(л. сн҃ѳ) Прокі́мени, а҆пⷭ҇ли и҆ а҆ллилꙋїа́рє, на всѧ́кꙋ потре́бꙋ разли́чнїи.

На ѡ҆сщ҃е́нїе є҆ле́а, се́дмь і҆ере́євъ. Пе́рвый і҆ере́й глаго́летъ: Прокі́менъ, гла́съ а҃: Бꙋ́ди гдⷭ҇и млⷭ҇ть твоѧ̀ на на́съ, ꙗ҆́коже ᲂу҆пова́хомъ на тѧ̀. Сті́хъ: Ра́дꙋйтесѧ пра́веднїи ѡ҆ гдⷭ҇ѣ, пра̑вымъ подоба́етъ похвала̀. А҆по́столъ ѿ і҆а́кѡвлѧ посла́нїѧ, зача́ло н҃з. А҆ллилꙋ́їа, гла́съ и҃: Ми́лость и҆ сꙋ́дъ воспою̀ тебѣ̀ гдⷭ҇и. Вторы́й і҆ере́й глаго́летъ: Прокі́менъ, гла́съ в҃: Крѣ́пость моѧ̀ и҆ пѣ́нїе моѐ гдⷭ҇ь, и҆ бы́сть мнѣ̀ во спасе́нїе. Сті́хъ: Наказꙋ́ѧ наказа́ мѧ гдⷭ҇ь, сме́рти же не предаде́ мѧ. А҆пⷭ҇лъ къ ри́млѧнѡмъ, зача́ло рѕ҃і. А҆ллилꙋ́їа, гла́съ є҃: Млⷭ҇ти твоѧ̀ гдⷭ҇и, во вѣ́къ воспою̀. Тре́тїй і҆ере́й глаго́летъ: Прокі́менъ, гла́съ г҃: Гдⷭ҇ь просвѣще́нїе моѐ и҆ сп҃си́тель мо́й, когѡ̀ ᲂу҆бою́сѧ; Сті́хъ: Гдⷭ҇ь защи́титель живота̀ моегѡ̀, ѿ когѡ̀ ᲂу҆страшꙋ́сѧ; А҆пⷭ҇лъ къ корі́нѳѧнѡмъ, зача́ло рн҃г. А҆ллилꙋ́їа, гла́съ в҃: На тѧ̀ гдⷭ҇и ᲂу҆пова́хъ, да не постыжꙋ́сѧ во вѣ́къ. Четве́ртый і҆ере́й глаго́летъ: Прокі́менъ, гла́съ д҃: Во́ньже а҆́ще де́нь призовꙋ́ тѧ, ско́рѡ ᲂу҆слы́ши мѧ̀. Сті́хъ: Гдⷭ҇и, ᲂу҆слы́ши моли́твꙋ мою̀, и҆ во́пль мо́й къ тебѣ̀ да прїи́детъ. А҆пⷭ҇лъ къ корі́нѳѧнѡмъ, зача́ло рп҃в ѿ полꙋ̀. А҆ллилꙋ́їа, гла́съ в҃: Терпѧ̀ потерпѣ́хъ гдⷭ҇а, и҆ внѧ́тъ мѝ. Пѧ́тый і҆ере́й глаго́летъ: Прокі́менъ, гла́съ є҃: Ты̀ гдⷭ҇и сохрани́ши ны̀, и҆ соблюде́ши ны̀ ѿ ро́да сегѡ̀, и҆ во вѣ́къ. Сті́хъ: Спаси́ мѧ гдⷭ҇и, ꙗ҆́кѡ ѡ҆скꙋдѣ̀ преподо́бный. А҆пⷭ҇лъ къ корі́нѳѧнѡмъ, зача́ло рѯ҃и. А҆ллилꙋ́їа, гла́съ є҃: Ми́лѡсти твоѧ̀ гдⷭ҇и во вѣ́къ воспою̀. (л. сн҃ѳ ѡ҆б.) Шесты́й і҆ере́й глаго́летъ: Прокі́менъ, гла́съ ѕ҃: Поми́лꙋй мѧ̀ бж҃е, по вели́цѣй млⷭ҇ти твое́й. Сті́хъ: Се́рдце чи́сто сози́жди во мнѣ̀ бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. А҆пⷭ҇лъ къ гала́тѡмъ, зача́ло сг҃і. А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀. Седмы́й і҆ере́й глаго́летъ прокі́менъ, гла́съ з҃: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ. Сті́хъ: Поми́лꙋй мѧ̀ гдⷭ҇и, ꙗ҆́кѡ не́мощенъ є҆́смь. А҆пⷭ҇лъ къ солꙋ́нѧнѡмъ, зача́ло сѻ҃г. А҆ллилꙋ́їа, гла́съ з҃: Оу҆слы́шитъ тѧ̀ гдⷭ҇ь въ де́нь печа́ли, защи́титъ тѧ̀ и҆́мѧ бг҃а і҆а́кѡвлѧ.

