃левъ: про́клѧть м́жъ, и҆́же не посл́шаетъ слове́съ завѣ́та сегѡ̀, є҆го́же заповѣ́дахъ ѻ̑ц҃є́мъ ва́шымъ въ де́нь, въ ѻ҆́ньже и҆зведо́хъ ѧ҆̀ ѿ землѝ Е҆гѵ́петскїѧ.

Ѿвѣща́ша І҆ꙋдє́и къ сем̀: та́кѡ и҆ мы̀ держи́мъ, ꙗ҆́кѡ зако́нъ нарица́етсѧ и҆ завѣ́тъ. Е҆ли́кѡ же и҆́хъ держа́сѧ зако́на Мѡѷсе́ова, всѝ Бг҃ꙋ ѹ҆годи́ша и҆ мы̀ держи́мсѧ по́нь²³ и҆ надѣ́емсѧ²⁴ та́кѡ же бы́ти, вы́ же и҆́нъ зако́нъ воздвиго́ша, попира́ете Бж҃їй зако́нъ. Фїлосо́фъ же речѐ къ ни̑мъ: до́брѣ дѣ́емъ. А҆́ще бо бы̀ А҆враа́мъ н᷶е ꙗ҆́лъ сѧ по ѡ҆брѣзанїе᷶²⁵, и҆ Нѡ́евъ завѣ́тъ держа́лъ, не бы̀ наре́клсѧ Бж҃їй др́гъ, ни Мѡѷсе́й, послѣдѝ па́ки написа́вый зако́нъ, пе́рвагѡ же не держа́лъ. Та́коже и҆ мы̀ по си́хъ ѻ҆́бразꙋ хо́димъ и҆ ѿ Бг҃а зако́нъ прїи́мше, держи́мъ да Бж҃їѧ за́повѣдь тве́рда пребыва́етъ. Да́въ бо Нѡ́еви зако́нъ, не сказа̀ є҆м̀, ꙗ҆́кѡ дрꙋгі́й и҆́мать да́ти є҆м̀, но во вѣ́ки пребыва́ющь въ д́шꙋ жи́вꙋ. Ни па́ки А҆враа́мꙋ ѡ҆бѣтова́нїѧ да́въ не возвѣстѝ є҆м̀, ꙗ҆́кѡ и҆ дрꙋгі́й зако́нъ и҆́мать да́ти Мѡѷсе́ови. То ка́кѡ вы̀ держитѐ зако́нъ, а҆ Бг҃ъ ꙗ҆зы́кѡмъ вопїе́тъ: ꙗ҆́кѡ преста́влю и҆ и҆́нъ ва́мъ да́мъ зако́нъ. І҆еремі́а бо речѐ ꙗ҆́вѣ: сѐ дні́е грѧд́тъ, глаго́летъ Гдⷭ҇ь, и҆ завѣща́ю до́мꙋ І̑́довꙋ и҆ до́мꙋ І҆сра́илевꙋ завѣ́тъ но́въ, не по завѣ́тꙋ, є҆го́же завѣща́хъ ѻ̑ц҃є́мъ и҆́хъ, въ де́нь, въ ѻ҆́ньже прїи́мшꙋ Мѝ р́кꙋ и҆́хъ и҆звестѝ и҆́хъ ѿ землѝ Є҆гѵ́петскїѧ, ꙗ҆́кѡ ті́и не пребы́ша въ завѣ́тѣ Мое́мъ, и҆ А҆́зъ возненави́дѣхъ ѧ҆̀, гл҃го́летъ Гдⷭ҇ь. Ꙗ҆̀кѡ се́й завѣ́тъ, є҆го́же завѣща́ю до́мꙋ І҆сра́илевꙋ: по дне́хъ ѻ҆́нѣхъ, гл҃го́летъ Гдⷭ҇ь, даѧ̀ зако́ны Моѧ̑ въ мы́сли и҆́хъ, и҆ на сердца́хъ и҆́хъ напиш̀ ѧ҆̀, и҆ б́дꙋ и҆̀мъ въ Бг҃а, и҆ ті́и б́дꙋтъ Мѝ въ лю́ди. И҆ па́ки то́йже І҆еремі́а речѐ: та́кѡ гл҃го́летъ Гдⷭ҇ь Вседержи́тель: ста́ните на пꙋте́хъ, и҆ ви́дите, и҆ вопроси́те ѡ҆ стезѧ́хъ Гдⷭ҇нихъ вѣ́чныхъ: и҆ ви́дите, кі́й є҆́сть п́ть бл҃гъ²⁶, и҆ ходи́те по нем̀, и҆ ѡ҆брѧ́щете ѡ҆чище́нїе дꙋша́мъ ва́шымъ! И҆ рѣша: не и҆́демъ. И҆ поста́вихъ въ ва́съ блюсти́телѧ, посл́шай гла́са трꙋбы̀. И҆ рѣ́ша: не посл́шаемъ. Сегѡ̀ ра́ди ѹ҆слы́шаша ꙗ҆зы́цы и҆ пас́щїи стада̀ въ ни́хъ. И҆ а҆́бїе: слы́ши, землѐ, сѐ А҆́зъ навожд̀ на лю́ди сїѧ̑ ѕла̑ѧ, пло́дъ ѿвраще́нїѧ и҆́хъ, занѐ слове́съ прⷪ҇рѡ́къ Мои́хъ не посл́шаша, и҆ не внѧ́ша, и҆ зако́нъ Мо́й, и҆́же прⷪ҇ро́ци проповѣ́даша, ѿри́нꙋша. Не то́кмѡ же си́ми є҆динѣми скаж̀, ꙗ҆́кѡ зако́нъ престае́тъ, но и҆ и҆нѣ́ми мнѡ́гими вина́ми²⁷ ѿ прⷪ҇рѡ́къ ꙗ҆́вѣ є҆́сть.

Ѿвѣща́ша къ нем̀ І҆ꙋдє́и: всѧ́къ Жидови́нъ сїѐ вѣсть во и҆́стинꙋ, ꙗ҆́кѡ б́детъ та́кѡ, но не ѹ҆̀ пришло̀ є҆́сть вре́мѧ ѡ҆ Пома́заниѣмъ. Филосо́фъ же речѐ къ ни̑мъ, что̀ сїѧ̑ предлага́ете, ви́дѧще, ꙗ҆́кѡ І҆ерꙋсали́мъ сокрꙋше́нъ є҆́сть, жє́ртвы преста́ли с́ть, и҆ всѐ сбыло́сѧ є҆́сть, є҆́же прⷪ҇рѡо́цы ѡ҆ ва́съ прореклѝ с́ть; Малахі́а бо ꙗ҆́вѣ вопїе́тъ: нѣ́сть во́лѧ Моѧ̀ въ ва́съ, гл҃го́леть Гдⷭ҇ь Вседержи́тель, и҆ же́ртвы не прїим̀ ѿ р́къ ва́шихъ, занѐ ѿ востѡ́къ со́лнца и҆ до за҆падъ и҆́мѧ Моѐ просла́висѧ во ꙗ҆зы́цѣхъ, и҆ на всѧ́комъ мѣ́стѣ ѳѷмїа́мъ прино́ситсѧ и҆́мени Моем̀, и҆ же́ртва чи́ста: занѐ ве́лїе и҆́мѧ Моѐ во ꙗ҆́зы́цѣхъ, гл҃го́летъ Гдⷭ҇ь Вседержи́тель.

Ѻни́ же ѿвѣща́ша: сіѧ҆, ꙗ҆̀же глаго́леши, то́ є҆сть, ꙗ҆́кѡ всѝ ꙗ҆зы́ци хотѧ́тъ бы́ти бл҃гослове́ни ѿ на́съ, и҆ ѡ҆брѣ́зани во гра́дѣ І҆ерꙋсали́мстѣ. Рече́ же фїлосо́фъ: та́кѡ Мѡѷсе́й глаго́летъ: а҆́ще посл́шающе Менѐ, посл́шаете по всем̀ храни́ти зако́нъ, б́дꙋтъ предѣ́ли ва́ши ѿ Че́рмнагѡ мо́рѧ до мо́рѧ Фѷлїсті́мска и҆ ѿ пꙋсты́ни до рѣкѝ Є҆ѵфра́та. И҆ па́ки: мы̀ ꙗ҆зы́цы ѡ҆ сѣ́мени А҆враа́мли бл҃гослови́мсѧ, ѿ І҆ессе́ова ко́рене и҆сше́дшимъ, ча́ѧнїе ꙗ҆зы̑къ нарѣче́ннымъ и҆ свѣтъ всеѧ̀ землѝ и҆ всѣ́хъ ѡ҆строво́въ, и҆ сла́вою Бж҃їею просвѣще́ни. Ꙗвѣ, ꙗ҆́кѡ не по том̀ зако́нꙋ, нижѐ по том̀ мѣ́стꙋ прⷪ҇ро́ци вопїю́тъ та́кѡ гллаго́люще [так в оригинале – Редакция Азбуки веры.]. Рече́ бо Заха́рїа: ра́дꙋйсѧ ѕѣлѡ̀, дщѝ Сїѡ́нова, сѐ Цр҃ь Тво́й грѧде́тъ кро́токъ, всѣ́дъ на жребе́цъ ѻ҆́сль, сы́нъ ꙗ҆ре́мничь. И҆ па́ки: потреби́тъ ѻ҆р́жїе ѿ Є҆фре́ма, и҆ ко́ни ѿ І҆ерꙋсали́ма, и҆ и҆зглаго́летъ ми́ръ ꙗ҆зы́кѡмъ, и҆ вла́сть є҆гѡ̀ ѿ кра̑й землѝ до конца̀ вселе́нныѧ. І҆а́кѡвъ же речѐ: не ѡ҆скꙋдѣ́етъ кнѧ́зь ѿ І҆́ды, ни и҆г́менъ²⁸ ѿ сте́гнꙋ²⁹ є҆гѡ̀, до́ндеже прїи́дꙋтъ ѿложє́наѧ є҆м̀, и҆ то́й ча́ѧнїе ꙗ҆зы́кѡмъ. Сїѧ̑ всѧ̑ ви́дѧще сконча̑на и҆ совершє́на, когѡ̀ и҆на́гѡ жде́те; Данїи́лъ бо речѐ ѿ А҆̀гг҃ла наꙋче́нъ: се́дмдесѧтъ недѣ́ль³⁰ до Хрⷭ҇та̀ и҆г́мена³¹ є҆́же є҆́сть у҃ч лѣ́тъ запечатлѣ́ти видѣ́нїе и҆ прⷪ҇ро́чество. Ко́е же ва́мъ сѧ̀ мни́тъ желѣ́зное ца́рство, є҆́же Данїи́лъ въ тѣ́лѣ вмѣнѝ; Ѿвѣща́ша ѻ҆нѝ: Ри́мское. Фїлосо́фъ же вопросѝ и҆̀хъ: ка́мень же ѿто́ргсѧ ѿ горы̀ без̾ р́къ человѣ́ческихъ, кто̀ є҆́сть; Ѿвѣща́ша ѻ̑нѝ: ꙾Пома́занный꙾.

Па́ки же реко́ша: а҆́ще сего̀ сказа́емъ прⷪ҇рѡ́ки и̑ и̑ны́ми вещьмѝ ѹ҆жѐ прише́дша, ꙗ҆́коже глаго́леши, ка́кѡ Ри́мское ца́рство досе́лѣ держи́тъ влады́чество; Ѿвѣща̀ фїлосо́фъ: не держи́тъ ѹ҆жѐ: мимошло́ бо є҆́сть, ꙗ҆́коже и҆ прѡ́чаѧ по ѻ҆̀бразꙋ тѣ́ла тогѡ̀. На́ше бо ца́рство нѣ́сть Ри́мско, но Хрⷭ҇то́во, ꙗ҆́коже речѐ прⷪ҇ро́къ: воздви́гнетъ Бг҃ъ Нбⷭ҇ный Црⷭ҇тво є҆́же во вѣ́ки не и҆стлѣ́етъ, и҆ Црⷭ҇тво є҆гѡ̀ лю́демъ и҆нѣ̑мъ не ѡ҆ста́витсѧ, и҆стни́тъ и҆ и҆звѣ́етъ всѧ̑ ца̑рства, и҆ то̀ ста́нетъ во вѣ́ки. Не Хрїстїа́нско ли є҆́сть црⷭ҇тво, ны́нѣ Хрⷭ҇то́вымъ и҆́менемъ нарица́емо; Ри́млѧне же и҆́долѡмъ прилежа́хꙋ, сі́и же ѻ҆́во ѿ сегѡ̀, ѻ҆́во ѿ и҆на́гѡ ꙗ҆зы́ка и҆ пле́мене во и҆́мѧ Хрⷭ҇то́во ца́рствꙋютъ, ꙗ҆́коже прⷪ҇ро́къ И҆са́їа ꙗ҆влѧ́етъ, гл҃го́лѧ къ ва́мъ: ѡ҆ста́висте и҆́мѧ ва́ше въ сы́тость и҆збра̑ннымъ мои̑мъ, вы́ же и҆збїе́тъ Гдⷭ҇ь: рабо́тающымъ же Є҆м̀ нарече́тсѧ и҆́мѧ но́во, є҆́же бл҃гослове́но б́детъ по все́й землѝ, бл҃гословѧ́тъ бо Бг҃а истиннаго: и҆ клен́щїисѧ на землѝ клен́тсѧ Бг҃омъ Нбⷭ҇нымъ. Не сверши́лолисѧ всѐ прⷪ҇ро́ческое прорѣче́нїе, ꙗ҆̀же ꙗ҆́вѣ речє́ннаѧ ѡ҆ Хрⷭ҇тѣ̀. И҆са́їа бо сказа́етъ ржⷭ҇тво̀ Є҆гѡ̀ ѿ Дв҃ы гл҃го́лѧ си́це: сѐ Дв҃а во чре́вѣ прїи́метъ и҆ роди́тъ Сн҃а, и҆ нарек́тъ и҆́мѧ Є҆м̀ Е҆мман́илъ, є҆́же є҆́сть сказа́емо, съ на́ми Бг҃ъ. И҆ Мїхе́й речѐ: И҆ ты̀ Виѳлее́ме, землѐ І̑́дова, ника́коже ме́нши є҆сѝ во влады́кахъ І҆́довыхъ: и̑з̾ тебє́ бо Мѝ и҆з̾и́детъ и҆г́менъ³², И҆́же ѹ҆пасе́тъ лю́ди Моѧ̑ І҆и҃лѧ, и҆схо́ди же є҆гѡ̀ и҆сконѝ ѿ дне́й вѣка: Сегѡ̀ ра́ди да́стъ ѧ҆̀ до вре́мене ражда́ющїѧ роди́ти. І҆еремі́а же: вопроси́те и҆ ви́дите, а҆́ще родѝ м́жескїй по́лъ, ꙗ҆́кѡ вели́къ де́нь то́й, ꙗ҆́коже не бы́сть и҆́нъ, и҆ лѣ́то³³ тѣ́сно б́детъ І̑а́кѡвꙋ, и̑ ѿ Тогѡ̀ спасе́тсѧ. И̑са́їа бо речѐ: пре́жде да́же болѧ́щаѧ не родѝ, и҆ пре́жде да́же не прїи́де ржⷭ҇тво, болѣ́зни и҆збѣжа̀, и̑ родѝ м́жескъ по́лъ.

Па́ки же І҆ꙋдє́и рѣ́ша: мы̀ є̑смы̀ ѿ Си́ма бл҃гослове́ное сѣ́мѧ, бл҃гослове́ни ѻ̑ц҃е́мъ на́шимъ Нѡ́емъ, вы́ же нѣ́сте. Сказавъ же и҆̀мъ ѡ҆ се́мъ и҆ речѐ: бл҃гослове́нїе ѻц҃а̀ ва́шегѡ и҆́но ничто́же нѣ́сть то́кмѡ хвала̀ Бг҃ꙋ. Ѻнаго же ничто́же не б́детъ. Се́ бо є҆́сть: бл҃гослове́нъ Гдⷭ҇ь Бг҃ъ Си́мовъ, ко І҆афе́ѳꙋ же, ѿ негѡ́же мы́ є҆смы̀, глаго́ла: да распространии́тъ Гдⷭ҇ь Бг҃ъ Іафе́ѳа и҆ да всели́тсѧ въ селе́нїихъ Си́мовыхъ. И҆ ѿ прⷪ҇рѡ́къ же и҆ ѿ и҆ны́хъ кни́гъ сказа́ѧ, не ѡ҆ста́ви и҆̀хъ, до́ндеже са́ми рѣ́ша, ꙗ҆́кѡ та́кѡ є҆́сть, ꙗ҆́коже глаго́леши.

Реко́ша же па́ки: ка́кѡ вы̀ и҆м́ще ѹ҆пова́нїе на человѣ́ка, творите́сѧ бл҃гослове́ни бы́ти, кни̑ги же проклина́ютъ такова́го. Ѿвѣща̀ фїлосо́фъ: про́клѧтъ ли є҆́сть Дв҃дъ, и҆лѝ бл҃гослове́нъ; Реко́ша же ѻ҆нѝ: И҆ ѕѣлѡ̀ бл҃гослове́нъ. Фїлосо́фъ же речѐ: то̀ и҆ мы̀ на Того̀ ѹпова́емъ, на Него́же и҆ ѻ҆́нъ: рече́ бо во ѱалмѣ́хъ: и҆́бо человѣ́къ мі́ра моегѡ̀ На́ньже ѹ҆пова́хъ. Чл҃вѣ́къ же То́й є҆́сть Хрⷭ҇то́съ Бг҃ъ. А҆ и҆́же ѹ҆пова́етъ на про́ста человѣ́ка, то̀ и҆ мы̀ того̀ про́клѧта твори́мъ.

Па́ки же и҆́нꙋ при́тчꙋ предложи́ша, глаго́люще: ка́кѡ вы̀ Хрїстїа́не ѡ҆брѣ́занїе ѿме́щете, Хрⷭ҇т̀ не ѿве́ргшꙋ є҆гѡ̀, но по зако́нꙋ сконча́вшꙋ. Ѿвѣща̀ фїлосо́фъ: и҆́же бо речѐ пе́рвѣе ко А҆враа́мꙋ: сѐ б́ди зна́менїе ме́ждꙋ тобо́ю и҆ Мно́ю, То́й свершѝ є҆̀ прише́дъ, и҆ ѿ тогѡ̀ держа́вше до Сегѡ̀, про́чее же не да́стъ є҆м̀ мимоитѝ, но кр҃ще́нїе на́мъ подадѐ. Реко́ша же ѻ҆нѝ: то̀ чесѡ̀ ра́ди и҆ні́и пе́рвѣе ѹ҆годи́ша Бг҃ꙋ, тогѡ̀ зна́менїѧ не прїи́мше, но А҆враа́мле; Ѿвѣща̀ фїлосо́фъ: никто́же бо ѿ тѣ́хъ двѣ̀ жєнѣ̀ и҆мѣ̀ ра́звѣ А҆враа́ма. И҆ сегѡ̀ ра́ди ѹда тогѡ̀ ѡ҆брѣза́етъ, предѣ̑лъ ра́ди, не престꙋпа́ти є҆гѡ̀ да́лѣе, но по пе́рвомꙋ примѣ́рꙋ А҆да́мовꙋ ѻ҆́бразъ даѧ̀ про́чымъ вслѣ́дъ є҆м̀ и҆тѝ. И҆ І҆а́кѡвꙋ ѹ҆́бѡ та́коже сотворѝ, вреди́въ жи́лꙋ стегна̀³⁴ є҆гѡ̀, занѐ четы́ре жєны̀ поѧ́тъ. Разꙋмѣ́вшꙋ же вин̀, є҆ѧ́же ра́ди то̀ є҆м̀ сотворѝ, наречѐ имѧ є҆м̀ І҆сра́иль, си́рѣчь ѹ҆мо́мъ зрѧ́й Бг҃а. Ктом́ бо не ꙗ҆влѧ́етсѧ поимѣ́шьсѧ къ женѣ́. А҆враа́мъ же тогѡ̀ не разꙋмѣ̀.

Па́ки же вопроси́ша и҆̀ І҆ꙋдє́и: ка́кѡ вы̀ і҆долѡмъ кла́нѧющесѧ, твори́тесѧ³⁵ Бг҃ꙋ ѹ҆гожда́ти; Ѿвѣща̀ фїлосо́фъ: пе́рвое наꙋчи́тесѧ раздѣлѧ́ти и҆мена̀, что́ є҆сть і҆кѡ́на и что́ є҆сть і҆́дѡлъ, и҆ та́кѡ смотрѧ́ще не постꙋпа́йте на Хрїстїа́ны. Де́сѧть бо и҆ме́нъ въ ва́шемъ ꙗ҆зы́цѣ ѡ҆ се́мъ ѻ҆́бразѣ лежи́тъ. Вопрош́ же вы̀ а҆́зъ: ѻ҆́бразъ ли скѵ́нїи, юже ви́дѣ на горѣ̀ Мѡѷсе́й и҆ и҆знесѐ, и҆лѝ ѻ҆́бразъ ѻбраза хꙋдо́жествомъ содѣ́ла, приклада́ѧ ѻ҆́бразъ кли̑ны и҆ ко̑жи и҆ ше́рстми и҆ херꙋві̑мы и҆зрѧ́дными. Поне́же то̀ та́кѡ сотворѝ, нарече́мъ ли вы̀ тогѡ̀ ра́ди, дре́вꙋ и҆ ко́жемъ и҆ ше́рстемъ че́сть твори́ти и҆ кла́нѧтисѧ, а҆ не Бг҃ꙋ, да́вшемꙋ во вре́мѧ ѻ҆́но такі́й ѻ҆́бразъ; Та́коже и҆ ѡ҆ Соломѡ́ни цр҃кви, поне́же и҆мѧ́ше і҆кѡ̑ны херꙋві̑мскїѧ и҆ Агг҃лскїѧ и҆ и҆ны̑ѧ мнѡ́гїѧ ѻ҆́бразы. Та́коже ѹбо и҆ мы̀ Хрїстїа́не творѧ́ще ѻ҆́бразы ѹ҆го́ждшихъ Бг҃ꙋ, че́сть дѣ́емъ, ѿдѣлѧ́юще до́брое ѿ де́монстихъ ѻ҆́бразѡвъ, и҆ны́хъ бо жр́щихъ сыны̀ своѧ̑ и҆ дщє́ри х́лѧтъ кни̑ги и҆ гнѣ́въ Бж҃їй проповѣ́даютъ, дрꙋги́хъ же жр́щихъ сыны̀ своѧ̑ и҆ дщє́ри хва́лѧтъ.

Реко́ша же па́ки І҆ꙋдє́и: ка́кѡ вы̀ свини́нꙋ и҆ заѧ́чинꙋ ꙗ҆д́ще не проти́витесѧ Бг҃ꙋ; Ѿвѣщ́а же къ ни̑мъ: пе́рвомꙋ завѣ́тꙋ заповѣ́дающꙋ: всѧ̑ снѣ́сте ꙗ҆́кѡ ѕе́лїе травно́е. всѧ̑ бо чи̑стаѧ чи̑стымъ с́ть; а҆ сквє́рнымъ и҆ со́вѣсть ѡ҆сверни́ласѧ. И҆ Бг҃ъ бо въ тва́ри гл҃го́летъ: сѐ всѧ̑ добра̑ ѕѣлѡ̀. Ва́шегѡ ра́ди ла́комства ма́ло нѣ́кое ѿ ни́хъ ѿѧ́тъ. Снѣ́сть бо, речѐ І҆а́кѡвъ и̑ насы́тисѧ, и҆ ѿве́ржесѧ возлю́бленный. И҆ па́ки: сѣдо́ша лю́дїе ꙗ҆́сти и҆ пи́ти, и҆ вста́ша и҆гра́ти.

Ѿ мно́га же мы̀ сѐ нѣ́что ѹ҆кращше въ ма́лѣ здѣ̀ положи́хомъ сели́ко па́мѧти ра́ди, а҆ и҆́же хо́щете соверше́нныхъ бесѣ́дъ си́хъ ст҃ы́хъ и҆ска́ти, ѡ҆брѧ́щете ѧ҆̀ въ кни́гахъ, ꙗ҆̀же преложѝ ѹ҆чт҃ль на́шъ и҆ а҆рхїепⷭ҇кпъ Меѳо́дїй, бра́тъ Кѡнстанті́на фїлосо́фа, раздѣли́въ ѻ҆́ны на ѻ҆́смь часті́й, и҆ т̀ ѹзрите слове́снꙋю си́лꙋ ѿ Бж҃їѧ бл҃года́ти, ꙗ҆́кѡ и҆ пла́мень палѧ́щь на проти̑вныѧ.

Кага́нъ же Каза́рескъ съ нача́лными м̑жи слы́шавше всѧ̑ сїѧ̑ сла̑дкаѧ и҆ подѡ́бнаѧ є҆гѡ̀ словеса̀, реко́ша къ нем̀: Бг҃омъ є҆сѝ сѣмѡ по́сланъ н᷶а созда́нїе᷶³⁶ на́ше, и҆ всѧ̑ кни̑ги ѹ҆мѣ́еши³⁷ ѿ Негѡ̀ всѧ̑ є҆сѝ по чи́нꙋ глаго́лалъ, до сы́ти насла́ждь всѧ̑ ны̀ медве́ныѧ сла́дости словєсы̀ ст҃ы́хъ кни̑гъ. Но мы̀ є҆смы̀ некни́жнаѧ ча́дь³⁸, сем́ же вѣ́рꙋ имемъ, ꙗ҆́кѡ сѐ та́кѡ є҆́сть ѿ Бг҃а. Па́че же а҆́ще хо́щеши поко́ити д́шы на́шѧ, всѧ́ко и҆справле́нїе при́тчами скажѝ на́мъ по чи́нꙋ, є҆го́же ѹ҆ тебє̀ вопроша́емъ. И҆ та́кѡ раз̾идо́шасѧ почи́ти.