А҆́ѵгꙋста въ а҃ де́нь на ѡ҆сщ҃е́нїе воды̀. Прокі́менъ, гла́съ г҃: Гдⷭ҇ь просвѣще́нїе моѐ, и҆ сп҃си́тель мо́й, когѡ̀ ᲂу҆бою́сѧ; Сті́хъ: Гдⷭ҇ь защи́титель живота̀ моегѡ̀, ѿ когѡ̀ ᲂу҆страшꙋ́сѧ; А҆пⷭ҇лъ ко є҆вре́ємъ, зача́ло т҃ѕ. А҆ллилꙋ́їа, гла́съ ѕ҃: Ѿры́гнꙋ срⷣце моѐ сло́во бл҃го. Сті́хъ: Глаго́лю а҆́зъ дѣла̀ моѧ̀ цр҃е́ви.

На ѡ҆сщ҃е́нїе цр҃кве. Прокі́менъ, гла́съ д҃: До́мꙋ твоемꙋ̀ подоба́етъ ст҃ы́нѧ гдⷭ҇и, въ долготꙋ̀ дні́й. Сті́хъ: Гдⷭ҇ь воцр҃и́сѧ, въ лѣ́потꙋ ѡ҆блече́сѧ, ѡ҆блече́сѧ гдⷭ҇ь въ си́лꙋ и҆ препоѧ́сасѧ. А҆пⷭ҇лъ ко є҆вре́ємъ, зача́ло т҃з. А҆ллилꙋ́їа, гла́съ а҃: Ѡ҆снова̑нїѧ є҆гѡ̀ на гора́хъ ст҃ы́хъ, лю́битъ гдⷭ҇ь врата̀ сїѡ́нѧ па́че всѣ́хъ селе́нїй і҆а́кѡвлихъ. Сті́хъ: Пресла̑внаѧ глаго́лашасѧ ѡ҆ тебѣ̀, гра́де бж҃їй. Прича́стный: Гдⷭ҇и, возлюби́хъ бл҃голѣ́пїе до́мꙋ твоегѡ̀, и҆ мѣ́сто селе́нїѧ сла́вы твоеѧ̀. А҆ллилꙋ́їа, три́жды.

На ѡ҆снова́нїе и҆ на ѡ҆бновле́нїе гра́да. Прокі́менъ, гла́съ д҃: До́мꙋ твоемꙋ̀ подоба́етъ ст҃ы́нѧ гдⷭ҇и, въ долготꙋ̀ дні́й. Сті́хъ: И҆́бо ᲂу҆твердѝ вселе́ннꙋю, ꙗ҆́же не подви́житсѧ. А҆пⷭ҇лъ въ дѣѧ́нїихъ, зача́ло м҃ ѿ полꙋ̀. А҆ллилꙋ́їа, гла́съ в҃: Ѡ҆снова̑нїѧ є҆гѡ̀ на гора́хъ ст҃ы́хъ, лю́битъ гдⷭ҇ь врата̀ сїѡ́нѧ па́че всѣ́хъ селе́нїй і҆а́кѡвлихъ. Сті́хъ: Пресла̑внаѧ глаго́лашасѧ ѡ҆ тебѣ̀ гра́де бж҃їй. Прича́стный: Гдⷭ҇и, возлюби́хъ бл҃голѣ́пїе (л. с҃ѯ) до́мꙋ твоегѡ̀, и҆ мѣ́сто селе́нїѧ сла́вы твоеѧ̀.

Послѣ́дованїе въ бездо́ждїе. Прокі́менъ, гла́съ д҃: Бразды̑ земны́ѧ ᲂу҆по́й, и҆ ᲂу҆мно́жи жи̑та є҆ѧ̀. Сті́хъ: Въ ка́плѧхъ є҆ѧ̀ возвесели́тсѧ возсїѧ́ющи. А҆пⷭ҇лъ і҆а́кѡвлѧ посла́нїѧ, зача́ло н҃з. А҆ллилꙋ́їа, гла́съ и҃: Бл҃гослови́ши вѣне́цъ лѣ́та бл҃гости твоеѧ̀, и҆ полѧ̀ твоѧ̀ и҆спо́лнѧтсѧ тꙋ́ка. Сті́хъ: Разботѣ́ютъ кра̑снаѧ пꙋсты́ни, и҆ ра́достїю хо́лми препоѧ́шꙋтсѧ. Прича́стный: Ча́шꙋ спасе́нїѧ прїимꙋ̀:

Во вре́мѧ безве́дрїѧ. Прокі́менъ, гла́съ д҃: Спаси́ мѧ бж҃е, ꙗ҆́кѡ внидо́ша во́ды до дꙋшѝ моеѧ̀. Сті́хъ: Оу҆глѣбо́хъ въ тимѣ́нїи глꙋбины̀, и҆ нѣ́сть постоѧ́нїѧ. А҆по́столъ къ ри́млѧнѡмъ, зача́ло ч҃и. А҆ллилꙋ́їа, гла́са: Спаси́ мѧ ѿ бре́нїѧ, да не ᲂу҆глѣ́бнꙋ, и҆ ѿ глꙋбо́кихъ во́дъ. Сті́хъ: Да не потопи́тъ менѐ бꙋ́рѧ водна́ѧ, нижѐ да пожре́тъ менѐ глꙋбина̀.

Во стра́хъ трꙋ́са. Прокі́менъ, гла́съ и҃: Гдⷭ҇и, да не ꙗ҆́ростїю твое́ю ѡ҆бличи́ши менѐ: Сті́хъ: Не ѿвратѝ лица̀ твоегѡ̀ ѿ ѻ҆́трока твоегѡ̀. А҆пⷭ҇лъ ко є҆вре́ємъ, зача́ло тл҃а ѿ полꙋ̀. А҆ллилꙋ́їа, гла́съ є҃: Бж҃е, ѿри́нꙋлъ ны̀ є҆сѝ, и҆ низложи́лъ є҆сѝ на́съ. Сті́хъ: Стрѧ́слъ є҆сѝ зе́млю, и҆ смꙋти́лъ є҆сѝ ю҆̀: и҆сцѣлѝ сокрꙋше́нїе є҆ѧ̀, ꙗ҆́кѡ подви́жесѧ. Прича́стный: Призира́ѧй на зе́млю, и҆ творѧ́й ю҆̀ трѧсти́сѧ.

Послѣ́дованїе за лю́ди во вре́мѧ бра́ни. Прокі́менъ, гла́съ д҃: Гдⷭ҇и, си́лою твое́ю возвесели́тсѧ цр҃ь, и҆ ѡ҆ спасе́нїи твое́мъ возра́дꙋетсѧ ѕѣлѡ̀. Сті́хъ: Жела́нїе срⷣца є҆гѡ̀ да́лъ є҆сѝ є҆мꙋ̀, и҆ хотѣ́нїѧ ᲂу҆стнꙋ̀ є҆гѡ̀ нѣ́си лиши́лъ є҆го̀. А҆пⷭ҇лъ ко є҆фесе́ємъ, зача́ло сл҃г. А҆ллилꙋ́їа, гла́съ в҃: Оу҆слы́шитъ тѧ̀ гдⷭ҇ь въ де́нь печа́ли, защи́титъ тѧ̀ и҆́мѧ бг҃а і҆а́кѡвлѧ. Сті́хъ: Гдⷭ҇и, спасѝ цр҃ѧ̀, и҆ ᲂу҆слы́ши ны̀, во́ньже а҆́ще де́нь призове́мъ тѧ̀. Прича́стный: Хвали́те гдⷭ҇а съ нб҃съ:

Въ наше́ствїи бра́ни. Прокі́менъ, гла́съ а҃: Гдⷭ҇ь крѣ́покъ и҆ си́ленъ, гдⷭ҇ь си́ленъ въ бра́ни. Сті́хъ: Гдⷭ҇нѧ землѧ̀ и҆ и҆сполне́нїе є҆ѧ̀, вселе́ннаѧ и҆ всѝ живꙋ́щїи на не́й. А҆пⷭ҇лъ ко (л. с҃ѯ ѡ҆б.) є҆фесе́ємъ, зача́ло с҃к. А҆ллилꙋ́їа, гла́съ и҃: Гдⷭ҇ь си́лъ съ на́ми, застꙋ́пникъ на́шъ бг҃ъ і҆а́кѡвль. Сті́хъ: Бг҃ъ на́мъ прибѣ́жище и҆ си́ла, помо́щникъ въ ско́рбехъ, ѡ҆брѣ́тшихъ ны̀ ѕѣлѡ̀. Прича́стный: Хвали́те гдⷭ҇а съ нб҃съ:

Въ наше́ствїи ва̑рваръ. Прокі́менъ, гла́съ д҃: Да воскрⷭ҇нетъ бг҃ъ, и҆ расточа́тсѧ вразѝ є҆гѡ̀. Сті́хъ: Ꙗ҆́кѡ и҆счеза́етъ ды́мъ, да и҆сче́знꙋтъ. А҆пⷭ҇лъ ко є҆фесе́ємъ, зача́ло с҃к. А҆ллилꙋ́їа, сті́хъ: Гдⷭ҇ь сокрꙋша́ѧй бра̑ни: Прича́стный: Гдⷭ҇ь крѣ́покъ и҆ си́ленъ, гдⷭ҇ь си́ленъ въ бра́ни.

Въ запале́нїи ѻ҆гнѧ̀. Прокі́менъ, гла́съ а҃: Бꙋ́ди гдⷭ҇и млⷭ҇ть твоѧ̀ на на́съ, ꙗ҆́коже ᲂу҆пова́хомъ на тѧ̀. Сті́хъ: Сѐ ѻ҆́чи гдⷭ҇ни на боѧ́щыѧсѧ є҆гѡ̀, и҆ ᲂу҆пова́ющыѧ на млⷭ҇ть є҆гѡ̀. А҆пⷭ҇лъ ко є҆вре́ємъ, зача́ло тл҃в. А҆ллилꙋ́їа. Ще́дръ и҆ ми́лостивъ гдⷭ҇ь всѣ́мъ призыва́ющымъ є҆го̀.

Над̾ болѧ́щимъ. Прокі́менъ, гла́съ а҃: А҆́зъ рѣ́хъ: гдⷭ҇и, поми́лꙋй мѧ̀, и҆сцѣлѝ дꙋ́шꙋ мою̀, ꙗ҆́кѡ согрѣши́хъ тебѣ̀. Сті́хъ: Бл҃же́нъ разꙋмѣва́ѧй на ни́ща и҆ ᲂу҆бо́га, въ де́нь лю́тъ и҆зба́витъ є҆го̀ гдⷭ҇ь. А҆пⷭ҇лъ і҆а́кѡвлѧ посла́нїѧ, зача́ло н҃з. А҆ллилꙋ́їа, гла́съ и҃: При́зри на мѧ̀, и҆ поми́лꙋй мѧ̀. Прича́стный: Ча́шꙋ спасе́нїѧ прїимꙋ̀:

На постриже́нїе мона́хѡвъ. Прокі́менъ, гла́съ г҃: Гдⷭ҇ь просвѣще́нїе моѐ и҆ сп҃си́тель мо́й, когѡ̀ ᲂу҆бою́сѧ; Сті́хъ: Гдⷭ҇ь защи́титель живота̀ моегѡ̀, ѿ когѡ̀ ᲂу҆страшꙋ́сѧ, А҆пⷭ҇лъ къ є҆фесе́ємъ, зача́ло сл҃г. А҆ллилꙋ́їа, гла́съ а҃: Се́й ни́щїй воззва̀, и҆ гдⷭ҇ь ᲂу҆слы́ша и҆̀, и҆ ѿ всѣ́хъ скорбе́й є҆гѡ̀ спасѐ и҆̀. Прича́стный: Ча́шꙋ спасе́нїѧ прїимꙋ̀:

На креще́нїе чл҃вѣ́кѡвъ. Прокі́менъ, гла́съ г҃: Гдⷭ҇ь просвѣще́нїе моѐ и҆ сп҃си́тель мо́й, когѡ̀ ᲂу҆бою́сѧ; Сті́хъ: Гдⷭ҇ь защи́титель живота̀ моегѡ̀, ѿ когѡ̀ ᲂу҆страшꙋ́сѧ; А҆пⷭ҇лъ къ ри́млѧнѡмъ, зача́ло ч҃а.

Во вре́мѧ бра́ка. Прокі́менъ, гла́съ и҃: Положи́лъ є҆сѝ на глава́хъ и҆́хъ вѣнцы̀, ѿ ка́меней честны́хъ: живота̀ проси́ша (л. сѯ҃а) ᲂу҆ тебѐ, и҆ да́лъ є҆сѝ и҆̀мъ. Сті́хъ: Ꙗ҆́кѡ да́си и҆̀мъ благослове́нїе во вѣ́къ вѣ́ка, возвесели́ши ѧ҆̀ ра́достїю съ лице́мъ твои́мъ. А҆пⷭ҇лъ къ є҆фесе́ємъ, зача́ло с҃л. А҆ллилꙋ́їа, гла́съ є҃: Сті́хъ: Ты̀ гдⷭ҇и сохрани́ши ны̀, и҆ соблюде́ши ны̀ ѿ ро́да сегѡ̀ и҆ во вѣ́къ.

На погребе́нїе мїрѧ́нъ. Прокі́менъ, гла́съ ѕ҃: Бл҃же́нъ пꙋ́ть, во́ньже и҆́деши дне́сь дꙋшѐ, ꙗ҆́кѡ ᲂу҆гото́васѧ тебѣ̀ мѣ́сто ᲂу҆покое́нїѧ. Сті́хъ: Ѡ҆брати́сѧ дꙋшѐ моѧ̀, въ поко́й тво́й, ꙗ҆́кѡ гдⷭ҇ь бл҃годѣ́йствова тѧ̀. А҆пⷭ҇лъ къ солꙋ́нѧнѡмъ, зача́ло с҃ѻ. А҆ллилꙋ́їа. Блаже́нъ, є҆го́же и҆збра́лъ и҆ прїѧ́лъ є҆сѝ гдⷭ҇и.

На погребе́нїе мона́хѡвъ. Прокі́менъ, гла́съ ѕ҃: Бл҃же́нъ пꙋ́ть, во́ньже и҆́деши, бра́те, дне́сь, ꙗ҆́кѡ ᲂу҆гото́васѧ тебѣ̀ мѣ́сто поко́ѧ. Сті́хъ: Ѡ҆брати́сѧ дꙋшѐ моѧ̀, въ поко́й тво́й, ꙗ҆́кѡ гдⷭ҇ь бл҃годѣ́йствова тѧ̀. А҆пⷭ҇лъ къ солꙋ́нѧнѡмъ, зача́ло с҃ѻ. А҆ллилꙋ́їа, гла́съ ѕ҃: Бл҃же́нъ, є҆го́же и҆збра́лъ и҆ прїѧ́лъ є҆сѝ гдⷭ҇и.