а҃і. Въ дрꙋгі́й же де́нь собра́вшесѧ реко́ша є҆м̀, глаго́люще: скажѝ на́мъ, м́же честны́й, при́тчами и҆ ѹ҆мо́мъ вѣ́рꙋ, ꙗ҆́коже є҆́сть л́чши всѣ́хъ; Ѿвѣща̀ и҆̀мъ фїлосо́фъ: два̀ сꙋпр̑га бѣ́ста ѹ҆ царѧ̀ нѣ́коегѡ въ че́сти вели́цѣ и҆ люби̑ма ѕѣлѡ̀. Согрѣ́шшима же и҆́ма, и҆згна́въ ѧ҆̀ ѿ землѝ посла̀. Жив́щыма же мнѡ́га лѣ̑та та́мѡ дѣ́ти сотвори́ста въ нищетѣ̀. Собира́ющесѧ же дѣ́ти къ себѣ̀, совѣ́тъ творѧ́хꙋ, кі́имъ бы пꙋте́мъ па́ки вмѣсти́тсѧ въ пе́рвый чи́нъ. Ѻвъ же и҆́хъ си́це глаго́ла, а҆ др́гїй и҆́накѡ: кі́йждо сво́й совѣ́тъ даѧ́ше, кото́ромꙋ совѣ́тꙋ ѹ҆̀бо досто́итъ бы́ти; Не добрѣ́йшемꙋ ли; Реко́ша же ѻ҆нѝ, чесѡ̀ ра́ди си́це глаго́леши; Сво́й бо совѣ́тъ кі́йждо до́брѣи твори́тъ и҆на́гѡ, І҆ꙋдє́и бо сво́й хва́лѧтъ, а҆ и҆ні́и и҆́нъ. Скажи́ же, кото́рый ѿ си́хъ до́брѣи разꙋмѣ́емъ;

Рече́ же фїлосо́фъ: ѻ҆́гнь и҆скꙋша́етъ зла́то и҆ сребро̀, а҆ человѣ́къ ѹ҆мо́мъ лж̀ ѿсѣка́етъ ѿ и҆́стины. Рече́те же мѝ: чесѡ̀ ра́ди бы́сть пе́рвое ѿпаде́нїе, не ѿ видѣ́нїѧ ли и҆ плода̀ сла́дкагѡ и҆ по́хоти на Бжⷭ҇тво̀; Ѻ҆ни́ же реко́ша: та́кѡ є҆́сть. Фїлосо́фъ же речѐ: а҆́ще ком̀ па́кость б́детъ ме́дъ ꙗ҆́дшꙋ и҆лѝ стꙋде́нꙋ во́дꙋ пи́вшꙋ, вра́чь же прише́дъ глаго́летъ є҆м̀: и҆ є҆щѐ мно́гъ ме́дъ ꙗ҆́ждь, и҆ и҆сцѣлѣ́еши: а҆ и҆́же б́детъ во́дꙋ пи́лъ, том̀ глаго́летъ: стꙋде́ны воды̀ напи́всѧ и҆ на́гъ на мра́зѣ ста́въ, и҆сцѣлѣ́ши. Дрꙋгі́й же вра́чь не та́кѡ глаго́летъ, но проти́вно врачевство̀ заповѣ́даетъ: въ ме́да мѣ́сто го́рькое пїю́ще пости́тесѧ, въ стꙋде́нагѡ же мѣ́сто те́плое грѣ́ющасѧ. Кото́рый ѹ҆́бѡ ѿ ѻ҆бою̀ хитрѣ́е врач́етъ; Ѿвѣща́ша всѝ: и҆́же проти̑внаѧ врачевства̑ заповѣ́да. Го́рестїю бо житїѧ̀ сегѡ̀ по́хотнꙋю сла́сть досто́итъ ѹ҆мертви́ти, и҆ смире́нїемъ го́рдость, проти̑внаѧ проти́внымъ врач́юще. И҆ мы́ бо глаго́лемъ: ꙗ҆́кѡ дре́во, є҆́же пе́рвое те́рнъ сотвори́тъ, то послѣдѝ сла́докъ пло́дъ припло́дитъ. Па́ки же ѿвѣ́ща фїлосо́фъ: До́брѣ реко́сте. Хрⷭ҇товъ бо зако́нъ ѻ҆строт̀ Бж҃їѧ житїѧ̀ ꙗ̑влѧ́етъ, пото́мъ же въ вѣ́чныхъ жили́щихъ стокра́тицею пло́дъ прино́ситъ.

Єди́нъ же ѿ ни́хъ совѣ́тникъ, Срацы́нскꙋ ѕло́бꙋ всю̀ до́брѣ вѣ́дый, вопросѝ фїлосо́фа: Рцы́ ми, го́стю, ка́кѡ вы̀ Махме́та не держитѐ; то́й бо ве́лми Хрⷭ҇та̀ похвали́лъ въ свои́хъ кни́гахъ, глаго́лѧ, ꙗ҆́кѡ ѿ дѣ́вы сестры̀ Мѡѷсе́овы, роди́лсѧ є҆́сть прⷪ҇ро́къ ве́лїй, мє́ртвыѧ воскреша́лъ и̑ всѧ́кꙋ ꙗ҆̀зю цѣли́лъ си́лою вели́кою. Ѿвѣща́ же фїлосо́фъ къ нем̀: да с́дитъ на́ю³⁹ кага́нъ. Глаго́ли же, а҆́ще проро́къ є҆́сть Махме́тъ, ка́кѡ Данїи́лꙋ вѣ́рꙋ имемъ; се́й бо речѐ: до Хрⷭ҇та̀ всѧ́ко видѣ́нїе и҆ прⷪ҇ро́чество преста́нетъ, Махме́тъ же, по Хрⷭ҇тѣ̀ ꙗви́всѧ, ка́кѡ мо́жетъ проро́къ бы́ти; А҆́ще бо того̀ пророка нарече́мъ, то̀ Данїи́ла ѿве́ргнемъ. Реко́ша же мно́зи ѿ ни́хъ: Данїи́лъ, є҆́же є҆́сть глаго́лалъ, Бж҃їимъ Дх҃омъ глаго́лалъ, Махме́та же всѝ вѣ́мы, ꙗ҆́кѡ ло́жь є҆́сть и҆ па́гꙋбникъ спасе́нїю всѣ́хъ, и҆́же и҆ дѡ́брѣйшаѧ⁴⁰ заблꙋждєнїѧ своѧ̑ на ѕло́бꙋ и҆ стꙋдодѣѧ́нїе и҆зблева́лъ⁴¹ є҆́сть.

Речѐ же пе́рвый ѿ ни́хъ совѣ́тникъ къ прїѧ́телємъ Жидѡ́встимъ: Бж҃їею по́мощїю го́сть се́й всю̀ горды́ню Срацы́нскꙋю на зе́млю све́рже, ва́шꙋ же на ѻ҆́нъ по́лъ преве́рже ꙗ҆́кѡ скве́рнꙋ. Рече́ же ко всѣ̑мъ лю́демъ: ꙗ҆́коже вла́сть над̾ всѣ́ми ꙗ҆зы̑ки и҆ мⷣрость соверше́нꙋ да́лъ є҆́сть Бг҃ъ Царю̀ Хрїстїа́нскомꙋ, та́кѡ и̑ вѣ́рꙋ въ ни́хъ, и̑ кромѣ̀ є҆ѧ̀ никто́же мо́жетъ живота̀ вѣ́чнагѡ и҆мѣ́ти. Бг҃ꙋ же сла́ва во вѣ́ки. И҆ реко́ша всѝ: а҆ми́нь.

Речѐ же фїлосо́фъ ко всѣ̑мъ со слеза́ми: бра́тїе и҆ ѻ҆тцѝ, др́зи и҆ ча̑да, сѐ Бг҃ъ дадѐ всѧ́къ ра́зꙋмъ и҆ ѿвѣ́тъ досто́инъ. А҆́ще ли и҆ є҆щѐ кто̀ проти́витсѧ, да прїи́детъ и҆ препри́тъ, и҆лѝ препрѣнъ б́детъ. И҆́же посл́шаетъ сего̀, крести́тсѧ во и҆́мѧ Ст҃ы́ѧ Трⷪ҇цы. И҆́же ли не хо́щетъ, а҆́зъ кромѣ̀ є҆́смь всѧ́кагѡ грѣха̀, ѻ҆́нъ же ѹ҆́зритъ грѣ́хъ сво́й въ де́нь с́дный, є҆гда̀ сѧ́детъ Сꙋдїѧ̀ ве́тхїй де́нми сꙋди́ти всѣ̑мъ ꙗ҆зы́кѡмъ. Ѿвѣща́ша ѻ҆нѝ: нѣ́смы вразѝ себѣ̀, но по ма́лꙋ, и҆́же мо́жетъ, и҆ та́кѡ вели́мъ, да крⷭ҇ти́тсѧ во́лею, и҆́же хо́щетъ ѿ сегѡ̀ днѐ. А҆ и҆́же ѿ ва́съ на за́падъ кла́нѧетсѧ и҆лѝ Є҆вре́йски мѡли́твы твори́тъ, и҆лѝ Сарацы́нскꙋ вѣ́рꙋ держи́тъ, ско́рꙋ сме́рть прїи́метъ ѿ на́съ. И҆ та́кѡ раз̾идо́шасѧ съ ра́достїю. Крⷭ҇ти́сѧ же ѿ си́хъ люде́й двѣ́стѣ, ѿве́ргшесѧ ме́рзостїй пога́нскихъ и҆ жени́твъ беззако́нныхъ.

Кага́нъ же написа̀ ца́рю писмо̀ сицево̀: посла́лъ є҆сѝ, влады́ко, м́жа такова́го, и҆́же сказа̀ на́мъ вѣ́рꙋ Хрїстїа́нскꙋю сло́вомъ и҆ вещмѝ и҆ Трⷪ҇цꙋ Ст҃́ю проповѣ́да, и҆ ѹ҆вѣ́дѣхомъ, ꙗ҆́кѡ то̀ є҆́сть вѣ́ра и҆́стиннаѧ, и҆ повелѣ́хомъ крⷭ҇ти́тисѧ свое́ю во́лею, надѣ́ющесѧ и҆ мы̀ доспѣ́ти тогѡ́же. Вси́ же є҆смы̀ др́зи и҆ прїѧ́телїе твоем̀ ца́рствꙋ и҆ гото́ви на сл́жбꙋ твою̀, а҆́може хо́щеши.

Провожа́ѧ же фїлосо́фа кага́нъ нача̀ є҆м̀ да́ры мнѡ́ги даѧ́ти. И҆ не прїѧ́тъ ихъ глаго́лѧ: да́ждь мѝ є҆ли́кѡ здѣ̀ и҆́маши плѣне́ныхъ Грє́къ: то̀ мѝ є҆́сть бо́лѣ всѣ́хъ дарѡ́въ. Собра́вше же и҆́хъ до двою̀ ст̀, и҆ вда́ша є҆м̀, и҆ и҆́де ра́дꙋѧсѧ на п́ть сво́й.

в҃і. Доше́дшымъ же и҆̀мъ безво́дныхъ мѣ́сть п̑стъ, жа́жды не можа́хꙋ терпѣ́ти. Ѻ҆брѣ́тше же въ сла́тинѣ води́цꙋ, не можа́хꙋ ѿ неѧ̀ пи́ти: бѧ́ше бо ꙗ҆́кѡ и҆ же́лчь. Разше́дшымсѧ же и҆̀мъ всѣ̑мъ и҆скати воды̀, речѐ къ Меѳо́дїю бра́тꙋ своем̀: терплю̀ ѹ҆жѐ жа́жды, почерпѝ ѹ҆̀бо воды̀ сеѧ̀. И҆́же бо пе́рвѣе І҆сраи́льтѧнѡмъ преложѝ го́рькꙋю во́дꙋ въ сла́дкꙋю, То́й и҆ на́мъ ѹ҆тѣхꙋ и҆́мать сотвори́ти. Почерпо́ста же и҆ ѡ҆брѣто́ста ю҆̀ сла́дкꙋ, ꙗ҆́кѡ медве́нꙋ и҆ стꙋде́нꙋ. Пи̑вша же просла́виста Бг҃а творѧ́ща такова̑ѧ рабѡ́мъ Свои̑мъ.

Въ Корс́ни же вечерѧ́ѧ со а҆рхїепⷭ҇кпомъ, речѐ фїлосо́фъ къ нем̀: сотворѝ мѝ, ѻ҆́ч҃е, моли́твꙋ, ꙗ҆́коже мѝ ѻ̑ц҃ъ мо́й сотворѝлъ бы̀. Вопро́шшымъ же нѣ̑кїимъ ѻ҆со́бь, чесѡ̀ ра́ди сїѐ сотворѝ, ѿвѣща̀ фїлосо́фъ: за́тра во и҆́стинꙋ ѡ̑ста́вль ны̀, ѿи́детъ ѿ на́съ ко Гдⷭ҇ꙋ. Є҆́же и̑ бы́сть, словесѝ сбы́вшꙋсѧ.

Бѧ́ше же во ꙗ҆зы́цѣ Ф́лстѣмъ д́бъ вели́къ, и҆́же сро́слсѧ бѣ̀ съ чре́шнею, и҆ под̾ ни́мъ трє́бы дѣ́ѧхꙋ, нарица́юще є҆го̀ и҆́менемъ А҆леѯа́ндръ и҆ не даю́ще же́нскꙋ по́лꙋ пристꙋпа́ти къ не́мꙋ, ни къ тре́бамъ є҆гѡ̀. Ѹ҆слы́шавъ же то̀ фїлосо́фъ ше́дъ не лѣнѧ́сѧ до ни́хъ и҆ ста́въ посредѣ̀ и҆́хъ речѐ къ ни҆мъ: Е҆́ллини въ вѣ́чнꙋю м́кꙋ шлѝ с́ть, кла́нѧвшесѧ не́бꙋ и҆ землѝ, ꙗ҆́кѡ Бг҃ꙋ, та́цѣй вели́цѣй и҆ до́брѣй тва́ри. То́же и҆ вы̀, иже кла́нѧетесѧ дре́вꙋ, хꙋдѣ́й ве́щи, є҆́же є҆́сть гото́ва на ѻ҆́гнь, ка́кѡ и҆́мате и҆збы́ти вѣ́чнагѡ ѻ҆гнѧ̀; Ѿвѣща́ша ѻ҆нѝ: мы̀ сегѡ̀ нѣсмы̀ нача́ли ѿны́нѣ твори́ти, но ѿ ѻ҆тєцъ є҆смы̀ прїѧ́ли, и҆ ѿ тогѡ̀ ѡ҆брѣта́емъ всѧ̑ прошє́нїѧ на́шѧ, до́ждь и҆ и҆́на мнѡ́га. И҆ ка́кѡ мы̀ сѐ сотвори́мъ, є҆гѡ́же нѣ́сть дезн́лъ ѿ на́съ никто́же сотвори́ти; а҆́ще бо и҆ дерзне́тъ кто̀ сотвори́ти сѐ, тогда́ же и҆ сме́рть ѹ҆́зритъ, и̑ не и҆́мать ктом̀ до́ждь ви́дѣти до кончи́ны.

Ѿвѣща́ же къ ни̑мъ фїлосо́фъ: Бг҃ъ ѡ҆ ва́съ въ кни́гахъ гл҃го́летъ, вы́ же ка́кѡ Е҆го̀ ѿме́щете; И҆са́їа бо ѿ лица̀ Гдⷭ҇нѧ вопїе́тъ глаго́лѧ: грѧд̀ А҆́зъ собра́ти всѧ̑ племена̀ и҆ ꙗ҆зы́ки, и҆ прїи́дꙋтъ и҆ ѹ҆́зрѧтъ сла́вꙋ Мою̀, и҆ пост́влю на ни́хъ зна́менїе, и҆ послю̀ ѿ ни́хъ спасє́ныѧ во ꙗ҆зы́ки, въ Ѳарсі́съ, и҆ въ Ф́дъ, и҆ въ Л́дъ, и҆ въ Мосо́хъ, и҆ въ Ѳове́ль, и҆ во Е҆лла́дꙋ, и҆ въ ѻ҆́стровы да́лныѧ, иже не слы́шали с́ть и҆́мене Моегѡ̀, и҆ возвѣстѧ́тъ сла́вꙋ Мою̀ во ꙗ҆зы́цѣхъ, гл҃го́летъ Гдⷭ҇ь Вседержи́тель. И҆ па́ки: Сѐ а҆́зъ послю̀ рыби́твы⁴² и҆ ловцы̀ мнѡ́ги, и҆ ѿ хѡ́лмъ и҆ ѿ ска́лъ ка́менныхъ и҆зловѧ́тъ вы̀. Позна́йте, бра́тїе, Бг҃а сотво́ршагѡ вы̀. Се єѵⷢ҇лїе но́вагѡ завѣ̀та Бж҃їѧ, въ не́мже крⷭ҇ти́лисѧ є҆стѐ.

И та́кѡ сла́дкими словєсы̀ ѹ҆глаго́лавъ⁴³ повелѣ̀ и҆̀мъ посѣщѝ дре́во и҆ сожещѝ є҆̀. Покло́ньсѧ же старѣ́йшина и҆́хъ, ше́дъ лобза̀ є҆ѵⷢ҇лїе, та́кожде и҆ всѝ. И҆ свѣщѝ прїи́мше бѣ̑лы ѿ фїлосо́фа, и҆ пою́ще и҆до́ша ко дре́вꙋ, и҆ взе́мь сѣки́рꙋ фїлосо́фъ ѹ҆да́ри три́десѧть и҆ трѝ кра́ты и҆ повелѣ̀ всѣ̑мъ сѣщѝ ѿ ко́рене и҆ соже́щи є҆̀. Въ т́ же но́щь до́ждь бы́сть ѿ Бг҃а и҆ ѹ҆поѝ зе́млю, и҆ съ ра́достїю вели́кою похвали́ша Бг҃а, и҆ весели́сѧ Бг҃ъ ѡ҆ се́мъ ѕѣлѡ̀.

г҃і. Фїлосо́фъ же и҆́де въ Царьгра́дъ, и҆ прїѧ́тъ є҆го̀ ца́рь съ ра́достїю ве́лїею, та́кожде и҆ патрїа́рхъ и҆ ве́съ сщ҃е́нный чи́нъ. По си́хъ же живѧ́ше без̾ молвы̀, молѧ̀ Бг҃а и҆ въ цр҃кви Ст҃ыхъ А҆пⷭ҇тѡъ сѣдѧ̀. Є҆́сть же въ ст҃ѣй Софі́и поти́ръ ѿ драга́гѡ ка́мене, Соломѡ́нѧ дѣла, на не́мже напи́саны сꙋть писмєны̀ Жидо́вскими и Самаре́нскими гра̑ни, и҆́хже никто́же можа́ше прочестѝ, ни сказа́ти. Взе́мь же поти́ръ фїлосо́фъ проче́тъ и҆ сказа̀. Пе́рваѧ же гра́нь є҆́сть сицева̀: ча́ше моѧ̀, ча́ше моѧ̀ прорица́й до́ндеже ѕвѣзда̀. Въ пи́во б́ди, Гдⷭ҇и, пе́рвенцꙋ бдѧ́щꙋ но́щїю. По се́мъ же дрꙋга́ѧ гра́нь: на вкꙋше́нїе Гдⷭ҇не сотворе́на дре́ва и҆на́гѡ. Пі́й и҆ ѹ҆пі́йсѧ весе́лїемъ и҆ возопѝ а҆ллил́їа. И҆ по се́мъ тре́тїѧ гра́нь: сѐ кнѧ́зь и҆ ѹ҆́зритъ ве́сь собо́ръ сла́вꙋ є҆гѡ̀, и҆ Дв҃дъ цр҃ь посредѣ̀ и҆́хъ. И҆ по се́мъ число̀ напи́сано: де́вѧть сѡ́тъ и҆ де́вѧть. И҆ разче́тъ ѧ по то́нкꙋ ѡ҆брѣте ѿ втора́го на́десѧть лѣ́та ца́рства Соломѡ́нѧ до црⷭ҇тва Хрⷭ҇то́ва де́вѧть сѡ́тъ и҆ де́вѧть лѣ́тъ. И҆ сѐ є҆́сть прⷪ҇ро́чество ѡ҆ Хрⷭ҇тѣ̀.

д҃і. Веселѧ́щꙋсѧ же ѡ҆ Бз҃ѣ фїлосо́фꙋ, па́ки дрꙋга́ѧ ре́чь⁴⁴ приспѣ̀ и҆ тр́дъ не мнѣ́е пе́рвыхъ. Ростисла́въ бо, кнѧ́зь Мора́вскїй, Бг҃омъ ѹ҆́стимь⁴⁵ совѣ́тъ сотворѝ со кнѧ҆зи свои́ми и҆ съ Моравлѧ̑ны, посла̀ къ царю̀ Мїхаи́лꙋ, глаго́лѧ: люде́мъ на́шымъ пога́нства ѿве́ргшымсѧ и҆ зако́на Хрїстїа́нска держа́щымсѧ, ѹ҆чи́телѧ не и҆́мамы такова́го, и҆́же бы на́мъ на на́шемъ ѧ҆зы́цѣ и҆́стꙋю вѣ́рꙋ Хрїстїа́нскꙋю сказа́лъ, да бы́ша и҆ и҆́ны страны̑ тогѡ̀ зрѧ́ще подо́билисѧ на́мъ. То̀ послѝ на́мъ Влⷣко, є҆пⷭ҇кпа и҆ ѹ҆чи́телѧ такова́го: ѿ ва́съ бо на всѧ̑ страны̑ всегда̀ до́бръ зако́нъ и̑схо́дитъ.

Собра́въ же ца́рь собо́ръ, призва̀ Кѡнстанті́на фїлосо́фа и҆ сотворѝ и҆̀ слы́шати рѣ́чь сїю̀ и҆ речѐ: фїлосо́фе, вѣ́мъ тѧ̀ тр́дна с́ща, но достои́тъ⁴⁶ тебѣ̀ та́мѡ и҆тѝ. Сегѡ́ бо дѣ́ла не мо́жетъ и҆́нъ никто́же и҆спра́вити, ꙗ҆́коже ты̀. Ѿвѣща̀ фїлосо́фъ: и҆ тр́денъ сы́й тѣ́ломъ и҆ бо́ленъ, ра́дъ и҆д̀ та́мѡ, а҆́ще и҆́мꙋтъ б̑квы въ ѧ҆зы́цѣ свое́мъ. И҆ речѐ ца́рь є҆м̀: дѣ́дъ мо́й и҆ ѻ҆те́цъ мо́й и҆ и҆ні́и мно́зи, и҆ска́вше тогѡ̀ не ѡ҆брѣлѝ с̀ть, то̀ ка́кѡ а҆́зъ мог̀ ѡ҆брѣстѝ; Фїлосо́фъ же речѐ: то̀ кто̀ мо́жетъ на водѣ̀ бесѣ́дꙋ написа́ти и҆лѝ є҆рети́ческо и҆́мѧ себѣ̀ ѡ҆брѣстѝ; Ѿвѣща̀ є҆м̀ па́ки ца́рь съ Ва́рдою, ѹ҆́емъ⁴⁷ свои́мъ: а҆́ще ты̀ хо́щеши, мо́жетъ тебѣ̀ да́ти Бг҃ъ, И҆́же дае́тъ всѣ̑мъ съ вѣ́рою просѧ́щымъ, и҆ толк́щымъ ѿверза́етъ.

Ше́дъ же фїлосо́фъ по пе́рвомꙋ ѻ̑бы́чаю мл҃твѣ вдаде́сѧ и̑ пост̀ четыредесѧ́тнꙋ со и̑нѣ́ми споспѣ̑шники. Вско́рѣ же Бг҃ъ, посл́шаѧй мл҃твы ра̑бъ свои́хъ, ꙗ҆вѝ є̑м̀ проси̑маѧ, и̑ тогда̀ сложѝ писмена̀ и҆ нача́тъ бесѣ́дꙋ є҆ѵⷢ҇лскꙋю пи́сати: И҆сконѝ бѣ̀ Сло́во, и҆ Сло́во бѣ̀ ѹ҆ Бг҃а, и҆ Бг҃ъ бѣ̀ Сло́во, и҆ прѡ́чаѧ.

Возвесели́сѧ же ца́рь и҆ Бг҃а просла́ви со свои́ми совѣ̑тники, и҆ посла̀ є҆го̀ съ да̑ры мнѡ́ги написа́въ къ Ростисла́вꙋ сицево̀ посла́нїе: Бг҃ъ И҆́же вели́тъ⁴⁸ всѧ́комꙋ, да бы̀ въ ра́зꙋмъ и҆́стинный прише́лъ и҆ на бо́лшїй чи́нъ подвиза́лсѧ⁴⁹, ви́дѣвъ вѣ̀рꙋ твою̀ и҆ по́двигъ сотворѝ и҆ ны́нѣ въ на́шѧ лѣ̑та и҆спо́лнитисѧ твоем̀ проше́нїю, ѧ҆́вль б̑квы въ ва́шъ ѧ҆зы́къ, є҆гѡ́же не вѣ́дано бы́ло, то́кмѡ въ пє́рваѧ лѣ̑та, да и҆ вы̀ причте́тесѧ къ вели̑кмъ ꙗ҆зы́комъ, иже сла́вѧтъ Бг҃а свои́мъ ѧ҆зы́комъ. И҆ сѐ посла́хомъ тебѣ̀ того̀, є҆м́же ихъ Бг҃ъ ꙗ҆вѝ, м́жа чтⷭ҇на и҆ бл҃говѣ́рна, кни́жна ѕѣлѡ̀, и҆ фїлосо́фа. И҆ сѐ прїи́мъ да́ръ бо́лїй, че́стнѣйшїй па́че всегѡ̀ зла́та и҆ сребра̀ и҆ ка́менїѧ драга́гѡ и҆ бога́тства преходѧ́щагѡ, и҆ поидѝ съ ни́мъ спѣ́шнѡ ѹ҆тверди́ти рѣ́чь⁵⁰ и҆ всѣ́мъ се́рдцемъ взыска́ти Бг҃а, и҆ ѻ҆́бщагѡ спасе́нїѧ не ѿри́ни, но всѧ̑ подви́гни не лѣни́тисѧ, но ꙗ҆́тисѧ пꙋтѝ и҆́стиннагѡ, да и҆ ты̀, приве́дъ ѧ҆̀ по́двигомъ свои́мъ въ Бж҃їй ра́зꙋмъ, прїи́меши мзд̀ свою̀ за сїѐ въ се́й вѣ́къ и҆ въ б́дꙋщїй за всѧ̑ д́шы, хотѧ́щыѧ вѣ́ровати Хрⷭ҇та̀ Бг҃а на́шего, ѿны́нѣ и҆ до кончи́ны, и҆ па́мѧть свою̀ ѡ҆ставлѧ́ѧ про́чымъ ро́дѡмъ, подо́биѡ вели́комꙋ цр҃ю̀ Кѡнстанті́нꙋ.

є҃і. Доше́дшꙋ же є҆м̀ Мора́вы, съ вели́кою че́стїю прїѧ́тъ и҆̀ Ростисла́въ и҆ собра́въ ѹ҆ченикѝ вдадѐ и҆́хъ ѹ҆чи́ти. Вско́рѣ же ве́сь церко́вный чи́нъ преложѝ, и҆ наꙋчѝ ихъ ѹ҆́трени и҆ ча́сѡмъ, ѻ҆бѣ́днѣ и҆ вече́рни и҆ павече́рницѣ и҆ та́йнѣй сл́жбѣ. И҆ ѿверзо́шасѧ по словесѝ прⷪ҇ро́ческомꙋ ѹ҆́ши глꙋхи́хъ ѹ҆слы́шати кни̑жнаѧ словеса̀, и҆ ѧ҆зы́къ ꙗ҆́сенъ бы́сть гꙋгни̑вымъ. Бг҃ъ же возвесели́сѧ ѡ̑ се́мъ ве́лми, и҆ дїа́волъ постыдѣ́сѧ.

Раст́щꙋ же Бж҃їю ѹ҆че́нїю, ѕлы́й зави́стникъ и҆спе́рва, дїа́волъ, не терпѧ̀ добра̀ сегѡ̀, но вше́дъ въ сос́ды своѧ̑, нача́тъ мнѡ́ги воздвиза́ти, глаго́лѧ и҆̀мъ: не сла́витсѧ Бг҃ъ ѡ҆ се́мъ: а҆́ще бо вы Є҆м̀ си́це ѹ҆го́дно бы́ло, не бы ли мо́глъ сотвори́ти, да бы́ша и҆спе́рва писмєны̀ пи́шꙋще бесѣ̑ды своѧ̑ сла́вили Бг҃а. Но трѝ ѧ҆зы́ки ѹ҆̀бо то́кмѡ и҆збра́лъ є҆́сть Бг҃ъ: Е҆вре́йскъ, Гре́ческъ и҆ Лати́нскїй, и҆́миже досто́итъ сла́вꙋ Бг҃ꙋ воздава́ти. Бѣ́ша же сѐ глаго́люще Лати́нстїи и҆ Фрѧ́жестїи⁵¹ а҆рхїере́є со і҆ерє́и и҆ ѹ҆чєникѝ. И҆ бра́вшесѧ⁵² съ ни́ми, ꙗ҆́кѡ Дв҃дъ съ и҆ноплемє́нники, кни́жными словєсы̀ побѣжда́ѧ, наречѐ ѧ҆̀ треѧзы́чники, ꙗ҆́кѡ Пїла́тꙋ та́кѡ написа́вшꙋ на ти́тлѣ Гдⷭ҇ни.

Не то́кмѡ же се́ є҆ди́но глаго́лахꙋ, но и҆ и҆но́мꙋ безчи́нїю⁵³ ѹ҆ча́хꙋ глаго́люще, ꙗ҆́кѡ под̾ земле́ю жив́тъ человѣ́цы велигла́ви, и҆ ве́сь га́дъ дїа́волѧ тва́рь є҆́сть, и҆ а҆́ще кто̀ ѹ҆бїе́тъ ѕмїю̀ девѧтѝ грѣ̑хъ и҆зб́детъ тогѡ̀ ра́ди: а҆́ще человѣ́ка ѹ҆бїетъ кто̀, трѝ мѣ́сѧцы да пїе́тъ въ древѧ́нѣ ча́ши, а҆ ко стеклѧ́нѣ да не прикаса́етсѧ. Не бранѧ́хꙋ же же́ртвъ твори́ти по пе́рвомꙋ ѻ҆бы́чаю, ни жени́твъ безчи́сленныхъ.

Всѧ̑ же сїѧ̑ ꙗ҆́кѡ те́рнїе посѣ́къ, слове́снымъ ѻ҆гне́мъ попалѝ глаго́лѧ: прⷪ҇ро́кꙋ гл҃го́лющꙋ ѡ҆ се́мъ: пожрѝ Бг҃ови же́ртвꙋ хвалы̀ и҆ возда́ждь Вы́шнемꙋ мѡли́твы твоѧ̑. Жены́ же ю҆́ности твоеѧ̀ не ѿпꙋстѝ: но а҆́ще бо ю҆̀ возненави́дѣвъ ѿп́стиши, и҆ покры́етъ нече́стїе по́хѡти твоѧ̑, гл҃го́летъ Гдⷭ҇ь Вседержи́тель: и҆ сохрани́тесѧ д́хомъ ва́шимъ, и҆ да не ѡ҆ста́витъ ко́ждо ва́съ жены̀ ю҆́ности своеѧ̀. И҆ сїѧ̑, ꙗ҆̀же ненави́дѣхъ, твори́сте, ꙗ҆́кѡ Бг҃ъ свидѣ́телствова межд̀ тобо́ю и҆ межд̀ жено́ю ю҆́ности твоеѧ̀, ю҆́же ѡ҆ста́вилъ є҆сѝ и҆ та̀ ѻ҆бе́щница⁵⁴ твоѧ̀ и҆ жена̀ завѣ́та твоегѡ̀. И҆ во Є҆ѵⷢ҇лїи гл҃го́ла: слы́шасте, ꙗ҆́кѡ рече́но бы́сть дрє́внимъ: не прелюбы̀ сотвори́ши. А҆́зъ же гл҃го́лю ва́мъ, ꙗ҆́кѡ всѧ́къ, и҆́же воззри́тъ на жен̀ похотѣ́ти є҆ѧ̀, ѹ҆жѐ прелюбы̀ съ не́ю се́рдцемъ свои́мъ сотвори́лъ є҆́сть. И҆ па́ки: гл҃го́лю ва́мъ, ꙗ҆́кѡ и҆́же пꙋсти́тъ жен̀ свою̀, ра́звѣ словесѐ любодѣйнагѡ, твори́тъ ю҆̀ прелюбы̀ дѣ́ѧти: и҆ и҆́же по́йметъ пꙋще́нꙋю ѿ м́жа, прелюбы̀ дѣетъ. И҆ А҆пⷭ҇лъ речѐ: є҆́же ѹ҆́бѡ Бг҃ъ сочета̀, человѣ́къ да не разлꙋча́етъ.

И҆ та́кѡ четы́редесѧть мѣ́сѧць сотворѝ⁵⁵ въ Мора́вѣ, и҆́де въ Ри́мъ ст҃и́ти ѹ҆ченикѝ своѧ̑. Прїѧ́тъ же є҆го̀ и҆д́ща Коце́лъ кнѧ́зь Панно́нескъ и҆ возлюбѝ ве́лми Слѡве́нски б̑квы и҆ наꙋчи́сѧ и҆̀мъ и҆ вда̀ до пѧти́десѧти ѹ҆чєни́къ ѹ҆чи́тисѧ и҆̀мъ, и҆ вели́кꙋ є҆м̀ че́сть сотвори́въ, ми́мѡ проводѝ и҆̀. Не взѧ́тъ же ни ѿ Ростисла́ва, ни ѿ Коце́ла ни зла́та, ни сребра̀, ни и҆ны́ѧ ве́щи, положи́ же Є҆ѵⷢ҇лское сло́во без̾ пи́щи⁵⁶, но то́кмѡ плѣ́нники и̑спро́шь ѿ ѻ̑бою̀ де́вѧть сѡ́тъ, и̑ ѿпꙋстѝ ѧ҆̀.

ѕ҃і. Въ Вене́цїи же бы́вшꙋ є҆м̀ собра́шасѧ на́нь Лати́нстїи є҆пі́скопи и҆ попо́ве и҆ чернори́зцы, ꙗ҆́кѡ вра́ни на со́кола, и҆ воздвиго́ша треѧзы́чнꙋю є҆́ресь, глаго́люще: человѣ́че, скажѝ на́мъ, ка́кѡ ты̀ ны́нѣ сотвори́лъ є҆сѝ Слове́нѡмъ кни̑ги и҆ ѹ҆чи́ши и҆̀мъ, и҆́хже нѣ́сть никто́же пе́рвѣе ѡ҆брѣ́лъ, ни А҆пⷭ҇лъ, ни па́па Ри́мскїй, ни Григо́рїй Бг҃осло́въ, ни І҆ерони́мъ, ни А҆ѵгꙋсти́нъ; Мы́ же трѝ ꙗ҆зы́ки то́кмѡ вѣ́мы, и҆́миже досто́итъ въ кни́гахъ сла́вити Бг҃а: Є҆вре́йски, Є҆́ллински, Лати́нски.

Ѿвѣща̀ фїлосо́фъ къ ни̑мъ: не и҆́детъ ли до́ждь ѿ Бг҃а ра́внѡ на всѧ̑: и҆лѝ со́лнце не сїѧ́етъ ли на всѧ̑, ни ли дыха́емъ на а҆́еръ⁵⁷ ра́внѡ всѝ; ка́кѡ же вы̀ не стыди́тесѧ трѝ ꙗ҆зы́ки то́кмѡ мнѧ́ще, про́чымъ же всѣ̑мъ ꙗ҆зы́кѡмъ и҆ племенѡ́мъ слѣпы̑мъ велѧ́ще бы́ти и҆ глꙋхи̑мъ; Скажи́те мѝ, мни́те ли, ꙗ҆́кѡ Бг҃ъ не́мощенъ є҆́сть и҆ сегѡ̀ ра́ди не мо́жетъ сегѡ̀ да́ти, и҆лѝ зави́стливъ, ꙗ҆́кѡ не хо́шетъ да́ти; Мы̀ же мнѡ́ги ро́ды зна́емъ, кни̑ги и҆мѣ́ющыѧ и҆ сла́вꙋ Бг҃ꙋ кі́йждо свои́мъ ѧ҆зы́комъ воздаю́щыѧ. Ꙗ҆́вѣ же с́ть сі́и: А҆рме́ни, Пе́рсы, А̑бха́зи, И҆ве́ри (Грꙋзи́ны), С́гди, Го́тѳи, Ѻ҆́бри, Т́рци, Каза́ри, А҆ра́влѧне, Е҆гѵ́птѧне, Сѷрі́ане и҆ и҆ні́и мно́зи.

А҆́ще ли не хо́щете ѿ си́хъ разꙋмѣ́ти, ѿ кни́гъ позна́йте сꙋдїю̀. Дв҃дъ бо вопїе́тъ гл҃го́лѧ: по́йте Гдⷭ҇ви всѧ̀ землѧ̀, по́йте Гдⷭ҇ви пѣ́снь но́вꙋ. И҆ па́ки: воскли́кните Гдⷭ҇ви всѧ̀ землѧ̀, по́йте, и҆ возвесели́тесѧ, и҆ воспо́йте. И҆ па́ки: всѧ̀ землѧ̀ да покло́нитсѧ и҆ да пое́тъ Тебѣ, да пое́тъ же и҆́мени Твоем̀, Вы́шнїй. И҆ па́ки: хвали́те Бг҃а всѝ ꙗ҆зы́цы, похвали́те Е҆го̀ всѝ лю́дїе. И҆: всѧ́ко дыха́нїе да хва́литъ Гдⷭ҇а. Во Єѵⷢ҇лїи же гл҃го́летъ: є҆ли́ко же є҆́сть прїѧ́ло и҆́хъ, дадѐ и҆̀мъ ѻ҆́бласть, да ча̑да Бж҃їи б́дꙋтъ. И҆ па́ки то́йже: не ѡ҆ си́хъ бо вопроша́ю то́кмѡ, но и҆ ѡ҆ вѣ́ровавшихъ словесє́мъ и҆́хъ въ Мѧ̀: да всѝ є҆ди́но б́дꙋтъ: ꙗ҆́коже и҆ ты̀, Ѻ҆́ч҃е, во Мнѣ̀ и҆ А҆́зъ въ Тебѣ̀. Матѳе́й бо речѐ: дана̀ мѝ є҆́сть всѧ́ка вла́сть на нб҃сѝ и҆ на землѝ. Ше́дше ѹ҆̀бо наꙋчи́те всѧ̑ ꙗ҆зы́ки, крⷭ҇тѧ́ще и҆́хъ во и҆́мѧ Ѻ̑ц҃а̀ и҆ Сн҃а и҆ Ст҃а́гѡ Дх҃а, ѹ҆ча́ще ѧ҆̀ храни́ти всѧ̑, є҆ли̑ка заповѣ́дахъ ва́мъ: и҆ сѐ А҆́зъ съ ва́ми є҆́смь во всѧ̑ дни̑ до сконча́нїѧ вѣ́ка, а҆ми́нь. И҆ Ма́ркъ па́ки гл҃го́летъ: ше́дше въ ве́сь мі́ръ, проповѣ́дити Є҆ѵⷢ҇лїе все́й тва́ри: вѣровавый и҆ кре́щсѧ сп҃се́тсѧ, а҆ не вѣ́ровавый ѡ҆с́дитсѧ. Зна́мєнїѧ же вѣровавшымъ сїѧ̑ по́йдꙋтъ: и҆́менемъ Мои́мъ бѣ́сы и҆жден́тъ, ѧ҆зы̑ки возглаго́лютъ нѡ́вы. Глаго́лемъ то́же и҆ къ ва́мъ: го́ре ва́мъ, кни́гчїи, фарїсе́є, лицемѣ́ри, ꙗ҆́кѡ затворѧ́ете Црⷭ҇твїе Нбⷭ҇ное пред̾ человѣ̑ки: вы́ бо не вхо́дите, и҆ хотѧ́щихъ вни́ти не ѡ҆тавлѧ́ете. И҆ па́ки: го́ре ва́мъ, кни́гчїи, ꙗ҆́кѡ взѧ́сте клю́чь разꙋмѣ́нїѧ: са́ми не вхо́дите, и҆ хотѧ́щымъ вни́ти возбрани́сте.

Къ Корі́нѳѧнѡмъ же Па́ѵелъ речѐ: хощ̀, да всѝ ѧ҆зы̑ки глаго́лете, па́че же да прорица́ете: бо́лїй ѹ҆̀бо прорица́ѧй, не́жели глаго́лѧй ѧ҆зы̑ки, ра́звѣ а҆́ще сказа́етъ, да цр҃ковь созда́нїе прїи́метъ. Ны́нѣ же, бра́тїе, а҆́ще прїид̀ къ ва́мъ ѧ҆зы̑ки глаго́лѧ, к́ю ва́мъ по́льзꙋ сотворю̀, а҆́ще ва́мъ не возглаго́лю и҆лѝ ѿкрове́нїемъ, и҆лѝ ра́зꙋмомъ, и҆лѝ проро́чествомъ, и҆лѝ ѹ҆че́нїемъ; Ѻ҆ба́че безд̑шна гла́съ даю̑ща, а҆́ще ли пища́ль, а҆́ще ли г́сли, а҆́ще ли ра́знствїѧ гласѡ́мъ не дадѧ́тъ, ка́кѡ разꙋмѣетсѧ сопо́мое и҆лѝ гꙋдо́мое; И҆́бо а҆́ще безвѣ́стенъ гла́съ трꙋба̀ да́стъ, кто̀ ѹ҆готовлѧ́етсѧ на бра́нь; Та́кѡ и҆ вы̀ ѧ҆зы́комъ а҆́ще не раз̑мна словеса̀ дади́те, ка́кѡ раз́мно б́детъ глаго́лемое; б́дете бо в᷶ъ а҆́еръ᷶⁵⁸ глаго́люще. Толи́къ ѹ҆̀бо, а҆́ще ключи́тсѧ, ро́дъ гласѡ́въ во все́мъ мі́рѣ, и҆ ни є҆ди́нъ же и҆́хъ безгла́сенъ. А҆́ще ѹ҆̀бо не вѣ́мъ си́лы гла́сꙋ, б́дꙋ глаго́лющꙋ мѝ ва́рваръ, и҆ глаго́лѧй мнѣ́ ва́рваръ. Та́кѡ и҆ вы̀, поне́же ревни́тели є҆стѐ дх҃ѡ́внымъ, къ созида́нїю цр҃кве проси́те, да ва́мъ и҆збыва́етъ. Тѣ́мже глаго́лѧй ѧ҆зы́комъ мо́литсѧ, да сказ́етъ. А҆́ще бо моли́твꙋ дѣ́ю ѧ҆зы́комъ, дх҃ъ мо́й мо́литсѧ: а҆ ѹ҆́мъ мо́й без̾ плода̀ є҆́сть. Что̀ ѹ҆̀бо є҆́сть; помолю́сѧ д́хомъ, помолю́сѧ же и҆ ѹ҆мо́мъ: пою̀ д́хомъ, пою́ же и҆ ѹ҆мо́мъ. А҆́ще бл҃говѣсти́ши д́хомъ, и҆сполнѧ́ѧй мѣ́сто нераз́мнагѡ, ка́кѡ рече́тъ, а҆ми́нь, по твое́й хвалѣ̀; поне́же не вѣсть, что̀ глаго́леши. Ты̀ ѹ҆́бѡ до́брѣ хва́лиши, но дрꙋгі́й не зи́ждетсѧ. Хвалю̀ Бг҃а моего̀, па́че же всѣ́хъ ва́съ ѧ҆зы̑ки глаго́лѧ. Но въ цр҃кви хощ̀ пѧ́ть слове́съ ѹ҆мо́мъ свои́мъ глаго́лати, да и҆́ны наꙋч̀, а҆ не є҆́же тм̀ слове́съ ѧ҆зы́комъ. Бра́тїе, не дѣти быва́йте ѹ҆мы̑: но ѕло́бою младе́нствꙋйте, ѹ҆мы̑ же соверше́нни б́дите. Въ зако́нѣ же, вѣ́сте, пи́шетъ: ꙗ҆́кѡ и҆ны́ми ѧ҆зы̑ки и҆ ѹ҆стна́ми и҆нѣ́ми возглаго́лю лю́демъ си̑мъ, и҆ та́кѡ не посл́шаютъ Менѐ, гл҃го́летъ Гдⷭ҇ь. Тѣ́мже ꙗ҆зы́цы въ зна́менїе не вѣ̑рнымъ, но невѣ̑рнымъ с́ть: а҆ прⷪ҇ро́чество не невѣ̑рнымъ, но вѣ́рꙋющимъ. А҆́ще ѹ҆̀бо сни́детсѧ цр҃ковь всѧ̀ вк́пѣ, и҆ всѝ глаго́лютъ ѧ҆зы̑ки, вни́детъ же нераз́мивъ и҆лѝ невѣ́ренъ, не рече́тъ ли, ꙗ҆́кѡ ѕлѣ̀ сѧ̀ дѣ́ете; А҆́ще ли всѝ проро́чествꙋютъ, вни́детъ же и҆́нъ невѣ́ренъ и҆лѝ нераз́мивъ, ѡ҆блича́етсѧ пред̾ всѣ́ми, востѧза́етсѧ ѿ всѣ́хъ: и҆ та̑йнаѧ се́рдца є҆гѡ̀ ꙗ҆́вѣ быва́етъ: и҆ та́кѡ па́дъ ни́цъ, покло́нитсѧ Бг҃ови, повѣ́даѧ, ꙗ҆́кѡ вои́стиннꙋ Бг҃ъ въ ва́съ є҆́сть. Что̀ ѹ҆̀бо є҆́сть, бра́тїе; є҆гда̀ схо́дитесѧ, кі́йждо ва́съ ѱало́мъ и҆́мать, ѹ҆че́нїе и҆́мать, ꙗ҆вле́нїе и҆́мать, ѧ҆зы́къ и҆́мать, сказа́нїе и҆́мать: всѧ̑ же къ созида́нїю да быва́ютъ. А҆́ще ли кто̀ ѧ҆зы́комъ глаго́летъ, по двѣма̀, и҆лѝ ѕѣлѡ̀ по трїе́мъ, и҆ по ча́сти: и҆ е҆ди́нъ да сказа́етъ. А҆́ще ли не б́детъ глаго́лника⁵⁹, да молчи́тъ къ цр҃кви: себѣ̀ да глаго́летъ и҆ Бг҃ови. Прⷪ҇ро́цы же два̀ и҆лѝ трїѐ да гл҃го́лютъ, а҆ дрꙋзі́и да сказ́ютъ: а҆́ще ли и҆но́мꙋ ꙗ҆ви́тсѧ сѣдѧ́щꙋ, пе́рвый да молчи́тъ. Мо́гꙋтъ бо по є҆ди́номꙋ всѝ прⷪ҇ро́чествовати, да всѝ ѹ҆́чатсѧ, и҆ всѝ ѹ҆тѣша́ютсѧ. И҆ д́си прⷪ҇ро́честїи проро́кѡмъ повин́ютсѧ: нѣ́сть бо нестрое́нїю Бг҃ъ, но ми́рꙋ: Гдⷭ҇нѧ бо є҆́сть за́повѣдь: а҆́ще кто̀ не разꙋмѣ́етъ, да не разꙋмѣва́етъ. Тѣ́мже, бра́тїе, ревн́йте прорица́нїю, и҆ не брани́те глаго́лати ѧ҆зы̑ки. Всѧ̑ же бл҃гоѻбра́знѡ и̑ по чи́нꙋ да быва́ютъ. И̑ па́ки гл҃го́летъ: всѧ́къ ѧ҆зы́къ и҆сповѣ́сть, ꙗ҆́кѡ Гдⷭ҇ь І̑и҃съ Хрⷭ҇то́съ въ сла́вꙋ Бг҃̀ Ѻц҃̀. А҆ми́нь.

Си́ми же словєсы̀ и҆ и҆нѣ́ми бо́льши посра́мль ѧ҆̀ ѡ҆ста́ви.

з҃і. Ѹ҆вѣ́дѣвъ же сїѧ̑ па́па Ри́мскїй, посла̀ по него̀. И҆ доше́дшꙋ є҆м̀ Ри́ма, и҆зы́де са́мъ па́па въ срѣ́тенїе є҆м̀ со всѣ́ми гра̑жданы, и҆ свѣщы̀ нес́ще, ѹ҆вѣ́дѣша бо, ꙗ҆́кѡ несе́тъ мо́щи ст҃а́гѡ Кли́мента, мч҃нка и҆ па́пы Ри́мскагѡ. И҆ тогда̀ Бг҃ъ чꙋдеса̀ пресла̑внаѧ нача̀ твори́ти. Человѣ́къ нѣ́кїй ѡ̑сла́бленъ т̀ и̑сцѣлѣ̀, и҆ и҆ні́и мно́зи разли́чныхъ нед̑гъ и҆збы́ша, та́кожде и҆ плѣ̑нницы плѣ́ншихъ ѧ҆̀, наре́кше па́мѧть ст҃а́гѡ Кли́мента, и̑збы́ша.

Прїи́мь же па́па кни̑ги Словє́нскїѧ, ѡ҆свѧтѝ ѧ҆̀ и҆ положѝ въ цр҃кви Ст҃ы́ѧ Марі́и, ꙗ҆́же нарица́етсѧ Фа́тни⁶⁰, пѣ́ша же съ ни́ми сл́жбꙋ. И҆ по се́мъ повелѣ̀ па́па двѣма̀ є҆пїскопо́ма свѧти́ти Словє́нскїѧ ѹ҆ченикѝ. И҆ ꙗ҆́кѡ ѧ҆̀ свѧти́ша, тогда̀ пѣ́ша лїтꙋргію въ цр҃кви Ст҃а́гѡ Петра̀ Слове́нскимъ ѧ҆зы́комъ, и҆ въ дрꙋгі́й де́нь пѣ́ша въ цр҃кви ст҃ы́ѧ Петрони́ллы, и҆ въ тре́тїй де́нь пѣ́ша въ цр҃кви Ст҃а́гѡ А҆ндре́а, и҆ ѿт́дꙋ па́ки ѹ҆ вели́кагѡ ѹ҆чи́телѧ ꙗзы́чьскагѡ⁶¹ А҆пⷭ҇ла Па́ѵла въ цр҃кви всю̀ но́щь пѣ́ша, славосло́вѧще Слове́нски, и҆ на ѹ҆́трїй па́ки лїтꙋргі́ю пѣ́ша над̾ ст҃ы́мъ гро́бомъ, и҆мѣ́юще на по́мощь ст҃а́го А҆рсе́нїа є҆пⷭ҇кпа, є҆ди́наго с́ща ѿ седмѝ є҆пⷭ҇кпъ и҆ А҆наста́сїа вивлїоѳи́карѧ.

Фїлосо́фъ же со свои́ми ѹ҆чєникѝ не престаѧ́ше досто́йнꙋю хвал̀ Бг҃ꙋ воздава́ти ѡ҆ се́мъ: Ри́млѧне же не престаѧ́хꙋ и҆д́ще къ нем̀, вопроша́юще є҆го̀ ѡ҆ вс́емъ и҆ сказа́нїе сꙋг́бь и҆ трег́бь прїи́махꙋ ѿ негѡ̀. Жидови́нъ же нѣ́кїй та́кожде приходѧ̀ стѧза́шесѧ съ ни́мъ и҆ речѐ є҆м̀ є҆ди́ною: нѣ́сть ѹ҆жѐ прише́лъ Хрⷭ҇то́съ по числ̀ лѣ́тнемꙋ⁶², ѡ҆ Не́мже глаго́лютъ кни̑ги и҆ прⷪ҇ро́цы, ꙗ҆́кѡ ѿ Дв҃ы Е҆м̀ є҆́сть роди́тисѧ. Поче́тъ же є҆м̀ фїлосо́фъ ѿ А҆да́ма по ро́дѡмъ, сказа̀ є҆м̀ по то́нкꙋ, ꙗ҆́кѡ прише́лъ є҆́сть, и҆ сели́кѡ лѣ́тъ є҆́сть ѿто́ле досе́лѣ, и҆ наꙋчи́въ и҆̀ ѿпꙋстѝ.

и҃і. Пости́гшымъ же и҆̀ мнѡ́гимъ трꙋдѡ́мъ, болѣ́ти нача̀, и҆ терпѧ́щꙋ є҆м̀ ꙗ҆́зю болѣ́зненнꙋю мнѡ́ги дни̑, є҆ди́ною ви́дѣвъ Бж҃їе ꙗ҆вле́нїе, нача́тъ пѣ́ти си́це: ѡ҆ ре́кшихъ мнѣ̀, вни́демъ въ дворы̀ Гдⷭ҇нѧ, возвесели́сѧ мѝ д́хъ мо́й и҆ се́рце ѡ҆бра́довасѧ. Ѡ҆бле́ксѧ же въ чєстны́ѧ своѧ̑ ри̑зы, та́кѡ пребы́сть веселѧ́сѧ ве́сь де́нь и҆ глаго́лѧ: Ѿсе́лѣ нѣ́смь а҆́зъ ни царю̀ слꙋга̀, ни и҆но́мꙋ ником́же на землѝ, но то́кмѡ Бг҃ꙋ Вседержи́телю и҆ бѣ́хъ и҆ є҆́смь во вѣ́ки, а҆ми́нь.

Во ѹ҆́трїй же де́нь, во ст҃ы́й и҆́ноческїй ѻ҆́бразъ ѡ҆бле́ксѧ, и҆ свѣ́тъ къ свѣ́тꙋ прїи́мь наречѐ и҆́мѧ себѣ̀ Кѷрі́ллъ. Въ то́мъ же ѻ҆́бразѣ пребы́сть пѧтьдесѧ́ть дні́й. И҆ ꙗ҆́коже прибли́жисѧ ча́съ, да поко́й прїи́мъ преста́витсѧ на вѣ́чное житїѐ, воздви́гъ къ Бг҃ꙋ р́цѣ своѧ̑ сотворѝ мл҃твꙋ со слеза́ми, си́це гл҃го́лѧ: Гдⷭ҇и, Бж҃е мо́й, И҆́же є҆сѝ А҆́гг҃лскїѧ всѧ̑ чи́ны и҆ безплѡ́тныѧ соста́вль си̑лы и҆ не́бо распе́нъ, зе́млю ѡ҆снова́лъ, и҆ всѧ̑ с̑щаѧ ѿ небытїѧ̀ въ бытїѐ приве́лъ, И҆́же є҆сѝ всегда̀ вездѣ̀ посл́шалъ творѧ́щихъ во́лю Твою̀ боѧ́щихсѧ Тебѐ и҆ хранѧ́щихъ за́пѡвѣди Твоѧ̑: ѹ҆слы́ши мл҃твꙋ мою̀ и҆ вѣрное Твоѐ ста́до сохранѝ, є҆м́же мѧ̀ неключи́маго и҆ недосто́йнго раба̀ Твоего̀ приста́вилъ бѣ̀. И҆зба́ви є҆̀ ѿ всѧ́кїѧ безбо́жныѧ и҆ пога́нскїѧ ѕло́бы и҆ ѿ всѧ́кагѡ многорѣчи́вагѡ и҆ х́лнагѡ є҆реті́ческагѡ ѧ҆зы́ка, глаго́лющагѡ на Тѧ̀ х́лꙋ, погꙋбѝ треѧзы́чнꙋю є҆́ресь и҆ возрастѝ цр҃ковь свою̀ мно́жествомъ, и҆ всѧ̑ въ є҆динод́шїе совок́пль сотворѝ и҆зрѧ̑дны лю́ди є҆ди́номы̑слѧща ѡ҆ и҆́стиннѣй вѣ́рѣ Твое́й и҆ пра́вѣмъ и҆сповѣ́данїи, вдохни́ же въ сердца̀ и҆́хъ сло́во Твоегѡ̀ ѹ҆че́нїѧ, Тво́й бо є҆́сть да́ръ. А҆́ще ны̀ є҆сѝ прїѧ́лъ недостѡ́йныѧ на проповѣ́данїе Є҆ѵⷢ҇лїа Хрⷭ҇та̀ Твоегѡ̀, ѻстрѧ́щыѧсѧ⁶³ на дѡ́браѧ дѣла̀ и҆ творѧ́щыѧ ѹ҆гѡ́днаѧ Тебѣ̀: ꙗ҆̀же мнѣ̀ бѣ̀ да́лъ, ꙗ҆́кѡ Твоѐ Тебѣ̀ предаю̀. Ѹ҆стро́й ѧ҆̀ си́лною Твое́ю десни́цею, покры́й и҆̀хъ кро́вомъ крил̑ Твоє́ю, да всѝ хва́лѧтъ и҆ сла́вѧтъ и҆́мѧ Твоѐ Ѻц҃а̀ и҆ Сн҃а и Ст҃а́гѡ Дх҃а во вѣ́ки, а҆ми́нь. Лобза́въ же всѧ̑ ст҃ы́мъ лобза́нїемъ и҆ речѐ: бл҃гослове́нъ Бг҃ъ на́шъ, И҆́же не дадѐ на́съ въ лови́твꙋ зꙋбѡ́мъ неви́димыхъ вра̑гъ на́шихъ, но сѣ́ть и҆́хъ сокрꙋши́сѧ и҆ и҆зба́ви ны̀ ѿ и҆стлѣ́нїѧ и҆́хъ.

И҆ та́кѡ почѝ ѡ҆ Гдⷭ҇ѣ, бы́въ лѣ́тъ четы́редесѧть и҆ два̀, въ четве́ртый на́десѧть де́нь мцⷭ҇а феѵрꙋа́рїа, въ і҆нді́ктъ в҃, ѿ тва́ри⁶⁴ всегѡ̀ мі́ра ҂ѕт҃ѻз (ѿ Ржⷭ҇тва́ же по пло́ти Бг҃а Сло́ва ѿѯѳ).

Повелѣ̀ же па́па всѣ̑мъ Гре́кѡмъ, и҆́же бѧ́хꙋ въ Ри́мѣ, та́кѡ и҆ Ри́млѧнѡмъ всѣ̑мъ со свѣща́ми соше́дшесѧ пѣ́ти над̾ ни́мъ и҆ сотвори́ти провожде́нїе є҆м̀, ꙗ҆́коже и̑ самом̀ па́пѣ творѧ́тъ. Та́кѡ же и҆ сотвори́ша.

Меѳо́дїй же бра́тъ є҆гѡ̀ просѝ па́пꙋ гл҃го́лѧ: ꙗ҆́кѡ ма́ти на́съ є҆́сть заклѧ́ла, да и҆́же на́ю пе́рвѣе на с́дъ и҆́детъ, да принесе́тъ бра́та въ сво́й монасты́рь, и҆ т̀ и҆̀ погребе́тъ. Повелѣ̀ же па́па вложи́ти и҆̀ въ ра́кꙋ и҆ заби́ти гвѡ́зди желѣ̀зными: и҆ та́кѡ держа̀ и҆̀ се́дмь дні́й, гото́вѧ на п́ть.

Реко́ша же къ па́пѣ Ри́мстїи є҆пі́скопи: поне́же Бг҃ъ по мно́гимъ землѧ́мъ ходи́вша приве́лъ є҆го̀ сѣ́мѡ и҆ здѣ̀ д́шꙋ є҆гѡ̀ и҆зⸯѧ́лъ, здѣ̀ є҆м̀ досто́итъ лежа́ти и҆ погребе́нꙋ бы́ти, ꙗ҆́кѡ чести̀ м́жꙋ. Рече́ же па́па: то̀ за ст҃ы́ню є҆гѡ̀ и҆ любо́вь, Ри́мскїй ѡ҆бы́чай прест́пль, погреб̀ и҆̀ въ мое́мъ гро́бѣ въ цр҃кви ст҃а́гѡ А҆пⷭ҇ла Петра̀. Ѿвѣща́ же бра́тъ є҆гѡ̀: поне́же менѐ не посл́шасте и҆ не да́сте мѝ є҆гѡ̀, а҆́ще ва́мъ є҆́сть лю́бо, да лѧ́жетъ въ цр҃кви ст҃а́гѡ Кли́мента, съ ни́мже прише́лъ є҆́сть сѣ́мѡ.

Повелѣ же па́па сотвори́ти та́кѡ, и҆ па́ки собра́вшымсѧ є҆пі́скопѡмъ всѣ̑мъ и҆ чернцє́мъ и҆ всѣ̑мъ лю́демъ проводи́ти и҆̀ че́стнѡ, хотѧ́щымъ же положи́ти и҆̀, реко́ша є҆пі́скопи: ѿгво́ждше ра́кꙋ, ви́димъ, а҆́ще є҆́сть цѣ̀лъ, єд̑а̀ є҆́сть что̀ взѧ́то ѿ негѡ̀. И҆ тр́ждшесѧ мно́гѡ не мого́ша ѿгвозди́ти ра́ки по Бж҃їю повелѣнїю. И҆ та́кѡ со ра́кою вложи́ша и҆̀ во гро́бъ ѡ҆ десн́ю стран̀ а҆лтарѧ̀ въ цр҃кви ст҃а́гѡ Кли́мента, и҆дѣже нача́ша тогда̀ мнѡ́га чꙋдеса̀ быва́ти, ꙗ҆̀же ви́дѣвше Ри́млѧне бо́лѣ приложи́шасѧ ст҃ы́ни є҆гѡ̀ и҆ че́сти, и҆ написа́вше і҆кѡ́нꙋ є҆гѡ̀ над̾ гро́бомъ, нача́ша свѣщы̀ над̾ ни́мъ возжига́ти де́нь и҆ но́щь, хва́лѧще Бг҃а, прославлѧ́ющаго та́кѡ сла́вѧщыѧ Є҆го̀. Том́ бо є҆́сть сла́ва и҆ че́сть во вѣ́ки. А̑ми́нь.

Коне́цъ житїю̀ и̑ по́двигѡмъ и҆́же во ст҃ыхъ ѻ̑ц҃а̀ на́шегѡ Кѡнстанті́на фїлосо́фа во и҆́ноцѣхъ Кѷрі́лла. и҆́мать въ себѣ̀ гла́въ и҃і.

И҆з̾ сл́жбы ст҃о́мꙋ Кѷрі́ллꙋ Фїлосо́фꙋ, ѹ҆чт҃лю и҆ наста́вникꙋ Слове́нскꙋ ꙗ̑зы́кꙋ⁶⁵

Свѣти́ленъ.

Ꙗ҆́кѡ свѣти́лника тѧ̀ Хрⷭ҇то́съ мі́рови показа̀ и҆ оу҆чт҃лѧ вселе́ннѣй, пребл҃же́нне Кѷрі́лле Сол́нскаѧ ѿ҆́расли. Тѣ́мъ и҆ на́мъ помина́ющымъ честн́ю твою̀ па́мѧть ѿ негѡ̀ млⷭ҇ть и҆спросѝ.

На хвали́техъ стїхи̑ры, гла́съ и҃:

Кѷрі́ле, сла́вне ѹ҆чт҃лю, добро́тѣ наꙋчѝ Моравлѧ́ны свои́ми глагѡ́лы Бг҃а бл҃годари́ти, прелага́ѧ на Слове́нескъ ѧ҆зы́къ ѿ Гре́ческа зако́нъ Гдⷭ҇нь, и҆ наꙋчѝ пра́вдѣ Е҆гѡ̀. Тѣмъ ны́нѣ ра́дꙋющесѧ Слове́нстїи наро́ди сла́вꙋ Бг҃ꙋ возсыла́ютъ.

Кто̀ мо́жетъ и҆сповѣ́дати чꙋдеса̀ Гдⷭ҇нѧ, ꙗ҆̀же сотворѝ сла́внымъ Свои́мъ Кѷрі́лломъ: ѿ ꙗ҆́да Сарацы́нска и҆зба́ви и҆̀, ѿ сѣ́ти же го́рькїѧ и҆сто́рже и҆̀, разврати́вшымъ въ Коза́рѣхъ вѣ́рꙋ Гдⷭ҇ню ѹ҆ста̀ заключѝ ѧ҆зы́комъ є҆гѡ̀, ѹ҆сладѝ во́ды гѡ́рькїѧ и҆ ди̑внаѧ и҆́на тма́ми содѣ́ѧ.

Сла́ва, гла́съ и҃:

ѽ сла́дкїй ѹ҆чт҃лю Кѷрі́лле, ѽ ти́хаѧ бесѣ́до, ѽ млⷭ҇рдное срⷣце и҆ ѹ҆́ме премⷣрый, ѽ глго́лы сла́ждшїи ме́да, ѽ страны̑ прелета́ѧ ꙗ҆́кѡ ѻ҆ре́лъ, ѽ вторы́й Па́ѵле и҆ ѹ҆чени́че Петро́въ, въ є҆гѡ́же гра́дѣ и҆зво́ли почи́ти, помѧнѝ ны̀ грѣ̑шныѧ ко Гдⷭ҇ꙋ, мл҃твами твои́ми спасѝ на́еъ.

Вѣ́дѣти же подоба́етъ, а҆́ще прилꙋчи́тсѧ въ понедѣ́лникъ поста̀, то̀ на лїтꙋргі́и пое́мъ: Да и҆спра́витсѧ мл҃тва моѧ̀, пото́мъ Трист҃о́е, Прокі́менъ. И҆ а҆пⷭ҇лъ, и҆ а҆ллил́їа, и҆ є҆ѵⷢ҇лїе. И҆ лїтꙋргі́а по́стнаѧ.

Сѐ возсїѧ̀ на́мъ Хрⷭ҇то́любцы, свѣтоза́рнаѧ па́мѧть бл҃же́ннагѡ о̑ц҃а̀ на́шегѡ Кѷрі́лла но́вагѡ а҆пⷭ҇ла и҆ ѹ҆чт҃лѧ всѣ̑мъ страна́мъ, и҆́же бл҃говѣ́рїѧ красото́ю возсїѧ̀ на́мъ на землѝ, ꙗ҆́кѡ со́лнце, бѣсо́вскꙋю ле́сть прогонѧ́ѧ и҆ пога́нскїй мра́къ ѡ҆свѣща́ѧ Бжⷭ҇твенными лꙋча́ми. Премⷣрость Бж҃їѧ созда̀ въ срⷣцы є҆гѡ̀ хра́мъ себѣ̀ и҆ на ѧ҆зы́цѣ є҆гѡ̀ ꙗ҆́кѡ на херꙋві́мѣ почива́ше Дх҃ъ Ст҃ы́й прⷭ҇иѡ, раздѣлѧ́ѧ да́ры по числ̀ вѣ́ры є҆гѡ̀, ꙗ҆́коже речѐ Па́ѵелъ А҆пⷭ҇лъ: є҆ди́номꙋ ком́ждо на́съ да́стсѧ бл҃года́ть по мѣ́рѣ дарова́нїѧ Хрⷭ҇то́ва. Рече́ бо Гдⷭ҇ь: и҆́же Мѧ̀ лю́битъ, А҆́зъ возлюблю̀ и҆̀,. [так в оригинале – Редакция Азбуки веры.] и҆ ꙗ҆влю́сѧ є҆м̀ Са́мъ и҆ о҆би́тель въ не́мъ сотворю̀ и҆ б́детъ Мнѣ̀ сн҃ъ и҆ А҆́зъ б́дꙋ є҆м̀ ѻ̑ц҃ъ. Тогѡ́жде ѻ҆те́чества и҆ща̀ бл҃же́нный се́й ѻ҆цъ и҆ ѹ҆чт҃ль на́шъ Кѷрі́ллъ ѡ̑ста́ви житїѧ̀ сегѡ̀ всю̀ красот̀, сла́вꙋ и҆ бога́тство и҆ ѻ̑тца̀ и҆ ма́терь и҆ бра́тїю и̑ сєстры̀. Из̾мла́да же чи́стъ бы́сть ꙗ҆́кѡ А҆́гг҃лъ, ѹ҆кланѧ́ѧсѧ и҆ ѹ҆бѣга́ѧ жите́йскихъ сласте́й, пребыва́ѧ ѹ҆̀бо во ѱалмѣ́хъ и҆ пѣ́нїихъ и҆ въ поꙋче́нїи дх҃о́внѣмъ, є҆ди́нъ п́ть гонѧ̀, и҆́мже на нб҃са̀ взы́ти. Тѣ́мже и҆ и҆злїѧ́сѧ во ѹ҆стѣ́хъ є҆гѡ̀ Бж҃їѧ бл҃года́ть, ꙗ҆́коже речѐ премⷣрый Соломѡ́нъ: ѹ҆стнѣ̀ м́дрыхъ свѧз́ютсѧ ч́вствомъ, зако́нъ же и҆ млⷭ҇ть на ѧ҆зы́цѣ но́ситъ, и҆́мже свѧза̀ ѕлох̑лнаѧ ѹ҆ста̀ є҆ретїкѡ́въ.

Є҆́реси бо возста́вши при Ѳео́фїлѣ ца́рѣ и҆конобо́рци, мно́гѡ лѣ́тъ пребы́сть і҆кѡ́ннаѧ ст҃ы́нѧ гони́ма и҆ разорѧ́ема и҆ нечто́ма. При бл҃говѣ́рнѣмъ же царѣ̀ Мїхаи́лѣ правосла́внїи собо́ръ сотво́рше пꙋсти́ша и҆̀ на є҆ретїкѝ, и҆ всю̀ ѕло́бꙋ и҆́хъ попалѝ дх҃о́вною си́лою. Бѧ́ше же є҆́реси то́й нача́лникъ А҆́ннїй патриїа́рхъ, є҆го́же ѡ҆бличи́вше согна́ша и҆̀ со стола̀. Та́коже бѣ̀ се́й ѹ҆чт҃ль: да а҆́ще гдѣ̀ ѡ҆щꙋтѝ каков̀ ѹ҆́бѡ хꙋл̀ ѡ҆ Бжⷭ҇твеннѣмъ ѻ҆́бразѣ, ꙗ҆́кѡ крила́тъ прелетѝ на всѧ̑ страны̑, ꙗ҆́сными при́тчами собла́зны всѧ̑ разорѧ́ѧ и҆ наꙋча́ѧ правовѣ́рїю, Па́ѵла же ѡ҆ста́нки наполнѧ́ѧ, прелета́ѧ ꙗ҆́кѡ ѻ҆ре́лъ на всѧ̑ страны̑ ѿ восто́ка до за́пада и҆ ѿ сѣ́вера до ю҆́га. Въ Коза́рѣхъ же и҆ въ Сарацы́нѣхъ ѡ҆ ст҃ѣ́й вѣ́рѣ въ собо́рѣхъ ѡ҆брѣ́тсѧ, тресвѣ́тлыми зарѧ́ми ꙗ҆́кѡ со́лнце возсїѧ̀, и҆ всѧ̑ заблꙋждє́нїѧ и҆́хъ разорѝ. Въ Ф́льстѣмъ же ꙗ҆зы́цѣ безбо́жнꙋю ле́сть разорѝ, че́сть твори́мꙋ дре́вꙋ, є҆м́же и҆́мѧ нареко́ша А҆леѯа́ндръ, и҆ кла́нѧхꙋсѧ є҆м̀ ꙗ҆́кѡ бо́гꙋ, тре́бꙋ полага́юще. Сѐ ѹ҆́бѡ и̑скорени́въ бл҃же́нный, стада̀ Хрⷭ҇тѡ́ва пребезнача́лнымъ свѣ́томъ ѡ̑блиста́ѧ ѡ̑ст҃ѝ, и҆ наꙋчѝ ѧ҆̀ правовѣ́рїю.

Слове́нскꙋ же ꙗ҆зы́кꙋ въ нераз́мїи и҆ мра́цѣ грѣхо́внѣ с́щꙋ, млⷭ҇тїю и҆ чл҃вѣ́колюбїемъ Гдⷭ҇а на́шегѡ І̑и҃са Хрⷭ҇та̀ ꙗ҆вле́нъ бы́сть па́стырь и҆ ѹ҆чт҃ль є҆м̀, и҆́же затчѐ ѹ҆ста̀ волкѡ́мъ треѧзы̑чнымъ є҆ретїкѡ́мъ, и҆́же за́вистїю ѡ҆мрачи́шасѧ и҆ глаго́лахꙋ: не досто́итъ и҆нѣ̑мъ ꙗ҆зы́кѡмъ сла́вити Бг҃а, то́кмѡ Жидѡ́мъ, Ри́млѧномъ и҆ Е҆́ллинѡмъ, ѕло́бою творѧ́щесѧ прича̑стницы Пїла́тꙋ, и҆́хже заблꙋждє́нїѧ разорѝ ꙗ҆́сными при́тчами, палѧ̀ си́лою Прест҃а́гѡ Дх҃а. Преложѝ весь церко́вный ѹ҆ста́въ ѿ Гре́ческагѡ на Слове́нскїй ѧ҆зы́къ, и҆ и҆́де въ Ри́мъ, веды́й на соверше́нїе и҆збра́нное своѐ ста́до. И̑ ра́достїю совершѝ тече́нїе своѐ, ꙗ҆́коже и̑зво́ли Бг҃ъ пречестно́мꙋ тѣлесѝ є̑гѡ̀ т̀ почи́ти.

Е҆гѡ́же по́двиги и҆ трꙋды̀ и҆ хожде́нїе почита́юще, подо́бныѧ похвалы̀ нѣ́сть къ ком̀ приложи́ти: а҆́ще бо и҆ по́слѣжде возсїѧ̀, но всѧ̑ преспѣ̀. Ꙗ҆́коже и҆ денни́ца, по́слѣжде восходѧ́щи свѣ́тлостїю свое́ю ве́сь ли́къ ѕвѣ́здный ѻ҆блиста́етъ, со́лнечными зарѧ́ми свѣ́тъ проѧвлѧ́ющи: та́кѡ и҆ се́й бл҃же́нный ѻ̑ц҃ъ и҆ ѹ҆чт҃ль ꙗ҆зы́ка на́шегѡ па́че со́лнца сїѧ́ѧ тро́ичными зарѧ́ми просвѣтѝ безчи́сленныѧ наро́ды во тмѣ̀ невѣ́дѣнїѧ лежа̑щїѧ. Ко́е бо мѣ́сто ѹ҆кры́сѧ, є҆гѡ́же не ѡ҆свѧтѝ стопа́ми свои́ми; Ка́ѧ же ли хи́трость ѹ҆таи́сѧ ѿ бл҃же́нныѧ є҆гѡ̀ дꙋшѝ; Всѣ̑мъ ꙗ҆зы́кѡмъ сокровє́нныѧ є҆гѡ̀ та̑йны въ и҆зви́тїѧхъ слове́сныхъ, раз́мнѡ и҆сповѣ́даѧ сказа̀, ѻ҆́вомꙋ писмєны̀, ѻ҆́вомꙋ ѹ҆че́нїемъ. И҆злїѧ́сѧ бо бл҃года́ть Бж҃їѧ во ѹ҆ста̀ є҆гѡ̀, и҆ сегѡ̀ ра́ди бл҃гословѝ и Бг҃ъ во вѣ́ки.

Тѣ́мже па́ки ка̑ѧ ѹ҆ста̀ и҆сповѣ́дѧтъ сла́дость ѹ҆ченїѧ є҆гѡ̀; Кото́рый ли ѧ҆зы́къ пости́гнетъ и҆зрѣщѝ по́двиги и҆ трꙋды̀ и҆ добро́тꙋ житїѧ̀ є҆гѡ̀; Та̀ ѹ҆̀бо ѹ҆ста̀ свѣ́та свѣтлѣ̑йша ꙗ҆вѝ Гдⷭ҇ь, ѡ҆мрачє́нныѧ ле́стїю грѣхо́вною просвѣща̑юща. Тогѡ̀ ѧ҆зы́къ сла́дѡстныѧ и҆ живѡ́тныѧ гла́сы и҆сточѝ, пречⷭ҇тыѧ ѹ҆стнѣ̀ премⷣростїю процвѣто́ста, ꙗ҆́кѡ цвѣ́тъ. Тогѡ́же пречєстны́ѧ персты̀ дꙋхѡ́вныѧ ѻ҆рга́ны ѡ҆снова́ша, и҆ златоза́рными писмєны̀ ѹ҆кра́сиша. Тѣ́ми Бг҃огла́сными ѹ҆сты̑ напои́шасѧ жа́ждꙋщїи ра́зꙋма Бж҃їѧ. Тѣ́ми наслади́шасѧ мно́зи живо́тнꙋю пи́щꙋ прїе́млюще. Тѣ́ми ѡ҆богатѝ Бг҃ъ мно́ги ѧ҆зы́ки Бг҃ораз́мїемъ. Па́че же Бг҃отка́нымъ вѣнце́мъ ѹ҆вѧзѐ многопло́дный ꙗ҆зы́къ Слове́нескъ. Том̀ бо се́й но́вый апⷭ҇ль по́сланъ бы́сть. Ѿ тѣ́хъ ѹ҆̀бо ѹ҆́стъ и҆стечѐ и҆сто́чникъ живо́тныхъ слове́съ, напаѧ́ѧ пресо́хшꙋю сꙋхот̀ на́шꙋ. Тѣ́мъ свѧза́сѧ многох́лный ѧ҆зы́къ є҆реті́ческъ. Та̑ бо ѹ҆ста̀ чє́стнѣйша ꙗ҆ви́шасѧ, ꙗ҆́коже бо є҆динъ ѿ серафі̑мъ Бг҃а прославлѧ̑юща: и҆́миже позна́хомъ трисвѣ́тлое Бжⷭ҇тво, є҆ди́нѣмъ сꙋщество́мъ ѡ҆держи́мо, свѡ́йствы же и҆ и҆мєны̀ раздѣлѧ́емо и҆ ра́внѡ прославлѧ́емо, сопрⷭ҇нос́щна Ѻ̑ц҃а̀ и҆ Сн҃а и҆ Ст҃а́гѡ Дх҃а.

Тѣ́мже блаж̀ твоѝ ѹ҆стнѣ̀, ѽ пребл҃же́нный ѻ҆́ч҃е Кѷрі́лле, и҆́маже всѣ̑мъ страна́мъ сла́дость дх҃о́внаѧ и҆сточи́сѧ. Блаж̀ многогла́сный тво҆́й ꙗ҆зы́къ, и҆́мже возгремѣ̀ ꙗ҆́кѡ гро́мъ, требезнача́лнагѡ Бжⷭ҇тва̀ заре́ю сїѧ́ѧ, мра́къ грѣхо́вный ѿгонѧ̀. Блаж̀ многопресвѣ́тлое лицѐ твоѐ, ѡ҆за́ршеесѧ⁶⁶ ѿ Ст҃а́гѡ Дх҃а, и҆́мже Бг҃ораз́мный свѣ́тъ возсїѧ̀ и҆ многобо́жнаѧ ле́сть и҆скорени́сѧ. Блаж̀ златоза̑рныѧ твоѧ̑ ѻ҆́чи, и҆́маже слѣпота̀ нераз́мїѧ ѿѧ́та бы́сть, и҆ Бг҃ораз́мїѧ свѣ́тъ возсїѧ̀. Блаж̀ А҆гг҃лообра̑зныѧ твоѧ̑ зѣни́цы, ѡ҆зари́вшыѧсѧ ѿ Бжⷭ҇твенныѧ сла́вы, и҆́маже прозрѣ̀ пре́жде ѻ҆смѝ дні́й пречⷭ҇тагѡ преставле́нїѧ де́нь поко́ѧ твоегѡ̀. Блаж̀ пречєстны́ѧ твоѧ̑ р́цѣ и҆́маже сни́де моем̀ ꙗ҆зы́кꙋ Бг҃ораз́мнаѧ т́ча, напаѧ́ющи Бг҃ото́чною росо́ю и҆згорѣ́вшыѧ грѣхо́вною сꙋхото́ю сердца̀ на́ша. Блаж̀ Бг҃одви̑жныѧ твоѧ̑ персты, и҆́маже написа́сѧ ѹ҆тае́ннаѧ ѿ мно́гихъ Бж҃їѧ премⷣрость, ѿкрыва́ющи Бг҃ораз̑мныѧ та̑йны. Блаж̀ свѣтоза́рнꙋю твою̀ ѹ҆тро́бꙋ, ѿ неѧ́же и҆стечѐ всѣ̑мъ страна́мъ живо́тнаѧ вода̀, свы́ше сходѧ́щи твои́ми мл҃твами. Блаж̀ свѣтоза̑рныѧ твоѧ̑ но́зѣ, и҆́маже ѡ҆бтечѐ, ꙗ҆́коѡ со́лнце, вес́ь мі́ръ просвѣща́ѧ Бг҃одх҃нове́ннымъ ѹ҆че́нїемъ. Блаж̀ пречестн́ю це́рковь, въ не́йже лежи́тъ многораз́мный и҆ Бг҃оглаголивый тво́й о҆рга́нъ. Бл҃же́нъ гра́дъ прїе́мный тре́тїѧго соверши́телѧ Бж҃їѧ смотрѣ́нїѧ.

То́й ѹ҆̀бо верхѡ́внꙋю свѣти̑лꙋ ѡ҆ста́нки наполнѧ́ѧ, ꙗ҆ви́сѧ бл҃же́нный се́й. Тѣ́мже съ ни́ма повелѣ̀ є҆м̀ Гдⷭ҇ь Бг҃ъ пречестны́й поко́й прїѧ́ти. Почи́ же съ ми́ромъ ѡ҆ Гдⷭ҇ѣ въ лѣ́то ѿ тва́ри⁶⁷ всегѡ̀ мі́ра ҂ѕто҃з мцⷭ҇а феѵрꙋа́рїа въ д҃і де́нь, и҆ приложи́сѧ житїе́мъ и҆ вѣ́рою ко ст҃ы̑мъ Ѻ̑ц҃є́мъ, всѣ́хъ чи́ны и҆ трꙋды̀ въ себѣ̀ сверши́въ, и҆ бы́сть со а҆́гг҃лы ꙗ҆́кѡ а҆́гг҃лъ, и҆ со а҆пⷭ҇лы а҆пⷭ҇лъ, съ прⷪ҇рѡ́ки прⷪ҇рѡ́къ, со всѣ́ми ст҃ы́ми сообщникъ сла́вѣ Бжїей. Съ ни́миже помоли́сѧ за ны̀, прпⷣбне ѹ҆чт҃лю, чт́щыѧ пресвѣ́тлое твоѐ ѹ҆спе́нїе во сла́вꙋ Прест҃ы́ѧ Трⷪ҇цы, Ѻ̑ц҃а̀ и҆ Сн҃а и҆ Ст҃а́гѡ Дх҃а, Е҆м́же сла́ва, че́сть и҆ поклоне́нїе ны́нѣ и҆ прⷭ҇нѡ и҆ во вѣ́ки вѣкѡ́въ. А҆ми́нь.

Бг҃ꙋ и҆ Сп҃сꙋ на́шемꙋ І҆и҃сꙋ Хрⷭ҇т̀ мно́гимъ и҆ неизрѣче́ннымъ чл҃колю́бїемъ поми́ловавшꙋ ро́дъ человѣческїй и҆ не терпѧ́щꙋ созда́нїѧ Своегѡ̀ ле́стїю дїа́волею ѡ҆держи́ма низложѝ Себѐ въ смире́нїе во́лное, и҆ вопло́щсѧ ѿ Дх҃а Ст҃а и҆ ѿ Пречⷭ҇тыѧ и҆ Сла́вныѧ Бцⷣы и҆ Прⷭ҇нодв҃ы Мр҃і́и, на землю̀ ꙗ҆́вльсѧ и҆ съ челоѡвѣ́ки поживѐ, и҆ сообра́зенъ бы́въ тѣлесѝ на́шемꙋ, ѡ҆сꙋдѝ грѣ́хъ Пло́тїю Свое́ю, да ѹ҆мира́ющыѧ ѡ҆ А҆да́мѣ, ѡ҆ Хрⷭ҇тѣ̀ ѡ҆жив́тъ. То́й бо є҆́сть ми́ръ на́шъ, о҆боѧ̀ во є҆ди́но сотворѝ, средостѣ́нїе ѡ҆гра́ды рзрꙋши́въ, кресто́мъ ѹ҆би́въ вражд̀, и҆ пе́рвенецъ бы́сть ѿ ме́ртвыхъ, наста́вль собо́ю ро́дъ человѣ́чь на неистлѣ́нный п́ть, вше́дъ же на нб҃са̀ сѣ́де ѡ҆десн́ю прⷭ҇то́ла вели́чествїѧ на высо́кихъ, за́повѣдь да́въ и҆ск́сну ро́дꙋ человѣ́чꙋ, хотѧ́й въ послѣ̑днѧѧ времена̀ прїитѝ сꙋди́ти живы̑мъ и҆ мє́ртвымъ и҆ возда́ти ком́ждо по дѣло́мъ є̑гѡ̀, ꙗ҆́кѡ Првⷣный Сꙋдїѧ̀.

Не хо́щетъ бо сме́рти грѣ́шникꙋ, но ѡ҆браще́нїѧ є҆гѡ̀ и҆ покаѧ́нїѧ, а҆́ще наипа́че на ѕло́бꙋ прилежи́тъ кі́йждо человѣ́къ. Не ѡ҆ста́ви бо созда́нїѧ Своегѡ̀ Млⷭ҇тивый Бг҃ъ, ни забы̀ дѣ́ла рꙋк̀ Своє́ю, но на ка̑ѧждо лѣ̑та и҆ времена̀ и҆збра̀ м́жы, и҆ ꙗ҆вѝ дѣла̀ и҆́хъ и҆ по́двиги лю́демъ, да тѣ́мъ подо́бѧщесѧ живо́тъ безконе́чный ѡ҆брѧ́щꙋтъ, и҆ по тѣ́хъ прⷪ҇ро́ки, по прⷪ҇ро́цѣхъ же Апⷭ҇лы, по Апⷭ҇лѣхъ мч҃нки и҆ м́жи првⷣныѧ и҆ ѹ҆чт҃ли, є҆́же и҆ сбы́стсѧ въ седмы́й вѣ́къ на́шъ. Рѣ́ша бо о҆нѝ: слѣпі́и про́зрѧтъ, глꙋсі́и ѹ҆слы́шатъ сло́во кни́жное, и҆ всѝ возглаго́лютъ разли́чными ѧ҆зы̑ки вели̑чїѧ Бж҃їѧ.

в҃. Бѣ́ же въ Сол́нстѣмъ гра́дѣ м́жъ є҆́теръ⁶⁸ и҆́менемъ Ле́въ, человѣ́къ непоро́ченъ, и҆́стиненъ и҆ Бг҃очте́цъ, ѡ҆греба́ѧсѧ ѿ всѧ́кїѧ ѕло́бы и҆ и҆сполнѧ́ѧ всѧ̑ за́повѣди Бж҃їѧ, ꙗ҆́коже І҆́ѡвъ. Живы́й же въ кро́тости и҆ говѣ́нїи седмероро́денъ⁶⁹ ѡ҆брѣ́тесѧ, ꙗ҆́коже и҆ І҆́ѡвъ. Ѡ҆ нѣ́коемъ же и҆ Прⷪ҇рокъ гл҃го́летъ: бл҃же́нъ м́жъ боѧ́йсѧ Бг҃а, въ за́повѣдехъ Е҆гѡ̀ восхо́щетъ ѕѣлѡ̀: си́лно на землѝ б́детъ сѣ́мѧ є҆гѡ̀: ро́дъ пра́выхъ бл҃гослови́тсѧ: сла́ва и҆ бога́тство въ дом̀ є҆гѡ̀, и҆ пра́вда є҆гѡ̀ пребыва́етъ въ вѣ́къ вѣ́ка.

И̑з̾ тогѡ́ бо ко́рене возсїѧ́ста и҆зрѧ́днѣ двѣ̀ лѣтора̑сли свѣтоза́рнѣ, пло́дъ бл҃гослове́нъ на себѣ̀ носѧ̑ща, житїе́ же непоро́чно ѿ ю҆́ности и҆м̑ща. Премⷣрость бо себѣ̀ ꙗ҆́кѡ сестр̀ сотвѡ́рша, то́ю ѹ҆кра́систа и҆ д́шꙋ и҆ ѹмъ, любо́вїю же и҆ вѣ́рою, др́гъ др́га є҆ю̀ преспѣва́ста, мрⷣостїю цвѣт̑ща прⷭ҇нѡ, ꙗ҆́кѡ цвѣ́тецъ бл҃гоꙋха́нный.

Ро́домъ сы́й мні́й бл҃же́нный Кѡнстанті́нъ, ѹ҆мо́мъ же и҆ добродѣ́телми вы́спрь взлета́ѧ, ꙗ҆́коже о҆ре́лъ дх҃о́вныма крило́ма, Бг҃оза́рнымъ свѣ́томъ ѹ҆́мъ сво́й просвѣти́въ, сос́дъ и҆збра́нъ Ст҃о́мꙋ Дх҃ꙋ и҆ та́кѡ свѣтѧ́сѧ всѣ́мъ ѹ҆че́нїемъ фїлосо́фскимъ, неѡск́дное сокро́вище ѡ҆брѣ́тесѧ. Ꙗ҆́коже бо и҆сто́чникъ и҆сполнѧ́ѧ всю̀ вселе́ннꙋю, напоѝ жа̑дныѧ словесѐ Бж҃їѧ, ꙗ҆́коже речѐ Са́мъ Гдⷭ҇ь Бг҃ъ на́шъ І̑и҃съ Хрⷭ҇то́съ: вѣ́рꙋѧй въ Мѧ̀, ꙗ҆́коже кни̑ги реко́ша, рѣ́ки ѿ чре́ва є҆гѡ̀ и҆стек́тъ воды̀ жи́вы, си́рѣчь да́рове Животворѧ́щагѡ Дх҃а. То́й бо воскипѣ̀ въ не́мъ, и҆злїѧ́сѧ ѹ҆стна́ма є҆гѡ̀ и҆ всю̀ вселе́ннꙋю сла́дцѣ возвеселѝ, сло́во разсѣва́ѧ ком́ждо ꙗ҆́зы́кꙋ, проти́вꙋ своем̀ ра́зꙋмꙋ. Бѣ́ бо є҆м̀ да́нъ да́ръ дх҃о́вный ѧ҆зы̑ки глаго́лати, ꙗ҆́кѡ и҆ Апⷭ҇лꙋ.

Ста́рѣйшиїй же є҆гѡ̀ бра́тъ, пребл҃же́нный Меѳо́дїй и҆змла́да нача́тъ житі̑йскїѧ са́ны прїима́ти: мрⷣстїю бо ꙗ҆́кѡ цвѣ́тъ бл҃гоꙋха́ненъ цвѣты́й, всѣ́ми влады́ками бы́сть люби́мь. Въ бесѣ́дахъ бо ꙗ҆́кѡ Соломѡ́нъ ꙗ҆влѧ́шесѧ, ди̑вныѧ при̑тчи и҆ наказа̑нїѧ и҆ вопроша̑нїѧ и҆зносѧ̀ и҆з̾ срⷣчнагѡ села̀ и҆ на сл́жбѣ всѣ̑мъ ѹ҆го́денъ, ꙗ҆́кѡ и҆ крила́тъ ѡ҆брѣта́шесѧ, и҆ на войнѣ̀ ꙗ҆́кѡ и҆ Самѱѡ́нъ и҆ Гедеѡ́нъ и҆ І҆ис́съ Наѵи́нъ стра́шенъ ꙗ҆влѧ́шесѧ. Тѣ́мже и҆ воево́дскїй са́нъ прїи́мь, побы́сть въ не́мъ ма́лѡ и҆ разꙋмѣ́въ многомѧте́жный свѣ́тъ се́й, ꙗ҆́кѡ сѣ́нь преходѧ́щь неполе́знѡ, па́че же прїи́мь Гдⷭ҇не сло́во, ꙗ҆́кѡ стрѣл̀ въ срⷣцы свое́мъ, ꙗ҆́коже речѐ: ка́ѧ по́льза є҆́сть человѣ́кꙋ, а҆́ще ве́сь мі́ръ приѡбрѧ́щетъ, а҆ д́шꙋ свою̀ ѡ҆тщети́тъ и҆лѝ погꙋби́тъ; и҆лѝ что̀ да́стъ человѣ́къ и҆змѣ́нꙋ на дꙋшѝ своей; Премѣ́нь же зємна́ѧ на нб҃снаѧ, врє́меннаѧ ѹ҆̀бо ѿмета́ѧ ѿ себє̀, презрѧ̀ ѧ҆̀, въ вѣ̑чнаѧ подви́жесѧ.

И҆ ше́дъ въ Ѻ҆лѵ́мпъ, постриже́сѧ въ чє́рны ри̑зы, ча́ѧ прїѧ́ти бѣ́лꙋ и҆ нетлѣ́ннꙋ А҆́гг҃лскꙋю о҆де́ждꙋ. И҆ бѣ̀ повин́ѧсѧ всѣ̑мъ съ покоре́нїемъ и҆ смире́нїемъ, въ бдѣ́нїи и҆ моли́твѣ, въ стꙋже́нїи и҆ сл́жбѣ, въ и҆зрѧ́днѣ поще́нїи, въ трезве́нїи всегда̀, во ѡ҆чище́нїи дх҃о́внѣмъ, въ пла́чѣ бла́зѣ, ѿ о҆́чїю и҆сто́чникъ и҆спꙋща́ѧ ꙗ҆́кѡ рѣк̀, и҆ то́ю ѡ҆мыва́ѧ всѐ тѣ́ло своѐ, плотска́гѡ поко́ѧ ѿню́дъ не вѣ́дый, како́въ є҆́сть, но на всѧ́кꙋ но́щь стоѧ̀, ѿ заходѧ́ща со́лнца до восходѧ́ща, не даѧ̀ сна̀ о҆чи́ма свои́ма, ни вѣ́ждема свои́ма дрема́нїѧ, ни поко́ѧ бро́вьма свои́ма, поꙋча́ѧсѧ въ ѱалмѣ́хъ и҆ пѣнїихъ и҆ пѣснехъ дх҃о́вныхъ, соподвиза́ѧсѧ сопости́гнꙋти житїѧ̀ ст҃ы́хъ оц҃ъ. Ѻ҆́выхъ же преспѣ̀ кро́тостїю и҆ молча́нїемъ, дрꙋги́хъ же посто́мъ и҆ бдѣ́нїемъ и҆ мл҃твою и҆ смире́нїемъ и҆зрѧ́днѡ, и҆ та́кѡ и҆мени́тъ бы́сть во всѣ́хъ о̑ц҃ѣ́хъ, подо́бенъ вели́комꙋ А҆рсе́нїю и҆ А҆нтѡ́нїю и҆ Са́ввѣ, всѣ́хъ житїѧ̑ собо́ю сверша́ѧ.

Млⷭ҇тивый же Бг҃ъ, ви́дѣвъ и҆̀ въ толи́цѣ трꙋдѣ̀ пребыва́юща, вложѝ въ се́рдце бра́тїи, и҆́же ви́дѣвше по́двигъ є҆гѡ̀ и҆зрѧденъ на сл́жбꙋ Бжїю, др́гъ ко др́гꙋ дивлѧ́хꙋсѧ и҆ прославлѧ́хꙋ Бг҃а, даю́щагѡ бл҃года́ть свы́ше трꙋжда́ющымсѧ є҆гѡ̀ ра́ди. До́ндеже патрїа́рхъ, ѹ҆слы́шавъ по́двигъ є҆гѡ̀, ѹ҆бѣжда́ше и҆̀, да поста́витсѧ митрополі́тъ въ мѣ́стѣ честнѣ́мъ, и҆ не мо́гъ є҆го̀ къ сем̀ привѣди́ти, поста́ви и҆̀ и҆г́мена въ монастырѝ, и҆́же нарица́етсѧ и҆́менемъ Полѷхро́нъ, въ не́мже бѧ́ше о҆тє́цъ се́дмьдесѧтъ. Прїѧ́въ то̀, пребыва́ше, ꙗ҆́кѡ и҆ без̾ пло́ти, въ мл҃твахъ прⷭ҇нѡ, всѣ̑мъ всѧ́чески, дабы̀ всѧ̑ приѡбрѣ́лъ.

И҆ ст҃ы̑ѧ бо кни̑ги ѡ҆ таковѡ́ю вопїю́тъ, похва́льнѡ глаго́люще: премⷣрсти дре́внихъ взы́щетсѧ, и҆ въ прⷪ҇ро́чествїихъ поживе́те. По́вѣсти м̑жъ и҆мени́тыхъ сохрани́те, и҆ во и҆зви́тїихъ при́точныхъ и҆зыде́те. Посредѣ̀ вельмѡ́жъ посл́жите, и҆ пред̾ и҆г́мєны ꙗ҆ви́тесѧ. По землѝ ч́ждихъ ꙗ҆зы̑къ про́йдете, добро̀ и҆ ѕлѡ̀ въ человѣ́цѣхъ и҆скꙋшє́на б́дета. Се́рдце своѐ да́ста ѹ҆́треневати ко Гдⷭ҇ꙋ сотво́ршемꙋ ѧ҆̀, и҆ пред̾ Вы́шнимъ помоли́стасѧ, и҆ ѿверзо́ста ѹ҆ста̀ своѧ̑ на моли́твꙋ, и҆ ѡ҆ грѣсѣ́хъ свои́хъ помоли́стасѧ. А҆́ще же Бг҃ъ ве́лїй восхо́щетъ, раз́мнагѡ дх҃а напо́лнитесѧ. То́й бо ѡ҆дожди́тъ глаго́лы премрⷣсти є̑ю̀, и҆ въ мл҃твѣ и҆сповѣ́стасѧ Гдⷭ҇ви. То́й бо ꙗ҆ви́тъ наказа́нїе ѹ҆че́нїѧ є̑ю̀, и҆ въ зако́нѣ завѣ́та Гдⷭ҇нѧ похвали́стасѧ. Восхва́лѧтъ ра́зꙋмъ є̑ю̀ мнѡ́зи и҆ до вѣ́ка не потреби́тсѧ, и҆ не ѿи́детъ па́мѧть є̑ю̀, и҆ и҆́мѧ є̑ю̀ живе́тъ въ ро́ды и҆ ро́ды.

М́дрость є̑ю̀ повѣ́дѧтъ ꙗ̑зы́цы, и҆ похвал̀ є̑ю̀ и҆сповѣ́сть цр҃ковь, є҆́йже бы́ста крѣ̑пка посѡ́бника и҆ недви̑жима стѡлпа̀, ѡ҆снѡ́вана на тве́рдѣмъ ка́мени вѣ́ры. Послѣ̑дствовавша пра́оц҃ємъ и҆ патрїа́рхѡмъ вѣ́рою и҆ по́двигомъ дѣѧ̑нїѧ и҆́хъ и҆ трꙋды̀ собо́ю скончава̑юща, ꙗ҆́коже и҆ вели́кїй патрїа́рхъ А҆враа́мъ, пра́дѣдъ Хрⷭ҇то́въ, вѣ́рою пресе́лникъ бы́въ и҆ пришле́цъ въ землѝ ч́ждей, др́гъ Бж҃їй нарече́сѧ, и҆ завѣ́тъ ѡ҆брѣ́занїя ѿ Бг҃а прїи́мь, вѣ́рою о̑ц҃ъ мнѡ́гимъ ꙗ҆зы́кѡмъ нарече́сѧ.

г҃. Сїѧ҆ же ст҃а̑ѧ и҆ пресла̑внаѧ о҆ц҃а̑ и҆ ѹ҆чт҃лѧ то́юже вѣ́рою ѹ҆кра́шшасѧ, ты̑ѧ же добродѣ́тєли соверши́ста, Пресє́лника бо бы́ста о҆те́чества своегѡ̀ и҆ пришє́лца на зе́млю ч́ждꙋ. Зако́нъ же ѿ Бг҃а прїи̑мша, преда́ста не своем̀ пле́мени, ꙗ҆́коже А҆враа́мъ, но ꙗ҆зы́кꙋ, и҆́же не позна̀ десни́цы своеѧ̀, нижѐ ш́йцы своеѧ̀, но къ нем́же приткнѧ́хꙋсѧ том̀ порабо́щшесѧ, кла́нѧхꙋсѧ ꙗ҆́кѡ Бг҃ꙋ, тва́ри въ Творца̀ мѣ́сто. Завѣ́тъ же не ѡ҆брѣ́занїю прїѧ́ша, ꙗ҆́коже А̑враа́мъ, но креще́нїю во ѡ҆ставле́нїе грѣхѡ́въ, во вѣ́ки пребыва́ющь Сами́мъ Гдⷭ҇омъ на́шимъ І҆исъ Хрⷭ҇то́мъ сконча́нъ и҆ пре́данъ.

Мѡѷсе́й та́коже съ А҆арѡ́номъ во і҆ере́ихъ Бж҃їихъ, Бг҃ъ фараѡ́нови наре́ксѧ, м́ками разли́чными Е҆гѵ́петъ ѹ҆м́чь Бж҃їѧ лю́ди и҆з̾ рабо́ты и҆́хъ и҆зведѐ, во днѝ столпо́мъ о҆́блачнымъ, въ нощи́ же столпо́мъ о҆́гненнымъ, и҆ раздѣ́ль мо́ре, по с́хꙋ проведѐ въ пꙋсты́ню, а҆ проти̑вныѧ погрꙋзѝ въ бе́зднѣ, въ пꙋсты́ни же безво́днѣ напоѝ ѧ, прора́жь ка́мень, и҆ хлѣ́ба А҆́гг҃лска насы́ти, и҆ зако́нъ же ѿ Бг҃а прїи́мь Бж҃їимъ пе́рстомъ напи́санъ на скрижа́ли ка́меннѣ, предадѐ лю́демъ въ сохране́нїе и҆ послꙋша́нїе.

И҆ сїѧ̑ же пребл҃жє́ннаѧ и҆ Бг҃оꙋгѡ́днаѧ чл҃вѣ̑ка ничи́мже мє́нша тою̀ ꙗ҆ви́стасѧ, тогѡ́же Бж҃їѧ Дх҃а напоє́на свы́ше, сꙋг́бѣ бл҃года́ти сподѡ́блшасѧ, лю́ди и҆зведо́ста и̑з̾ многомра́чнагѡ дїа́волскагѡ мо́рѧ, мы́сльнагѡ фараѡо́на погр̑жша и҆ всю̀ си́лꙋ є҆гѡ̀ потреби́ста, и҆ вѣ́рою воор̑жшасѧ и҆ си́лою кре́стною, не въ пꙋсты́ню же ѧ҆́ и҆зведо́ста, но на свѣ́тъ Бг҃орз́мный наста́виста, не и̑з̾ ка́мене во́дꙋ и҆звє́дша, но вѣ́рою напои́ста жа̑дныѧ словесѐ Бж҃їѧ, не и̑з̾ ч́вственна же ка́мене во́дꙋ и҆звє́дша, ꙗ҆́коже и҆ о҆́на, но кро́вїю и҆ водо́ю и҆сте́кшею ѿ Пресⷭ҇тыхъ ре́бръ Гдⷭ҇а на́шегѡ І̑и҃са Хрⷭ҇та̀, вѣ̑рнымъ вѣ́чнꙋю пи́щꙋ и҆ безконе́чный живо́тъ во спасе́нїе преда́ста, ни хлѣ́ба А҆́гг҃лска напита̑юща, но и҆́стое Тѣ́ло Гдⷭ҇а на́шегѡ І̑и҃са Хрⷭ҇та̀ въ ѿда́нїе грѣхѡ́мъ подаю̑ща.

Зако́нъ же Бж҃їй сꙋг́бѡ прелѡ́жша, въ но́вый ꙗ҆зы́къ преда́ста, писмена̀ сотвѡ́рша є҆м̀. Е҆́же бѣ̀ сѧ̀ ѿ прем́дрыхъ и҆ раз́мныхъ ѹ҆таи́ло, то̀ ѿкрове́но бы́сть младе́нцємъ въ послѣ́днїй вѣ́къ си́ма: зако́нъ не на скрижа́лехъ ка́менныхъ напи́санъ, но на скрижа́лехъ серде́цъ плотѧ́ныхъ: не сквозѣ̀ о҆́блакъ, ни мгло́ю и҆ б́рею гл҃го́ланъ, но Сами́мъ Гдⷭ҇омъ І҆и҃съ Хрⷭ҇то́мъ сконча́нъ и҆ пре́данъ: не сѣ́ни слꙋжи́тєлѧ, но и҆́стинѣ проповѣ̑дника бы́ста: не кропле́нїемъ кро́ви ю҆́нчей и҆ ко́злей кропѧ̑ща и҆ ѡ҆чища̑юща сквє́рныѧ къ пло́тстѣй чистотѣ̀, но ст҃ы́мъ креще́нїемъ: не тѣ̀ло є҆ди́но ѡ҆чища̑юща, но дꙋше́внꙋю свѣ́щꙋ въ серде́чнѣмъ селѣ̀ всѣ̑мъ возсїѧ̑вша: не заколе́ннѣй же́ртвѣ проповѣ̑дника и҆лѝ слꙋжи̑телѧ бы̑вша, но безскве́рнѣй и҆ ми́рнѣй Хрⷭ҇то́вѣй сл́жбѣ слꙋзѣ̑ и҆ проповѣ̑дателѧ ꙗ҆ви́стасѧ, А҆пⷭ҇лѡмъ сꙋпр̑жника, на то́же дѣ́ло и҆збра̑нна, кре́стъ смы́сльнѡ на ра́мꙋ своє́ю воспрїи̑мша всю̀ вселе́ннꙋю ѡбыдо́ста, и҆сполнѧ̑юща ѹ҆че́нїемъ та̑ мѣста̀, въ ни́хже о҆́ни не постоѧ́ста и҆лѝ ѹ҆долже́нїемъ пꙋтѝ, и҆лѝ за ѹ҆множе́нїе и҆ны́хъ стра́нъ бли́жнихъ, въ ни́хже разшє́дшасѧ, ꙗ҆́кѡ лꙋчѝ сѡ́лнечныѧ, свѣ́томъ Бг҃ораз́мїѧ просвѣти́ста ве́сь мі́ръ.

По тѣ̑мъ же стопа́мъ и҆ сїѧ̑ ходѧ̑ща и҆ тогѡ́же Дх҃а напоє́на ѿ Бг҃а, том́же словесѝ бы́ста проповѣ̑дника и҆ нѡ́ваѧ А҆пⷭ҇тѡла, не на ч́ждемъ ѡ҆снова́нїи своѐ дѣ́ло полага̑юща, но и҆́знова писмена̀ вообра̑жша, и҆ соверши́ста въ ꙗ҆зы́къ но́въ. По́слѣжде возсїѧ̑вша, ꙗ҆́кѡ ѹ҆́треннѧѧ звѣзда̀, ѿ со́лнца свѣ́тъ прїе́млющи, свѣтлѣ́йши всѣ́хъ ꙗ҆влѧ́етсѧ, и҆ ꙗ҆́коже наѧ́тїи дѣ́лателїе въ вїногра́дъ поне́сше тѧгот̀ днѐ и҆ ва́ръ съ прише́дшими въ пе́рвый на́десѧть ча́съ ра́вныѧ сподо́блени бы́ша мзды̀ Бж҃їей бл҃года́ти: та́кѡ и҆зво́ль въ послѣ́днїй вѣ́къ том́ же дѣ́лꙋ ꙗ҆ви́ти сїѧ̑ нѡ́ваѧ проповѣ̑дника и҆ свѣти̑лника все́й вселе́ннѣй, ꙗ҆̀же по́двигомъ до́брымъ и҆ вѣ́рою крѣ́пкѡ препоѧ̑савша чре́сла своѧ̑ проидо́ста ꙗ҆́кѡ со́лнце тє́мнаѧ мѣста̀ стопа́ми свои́ми, просвѣща̑юща всѧ́кꙋ мгл̀ пога́нскꙋю и҆ є҆реті́ческꙋю дх҃о́внымъ о҆гне́мъ попалѧ̑юща, не пощадѧ̑ща дꙋшѝ своеѧ̀, ни тѣлесѐ своегѡ̀, но всегда̀ готѡ́ва с̑ща за пра́вꙋю вѣ́рꙋ сла́дцѣ и҆спи́ти Хрⷭ҇то́вꙋ ча́шꙋ.

Въ Сраци́нѣхъ же Коза́рѣхъ ꙗ҆́вльшасѧ непобѣди̑ма и҆ ꙗ҆́коже Дв҃дъ и҆ноплеме́нникꙋ и҆ногда̀ низложи́въ горды́ню, є҆го̀ потребѝ, проѻбразова́въ Трⷪ҇цꙋ тремѝ каме́нми, и҆ свои́мъ мече́мъ є҆м̀ глав̀ ѿсѣ́къ, похвал̀ прїѧ́тъ во тма́хъ ѿ сынѡ́въ І҆зраи́левыхъ: тако́же и҆ сїѧ̑ о҆ц҃а, Трїѷпоста́сномꙋ Бжⷭ҇тв̀ слꙋзѣ̑ с̑ща и҆ проповѣ̑дника, въ собо́рѣхъ Сараци́нстѣхъ и҆ Жидо́встѣхъ ѡ҆брѣ̑тшасѧ свои́ми имъ кни́гами и҆ ѧ҆зы́комъ Магоме́тѡва заблꙋждє́нїѧ и҆ Жидо́вскꙋю ѕло́бꙋ дх҃о́внымъ мече́мъ ѿсѣ̑кша, потреби́ста, ꙗ҆́кѡ пле́велъ и҆ попали́ста дх҃о́вною бл҃годатїю, а҆ Сло́во Гдⷭ҇не всѣ́ѧста, ꙗ҆́кѡ и҆ пшени́цꙋ въ срⷣчнѣмъ селѣ̀, и҆ всѧ̑ наслади̑ста медото́чными словєсы̀, Требезнача́лное же Бж҃ество̀ ꙗ҆́снѡ и҆сповѣдаста, ѹ҆каза́ста во є҆ди́нѣмъ сꙋществѣ̀ ра́венствомъ сїѧ́юща Ѻ̑ц҃а̀ и҆ Сн҃а и҆ Ст҃а́гѡ Дх҃а.

Та́кѡ ѧ҆̀ ѹ҆лови́ста, ꙗ҆́кѡ и҆ ры̑бы, слове́сною мре́жею и҆ крести́ста ѿ Коза́ръ честны̑ѧ м́жы до двою̀ ст̀ ра́звѣ же́нъ и҆ дѣте́й, трег́бꙋ похвал̀ ѿ всеѧ̑ це́ркви прїи̑мша, прендо́ста ѿт́дꙋ на за҆падныѧ страны̑ бл҃говѣств̑юща Сло́во Бж҃їе во ꙗ҆зы́цѣ но́вѣ и҆ ве́сь церко́вный зако́нъ прелѡ́жша ѿ Гре́ческагѡ, въ сво́й и҆́мъ ѧ҆зы́къ преда́ста, треѧзы́чникѡмъ же ѕло́бꙋ низлѡ́жша потреби́ста, ꙗ҆́кѡ пле́велъ ѿ пшени́цы ѿвра̑щша, ті́и чи́сто и҆ свѣтообра́зно жи́то це́ркви преда́ста. Въ за́падныхъ же страна́хъ Панно́нстѣхъ и҆ Мора́встѣхъ ꙗ҆́кѡ со́лнцы возсїѧ̑вша, мра́къ грѣхо́вный ѿгна̑вша, просвѣти́ста б́квами и҆ ѹ҆ченикѝ испо́лнь церко́вномꙋ чи́нꙋ на̑чша.

И҆ та́кѡ тече́нїе скончава̑юща, пꙋтѝ сѧ̀ ꙗ҆́ста Ри́мскагѡ а҆по́столскомꙋ престо́лꙋ поклони́тисѧ, вед̑ща⁷⁰ съ собо́ю на свѧще́нїе дх҃о́вный пло́дъ. Е҆́же слы́шавъ па́па А҆дрїа́нъ и҆зы́де проти́вꙋ и҆́ма дале́че ѿ гра́да Ри́мска и҆ та́кѡ же ѧ҆̀ прїѧ́тъ, ꙗ҆́кѡ А҆́гг҃ла Бж҃їѧ и҆ ѹ҆че́нїе є̑ю̀ прилю́бль⁷¹, поста́ви бл҃же́ннаго Меѳо́дїа и҆ ѹ̑ченикѝ єю̀ на пресвѵ́терство.

д҃. Прибли́жисѧ же вре́мѧ поко́й прїѧ́ти прест҃о́мꙋ и҆ пребл҃же́нномꙋ оц҃̀ на́шемꙋ и҆ ѹ҆чт҃лю Кѡнстанті́нꙋ Фїлосо́фꙋ. Ви́дѣвъ же ꙗ҆вле́нїе ѿ Бг҃а ѡ҆ поко́и свое́мъ, ѡ҆блече́сѧ въ чє́рны ри̑зы и҆ де́нь наре́къ поко́ѧ⁷² своегѡ̀, пребы́сть до негѡ̀ де́нь веселѧ́сѧ и҆ сла́вѧ Бг҃а, и҆ та́кѡ почѝ ѡ҆ Гдⷭ҇ѣ въ лѣ́то ҂ѕто҃з и҆ приложи́сѧ ко о҆ц҃є́мъ свои̑мъ, прⷪ҇ро́кѡмъ и҆ А҆пⷭ҇лѡмъ, мчн҃кѡмъ и҆ всѣ̑мъ ст҃ы̑мъ. И҆ положи́ша и҆̀ въ це́ркви ст҃а́гѡ Кли́мента, и҆дѣ́же нача́ша мнѡ́га и҆сцѣлє́нїѧ быва́ти ѿ чⷭ҇тна́гѡ гро́ба є҆гѡ̀: слѣпі́и а҆́бїе нача́ша просвѣща́тисѧ, нед́жнїи цѣли́тисѧ, бѣ́си и҆сходи́ти: є҆́же ви́дѣвше Ри́млѧне па́че приложи́шасѧ ко ст҃ы́ни є҆гѡ̀.

Свѧ́щше же пречⷭ҇тна́гѡ и҆ Бг҃оче́стнаго Меѳо́дїа на а҆рхїепⷭ҇кпство на сто́лъ ст҃а́гѡ А҆ндроні́ка А҆пⷭ҇ла въ Панно́нїи ѿ семи́десѧти, пꙋсти́ша и҆̀ на страны̑ Словє́нскїѧ ѹ̑чи́ти въ ѧ҆зы́къ и҆́хъ, написа́вше є҆пїсто́лїю сїю̀ ко кнѧзє́мъ страны̀ тоѧ̀ Ростисла́вꙋ и҆ Свѧтопо́лкꙋ и҆ Коце́лꙋ:

А҆дрїа́нъ, є҆пі́скопъ, ра́бъ всѣ̑мъ рабѡ́мъ Бж҃їимъ, къ Ростисла́вꙋ, Свѧтопо́лкꙋ и҆ Коце́лꙋ. Сла́ва въ вы́шнихъ Бг҃ꙋ и҆ на землѝ ми́ръ, въ человѣ́цѣхъ бл҃говоле́нїе. Ꙗ҆́кѡ ѡ҆ ва́съ слы́шавше дх҃ѡ́вныѧ ра́дѡсти, ꙗже и҆́мате на сп҃се́нїе, сле́мъ бра́та на́шего, чⷭ҇тна́го Меѳо́дїа, свѧще́на на а҆рхїепⷭ҇кптво на страны̑ ва́ша, ꙗ҆́коже є҆стѐ проси́ли ѹ҆ на́съ, да ѹ҆чи́тъ вы̀ въ ѧ҆зы́къ ва́шъ прелага́ѧ кни̑ги, да и҆сполни́тсѧ сло́во прⷪ҇ро́ческое, ꙗ҆́коже рѣ́ша: хвали́те Гдⷭ҇а всѝ ꙗ҆зы́цы, и҆ похвали́те Е҆го̀ всѝ лю́дїе. И҆: всѧ́къ ꙗ҆зыкъ и҆сповѣ́сть, ꙗ҆кѡ Гдⷭ҇ь І҆и҃съ Хрⷭ҇то́съ въ сла́вꙋ Бг҃а Ѻ̑ц҃а̀. А҆ми́нь. И҆ въ є҆ѵⷢ҇лїи речѐ Гдⷭ҇ь, посыла́ѧ своѧ̑ ѹ҆ченикѝ: ше́дше наꙋчи́те всѧ̑ ꙗ҆зы́ки, крⷭ҇тѧ́ще ѧ҆̀ во и҆́мѧ Ѻ̑ц҃а̀ и҆ Сн҃а и҆ Ст҃а́гѡ Дх҃а, ѹ҆ча́ще ѧ҆̀ блюстѝ всѧ̑ є҆ли̑ка заповѣ́дахъ ва́мъ: и҆ сѐ А҆́зъ съ ва́ми є҆́смь во всѧ̑ дни̑ до кончи́ны вѣ́ка. А҆ми́нь. Вы́ же ча̑да возлю́блєннаѧ, посл́шайте ѹ҆че́нїѧ Бж҃їѧ, є҆́же въ послѣ̑днѧѧ времена̀ пре́дано бы́сть, ва́шегѡ ра́ди сп҃се́нїѧ, да поꙋча́ющесѧ раз́мнѡ, пло́дъ досто́инъ сотворитѐ, и҆ прїи́мете вѣне́цъ нетлѣ́ненъ въ се́й вѣ́къ и҆ въ грѧд́щїй со всѣ́ми ст҃ы́ми во вѣ́ки. А҆ми́нь.

є҃. Доше́дшꙋ же є҆м̀ въ страны̑ Мора̑вскїѧ, всѝ лю́дїе съ ра́достїю и҆зыдо́ша во срѣ́тенїе є҆м̀, и҆ та́кѡ и҆̀ прїѧ́ша, ꙗ҆́кѡ А҆́гг҃ла Бж҃їѧ. И҆ ѿверзо́шасѧ о҆чеса̀ слѣпы̑мъ и҆ ѹ҆шеса̀ глꙋхи́хъ, и҆ ꙗ҆зы́цы волхв́ющїи возглаго́лаша ми́ръ, и҆́миже ѹ҆сты̑ пе́рвѣе жє́ртвы непрїѧ̑знивыѧ воздаѧ́ли бѣ́ша на кла́дезехъ, и҆ на всѣ́хъ мѣстѣ́хъ хꙋлѧ́хꙋ Бг҃а: тѣ́мже дѣ́ти и҆́хъ словє́сныѧ и҆ безсквє́рныѧ сл̑жбы воздаю́тъ Бг҃ꙋ за ве́сь мі́ръ, и҆ во всѧ́цѣмъ мѣ́стѣ и҆́мѧ Бж҃їе прославлѧ́етсѧ на ꙗ҆зы́цѣ но́вѣ, є҆м́же ꙗ҆ви́сѧ проповѣ́дникъ и҆ А҆пⷭ҇лъ но́въ, возсїѧ́въ ꙗ҆́кѡ со́лнце, мгл̀ невѣ́дѣнїѧ ѿгонѧ̀ и҆ Бг҃оразꙋмнымъ свѣ́томъ всѣ̑мъ сердца̀ просвѣтѝ, кро́тостїю и҆ сла́стїю всѧ̑ къ себѣ̀ любо́вїю привлача̀⁷³, тече́нїе своѐ сконча̀, вѣ́рꙋ соблюдѐ, цр҃кви пѣ́снми ѹ҆кра́си и҆ пѣ̑нїи дх҃о́вными, и҆ та́кѡ почѝ ѡ҆ Гдⷭ҇ѣ въ лѣ́то ѿ тва́ри⁷⁴ всегѡ̀ мі́ра ҂ѕт҃чд, и҆ приложи́сѧ ко о̑ц҃є́мъ свои̑мъ, патрїа́рхѡмъ А҆враа́мꙋ І҆саа́кꙋ, І̑а́кѡвꙋ, всѣ̑мъ себѐ ѹ҆подо́бль, всѣ́хъ о҆́бразъ на себѣ̀ поно́шь, о҆́вѣмъ ра́венъ бы́въ, овѣхъ мні́й, а҆ дрꙋзі́ихъ преспѣ́въ си́лою и҆ добродѣ́телью и҆ по́двигомъ, возсїѧ́въ ꙗ҆кѡ со́лнце лꙋча́ми при́точными и҆ наказа́нїемъ, є҆гѡ́же помышлѧ́юще медотѡ́чнаѧ словеса̀, нѣ́сть чесом̀ сла̑сти є҆гѡ̀ дх҃ѡ́вныѧ приложи́ти.

ѕ҃. Тѣ́мже кі̑ѧ ѹбо хвалы̑ возда́мъ ва́ма тр́ждшимасѧ толи́кѡ Хрⷭ҇та̀ ра́ди въ восто́чныхъ и҆ за́падныхъ и҆ сѣ́верскихъ стра́нахъ, не и҆́щꙋща вре́менныхъ и҆ тлѣ́ющихъ, но вѣ́чныхъ и҆ безконе́чныхъ, крⷭ҇тъ Гдⷭ҇нь м́жески н ра́мѣ воспрїи̑мша и҆ тѣ́мъ ѡ҆лѧдѣ́вшꙋ⁷⁵ грѣхо́мъ зе́млю, потрє́бльша, разори́ста и҆ всѣ́ѧста дх҃о́вное сѣ́мѧ, и҆ це́ркви принесо́ста чи́сто жи́то, де́нное ѹ҆че́нїе, и҆́мже сїѧ́ета, ст҃а̑ѧ, ꙗ҆́кѡ свѣти̑лѣ, во все́мъ мі́рѣ де́монскꙋю х́лꙋ и҆ всѧ́кꙋю є҆́ресь прогна̑вша. Вели̑ка ѹ҆́бо столпа̑ Хрⷭ҇то́вѣ цр҃кви бы́ста, нб҃снаѧ чл҃вѣ̑ка и҆ зємна́ѧ А҆́гг҃ла во пло́ти безпло́тное житїѐ стѧжа̑вша.

Блаже́но во и҆́стинꙋ чре́во но́шшее вы̀ и҆ сосца̑ воздои̑вша гла́съ многопло́денъ, и҆́мже напита́ста а҆́лчꙋщыѧ ꙗ҆зы́ки, и҆ жа́ждꙋщыѧ напои́ста живо́тнагѡ пи́ва, всѣ̑мъ о҆би́льнѡ непрестаю́щꙋ пи́щꙋ и҆стѡ́чша. Кто̀ ѹ҆̀бо возмо́жетъ досто́йнꙋ похвал̀ ва́ю и҆сповѣ́дати; Поднебе́снꙋю всю̀ прошє́дша стопа́ма свои́ма, ве́сь мі́ръ ѡ҆свѧти́ста. Бл҃гослове́нъ ѧ҆зы́къ ва́ю, и҆́мже насѣ́ѧста дх҃ѡ́наѧ словеса̀ во сп҃се́нїе безчи́сленꙋ ꙗ҆зы́кꙋ, Бг҃одх҃нове́нный да́ръ ѿ Бг҃а прїи̑мша, мра́къ невѣ́дѣнїѧ всю́дꙋ прогна́ста.

Собо́ю о҆́бразъ всѣ̑мъ предлага̑юща, ѿ ѹ҆стн̀ дх҃о́внꙋю сла́дость и҆сточа̑юща, пога́нствꙋ же всѧ́комꙋ разр̑шника ꙗ҆ви́стасѧ, є҆ретїкѡ́мъ сꙋпоста̑та, бѣсѡ́мъ прогони̑телѧ, свѣ́тъ ѡ҆мрачє́ннымъ, ѹ҆чт҃лѧ младе́нцємъ, и҆сточа̑юща дх҃о́внꙋю сла́дость, а҆́лчꙋщымъ неѡск́днаѧ пи́ща, жа́ждꙋщымъ непрестаѧ́й и҆сто́чникъ, наги̑мъ о҆би́лное ѡ҆дѣѧ́нїе подаю̑ща, си̑рымъ помо́щника, стра̑ннымъ прїи̑мника, волны̑мъ посѣти́тєлѧ, печа̑лнымъ ѹ҆тѣ̑шителѧ, напа̑стнымъ защи̑тника, вдо́вамъ и҆ си́ротамъ помѡ́щника, слѣпы̑мъ свѣтода́тєлѧ, вла́ющымсѧ въ мо́ри жите́йстѣмъ вели̑ка ꙗ҆́кѡрѧ, стѣна̀ и҆ покро́въ припа́дающымъ къ ва́ма, І҆ꙋде́ѡмъ сꙋпоста̑та, и҆сповѣ̑дника Ст҃ѣ́й Трⷪ҇цѣ, сверши́тєлѧ Бж҃їю смотрѣ́нїю, вели́чествꙋ Бж҃їю слꙋжи̑телѧ, и҆стѡ́чника Бж҃їю Словесѝ, недви̑жима стѡлпа̀ Хрⷭ҇то́вѣ Цр҃кви, печа́ть пра́вдѣ, щи́тъ вѣ́рѣ, шле́мъ сп҃се́нїю, кла́съ многопло́денъ, лоза̀ медото́чна, со́ти медве́нїи словеса̀ ва́ю, и҆́миже наслади́ста всю̀ вселе́ннꙋю, ꙗ҆́кѡ би́серъ многоцвѣ́ненъ и҆стѡ́чша, сокрѡ́вищи Гдⷭ҇ни, вмѣсти̑лищи Бж҃їѧ смотрѣ̑нїѧ, о҆би̑телищи Бж҃їю смотрѣ̑нїю, сос̑да Ст҃о́мꙋ Дх҃ꙋ и҆збра̑ннаѧ, пронє́сшаѧ и҆́мѧ Хрⷭ҇то́во по все́й землѝ, крⷭ҇т̀ похвал̀ на себѣ̀ понє́сша, врє́меннаѧ презрѣ̑вша, вѣ́чныхъ же наслажде́нїѧ прїи̑мша, непреста́ннѡ препⷣбнаѧ и҆ и҆́стиннаѧ па̑стырѧ, за и҆збра́нное ста́до ва́ю подви́жнѡ⁷⁶ помоли́тасѧ, стра̑сти ѿжен̑ща, бѣ́дъ и҆ напа́стей и҆збавлѧ̑юща, просвѣти́та на́мъ сердє́чныѧ о҆́чи и҆ ѹ҆́мъ ѹ҆тверди́та досто́йнѡ послѣ́довати стопа́мъ ва́ю, не́мѡщи на́шѧ на сѧ̀ взима̑юща, свы́ше си́лꙋ подади́та, да досто́йнѡ пожи́вше ѡ҆ Хрⷭ҇тѣ̀, наслѣ̑дницы трꙋд̀ ва́ю б́демъ и҆ проповѣдницы пра́выѧ вѣ́ры, ю҆́же на́мъ предала̑ є҆ста̀, да всѝ є҆диногла́снѡ просла́вимъ трист҃о́е Бж҃ество̀, Ѻц҃а̀ и҆ Сн҃а и҆ Ст҃а́гѡ Д́ха, ны́нѣ и҆ прⷭ҇нѡ и҆ во вѣ́ки вѣкѡ́въ. А҆ми́нь.

Конда́къ а҃.

И҆збра́ннїи ѿ Цр҃ѧ̀ си́лъ Гдⷭ҇а І҆и҃са во А҆пⷭ҇лы ꙗ҆зы́кѡмъ Словє́нскимъ, Меѳо́дїе и҆ Кѷрі́лле Бг҃омⷣрїи, пѣ́снми восхвалѧ́емъ ва́съ предста́телей на́шихъ: вы́ же, ꙗ҆́кѡ и҆м́щїи дерзнове́нїе ко Гдⷭ҇ꙋ, ѿ всѧ́кихъ на́съ напа́стей предста́телствомъ ва́шимъ свободи́те зов́щихъ: ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇ли и҆ Бг҃омⷣрїи ѹ҆чт҃лїе.

І҆́косъ а҃.

А҆́гг҃лѡвъ Творе́цъ и҆ Гдⷭ҇ь си́лъ пред̾ꙋста́ви ва́съ бы́ти просвѣти́тели ꙗ҆зы́кѡмъ Словє́нскимъ: тогѡ̀ ра́ди и҆ бл҃года́ть Е҆гѡ̀ бѣ съ ва́ми, ѡ҆гражд́ющи и҆ ѹ҆крѣплѧ́ющи ва́съ во всѧ̑ дни̑ живота̀ ва́шегѡ: ю҆́же помо́щницꙋ себѣ̀ и҆м́ще, сла́вꙋ Бж҃їю во градѣ́хъ и҆ пꙋсты́нехъ, дѣ́лы и҆ словесы̀ вѣща́ли є҆стѐ всѣ̑мъ. Тѣ́мже и҆ мы̀, ꙗ҆́кѡ ѿрасль ꙗ҆зы̑къ вѣ́рою Хрⷭ҇то́вою ѿ ва́съ просвѣще́нныхъ, воспѣва́емъ ва́съ глаго́люще: ра́дꙋйтесѧ, ра́дости Є҆ѵⷢ҇лскїѧ бл҃говѣсти́телїе: ра́дꙋйтесѧ, чꙋдодѣ́йственныѧ бл҃года́ти носи́телїе: Ра́дꙋйтесѧ, скѡ́рби мнѡ́ги за и҆́мѧ Гдⷭ҇не прїѧ́вшїи: ра́дꙋйтесѧ, пре́лєсти мі́ра сегѡ̀ ѿве́ргшїи. Ра́дꙋйтесѧ, и҆здѣ́тска Бг҃омъ бл҃гослове́ннїи: ра́дꙋйтесѧ, вѣнцы̑ и҆сповѣ́дническими ѿ Негѡ̀ ѹ҆краше́ннїи. Ра́дꙋйтесѧ, ꙗ҆́кѡ сла́вꙋ человѣ́ческꙋю презрѣ́вше, въ пꙋсты́ни Гдⷭ҇а и҆ска́ли є҆стѐ: ра́дꙋйтесѧ, ꙗ҆́кѡ во́лю Є҆гѡ̀ си̑лнымъ мі́ра сегѡ̀ со мно́гимъ дерзнове́нїемъ бл҃говѣсти́ли є҆стѐ. Ра́дꙋйтесѧ, си́хъ ра́ди ѿ Влⷣки всѣ́хъ въ ра́й свѣ́телъ прїѧ́тїи: ра́дꙋйтесѧ, пред̾ Ни́мъ на́ши те́плїи хода́тає. Ра́дꙋйтесѧ, ꙗ҆́кѡ ва́шими мл҃твами вѣ́рѣ на́шей ѹ҆твержде́нїе и҆́мамы: ра́дꙋйтесѧ, ꙗ҆́кѡ предста́телствомъ ва́шимъ є҆́ресей ѡ҆долѣ́нїе стѧжа́хомъ. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ̑чт҃лїе.

Конда́къ в҃.

Ви́дѣвъ ст҃ы́й Кѷрі́ллъ, є҆щѐ сы́й ѻ҆́трокъ, въ нощѝ видѣ́нїе, ꙗ҆́кѡ и҆збра́ти є҆м̀ Софі́ю дѣ́вꙋ сестр̀ себѣ̀, роди́телємъ сїѧ̑ повѣ́да. Ті́и же разꙋмѣ́вше здѣ̀ во́лю Бж҃їю во є҆́же бы́ти ча́дꙋ и҆́хъ премⷣрости слꙋжи́телю, вельмѝ ѡ҆ наꙋче́нїи и҆ наказа́нїи є̑гѡ̀ пеко́шасѧ: зрѧ́ще же ско́рое є҆гѡ̀ въ ра́зꙋмѣ преспѣ́ѧнїе, поѧ́хꙋ Бг҃ꙋ: А҆ллил́їа.

І҆́косъ в҃.

Ра́зꙋмъ недоразꙋмѣ́нный и҆ є҆стество̀ с́щихъ и҆спытꙋѧ Кѷрі́ллъ, въ прем́дрости па́че свє́рстникъ свои́хъ преспѣва́ше, и҆ є҆щѐ ѻ҆́трокъ сы́й просла́висѧ, и҆ въ пала́тѣхъ ца́рскихъ во ѻ҆́бразъ бл҃гі́й ю҆́номꙋ сы́нꙋ царе́вꙋ водворе́нъ бѣ̀. Но бога́тство и҆ сла́вꙋ земн́ю презрѣ́въ, и҆ є҆́же є҆ди́но на потре́бꙋ сп҃се́нїѧ и҆ща̀ въ пꙋсты́ню всели́сѧ, да поще́нми и҆ мл҃вами бзстра́стїѧ дости́гнетъ. Си́хъ же ра́ди и҆ Меѳо́дїй, воево́да ѹ҆жѐ сы́й, ѿи́де на гор̀ Ѻ҆лѵ́мпъ, и҆дѣже ꙗ҆́кѡ і҆́нокъ Гдⷭ҇ꙋ слꙋжа́ше. Тѣ́мже наꙋчи́мсѧ и҆ мы̀ и҆скꙋшє́нїѧ мі́ра презира́ти, наипа́че же Хрⷭ҇т̀ Бг҃ꙋ ѹ҆гожда́ти, ѹ҆го́дники Е҆гѡ̀ воспѣва́юще си́це: Ра́дꙋйтесѧ, сла́вою ꙗ҆́же ѿ челѡвѣ́къ не прелсти́вшїисѧ: ра́дꙋйтесѧ, пꙋстыножи́телствꙋ крѣ́пцѣ прилѣпи́вшїисѧ. Ра́дꙋйтесѧ, ꙗ҆́кѡ Гдⷭ҇ь просвѣща́лъ вы̀ є҆́сть въ со́нїихъ и҆ видѣ́нїихъ: ра́дꙋйтесѧ, ꙗ҆́кѡ и҆ м́дрость человѣ́ческаѧ посо́бствова ва́мъ во сп҃се́нїе. Ра́дꙋйтесѧ, ꙗ҆́кѡ Сло́во Бж҃їе и҆ ст҃ы́хъ Ѻ̑ц҃ъ писа̑нїѧ па́че фїлосо́фїи возлюби́ли є҆стѐ: ра́дꙋйтесѧ, ꙗ҆́кѡ Гдⷭ҇нѧ зако́на не слы́шателїе забы́тливи бы́сте, но творцы̀. Ра́дꙋйтесѧ, ꙗ҆́кѡ кѡ́зни дїа́вѡлскїѧ на пꙋстыножи́тели находѧ́щыѧ побѣди́ли є҆стѐ: ра́дꙋйтесѧ, ꙗ҆́кѡ си́хъ ра́ди даде́сѧ ва́мъ вла́сть над̾ и҆скꙋше́нми и҆ страстмѝ. Ра́дꙋйтесѧ, ꙗ҆́кѡ по́двизи ва́ши стѧжа́ша ва́мъ вѣне́цъ живота̀: ра́дꙋйтесѧ, ꙗ҆́кѡ и҆ ин҃ѣ подви́жникѡмъ и҆ по́стникѡмъ посѡ́бницы є҆стѐ. Ра́дꙋйтесѧ, всѣ̑мъ грѣ̑шнымъ пред̾ Бг҃омъ бл҃зїи заст̑пницы: ра́дꙋйтесѧ, д́шъ на́шихъ ѿ ле́сти сатани́нскїѧ защи̑тницы. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ҆чт҃лїе.

Конда́къ г҃.

Си́ла моле́нїй царе́выхъ пон́ди ст҃а́го Кѷрі́лла пꙋсты́ню ѡ҆ста́вити, слꙋже́нїѧ ра́ди па́стырска въ Царегра́дѣ, и҆дѣ́же сла́вꙋ Бж҃їю ѹ҆че́нми и҆ дѣ́лы вѣща́ше, и҆ є҆́ресь і҆кѡнобо́рнꙋю посрамлѧ́ше. Тѣ́мже и҆ на́съ, ѽ ст҃ы́й Ѻ҆́ч҃е, въ правосла́вїи ѹ҆твердѝ, ѿпа́дшыѧ же ѿ и҆́стинныѧ вѣ́ры є҆диноплеме́нники на́шѧ къ є҆диновѣ́рїю возвратѝ, да всѝ Слове́не є҆ди́нѣми ѹ̑сты̑ вопїютъ ѡ̑ просвѣти́телехъ свои́хъ Хрⷭ҇т̀ Бг҃ꙋ: А҆ллил́їа.

І҆́косъ г҃.

И҆мѣ́ѧ премⷣрости си́лꙋ, поте́клъ є҆сѝ, ст҃ы́й Кѷрі́лле съ мона́хомъ Геѡ́ргїемъ ко А҆га́рѧнѡмъ, стѧза́нїѧ ра́ди ѡ҆ вѣ́рѣ, и҆ ѿ ст҃а́гѡ Григо́рїа Бг҃осло́ва дх҃о́внѡ просвѣща́емь, премⷣрость та́йны Ст҃ы́ѧ Трⷪ҇цы во мно́зѣхъ подо́бїихъ показа́лъ є҆сѝ, посрамлѧ́ѧ нечести́выхъ си́лою слове́съ твои́хъ. Ті́и же за́вистїю распалѧ́еми, восхотѣ́ша ѕе́лїемъ пог́бити тѧ̀, є҆гѡ́же вк́шь не претерпѣ́лъ є҆сѝ вреда̀, но здра́въ прибы́лъ є҆сѝ ко ст҃о́мꙋ Меѳо́дїю во ѻ҆би́тель и҆ съ ни́мъ к́пнѡ и҆́нѡческїѧ трꙋды̀ па́ки под̾ѧ́лъ є҆сѝ: и҆ просвѣти́сѧ пꙋсты́нѧ подвигѡвъ ва́шихъ свѣ́томъ. Тѣ́мже и҆ на́съ предста́телствомъ ва́шимъ просвѣти́те любо́вїю пою́щихъ: Ра́дꙋйтесѧ, доброгла́снїи сла́вы Бж҃їѧ кѷмва́ли: ра́дꙋйтесѧ, Цр҃кве Є҆гѡ̀ тве́рдїи столпѝ. Ра́дꙋйтесѧ, та́йнꙋ Трⷪ҇цы въ подо́бїихъ проповѣ́давшїи: ра́дꙋйтесѧ, вопл҃ще́нїе Бг҃а Сло́ва пред̾ Срацы̑ны нетре́петнѡ и҆сповѣдавшїи. Ра́дꙋйтесѧ, Є҆́ллинѡвъ и҆ І҆ꙋде́євъ и҆ ва́рварѡвъ просвѣти́телїе: ра́дꙋйтесѧ, Трїеди́нагѡ Бжⷭ҇тва̀ бл҃говѣсти́телїе. Ра́дꙋйтесѧ, ꙗ҆́кѡ ва́ми посрами́сѧ ле́сть і҆кѡнобо́рнаѧ: ра́дꙋйтесѧ, ꙗ҆́кѡ ѿ ва́съ ѹ҆вѧда́етъ нече́стїе А҆га́рѧнское. Ра́дꙋйтесѧ, ꙗ҆́кѡ и҆́стинꙋ Хрⷭ҇то́вꙋ невѣ́дꙋщїи и҆́мꙋтъ вы̀ ѹ҆чт҃ли: ра́дꙋйтесѧ, ꙗ҆́кѡ и҆скꙋша́емїи сомнѣ́нїемъ ѡ҆брѣта́ютъ вы̀ въ вѣ́рѣ настави́тели. Ра́дꙋйтесѧ, ꙗ҆́кѡ прогнѣ́вавшїи Гдⷭ҇а и҆́мꙋтъ ва́съ пред̾ Ни́мъ предста́тели: ра́дꙋйтесѧ, ꙗ҆́кѡ ѹ҆гожда́ющїи Є̑̀мꙋ и҆мѣ́ютъ вы̀ покрови́тели. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ̑чт҃лїе.

Конда́къ д҃.

Б́рю разли́чныхъ бѣ́дъ и҆ ѕѡ́лъ на ꙗ҆зы́ки Словє́нскїѧ находѧ́щꙋю предста́телствомъ ва́шимъ разори́те, прпⷣбнїи, ꙗ҆́кѡ слꙋже́нїй мно́гихъ жре́бїй прїѧ́ли є̑стѐ, и̑ во А̑пⷭ҇лстѣмъ бо ли́цѣ, и҆ въ препⷣбныхъ со́нмѣ, и҆ во ѹ҆чт҃лей че́сти, и҆ во и҆сповѣ́дникѡвъ во́инствѣ вчинѝ ва́съ Гдⷭ҇ь, да всѝ Слове́не вопїю́тъ Є҆м̀ ѡ҆ ва́съ: А҆ллил́їа.

І҆́косъ д҃.

Слы́ша ца́рь Коза́рескъ, ꙗ҆́кѡ и҆́стиннаѧ вѣ́ра въ странѣ̀ Є҆́ллинѡвъ и҆сповѣ́дꙋетсѧ, и҆спросѝ себѣ̀ ѿ царѧ̀ Вѷзанті́йска ѹ҆чи́телей правосла́вїѧ. Се́й же ѹ҆молѝ ст҃ы́хъ Кѷрі́лла и҆ Меѳо́дїа ѡ҆ста́вити пꙋсты́ню и҆ плы́ти по́нтомъ Є҆ѵѯі́нскимъ къ Коза́рѡмъ. Къ ни̑мже прише́дше ст҃а̑ѧ бра́тїѧ, ѡ҆брати́ша сердца̀ и҆́хъ ко Хрⷭ҇т̀ и҆ сп҃си́телное кр҃ще́нїе препода́ша имъ. Съ тѣ́миже и҆ мы̀ просла́вимъ равноапⷭ҇толныхъ бра́тїй, глаго́люще: Ра́дꙋйтесѧ, неꙋбоѧ́вшїисѧ сни́ти ко ва́рварѡмъ со є҆ѵⷢ҇лскимъ бл҃говѣстїемъ: ра́дꙋйтесѧ, ѡ҆зари́вшїи мо́ре сла́внымъ свои́мъ та́мѡ ше́ствїемъ. Ра́дꙋйтесѧ, ꙗ҆́кѡ ст҃а́гѡ А҆пⷭ҇ла Кли́мента нетлѣ̑нныѧ мѡ́щи ѿ ва́съ ѡ҆брѣ́тены бы́ша: ра́дꙋйтесѧ, ꙗ҆́кѡ тогѡ̀ по́мощїю нече́стїе Коза́рско ѿ ва́съ посрами́сѧ. Ра́дꙋйтесѧ, ꙗ҆́кѡ свѣ́тъ Хрⷭ҇то́въ странѣ̀ пол́нощнѣй препода́ли є҆стѐ: ра́дꙋйтесѧ, ꙗ҆́кѡ првⷣности ва́шеѧ сла́ва во всѧ̑ концы̀ землѝ распростре́сѧ. Ра́дꙋйтесѧ, Цр҃кве Хрⷭ҇то́вы предста́телство и҆ ѹ҆твержде́нїе: ра́дꙋйтесѧ, ѿ є҆́ресей и҆ раско́лѡвъ на́ше крѣ́пкое ѡ҆гражде́нїе. Ра́дꙋйтесѧ, ѿ А҆га́рѧнъ и҆ І҆ꙋдє́й прїѧ́вшїи за Хрⷭ҇та̀ ѹ҆коре́нїе: ра́дꙋйтесѧ, ѿ моще́й мч҃нка сниска́вшїи бл҃гослове́нїе. Ра́дꙋйтесѧ, почита́нїю ѹ҆го́дникѡвъ бл҃ги́мъ ѻ҆́бразомъ житїѧ̀ ва́шегѡ на́съ наꙋчи́вшїи: ра́дꙋйтесѧ, и҆ са́ми, ꙗ҆́кѡ ѹ҆гѡ́дницы Бж҃їи ѿ всѣ́хъ правосла́вныхъ и҆сповѣ́дꙋемїи. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ҆чт҃лїе.

Конда́къ є҃.

Бг҃оте́чна ѕвѣзда̀ ꙗ҆ви́сѧ ва́мъ ст҃а́гѡ Кли́мента нетлѣ́нное тѣ́ло восплы́въ на волна́хъ по́нта Є҆ѵѯі́нскагѡ, на є̑гѡ́же днѣ̀ ѿ седми́сотъ лѣ́тъ сокры́то лежа́ше. Ва́мъ же ꙗ҆ви́лъ є҆̀ є҆́сть творѧ́й чꙋдеса̀ Гдⷭ҇ь въ зна́менїе трꙋдѡ́въ а҆пⷭ҇толскихъ и҆ ско́рбей и҆сповѣ́дническихъ ва́шихъ. Є҆́же разꙋмѣ́вше, возопи́сте Бг҃ꙋ: А҆ллил́їа.

І҆́косъ є҃.

Ви́дѣвше ст҃а̑ѧ бра́тїѧ соплемє́нныѧ и҆̀мъ Слове́ны, и҆́стиннꙋю вѣ́рꙋ и҆сповѣ́дꙋющѧ, Сло́во же Бж҃їе свои́мъ имъ ѧ҆зы́комъ честѝ не вѣ́дꙋщѧ, потща́шасѧ Бжⷭ҇твєнныѧ кни̑ги на ѧ҆зы́къ Слове́нескъ прелага́ти, да всѝ лю́дїе на сро́днѣмъ имъ ѧ҆зы́цѣ Е҆ди́ного всѣ́хъ Гдⷭ҇а просла́влѧтъ: тѣ́мже и҆ мы̀ просла́вимъ Гдⷭ҇а ѡ҆ ст҃и́телехъ на́шихъ, и҆́мже возопїи́мъ: Ра́дꙋйтесѧ, пода́телїе Хрⷭ҇то́ва свѣ́та наро́дѡмъ и҆ноплемє́ннымъ: ра́дꙋйтесѧ, просвѣти́телїе Слове́нъ ва́мъ соплеме́нныхъ. Ра́дꙋйтесѧ, дѣ́лателїе вїногра́да Хрⷭ҇то́ва: ра́дꙋйтесѧ, па́стырїе до́брїи ста́да І҆и҃сова. Ра́дꙋйтесѧ, Сло́ва Бж҃їѧ вѣ́рнїи толко́вницы: ра́дꙋйтесѧ, на́ши блазі́и и҆ кро́тцїи ѹ҆чт҃лїе. Ра́дꙋйтесѧ, ми́ръ Хрⷭ҇то́въ съ собо́ю всю́дꙋ проне́сшїи: ра́дꙋйтесѧ, мі́ръ ве́съ свѣ́томъ ѹ҆че́нїй ва́шихъ просвѣти́вшїи. Ра́дꙋйтесѧ, и҆ нн҃ѣ прїе́млющїи молє́нїѧ на́съ грѣ́шныхъ: ра́дꙋйтесѧ, и҆ нн҃ѣ посыла́ющїи ѹ҆тѣше́нїе печа̑лнымъ. Ра́дꙋйтесѧ, всѣ́хъ за и҆́стинꙋ ѹ҆гнете́нныхъ прибѣ́жище: ра́дꙋйтесѧ, Дх҃а Ст҃а́гѡ пречтⷭ҇но́е жили́ще. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ̑чт҃лїе.

Конда́къ ѕ҃.

Проповѣ̑дницы Бг҃оно́снїи бы́вше ст҃а̑ѧ бра́тїѧ, во страны̑ Словє́нскїѧ и҆до́ша, просвѣти́ти новокр҃щє́нныѧ лю́ди Хрⷭ҇то́вымъ ѹ҆че́нїемъ. Ті́и же ѹ҆зрѣвше ва́съ, ꙗ҆́кѡ А҆́гг҃лѡвъ свѣ́тлыхъ сп҃се́нїе бл҃говѣсти́ти грѧд́щихъ, ꙗ҆́кѡ па́стырей до́брыхъ д́шꙋ свою̀ за ѻ҆́вцы полага́ющихъ, возопи́ша прославлѧ́ющемꙋ ст҃ы̑ѧ своѧ̑ Бг҃ꙋ: А҆ллил́їа.

І҆́косъ ѕ҃.

Возсїѧ́вши въ Мора́вїи зарѝ и҆́стинныѧ вѣ́ры, и҆спроси́ша кнѧ́зи Слове́нстїи ѿ царѧ̀ Вѷзанті́йскагѡ во страны̑ своѧ̑ ѹ҆чи́тели и҆ ѹ҆тверди́тели лю́демъ. Си́хъ же молє́нїѧ ѹ҆слы́шавше, ст҃і́и Меѳо́дїй и҆ Кѷрі́ллъ во страны̑ Словє́нскїѧ подвиго́шасѧ проповѣ́дающе є҆ѵⷢ҇лїе Црⷭ҇твїѧ Бж҃їѧ Слове́нскимъ ѧ҆зы́комъ. Е҆́же ѹ҆вѣ́дѣвше, возра́довашасѧ Слове́не и҆ ѿвсю́дꙋ ко ст҃ы̑мъ бра́тїѧмъ притека́юще, зако́нꙋ Бж҃їю поꙋча́хꙋсѧ, Гдⷭ҇а сла́вѧще и҆ просвѣти́тели своѧ̑ хва́лѧще, съ ни́миже и҆ мы̀, вк́пѣ воспои́мъ Меѳо́дїа и҆ Кѷрі́лла, взыва́юще: Ра́дꙋйтесѧ, А҆пⷭ҇толи на́ши Бг҃оглаго́ливїи: ра́дꙋйтесѧ, ѹ҆чт҃лїе на́ши бл҃года́тнїи. Ра́дꙋйтесѧ, и҆сповѣ̑дницы на́ши, мно́гое дерзнове́нїе и҆м́щїи: ра́дꙋйтесѧ, пꙋсты̑нницы на́ши прпⷣбнїи. Ра́дꙋйтесѧ, мл҃твєнницы на́ши те́плїи: ра́дꙋйтесѧ, чꙋдотво́рцы на́ши свѣ́тлїи. Ра́дꙋйтесѧ, сла́вити Бг҃а всѣ́ми ѧ҆зы̑ки завѣща́вшїи: ра́дꙋйтесѧ, треѧзы́чнꙋю є҆́ресь до́бльственнѡ ѡ҆бличи́вшїи. Ра́дꙋйтесѧ, Слове́нѡмъ въ го́дъ ско́рби ѹ҆тѣше́нїе: ра́дꙋйтесѧ, во ѡ҆бстоѧ́нїихъ тѧ́жкихъ наде́ждо и҆́хъ и҆ застꙋпле́нїе. Ра́дꙋйтесѧ, приносѧ́щїи ко Влⷣцѣ всѣ́хъ на́шѧ покаѧ̑нныѧ моли̑твы: ра́дꙋйтесѧ, и҆ са́ми ѡ҆ на́съ къ Нем̀ вы́нꙋ молѧ́щїисѧ. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ̑чт҃лїе.

Конда́къ з҃.

Хотѧ́ще и҆згна́ти вы̀ и̑з̾ стра́нъ Слове́нскихъ свѧще́нницы Латі́нстїи ѡ҆клевета́ша вы̀ пред̾ є҆пі́скопомъ Ри́мскимъ. Е҆гда́ же се́й съ мощмѝ ст҃а́гѡ Кли́мента прише́дшихъ ва́съ ѹ҆зрѣ̀ и҆ правовѣрїе ва́ше и҆ до́брое житїѐ ѹ҆вѣ́дѣ, а҆́бїе посрамѝ клевета́вшыѧ на вы̀ корыстолю́бцы, ва́съ же и҆́менемъ Хрⷭ҇то́вымъ блгословѝ, поѧ̀ Бг҃ꙋ: А҆ллил́їа.

І҆́косъ з҃.

Ди̑вни А҆пⷭ҇толи ꙗ҆ви́шасѧ, ст҃а̑ѧ бра́тїѧ, не и҆м́ще поко́ѧ въ трꙋдѣ́хъ свои́хъ: ст҃ы́й бо Кѷрі́ллъ ѿ по́двигѡвъ мно́гихъ и҆знемо́гъ, ско́рѡ по прише́ствїи въ Ри́мъ живо́тъ сво́й сконча̀. Ст҃ы́й же Меѳо́дїй ре́вностїю бра́та своегѡ̀ ѹ҆крѣпле́нъ и҆ ѿ па́пы А҆дрїа́на бл҃года́тїю а҆рхїере́йскою почте́нъ, къ по́двигѡмъ нѡ́вымъ, въ Мора́вїю и҆ Панио́нїю возврати́сѧ, и҆дѣ́же трꙋды̀ мно́жайшыѧ понесѐ, имже дивѧ́щесѧ, воспои́мъ ст҃̑ю бра́тїю, зов́ще: Ра́дꙋйтесѧ, до́брїи сл́зи Хрⷭ҇тѡ́вы: ра́дꙋйтесѧ, ꙗ҆́кѡ да́же до сме́рти вѣ́рни и҆́стинѣ пребы́ли є҆стѐ. Ра́дꙋйтесѧ, Гдⷭ҇еви, а҆ не человѣ́кѡмъ ѹ҆гожда́вшїи: ра́дꙋйтесѧ, и҆́мене Е҆гѡ̀ ра́ди поношє́нїѧ ѿ человѣ҆къ прїѧ́вшїи. Ра́дꙋйтесѧ, чрез̾ всѐ житїѐ на ни́вѣ Гдⷭ҇ней потрꙋди́вшїисѧ: ра́дꙋйтесѧ, и҆ по сме́рти ѿ па́ствы своеѧ̀ любо́вїю не ѿлꙋчи́вшїисѧ. Ра́дꙋйтесѧ, свѣ́тъ мі́рꙋ и҆ со́ль землѝ бы́вшїи: ра́дꙋйтесѧ, ꙗ҆́кѡ свѣти́лникъ горѧ́й во тмѣ̀ ꙗ҆зы́кѡмъ свѣти́вшїи. Ра́дꙋйтесѧ, ꙗ҆́кѡ гра́дъ верх̀ горы̀ ѿ вѣ́рныхъ и҆ невѣ́рныхъ не ѹ҆таи́выйсѧ: ра́дꙋйтесѧ, за́пѡвѣди Гдⷭ҇ни сотво́ршїи и҆ и҆́ныхъ наꙋчи́вшїи. Ра́дꙋйтесѧ, сегѡ̀ ра́ди вє́лїи во Црⷭ҇твїи Бж҃їемъ нарече́ннїи: ра́дꙋйтесѧ, на землѝ въ Цр҃кви Гдⷭ҇ней просла́вленнїи. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ҆чт҃лїе.

Конда́къ и҃.

Стра́нно преставле́нїе ст҃а́гѡ Кѷрі́лла всѣ̑мъ ꙗ҆ви́сѧ: не ѡ҆ жи́зни бо време́ннѣй помы́шлѧше, но Гдⷭ҇а ѡ҆ новопросвѣще́нныхъ и҆́мъ цр҃квахъ молѧ́ше, да ѹ҆тверди́тъ ѧ҆̀ въ правосла́вїи и҆ ѿ треѧзы́чныѧ є҆́реси и҆ про́чихъ напа́стей и҆ бѣ́дъ да ѡ҆гради́тъ ѧ҆̀, ст҃а́го же Меѳо́дїа ѹ҆вѣщава́ше глаго́лѧ: сѐ, бра́те, сꙋпр̑га волѡ́въ бѧ́ховѣ, є҆ди́нꙋ бразд̀ тѧ̑жꙋща, и҆ а҆́зъ на лесѣ̀ па́даю, тече́нїе сконча́въ: ты́ же лю́биши ст҃́ю го́рꙋ вельмѝ, не мозѝ ѹ҆́бѡ горы̀ ра́ди ѡ҆ста́вити ѹ҆че́нїѧ ꙗ҆зы́кѡвъ Слове́нскихъ. Тѣ́мже, толи́цѣй ре́вности ст҃ы́хъ бра́тїй дивѧ́щесѧ, воспо́имъ Бг҃ꙋ: А҆ллил́їа.

І҆́косъ и҃.

Ве́сь пре́данъ бы́въ дꙋше́ю же и҆ тѣ́ломъ завѣ́тꙋ бра́та своегѡ̀, ст҃ы́й Меѳо́дїй не ѹ҆боѧ́сѧ преще́нїй кнѧ́жескихъ, ни клеве́тъ ѿ і҆ере́євъ Латі́нскихъ, ни заточе́нїѧ темни́чна, но всѧ̑ сїѧ̑ ꙗ҆́кѡ до́блїй во́инъ Хрⷭ҇то́въ претерпѣва́ѧ, не преста̀ ꙗ҆зы́ки Словє́нскїѧ и҆ па́ствꙋ свою̀ до́брѣ пра́вити и҆ просвѣща́ти до́ндеже въ ста́рости ѡ҆почѝ и҆ къ ст҃о́мꙋ Кѷрі́ллꙋ во бл҃же́ннꙋю ѻ҆би́тель ра́йскꙋю преста́висѧ. Къ ни̑мже мы̀ воспои́мъ те́плѣ: Ра́дꙋйтесѧ, вѣнце́мъ терпѣ́нїѧ на землѝ вѣнча́ннїи: ра́дꙋйтесѧ, свѣ́томъ вѣ́чнымъ на нб҃сѝ ѡ҆сїѧ́ннїи. Ра́дꙋйтесѧ, подви̑жницы ни́щїи дх҃омъ, ꙗ҆́кѡ ва́ше є҆́сть Црⷭ҇твїе Нбⷭ҇ное: ра́дꙋйтесѧ, пла́кавшїи мно́гѡ, ꙗ҆́кѡ ѻ҆би́лнѡ ѹ҆тѣ́шистесѧ. Ра́дꙋйтесѧ, кро́тцїи, ꙗ҆́кѡ наслѣ́дисте во Хрⷭ҇тѣ̀ зе́мли Словє́нскїѧ: ра́дꙋйтесѧ, а҆́лкавшїи и҆ жа́ждавшїи пра́вды, ꙗ҆́кѡ насы́тистесѧ въ селе́нїихъ нбⷭ҇ныхъ. Ра́дꙋйтесѧ, млⷭ҇тивїи, ꙗ҆́кѡ не са́ми то́кмѡ поми́ловани є҆стѐ, но и҆ и҆́нымъ млⷭ҇ти ѿ Бг҃а хода́таи бы́сте: ра́дꙋйтесѧ, чⷭ҇тїи срⷣцемъ, ꙗ҆́кѡ дне́сь Бг҃а лице́мъ къ лиц̀ зритѐ. Ра́дꙋйтесѧ, миротво́рци человѣ́кѡмъ бы́вшїи, ꙗ҆́кѡ сы́нове Бж҃їи нареко́стесѧ: ра́дꙋйтесѧ, и҆згна́ннїи пра́вды ра́ди, ꙗ҆́кѡ ва́ше є҆́сть Црⷭ҇твїе Бж҃їе. Ра́дꙋйтесѧ, ꙗ҆́кѡ возненави́дѣни бѣ́сте ѿ челѡвѣ́къ и҆ гоне́нїе и҆ клеветы прїѧ́ли бѣ́сте Хрⷭ҇та̀ ра́ди: ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нбⷭ҇сѣ́хъ. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ҆чт҃лїе.

Конда́къ ѳ҃.

Всѧ̑кїѧ кѡ́зни на страны̑ Словє́нскїѧ находѧ́щыѧ, бо́дрѡ разорѧ́ли є҆стѐ, прпⷣбнїи: тѣ́мже и҆ ин҃ѣ не ѡ҆ста́вите на́съ смире́нныхъ и҆ грѣ́шныхъ, но всѧ̑ Слове́ны въ правосла́вїи и҆ є҆диномы́слїи ѹ҆тверди́те, да всѝ є҆ди́ными ѹ҆сты̑ и҆ є҆ди́нѣмъ се́рдцемъ вопїю́тъ просла́вившемꙋ ва́съ Бг҃ꙋ: А҆ллил́їа.

І҆́косъ ѳ҃.

Вѣті̑ѧ многовѣща̑нныѧ, ꙗ҆́кѡ ры̑бы безгла̑сны зри́мъ ѡ҆ ва́съ прпⷣбнїи: недоꙋмѣ́ютъ бо ка́кѡ и҆ въ пꙋсты́ни дх҃омъ вита́ли є҆стѐ, и҆ посредѣ̀ человѣ̑къ неꙋсы́пными пѡ́двиги подвиза́стесѧ. Мы́ же ра́дꙋющесѧ, ꙗ҆́кѡ таковы̀ и҆́мамы ѹ҆чт҃ли и҆ мл҃твенники, прославлѧ́емъ ва́съ глаго́люще: Ра́дꙋйтесѧ, и҆́стинныѧ вѣ́ры и҆сповѣ̑дницы: ра́дꙋйтесѧ, Црⷭ҇твїѧ Бж҃їѧ наслѣ́дницы. Ра́дꙋйтесѧ, є҆́реси і҆кѡнобо́рныѧ ѡ҆бличи́телїе: ра́дꙋйтесѧ, І҆ꙋде́йства посрами́телїе. Ра́дꙋйтесѧ, треѧзы́чнꙋю є҆́ресь попра́вшїи: ра́дꙋйтесѧ, Слове́нѡмъ двє́ри Црⷭ҇твїѧ Нбⷭ҇нагѡ ѿве́рзшїи. Ра́дꙋйтесѧ, во́ини Хрⷭ҇тѡ́вы є҆щѐ въ житїѝ ѿ Негѡ̀ сла́вою вѣнча́нїи: ра́дꙋйтесѧ, и҆ въ сла́вѣ свое́й дх҃ъ смиренномⷣрїѧ соблю́дшїи. Ра́дꙋйтесѧ, ѕла̑ѧ ꙗ҆́кѡ И҆са́їа и҆ І҆еремі́а ѿ є҆диноплемє́нникъ за блага̑ѧ прїѧ́вшїи: ра́дꙋйтесѧ, ꙗ҆кѡ Данїи́лъ и҆ Є҆сѳі́рь за ꙗ҆зы́къ сво́й хода́тайствовавшїи. Ра́дꙋйтесѧ, со всѣ́ми ст҃ы́ми немерца́ющимъ свѣ́томъ ѡ҆сїѧва́емїи: ра́дꙋйтесѧ, со всѣ́ми ѹ҆гѡ́дники Бж҃їи ѡ҆ на́съ грѣ́шныхъ Гдⷭ҇ꙋ молѧ́щїисѧ. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ҆чт҃лїе.

Конда́къ і҃.

Спастѝ хотѧ̀ но́вое ста́до Хрⷭ҇то́во ѿ волкѡ́въ мы́сленныхъ, ст҃ы́й Меѳо́дїй на ѻ҆дрѣ̀ сме́ртнѣмъ ѹ҆ченикѝ своѧ̑ вельмѝ молѧ́ше тве́рдѡ стоѧ́ти во и҆́стиннѣй вѣ́рѣ, нижѐ ко́зней вра́жескихъ ѹ҆страша́тисѧ, но и҆ въ скорбе́хъ и҆ напа́стехъ за всѧ̑ бл҃годари́ти Бг҃а, пою́ще: А҆ллил́їа.

І҆́косъ і҃.

Стѣна̀ є҆стѐ всѣ̑мъ ѡ҆ правосла́вїи трꙋдѧ́щымсѧ, и҆ застꙋпле́нїе къ ва́мъ съ вѣ́рою притека́ющымъ, Меѳо́дїе и҆ Кѷрі́лле Бг҃омⷣрїи, и҆́бо нб҃сѐ и҆ землѝ Творе́цъ и҆збра̀ ва́съ бы́ти на землѝ ловцы̀ человѣ́кѡмъ, послѣди́ же на нбⷭ҇ѣхъ къ ли́кꙋ А҆пⷭ҇тѡлъ сопричтѐ. Тѣ́мже и҆ на́мъ ѹ҆моли́те бл҃года́ти Е҆гѡ̀ да́рѡмъ пода́тисѧ, ѹ҆миле́ннѡ вопїю́щымъ такова̑ѧ: Ра́дꙋйтесѧ, добродѣ́телми ꙗ҆́кѡ вѵ́ссономъ ѹ҆кра́шеннїи: ра́дꙋйтесѧ, въ прмⷣрости съ Соломѡ́номъ сра́вншїисѧ. Ра́дꙋйтесѧ, воздержа́нїемъ и҆ мл҃твою вели̑кимъ А҆нтѡ́нїю и҆ Пахѡ́мїю ѹ҆подо́блшїисѧ: ра́дꙋйтесѧ, ꙗ҆́кѡ вели́кїй Васі́лїй и҆ І҆ѡа́ннъ Злато́стый, си́лою сло́ва ѡ҆даре́ннїи. Ра́дꙋйтесѧ, ꙗ҆́кѡ цѣломⷣрїемъ, І҆ѡ́сифꙋ подо́бни бы́сте: ра́дꙋйтесѧ, терпѣ́нїю І҆́ѡвлевꙋ подража́вшїи. Ра́дꙋйтесѧ, неѕло́бїемъ цр҃ю̀ и҆ прⷪ҇рокꙋ Дв҃дꙋ соревнова́вшїи: ра́дꙋйтесѧ, ре́вностїю по вѣ́рѣ И҆лїѝ ѹ҆подо́бившїисѧ. Ра́дꙋйтесѧ, ꙗ҆́кѡ подо́бнѡ Па́ѵлꙋ и҆ І҆ѡа́ннꙋ Бг҃осло́вꙋ Хрⷭ҇та̀ Бг҃а возлюби́ли є҆стѐ: ра́дꙋйтесѧ, ꙗ҆́кѡ Данїи́лъ и҆ трїѐ ѻ҆́троцы м́жественнѡ Бг҃а просла́вившїи. Ра́дꙋйтесѧ, ꙗ҆́кѡ А҆́гг҃лѡмъ и҆ ст҃ымъ Бж҃їимъ сожи́телствꙋете: ра́дꙋйтесѧ, ꙗ҆́кѡ и҆ мы̀ грѣ́шнїи и҆́мѧ ва́ше съ вѣ́рою призыва́емъ. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ҆чт҃лїе.

Конда́къ а҃і.

Пѣ́нїе бл҃года́рное приносѧ́ще ко Гдⷭ҇ꙋ, предста́тели на́мъ грѣ̑шнымъ ва́съ дарова́вшемꙋ, со ѹ҆миле́ниїмъ мо́лимъ вы̀, ст҃і́и ѹ҆чт҃лїе на́ши не возгнꙋша́тисѧ на́съ, лѣ́ности ра́ди на́шеѧ, нижѐ ѿстꙋпи́ти ѿ на́съ тѧ́жкихъ ра́ди безза́конїй на́шихъ, но млⷭ҇рдїе ѿ Гдⷭ҇а всѣ̑мъ и҆спроси́ти вопїю́щымъ Е҆м̀ ѡ҆ ва́съ: А҆ллил́їа.

І҆́косъ а҃і.

Свѣтоза́рнꙋю А҆пⷭ҇тѡлъ Слове́нскихъ дво́ицꙋ восхвалѧ́юще вѣ́рнїи, ѹ҆страни́мсѧ свои́хъ на́мъ ра́спрей и҆ раздо́рѡвъ, па́че же раздѣле́нїй въ вѣ́рѣ, є҆дине́нїе же дх҃а въ сою́зѣ ми́ра блюд́ще, воспои́мъ ст҃ы́хъ ѹ҆чт҃лей на́шихъ, та́кѡ: Ра́дꙋйтесѧ, громогла̑сныѧ трꙋбы̑ Е҆ѵⷢ҇лскагѡ бл҃говѣ́стїѧ: ра́дꙋйтесѧ, г̑сли сладкозв̑чныѧ про́повѣди сп҃се́нїѧ. Ра́дꙋйтесѧ, крѣ́пцїи пра́вды рачи́телїе: ра́дꙋйтесѧ, непоколеби́мїи непра́вды и҆стреби́телїе. Ра́дꙋйтесѧ, ра́дости пода́телїе всѣ̑мъ бы́вшїи: ра́дꙋйтесѧ, ско́рбей нападє́нїѧ ѿвсю́дꙋ воспрїѧ́вшїи. Ра́дꙋйтесѧ, мзды̀ и҆ воздаѧ́нїй тр́дѡмъ свои̑мъ ѿ человѣ̑къ не и҆ска́вшїи: ра́дꙋйтесѧ, ѡ҆ неблагода́рныхъ лю́дехъ Бг҃ꙋ моли́вшїисѧ. Ра́дꙋйтесѧ, А҆́гг҃лъ Бж҃їихъ и҆ ст҃ы́хъ Е҆гѡ̀ пѡ́двиги и҆ добродѣ́телми свои́ми ра́довавшїи: ра́дꙋйтесѧ, ра́дости вѣ́чныѧ к́пнѡ съ ни́ми во ѻ҆би́телехъ бл҃же́нныхъ наслажде́ннїи. Ра́дꙋйтесѧ, ѕвѣ́зды свѣ́томъ и҆́стины сїѧ́ющыѧ: ра́дꙋйтесѧ, са́ми добродѣ́телей ва́шихъ свѣ́томъ ѡ҆сїѧ́ннїи. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ҆чт҃лїе.

Конда́къ в҃і.

Бл҃года́ть є҆дине́нїѧ и҆ ми́ра и҆спроси́те на́мъ прпⷣбнїи, иже ми́ръ во все́мъ мі́рѣ до конца̀ мїрска́гѡ житїѧ̀ ва́шегѡ бл҃говѣсти́вшїи, ꙗ҆́кѡ да и҆ мы̀ ѿ всѣ́хъ раско́лѡвъ и҆ и҆скꙋше́нїй свобо́дшесѧ въ ми́рѣ воспои́мъ, ꙗ҆́кѡ др́ги ва́съ возлюби́вшемꙋ, Е҆ди́номꙋ Миротво́рцꙋ всѣ́хъ Гдⷭ҇ꙋ: А҆ллил́їа.

І҆́косъ в҃і.

Пою́ще ва́ше ди́вное житїѐ на землѝ и҆ сла́вꙋ ꙗ҆́же на нб҃сѝ помышлѧ́юще, смире́ннѡ мо́лимъ ва́съ, ст҃і́и ѹ҆чт҃лїе, си́лꙋ свы́ше правосла̑внымъ Хрⷭ҇тїа́нѡмъ на врагѝ неви̑димыѧ и҆ ви̑димыѧ дарова́ти и҆ всѧ̑ наро́ды Словє́нскїѧ въ є҆дине́нїе вѣ́ры призва́ти, да всѝ воспою́тъ вѣ́рнѡ взыва́юще: Ра́дꙋйтесѧ, правосла́вїѧ тве́рдое ѡ҆гражде́нїе: ра́дꙋйтесѧ, и҆носла́вїѧ живо́е ѡ҆бличенїе. Ра́дꙋйтесѧ, и҆схожде́нїе Дх҃а Ст҃а́гѡ ѿ Ѻ̑ц҃а̀ то́чїю, ꙗ҆́кѡ ѿдре́вле прїѧ́хомъ и҆сповѣ́давшїи: ра́дꙋйтесѧ, сл́жбꙋ Бж҃їю соверша́ти ком́ждо свои́мъ сѝ ѧ҆зы́комъ завѣща́вшїи. Ра́дꙋйтесѧ, прбⷣныхъ въ првⷣности ѹ҆твержде́нїе: ра́дꙋйтесѧ, и҆ беззако́нныхъ къ зако́нꙋ ѡ҆браще́нїе. Ра́дꙋйтесѧ, ꙗ҆́кѡ ва́ми и҆ мы̀ во и҆сполне́нїе Цр҃кве внидо́хомъ: ра́дꙋйтесѧ, ꙗ҆́кѡ ва́ми Сло́во Бж҃їе на сро́днѣмъ на́мъ ꙗ҆зы́цѣ дости́же. Ра́дꙋйтесѧ, ꙗ҆́кѡ мл҃твами ва́шими а҆́ки забра́ломъ крѣ́пкимъ ѿ врагѡ́въ на́шихъ ѡ҆гражда́емсѧ: ра́дꙋйтесѧ, ꙗ҆́кѡ предста́телствомъ ва́шимъ вѣ́чныѧ жи́зни сподоблѧ́емсѧ. Ра́дꙋйтесѧ, всѣ̑мъ Слове́нѡмъ па́стырїє и҆ ѻ̑ц҃ы̀, и҆́хже ра́ди є҆смы̀ всѝ бра́тїе: ра́дꙋйтесѧ, ꙗ҆́кѡ ва́съ ра́ди, бра́тїѧ с́ще по пло́ти, и҆ по дх҃ꙋ бра̑тїѧ Хрⷭ҇т̀ сотвори́хомсѧ. Ра́дꙋйтесѧ, Меѳо́дїе и҆ Кѷрі́лле, ꙗ҆зы̑къ Слове́нскихъ А҆пⷭ҇толи и҆ Бг҃омⷣрїи ѹ҆чт҃лїе.

Конда́къ г҃і.

ѽ преч́днїи и҆ преди́внїи ꙗ҆зы̑къ Слове́нскихъ ѹ҆чт҃лїе, ст҃і́и равноапⷭ҇толнїи Меѳо́дїе и҆ Кѷрі́лле, нн҃ѣшнее прїи́мше моле́нїе на́ше, всѧ̑ Слове́ны ѿ находѧ́щихъ и҆̀мъ ѕѡ́лъ и҆ бѣ́дъ свободи́те, въ ми́рѣ и҆ є҆дине́нїи соблюди́те и҆ къ Црⷭ҇твїю Нбⷭ҇номꙋ предста́телствомъ ва́шимъ приведи́те всѣ́хъ во ѹ҆миле́нїи ѡ҆ ва́съ пою́щихъ Бг҃ꙋ: А҆ллил́їа.

Се́й конда́къ глаго́ли три́жды. Та́же І҆́косъ а҃: А҆́гг҃лѡвъ Творе́цъ: и̑ конда́къ а҃: Избра́ннїи.

ѽ пресла́внїи ꙗ҆зы̑къ Слове́нскихъ ѹ҆чт҃лїе и҆ просвѣти́телїе, ст҃і́и равноапⷭ҇льнїи Меѳо́дїе и҆ Кѷрі́лле! Къ ва́мъ, ꙗ҆́кѡ ча̑да ко ѻ҆тцє́мъ, свѣ́томъ ѹ҆че́нїй и҆ пи́сменъ ва́шихъ просвѣще́ннїи и҆ въ вѣ́рѣ Хрⷭ҇то́вой наста́вленнїи, нн҃ѣ ѹ҆се́рднѡ прибѣга́емъ и҆ въ сокрꙋше́нїи серде́цъ на́шихъ мо́лимсѧ. А҆́ще бо и҆ завѣ̑ть ва́шихъ, ꙗ҆́кѡ ча̑да непокори̑ваѧ, не соблюдо́хомъ, и҆ ѡ҆ ѹ҆гожде́нїи Бг҃ꙋ, ꙗ҆́коже ѹ҆чи́сте, небрего́хомъ, и҆ ѿ є҆диномы́слїѧ и҆ любвѐ, ю҆̀же Слове́нѡмъ, ꙗ҆́кѡ бра́тїѧмъ въ вѣ́рѣ и҆ по пло́ти, до́брѣ завѣща́сте, ѿпадо́хомъ: ѡ҆ба́че, ꙗ҆́коже дре́влѣ въ житїѝ ва́шемъ неблагода́рныхъ и҆ недосто́йныхъ не ѿвраща́сте тщѝ, но бл҃ги́ми за ѕла̑ѧ воздава́сте: та́кѡ и҆ ин҃ѣ грѣ́шныхъ и҆ недосто́йныхъ ча́дъ ва́шихъ моли̑твы не ѿврати́те, но ꙗ҆́кѡ ве́лїе и҆м́ще дерзнове́нїе ко Гдⷭ҇ꙋ, прилѣ́жно Того̀ моли́те, да наста́витъ и҆ ѡ҆брати́тъ на́съ на п́ть сп҃се́нїѧ, ра̑спри же и҆ раздо́ры, посредѣ̀ є҆диновѣ́рныхъ бра́тїй возника́ющыѧ, ѹ҆мири́тъ, ѿпа́дшыѧ па́ки во є҆диномы́слїе приведе́тъ и҆ всѣ́хъ на́съ є҆дине́нїемъ дх҃а и҆ любвѐ во є҆ди́нѣй, ст҃ѣ́й, собо́рнѣй и҆ а҆пⷭ҇лстѣй Цр҃кви соедини́тъ. Вѣ́мы бо, вѣ́мы, ꙗ́кѡ мно́гѡ мо́жетъ мл҃тва првⷣнича ко бл҃госе́рдїю Влⷣки, а҆́ще и҆ ѡ҆ грѣ́шныхъ лю́дехъ приноси́ма быва́етъ. Не ѡ҆ста́вите ѹ҆̀бо на́съ ѹ҆ны́лыхъ и҆ недосто́йныхъ ча̑дъ ва́шихъ, и҆́хже грѣ҆хъ ра́ди па́ства ва́ша, ва́ми собра́ннаѧ, враждо́ю раздѣлѧ́ема и҆ собла̑зны ѿ и҆новѣ́рныхъ прельща́ема, ѹ҆ма́лисѧ, ѻ҆́вцы же є̑ѧ̀ словє́сныѧ разсѣева́ємы ѿ волкѡ́въ мы́сленныхъ восхища́ютсѧ: дади́те ѹ҆̀бо на́мъ мл҃твами ва́шими ѡ҆ правосла́вїи ре́вность, да є҆́ю возгрѣва́еми ѻ҆те́чєскаѧ преда̑нїѧ до́брѣ сохрани́мъ, ѹ҆ста́вы и҆ ѻ҆бы́чаи церкѡ́вныѧ вѣ́рнѡ соблюда́ти потщи́мсѧ, всѧ́кихъ лжеꙋче́нїй стра́нныхъ ѿбѣжи́мъ, и҆ та́кѡ въ житїѝ Бг҃оꙋго́днѣмъ на землѝ преспѣва́юще, жи́зни ра́йскїѧ на нб҃сѝ сподо́бимсѧ, и҆ та́мѡ съ ва́ми вк́пѣ Влⷣкꙋ всѣ́хъ въ Трⷪ҇цѣ є҆ди́наго Бг҃а просла́вимъ во вѣ́ки вѣкѡ́въ. А҆ми́нь.