На погребе́нїе сщ҃е́нникѡвъ. Прокі́менъ, гла́съ ѕ҃: Бл҃же́нъ пꙋ́ть, во́ньже и҆́деши дне́сь дꙋшѐ, ꙗ҆́кѡ ᲂу҆гото́васѧ тебѣ̀ мѣ́сто ᲂу҆покое́нїѧ. Сті́хъ: Ѡ҆брати́сѧ, дꙋшѐ моѧ̀, въ поко́й тво́й, ꙗ҆́кѡ гдⷭ҇ь бл҃годѣ́йствова тѧ̀. А҆пⷭ҇лъ къ солꙋ́нѧнѡмъ, зача́ло с҃ѻ. А҆ллилꙋ́їа, гла́съ ѕ҃: Бл҃же́нъ, є҆го́же и҆збра́лъ и҆ прїѧ́лъ є҆сѝ гдⷭ҇и. Вторы́й прокі́менъ, гла́съ ѕ҃: Бл҃же́нъ, є҆го́же и҆збра́лъ и҆ прїѧ́лъ є҆сѝ гдⷭ҇и. Сті́хъ: Тебѣ̀ подоба́етъ пѣ́снь бж҃е въ сїѡ́нѣ. А҆пⷭ҇лъ къ ри́млѧнѡмъ, зача́ло п҃ѳ. А҆ллилꙋ́їа, гла́съ ѕ҃: Бл҃же́нъ, є҆го́же и҆збра́лъ и҆ прїѧ́лъ є҆сѝ гдⷭ҇и. Тре́тїй прокі́менъ, гла́съ ѕ҃: Бл҃же́нъ, є҆го́же и҆збра́лъ и҆ прїѧ́лъ є҆сѝ гдⷭ҇и. Сті́хъ: Па́мѧть є҆гѡ̀ въ ро́дъ и҆ ро́дъ. А҆пⷭ҇лъ къ корі́нѳѧнѡмъ, зача́ло рн҃и. А҆ллилꙋ́їа. Сті́хъ: Бл҃же́нъ, є҆го́же и҆збра́лъ и҆ прїѧ́лъ є҆сѝ гдⷭ҇и. Четве́ртый прокі́менъ, гла́съ ѕ҃: Дꙋша̀ є҆гѡ̀ во бл҃ги́хъ водвори́тсѧ. Сті́хъ: Къ тебѣ̀ гдⷭ҇и воззовꙋ̀: А҆пⷭ҇лъ къ корі́нѳѧнѡмъ, зача́ло р҃ѯ. А҆ллилꙋ́їа. Бл҃же́нъ мꙋ́жъ боѧ́йсѧ гдⷭ҇а. Сті́хъ: Си́льно на землѝ бꙋ́детъ сѣ́мѧ є҆гѡ̀: Пѧ́тый прокі́менъ, гла́съ ѕ҃: Бл҃же́нъ, (л. сѯ҃а ѡ҆б.) є҆го́же и҆збра́лъ и҆ прїѧ́лъ є҆сѝ гдⷭ҇и. Сті́хъ: Дꙋша̀ є҆гѡ̀ во бл҃ги́хъ водвори́тсѧ. А҆пⷭ҇лъ къ ри́млѧнѡмъ зача́ло рг҃і. А҆ллилꙋ́їа, гла́съ ѕ҃: Бл҃же́нъ, є҆го́же и҆збра́лъ и҆ прїѧ́лъ є҆сѝ гдⷭ҇и. Сті́хъ: Дꙋша̀ є҆гѡ̀ во бл҃ги́хъ водвори́тсѧ.

На погребе́нїи младе́нцєвъ. Прокі́менъ, гла́съ ѕ҃: Бл҃же́нъ пꙋ́ть, во́ньже по́йдеши дꙋшѐ, ꙗ҆́кѡ ᲂу҆гото́васѧ тебѣ̀ мѣ́сто ᲂу҆покое́нїѧ. Сті́хъ: Ѡ҆брати́сѧ дꙋшѐ моѧ̀, въ поко́й тво́й: А҆пⷭ҇лъ къ корі́нѳѧнѡмъ, зача́ло рѯ҃в. А҆ллилꙋ́їа. Сті́хъ: Бл҃же́нъ, є҆го́же и҆збра́лъ и҆ прїѧ́лъ є҆сѝ гдⷭ҇и. Сті́хъ: Дꙋша̀ є҆гѡ̀ во благи́хъ водвори́тсѧ.

Послѣ́дованїе въ ми́ръ. Прокі́менъ, гла́съ д҃: Ми́ръ мно́гъ лю́бѧщымъ тѧ̀, гдⷭ҇и. Сті́хъ: Ча́ѧхъ бг҃а спаса́ющагѡ мѧ̀. А҆пⷭ҇лъ ко є҆фесе́ємъ, зача́ло ск҃а. А҆ллилꙋ́їа, гла́съ д҃: Вопроси́те ꙗ҆̀же ѡ҆ ми́рѣ і҆ерꙋсали́ма. Прича́стный: Ча́шꙋ спасе́нїѧ: