Азбука веры Православная библиотека История Церкви Общая история России Библиотека литературы Древней Руси. Том 8

Пожертвовать

Библиотека литературы Древней Руси. Том 8 (XIV – первая половина XVI века)

Источник

Стефанит и ИхнилатИз славянского перевода корпуса сочинений Дионисия Ареопагита с толкованиями Максима Исповедника

epub pdf

Оригинал: 12Мб

Из славянского перевода корпуса сочинений Дионисия Ареопагита с толкованиями Максима Исповедника

О небесной иерархии

Предисловие переводчика

Понеже убо мнози пред многыми времени и леты и по различных местех обретошася в словенском нашем языце, прелагающе Божественая Писаниа от многопремудрого и художного, зело скупого еллинского языка в наш язык, ихже имена не чловекы токмо ведома суть, но в книгах паче живых Богом написанна суть, ихже послежде и леты и наказанием и художеством разума еллинского языка, вяще же добрыми делы, и к вечеру солнечного дне, захода седморичного реку века²⁴² и моея жизни скончания, случися и мне навыкнути мало греческого языка, – толико, елико мощи ми разумети скупость того и тяжесть прилагания от оного в наш язык.

Греческий бо язык ово убо от Бога исперва художен и простран бысть, ово же и от различных по временех любомудрец ухыщрен бысть. Наш же словенскы язык от Бога убо добре сотворен бысть, понеже вся, елика сотвори Бог, зело добра, но улишением любоучения любочестивых слова мужей хытрости, якоже он, не удостоися.

И убо колико-любо аще от оного навыкох, не хотех коснутися сущих паче мене, рекше прелагати от греческого языка в наш, – по реченному: высочайших тебе не ищи и глубочайших тебе не испытуй. Бояся и оного, еже пострадаша и в Ветхом и Новом Писании, иже преобидяще дерзостне смеяше божественых прикоснутися.²⁴³ Но обаче божественым сим мужем, преосвещенным глаголю митрополитом богоспасеного града Сира кир Феодосием²⁴⁴ и пречестным, принужден бых на превождение.

И влепоту бо мню бе таковому мужу, иже от аггел, по великому Дионисию, просвещение приемлющу, без разуждения повинутися. Си бо убо истинный Божий чловек, аще и кто другой, житие убо сладко слышатися имаше, спасително же подражати се и полезно. Не токмо бо язык в учени имяше полезен слышащим, но и житие много множае подражающим полезно. Паче же подобает ми истиное рещи: елико язык убо, внегда глаголати, неуподобляем имаше, толико и житие, внегда творити е, непостижимо. Всегда бо и присно, по апостоле. «Задняя забывайте»,²⁴⁵ – на предняя деяния и видения простирашеся. И сице светлое любочестна, и любоимениа, и премудрости вкупе с милостынею имяше, яко не многых быти вторый. И сице оному блаженому сия и ина не мала, елика к благоугождению, приходящу и многых сим собою делами учащу, аз же не подрзнув, ни же на свою крепость слова и разума надеяся, – не буди то! – но сим, якоже рех, понужден быв и на того богомолителныя и светыя молитвы надеяся, почах и преложих светого Дионисиа Ареопагита споспешением и ексодом,²⁴⁶ или откупом, сего светого ми владыки и заступника.

И ина прежде сего преложих, и по семь – елика всещедрый светыми его молитвами даст Бог.

Бою же ся рещи, яко аз преложих светого Дионисия, аще и преложих его, – сматряа непостижимую не малы высоту богословия, и светого крайнюю премудрость, и тину моих грехов добре сведы.

Книгу же убо сию, светого Дионисия глаголю, в добра убо времена почах, егда божественыя убо церкви и Светая Гора²⁴⁷ раеви подобне цветяху, якоже некий сад при источницех, присно напаяем. Сверших же ту в злейше всех злых времен когда, егда огневи Бог христиане западных стран.²⁴⁸

И подвиже деспот Углеша²⁴⁹ вся сербскыя и греческы войска, и брата своего Волкашина краля,²⁵⁰ и иные велможа многыя негде до шестидесят тысяч избранныя войска, и поидоша в Македонию на изгнание турк,²⁵¹ не судивше, яко гневу Божию никтоже мощен противустати. Тех убо не изгнаша, но сами от них убиени быша, и тамо кости их падоша и непогребенни пребыша. И много многое множество ово убо вострием меча умроша, ово же в запленение ведено бысть. Неции же их, и гонезнувше, приидоша.

И толика нужда и злолютыя облия вся грады и страны западные, елико ни же уши слышаста, ни же очи видеста. По убиении бо мужа сего, храброго деспота Углеша, просыпашася измалтяне и полетеша по всей земли, якоже птица во воздуху, и овех убо от христиан мечем закалаху, овех же в запленение отвождаху. А оставших смерть безгодна пожьже. От смерти же оставшая гладом погублени бывше, таковый бо глад бысть по всех странах, яковый же не бысть по всех странах от сложения миру, ни же потом таковый, Христе милостивый, да будет! А ихже глад не погуби, сих попущением Божиим волци, нощию и дению нападающи, снедаху.

Увы, умилен позор бе видети: оста земля всех добрых пуста: и людей, и скот, и иных плодов. Не бо бе князя, ни вождя, ни наставника в людех, ни избавляюща, ни спасающего, но вся исполнишася страха измалитьского. И сердца храбрая доблественых мужей в жен слабейшая сердца приложишася. В то бо время и племя србьскых господ, седми мню род, конец приат.²⁵² И воистину тогда ублажаху живии преже умерших.

И веруйте ми: не аз, иже невежда по всему есмь, но и он премудрый в елинех Ливание,²⁵³ не бы могл писанием представити нужду, яже постиже христиан западных стран.

Хотящеи же убо преписовати и прочитати сию книгу, милостиви и незазорливи, молюся, будите моей ума немощи и недостатку и сами, понеже и вы чловеци и чловеческыим подлежаще, яко требуете милости от Бога и прощения от чловек, прощению вашему и мене сподобляйте, у Бога испрашающе оставление бездне моего окаянства грехом.

И имже в инокых мене худого аще хощеши уведети, начало тому есть осмеричное число, среда же двостное и первое, конец же десято с единем наскончавается.²⁵⁴

Лето же тогда течаше 6-тысячное, 8-стное, 70 и 9-е, индиктион 9.²⁵⁵

Давшему же Богу и начати сия, и совершити благоизволшему, – слава, честь и покланяние в бесконечные векы. Аминь.

О небесной иерархии

Сие петьнадесете главизны обьемлет еже «О небеснем свещенноначелии» слово:

1. Яко всяко божествное осиание, по благости различне в промышляемая происходе, пребывает просто, и не се токмо, но и соединенно творить осиаваемая.

2. Яко подобне божествная и небесная и отличними знаменми изъявляемая суть.

3. Что есть свещенноначелие, и что в свещенноначели полза. Предел свещенноначелия.

4. Что назнаменует еже аггел именование.

5. Почто вся небесная существиа отдоле обще аггелы глаголютсе.

6. Что прево небесныих существ удобрение, что средне, что последне.

7. О серафимех, и херувимех, и престолех, и о превом, их свещенноначелии.

8. О господствех, и силах, и властех, и о среднем их свещенноначелии.

9. О начелех, и архаггелех, и аггелех, и о последнем, их священноначелии.

10. Повесприетие и собрание аггельского благочиния.

11. Почто все небесныие силы и существа обще силы небесные глаголютсе.

12. Почто иже в чловецех свещенноначелници аггелы глаголютсе.

13. Почто от серафим глаголетсе очиститисе пророк Исаиа.

14. Что назнаменует преданное аггельское число.

15. Кыи изобразителнии аггельскыих сил образы. Сия вса в петьнадесетой главизне:

1) что еже огневидное,

2) что еже чловековидное,

3) что очеса,

4) что ноздры, что уши,

5) что уста,

6) что осезание,

7) что обрви и вежде,

8) что юность,

9) что зубы,

10) что рамена, и мышце, и рукы,

11) что сердце,

12) что прьси,

13) что плещи,

14) что ногы и крила,

15) что нагота и еже необувенное,

16) что одеание,

17) что светлая риза,

18) что святительская одежда,

19) что поясы,

20) что жезлы,

21) что копиа, и сечива, и землемерителная, и

22) древоделская орудия,

23) что ветры, и облаци, и медь, и илектронь,^²⁵⁶

24) и лици,

25) что еже львовидное, еже воловидное, еже орловидное,

26) что коны, и различия конскыих мастей, и колеснице, и кола, и прочая, что глаголемая радость аггельская.

Гранословиа о книзе светого Дионусиа:

От великого Дионусиа слов

Не убо кто обрещет книгу скупейшу,

Всако праведне, ни же высочайшую,

Аще сия высока, сребро и порфира.

Надписание в блаженного Дионусиа:

Аггельскые премудрости светлости многые разумев,

Чловеком явил еси видети умосьставную Звезду.

Сосвещеннику Тимофею – Дионусие свещенник о небеснем свещенноначелстве^²⁵⁷

Глава 1. Яко всяко божествное осияние, по благосты различне в промышляемая происходе, пребывает просто, и не се токмо, но и единотворит осиаваемаа

1. «Всяко даяние благо и всяк дар совершен свыше есть, сходяй от Отца светов».²⁵⁸^²⁵⁹ Но и всяко отцедвижного светоявлениа прошьствие в нас благодатне приходимо, пакы яко единотворна сила вьиспрьносне нас вьспростирает и обращает к Собирателя Отца²⁶⁰ единству и боготворной простоте. Ибо «от Того вся и в Том»,²⁶¹ якоже свещенное рече Слово.

2. Прочее, убо Исуса призвавше, иже отеческий «Свет», иже сый, «иже истинный, иже просвещает всякого человека, гредущего в мир»,²⁶² имже еже к светоначелнику Отцу²⁶³ приведение имехом, на свещенныих Словес отцепредателнаа^²⁶⁴ осияниа якоже мощно есть возмагаим, и яже от тех знаменателне^²⁶⁵ нам и возводителне изьявленная небесныих умов^²⁶⁶ свещенноначелствия, коль мощны есмы, узрим. И еже начелное и преначелное^²⁶⁷ богоначелного Отца светодание, еже аггел нам образними знаменми изъявляет блаженная свещенноначелствия, невеществныими и незиблемыими ума очесы приемше, пакы от того на простую того вьзникнем зару.

И бо ниже сия коли своего единствного внутренства^²⁶⁸ оскудевает к возвождению же и единотворному промышляемыих растворению,^²⁶⁹ благолепне множещисе и происходещи, пребывает внутрь себе тврдостне в недвижимом тождестве пребывателне водруженна и иже на ту, якоже праведно есть, взимающеисе по мере тем восиявает и единотворит по простотнем ее единстве. Ибо ни же мощно инако нам восияти богоначелной заре, аще не различием свещенных завес^²⁷⁰возводне прикриваемой и сущиим у нас промыслом отеческим соестествне и свойствне указанной.

3. Темже и преподобнейшее наше свещенноначалие Служебнство Свещенноположно²⁷¹ небесныих свещенноначельств премирному уподоблению сподобив, и реченная невеществная свещенноначелствия веществныими образы и зрачныими сложенми^²⁷² уразличив, предаст, яко да по мере мы сами от свещеннейшиих зданий^²⁷³ на простие и необразние возмемсе возводей подобия, понеже ни же мощно есть нашему уму к невеществному оному взетисе небесныих свещенноначельств подобию и видению, аще не еже от сих вещниим руковождением^²⁷⁴ потребует яже убо видимые доброты^²⁷⁵невидимого благолепия изображения помышляе, и яже чювствная благоухания вображения умного преподания, и безвеществного светодания образ вещная светила, и еже по уму зрителного совршения Божествных Писаний прочитание,^²⁷⁶ и еже сгожденного к божествныим счиненного имьства,^²⁷⁷ иже овдешьняого украшения чины и Исусова приобщения божествнейшего благодарения причещение, и елика иная небесныим убо существом премирне, нам же образне предашесе.

Сиего убо ради нашего по мере обожения чловеколюбное Службоначелие и небесного свещенноначелствия нам указуе,^²⁷⁸ и сослужителя их совршае еже у нас свещенноначалие, еже према силе нашей уподоблением боговидного их освещения чювствныими образы пренебесныие написа умове в свещеннописателныих словес^²⁷⁹ слозех, яко да убо нас возведет^²⁸⁰ чювствныих ради на умна и от онех свещеннозданныих знамений на простие небесныих свещенноначельств врехы.^²⁸¹

Глава 2. Яко подобне божествная и небесная и отличныими знаменми изъявляема суть

1. Потреба же есть убо, яко мню, превее изложити кую убо быти мысль всякого свещенноначельства непщуем и что тогове коеждо сьликьстьвникы ползует, прочее же небесная свещенноначельствия воспети по еже тех в Словесех изьявлению,²⁸² последователне же сим рещи, кыими свещенныими ображенми небесные изображают доброты^²⁸³ Словесная священнописания и к коей возвестисе подобает назданий ради простоте, яко да не и мы подобне иныим несвещенне вознепщуем небесные и боговидные умове многоножние быти некыие и многоличныие и к волове скотству или к львов зверообразию воображеньныие, и к орлов погребленонокотну виду,²⁸⁴ или к птиц власовну крилатоестествию созданьныие,²⁸⁵ и кола некоторая огневидна на небесы²⁸⁶ возьмечтаем, и престоле вещние Богоначелию к седению прикладныие,²⁸⁷ и коне некыие многопостротние,²⁸⁸ и с копиями архистратиге,²⁸⁹ и еликая иная от словес нам свещеннездательне в различию изьявителныих знамениях преданна быше. И бо яве богословие творителныими^²⁹⁰ свещеннозданми на безобразныих умов потребова иже у нас, якоже речесе, ум свыше присетив и приискрняго тому и соестествного взвода промыслив и тому наздав возводителная священнописания.

2. Аще ли же некоему мнитсе свещенная убо приемати сложения^²⁹¹простиих от себе неведомыих же и незримыих нам бывающиих, неприкладна же мнить яже светиих умов в словесех образописания и всяко, яко рещи, отрочно^²⁹² само аггельскыих имен подобие, и потребно быти глаголеть богословцем на телотворение некако бесплотныих пришедшиим ближними (на поле рядом: самех тех виновна) тех и яко мощно сродныими наздавати же и изьявляти ображенми от иже у нас честнейшиих^²⁹³ и безвещественыих некако^²⁹⁴ и превышележещиих существ, а не небесныим и боговидныим простотам^²⁹⁵ яже на земли последняя налагати многообразия (ово бо убо наших и возводително хотеше быти, и яже премирная изъявления не свести в неприкладнная отличенствия, ово же и в божествныие неправедне досаждает силы и наш негли заблуждает ум, в несвещенная то вьгльбляе сложения, и рекше^²⁹⁶ и возьмнитсе пренебесная львов некоих^²⁹⁷ и кон многыих испольнятисе, и мрекательного песнословия, и птичиего ятоначелия, и животныих иныих,²⁹⁸ и вещий безчестнеишиих, елика к безместию и таимичиству и страсты^²⁹⁹ уклонитисе написуют иже по всем отличная васен изьявителныих Словес уподобления), но еже истины, якоже мню, прошение указует юже в Словесех священную премудрость в небесныих умов изображениях, коеждо зело промыслив, яко ниже в божественыие,^³⁰⁰ яко речет кто, досадити силы, ниже убо в низуносна нам страстне вьгльблятисе образ смерения.

А яко убо влепоту предложишесе безобразныих образы и зраци безрачныих, не едину вину речет кто убо быти юже в нас меру, немогущую непосредствне на умная вьзетисе видения и требующую искреныих и соестествныих возвождений,^³⁰¹ иже яже мощная нам ображения предлагают безобразныих и пачеестественыих видений, но яко и се таинственыим Словесем есть подобнейше еже недоведомыими и свещенныими гаданьми скривати и невходну многыим полагати свещенную и сокровенную премирныих умов истину. Есть бо не всяк священен, «ни же всех, – якоже Словеса реше, – разум».³⁰²

Аще ли же неприкладная образописания виновствует кто студно быти, глаголе возлагати яже сице студна суть изображения боговидныим и светейшиим добротам, лепо есть к тому рещи, яко два суть свещенного изьявления образа.^³⁰³

3. Овь убо яко подобен подобниими происходе свещеннозрачныими образи, ов же отличныими образотворенми в отнудь неуподобленне^³⁰⁴ и неприкладне сотвараем. Сего ради и честное пресуществного богоначелия блаженство изьявителныих Словес тайная предания когда убо яко Слово^³⁰⁵³⁰⁶ и Ум³⁰⁷ и Существо воспевают, богоподобное словеснство и премудрость Того являюще и воистину суще бытие и иже сущиих бытия вину истинную, и яко свет³⁰⁸ то наздавают, и живот³⁰⁹^³¹⁰ наричут. Таковыим свещенным назданиям честнейшиим убо сущиим и тименныих образ превосходити некако мнещиимсе, недостатечествующиим же и сице богоначелного к Истине подобия (есть бо паче всякого сущства и живота, ниединому убо то свету начретающу, всякому же слову и уму подобия того безьсьссуждения недостатьчьствующиим). Когда ли же и отличными изьявленми от техжде Словес премирне поетсе невидимо то,^³¹¹ и непостижно, и невместимо нарицающиим, и от ихже не что есть, но что несть знаменаетсе. Сие бо, яко мню, и истейше есть на том, понеже, якоже и скровенное и свещенническое предание научи и, еже убо не быти по нечесом сущиих то истинствуем, неразумеваем же еже пресуществное того и недомысльное^³¹² и неизреченное неопределение. Елма же убо отречения^³¹³ при божествных истинна суть, наньречения же неприлична сокровению неизреченныих, ближнейше паче есть при невидимыих еже отличныими назданми изьяшнение.

Почитают бо,^³¹⁴ а не студа испльняют небесная удобрения яже светиих свещеннописания, отличныими тая образотворенми изьявляюще и сими указующе веществныих всех премирне изьшедшая. А якоже и наш ум возводет паче неприкладьствия отличенстьв, не мню кого от благомудроствующиих супротиворещи. Во честная бо убо свещенноздания лепо есть и заблудити,^³¹⁵ златовидна мнещи им быти небесная существа, световиденыие некоторие мужи и блистающесе благолепотми, одеяянные ризами светлыими, и огнене невредне³¹⁶^³¹⁷ блистающеесе и еликыми иныими подобообразныими зраци богословие небесныие изобрази умове. егоже да не постраждут иже ничесоже видимыих доброт вышьше разумевшеи, яже преподобныих богословц вьиспропростирательная премудрость и к неприкладныим отличенством свещенне сводитсе, не попущающи еже тименное наше в студные образи остаемо почивати, вьставляющи же гореносное душе и пострекующи злообразием сложенныих, яко ниже праведно, ниже истинно мнетисе быти, ниже сущим зело тименныим, яко сице студныим подобна во истину суть пренебесныие и божествныие позоры.^³¹⁸ Инако же и се разумети потреба есть, еже ниже едино от сущиих^³¹⁹ быти по всем добраого причестия улишенно, понеже, якоже и яже Словес истина рече, «Вса добра зело».³²⁰

4. Есть убо от всех разумети добрыие позоры и умныим и мысленим от веществныих наздати глаголемая отличная уподобления, инем образом умныим имущиим, яже чювствныим инако подана быше. И бо ярость^³²¹ убо бесловесныим^³²² от страстного устремления бывает, и всякого бесловесия испльнь яростновидно их движение. Но при умныих инем образом подобает яростное разумети, являемо, яко мню, еже мужествное их словесьнство^³²³ и неумекчаемое имество в боговидныих и непревратныих водружениях. Такожде похотевателное^³²⁴ убо быти глаголем при бесловесных несмотренное неко и тименное от естествного движения или обычая в изменяющиихсе^³²⁵неудрьжателне бываемо пристрастие и еже бесловесное телесного пожелания удрьжание, всяко животно поревающего на еже по чювству похотение. Егда же отличная уподобления умныим наложивше похотение им глаголем, рачительство божествно то разумети подобает паче слова и ума невеществия и неуклонно и несходно желание пресуществне чистого и непрелестного видения и к оному чистому и кончному сиянию и нелестному и добротворному благолепию вечного воистину и умного причещения. И еже неудрьжателное да разумеем при скором и невозвратном и от ничесогоже отсещисе могущу ради несмесного^³²⁶ и неизменного божествныие доброты рачителства и еже отнудьнее уклонение на воистину Желаемо. Но и само то бесловесие же и нечювьство при бесловесныих убо животныих или бездушныих вещех улишение слова и чювьства искренне нарицаем; при невеществныих же и умных сущ’ствах светолепне еже превосходимое^³²⁷ их яко премирныих исповедуем нашего преходителного и телесного слова и тименного и чуждого бесплотным умовом чювства.

Есть бо убо не неприкладныие наздати небесным зракы и от безчестнейшиих вещи^³²⁸ честей, понеже и та от сущего добра бытие имущи^³²⁹ по всяком ее веществном удобрении уподобления некая умного благолепия имут, и мощно есть теми возводитисе к невещественыим начелообразиям, отличне, якоже речесе, подобиям разумеваемом и темжде,^³³⁰ не такожде, сгожденне же и искреньне на умныих же и чювствныих свойствох определенном.

5. Сия же таиньственыие богословце обрещем не токмо сущиим небесныих удобрений светлотам свещенне наздавающиих, но и самыим есть когда богоначелныим изъявлениям.^³³¹ И когда убо то от видимыих честнейшиих^³³² воспевают яко Солнце правды,³³³^³³⁴ яко звезду восточну,³³⁵ в уме свещенне восиявающу, и яко свет, неприкривателне и умне осиявае, когда ли же от средныих яко огнь, невредне просвещае,³³⁶ яко вода, жизненого испльнения подателна³³⁷ и, образне рещи, вь чрево входещи и реки истачающи, неудрьжанне текущее;³³⁸ когда же ли от последныих яко миро благоуханно,³³⁹ яко ками краеугльный.³⁴⁰ Но и зверообразие тому налагают и львово тому и всякого звера³⁴¹ свойство возлагают, и пардала то быти реше, и медведицу губителну.³⁴² Приложу же и еже всех безчестнейшее быти и паче неприкладно мнесе, яко и чрьвия вид³⁴³^³⁴⁴ то себе наздаваемо, иже о божествныих прикладныи предаше. Сице вси иже богомудрыи и сокровенного вдохнутия пророци несоврьшенныих и несвещенныих пречисте разделяют Светая светиих и отличное свещенноздание почитают, яко ниже божествная скврьнныим благонаручна быти, ниже свещенныих образ^³⁴⁵(на поле внизу: образ – сиречь кумир) любозрителем яко воистиннех остати образех и того ради божествная почитатисе истинныими отреченьми^³⁴⁶ и яже последьныим^³⁴⁷ искреныих подражаний инеми уподобленми. Ничтоже убо безьместно, аще и небесная существия от неприкладныих отличенстьвньныих уподоблений наздавают по реченныих винах. Не бо убо негли ниже мы в искание убо от недоумения в возвождение же известного ради свещенныих испытания пришли быхом, аще не еже зловидное^³⁴⁸ нас смутило бы аггельского изьявителного наздания, не оставляе наш ум остати в неприличныих образотворениях, но благовочиняе отрицатисе тименныих пристрастий и подвиже свещенне воиспрепростиратисе, видимыих ради на премирныие возводе.

Толика убо нами рекошесе вещныими и неприкладныими свещенныих словес аггеловидная образописания,^³⁴⁹ прочее же определяти подобает, что то быти свещенноначелие непщуем, что ли же от того свещенноначелия ползевати имать иже свещенноначелию удостоившеисе. Наставник же слову будет Христос, аще убо мне льза есть рещи, мой, всякого свещенноначелного изъявления вдохнутие. Ты же, о дете,³⁵⁰ по преподобном еже у нас свещеннического предания уставоположению, сам же свещеннолепне слыши иже свещенне глаголемыих, божествен божественыих учением бывае и, еже в уме скровением светая скутав от несвещенного множества³⁵¹ яко единовиденная сохрани. Не бо праведно, якоже Словеса реше,³⁵² в свиние поврещи еже умныих бисер чистое и световидное и добротворное благоукрашение.

Глава 3. Что есть свещенноначелие и что в свещенноначелии полза. Предел свещенноначелия³⁵³

1. Есть убо свещенноначелие, по мне, чин свещенен и художество и действо к боговидению коль мощно уподобляемо и к даваемыим тому от Бога осияниям по мере на богоподражател’ное возводимо. А яже боголепная доброта, яко проста,^³⁵⁴ яко блага, яко соврьшенноначел’на,^³⁵⁵ непримесна убо есть по всем всякого отличьнства, преподателна же по достоянию комуждо своего света и соврьшателна в соврьшени божествнейшем, по еже к той иже соврьшаемыих прикладне неизменном образе.

2. Мысль убо свещенноначелия есть еже к Богу яко мощно уподобление же и соединение, Того имее всякого свещенного художества же и действа наставника и к тогову божествнейшему благолепию неуклонне убо зримо, яко мощно же изобразуемо и свое ликовникы^³⁵⁶ подобия божествная соврьшае, зрьцала чиста и нескврьнна, приетьная светоначелние и богоначелние заре и убо даемые луче свещенне испльняемая, сию же пакы обилне в прочая восиявающе, по богоначелныих уставох.

Не бо праведно есть иже свещенне соврьшаемом содействовати^³⁵⁷ что отнудь вне своего службоначелного свещенновчинения, но ниже есть инако, понеже божествные самыие светлости желают и к той свещеннолепне сматрают и вображаютсе, по коегождо свещенныих умов достоянию.

Сего ради убо свещенноначелие^³⁵⁸ глаголей свещенно неко по всем являет удобрение, образ Богоначелныие красоты, вь чинох и художествох свещенноначелныих яже своего сияния свещеннодействуе таинствия и к своему начелу яко льза уподобляе. Есть бо коемуждо иже свещенноначелие наследоствовавшиих соврьшение еже по своей мере на богоподражателное возвестисе и, еже всех божествнеише, якоже Словеса реше, «Богу споспешник»³⁵⁹^³⁶⁰ быти и показати божествное действо^³⁶¹в себе, по еже мощно являемо. Рекше, понеже чин свещенноначелия есть еже овем убо очищатисе, овем же очищати, и овем убо просвещатисе, овем же просвещати, и овем убо соврьшатисе, овем же соврьшенодействовати, коеммуждо богоподражателное уприкладитисе имать по семь образе. Божествное блаженство,³⁶² яко в чловецех рещи, непримесно убо есть всякого отличенства, испльненно же света присносущного, соврьшенно и нетребователно всякого соврьшения, очищае, и просвещае, и соврьшенодействуе, паче же чищение свещенное, и просвещение, и соврьшение, паче чищения, паче света, предсоврьшенно, самослужбоначелие и всякого убо свещенноначелия вина, всякого же свещения по превосходимом изредно.

3. Потреба убо есть, яко мню, убо чистещимсе непримесном соврьшатисе по всем и всякые свобаждатисе неподобные гнусоты; просвещающииим же се исплонятисе божествного света, к зрителному иместву и силе в всечистыих ума очесех возводещиимсе; соврьшающиим же се, от несоврьшенных пречиняющиимсе, причестником быти зримых свещенныих соврьшителного художества; чистителем^³⁶³ же богатством очищения иным преподавати своее чистоты; просвещателем же яко чистейшиим умовом и к причестию света и преподанию искренне имущиим и всебогатне свещение испльненныим луче, иже на них все пролеваемый светь в иже достойнныие света посилати; соврьшенодействителем же, яко художником соврьшителного преподания, соврьшати соврьшаемые всесвещенныим учением зримыих свещенныих художества. Прочее убо коиждо свещенноначелничского удобрения чин по своей мере возводитсе к божествному споспешению, она соврьшае благодатию и благодатною силою, яже Богоначелию естествне и паче естества наставшая,³⁶⁴ и от Того пресуществне деемая, и к мощному боголюбезныих умов подражанию свещенноначелне изьявляемаа.

Глава 4. Что назнаменует аггел име

1. Свещеноначелию убо что-любо есть, якоже мню, добре нами определенному, аггельское свещенноначелие прочее достойно есть воспети и яже свещенная того в Словесех образотворения премирныими очесы достоит узрети, яко да возведемсе на боговидную их простоту таинствныих ради назданий, и еже всякого свещенноначелничского художества Начело да воспоем в боголепней чести и Службоначелныих благодареныих.

Прьвее всех оно рещи истинно, яко благостию вся пресущьствное Богоначелие, яже сущиих³⁶⁵ существия составив, в еже быти приведе. Есть бо се всех Вини^³⁶⁶ и превыше всех Благости свойствно еже к приобщению своему сущая призивати, якоже коемуждо сущих определенно бысть от своее меры. Вся убо яже сущая^³⁶⁷ причествуют Промыслу от пресуществного и всевиновного Божества изливаемому. Не бо убо была быше, аще не сущиих сущства^³⁶⁸ и начела приобщиласе быше. Неживотная убо вся еже быти тому причествуют (еже бо быти всем есть еже паче бытия божество), животная же^³⁶⁹ тоежде паче всякого живота животворныие силы, словесная же и умная, тоежде паче всякого и слова и ума самосоврьшителныие и прежде соврьшенства премудрости. Явленно же есть, яко близь тое она сущестьв суть елика многащии той причестишесе.

2. Светие бо убо небесныих существ^³⁷⁰ доброты паче яже точию сущая, и бесловесне жива, и яже у нас словесная богоначелного преподания в причестии быше. Умне бо в богоподражателное^³⁷¹ себе воображающе и к богоначелному подобию премирне зреще и воображати желающе умны их виде, обилнейшая влепоту имут яже от тое причестия, приближне убо суще и присно к еже горе взиматисе, якоже лепо есть в крепости божественого и неуклонного рачителства вьиспрепростираеме и начелная осияния невеществне и несмешенне приемлюще и к тем [над словом знак, и под таким же знаком на поле: осианиям] сочиняеме и умну^³⁷² имуще всу жизнь. Сие убо суть еже прьвее и многащи в причестии божественного бываеме и прьвее и многащи изьявителне богоначелного сокровенства, темже паче всех аггельского^³⁷³ именования безмерне сподобишесе за еже прежде в тех бывати богоначельному осиянию и теми в нас ниспосилатисе яже паче нас изьявлениям.

Сице убо Закон, якоже богословие рече, аггельми нам дан бысть³⁷⁴ и иже славныие же прежде Закона и по Закону наше отце аггелы к божествному возвождааху е, или еже творити достоит^³⁷⁵ научавающеи и к правому истины путы от прельсти и жизны несвященние преводеще, или чина [у слова стоит значок, и на поле рядом с таким же значком: свещенного] или таин премирныих скрьвенная видения, или божествная некая проречения пророчскы являюще.

3. Аще ли некто речет и оттуду непосредствне³⁷⁶ бывати некоторыим светиим богоявления,³⁷⁷ да навикнет и се премудре от свещеннейшиих Словес, яко само то убо что любо есть Божие сокровение «никтоже виде»,³⁷⁸^³⁷⁹ ниже узрети имать, богоявления же преподобныим быше по подобниих Богови некоторыих ради свещенныих и зрещиим достойныих видений изьявлениях. Всепремудрое же богословие видение оно,^³⁸⁰ еже в себе написанно являше божествное яко в образе неизображуемыих подобие, ради видимого на божествное возвождения влепоту наричет богоявление,^³⁸¹ яко его ради зрещиим божествному бывающу осиянию и нечто божественыих им научающиимсе.

Сия же божествная видения славнии отци наши навицаху посредством небесныих сил. Или не и еже свещенное Закона законоположение Словес предание, яко от онуду убо глаголет от Бога Моусеови дарованно, яко да убо нас истиньне научить еже божествно то быти и свещенно подизображение.^³⁸² Учить же и се премудре богословие, еже аггелы сему в ны произити, яко богозаконному чину оно уставополагающему, еже превыих ради вторая к божественому возводитисе.^³⁸³ И бо не токмо при превосходещиих же и меншиих умовех, но и в вькупочненыих с устав определисе от всех пресущственого Чиноначелия,^³⁸⁴ еже во всяком свещенноначели прьвыим, и средныим, и последныим быти чиновом же и силам и от меншиих быти божествнейшиим учителем и руковождем к божественому возведению, и осиянию, и причещению.

4. Зру же, яко и еже божествное Исусова чловеколюбия таинство аггелы прежде навикоше,^³⁸⁵ таже теми в нас разума благодать мимохождаше. Сице бо божественейши Гавриил Захариу убо иерарха научи, еже пророк быти еже от того без надежде благодатию божествною раждаемое отроче благолепне мирови и спасителне являемого мужственого Исусова богодейства,³⁸⁶^³⁸⁷ Марию же^³⁸⁸ – како в той будет богоначелное неизвещанного богоздания таинство.³⁸⁹ Иный же аггел Иосифа наказа, како воистину испленитисе имуть³⁹⁰ яже богоданне обещанная предеду Давыду.³⁹¹ Другый же пастырем яко многыих отшествием и безмловием очищенном благовествоваше³⁹² – и с ним множество вой небесныих – еже многопетое оно предаваху сущиим на земли славословие.³⁹³

Вьзимаем же и к превышьшим Словес светоявлениям. Зру бо, яко и сам Исус, иже пренебесныих существ пресуществна вина,^³⁹⁴ к нам непреложне^³⁹⁵ пришьд, не отмещетсе еже от того вьчиненного же и изволенного чловеколепного благочиния, но благопокорне повинуетсе Отца и Бога аггельми воображениям. И посредством тех возвещаетсе Иосифу еже от Отца усмотренное Исусово к Егупту отшествие³⁹⁶ и пакы еже к иудеом от Егупта прешествие.³⁹⁷ И аггельми Того зрим под Отеческыими уставоположен’ми вьчиняемого. Оставляю бо рещи, яко ведущу яже свещенничскыими нашими преданми изъявленная и о аггеле, иже Исуса укрепляющем³⁹⁸^³⁹⁹ или яко и сам Исус по нашем спасителном благодействе в изьявителный^⁴⁰⁰ пришед чин, «Аггел Велика Совета»⁴⁰¹ наречесе. И бо яко Сам аггелолепне глаголет, елика слыша от Отца возвести нам.⁴⁰²

Глава 5. Почто вся небесная сущ’ствия отдоле обще аггелы глаголютсе

Сия убо есть яко по нас вина аггельского в Словесех именования. Испытати же, яко мню, потреба есть, кое ради вини богословци вся убо вкупе небесная существа аггеле наричут,⁴⁰³ к изьявлению же приходеще премирьныих тех доброт, чин аггельскый особне именуют, иже соврьшителне окончаваей^⁴⁰⁴ божествные и небесныие чины, прежде же сего превосходне вчиняюще архаггельская удобрения, и начела, и власти, и силы, и елика сих превозшедшая сущствия, яже Словес ведет изьявителная предания. Глаголем же, яко по всяком священном удобрени превозшедшеи убо чинове имеют и яже меншиих удобрений осияния же и силы, непричестныи же превосходителныим себе суть последныи.^⁴⁰⁵ Светейшие убо превышьшиих существ чины и аггелы наричут богословци, и бо суть изьявителны и сии богоначелного осияния.

Чин же небесныих умов последный не имут слова начела, или престоле, или серафиме именовати, ниже бо есть в причестии превышьшиих сил. Но якоже сеи иже у нас божественыие прьвосвященникы⁴⁰⁶ возводит к ведомыим ему богоначелия лучам, сице и иже прежьдныих того существ всесвещенныие силы возводителныи к божествному суть соврьшителного⁴⁰⁷аггельскому свещенноначелию удобрения, – аще не еда кто и се речет еже общая быти⁴⁰⁸ всяка аггельская именования по всех небесныих сил в боговидное и от Бога светодание меншем и преимущем причещении. Но да паче нам слово благосудно будет, да видим священне яже в Словесех изьявленная святолепная свойствия⁴⁰⁹ коегождо небесного удобрения.

Глава 6. Что прьво небесныих существ удобрение, что средне, что последне

1. Еликая убо суть и какова пренебесных существ удобрения и како яже у них свещенноначелия соврьшаютсе, единому известне ведети глаголю божествителному тех Службоначелию (рядом маргиналий: божествителное Службоначелие Богоначелие глаголет); к симже и тем разумети свое силы же и осияния и свое свещенное и премирное благочиние. Немощно бо нам ведети^⁴¹⁰ яже пренебесныих умов таинствия и светейшая их соврьшения, аще не, негли речет кто, еликая теми нас яко своя добре ведущиими Богоначелие научи. Прочее мы убо ничесоже самодвижне рещи имами; елика же аггельскыих видений от свещенныих богослов’ц узрешесе, сия навикше, мы, яко мощни есмы, да изложим.

2. Вся богословие небесная существия девет нарекло есть изьявителныими именованми.⁴¹¹ Сия божественый наш свещеннослужитель^⁴¹² (внизу на поле без какого-либо значка: Свещеннослужителя глаголет или светого Павла, или светого Иерофея) в три разлучает троичская удобрения.^⁴¹³ И прьво быти глаголет еже о Бозе существо присно и близь тому и прежде иныих непосредствене^⁴¹⁴ соединятисе преданное. Светейшие бо престоле⁴¹⁵ и многоочите и многокрилате чинове, херувим еврейскыим гласом и серафим именованна, по всех превосходещем приближении о Бозе непосредствене приседети рече предаватисе Словесним изьявлением. Троичьское убо се удобрение яко едино и вкупочиненно и воистину прьво свещенноначелие славный наш рече наставник, егоже несть друго божественейшее и прьводелныими Богоначелия осиянми непосредствене приближнейше. Второ же быти реже еже от властий и господств и сил^⁴¹⁶ соврьшаемое, и третие последныих небесныих свещенноначельстьв, еже аггел же и архаггл и начел удобрение.

Глава 7. О серафимех, и херувимех, и престолех, и о прьвом, их свещенноначелии⁴¹⁷

1. Сей мы и приемлюще^⁴¹⁸ светиих свещенноначельств чин, глаголем, яко всяко небесныих умов именование сказание имать коегождо богоданного свойства.^⁴¹⁹И светое убо серафим именование реше иже яже евреи ведуще или еже «пожигателе» изьявляти, или еже «согревателие», а еже херувим – «множество разума», или «излитие премудрости».

Влепоту убо прьвое небесныих свещенноначельств от превышьшиих существ свещеннодействуетсе, чин имее всех высочайши,⁴²⁰ еже о Бозе непосредствне приседети и прьводелная богоявления и соврьшения в те яко приближне начелничствне сходити. «Согревателие» убо именуютсе и престолы и «излитие премудрости» изьявителныим боговидныих их иместьв именем.^⁴²¹ Иже бо приснодвижное быти^⁴²² убо их о божествныих и непрестаемое и еже топлое и скорое и прегорещее всех приближного и неисходнного и неуклонного приснодвижения и еже иже меншиих возводителне и силне уподобителное яко востопляе она и возгарае на подобную топлоту и еже палителне и всесожигателне чистителное, и неприкривателно и неугашаемо имее такожде присно световидно и просвещателно свойство всякого несветлого тмотворения отгонително суще и потребително серафим именование изьявителне учит. Херувимское же еже разумно быти их и боговидное, и еже превышшего светодания приетное и зрителное в прьводелной силе богоначелного благолепия, и премудротворного преподания испльненное, и причестное обилне к вторим излитием дарованныие премудрости. А еже превысокыих и превьзетиих престол^⁴²³ еже всякого несмесне изетисе долешьствного смерения и еже воздвигателне премирне гореносное^⁴²⁴ и всякого последенства неклонителне гореприсвоенное и о иже воистину Вышнем всеми силами неколебателне и благостоине приседимое и богоначелного нашествия в бестрасти всачесцем и невеществи приетное, и еже богоносное^⁴²⁵ и богоугодне на божественая подьетия возлетаемо.

2. Сие убо еже имен их яко по нас изьявление. Рещи же достойно есть, кое свещенноначелие их непщуем. Всякого бо убо свещенноначелия мыслы богоподражателного боговидения прилежателно и неклонителне быти, и еже разделятисе всякому свещенноначелничскому строению в причестие^⁴²⁶ свещенно и преподание⁴²⁷ чищения несмесного и божествного света, и служебнственого художества доволно уже от нас рещисе непщую. Ниня же достойне рещи молюсе превышьшиих умов, како еже в тех свещенноначелие Словесы изьявляетсе.

Прьвыим^⁴²⁸ существом, иже по существотворном их Богоначелии приседеща и якоже в преддверии того вьчиненьна, всякыие суть невидимые и видимыие превозшедшеи бывшее силы, свое непщевати достоит быти и по всем подобовидно свещенноначелие. Чиста убо та достоит непщевати^⁴²⁹ не яко несвещенныих скврьн и гнусот свободнная, ни же яко тименныих неприетна мечтаний, но яко всякого сьнижения несмесне высочайшая, и всякого меншего свещения по превышьшой чистоте всех боговидныих сил превоседателная, и своего приснодвижного и самодвижного^⁴³⁰ по боголюбезного непреложению чина неклонителне зело дрьжещаясе, и еже на хуждьшая по нечесом умнение отнудь неведущая, но непадаемо присно и непредвижимо имущая своего боговидного свойства несмесное приседание. Зрителная^⁴³¹ же пакы не яко чювственыих знаменый или умниих видителие,^⁴³² ни же яко различием свещеннописаничского видения на божествное возводимая, но яко всякого невещественого разума высочайшим светом испльненная и добротворныие и начелныие доброты пресуществного и триспетного зрения, яко лепо, насыщенная, Исусова же приобщения^⁴³³ такожде удостоенная не в образех свещеннозданныих зрачне воображающиих богоназданое уподобление,^⁴³⁴ но яко воистину тому приближаемая в прьвем причестии разума богоделныих Его свет, и убо яко еже богоподражателное тем превысочайше дарованно бысть и приобщаютсе по еже тем мощно в преводелней силе^⁴³⁵ богодейственыим Его и чловеколюбным добродетелем. Соврьшенная же такожде не яко различия свещенного в сказателном художестве сияющая, но яко прьвого и превосходимого обожения испльненая по превысочайшем яко аггелом богодействе художстве. Не бо иныими светыими существи, но от самого Богоначелия прьвосвещенствуема^⁴³⁶ в еже на то непосредствне воспростиратисе всех превосходещою силою и чином и во всечистом и по всем неклонителном приседеще и к невещественому и умному благолепию, яко праведно, в видение приводетсе и яже богодейстьве художественая словеса^⁴³⁷ яко прьвая и о Бозе суща навицают от самого службоначелия превысочайше свещеноначельствуема.^⁴³⁸

3. Сие бо богословци яве сказуют еже убо меншиим небесныих существ добротам от превозшедшиих благодобротне научаватисе^⁴³⁹ богодеиныим художествам, всех же превышьшиим от самого Богоначелия, яко праведно, ученми осияватисе. Некоторие бо убо их вьводет от прьвыих свещенне навицающе, еже «Господа быти небесныим силам»⁴⁴⁰ и «Цара славы»⁴⁴¹ иже на небеса чловеколепне вознесенного,^⁴⁴² некыие же к самому Исусу недоумевающесе и еже о нас Тогова богодействия^⁴⁴³ художество навикнути желающе и тех самому Исусу непосредствене научавающу и преводатне тем изьявляющу Свое чловеколюбное благодействие. «Аз бо, – рече, – глаголах правду и суд спасения».⁴⁴⁴^⁴⁴⁵ Дивлю же се,^⁴⁴⁶ яко и яже пренебесныих существ прьвая и толико всех превосходеща богоначелныих осияний яко посредевоскриляема^⁴⁴⁷ благоговейне желают. И бо не Самого Бога вопрашают.^⁴⁴⁸ «Почто ти оброщенны суть ризи?»,⁴⁴⁹ – к самем же недоумеваютсе прьвее, показающе убо, яко навикнути желающе и богодейственаого разума желают, не предваряюще же иже по божествном прошествии даемого осияния. Прочее убо прьво небесныих умов свещенноначелие от самого Службоначелия прьвосвещенствуемо во еже на то непосредствьне простиратисе всесветейшего очищения, неприступного света, преждесоврьшения соврьшенодействия по мере се испльняемо очищаетсе и просвещаетсе⁴⁵⁰ и соврьшеннодействуетсе всякого убо сьнижения несмесно, прьвого же света испльнено и прьводатного разума и художества причестник наврьшаемо.

Совокупив же и се да реку убо не нелепостне, яко и чищение^⁴⁵¹ есть и просвещение и соврьшение еже богоначелного художества причещение, неразумия убо рекше очища по чину даемыим разумом соврьшенныих навиченый, просвещае же собою божественыим разумом, егоже ради очищает яже не прьвее узренна елика ниня изьявляютсе высочайшего ради осияния и соврьшае пакы темежде светом еже по иместву художеством светлейшиих вичений.

4. Сие убо есть яко по моем художестве прьвое небесныих существ удобрение еже «окрест Бога»⁴⁵²^⁴⁵³ и при Бозе непосредствене стоей и просте и непрестанне ликоствуе в вечнем Его разуме по превысочайшем яко в аггелех приснодвижнем приседении, многа убо и блаженная зре чисте видения, и простиими и непосредственыими зарами осияваемо, и божествныие пище испльняемо,^⁴⁵⁴ многые убо приводатным излитием, единыие же неразличне и единотворне богоначелничского гощения единством, многого же приобьщения Божия и содействия удостоенно еже к Тому яко же мощно уподоблением добрынх иместьв же и дейстьв, многая же божествныих превосходителне веде и богоначелного художества и разума в причестии, поеже есть льза, бываемо. Сего ради и пения тогова богословие сущиим на Земли предало есть, в ихже свещенне является еже превысочайшего осияния превосходителное. Овы бо убо того чювствьне рещи, «яко глас вод мног»,⁴⁵⁵ вопиют: «Благословленна слава Господня от места Его!»,⁴⁵⁶ – овы же^⁴⁵⁷ многопетое и честнейшее вьзивают богословие: «Светь, светь, светь Господь Саваоф, испольнь вся земля славы Его!»⁴⁵⁸ Сия же превысочайшая пренебесных умов песнословия уже убо в иже «О божествныих песнех»^⁴⁵⁹ якоже мощно изьявихом и речесе о сих в онех яко по нас доволне, от нихже в воспоменутие довлеет явити толико в настоеще време, яко богословныими художеством прьвое удобрение яко лепо осияно бывше от прьвые богоначелныие Благости, сее яко благовидно свещенноначелие и сущиим по нем проче преподаст, оно сокращенне рещи споведуе еже честному самому и прехвалному и всехвальному Богоначелию праведно благословне быти от богоприетныих яко мощно петисе и воспеватисе умов⁴⁶⁰ (сии бо суть яко боговидныи божествная «Места» богоначелничского, якоже Словеса реше, «покоища»)⁴⁶¹ и уже яко Единица есть и Единая Трисоставная от пренебесныих сущестьв даже до последныих земле посилающи благостныи свои на вся сущая промысл яко всякого сущства преначелное Начело и Вина и всех пресущественыих неодрьжныим обьетием⁴⁶² обьдрьжещи.

Глава 8. О господствех, и силах, и властех, и о среднем, их свещенноначалии

1. Преити же достоит ниня нам на среднее небесныих умов удобрение,⁴⁶³ господствия она премирныими очесы якоже мощно видещиим и яже воистину силная видения божествныих властий и сил. И бо коеждо^⁴⁶⁴ иже паче нас сущестьв именование^⁴⁶⁵ яже богоподрожателная их изьявляет боговидьная свойствия. Светиих бо убо господстьв изьявителное именование мню являти непорабощаемое неко и всякого смеренного уменения свободное возвождение ниединим мучителскыих^⁴⁶⁶ отличьнстьв ниединем образом отнудь прекланяемо, то свободнолепне^⁴⁶⁷ яко непреложно^⁴⁶⁸ господство всякого охуждателного работворения превосходе, несьходно уменению всякому и изето всякого отличьнствия сущего господства и господоначелия^⁴⁶⁹ непрестанно желае и к того господствному начрьтанию якоже мощно и себе же и яже по нем боговидне претварае, к ниединому суетному мнещиихсе, но к воистину Сущему отнудь обращенно и Господоначелного присно благовидения во причести по еже мощно тому бывше.

Светыих же сил^⁴⁷⁰ крепкое неко и непоколебателно мужество во всех яже в том боговидьныих действах, к ниединому подьетию даемыих тому богоначелныих осианий немощне изнемагае, крепце на богоподобное возводиму, не недостатьч’ствуее своего немужеством боговидного движения, но неклонителне зре в пресуществную и силотворную Силу и тое образ силовидьне по еже мощно бывше и к той убо яко начелосилной силне обращенно, к вторим^⁴⁷¹же силодателне и боговидне происходе.^⁴⁷²

Светыих же властий⁴⁷³ еже вькупочинно божествныих господств и сил, благоудобренное и нескврьнное о божественыих подьетиях благочиние и еже вьчиненное премирныие и умние власти^⁴⁷⁴ не мучителскы на хужьдшая властныими силами приемлющу, но неудрьжателне на божествна с благочинством возводиму же и яже по нем боговидне возводещу, и к властотворному^⁴⁷⁵начеловластию якоже лепо уподобляющу и то, якоже мощно аггелом, восиявающу, иже в том благоудобреними чинми и властныие силы.

Сия имее боговидная свойствия, среднее небесныих умов удобрение^⁴⁷⁶ очищаетсе убо и просвещаетсе и соврьшеннодействуетсе по имже речесе образе от богоначелныих осияней, водаемыих ему вьторе прьвым свещенноначелничскыим удобрением и средним онем^⁴⁷⁷ второявитилне^⁴⁷⁸ посилаемыих.

2. Сего ради иже другыим глаголемы приходити в другы аггел слух знамение да сотворим иже издалече бываему и прохождения ради утончаваему^⁴⁷⁹ во второе соврьшения.^⁴⁸⁰ Якоже иже художныи о свещенныих наших службах^⁴⁸¹ глаголют,^⁴⁸² яже самоявленная божествныих соврьшения иже инеми боговидныих причестий быти соврьшенейшая, сице мню и аггельскыих чинов непосредствное причестие иже прьвее о Бозе вьиспропростираемыих явленейше быти иже посредством соврьшаемыих. Темже и от свещенничского нашего предания^⁴⁸³ соврьшителние и светодействение и чистителние силы прьвы умове именуютсе меншиим, яко тех ради на всех пресуществное начело возводимом и службоначелничскыих очищений и просвещений и соврьшений в причестии по еже тем льза бываемом.^⁴⁸⁴ Се бо есть отнудь Божествныим Чиноначелием богоподобне вьзаконенно – еже прьвых ради вторая богоначелныих причествовати осияний. Обрещеши же се и многащи богословци изьявленно. Егда бо божествное и Отче чловеколюбие Израиля возвратителне о свещенном его спасени наказав и томителем и сверепим языком в исправление издав, отнудним промышляемыих на лучьшее преведением и от запленения пущает, и к прьвому чловеколюбне возвращаше благостраданию, зрит богословц един, Захариа, единого прьвыих, яко мню, и при Бозе аггель (обще^⁴⁸⁵ бо, якоже рех, есть по сем еже аггельского именования) от Самого Бога навикьшого еже о семь «Утешителная», якоже рече, «словесе»,⁴⁸⁶ другого же меншиих аггел к усретению прьвого предидущего, яко к осияния подьетию и приобщению, таже от того божествный совет яко от свещенноначелника навикшого и еже научити богослова повелеваемого, яко «Зело велми населитсе Иерусалим от множества люди».⁴⁸⁷ Другый же богословца Иезекиила^⁴⁸⁸ и от самого глаголетьсе всесвещенне навикнути херувим превышьшего преславного Божества. Израиля бо, якоже речесе, Отче чловеколюбие наказания ради на болшее преводе правдою боголепною от повинныих разлучити неповинные оправди. Сие же навицает прьвы по херувимех, иже о чреслех самфиром препоясьн,⁴⁸⁹ иже одеждею,^⁴⁹⁰ даже до ног сходещею, по знамению архиерейском одеянь. Прочиим же аггелом, иже сечива имущиим, божественое чиноначелие повелевает^⁴⁹¹ от прьвого навикнути еже о семь богосудство. Овому бо убо рече посреде проити Иерусалима и дати знамения на челех^⁴⁹² неповинным мужем, аггелом же:^⁴⁹³ «Идете в град вослед того и сецете, и не пощедите очима вашима», «ко всем же, на нихже есть знамение, не приближитесе».

Что убо некто речет о рекшом аггеле Даниилу: «Изиде слово»?⁴⁹⁴ Или о прьвом том, огнь от среди херувим приемшем?⁴⁹⁵ Или еже сего излишное в благочинное аггельское указание, яко херувим вьлагает огнь в рукы в светую одежду облеченного? Или о возвавшем божествьнейшего Гавриила^⁴⁹⁶ и рекшим ему: «Скажи оному видение»?⁴⁹⁷ Или еликая друга от свещенныих богословц реченная быше о иже небесныих свещеньноначельств боговидном удобрени,^⁴⁹⁸ к немуже еже у нас свещенноначелия благочиние по силе уподобляемо аггельское благолепие яко в образех имать, воображаемо тем и возводимо к пресущественому всякого свещенноначелия Чиноначелию?

Глава 9. О началех, и архаггелех и аггелех, и о последьним, их свещенноначели

1. Оставше есть нам в видение свещенно удобрение еже аггельская затворае свещенноначелия еже от боговидныих начел, и архаггел, и аггел удобряемо. И прьвая убо рещи нуждно мню, по еже мне мощно, светых их именований изъявления. Изъявляет бо еже убо небесныих начел именование еже боговидне начелничское и владычествное с чином свещенним и начелническыими подобия силами, и еже к преначелному Начелу и самех свьсма привращати, и другые начелничскы водити, и еже к самому оному яко мощно воображатисе наиелотворьному Начелу являти же пресущ’ствное Того чиноначелие⁴⁹⁹ начелничскыих благоудобрением сил.

2. Светиих же архаггел^⁵⁰⁰ единочинно убо есть небесныим начелом.^⁵⁰¹ Есть бо тех же и аггел, якоже рех, свещенноначелие едино и удобрение.^⁵⁰² Обаче понеже несть священноначелие не и прьвые и среднее и последнее силы имее, иже архаггел светы чин общителне священноначелничскою средою краев касаетсе. Светейшиим бо начелом приобщаетсе и светым аггелом,^⁵⁰³ – овем убо, яко к пресущественому Начелу начелничскы обращаетсе и к тому яко мощно воображаетсе, и аггеле соединеннотворит по благоудобрителныих его и вьчиненних и невидимыих владычествиях,^⁵⁰⁴ овем же, яко и пророческого чина, богоначелничская осияния свещенноначелне прьвыими силами подьемле, и аггелом сия благовидне возвещае, и аггельми намь являе, по свещенной коегождо иже божествне осияваемыих мере. Аггелы^⁵⁰⁵ бо, якоже преде рехом, накончателне соврьшают вся небесныих умов удобрения, по последнем яко в небесныих сущ’ствах^⁵⁰⁶ имуще аггельское свойство и паче от нас изьявителни преждных аггелы свойственейше именуемы елико и о явленнейшем им есть свещенноначелие и паче к миру близ.⁵⁰⁷ Прьвое бо убо превысочайшее, якоже речесе, удобрение, яко Сокровенному прьвовьчинителне приближаесе, скрьвеновидне достоит разумети свещенноначелствовати второму, второ же, еже соврьшаетсе от светых господстьв, и сил, и властий, начелом и архаггелом и аггелом свещенноначелию наставьник есть, к прьвому убо свещенноначелию изьявленнейше,^⁵⁰⁸а еже по нем скрьвенейше; начел же, и архаггел, и аггел изьявителное удобрение, еже в чловецех свещенноначелиям друг другом наставник быти,⁵⁰⁹ да будет по чину еже к Богу вьзвождение, и обращение, и приобщение, и соединение, и убо и от Бога всем свещенноначелиям благолепне ведаемое и обще приходимо с благоудобрением свещеннейшим прошествие. Сего ради богословие еже у нас свещенноначелие аггельми ведало есть^⁵¹⁰ кнеза иудейскым людем, Михаила именуе,⁵¹¹ и аггелы езык другыих. «Положи» бо Вышни «пределы езыком по числу аггел Божиих».⁵¹²

3. Аще ли кто глаголет: и како иже еврейсци люде вьзвождахусе сами на богоначелная сияния? – достоит отвещати, яко не яже аггел правая приставления виновствовати подобает еже иныих езык на не сущие богы заблуждения, но самех онех, своими устремленми от еже на божествное правого возведения отпадшиих^⁵¹³ самолюбием и грьдинею и иже тем мнещиихьсе богоподобьств достойною честию.^⁵¹⁴ Се сведетелствуютсе и сами еврейсци люде пострадати.^⁵¹⁵ «Разум бо Божий, – рече, – отринул еси и вослед сердца твоего ходил еси».⁵¹⁶ Ни бо понужденну имамы жизнь, ни же ради промышляемыих самовластия божествны свети промышлятелного сияния изнемагают.^⁵¹⁷ Но еже умныих очес превращение преиспльненныие отчьскые благости светодание или отнудь непричестно творит и к тех ожесточаянию непреподатно,^⁵¹⁸ или причестия творит различна, мала или велика, тонка или светла, единие и простие, и присно такожде имущие, и простретие источничские луче.^⁵¹⁹ Понеже якоже и иныим езыком (от нихже и мы вьзникнухом, на яже всем готове в преподание^⁵²⁰ прострьтую богоначелного света безмерную же и обилную пучину),^⁵²¹ не чуждии неции наставници беху бозы, едино же всех Начело и к тому вьзвождаху последующиих коегождо езыка свещенноначелствующеи аггелы, Мелхиседека достоит разумети свещенноначелника суща боголюбезнивейшого не иже не сущиих, но воистину сущего вышняго Бога. И бо не просте Мелхиседека богомудрьныи не боголюбезного токмо, но и свещенника нарекоше,⁵²² яко да ум имущиим яве покажут, яко не токмо сам к воистину сущему Богу вьзвождашесе,^⁵²³ кьсему же и иные яко свещенноначелник наставляше на истинно и единно богоначелие возвождения.

4. И сие же твоему свещенноначелничскому разуму да воспоминаем, яко и фараону⁵²⁴^⁵²⁵ от иже егуптеном наставника аггела, и вавулонскому кнезу⁵²⁶ от своего, еже всех Промысла и Господства попечителное и властное в видениях возвещашесе; и езыком онем иже воистину Бога угодници наставници беху,^⁵²⁷ воображенных аггельскыих видений изьявления иже аггел близь свещенныим мужем, Даниилу⁵²⁸ и Иосифу,⁵²⁹ от Бога аггельми откровенного. Едино бо есть всех Начело и Промысл,^⁵³⁰ и николи же достоит непщевати иудеи убо удостоителне наставнику быти Богоначелию, аггелом же особне – или вькупочьстне, или богопротивне – или богом некоторим наставником быти иныим езыком. Но и слово оно⁵³¹ по сей свещенней мысли достойное разумети не яко разделившу Богу с иныими богы или аггелы еже о нас владычество и Израиль езыконачелник и езыководник быти удостоившусе, но яко тому убо единому всех Вышняго Промыслу все чловекы спасителскы иже своих аггел горепростирателныими руковожденми разделившу, единому же потом от всех Израилю на еже сущего Господа светодание и разумение обращшусе. Темже богословие еже убо себе удостоити Израилю в сущего Бога угождение изьявляе, еже «Бысть честь Господня»⁵³²^⁵³³ рече. Показуе же еже и тому в равенстве прочиих езык датисе некоему светих аггел в еже тем единое всех Начело разумети, Михаила^⁵³⁴ рече иудейскыие водити люди, яве научавае еже един быти всех Промысл, всех невидимыих и видимыих сил пресущствне превыше седещь, всем же иже коегождо езыка приставленныим аггелом на то, яко на свое начело, последующиих волею^⁵³⁵ елико по силе горевозводещиим.

Глава 10. Повьсприетие и сьбрание аггельского благочиния

1. Собрасе убо нами, яко еже убо старейше иже о Бозе умов удобрение от Службоначелничьского⁵³⁶ осияния свещенноначелствуемо в еже на то непосредствне воспростирати скрьвеннейшим и явленнейшим Богоначелия светоданием^⁵³⁷ очищаетсе и просвещаетсе и соврьшеннодействуетсе. Скрьвенейшим убо яко умнейшим и паче простейшиим и сьединотворнем, явленейшим же яко преводатныим и превоявленным и соборнейшим и паче в то яко в чисто изливаемо, от того же пакы по мере вьторо, и от второго третие, и от третиего еже у нас свещенноначелие по самом том благоудобренного чиноначелия уставе в сьчланени божествнем и мере к всякого благоудобрения преначелному Начелу и Концу, свещенноначелне возводитсе.

2. Изьявителие же вси суть^⁵³⁸ и вестници преждныих тем: старейши^⁵³⁹убо Бога движущего, по мере же прочи, иже от Бога движемыих. Толико бо еже всех пресущствное сочланение коегождо словесныих же и умныих свещенного благоудобрения и вьчиненного возвождения промысли, яко и самому свещенноначельстьв коемуждо чин свещеннолепны положи. И всяко свещенноначелие зрим в прьвыие, и средние, и последние силы разделенно, но и само то коегождо особне рещи удобрение теми божествныими сьчланенми раздели. Тем же и самыие божествнейшее серафим богословци глаголют^⁵⁴⁰ другы ко другу вьзивати,⁵⁴¹ яве в сем, якоже мню, сказающе, яко богословеныих разумений прьвы вторим преподают.

3. Да приложим же убо и се не нелепотне,⁵⁴² яко и в себе коиждо небесный же и чловечскый ум свое имать и прьвие и средние и последние⁵⁴³ чины же и силы к реченныим коегождо свещенноначелниих осияний своим возвождениям по мере изьявляемыие по ихьже киждо в причестии бывает по еже тому подобно же и мощно пречистого очищения, преиспльненного света, предьсоврьшенного соврьшения. Есть бо ничтоже самосоврьшенно или нетребователно повсем соврьшения, разве еже воистину самосоврьшенно и предьсоврьшенно.

Глава 11. Почто все небесныие силы и сущства обще силы небесныие глаголются

1. Сим же определенном, оно достойно есть разумети, кое ради выни вся вькупе аггельская сущства силы небесныие нарицати обыкохом. Не бо есть рещи, якоже при аггелех,⁵⁴⁴ яко всех есть последнее удобрение светих сил и убо последныих светолепныих осиянию яже надьлежещиих сущств удобрения причествуют, последняя же прьвыих николиже, и сего ради небесныие убо силы вьси божествныи умове именуютсе, серафимы же, и престолы, и господствия никакоже, непричестни^⁵⁴⁵ бо последни превысокыих суть соборныих свойстьв. Аггелы бо, и прежде аггел архаггелы,^⁵⁴⁶ и начела, и власти, по силах от богословия вчиняемыи, обще многащи от нас вкупе иныим светыим существам небесныие силы наричутсе.^⁵⁴⁷

2. Глаголем же, яко обще при всех приемше небесныих сил именованием не солитие неко коегождо удобрения свойством вьводим, но понеже в три разделишесе^⁵⁴⁸ еже о тех премирним словом вси божествены умове: в существо, и силу, и действо, – егда же вся, или некотора тех неназирателне^⁵⁴⁹ небесная сущства^⁵⁵⁰ или небесные силы наричем,^⁵⁵¹ сие – вьтороречне^⁵⁵² о нихже есть слово изьявляти нас – достоит непщевати^⁵⁵³ от коегождо их существа или силы. Ни бо надьлежимо свойство иже добре нами разделенныих светыих сил и меншиим свьсма совокупляти сущством – в разорение несьлитного аггельскыих удобрений чиноначелия. По многащном бо нами праве отданнем слове превозьшедшая убо удобрения излишьне имут и яже меньшиих свещенная свойства, последня же,⁵⁵⁴ яже старейшиих надлежещая отнудьствия не имут,⁵⁵⁵ отчести в та прьводатныим осияниям прьвыими по мере к тем изьявляемом.

Глава 12. По что иже в чловецех свещенноначельници аггелы глаголютьсе

1. Ищет же се и се умних словес любозрителми: аще бо непричестны превысокыих отнудьстьв суть последныи, кое ради вины иже у нас свещенноначелник «аггел Господа Вседрьжителя» от Словес именовасе⁵⁵⁶

2. Есть же не супротивно слово, яко мню, предопределенныим. Глаголем бо,⁵⁵⁷ яко всее и превосходещее старейшиих удобрений силы недостатьчствуют последны, честние бо и по мере причествуют по едином всех сочланенном и сьвузном приобщени. Рекше светих херувим чин причествует премудрости и разума высочайшего,^⁵⁵⁸ а яже под теми сущестьв удобрения причествуют убо и тая премудрости и разума, отчести же обаче яко према онем и меншее. И еже убо отнудь в причести премудрости быти и разума обще есть всем боговидныим умниих, а еже приближне и превостне, или вьторичсце и умененне, нектому общне, но якоже коемуждо от своее мери определенно есть.^⁵⁵⁹ Сие же и о всех божественыих умовех не убо кто согрешне определить. И бо якоже прьвы излишне имут меншиих светолепная свойства, сице имут последныи яже прьвых, не убо же подобне, но умененне. Ничтоже убо, яко мню, безместно, аще и иже у нас свещенноначелника аггела богословие наричет, иже по силе своей причествующего аггел пророчского свойства и к изьявителному их уподоблению, якоже мощно чловеком воспростираемого.

3. Обрещеши же,⁵⁶⁰ яко и богы богословие наричет небесная и паче нас сущ’ствия и иже у нас боголюбивыие и свещенние мужы,⁵⁶¹ а паче богоначелному скрьвенству пресуществне всех преизету же и превыше седешу, и ниединому⁵⁶² от сущиих тому подобне именоватисе истинне и свьсма могущу. Обаче елика умныих же и словесныих к соединению того елико по силе отнудь гореобращаютсе и к божественим его осияниям якоже мощно непрестанне горепростираютсе еже по силе, аще подобает рещи, богоподобием и божествного вькупоимения сподобляютсе.

Глава 13. Почто от серафим глаголетсе очиститисе пророк Исайа

1. Принеси уже и се по силе да смотрим, чесо ради к единому Богослов’ц серафим послатисе глаголетсе.⁵⁶³ И бо недоумеватисе⁵⁶⁴ кто имат, яко не от меншиих некой аггел, но самы иже старейшиим сущ’ствам вьчтеньни очищает пророка.

2. Неци убо реше, яко по мале отданном всех умов приобщения пределе не единого иже при Бозе прьвостоятелныих умов именует Слово на богословца очищение приити, некоего же от иже нам надьстоещиих аггел яко свещеннодейственика пророку очищения серафим вькупоимением нарещи ради пожигателного реченныих согрешени^⁵⁶⁵ отражения и очищенному на божествное послушание возгорения, и Слову единого от серафим просте рещи глаголют не от иже при Бозе приседещиих, но иже нам надьстоещиих чистителныих сил.

3. Ин же николи же безмелстно что подаст ми отвещание о настоещем противлении. Рече бо, яко свое чистителное свещеннодейство великы он (кто-любо бе видение сотворивы аггел^⁵⁶⁶ в еже научити божественыим богословца) на Бога^⁵⁶⁷ и по Бозе на прьводействно свещенноначелие возложи. И еда когда убо се слово истинствует? Глаголаше бо иже се рекый, яко богоначелная сила, на вся приходещи, входит и скрозе всех неодрьжанно проходит⁵⁶⁸ и всем пакы есть невидима – не токмо яко всех пресуществьне преизредная, но яко скрьвенне на вся посилающипромышлятелная ее действия. Но убо всем умныим по мере является и свое вькупе светодание вьручающи старейшим существам, теми яко прьвыми в меншая себе благоудобренне преподает, по коегождо удобрения боговидьном умерени.

Или да явленнейше реку^⁵⁶⁹ и присними приказньми, аще и недостаточныими Бога, всех преизетого, обаче нам явленнейшими. Солнечние луче преподание^⁵⁷⁰ в прьвую вещь благопреподатне входит, всех светлейшую, и тою светле восиявает свое заре; приходе же к дебелейшим вещем, тончайше имат преподателное явление от ихже просвещающиихсе вещи к светодания проходителному иместву неустроения, и помалу от сего к свьсма немале непреподатно скутаваетсе. Пакы огненая топлота^⁵⁷¹ паче себе преподает в приетнейшая и к тое подобию благопослушная и благоводимая, к супротивообразним же или противныим существам или ничесоже, или тьнк некой иже от огненого действа след являет. И еже сего множайше, яко к не сьродныим иже искренне к той имущиими приходит, прьвее, аще случитсе, возгарателна творещи яже к возгорению благопреложная, и теми или воду, или друго что иже от не удобь возьгараемыих по мере согревающи.^⁵⁷² По томжде убо естествного благочиния слове паче естества еже всякого благоудобрения видимого и невидимого Чиноначелие своего светодания светлость прьвоявлянне в богатих излитиях высочайшим существам являет; и теми яже по тех существия божествной лучи приобщуютсе. Та бо разумевше прьвая Бога и божествныие добродетели превосходителне желающе и прьводетелие быти, якоже мощно, богоподражателние силы и действа сподобляютсе и яже по них существия сама к уподоблению елико по силе боговидне горепростирают, обилне тем преподающе в та пришедьшее заре, и пакы она меншим, и в коемждо прьво сущему по нем преподает дарованного и во вся по мере промыслом приходещего божествного света.

Есть убо всем просвещающиимсе начело еже просвещатисе Бог убо естеством и воистину сущи яко света^⁵⁷³ существо и самому еже быти и зрети виновн. Положением же и богоподражателне по чести превосходимо сущему по нем коемуждо во еже божественыим световом тем в оно приходити.^⁵⁷⁴Убо превысокое небесныих умов удобрение яже прочиих всех аггел сущствия по еже лепо по Бозе начело непщуют всякого свещенного богоразумия же и богоподражания, яко онеми во вся, и в нас, богоначелному осиянию преподаему. Тем же и всяко свещенно и богоподражателное действо на Бога убо яко виновна возносет, на прьвыие же боговидныие умове яко на преводействные божествныих и учителе.⁵⁷⁵ Проче прьво светих аггел удобрение паче всех имать огнественое свойство и излитое богоначелные премудрости преподание и разумное превысокого божествныих сияний художства и престолское свойство^⁵⁷⁶ воиспрьпрострьтое богоприетие изъявляющее. Меншиих же существ удобрения^⁵⁷⁷ огнествьные, премудростние, разумние, богоприетние силы причествуют, умененне же, и к прьвым зреще и теми яко богоподобная преводелне сподобленними на боговидия мощное возводима. Реченная убо светая свойства, ихже в причести прьвыими яже по тех существия быше, самем онем по Бозе яко свещенноначелником налагают.

4. Глаголаше убо^⁵⁷⁸ иже сия рекый видение убо оно подьети богословцу единем иже надстоещиих нам светыих и блаженныих аггел и от просвещателного его руковождения на свещенное оно видение^⁵⁷⁹ возвестисе, по имже зреше превысокая существия, яко в образех рещи, под Богом и с Богом и о Бозе седешая и еже всех и тех пренеизреченне изредное преначелное конечьнство^⁵⁸⁰ по среде подвьшьдшиих сил превыше седеще. Навыцаше^⁵⁸¹ же убо зримыими богослов, яко по всяком пресущественом превосхождении не сьсужденне превыше седит Божество всякыие видимыие и невидимые силы и убо яко всячскыих есть изредно яко по всем ни же прьвыим сущиих существом подобно, к симже и еже всех то и Начело и Вина существотворна быти, и сущиих нераздрешного Пребытия неизменьное Создание, от Негоже и еже быти, и еже благо быти, и самем тем превышьшиим есть силам. Таже яже тех светейшиих серафим навицает боговидныие силы, свещенному убо их именованию огнествьное назнаменающу, о немже мало после мы речем, якоже нам мощно сповествовати яже на боговидное огнествьныие силы возвождения, крил же^⁵⁸² шестосугубного свещенноустроения еже на божество в прьвыих, в средних, в последних разумениих раздрешенное и превысокое воиспропростретие. Но и еже безмероножно их и многоличное зре^⁵⁸³ священны Богословьц и еже крилы скутавати^⁵⁸⁴ еже под ногами и еже выше лица видение, и еже в средних крилех приснодвижение к умному зримыих возвождашесе разуму, изьявляемыие тому превысокыих умов многошествныие и многовидныие силы и свещенного их благоговеинствия, егоже имут премирне о высокыих^⁵⁸⁵ и гльбокыих в яростное^⁵⁸⁶ и сверепое и неприступное испытание, и в умерении богоподражателныих дейстьв непрестанного и высоколетаемого приснодвижения. Но и богоначелное оно и многочестное петие^⁵⁸⁷ тайно навицаше, воображающего видение аггела по силе Богослову преподающего своего свещеноразумия. Учаше же убо того и сему, яко чищение^⁵⁸⁸ есть како-любо очищенныим еже богоначелныие светлости и чистоти якоже мощно приобщение. Сие же,^⁵⁸⁹ от самого Богоначелия изредныими винами^⁵⁹⁰ во всех свещенныих умовех премирним скрьвенством^⁵⁹¹службодействуемо, сущиим о себе яко превышим силам изьявленнейше некако есть и паче себе изьявляет^⁵⁹² и раздавает,^⁵⁹³ при вьторих же, или последныих, или наших разумныих силах, якоже от того каяждо по боговидном растоитсе, тако светлое свое сияние собирает к своего скрьвенствия единствному неведению. Восиявает же на коегождо вторих прьвыими. И аще подобает вькратце рещи, прьвее от скрьвенствия к явлению ведетсе прьвыими силами.

Сему убо Богословьц учашесе от световодителного его аггела – еже очищение и всякая богоначелничская действия, прьвыими существи восиявающая во вся прочая раздаватисе по коегождо к боготворьныим причествиям мере. Темже и огьнствне^⁵⁹⁴ чистителное свойство серафимом влепоту по Бозе наложи. Ничтоже убо безместно, аще очищати богословца серафим глаголетсе. Якоже бо Бог очищает вьсех в еже всякого очищения быти вина, паче же (приближнейшею бо прииму приказнию), якоже бо иже у нас свещенноначелник^⁵⁹⁵ своими служители, или свещенници очищае, или просвещае, те глаголетсе очищати и просвещати иже тем освещенном чином на того возлагающиим своя свещенная действия, сице и свое чистительное художество и силу, еже чищение богословцу соделуе аггел на Бога убо яко виновна, на серафим же яко на прьводелнаого свещенноначельника возлагает, якоже убо кто да речет с благоговнием аггельскым иже от того очищаемого научае, яко «еже в те от мене^⁵⁹⁶ службодействуемого чищения начело убо есть преизето и сущство, и содетель, и виновен иже и прьвая сущствия^⁵⁹⁷ и к еже быти привед, и еже о нем приседением содрьже и сохраняе непреложна же и непрепадаемая и сам подвиже на прьвая своих промыслителныих дейстьв причестия (се бо иже сим ме уче рече^⁵⁹⁸ еже серафима изьявляти послание⁵⁹⁹), священноначелник же^⁶⁰⁰ и по Бозе наставник, еже прьвейшиих сущестьв удобрение, от негоже еже очищати аз боговидне научен бых. Се убо есть иже мною тебе очищае, имеже своя промыслителная действия от скрьвенства и в нас произведе яже всякого вина и содетель чищения».

Сим убо он научи ме, тебе же аз преподаю. Твоего же убо есть умного и расудителного художества или единою реченныих вин раздрешитисе недоумения и сию предьпочисти от иные яко лепо и благословно и негли истинно имущую, или от себе что суще истинному сьродное изьобрести, или от иного научити, Богу яве дающу глагол и исходатающиим⁶⁰¹ аггелом,⁶⁰² и любоаггельныим нам открити светлое паче, аще мощно есть и мне паче рачителное видение.

Глава 14. Что назнаменует преданное аггельское число

И сие же достойно есть, яко мню, умного смотрения, яко Словес еже о аггелех предание «тисуще тисущ»⁶⁰³ быти⁶⁰⁴ рече «и тмы тем»,⁶⁰⁵ иже у нас конечная чисел в себе вьзокружае и многовьсугубляе и сих ради яве изьявляе нам бесчисленыие небесныих сущестьв чины. Многа бо суть блаженная воинства премирныих умов, немощну^⁶⁰⁶ и смеренную преизошедшая иже у нас тименьныих числ меру, и от единого разумливого^⁶⁰⁷ определяема еже в тех премирного и небесного разумения и художества, еже богатне тем дарованного от богоначелничьского безмерноразумного премудротворения, всех вькупе сущиих пресуществьне сущого Начела и Вини существотворныие силы и обьемителного накончания.

Глава 15. Кыи изьобразителныи аггельскыих сил образы: что еже огневидное, что еже чловековидное, что очи, что рукы, что уши, что ноздры, и прочая главизны подобне

1. Принеси проче упокоивше наше, аще мнитсе, умное око, еже о единственыих и высокыих видениях аггелолепотныие крепости на разделенную и многочестную широту многовидного аггельскыих зракотворений различия сошедьше, пакы от тех яко от образ на простоту небесныих умов возвратне возидем. Да будет же тебе предразуменно, яко яже свещеннообразныих образ тлькователная сказания таяжде есть, егда небесныих сущестьв удобрения свещенноначелствующая изьявляют и пакы свещенноначельствуемая и последняя свещенноначелствующая, свещенноначелствуемая же прьвая и тежде, якоже речесе, прьвые и средние и последние имущая силы, ниединому безместному слову вьводиму по таковом же сказаний образе.⁶⁰⁸Аще бо убо свещенноначелствоватисе некоторимь от прьвыих глаголали быхом, таже темижде свещенноначельствовати, и прьвая пакы, свещенноначелствующая последныими, свещенноначелствоватисе от самех онех свещенноначелствуемыих, воистину безместна вещь и сьмущения многа испльненная. Аще ли же таяжде свещенноначелствовати же и свещенноначелствоватисе глаголем, нектомужде теми же или от техжде, но самому коемуждо свещенноначелствоватисе убо от прьвыих, свещенноначелствовати же последныими. Не нелепотне^⁶⁰⁹ убо кто речет яже в Словесех свещеннозданьная изьображения таяжде есть егда мощи и прьвыим, и средним, и последним силам искренне и истинне налагати. И еже к горныим убо обратителне вьиспропростиратисе, и еже в себе неклонителне сьобращатисе своих суще хранителны сил, и еже о вторих^⁶¹⁰ причестителныим прошествием промысльние тем в причести силы быти всем нельжне прикладьствует небесныим сущством, аще и овем убо превосходителне и отнудьне, якоже многащи реченно бысть, овем же отчести и умьненне.

2. Достоит же начети слово и изискати прьвее образ тлькователная сказания,^⁶¹¹ кое ради вины богословие не мало паче всех обретаетсе почитае огньствное свещеннописание. Обрести бо то имаши не токмо кола огневидна⁶¹² наздаваемо, но и животная огняна,⁶¹³ и мужи, яко огнь блистаемыие,⁶¹⁴ и в самех небесныих существах множества углей огня полагаемо,⁶¹⁵ и рекы неодрьжимим шумом огнепалние.⁶¹⁶ Но и престолы глаголет огьненыие быти,⁶¹⁷ но и самые превысокыие серафим пожигателе суще от именования изьявляет, и огня свойство и действо тем отдает, и свьсма горе и доле огнествное почитает изредне образотворие.

Еже бо убо огньствно изьявляти мню еже небесныих умов боговидное. Свещенныи бо богословци пресуществное и безьобразное сущство в огне многащи исписуют, яко имущу многая богоначелничьского, аще подобает рещи, свойства, яко в видимыих образех. Чювьствены бо огнь^⁶¹⁸ есть убо, якоже рещи, во всех и скрозе всех несмесне проходит, и изеть есть всех, и светел сущь, вькупе и яко сокровен, неведом сам по себе, не предлежещей вещи, в нейже явит свое действо, неодрьжим же и невидим, самодрьжательн всех, и яже в нихже аще будет, к своему приводе действию, изменителен, преподатлив себе всем како-любо приближающиимсе, обнавлятелен животьною теплотою, просвещателен неприкривателныими сиянми, неудрьжанен, непримесен,^⁶¹⁹ расудителен, неизменен, гореносен,^⁶²⁰ скорошьствен, высок, ниединого трьпе доленосного сьнижения, приснодвижен, такождедвижен,^⁶²¹ подвизателен иныих, обьемителен, необьемлем, нетребователен^⁶²² инога, утаителне возрастителен себе и к подьемлющиим вещем изьявляе свое величество, скорь, силен, во всех сущь невидимо, небрегом небыти мнесе, с трением же якоже некоим вьзисканием естестьвне и искренне вьнезаапу являем, и пакы непостижне отлетае, неуменяем во всех богатныих его преподаниях. И многа убо кто обрести имать огня свойствия искреньна елико в чювьствныих образех богоначелничского действия. Се убо ведуще, богомудрены небесная сущствия от огня наздавают, являюще их еже боговидное и якоже мощно богоподражателное.

3. Но и чловекообразнех^⁶²³тех написуют умного ради и еже к вьиспрь имети зрителныие силы, и еже образ⁶²⁴ правостное и простое, и еже по естестве начелное и владычствное, и еже по чювьствнем^⁶²⁵ менше, елико к прочим бесловесныих живот силам, превосходително же всех по богатной ума силе и по словесном художестве превосхождением, и по естествном душе непорабощенном и недрьжимом.

Есть же и по коемьждо,^⁶²⁶ яко мню, телесного нашего многочестия образе прикладьние изьобрести небесныим силам, глаголющем очес убо изьявляти силам еже к божественыим светом чистейшее вьзмаяние^⁶²⁷ и пакы еже гладкое и водное и не стрепетное, но остродвижное, и чистое, и распрострьтое бестрастне подьетие богоначелныих осияний;

а яже обоняний расудителные силы – еже паче ума благоуханного преподания, якоже мощно, вьсприетное, иже таковыих в художестве расудителное и свьсма отбегателное;

а яже ушию силы – еже причестное и разумне подьемителное благоначелнаого вдохнутия;

а яже вкусныие – еже умныих пищ испльнение и еже божествныих и питателныих излитий^⁶²⁸ подьемителное;

а яже осезателныие – еже естественого или вредителного в художстве разумителное;

вежди же и обрьви – еже богоприетныих разумений хранителное;

младостни же и юношьскый возраст – еже возращателние присноживителние силы;

зубы же – еже разделителное ведаемого пищного соврьшения (коежде бо существо умно дарованное тому от божествнейшего соединно разумение промыслителною силою разделяет и множит^⁶²⁹ к меншего возводителному подобию);

рамене же, и мышце, и пакы рукы – еже творително, и действителное и скорое;

пакы же сердце^⁶³⁰ знамение быти боговидныие жизны свою животную силу благовидне в промышляемая рассевающие;

прьси же пакы изьявляти еже неумекчаемо и хранителное,^⁶³¹ якоже при подлежещем срдци животворного преподания;

плещи же – еже сьбрателное оживляемыих всех сил;

ногы же – еже двизательное и скорое и текущее на божествная шьствителного приснодвижения. Темже и пернатие^⁶³² богословие светих умов изьобрази ногы. Крило бо изьявляет возводителную скорость и небесную и еже к вьспрь и небесную, и еже к вьиспрь путитворное, и еже всякого нижнего, заеже гореносно, изето. Крил же легкость – еже по ничесом же земльное, но все несмесне и не тегостне на высоту возводимое;

а еже нагостно и необувенно – еже отпущенное и благораздрешное и неодрьжимо, и очищае от внешнего^⁶³³ приложения, и еже к простоте божествной якоже мощно уподобляемое.

4. Но понеже пакы проста и «многоразличная премудрость»⁶³⁴^⁶³⁵ и непокровенныих одевает,⁶³⁶ и сосуды некоторие дает носити тем,⁶³⁷ принеси и яже небесныих умов свещенная одеяния и орудия, по еже нам мощно скажем.

Светлой⁶³⁸ убо ризе и огненой⁶³⁹ назнаменовати мню еже боговидное по огненном образе и еже просвещателное небесныих ради покоищь, идеже свет и по всем умне сияе, или разумне^⁶⁴⁰ осияваемо, светительской^⁶⁴¹ же еже к божествныим и таинствныим видениям приводителное и еже все жизны освещенное;

поясом же⁶⁴² еже родныих им сил хранителное, и еже совокупленному иместву^⁶⁴³ в себе соединенне сьобращатисе, и округ с благоудобрением непрепадаемем тожьдеством в себе сьобращатисе,

5. пакы же жезлом⁶⁴⁴ – еже царское и владичстьвное и правостная вся соврьшае;

копиям же и секирам⁶⁴⁵ – еже безаконей разделителное и еже расудителныих сил острое, и действеное, и силное,

землемерителныим^⁶⁴⁶ же и древоделскыим сосудом⁶⁴⁷ – еже основателное, и здателное, и соврьшателное, и еликая иная возводителнаого и обратилного суть вториих промысла.

Есть же егда и иже в нас богосудьстьв суть образы, яже наздаваемая светиих аггел орудия,⁶⁴⁸^⁶⁴⁹ овем убо сказающиим исправителное наказание или томителную правду, овем же напастей свобождение, или наказания конец, или прьвого благострадания повьсприетие, или приложение иныих дарований, малиих или великыих, чювственых или разумныих. И свьсма не убо недоумеетсе зрителны ум искренне уприкладьствити невидимыим видимая.

6. А еже и ветры тех именовати,⁶⁵⁰^⁶⁵¹ скорость их изьявляет и на вся не мале безлетне^⁶⁵² проходимо летение, и еже сьвыше на долняя,^⁶⁵³ и пакы от долныих к вьиспрь ходимо движение, воиспропростирае убо вторая к превысокой высоте, подвиже же прьвая к приобьщителному и промыслителному меншиих прошествию. Речет же убо кто воздушного духа^⁶⁵⁴ ветреное именование и еже боговидное небесныих умов изьявляти. Имат бо и се богоначелничьского действа образ и указ (якоже в «Образном богослови»^⁶⁵⁵ по четворостихийниих тлькователныих сказаниих нами многыими указанно бысть) по естества подвизателном и скорем и неудрьжаньном хождении и неведомем нам и невидимом скрьвенстве двизателныих начел и скончаний. «Не бо весы, – рече, – откуду гредет и камо идет».⁶⁵⁶

Но и облака тем видение богословие сьстраяет,⁶⁵⁷ знаменуе в сем свещенные умове ськровенного света премирне испльненыие,^⁶⁵⁸ прьвоявленное прьвоявление сокрьвенне приемлемыие и сие обилне в вторие второявителскы и подобне посилаемые и убо яко плодное тем и животворное и растительное и соврьшителное есть по умном дождерождени, еже приетное недро^⁶⁵⁹ влажныими дожды на оживляемая зачетия призиваемом.

7. Аще ли же и меды⁶⁶⁰ и илектра и камении многомастныих⁶⁶¹ вид богословие небесныим сущством налагает, илектрон убо, яко златовиден, вкупе и сребровиден, являет негнилостную, яко в злате, и неизьнуряемую и неумаляемую и чистую светлость и светлостную, яко в сребре, и световидную и небесную зару.

Медию же по отданныих словесех или еже огневидное, или еже златовидное да воздаетсе.

Камень же многомастных видениям изьявляти да непщуетсе, или яко белим еже световидное, или яко чрьвеным еже огневидное, или яко русем еже златовидное, или яко зеленем еже юношьское и растущее, и по коемждо виде обрещеши возводителное изьобразителныих образ сказание.

Но понеже сия по силе нами доволне реченна быше, непшую, да преидем на свещенное сказание небесныих умов свещеннообразного зверообразия.

8. И убо льва⁶⁶²^⁶⁶³ образ изьявляти да непщуетсе еже владичествное и крепкое и неумекчателное и еже к сокровенствию неизвещателного Богоначелия елико по силе уподобляемое умныих стоп прикровением и таинствне неизводним сокровением еже по божествнем осияни на то вьиспрьпростирателного шествия;

а еже вола⁶⁶⁴^⁶⁶⁵ – еже крепкое и младостное и умныие бразды распространяе в подьетие небесныих и родотворныих дождей, и роговом еже блюстное и неудрьжимое;

орла же⁶⁶⁶^⁶⁶⁷ – еже царское и высоконосное и скоролетаемое, и еже к силотворной пищи острое и бдителное, и текущее, и благокьзненное, и еже к обилной и многосветлой лучи^⁶⁶⁸ богоначелничского слнцопрострьтия в очес силах благомощныими горепрострьтиями непретькновенне праве и неклонителне зрителное;

а еже конь⁶⁶⁹^⁶⁷⁰ – еже благопокорливое и благобрьздное; и белим сущиим еже светлое и яко паче божественого света сьродное; чрьныим же сущиим – еже скрьвенное; чрьвеним же – еже огневидное и силное; смесним же от белого и чрьного – еже гредущею силою краев сьсвезателное, и прьвая вторим, и вторая прьвыим обратителне или промыслителне совокупляе.

Но аще не слова сматрали быхом меру и яже по чести реченныих животных свойствия и вся яже телесная их наздания, уприкладьствили убо быхом не нелепотне небесныим силам по отличныих подобьствиях, яростьное убо их в умное мужство, егоже последне есть ярость уподобление, пакы же похотевателное в божествное рачение и, совокупив рещи, вся яже бесловесных животныих чювствия же и многочестия в невеществная небесныих сущестьв разумения и единствныие силы возводеще. Довлеют же ум имушиим не сия токмо, но и единого неистеизьявителного образа тлькование в ближныих подобнообразное сказание.

9. Да смотрит же се и еже рекы⁶⁷¹^⁶⁷² рещисе, и кола,⁶⁷³ и колеснице⁶⁷⁴ соединенна небесныим сущством.

Огнение бо убо рекы⁶⁷⁵ назнаменуют богоначалние дожде, обилное тем и неоскудное течение дающее, и животворивого крьмителные рождения; колеснице же^⁶⁷⁶ – сьпреженное вькупочиньныих приобщение; кола же^⁶⁷⁷ крилата убо суще^⁶⁷⁸ – в яже напред невозвратне и неклонителне шествующе, юже прав и управлен путешествителного их действия силу, на тожде неклонителный и праворасецателны путь всякого их умного течения премирне исправленного.

Есть же и по другом вьзводе сказати умныих кол образописание. Наречение бо им бысть, якоже рече Богослов, «гельгель».⁶⁷⁹^⁶⁸⁰ Изьявляет же се по еврейском гласе «преваляния и откровения». Огнественая и боговидная кола преваляния убо имут в тожьдествно Благо присно обращателныим движением, откровения же – скрьвенныих изьявлением, и иже о нижныих возвождением, и еже высокыих осияний в меншая сводителныим посланием.

Оставшеесе нам в сказание еже о радости^⁶⁸¹ небесныих удобрений слово. И бо неприетны отнудь суть юже у нас страстные сладости, сорадовати же се Богу глаголютсе изгыбших обретением по боговидном^⁶⁸² удобьстве и свободном отрадьстве, и еже о промысле и спасении иже к Богу обращающихсе благовиднем и обилнем веселии и благострадании^⁶⁸³ оном неизреченном, егоже в причестии многащи быше и мужие свещенныи^⁶⁸⁴ по богодействныих божествьныим осияниям нашествиях.

Толика ми и о свещенныих назданих реченна да будут, изьвестного их изьявления недостатечьствуемая, ползующа же, яко мню, к еже не смеренне нам остати в образныих мечтаниях.

Аще ли же и се речеши, яко не всех прочиих аггельскыих в Словесех сил или дейстьв или образ сотворихом паметь, отвещаем яже истинная, яко ихже убо премирное художество не уведехом,^⁶⁸⁵ и паче о сих мы иного светонаставника требуем и учителя, а яже яко реченныим единосильная оставихом, меру слова промысливше и еже паче нас сокровенство мльчанием почетше.

Конец иже «О небесном свещенноначелстве» слову Дионусиа Ареопагита,^⁶⁸⁶ епископа Афинского, кь Тимофею епископу.

* * *

²⁴²

Исайя имеет в виду приближение конца седьмой тысячи лет от сотворения мира. По счету от Рождества Христова это 1492г. Опасение, что в 7000. наступит конец света, заметно и у русских авторов XIV–XV вв.

²⁴³

Имеются в виду, очевидно, рассказы книги I Паралипоменон о том, как один из ведших колесницу с ковчегом завета, Оза, «простер руку свою, чтобы придержать ковчег, ибо волы наклонили его», прогневил этим Господа и «умер тут же пред лицеи Божиим» (1Пар.13:9–10), и Деяний апостольских о том, как «некоторый муж именем Анания с женою своею Сапфирою, продав имение, утаил из цены, с ведома и жены своей, а некоторую часть принес и положил к ногам апостолов» (Деян.5:1–2), и они оба умерли как солгавшие Духу Святому (Деян.5:5–10).

²⁴⁴

Сер или Серес – византийский город в Македонии, которым с 1346 по 1373г. владели сербы, затем он вернулся к Византии, а в 1382г. был захвачен турками.

²⁴⁵

Флп.3:13.

²⁴⁶

Греческое ἔξοδος, здесь – «расход», «затраты».

²⁴⁷

Имеется в виду полуостров Святая Гора Афон, восточный отрог Халкидонского полуострова, где находится множество православных мужских монастырей. В то время им владела Сербия.

²⁴⁸

По всей видимости, западной части Балканского полуострова.

²⁴⁹

Иован Углеша, деспот части Македонии с центром в г. Сер (Серес).

²⁵⁰

Вукашин, брат Иована Углеши, некогда виночерпий при дворе сербского царя Стефана Душана, затем жупан г. Прилеп с титулом деспота, с 1366г. краль, король, значительной части Македонии с городами Прилеп, Скопле и Призрен. Вукашин, брат Иована Углеши, некогда виночерпий при дворе сербского царя Стефана Душана, затем жупан г. Прилеп с титулом деспота, с 1366г. краль, король, значительной части Македонии с городами Прилеп, Скопле и Призрен.

²⁵¹

Турки-османы вступили в Европу как завоеватели в 1352–1354 гг., в 1363г. их столицей стал Адрианополь. Чтобы остановить подчинение турками Балканского полуострова, сербы деспот Углеша и краль Вукашин двинулись с войсками им навстречу, но 26 сентября 1371г. в лесистых окрестностях г. Черномен на р. Марице, к западу от Адрианополя, были наголову ими разбиты и погибли. Земли Углеши на короткий срок захватили затем византийцы.

²⁵²

Речь идет, по-видимому, о гибели вместе с войсками Углеши и Вукашина большей части сербской аристократии.

²⁵³

Либаний, знаменитый антиохийский языческий притор IV в., учитель Иоанна Златоуста.

²⁵⁴

Цифровая тайнопись: вместо букв указывается их цифровое значение. 8=И, 200=с, 1=а, 10=і, 1=а. Получается: Исаіа.

²⁵⁵

6879г. = 1371г.; «индиктион» – порядковый в пятнадцатилетием цикле номер сентябрьского года.

²⁵⁶

Маргиналий: Илектрон есть ками… …ликый ...нь та… …пуема ...тьльз...

²⁵⁷

Сказание надписанию. Понеже надписание «свещенноначалие» имать, нарицати обыче свещенноначелникы епископы, длжно есть ведети убо, яко свещенноначелие убо есть еже завещаниа самого свещенныих начело и образом некоим попечение, и свещенноначелник – иже свещенними начелствуе, и пекыйсе, и промышляе, не убо свещенници, но – иже яже свещенная и устав их же и церкве и таин разнчиняе, не убо же свещенноначелник. Сие же тлкование и сам великый Дионусие доле предлагает в иже «О церковничьском свещенноначелии» слове.

Маргиналий: И свещенник бо свещенна суть; того ради от общего, рекше от свещенного тогова, словится свещенноначелник, а не от свещенника. Свещенная же начелствуя яве свещенници, понеже и тии свещенни.

Продолжение схолии: Знаменай же, и яко свещенника име и епископа являет, зане яко свещенник ест и епископ. И се являетсе и в «Деаниах светых апостол», идеже в Асии сочиняетсе церквам ее светый апостол Павль. (См. Деян.20:17 и далее.)

²⁵⁸

Иак.1:17.

²⁵⁹

Знаменай, яко светаго Иакова Соборним посланием (Имеется в виду входящее в Новый Завет Соборное послание апостола Иакова, написанное, как считают, ок. 64г. Имеется в виду входящее в Новый Завет Соборное послание апостола Иакова, написанное, как считают, ок. 64г.) приемлет блаженный Дионусие, оттуду бо речение есть, и яко изданно уже бе.

²⁶⁰

См. Мих.2:12.

²⁶¹

Ср. Рим.11:36.

²⁶²

Ин.1:9.

²⁶³

См. Ин.14:6; 1Тим.2:5.

²⁶⁴

Отце зде являет предавшеи ему предание, не убо же естественые, от еллин бо бе, якоже сказуют «Деаниах светых апостол» (См. Деян.17:34) и сам же в еже к светому Поликарпу послании (Поликарп (I–II вв.), священномученик, ученик апостола Иоанна Богослова, епископ Смирнский, автор ряда сочинений. «Поликарпу иерарху» адресовано седьмое послание Дионисия Ареопагита) и в 9 главе «О небеснем свещенноначелии» (См. с. 346–354).

²⁶⁵

Знаменателне. Знаменми некоими глаголет и образи, не бо естьствословне.

²⁶⁶

Умове наричут и иже от еллин премудры разумные, сиречь аггелские силы, понеже все ум есть киждо их и существо все ум жив в вид себе восущестьвлено имать.

²⁶⁷

Преначелный же Бог, яко паче всякого начела и богоначелны свет, яко начело глаголемыих бог, – аггел, глаголю, и чловек праведныих.

²⁶⁸

Внутренство глаголет сокровенство, всем бо сущиим вне тое недоведома есть.

²⁶⁹

Знаменай «растворение» и почто Божество, едино суще, множитсе.

²⁷⁰

«Завесы» глаголет яже телесне о Бозе глаголемая в Писаниях, рекше уд человеческих, или сил некоих именования. Знаменай же, яко кроме образ и знамений не мощно нам, в плоти сущиим, узрети невещественая и бесплотная. И се паче являху яже в скини завешениа, якоже зде гадает.

²⁷¹

«Служебнство Свещенноположно» – божествное свещенныих таинств наших удобрения положение и предложение есть начело бывше от Бога апостольми совршителныими сих благыих. Наученние бо совршеннех наричет божествный апостол Павл, глаголе: «Елици убо совршенныи, се да мудрствуем». (Флп.3:15.) Маргиналий: «Служебнство Свещенноположно» зде разумей небесно свещенноначелие.

²⁷²

Знаменай же, кые глаголет «образе и зрачная сложения», рекше изображения, яже напреде предлагает.

²⁷³

Знаменай, яко зданновидная глаголет яже зде таинствная преданиа, яже в иже «Церковном свещенноначелии» слове отврзает. Се же боголепне достоит разумети. К убо «зрачныим» «наздание» воздаждь, к «сложению» же «простая и невображаемая».

²⁷⁴

Вещное руковождение глаголет еже вещныими глаголемыими к мысли возводитисе паче чювствныих. «Видимые же доброты» яже свещенныих храм удобрения глаголет, «украшении же чины» – свещенник степены.

²⁷⁵

Знаменай же, яко видимие доброты образы суть невидимыих удобреней, якоже являет и апостол в иже «К Евреом», яже о сены зре, и Моуси слыше: «Вса по образу, показанном ти на горе, сьтвори». (Евр.8:5; Исх.25:40. Евр.8:5; Исх.25:40.)

²⁷⁶

Божественыих Писаний прочитание есть яже видимыими и вещьми пространнейшая указания.

²⁷⁷

«Имьства» суть тамо божествная завещавающе. Имьство же есть качество пребывателно. Зде же и церковныи чины тамошняа имьства за еже бесплотная образуют. Имьства бо бесплотныих суть.

²⁷⁸

Знаменати достоит, яко еже от нас, чловек, совршаемо свещенническое тайнослужение подражание есть небесного свещенноначелия.

²⁷⁹

«Свещеннописателная же Словес сложения» глаголет яже свещенне о тех сложенная словеса в Писаниих.

²⁸⁰

Знаменай, како возводимсе на богословие и яко Христос нас возводит.

²⁸¹

Ничтоже яко по прилучению именованно есть от блаженного сего, но многоучителне и истейше с благочестием. Понеже убо еже у нас завещание образы вещными и сказанми и назданми рече соврщатисе по еже нам мощно образ сущей подражание еже у аггел свещенного удобрения влепоту еже в них свещенноявление врех нарече. Врех бо и крайнее обыкоше звати иже о сих упразнившеисе коегождо существа чистейшее и к нему же прилежит приближне, сиречь приближно, существо. Якоже есть реши, душе врех есть ум ее чистейши, и рачителства врех превозшедшиих и божествнейшиих топлотное желание, и нашего убо свещенноначелия и тайновидного удобрения врех и крайнее чистейшее его от неже начетсе и еже близ приходе невеществия. Еже убо чистейше в нас знамение врех неизображаемыих и простих и бесплотныих таинств, емуже свещенноначелие совокупляемо приходит, образом некоим к чловек свещенноявлению, и образы возводит на чистая видения умного служебнства, вреху, глаголющусе влепоту иже зде телесныих же и вещевидныих.

²⁸²

Изъявление глаголет возвещение, явлено же, яко – еже знаменми изображенми, яже и наздания рече; простоту же – еже естества невеществное.

²⁸³

Ведеше бо, яко воспевае иже в небесех свещенние умове, якоже сам глаголет, по Писаничской нужди имеше рещи о животных зверообразных, и орловех, и иныих, имиже уподобляют Божествная Писания архаггельскые силы, глаголет бо: «Да не и мы, и якоже мнози, вознепщуем несвещенне» не имети тлькования многоличныим и многоножныим чином небесныим. Сия же убо изьяснити предречесе, по священных Словесех изьявлению.

²⁸⁴

Ср. Иез.1:10–11.

²⁸⁵

Ср. Ис.6:2; Иез.1:6–11.

²⁸⁶

Ср. Иез.1:15–21.

²⁸⁷

Ср. Дан.7:9; Откр.4:2.

²⁸⁸

Ср. Зах.1:8.

²⁸⁹

Ср. Нав.5:13; 2Мак.3:25.

²⁹⁰

Яко и творителними назданми приет Писание рек. Подобна быти небесная знамения и ображения иже от творец мечтаемыим, якоже свещенн си муж с глаголет (творьце же разумей или от еллин удивляемие (рекше Омира, Исиодона и прочие), или творителными, рекше наздателными изображенми. Видев бо Божие премудрое схождение наш ум немощен и к височайшему неприкладне имущ, возведение тому соестествно наздав, сице архаггльская в явленно приведе удобрения, не яко имут истиною, изьяснив, но како мы и можем разумети. Ничесоже неподобно мечтай яже небесныих.

²⁹¹

Сложения глаголет реченная наздания и образотворения. «От себе» же, сиречь, якоже имут естеством, неведомый нам, глаголет, и незримый суть.

²⁹²

Отрочно, мню, глаголати тому странно и рекше обычайныих отсеченны путь и наздание. Сего ради и подобие то именует, изъявляе не истинны быти написанный светых аггел зраци. Ниже бо истиною таковы суть, яковыих тех Свешенное предает Писание, но да мы приходим к величествию их. Сам же Дионусие покушаетсе сосложити реченная о них и показати, яко мощно есть сказаний ради тако разумевати аггельская удобрения, якоже речеся.

²⁹³

Честнеиша и невеществная отчести существия небо и звезды глаголет.

²⁹⁴

Некако невещественыих, – сиречь отчести, не бо отнудь безвещественыих. Превышележащая же существия небо и яже на небесы глаголет, сиречь звезды, еже бо тонкочестное их и единосущественое близь есть невеществия.

²⁹⁵

Боговидние простоты глаголет умная существия, невещественая бо суща и несложенна всяко суть, не суще срастворение стихий. Телеса бо от сих, оне же бесплотне.

²⁹⁶

«И рекшее» зде сице разумей, и како возьмнитсе небесная львов и иныих безчестныих напленятисе?

²⁹⁷

Си зраци светих херувим и от божествного Езекиила, (Иез.1:5–13) и от дивного Иоанна в «Откровении» (Откр.1:6–8) написани быше.

²⁹⁸

«Животна ина» рече, сиречь кон, и меськ, и таковыих, «вещи же безчестнеишие», рекше престоли, яко от древия, и кола, и оружия, и железа, якоже оружие истреженно при Валааме(Ср. Чис.31:8) и еже виде Давид, якоже в «Царствиих» реченно есть, в книзе Второй. (Ср. 2Цар. 23:16).

²⁹⁹

«Страстне» глаголет, понеже львообразие яростно нечто назнаменует, и телца вид – похотевателное, яже страсти и великы суть. Уподобления же глаголет уподоблятелная мнения. Глаголет бо Иезекиил, яко подобие узрети престола (Ср. Иез.1:26) и подобие льва, (Ср. Иез.1:5) еже являет зданновидно мнещиихсе мечтание. Сего ради и зде реченно бысть «отличная уподобления»: не бо вся подобне зрит пророк, но овех убо сице, овех же сице. Но и отлични суть свесма, имиже мнется подобии, ничесоже бо льва или телца или прочих истинне имут. Что же являет отличное, в прочиих обрещеши.

³⁰⁰

Обещавает своим тлокованием указовати коеждо, яко ниже возьмнетисе досажати небесныим, ниже нас в доленосная смерения вьгльблятисе о яже в аггелех глаголемыих животныих.

³⁰¹

Знаменай, яко бесплотная безрачная суть. Егда убо услышиши о Пресуществом иже «в зраце Божи сыи», (Флп.2:6) еже неизмененое к своему Отцу разумей. Се бо являет и «образ Бога невидимаго» (Кол.1:15) и еже «видевый Мене видел есть Отца». (Ин.14:9) Сице и святый Василие сказует во еже к своему брату слове еже о разенстве существа и состава. (Василий Великий (329–379), архиеп. Кесарийский, вселенский отец и учитель Церкви; его брат – Григорий Нисский; о различии сущности и ипостаси Василий Великий пишет в Послании 38 (его сочинения см. в 29–32 тт. Греческой Патрологии Миня)).

³⁰²

Ср. 1Кор. 8:7.

³⁰³

Яко по двею образу воспеваетсе божество: или яко подобно всем, вся бо в том составляютсе, или яко отлично [на поле рядом: неподобно], ничтоже бо есть всех.

³⁰⁴

Яко подобниими и отличниими наздаваютсе образы и како наздаваютсе, зде глаголет.

³⁰⁵

По чем глаголетсе слово и ум Бог, внегда «Кто разуме ум Господень?» (1Кор. 2:16) и внегда «И бысть слово Господне ко мне» (Иер.1:4) глаголет и прочая. Словенство же глаголет при Бозе не яко словесна хощет показати Бога яко причествующая слову, – се бо изьявляет, – но яко самословесие есть, Слово сый. Существо же глаголют при Бозе, егда рекут «Аз есмь сый» и «Сый посла Me». (Исх.3,:14).

³⁰⁶

Ин.1:1.

³⁰⁷

Ср. Рим.11:34.

³⁰⁸

Ср. Ин.8:12; 1Ин. 1:5.

³⁰⁹

Ср. Ин.14:6.

³¹⁰

Яко ниже живот, ни же свет, ниже ум, ниже существо истейше глаголетсе Бог, но винословне [на поле рядом: виновствне]. Есть бо и паче сих и не яковая сия.

³¹¹

Яко яже по отречени глаголемая при Бозе, сиречь: невидим, непостижим и яже таковая, – отлична суть, являют бо не что есть, но что несть Бог. Сице – и Богослов Григорие. (Григорий Богослов, или Назианзин (ок. 329–389), отец и учитель Церкви, в 381г. епископ Константинополя.)

³¹²

«Недомысльное» глаголет не забивателно, но еже не разумеваемо от некого. Неопределен же Бог яко пределу ниединому подпадае, но сам всех предел сый и вся в себе определяе, пределу же не подпадает, заеже пределы убо от наньреченныи слежетсе, наньречения же при Бозе неприлична яко льжуща. Паче бо сих Бог, яко не сый существо, но паче существа.

³¹³

Не токмо при Бозе, но и при божествныих всех, сиречь при по Бозе умныих всех, и отречения истинная быти глаголет, и наньречения неприличная. Неприкладная бо убо суть наньречения, егда речем или Бога, или разумние силы, живот, или свет, ни бо живот таковы некой есть, яко вдыханием и издыханием жити, ниже свет видимый и творей зретисе подлежещиим, но вышьше что сих. Отречения же некако при умныих ближнейшая. Глаголем бо, яко невидимыи и яко не подпадают видению разумеваем. Что же есть само то Неявляемое, ниже многоиспытовати, ниже представляти мнитсе слово. А паче «живот» и «свет» мнитсе назнаменовати что есть, и сия нимало являют что есть Бог.

³¹⁴

Зри, како отвеща, по что животныих паметь имеют небесная, рекше образе. Якоже бо иже всех Бог ничтоже во всех имать векупобытно, и того ради влепоту ниедино от всех есть того явително. Но проче инем кьзьньством [на поле рядом: хытростию] богословим, глаголюще, что несть Бог, еже наричет «отличныими». Сице и при небесныих силах, яже по Бозе суть хытростне [на поле рядом: последелетне] сотворише богословци, ниединому умныих тех уподобивше, но от чювствныих, ихже наричут безчестная, сих приемше начретание, се к чести им сотворшеи, да назданновидно и не истинно будет сих подражание. Аще бо иже львозрачны глаголемы и многоконьны, и многопернати есть и словесень, и невеществны, како не являнно, яко премирне превьзиде вещьная и от нас разумеваемая?

³¹⁵

Се и другы помысл, егоже ради таковая уподобления о небесныих приет. Аще бо бы честнейши приел назданми, сиречь златовидные или блистающеисе глаголе быти божествныие силы, всяко убо повинулисе быше слышещеи, от иже в чловецех честнейшиих увереное приемлюще. Ниня же неприкладныие и студныие образе привнесе, да известно ведуще, яко не суть таковая, взищем истину сущиих.

³¹⁶

Ср. Мф.28:3; Мк.16:5; Деян.1:10; Откр.4:4.

³¹⁷

Глаголемая бо огнепалная существия божествная не жежителная, но животная суть.

³¹⁸

Позоры – иже с удивлением зримая.

³¹⁹

Яко ниедино от сущиих улишенно ест доброго причестия.

³²⁰

Быт.1:31.

³²¹

Яко не просте бесловесия испльнено яростновидно движение, но при бесловесном естестве. Достоит прочисти последнее слово книзе, егоже рекл есть о видени светых херувим, тамо бо и сия вся простране обьявленна быше.

³²²

Достоит знаменати убо, что разумевается ярость при бесловесных и что при словесныих, и что похотевание коихждо.

³²³

Знаменати достоит, яко и при аггелех словесьнство глаголет.

³²⁴

Яко похотение умныих рачителство неодрьжанно есть о Бозе, еже наричет Невещественство.

³²⁵

«В изменяющиихсе», рекше, от студеного в топлое, от здравия в нездравие, от гнева в безгневие, от скрьбы в радость.

³²⁶

Несмесно глаголет чисто и ни в едино ино упражненное. Иже бо божествныим рачителством содрьжим, в’се есть того и в желаемо токмо воспростираетсе, ни от единого возбраняем преходителного и телесного слова. Бесловесие же глаголюще быти в бесплотныих существиях, не безумие тем налагаем, внегда львов образе, и тельц, и птиц, якоже при орлу, бесловесныих образе и знамения глаголати подобна быти небесныим чином, но таиньствене разменное еже по них словесного к еже у нас назнаменуем. Мы бо словесное представляем езычным орудием и гласителними образы, биюще воздух езыком, и слову, преходещу от нас в слышещиих слухы, от тела в тело, якоже глаголет божествны Василие в еже «Вьнемли себе» слове; онамо же не тако, но, в бесплотенстве суще, и в друг друзе вьмещающесе и отходеще, всякого слова яснейше друг друга разумевания видеще, друг другу якоже глаголюще, мльчанием слова преподают друг другу.

³²⁷

Преходително наше слово произносное, яко от глаголющего преходе к слышещому: «телесну» же, к разделению невещественого слова, се бо ниже телесно, ниже преходително.

³²⁸

Безчестнейшу вещь глаголет телесовидно всяко естество, к различним видом одушевленныим и бездушныим и прочиим от Бога удобренное; умное же благолепие – яже о Бозе глаголемая, ихже смеренние и тонкыие образе в сущниих обретаем, сиречь еже просто быти, еже живем быти, еже почювати и подобная.

³²⁹

Яко убо от Бога и вещь всяка бытие имать, ниедино премудрое супротиворещи имать слово. Носит же и сама в себе указание еже от Бога приведесе и украсисе. Всяка убо еже от вещи удобрение тонко неко и сенно уподобление и подражание разумныих имать. Якоже бо прикладна разумная в подьетие якоже мощно иже от Бога промыслителныих прошествий, и живот сущая оживляютсе от иже паче всякого живота Бога, и силы имут в благодетелство содействителние, и движение неко премирное, сице и вещная вся вкупе же и от чести промысл Божий искренне себе приемати прикладне имут, и оживлятисе, и живот быти могут, якоже: «Да изведет земля душу живу», (Быт.1:24) – и пакы: «Да изведут воды пресмикающаясе душ живыих». (Быт.1:20) Но и силы благодетелствние иже на земли дыхающиим, якоже являют былиями и качестви некоторими ползования (на поле рядом: Качства, рекше злото, сребро, олово, кумпор и ина такова. Сия бо от земле качьствия суть). И движения же подобно вещная имут еже в бытие происходе и тление, и чин приемлют, иже от Бога наложенны и налагаемы. Но и просвещатисе наста разумныих нашествием сил, якоже при иже в воскресении Господни блистающусе аггелю и просвещающу около. Имать же сия вещь страждущи, не убо якоже разумна действующа. Сего ради по последнем подражателству и уподоблени глаголетсе сия имети. Что же есть подражание и уподобление последне в иже «О божествныих именех» слове изьявихом.

³³⁰

Аще и таажде имена глаголет, но не подобне приемлютсе: према естествном свойству подлежимого и определяютсе и разумеваютсе. Знаменай же, яко всяку вещь не рече разумну, проче и звезды бездушны, не бо имут ум.

³³¹

Богоначелная же изьявления яже о Бозе разумевания глаголет.

³³²

Знаменай, кая наричет честная, – яко солнце и звезды, и кая средня – огонь и воду, и кая последняя, – яко миро, и кая безчестная, – яко зверы и чревие. И яко и при Бозе и зверовидная знамения реченна быше и яже от вещи, и яже честная же, и средняя, и безчестная.

³³³

Мал.4:2.

³³⁴

Знаменай же, «солнце правды» Малахиа именует. Божественый же Петр в соборном его послани: «Дондеже денница восияет в срдцих ваших» (Ср. 2Пет. 1:19; Откр.22:16) и прочая. Сия бо есть восточная звезда. Моуси же «В купине огнь, – рече, – не пожигаей», (Ср. Исх.3:2) еже есть невредне просвещае. Иеремиа же воду глаголеть: «Мене оставише, источника воды живыие». (Иер.2:13; Откр.7:17) И ины же – иная. И Господь: «Рекы ис чрева его потекут воды животныие». (Ин.7:38; Откр.22:1) Соломон же в «Песни песнех» миро рече: «Миро истещанно име тебе». (Песн.1:2 Песн.1:2) В 12 же пророцех Осие и Михеа реченныие зверы глаголют в иже о Бозе пророчествуемыих. Давид же чревия себе глаголет: «Аз есмь чрьв и не чловек», (Пс.21:7) – от лица Господня.

³³⁵

2Пет.1:19; Откр.22:16.

³³⁶

См. Исх.3:2.

³³⁷

Ср. Иер.2:13; Откр.7:17.

³³⁸

Ин.7:38; Откр.22:1.

³³⁹

Ср. Песн.1:2.

³⁴⁰

Еф.2:20.

³⁴¹

См. Ос.5:14; 13:7–8.

³⁴²

Ср. Ос.13:7–8.

³⁴³

Ср. Пс.21:7.

³⁴⁴

Или чрьвию себе уподоби, яко не от семена родившусе, якоже мы, но семена кроме, якоже чрьвие, иже не от семене раждаютсе, но от земле или от согнития. Еже бо «Аз есьмь чрьв, а не чловек» яко от лица воплощьшагосе Бога глаголетсе, аще и не по божеству приемлемо есть, но по видимом плоти.

³⁴⁵

Что образы суть, рекше кумири, представихом уже в иже «О божественыих именех» слове, в начеле деветие главизны.

³⁴⁶

Яко да почитаютсе божествная и отречениями, рекше: невидим, бесмрьтен, неосежим и иная такова. И пакы последними подражанми и инаквими уподобленми да почитаютсе. Последними – рекше и чрьвию уподобляем есть, и иная еликая последнейшая. Инаквеми ми же, рекше, инако есть царско име при льве, и инако при Бозе, и ина таковая.

³⁴⁷

Последняя подражаний Божиих в содетелстве глаголет яже прежде рече «безчестнейшая вещныих удобрений». Како же сия глаголютсе последне подражание и уподобление в иже «О божествныих именех» слове, в главизне четврьтой реченно бысть нами пространейше.

³⁴⁸

Зловидное зверообразие разумей и скотовидное, еже о аггелех глаголет Писание.

³⁴⁹

Добре изобразителная образописания, яже и предрече, не аггельская, но аггеловидьная именова, не бо самех тех аггел, якоже суть, образы писани быше, но изьявления некая видотвория бесплотныих являют, якоже сказал есть сам себе.

³⁵⁰

Како «дете» наричет божествного Тимофеа великы Дионусие достоит возискати. Или убо, яко мню, заеже превзошед того лети се глаголет и любопремудроством преимее, яко и привопрашатисе от того, якоже являют сия в руках списания. Аще бо и прежде святого и божествного Дионусиа верова святы Тимофей, якоже «Деания светих апостол» (См. Деян.16:1) являют, но убо внешним наказанием доволнейши бе великы Дионусие. Или «дете» того наричет, яко подражае Господа, глаголющего: «Дети, еда что снедно имате?» (Ин.21:5). Или понеже иже по Бозе незлобие проходещиих «детцу» нарицаху, якоже и Папиа сказует в книзе прьвой «Недельскыих тлькований» (Кто этот «Папиа», неясно) и Климент Александрьскый в «Пестунстве» (Климент Тит Флавий (II–III вв.), пресвитер александрийской церкви, знаменитый учитель и писатель; имеется в виду его книга «Педагог».)

³⁵¹

К множеству еже единовидно наведе, святая бо единотворит. А яже скврьнная и греха сущая в многая разделения ради умножает. Се бо наричет ниня «множество», сиречь скврьнное.

³⁵²

См. Мф.7:6.

³⁵³

Предел свещенноначелия, – яко свещенноначелие есть свещенное удобрение.

³⁵⁴

Подобие и равенство и тождество едино и единотворно, заеже просто и несмесно и несложно наричетсе. Отличное же и неравное и инаковство и примесное и в преложени тименьное глаголют. Еже убо Едино Бог да разумеваетсе.

³⁵⁵

Рекше, соврьшеннотворителная.

³⁵⁶

Ликовникы зде иже о божественыих обращающеесе глаголет.

³⁵⁷

Сия непщую являти, яко не подобает кому иже единому священничьскому степену сопричтенну веще что своего достояния творити, но еже прикладное своему достоянию действовати и предавати учещу, не убо начинати яже паче достояния. Сиречь – презвитером учити и дар приносити, не убо и хиротонисати; диаконом – учити, не убо и крьстити, не бо дадет Дух Светы, якоже ниже Филипп в «Деяниих светих апостол» (Ср. Деян.8:39) диакон, но ниже приносити. И сице прочии. Но и соврьшаемыим прикладная деяти, да сохраняетсе добре еже от божествного Павла «Киждо в неже зван бысть степень, в том да пребывает» (1Кор. 7:241Кор. 7:24).

³⁵⁸

Знаменай чин и свещенноначелия накочание и яко приходещиим подобает прьвее очищатисе учением разделителныих греха потемнений, таже просвещатисе разумом богодохновенныих Писаний, яже о богоразумени преданми, и тогда соврьшатисе «пакыбытия банею» (Ср. Тит.3:5). Знаменай убо, яко просвещение прежде крещения есть.

³⁵⁹

1Кор.3:91Кор.3:9.

³⁶⁰

Знаменай, что свещенноначелник соврьшение и како Богу суть споспешници, по божествном апостоле.

³⁶¹

Божествное действо, – сиречь Божия дела и самому делающу, упремуждрающу, соврьшающу и яже подобная в пестунствуемие по силе делающу.

³⁶²

Божествное блаженство чловечскы да речем и от чловечскыих вещи, понеже то по себе что есть, несть мощно рещи:

³⁶³

Зде о свещенноначелницех самех глаголет, яже прежде сих о священноначелствуемыих рек, указуе и чины, и како убо чистителие меньшии суть, якоже заклинателие суще, просвещателие же превозшедшеи суть учением, сиречь пресвитери и диаконы; соврьшенодействителие же – иже крещением Духа испльняюще Светого, якоже епископы. Глаголет же сия и доле, в иже «О церковничьском свещенноначели» слове.

³⁶⁴

Яко естествне и паче естества суть к спасению просвещателная. Добре же чин изьясни церковного свещенноначелия, сиречь да прьвее приходящеи к божествному крещению отричутсе, очищающесе, таже просвещаютсе учением презвитер в се сотвореньныих. Таковыим же быти чистителным, достойныим еже преподати иныим светьбу. И тако епископом проче крестити. Тех бо наричет соврьшенодейственикы. Сьи подобает чин соблюдати.

³⁶⁵

Зде вся вкупе яже в сдетельстве являет имени ради сущиих, и умная и видима вся. Вся бо Бог от не сущиих сотвори сего ради и точию, да Того благосты причестетсе. Приобщет же се промысла ради, яко коеждо прикладне имать, начело бо есть сущиих сущству Божий промысл.

³⁶⁶

Знаменай помысл, егоже ради сущая вся приведе Бог, – да причестетсе Того благосты по мере коеждо. Се бо являет еже «Многие обытели у Отца» (Ин.14:2). Киждо бо по своим деле причеститисе имать Того благосты. Сице и Тит глаголет в иже «На манихее» словех. (Тит (ум. в 372г.), епископ аравийский в г. Бостре, выступавший в своих сочинениях против манихеев.)

³⁶⁷

Яко вся сущая Божию промыслу причествуют, ниже бо ни в сущиих есть еже не причествуей Божиим. Темже неуставно зло, понеже не причествует Богу, по улишени имества являемо, но не само прьвообразне суще в существе. Сице пространейше рехом выше.

³⁶⁸

В сих сущая божествная наричет, сиречь Светую Троицу, яже зданиям сущих сьдетелница и начело, рекше вина, от тех, иже от тое в сущство пришедшиих, причествоватисе глаголетсе.

³⁶⁹

Яко и животная причествуют промыслу Божию по том еже быти. Неживотная же суть – сиречь камение и вся яже не приходещая в рождение.

³⁷⁰

О сих чину знаменай же, яко различна горныих сил существия. Глаголет же «точию сущая», яже нарече «неживотная». (На поле: не жива).

³⁷¹

Зри, яко и умние силы от произволения по вещьшем приобщуютсе благому, яко много желающе того. Глаголет бо «себе воображающе», еже есть произволително. Прочее не ложно слово, глаголее диавола спаднути с небесе, преврати бо се в злое от себе.

³⁷²

Тех бо сущствия ум суть живы. Знаменай же, яко умная вся прьвее причествуют Богу. «Изьявителне» же – сиречь возвестителне.

³⁷³

Знаменай, что истейше аггел и яко прьвый тем чин глаголет имети. Еще же и како аггельми научаваемсе, и како теми Закон дан быст, и яко и иже прежде Закона и по Законе отце наше аггелы к божеств’ному возвождаху.

³⁷⁴

Ср. Деян.7:53; Гал.3:19; Евр.2:2.

³⁷⁵

«Еже творити» – якоже при Исусе Навине и Гедеоне и иныих (Ср. Суд.6:20–22), «К правому же путы от несвещенние жизны» – якоже при Корнилию Сотнице, прьвый бо от неверныих езык преложисе. (См. Деян.10) «Чина же свещенного» – якоже при Данииле «тмы тмами» (Дан.7:10) и Иезекиилу херувим (Иез.1:5–14), и Исайи серафим явишесе (Ср. Ис.6:2–3). «Премирное же видение» – якоже при Павле, восхыщенном даже до третияго небесе (Ср. 1Кор.12:2), и при божествного Иоанна Откровени (Ср. Откр.1:10 и сл.).

³⁷⁶

«Непосредствне» же – сиречь кроме аггельского служения.

³⁷⁷

Ср. Быт.12:7; 28:13.

³⁷⁸

Ср. Ин.1:18.

³⁷⁹

Зри, како тлькует речение, глаголемо «Бога никтоже виде нигдеже» (Ин.1:18), еже истинейше меню, и веде, яко суть писаничская речения, глаголющая, яко Бог явисе чловеком, якоже при Адаме в раи, и при Аврааме у дуба Мамврийского (Ср. Быт.18:1), и егда в Содом идеху (Ср. Быт.19), и Моисеови на горе, аще и задняя глаголютсе узрети (Исх.33:23), и глаголет, яко «само то сокровенное Божие никтоже виде, ниже узрети имать», еже есть существо Его. Или и высочайше, яко никтоже разумети или рещи может, или возмощи имать, что есть Бог. Аще ли же и быше богоявления некоим светиих, разумей, яко по мере киждо своее веры сподобляшесе некоего видения, изъявляющего ему божество, егоже ради осияние приемаше иже вонь приходещиих божествныих разумеваний.

³⁸⁰

«Видение оно» глаголет, иже, мню, на Фаворе божествный свет (Свет Преображения Христова, о котором говорится в Евангелиях от Матфея (Мф.17:1–2) и от Луки (Лк.9:28–29). По преданию, Преображение произошло на г. Фавор в Галилее), иже явисе божествне, и иже в купине божествный огнь (Огонь, который, по рассказу библейской книги Исход (Исх.3:2–4), Моисей видел на г. Хорив в терновом кусте, этим огнем горевшем, но не сгоравшем, причем слышал из куста голос Божий), непосредствне бывшая. Но обаче и сия посредьством быше света и огня в образе являемая према силе зрещиих.

³⁸¹

Богоявления быти глаголет не ради еже Богу являтисе и показоватисе, еже что любо есть, се бо немощно есть, но яко божественого осияния светыи сподобляютсе некыми свещенними виденми и себе по мере сущиими, ихже аггельми быти глаголет.

³⁸²

Знаменай, яко и Закон иного божествного законоположения есть подизображение, сиречь Христова божествного вочловечения. А яко аггльми дастсе право законоположение, являет и святы Стефан, глаголе: «Иже приесте закон в завещаниях аггел и не сохранисте» (Деян.7:53).

³⁸³

Знаменай, како прьвыими, сиречь превозьшедшими, вторая, сиречь меншая, к Богу возводетсе, и – о аггельскыих разчинениях.

³⁸⁴

«Пресуществное же Чиноначелие» чинов тех Начело и творителну Вину глаголет.

³⁸⁵

Яко яже о вочловечени прьвее навикоше аггелы, яко являют яже по божествном Гаврииле, научьшиим яже о святем Иоанне, благовестившей же и Деве и яко от Духа Светого зачнет воплощаемого Бога Слова.

³⁸⁶

Ср. Лк.1:11–20.

³⁸⁷

«Мужствное богодействие» Христово вочловечение есть, по немже, Бог сый, в плоти яже божествная содела. Смотри же, како рек зде Исуса «мужеское богодействие», и заеже убо глаголати «мужствное» явленно, яко соврьшен чловек бысть, «богодействия» же ради – яко Бог есть и чловек тожде, иже богознамения Соделавы. По мале же глаголет, яко «непреложен», – пребысть бо и еже бе присно. И оно же пакы зри, како глаголет в святей Марии быти неизреченного богоздания богоначелное таинство: «богоздание» же глаголет явленно, яко Бог создасе, по еже бысть чловек, по реченном: «Слово плоть бысть» (Ин.1:14). «Богоначелничско» же – яко Бога, Виновного и Начела сущого глаголемыих бог же и праведныих чловек, таинство вочловечения бе, егоже Бога Исуса предименова.

³⁸⁸

Знаменай сия на несторияне. Не вси же аггелы уведеше таинство смотрения, понеже егда возношашесе Господь по страсти, неции беху, глаголющеи: «Кто есть се Царь славы?» (Пс.23:8:10) Вопрошение бо неведение являет.

³⁸⁹

Ср. Лк.1:26–38 Ср. Лк.1:26–38.

³⁹⁰

Ср. Мф.1:20–23.

³⁹¹

2Цар.7:12–17.

³⁹²

Ср. Лк.2:8.

³⁹³

Ср. Лк.2:13–14.

³⁹⁴

Знаменай се – на несторияне и безглавние, яко Исуса «пресущствну вину» глаголет, заеже Творца суща всех, и яко непреложне глаголет Того быти по нас. Не тожде же и едино сия естество, аще и сам обе. И яко Сам и Законоположитель и под Законом, и яко и Те яко чловек аггельми заповелевашесе в отшествии в Егупте и от того в возвращении, и Те есть и аггелом содетель. Темже един и тожде Христос в двею естеству великое смотрения содела таиньство, рече бо се: «Иже в зраце Божим сый, не восхыщением непщева равен быти Богу, но Себе истещи, образ раба прием» (Флп.2:6–7). Се два зрака: еже бо рече зде «не отмещетсе», се есть еже «не восхыщением непщева», сиречь не неудостои яко чловек послушати и аггел. Благопокорне бо повинуетсе Отца и Бога аггельми подизображениям. Сим бо с вочины чловечскому роду последовати.

³⁹⁵

Не бо преложисе божествно естество.

³⁹⁶

Ср. Мф.2:13.

³⁹⁷

Ср. Мф.2:19–20.

³⁹⁸

Ср. Лк.22:43.

³⁹⁹

Знаменай, яко укрепляющего аггела Господа главизна яже в Луце носитсе, глаголет и великы Дионусие и яко паче неписанне в таинстве скровенне тому преданно бысть, и светому Тимофею от апостола Павла. Тогово бо проповедание сописа Лука. Являет же се, яко в таинстве приет от еже рещи: «Свещенничскыими нашими преданми изявленная». Зри же и ино сказание, еже глаголет, еже бо рещисе Исаием, «Велика Совета Аггела» именоватисе рожденное отроче, плоти его подобати глаголет. И почто наречесе аггел? Яко Отечь совет возвести нам. Спас бо нас Своею страстию, показа, яко и Отец такового бе совета. Ниже бо яко менши Отца аггел наречен бысть. К арианом се. Инако. Укрепляющего аггела главизну к плоти полезно есть разумевати. И инде бо глаголет Благовествие по искушениях бо, яко «Приступльше аггелы служаху Ему» (Мф.4:11), и яко «утрудисе от путного шествия» (Ин.4:6), и яко «взаалка» (Мф.4:2). Вся бо сия показуют, яко соврьшенна восприет чловека с того страданми. Но речет кто: «Где бе потреба аггела, Бож’ству ту сущу?» Глаголем, яко множайшая Бог аггельми чюдодействует, и сие глаголет всяко божествное Писание.

⁴⁰⁰

По еже к Отцу от того реченном: «Явих твое име чловеком» (Ин.17:6).

⁴⁰¹

Ср. Ис.9:6.

⁴⁰²

Ин.8:26–28; 15:15.

⁴⁰³

Почто убо единого существа быти всем светым аггелом глаголющей церкви, божественый Дионусие многыие именует силы? Великый убо Дионусие, Александрьскы епископ, иже от ритор, в тлькованиях, ихже сотвори о блаженном Дионусии, иже тому соименном, сице глаголет, яко «нерожденное обыче нарицати внешняя премудрость всяко невидимо естество, такожде и сущствия состави». От сего, – глаголет, яко – по внешних реченны быше светым Дионусием таковы гласы иносказателне.

⁴⁰⁴

Последный умныих чин истейше аггелы глаголет именоватисе, превозшьдшее же инако. В прочей же главизне деветь чинов таинствне воспоминает, ниня обаче глаголет, яко горнейши чинове ведет, елика долныи осиянием навицают, ведет же и иная, долнейшим неведомая. Аще ли же и сице есть, обаче роднейшиим именем и аггелы есть, егда наричутсе вси умыи чинове. Глаголет же и почто, якоже в сто и втором псалме: «Благословите Господа вси аггелы Его» (Пс.102:20), – и в сто и третием: «Творей аггелы Свое духы» (Пс.103:4) и прочая. Не супротивообращает же се слово, меншии бо не именуютсе горнейшиих нареченми, и – яко превозшедшиими силами подвешедшее учими бывают.

⁴⁰⁵

Вопросити убо некто имать: си небесныи чинове – превозшедшеи, и нижши, и еще менши – тако быше, яко ово убо горнейши быти, ов же нижши? И глаголем, яко и умная вся самовластная содея Бог. Аще бо чловек самовластен бысть от прьстного вьмешениа и душе сы, колми паче умние силы, не имущее земльно что или тежко, самовластны быше? Се бо и божествное представляет Писание, глаголе диавола от аггельского волею испадьша чина, и се же божествны муж пред малем о аггельскыих силах, яко: «Умне, бо на богоподражателное себе вьображающе и к богоначелному подобию премирне зреще и вьображати желающе разумни их вид» («О небесной иерархии», 4, 2.), – от сих же всех показуетсе, яко самоизволны и самовластныи суть умныи чинове. Влепоту убо глаголет коиждо према мере своего благого желания осияваетсе божествным разумением. Сего ради и чины наричутсе степеновидне, якоже в них желанию сущему. Сего ради зде глаголет, не имуть слова последный чин серафим или престоле именовати. Знаменай же, почто наричутсе вси чинове аггелы.

⁴⁰⁶

Яко истейше аггелы возводет свещенныие чловекы на ведомыие им божествные луче. Инако. Зрителныих таиьств си исплонивсе свещенный Дионусие, глаголе, яко убо последни чин, нарицаемый аггелы, иже в чловецех свещенноначелникы церковние пестунскы наставляют на возведение к Богу, долнейши же чин те наш пестун и степенми превыше лежимые горнейши яко меншее тайнонаучавают.

⁴⁰⁷

Сиречь последнего аггельского глаголю. Сей бо чин соврьшает долесходителне вся удобрения. Знаменай же, яко славит общая быти всяка именования деветих чинов коемуждо чину, заеже обще осияватисе в боговидное и в светодание от Бога, аще и не подобне.

⁴⁰⁸

Есть, глаголет, обще именовати все разумние и бесплотныие чины и по ином образе, сиречь, по боговидном, еже есть по к Богу приближению, поелико мощно комуждо их. Темже убо все премирние чины боговиднех нарицати; и ино же приобщение имети всем тем, еже светлейшого осияния от Бога дарование, аще и према комуждо мощно – или менше, или вещьше – осияние даетсе. В иже же «О божествныих именех» слове рече, яко божествныи едини глаголютсе всякого чина чиноначелници.

⁴⁰⁹

Знаменай же, како свойствия глаголет яже коегождо чина меры.

⁴¹⁰

Яко един Бог, иже и боготворей тех, весть известне тех же и тех службы; и самы же ведет себе и яже тех. Мы бо ни едино известне еже в тех вемы, разве еликая от божествного научихомсе Писания.

⁴¹¹

См. Иуд.9; Еф.1:21; Кол.1:16; 2:10.

⁴¹²

Свещеннослужителя убо своего обыче нарицати или божествнейшего апостола Павла, или светого Иерофея, якоже в иже «О божествныих именех» слове речесе. Ниня же никого иного мню глаголати тому, разве светого Павла. Ниединого бо бе се иного разве того, иже даже до третияго небесе достигшего и яже о сих навикшаго.

⁴¹³

Прьво троичско се и боговидно чиноначелие есть смыслене и достойне Богу зрей разумети от Иезекиила, иже глаголет престол прьвы, на немже явисе Бог, таже абие ближня херувим (См. Иез.10:1); от Исаие же светейши серафим, окрест стоеще Бога, зрехусе (См. Ис.6:1–2). Сия же являют еже паче всех горнейшее при Бозе их покоище. Изъявляют же се немал сия подобне и в «Откровении» светого Иоанна, апостола, еваггелиста и богослова (Ср. Откр.8:2).

⁴¹⁴

«Непосредствне» реченно бысть, понеже несть иный чин прежде того. Знаменай же, яко престоле, рекше многоочитая и многопернатая херувим и серафим, глаголет горнейшая быти всех сил.

⁴¹⁵

См. Кол.1:16.

⁴¹⁶

Прочее же две троичеце умныих чинона[че]ли отдоле горе собирает, прьва бо суть господствия, таже проче силы, также власты. Се же власты прьвые вьчинив, средние приет господствия. И третие служебныие троице прьвая начела, таче проче архаггелы, и последни аггелы. Ниня же убо не сице тех воспомену, в прочей главизне, но отдоле горе прием именовал есть. Апостол убо во еже «К Римляном» (В Послании к Римлянам апостол Павел называет ангелов, начала, силы: «...ни Ангелы, ни Начала, ни Силы...» (Рим.8:38)) и во еже «К Ефесиом» (В послании к Ефесянам апостол Павел называет начальства, власти, силы и господства: «Превыше всякого начальства, и власти, и силы, и господства, и всякого имени...» (Еф.1:21)) воспоминает некоторих аггельскыих чинов, не сьи же чин споведует. Являет же великы Дионусие, яко в тайне сия предасть святиим божествный апостол.

⁴¹⁷

Паки надписание отдоле на высочайшая восходит, третии бо серафиме, втори херувиме, и прьви престолы. Супротив обратне убо надписа.

⁴¹⁸

«Приемлюще» глаголет, рекше «любеще» или «о сем усрьдствующе».

⁴¹⁹

Знаменай, яко всяко име разумныих знамений обьемлет чину свойствного действия, якоже светыих серафим и херувим сказания имен являют.

⁴²⁰

Без какого-либо знака, указывающего место, к которому относится маргиналий, на поле рядом начинается следующая, частично утраченная, запись: Прьвое небесных свещенноначельств, рекше служебнство, или стояние, или чин пакы от тех прьвый и превышьших существ от серафим и херувим и престол свещеннодествуетсе.

⁴²¹

Понеже боговидное имество глаголет при божествныих умовех, не подобает непщевати великого Дионусиа добродетели сие умние яко случай, заеже и в нас тем прибывати глаголати, яко ино в ином подлежещем, рекше качество прибывшее. Случай бо и подлежимо отонудь отврьженное есть, яко и всяко сложение и вещи безобразное отонудь изврьженно есть. Аще бо бе ино в ином, сиречь случай в подлежещем, не бы убо живо было по себе сущство оно, ни же обожатисе по себе якоже мощно можаше единого ради чина, яко ино в ином сохраняемо. Яже убо сих реченьния имества самоосуществленна суть, не убо яко случай в подлежещем, невеществного ради. Сего ради великы Дионусий доле, в иже «О церковном свещенноначелии» слове, в главизне четврьтой, осуществленная быти глаголет имествия яже в них.

⁴²²

Знаменай, яко божествныие силы по иместву имут боговидное. Имество же есть качество пребывателно. Отсуду убо являетсе, яко самовластьны суть, в иместве добродетели имуще. Се пространеше представляет Аммон Андрианополскы (Аммон, или Аммун (IV в.), диакон, священномученик, схваченный вместе с сорока девами в Адрианополе в Македонии и убитый в Ираклии в гонении Ликиния (311–324).) в иже «О воскресени» от того на Оригена (Ориген (ок. 185–254), знаменитый философ-богослов и проповедник христианства, плодовитый писатель, исследователь и толкователь Священного Писания. На соборе 543г. был обвинен в ереси и анафематствован.) писанныих словех.

⁴²³

Толкование на нижнем поле без какого-либо значка-указания, к какому месту текста оно относится: Превысокыих престол именование учит еже быти им изетим всякого доленосного смерения и прочая, яже глаголютсе тем имети я.

⁴²⁴

Горнейше естество и по Бозе от Того вьчиненное являет престоле ничтоже на тименная внимающиим, якоже назнаменует еже ничесоже тем имети долешьствного смерения, но еже к Богу всходное, гореносне внемлюще. Добре же приведе «премирне», рекше бесплотне и невеществне и умне, рекле мыслене. Да не убо вознепщуеши еже «воздвизателное» путь быти телесны, приведе еже «невеществне».

⁴²⁵

Знаменай, яко и иже святых престол чин богоносен рече, яко носе [зачеркнуто красными чернилами: на том] почиваемого мыслене Бога. Зри убо, понеже и блаженный Василие Кападокийскый (Василий Великий; см. примеч. к с. 292) богоносную рече плоть, смотрити достоит, како рече. Но убо плоть самого Господа по составу соединисе самому Богу Слову, сего ради и еже плоть носити те глаголетсе от отец и плоть облещи. Что убо безместне, аще и плоть тогова глаголетсе богоносная, яко носещи Бога Слова по соединении нерастоятелном, тогова плоть и глаголемая и бывши истейше и поистине? Си же, по благодати имуще в себе Бога, неизреченныим словом и недомысльною мыслию, богоносны и си сего ради глаголютсе.

⁴²⁶

Яко прьвее причествуют прьвие силы Богу, и тако преподают меншим бывшее в них осияние.

⁴²⁷

Яко всякого мечтания вещного неприетны суть и непримесни всякому снижению.

⁴²⁸

Сице собирай се: «Прьвыим сущством свое непщевати достоит быти им и по всем подобовидно свещенноначелие, иже по существотворном их Богоначели приседещая, и яко в преддвьри того вьчиненная, всякие видимие и невидимие бывшее силы суть превозшедшая».

⁴²⁹

Яко не токмо божествныие силы саме скврьн и гнусот свободны суть, но и всякого мечтания вещьного неприетны суть, и непримесни всякого уменения, и еже на хуждьше умьнение никакоже ведуще. Сие же разумей не яко по естеству непреложни суть, но, самопроизволны суще, ради еже на благое зелного желания в благое уклоншесе, пребыше сице, имьство якоже имуще еже непредвижимо. Един бо по естестве непреложен Бог, сие же аще сице соделанни быше, не би убо испаднул диавол. Но и сии все единого и равного чина. Еже бо от естества благое уменения не имать.

⁴³⁰

Самодвижение глаголет светы се быти движение их, – яко неизменно и непреложно такожде же имущее. Движениия же суть при тех яже непрестанная вьразумевания действия, умове бо суть немльчныи. И знаменай еже «по боголюбезном непреложное», и прочти четвертоу главизну иже «О божествныих именех» слова и 8 главу настоещего слова.

⁴³¹

Знаменай, како глаголютсе зрителни светы чинове си и яко не знаменми или виденми Писания богоразумие имут, якоже мыи.

⁴³²

Зрителие глаголютсе иже таин видителие. Сия же светыим знаменателне глаголемими о Бозе чювственыими откриваютсе, еже при горныих силах несть разумети. Знаменай же реченное «трисветлое видение» вместо «трисоставно светое Божество».

⁴³³

Исусово же приобщение причестие славы и неизреченние светлости тела Христова глаголет, с плотию бо соседит Отцу.

⁴³⁴

Знаменай же, яко еже к Господу Исусу уподобление богоздателно есть, сиречь соделует богы уподобляемие, – и како непосредствне и кроме знамени чины си уподобляютсе Христу, от того се приимшеи.

⁴³⁵

Знаменай, яко и прьвозданны суть силы сие и добродетели Господа Исуса Христа яко силы сие имут.

⁴³⁶

Знаменай, како глаголютсе соврьшенны божествны чины си. Сказателное же различие художество глаголет изьяшнение и тлькование свещенного предания, егоже требуют и менши чинове, якоже напред глаголет, много же множае чловеци. Кроме бо тлькований, сказающиих многоразличную премудрость светиих зрений, не мощно сия разумети ни же нам, ни же меншиим прьвыих трех чинов. Темже глаголет, яко убо подвьшедшиими чиновы коиждо прьвы свещенноначелствует токмо и не иная сила. Горнейшиих же сих удобрений свещенноначелием Бог свещенноначельствует един, и не иная сила.

⁴³⁷

Понеже бо всякыих горнейши суть и ничтоже имут превышьше, елико в иныих силах, влепоту от Самого Бога единого прьвы, яко горнейши, научаеми суть божествному разуму.

⁴³⁸

На поле рядом: Священоначелствуема – сиречь тайно учима.

⁴³⁹

Знаменай еже «научаватисе»: являет бо не по естестве быти им таковыим.

⁴⁴⁰

Ср. Пс.23:10; 79:20.

⁴⁴¹

Ср. Пс.23:10.

⁴⁴²

Знаменай на василияне, рекше несторияне, (Несториане, последователи учения ересиарха Нестория (V в.), который учил, что Дева Мария родила не Богочеловека, а человека, который через наитие Святого Духа стал Христом и в особом соединении с которым пребывало Слово Божие) – яко вознесисе по еже чловек Христос Исус То есть Господь умныих всех и Царь славы, яко учими навицают от глаголющиих: «Возмете, врата, кнезы ваши» (Пс.23:7), – и вопрашающе: «Кто есть се Царь славы?», – и пакы слышеще: «Господь силам» (Пс.23:10), – и прочая. На безглавние же и евтихиане («Безглавние» – акефалы, так называли людей, не следовавших в спорах V в. ни за каким из «глав» борющихся церковных партий, ни также за теми, кто пытался их примирить. «Евтихиане» – последователи ересиарха Евтихия, учившего, что все человеческое во Христе было призрачным как поглощенное божественным. Ересь осуждена на Константинопольском соборе 448г.), яко аще и Господь силам, но убо плоть и явлен чловек, яко и к странному удивлятисе прочиим начелом.

⁴⁴³

Добре богодействие нарече еже о нас смотрение. Божия бо беху яко воистину дела вся, яже в смотрени Господни: рожьдство светое, исцеления, яже при страстех знамения и воскресение.

⁴⁴⁴

Ис.63:1.

⁴⁴⁵

А еже «Аз бо глаголах правду и суд спасения» Исайи суть, и зри, како сия разуме.

⁴⁴⁶

Речение сице сложи: «Дивлюсе, како прьвая сущестьв пренебесныих, яко средняя, богоначелныих осияний желают». «Посредевоскриляемая» же рече яко не ко крайнее высоте возлетаемая, но среды касающасе разумений. «Недоумевати же се» назнаменует еже глаголати: «Кто сеи приходей от Едома?» (Ис.63:1)

⁴⁴⁷

На поле рядом частично срезанная запись: «Посредевоскриляемая», рекше не велми продрезавающе сами на уведение, ни же пакы небрегуще о том, но благоговейне желающе.

⁴⁴⁸

Зри, с колицем страхом и благоговением всех высочайши чины яко средны, а не прьвы вопрашают друг друга прьво яже в Исайи: «Кто сеи, приходей из Едома, оброщеним ризам его от Восора» (Ис.63:1), – и тогда якоже повелеваемы от Бога к Нему глаголют: «Почто Ти оброщенны суть рызи?»

⁴⁴⁹

Ис.63:1. Ис.63:2.

⁴⁵⁰

3наменай же, како глаголет очищатисе, и просвещатисе, и соврьшеннодействоватисе божественныим чином.

⁴⁵¹

Знаменай, что чищение при умовех и что неразумие. По иместву художество есть пребывателно и неотьемлемо осияваемого разума постижение.

⁴⁵²

Ср. Пс.75:12; Ис.6:2; Откр.7:11.

⁴⁵³

Понеже и стоещая, и окрест Бога ликующая непосредствне прьвая сия чиноначелия глаголет, достоит изьявити, како и стоит, и движутсе, якоже в лику окрест Бога. И убо от Исайе узрок приет, иже глаголет: «И серафим стояху окрест Его, шесть крил единому» и прочая; наводит же: «И двема летеху» (Ис.6:2). Како бо стоещая летеху окрест? И да разумеетсе сице. Всякый ум, от всех виновного Бога восияв, понеже от Содетелствовшего и восия, глаголете о Том якоже о сроце двизатисе, движению не местному некому сушу, но разумному и живому. Есть же окружно ума движение таково. Все еже разумеваей или ум сый разумевает, или яко причествуе ума. Иже убо ум сый прьвее разумевает, а еже причествуе уму вторе разумевает. По сем убо, по еже ум сый разумевает, двизатисе глаголетсе убо. Окружное же умышляетсе движение сие, по еже возвращаесе и в себе бывае сице, себе разумети имать и иже прежде того, от Негоже восия, яко убо от Бога восхотевшего произложен быв; о том, вьместо о Божием желани и любвы, якоже о сроце, будет. Не бо соединяютсе вторая прежьдныим их, но ликованию некоторому бываемо уподобисе. Раждаема бо быти в своем желающа отродь Родившего зреть. Еже бо убо в разумени к преждьним того обращаемо окружного движения мысль вьводит. Понеже убо везде есть Бог, яже везде Тому сопоследующая еже хотети присно Того разумевати, о сем радуютсе и ликуют, якоже веселием. Глаголетсе убо ум в себе быти и к себе спешитисе. Еже убо в себе есть и являет бесмрьтие, стояние имать. По еже бо быти, еже есть бесмрьтне быти, стояти разумеваетсе; по еже же к себе тьщатисе двизатисе, не хоте разлиятисе како в извьняя его и вещная разумения. По убо самодвижен, не стоит, но движитсе; по существе же присно такожде имущем стояние, но не движение имать. Есть убо и по естестве коемуждо умов устремление, еже к Богу желание и еже о Нем, якоже о сроце, окружное ликование, якоже круга о знамени, рекше о сроце, от ниеже состависе. И бо и по естествной нужди коеждо сущиих еже о Бозе ликует ликование, еже быти желае Виновного. Сице убо о всех Цари вся суть и Его ради вся и Он все добрыих виновн. А еже рече непосредствне прьвая о Бозе ликоствовати, яко не имуще нечто прежде тех, являет, яко вторая и третия, сиречь чювствная, посредством прежьдниих о Бозе, якоже речесе, по мере ликоствуют.

⁴⁵⁴

Умная виды убо суть и свойствия бытий разделныих в бесплотенстве же, и еже места не требовати невещьствная суть, да вьместетсе, якоже телеса вся. Идеже бо тело, и место.

⁴⁵⁵

Иез.1:24; Откр.19:6.

⁴⁵⁶

Ср. Пс.102:22.

⁴⁵⁷

Како подобает разумети место при Бозе, Писанию везде глаголющу неопределно быти Божество и еже «Небо престол Его, Земля же подножие ногама Его» (Ис.66:1), и пакы: «Постави удолия мерилом и Землю гростию» (Ср. Ис.40:12), – и пакы: «Аще поиду на небо, Ты еси ту, аще ли сьниду во ад, ту еси» (Пс.138:8). Кое убо место Иезекииль умысли Богови? Глаголем, яко мнещаясе нам неудомевателная Бог иже Того искущиим от всего движения изьявляет. Глаголет бо божествное Писание: «Аще заповеды Мое соблюдет кто, Аз и Отец приидева и обытель в нем сотворива» (Ср. Ин.14:23). Темже убо и умние силы, и светиих душе и всех хранещиих заповеды, место наричутсе убо влепоту Божие и покоище. И инде глаголет: «Почи Дух Мой на них» (Ср. Чис.121:25–26).

⁴⁵⁸

Ис.6:3.

⁴⁵⁹

Знаменай, яко и друго сьписание ему есть: «О божествныих пениях».

⁴⁶⁰

Реченное яко: «Кый храм созиждете Ми, глаголет Господь, или кое место покоищу Моему?» (Деян.7:49; ср. Ис.66:1) – являет не глаголатисе о чювствном нечесом, но о божествныих сих умовех. Или и сице: восхоте Бог назнаменати, яко не описанно есть Божество. И инако: яко в самех слышещих не бе Богу места покоищьнаого неверия ради их, якоже глаголет в Благовествиях Господь: «Сын же Чловечьскый не имать, где главы подклонити» (Лк.9:58).

⁴⁶¹

Не токмо, рече, Трисветое пение являет и иже «от места Его» Бога славословещи глас, еже преподаватисе и меньшиим чином разумевати и воспевати Бога, но и ино нечто назнаменует к сим. Сие же являет речение, глаголемо; и убо и едну и единицу трисоставного глаголем быти Бога и промышляти всеми от провыих и даже до последныих земле, содрьжеща всех неодрьжиме, сиречь не телесныим содрьжеща, но божествныим промыслом пресуществне. А яко есть же една и единица, понеже и Евагрие непреподобный во второй сотници, в главизне третией, глаголет се: «То есть убо единица, понеже Божество просто и неразделно есть. Сего ради единица, и единица бо, числьническы рещи, проста и несложна есть. Една же сего ради, понеже и к себе соединенна есть Светая Троица естествне, и соединяет всех иже Тою приближающихсе, по реченном в Благовествиях: „Да будуть си едино, якоже и Мы едино есмы”» (Ин.17:11).

⁴⁶²

«Неодрьжимое обьетие» глаголет изетий всякого и несовокупляемый к содрьжимыим промысл Божи и содрьжание.

⁴⁶³

На поле рядом:

⁴⁶⁴

На поле сбоку. Яко именование их знаменает, что есть свойство их.

⁴⁶⁵

В конце главы: Яко именование их назнаменует, что свойство их.

⁴⁶⁶

На поле рядом: Мучителскы нас телесные вещи, яко телеснех сущиих, к телесним привлачет. Господстьв же ниедино от отличних подобьстьв может их преклонити.

⁴⁶⁷

Зде согрешение неко еллинскыих любопремудрец благочестивне отсецает, иже особеныие три силы некоторие неумекчанные нарекоше, произошьдшее в бытие от некоторих прежденыих их трех сил, не убо же от Бога светом содеянныим особне. И глаголют неумекьчателныие [здесь зачеркнуто красными чернилами: и нераслабленныим] быти сие меньше произведьшиих та умныих сил, скутавающе и якоже супротивещесе и дрьжателне прежьдныих их и себе еже не вьпасти в тину и немощнейше по сем произведшиих та, по еже требуют дрьжати себе непадаемие. Сия убо яко вькратце яже онех. Великый же Дионусие премудре супротивная вся им глаголет, от Бога бо тем содетельскы настати глаголет, егоже и изображение имут в господствия, якоже и мы, и по подобию созданны бывше. Сим же еже непреклонное в вяако снижение словом господства имети глаголет, секуще и якоже рассецающе и не оставляюще дрьжатисе к чювствныим похотением, не убо же прежьдние скутавающе. Чювствна же и телесная раболепни глаголет и несвободни и суетную славу. «Работворения» же вместо «раболепия», понеже не оставляют воистину сущая разумевати, но сводет от неклонителние тврьдости на суетных подклонение. Отличие же пакы наричет яже вещная, яко николиже пребываема в томьжьдестве, но присно прелагаемая.

⁴⁶⁸

На поле рядом: Знаменай, яко всяка умна сила не умекчателне и непреложне к хуждьшему имать.

⁴⁶⁹

На поле рядом: Господоначелие глаголет Божество, яко всякого господства начело и вина есть.

⁴⁷⁰

На поле рядом: Светых же сил именование, еже есть свойство.

⁴⁷¹

На поле рядом: Знаменай, како везде глаголет превышьшим силам преподавати своих сущиим по них.

⁴⁷²

В конце главы: Знаменай, как везде глаголет превышьшие силы преподавати своих сущиим по них и силы укрепляти меншее их. Вемы же, яко и Даниила пишет (См. Дан.6:22) аггел укрепляей, и иныие, и всех же еже вещьше – и самого Господа нашего Исуса Христа, заеже и чловек, – якоже от Луки в Благовествию лежит (См. Лк.22:43).

⁴⁷³

На поле рядом: Светых же власти именование мню являти еже вькупочинно и проча по редо.

⁴⁷⁴

К горе лежещиим и сия да сочиняютсе, от онуду бо еже «мню, являти власти именование».

⁴⁷⁵

Яко власти елико тем праведно, яко аггелом сущиим, умние силы сущиим по них преподают.

⁴⁷⁶

Како и чим очищаютсе и просвещаютсе и соврьшеннодействуютсе средныи чинове, и яко имать Писание, яко иный аггел иному препосилают божествная знамения (См. Откр.14:18).

⁴⁷⁷

На поле рядом: Средним онем, сиречь прьвым от Бога чином, еже посреде Бога и чина иже есть по прьвом чину.

⁴⁷⁸

Яко средныими соврьшения тончайшая иже провосветне от Бога действуемыих, иже прьвыи суть от Бога, средни же к иже по них чином.

⁴⁷⁹

На поле рядом: «Утончаваему» глаголет не от своего ему ослабления, но от уменения приемлющиих. Се бо сказует еже рещи «вьторое соврьшения», – сиречь еже тончае соврьшати вторая.

⁴⁸⁰

В конце главы: «Утончаваему» рече не от своего ему ослабления, но от уменения приемлемых. Се бо являет еже рещи «второе соврьшения», – сиречь еже тончае соврьщатисе вторим против мере своей.

⁴⁸¹

По еже в Захарии (См. Зах.1:11; 2:3–4), и Данииле (См. Дан.12:6–7), и Иезекииле (См. Иез.10:7) пророцех лежещем.

⁴⁸²

Знаменай, яко свещенне сия предаше великому Дионусию. «Самоявленьная» же нарече прьвыие божествныие силы, понеже от себе божествная приемлют осияния. Прочие бо силы не собою божествныие приемлют дары разума, но превозьшедшиими.

⁴⁸³

Знаменай, яко священничское предание есть еже о чинох умов ведети.

⁴⁸⁴

На нижнем поле: Указ реченному, яко вторая от прьвыих научаваютсе – от Захарии пророка.

⁴⁸⁵

Перед началом слова – значок (две киноварные точки), и на поле у такого же знака киноварью написано: посреде.

⁴⁸⁶

Зах.1:13.

⁴⁸⁷

Зах.2:4.

⁴⁸⁸

Добре рече Господь в пророце Иезекииле, яко: «Разлучите от праведныих грешные» (См. Иез.9:3), – се бо и в Благовествиях являетсе сотворь, егда овце от козлищ раздели (См. Мф.25:32–33). Се соглашает и в сем Ветхий Завет Новому.

⁴⁸⁹

См. Иез.9:2.

⁴⁹⁰

Знаменай, яко аггелу убо се знамение наложити повеленну «подиру, рекше одежду, даже до ногу сьходещую», и пояс о чреслех, – образ подобен свещеннику. Аггелом же, секири в руках имущим, иже сказует томителную неку силу. Яко от сего разумевати нам к хотещему соврьшити делу и иже аггелы, вид вьображаетсе, еже разумети дльжни есмы и о серафимех и херувимех и иныих силах, яко према своему чину и изьображение имут. Еже бо Трисветую песнь глаголющеи многоличннии изьображаютсе (См. Ис.6:2), сказаюущу Слову, яко неумльцаемо есть и много тех петие. Сице и о прочиих разумей.

⁴⁹¹

Киноварью на верхнем поле: О благочинии вторих к горнейшиим.

⁴⁹²

Знаменай, яко божествное произображение от оного провьзвестисе еже верныим на челе животворному наложитисе знамению и снабдетисе от губителя. Но тогда убо аггелы в образе свещенник се творити повеленны быше неповиньныим, – пояс бо и одежда до ног сходещи свещеннолепны свещенник являет образ, – ниня же и мы себе, верных, крестное замение на челе изображающе, убегуем врага. Се и друго уподобление Ветхого к Новому.

⁴⁹³

Знаменай, яко си суть троичсци чины умныих сил. Прьвая троица: престолы, таже херувиме, потом серафиме. Втора троица: господствия, силы, власти; сия и средня глаголютсе. Третия троица: начела, архангелы, аггелы. Обще же именом вси аггелы.

⁴⁹⁴

См. Дан.9:23.

⁴⁹⁵

См. Иез.10:6.

⁴⁹⁶

Знаменай, яко и Гавриил несть горнейшиих сил, но меншиих.

⁴⁹⁷

Дан.8:16.

⁴⁹⁸

Знаменай, яко подражание горнего таиньственого свещенноначелия яже в Церкви бываемая дньсь. И бо свещенници знамение налагают животворещего креста приходещиим к таинству за еже разделити тех от неверниих и да врага убежет. Инако же и чин сохраняетсе в светей Церкви: еже бо творити повелесе уподиакону не творит иже суть менши; и еже творит свещенник не творит диакон; и, просто рещи, кождо имать подобную ему службу. Общем же именем все причетьници и служебници наричутсе, якоже и аггелы. Зде подобает разумети, како речесе божествним Стефаном: «Иже приесте закон в чинох аггельскыих и не сохранисте» (Деян.7:53 Деян.7:53).

⁴⁹⁹

Самого же начелотворного Начела изьявляет пресуществное чиноначелие с начел чин.

⁵⁰⁰

О архаггельской доброте и что являет.

⁵⁰¹

Светыих же архаггел именование единочиино убо ест.

⁵⁰²

Знаменай еже соборное, яко всяко свещенноначелие имать прьвые и средние, и последние силы, сиречь трье троичьсци чины.

⁵⁰³

Како божествныи архаггелы сущиим прежде тех и иже по тех причествуют.

⁵⁰⁴

Слова «по благоудобрителныих... владычествиях» были сначала пропущены писцом, а потом приписаны на поле столь же крупно, как основной текст.

⁵⁰⁵

Яко последны чин аггел и преудобренен.

⁵⁰⁶

Яко последны чин небесныих сил паче достойны есть аггелы нарицатисе, яко приближаесе чловеком, имже и яже божествная навицают чловеци.

⁵⁰⁷

Яко прьва троица вьторой свещенноначельник есть, и втора третией, третия же иже в чловецех свещенником.

⁵⁰⁸

Како ова убо скрьвеннейшая, ова же явленнейша свещенноначелия.

⁵⁰⁹

Знаменай указ от Даниила, сиречь последьни чин наставник быти иже у нас свещенноначелия.

⁵¹⁰

Како аггелом благыим пристоещиим езыком, едины Израиль ведеше Бога. Коиждо бо езык аггела имат, удостоенна ему, якоже иудее Михаила (Вера в то, что архангел Михаил – ангел и иудейского народа, основывается, очевидно, на словах пророка (Дан.10:13, 21; 12:1), что князь Михаил – единственный помощник еврейского народа, и на словах Послания апостола Иуды, что Михаил Архангел «говорил с диаволом, споря о Моисеевом теле» (9)), егоже и от последняго чина светых аггел глаголет.

⁵¹¹

См. Дан.10:13, 21; 12:1.

⁵¹²

Втор.32:8.

⁵¹³

Не от приставленьныих аггел вына бывает, рече, но от своего к неподобьныим устремления.

⁵¹⁴

Знаменай, яко киждо себе виновен и блага и зла.

⁵¹⁵

Не яко Бог Израиля избрал есть единого, но яко Израиль един восхоте последовати Богови. Сице бо и сказание речи назнаменует «Ум, зрей Бога» (Распространенная в Византии этимология имени «Израиль» (см.: Иоанн Кантакузин. Беседа с папским легатом, Диалог с иудеем и другие сочинения. СПб., 1997. С. 109; Прохоров Г.М. «Стязания» с иудеями по сборнику Кирилла Белозерского (РНБ, Кирилло-Белозерское собр., №XII) // ТОДРЛ. СПб., 2001. Т. 52. С. 174–175). Но «Исраэль» означает буквально «Борющийся с Богом», что соответствует библейскому рассказу о борьбе Иакова с Богом (Быт.32:24–29). Распространенная в Византии этимология имени «Израиль» (см.: Иоанн Кантакузин. Беседа с папским легатом, Диалог с иудеем и другие сочинения. СПб., 1997. С. 109; Прохоров Г.М. «Стязания» с иудеями по сборнику Кирилла Белозерского (РНБ, Кирилло-Белозерское собр., №XII) // ТОДРЛ. СПб., 2001. Т. 52. С. 174–175). Но «Исраэль» означает буквально «Борющийся с Богом», что соответствует библейскому рассказу о борьбе Иакова с Богом (Быт.32:24–29)). Тако разумети дльжни есмы яже в песни Моусеове реченна: «Бысть честь Господня уже дело мерно Иаков» (Ср. Втор.32:9), – еже являет Израиля. Не Бог бо Израиля токмо любляше, якоже и апостол многащи яви, рек: «Еда несть Бог и езык? Ей, и езык, понеже един Бог» (Ср. Рим.3:29–30). Но Израиль прьвее иде вослед Бога, понеже последи отступив и то отгнасе. Самовластное бо имуще чловеци, егда хотет творет Бога с собою.

⁵¹⁶

Ср. Ос.4:6; Иер.9:14; Чис.15:39.

⁵¹⁷

Еже зде глаголет светый отец Дионусие, се и при слнечном свету бываемое видети, при светлих убо вещех свое преподание творещу, при дебелейших же не подобне, но или свьсма непреподатне, или тонце. Еже убо зде вещное разьньство творит, се при божествьнем осияни неравенство самовластного соделует устремления.

⁵¹⁸

Зри, како глаголет нас самех виновнех быти еже приети осияние божествное, или мало или много того приети, или отнудь ничтоже того приети, егда к тому ожесточанны будем и окаменны. Рече убо в Еуаглиах Сам Господь: «Может Бог от камения сего воздвигнути чеда Аврааму» (Лк.3:8). Еже бо нам жестоко и немощно, се Богови мощно.

⁵¹⁹

Знаменай паче зде обущати неподобное некыих и нерасудное ненаказание, еже смеют глаголати божествная сия сьписания Аполинариева (Может иметься в виду Клавдий Аполлинарий (II в.), известный апологет христианства, автор многих не дошедших до нас книг против язычества, а также, но это менее вероятно, Аполлинарий Лаодикийский (IV в.), ересиарх, оказавшийся не в состоянии принять утверждение никейского Символа веры о сочетании в личности Иисуса Христа двух природ, божественной и человеческой; его учение осуждено Александрийским собором 362г., Римским собором 375. и 2-м Вселенским собором 381.) бысть, ни же от лиц, ихже воспоминает помышляюще древнее мужа, но ложное надписание глаголюще еже Дионусиа име, ни же яко ниня от идолослужения рече себе возвратитисе, а паче Аполинарие не от таковыих бе.

⁵²⁰

Яко Бог, естеством сы благ, готова Себе подает всем в еже причеститисе светыне Его и просветити душу. Проче еже от нас ищетсе, еже како пожелеем причеститисе разума Его, да покажетсе самовластное. Не бо виновен злыих Бог, еже есть от Того разлучение.

⁵²¹

Собрание сие сице: «понеже яко и езыик иныих не чужди неци наставници беху бозы, едино же всех Начело». И тако друга посреде да рекутсе. Да отколе есть едино Начело, к Тому вьзвождаху аггелы езыкы, имже коиждо приставлен беше.

⁵²²

См. Быт.14:18.

⁵²³

Знаменай яже о Мелхидеку, (!) яко свещенноначелнику воистину и аггельскыим наставлением иже воистину сущого Бога познавша. «Последующиих» же рече самоизьволного ради и непонужденного.

⁵²⁴

См. Быт.41:1–7.

⁵²⁵

Знаменай, яко аггельми, глаголет, яже в снех быти видениям фараону и Навуходоносору, и яже сих явления, рекьше сказания.

⁵²⁶

См. Дан.2:1–11.

⁵²⁷

Иосиф убо егуптеном, Даниил же вавулоняном наставник беше (слова «наставник беше» приписаны писцом на поле), аггелом же наставником езык сих, совет Божи откривающиим им и видения.

⁵²⁸

См. Дан.2:14–44.

⁵²⁹

См. Быт.41:25–32.

⁵³⁰

Знаменай речения Моусейскыих песни: «Егда разделяше Вышни езыкы, ихже рассея сыны Адамовы, постави пределы езыком по числу аггел Божиих. И бысть часть Господня люде Его Иаков, уже достояния Его, Израиль» (Втор.32:8–9). Не бо подобает, рече, мнети разделити в иныие богы или аггелы езыкы, не бо удостоятелне случись Богови Израиль убо, иныим же аггелом особне, яко не служити им в ином чесом Богови. Якоже, принеси да речем, овзы езык овому зи (так!) аггелу отлучисе и удостоисе быти, и несть что Богови о езыку его брежение, или не служит и упражняется в ином чесом к Богу иже езыка аггел. Но ни же вькупочьстне или богопротивне приет Бог с езык и киждо от аггел свой езык, якоже в Исайи реченно бысть, яко диавол яже к северу гори, сиречь, езыкы, рече в себе имети и противитисе Богови и быти подобен Вышнему (Ср. Ис.14:13–14). Вся бо работна Богу, и всех То Сам начелствует, но ведущиих Того предпочитает. И сего ради и То глаголетсе теми начелствовати, негли аще имут и аггела приставленного, якоже Израиль Михаила. И како всех начелствуе Бог наипаче Израилев глаголетсе Бог и Израиль Тогов? Глаголем, яко Бог всех есть Бог, приближающиих же се Тому и Тому единому покланяющиихсе глаголетсе праведне их Бог. Прочи бо, идолы почитающе, иныие творет себе богы.

⁵³¹

Втор.32:9.

⁵³²

Втор.32:9.

⁵³³

Добре сказует еже: «Бысть честь Господня Израиль, удостоенна Ему». Подобаше убо, понеже Израиль един уведе Бога, тому единому от Господа посещатисе и от аггел Его. Но и в сем показуетсе безмерная и неиследованная милость Божия, яко и мнещиимсе не быти чести Его особна аггела приставил есть хранителя езыку. «Восиявает бо солнце Свое на праведние и неправеднии» (Ср. Мф.5:45.). И пакы: «Иже не хотей смерти грешнику, яко возвратитисе и живу быти ему» (Ср. Иез.33:11). Но речеши: Како имущеи аггеле, от Бога данныие в еже наставляти и водити тех, отступише от Бога живого и поклонишеся идолом? – Глаголем, яко всяка нужда от иже в Бога зрещиих отгнасе и вьместовьведесе еже самоизвольное. Аще кто изволит с Богом быти и хранитсе от аггела, и вьчиняетсе под ним. «Господ бо, – рече, – совесть путь праведниих» (Пс.1:6). И пакы: «Юн бех и бо состарехьсе, и не видех праведника оставленна» (Пс.36:25). Аще ли же кто супротивьное изволит, не понуждаетсе от аггела се творить. Сие бо житие и скотовидно паче [недостает перевода слов: και ούκ αυτοπροαίρετος – для них оставлено место]. Того ради и о Израиле рече, егда согреши и телца сотвори: «Разум бо Божи отринул еси и вослед сердца своего ходил еси» (Ср. Ос.4:6; Иер.9:14; Чис.15:39), – сиречь свое хотение предпочел еси.

⁵³⁴

Яко и Израиль и честь Господня бысть, но убо и тии особна своего имаху аггела Михаила.

⁵³⁵

Сие рече самовластного ради и непонужденнаго.

⁵³⁶

«Службоначелничского», – рекше, Наставления и Вины тех соврьшения.

⁵³⁷

Знаменай, яко зде яве сказует, кое ради вини чинове небесныих сил сице суть, рекше: ово убо превысочай бысть, ово же средны, ов же последны. Глаголет бо о горнем чину, иже есть престолы, серафиме и херувиме, яко от самого божествного разума осияваютсе, заеже непосредствене на те простиратисе и не имети еже предвараемо. Сице от Службоначелия самого божествного очищаетсе, и просвещаетсе, и соврьшаетсе. Аще бо би тако создан был, яко прьвы быти, ни же чищения, ни же просвещения требовал би, тако создан быв, яко и достоин бысть прьвого чина. Инако же, зри, что глаголет по мале божествны се муж, яко «скрьвеннейшим паче светоданием» просвещаютсе прьвы чины, зане умнейши и Богу приближенейши паче иныих, скрьвеннейшего сподобляющесе сияния, и ти скрьвеннейши суть и к Богу паче иныих простирателны. И от сего бо есть разумети веще самоизволное их. Аще бо не веще от меншиих себе простирали би и умни бывали, не бы убо приближали се Богови [на поле добавка: веще]. Приближивше же се Тому волею, болше очищаютсе, и просвещаютсе, и соврьшаютсе, сиречь «действуют сьврешенная», рекше яже о Бозе. И сие мню Писанию гадающу: «Приступите к Нему и просветитесе, и лица ваша не постыдетсе» (Пс.33:6). Сице и о прочиих силах разумей, яко коиждо по своей мере зрит Бога. Сие и явленнейше глаголет на конце главы сие.

⁵³⁸

Яко вси аггелы яже от преждныих себе в тех носиме свете к меньшим изьявляют. Обще же о всех есть еже «изьявителие» речесе. «От Бога же подвиженних» рече о прьвом серафим чиноначели. (Здесь же киноварный маргиналий: «Вестници» рекше аггелы).

⁵³⁹

Старейши Бога изьявителне суть, а средни – прьвыих, а последни – средних.

⁵⁴⁰

Чесо ради о серафимех божествное петие рече вьзивати друг к другу? – Заеже прьвыим возвещати к вторим божествная таинства.

⁵⁴¹

См. Ис.6:3.

⁵⁴²

От простейших бо учений, еже млека напоение нарече апостоль (См. Евр.5:12–13), к средним, и от сих к болшим, рекше соврьшеньныих пище, восходе, последни являет чин и силу. Есть же и инако яже по месту разумети, и прьво убо рещи еже к превьсходимому вьиспрьпрострьтие, средне же – еже в себе сьобращание, последне же – еже меншее вьзводе, еже и паче при аггелех достоит разумети.

⁵⁴³

Знаменай, яко коегождо нас ум прьве, и средне, и последне чинове имат в еже разумевати о Бозе. Три чины сие достоит разумети сице, яко всякы ум имат существо, по немже прьво есть; таже и силу, по нейже крепце удовляем есть; кончнее же действо, по имже, своя дее, благочьствует. Сия и в прочей главизне сказует. Темже отсуду яве и несупротиворечне есть приети, яко истинне пред малем писахом. Се бо како рече: «Коиждо небесны и чловечьскы ум прьвая, и средня, и последняя имат вьзвождения, по ихже кождо в причести бывает божествныих и свещенноначелничскыих осияний». Прьвей убо – яко равен чин рече чловек и горных сил; и ниединого от чловек вемы – ни же пророка, ни же праведника, – не потребовавшего особнии вины в еже приближитисе Богови. Зри, что бо глаголет иже до третияго небеса доспеви, яко: «Удручаю тело и порабощаю, еда како, иныим проповедав, сам неискусен буду» (1Кор.9:27). Таже явленне зде глаголет самовластное и аггел, и еже своего иь устремления желание. Да же никтоже и от зело любопьрливих любовеспритсе, изьявително рече, яко ничтоже нетребовательно и самосоврьшенно, сиречь от себе соврьшенно, разве един Бог. Темже чловеци и аггелы предспения и соврьшения требуют.

⁵⁴⁴

«Не бо есть рещи, якоже при аггелех», – силы бо вторие и средние суть троице, по господствех вьчиняеме. Темже не яко последним тем сущиим, вси чины нарекошесе силы, якоже при аггелех.

⁵⁴⁵

Яко яже последьних имут надьлежещии, а яже превосходещиих не имут последныи. Сице и выше речесе, – понеже прьвы убо соборне имут осияние, последни же отчести, якоже проча глаголет. Сице и в Церкви есть обрести: свещенник бо может творити вся яже меншиих, рекше диакон и прочиих, диакону же яже свещенник несть повелено творити. Ако убо еже у нас свещенноначелие подражает небесный чин, рехом выше. (К этому месту с помощью значка сделана сноска на нижнем поле·. От «не бо есть рещи» супротивление есть даже до «соборних свойстьв», и оттуду начети недоумение до еже начети светому решение, идеже рече «глаголем же»).

⁵⁴⁶

Последни бо чин начел, и архаггел, и аггел есть, и обаче и ти силы суть, егда именуютсе.

⁵⁴⁷

Како глаголютсе силы.

⁵⁴⁸

Знаменай, како убо глаголет, яко в три разделяютсе аггельсци чины: в существо, и силу, и действо. И от сего глаголютсе обще «силы небесные». Аще бо их кто и существо и действо речет, не согрешит, суть бо сущство и действо. Но обаче вси чины и умове по сем «силы небесные» наричутсе.

⁵⁴⁹

«Неназирателне» – рекше просте и невьнимателне.

⁵⁵⁰

Яко в приказни да речетсе сущство убо рещи огня естество, силу же того просвещателное, действо же еже и силы накончание, рекше просвещателно и жегущее.

⁵⁵¹

Вькупоименно есть име «силы»: глаголет бо се сице и особны чин, сиречь второе среднего троичьского удобрения, и обще вси чины, яко силу имуще неку.

⁵⁵²

«Второречне» – рекше второю речию, поеже вси силы глаголютсе.

⁵⁵³

«Достоит непьщевати» извьн да разумеетсе.

⁵⁵⁴

Мнитсе некако зде глаголати, яко по достоянию аггельская удобрения содетелскы вьчиненна быше, не яве же се представляет. Горе бо, в прьвой сее главизне, явленне еже тех желание и разумение глаголет вини тех превысокого их чина. Сего ради яко и очищатисе и просвещатисе и соврьшатисе рече тем. Есть убо начьньшу рещи и сице благочестиве, яко Бог, провиде в тех желателное движение, и тех чины достойные их приведе, от ихже не убо речет кто тех мощи отпасти, заеже имьство неко стежати к благому зелнаго ради восхотения и желания. Аггелом же, сиречь последнему удобрению, мощи негли и к хужьдшему превратитисе. Рече бо тех и близ мира сущих, от нихже мню и диавола некогда быти, прежде отпадения. Аще ли кто сих соврьшеннеше весть, прошу навикнути.

⁵⁵⁵

Знаменай, како по чину аггельская удобрения Содетелне приведенная быше.

⁵⁵⁶

Мал.2:7; ср. Откр.2:1, 8, 12, 18; 3:1,7,14.

⁵⁵⁷

Знаменай, яко аще и горныих сил отнудьства недостаточни суть последни, но убо честние причествуют премудрости же и разума и тии.

⁵⁵⁸

Что всешня премудрость и причестие, и что отчести премудрость. А еже «по силе своей» произволителну силу достоит разумети зде.

⁵⁵⁹

Знаменай, яко еже «определенно есть» не сказует зде тврьдую неку и непреступну нужду, якоже мнозы обыкоше глаголати, но еже «определеньно есть» – вместо еже «вьчиненьнно есть», по определенной некой мере силе.

⁵⁶⁰

Како бозы глаголютсе аггелы же общим именом и боголюбивы чловеци, – по еже «Аз рех: бозы будете» (Ср. Пс.81:6).

⁵⁶¹

См. Исх.7:1; Пс.81:6.

⁵⁶²

Како, и коими, и по чесом божественыих имен сподобляютсе.

⁵⁶³

См. Ис.6:6.

⁵⁶⁴

Понеже противно реченное мнитсе реченьныим. Рече бо прежде сих, яко нижьшая от превышьших тем, не убо же от горнейшиих научаютсе, рекше трети чин от средьняго и средни от вьсех вышьшего. Вьзискано же о сем бысть, и различне раздрешисе.

⁵⁶⁵

Яко не навикнути божествная, аще не будет прьвее грехом отпущение, ибо серафим «пожигатель», рекьше «согреватель», сказуетсе.

⁵⁶⁶

Знаменай, яко божествная пророком видения надьстоещее им аггелы глаголет, творещее в мечтание приводити мнещиихсе видети. Гадания бо и образе, не убо же нагы вещи и сущ’ства, зреху.

⁵⁶⁷

Зриши ли, яко иже научавающеи аггелы откровениям пророкы сице творааху, вьзводеще тех прьвообразне убо на Бога иже всех воистину виновного, вторичне же на иже по Бозе прьвыие умове положением и боговидне начелникы еже о Бозе свещенноначелия. Сия напред учит. Знаменай же, яко вся Божий промысл проходит сокровенне и яко и долнейши аггел вькупоименне серафим именуетсе по приобьщителном пределе. Вси бо Божию осиянию приобщуютсе, но по достоянию коегождо мери.

⁵⁶⁸

Ср. Прем.7:24.

⁵⁶⁹

Како божественая осияния в овех убо явленнейшая, в овех же тончайшая преподаютсе, от притче сказует.

⁵⁷⁰

Приказнь сия и выше предложисе. Прьвую же вещь глаголет стекло и подобная, якоже и дебелейшую, рекьше храме, и врьтепе, и яже подобная.

⁵⁷¹

Добе уподобляет Богу огнь, глаголет бо Писание: «Бог же огнь поядей есть» (Евр.12:29), – и яко ово убо того согревает, ово же пожигает, сице и Бог приходещиих к Нему просвещает, неверующих же пожигает, – иже не с верою приходещих и приближающиихсе Ему.

⁵⁷²

Естествная глаголет чювьственая и видимая. Достоит ведети, яко в умныих добродетели не суть по случаю, якоже в нас, но Бог убо есть живая добродетель и самосоврьшенная и нетребователнаа, яко пресуществне вьсущьствисе и преподателне приходит в яже от тое яко от вини сущее бывшая умная. Источник убо добродетели оживляющее и обожающее по еже мощно причествующиих Бог. Но обаче в прошествие промыслителне приходе в существленная от Того умная, врьх и соврьшение по сем быти умов не изгубляет, понеже естествне тому есть, не по случаю убо умове, якоже мы, имут добродетель, разум от ухыщрения, рекше, или учения, или правду, или целомудрие воздрьжания ради, или мужество от благосложения тела и жил. Не бо якоже ино в ином в сих добродетель, но еже своя действовати и непрестанно простиратисе к Богу и в себе – се в них богоподражателная добродетель. Чин же обаче якоже иному в ином сохраняют, якоже еже «живет во мне душа твоя», – вместо еже учения преподание: случай же в подлежещем есть, еже несть онамо, несложна бо и невеществна она.

⁵⁷³

Бог, сущи воистину естеством начело есть всем просвещающиимсе и Виновен и самому еже быти во всем сущиим и зретисе. Положением же, рекше не естеством, но положением и богоподражанием, начело суть превышьшая существа меншим сущствам.

⁵⁷⁴

Знаменай, яко по Бозе начело всякое добродетели суть горнейши умове, имиже прьвыими имамы Божие осияние.

⁵⁷⁵

Знаменай, яко по свойстве огнествни горьнейши умов суть.

⁵⁷⁶

Добре сказует, что суть престолы небесныих умов еже отврьзенно о Бозе разумение имети. Престольское же рече свойство удостоятелне данное светыим престолом начело.

⁵⁷⁷

О меншиих чинох, како прьвыими причествуют к божествныим сияниям.

⁵⁷⁸

О рекшем рече, яко не серафим беше явивисе Исайи, но некой долнейшиих аггел. О сей бо славе подвижитсе, еюже пред малем являет в начеле главизны, идеже рече «Ин же николиже безместно» и прочая.

⁵⁷⁹

Понеже шестокрилата зрит серафим. Аще и от долнего аггела явление научаваше, но на серафимско видиние вьзвождахусе.

⁵⁸⁰

Имат бо слово в пророчстве сице, яко: «Стояху окрест Его» (Ср. Откр.7:11).

⁵⁸¹

Зри, что научаваше Исайа, егоже наричет светый Богослова, яко неведомо Божество и горнейшим силам, и яко ничтоже от сущиих подобно Тому. Сия же навицает пророк по очищени свои согрешений, о нем же мало последи рещи имамы.

⁵⁸²

Рече бо горе, на конци десетие главизны, яко всякый ум, и чловечскый, и прьвие, и средние, и последние имат чины. Влепоту бо рече шесть крил имети силам, да убо двема покривают лица, средними жы ногы, прочими же к Божеству взлетати, еже рече сам превысокое горепростретие. Знаменай же, что еже многоножное и многоличное серафим и почто покриваютсе неци. Знаменай же, како возводит шестокрилата светиих серафим.

⁵⁸³

На внутреннем поле рядом без какого-либо знака: Навицаше изьвен.

⁵⁸⁴

Скутавати, рекше покривати.

⁵⁸⁵

«О высокыих» – заеже покривати лица, «гльбокых» же – заеже покривати ногы, средних же ради умерение являет.

⁵⁸⁶

Яростное и сверепое испытание, рекше желателное и устремителное в еже испытовати яже о Бозе, неприступное же – заеже не простиратисе выше меры в высокая.

⁵⁸⁷

Еже есть «Свет, свет, свет». Назнаменует же, яко и аггел по мере своее силы приемлет божественое осияние и то преподает пророком елико вьмещают, а не елика те весть.

⁵⁸⁸

Что есть чишение и како в умныих бывает от Бога.

⁵⁸⁹

Чищение рекше, или приобщение.

⁵⁹⁰

Не бо яково есть при чловецех чищение, таково есть и при бесплотныих.

⁵⁹¹

О самом том Богоначели рекше, сиречь о Бозе.

⁵⁹²

Чищение яве.

⁵⁹³

Смотрити подобает, яко разьнствовати глаголет не мале в боговидении всякой бесплотной силе, много бо имут боговидное горнейши умове, менше же прочии, поскольку и чин требует прочиих умов, даже до последних, веще же и последныих наше душе, понеже и всех умов много недостатьчствует яже в нас душа. И божествное убо осияние собранно некако паче и сьскутанно зритсе према рекше в дльгость растоянию еже к Богу приближения, собрае образом некоим само то осияние свое изьявление к единьнному и простому егову неведению. Неведом бо есть Бог не различия ради собраний [рядом – маргиналий: собрание разумей зде еже от любопремудрьц глаголемо] недоведомо нам, но по единеньству некоем и према яже у нас по коемждо и отнудь непостижном неразумени.

⁵⁹⁴

Знаменай, яко огньствное свойство серафим есть и како, аггелу очищающу, серафим речесе очищати, и прежде сих Бог, – по образу и притьчи иже у нас чищения.

⁵⁹⁵

Знаменай, яко свещенници менши свещенноначелника суть, и яко ино просвещати и ино очищати, и яко ино служитель и ино свещенник, и яко свещенником, очищающиим или просвещающиим свещенноначелник глаголетсе сия творити.

⁵⁹⁶

Маргиналий: Аггелово обычайнотворие.

⁵⁹⁷

Яко Бог, иже всех подобне умныих содетель есть. То и прьвая сущствия содрьжит и соблюдает к непревращению и непрепадению. Непреложнех же подобает тех разумети по оном, по иже суть, сиречь в бесмрьтное, в живот, по имже вьсущьствищесе, в еже быти свет. Сих ради бо и непреложни осуществне и в еже непревращатисе в странная похотевания, а заеже и самовластнем сущиим, Бог содрьжит их и сохраняет. Еже бо к Богу вьиспрьпростиратисе тех есть умного произволения, а еже присно о сем удовлятисе, заступления есть Божия. Вся бо требователна Божиее помощи.

⁵⁹⁸

Киноварный маргиналий: Посреде.

⁵⁹⁹

См. Ис.6:6.

⁶⁰⁰

Якоже да бы очищаей аггел Исаию сия пакы тому глаголал о серафимех. Починает же яко от аггела воображаемо глаголание, идеже есть аггелово обычайнотворие.

⁶⁰¹

Яко Божия дания (исправлено черными чернилами на «даяния») происходатают аггелы.

⁶⁰²

Смотри, яко, Богу дающу нам «глагол в отврьзене уст» (Еф.6:19) наших, аггелы происходатайствуют, яве яко о нас молещесе.

⁶⁰³

Дан.7:10; Откр.5:11.

⁶⁰⁴

Сия же в Данииле реченна быше. По безмерном, а не по числе.

⁶⁰⁵

Откр.5:11.

⁶⁰⁶

Немощную меру нарече чловечско число према аггелех. Рече бо се и иныим некоим. Близнецем именем, иже слеп бе, деветьдесет и деветь овц убо быти аггелы, едину же погыбшую – нас, чловекы.

⁶⁰⁷

Знаменай же, яко и самым аггелом глаголет разумителне, а не учителне, ведети определения, сиречь еже колико небесныих сущестьв есть число, от Бога и в сем просвещенном.

⁶⁰⁸

Горе бо рече, яко горнейше силы свещенноначельствуют сущиими по тех, и средние последними, и последние их иже в чловецех свещенноначелници. Ни бо рече, яко сьи чин и начельствует сущиими по нем, и начелствуетсе от тех, но сице рече, яко прьвый чиин (так!) начельствует сущиими по нем, начелствует же се сущиими прежде его. Сице и о прочиих достоит разумевати.

⁶⁰⁹

Не безместно глаголет иже в словесех Писания образе всем небесныим силам налагати, яко всем рекше быти высокыим и спасителним и разумным, аще и не подобне, но овем убо превосходителне, овем же менше.

⁶¹⁰

И нельжне прикладьствует всем небесныим существом еже быти тем в причестии промыслителние силы в общем прошестви еже о вторих, в еже промышляти о них по причестию, якоже рех, промыслителние силы.

⁶¹¹

Знаменай, почто в аггельскых образованиях еже огньствное паче приемлетсе и почто яже о небесныих огнь яко множае глаголет Писание и яко серафим пожигателие глаголютсе.

⁶¹²

См. Дан.7:9.

⁶¹³

См. Иез.1:13–14.

⁶¹⁴

См. Мф.28:2–3.

⁶¹⁵

См. Иез.10:2.

⁶¹⁶

Ср. Дан.7:10.

⁶¹⁷

См. Дан.7:9; Откр.4:4.

⁶¹⁸

Естествословие дивно о огьни. Огнь зрим во всем рассеян, несмемсне же, сиречь не вьмешен сущиим в нихже есть, «скрозе вся же проходит». Сиречь не якоже вода явленно, иже к земли творит смешение, сие и огнь: попаляе все и изнурае, изет же есть, рекьше превосходит все по изетом составе яве по еже сильне. «Неведома» же того «и скрьвенна» наричет, яко бывае убо в вещех некоих, неявляем же кроме сьтрения или кроме вещи приетние действа его показуем и по сем «неодрьжим и невидим». Подобне и прочая огня свойствия достоит зрети, яже с отец по благочестиве вьзводе же и мысли приет о Бозе же и агггельскыих естествох. Знаменай же, почто Господь Бог яко огнь виден бысть многащи и по чесом уподобление огня к Богу.

⁶¹⁹

Знаменай изречение о чювствном огне, рекше похвалу. Расуждает бо и разделяет вещи, сиречь олово от сребра, и споения раздрешает. Неизменен же по еже мощен пребывающу подлежещему, сиречь самому существу огненому, не прелагающусе в страдание, яко по еже быти тому округлу, или краеугльновидьну, еже есть в земленыих обрести, или пострадати яже воздуха, рекше растлетисе воскурений ради и недуг многащи нанести, или одебелети, или якоже вода преложение приети.

⁶²⁰

Николиже бо на долняя приходит, но гореносим есть.

⁶²¹

Маргиналий: Подобно движен, неизьменует бо се движение его.

⁶²²

Яко нетребователен инога огнь, а паче требует нечесого подлежещего в возгорение. Но не се глаголет, но яко огнь не смешаетсе иной стихии, ниже раствараетсе, якоже вода с землею. Темже и в стихиях единосуществена того неци нарекоше.

⁶²³

Почто и чловекообразны наздаваютсе аггелы.

⁶²⁴

«Еже образ правостное и простое», зане, право и горе зре, чловек ходит, а не по земли сьгрьченне, якоже проча животна.

⁶²⁵

Знаменай различие чювствну бесловесныих животныих к чювству словесниих нас. Бесловесна бо убо все чювствена суть, егоже ради и сьстоетсе, безумна сущая. В нас же мало есть еже чювствьно, не бо тем состоимсе, но умного ради, тем же и по смерти еще есьмы, душа умна суще. При аггелех же ни же мало есть чювствныих, но образ дебел яже у нас. Ино. Мене же еже в чловецех по чювьствном глаголет, не яко иныим животныим вещшая чювствия имущим, но крепчайшая и скорейшая в почутие находимих. Гадание же се приемлет еже о аггелех не приематисе по всем истинне сущиими иже в нас чювственыими, превосходит бо помногу излишное умние силы, якоже и чловек умним превосхождением и помыслом бесловесного естества превосходит.

⁶²⁶

Что очи умних сказует, и что ноздри, и что уши, и что вькус, и что осезание, и что вежде и обрьви, и что младость, и что зубы, и что рамена, и что мышце, и что прьси, и что плещен и ногы, и что легкое крил, и прочая.

⁶²⁷

В сих естествовловитсе свойство телесного ока, по вьзвождени же сия прелагает, якоже и прочая чловечскых уд, в видение яже в аггелех естествныих сил.

⁶²⁸

Излитие разумей пренеизреченное премудрости излитие, по реченному: «Излею от Духа Моего на всяку плоть» (Иоил.2:28) и прочая. Преходит бо божьствный разум от Бога умними силами на божествныи чловекы по коегождо мере.

⁶²⁹

Всяка, рече, умная сила иже бываемыи в ту божествны разум умножает, сиречь сказует к еже разуметисе от нас, сказующи виденная, якоже в Данииле обрести имаши, егда сказоваше сему аггел сон, егоже виде (См. Дан.7).

⁶³⁰

Знаменай, яко предсоздасе в нас срдце, якоже в окружени шесталном: прежде вьнутрь чрьта бывает, потом коло окружением бывает, так и срдце прьвее жизнь приемле. Понеже и по божествном Васили прьвее зиждетсе срдце, таже, якоже от сроке, рекше от забодения еже в крузе, все тело сьтвараетсе, тем же вьсут живот простиратисе в теле. Аще бо естествна топлота оживляет тело, аще ли дух, аще ли кров, всем сим источник есть срдце. Сего ради и некоим вьзьмнесе все еже оживлятелное вькупе и образом некоим зде прьвее паче создае, а паче вьсуду в теле суще, и не дрьжимо местом, ни же описанно в месте, ни же одрьжимо телом. Тако убо и о невидимыих чинох, или вьзде, или особ служебне промышляющиих. Образом бо в среде и срдца местом да разумеваютсе ти, всем меншим сияние истакати по мере когождо, якоже бо срока источнику жизни создашесе. А паче неудрьжими суще и неописуемы местом, или честию телесне, ихже сьдрьжет промышляти от Бога вьчинены.

⁶³¹

Речение сице сложи: «хранителное животворного преподания», таже – «якоже при подлежещем срдци».

⁶³²

Почто пернати ногы аггелом, да покажет еже самодвижное, и еже к Богу горе простирателное, и к земльним непричестное, елико в еже страстне в тех быти, понеже явишесе и на земли аггелы. По страстном непричестни земльним, а не по явлених, явише бо се многащи.

⁶³³

Вьнешнего приложения – рекше пищь и одежд, имиже яже у нас сьдрьжетсе.

⁶³⁴

Еф.3:10.

⁶³⁵

«Многоразличная премудрость Божия» (Еф.3:10) – сие речение апостолско есть. И почто многоразличну ту рече божествныий муж? А паче многоразличное и многокьзненное при злодеи приемлем, инако же и зде великы Дионусие просту и многоразличну ту рече, мнит же се обое противно. Глаголем убо, яко просту Премудрость сего ради рече, да явит еже несложное Бога, и еже ниединого сугубнства требователно, ни же бо от учениий премудр Бог, но самовещна Премудрость есть. А еже многоразличное, заеже в многыи разума виды преобразуетсе ради осияваемыих немощи. Прьвосвещенник бо есть велик состражде нашим немощем (Ср. Евр.4:15). Или и сице. Проста убо глаголетсе премудрость Божия прежде сьмотрения, яко вся яко Бог содела и в сущиих тогда правдницех Свою неприкровенне показуе силу, якоже при Моусеи и Аврааме и прочих. Егда же смотрения таинство (Ср. Еф.3:9) содеясе, многоразлична влепоту нареченна бысть. Чловек бо быв и под Законом быв, и пострадав, и в мртвих явисе, сице плотию и сущею тое немощию обличи всякого врага и ада победи, сущиим онамо дрьжимом воскрсение даровав. Се есть еже различное Тогови премудрости, яко немощи ради удоле мнещиимсе врагом.

⁶³⁶

Ср. Иез.16:8–11.

⁶³⁷

Ср. Иез.9:1.

⁶³⁸

См. Мф.28:3; Мк.16:5; Лк.24:4. Откр.9:17.

⁶³⁹

Откр.9:17.

⁶⁴⁰

И в иже «О божественыих именех» слове, в 4 главизне, простране сказасе, что «умно» и что «разумно». Ниня же сам великы Дионусие изьявляеть: «умно» убо оно быти, еже разумеваесе, еже влепоту и восиявае свет глаголетсе, «разумно» же то еже разумеваей, еже есть и осияваемо. И, вькратце рещи, яже превозьшедшая сущствия умная, меншая же «разумная», и превосходе есть ум умно. Инако. Умне осиявае – божествно естьство, разумне же – осияваемо аггелско.

⁶⁴¹

Знаменай, что светительска одежда в Езекииле (Ср. Иез.10:6; 42:14; 44:17) и Данииле (Ср. Дан.7:9; 10:5; 12:6).

⁶⁴²

Иез.9:2; Дан.10:5; Отк.15:6.

⁶⁴³

Рехом выше, что есть имество при бесплотныих. И прочьти в 7 главизне совокупленное же и нерасходимо разумений, – сими являет отец в божественыих сияниях и своем в благом Бозе пребывателном тождестве сьобращающиимсе всегда.

⁶⁴⁴

См. Суд.6:21; Зах.11:10.

⁶⁴⁵

Ср. Иез.9:2.

⁶⁴⁶

О сосудех землемерителныих в Иезекииле (Иез.40:3; 47:3) и Данииле (См. Зах.1:16; 2:1).

⁶⁴⁷

См. Иез.40:3, 5; Ам.7:7; Откр.21:15.

⁶⁴⁸

См. Чис.22:23; Откр.20:1.

⁶⁴⁹

О мечи же в Царствиях и о срьпе в Захарии пророце.

⁶⁵⁰

См. 2Цар.22:11; Пс.17:11; 103:3; Иез.1:4; Дан.7:2. См. 2Цар.22:11; Пс.17:11; 103:3; Иез.1:4; Дан.7:2.

⁶⁵¹

Лежещее в Давиде мню тому воспоминати: «Ходей на крилу ветреню» (Пс.103:3), – негли Христово вознесение сказующу, понеже и напред отец облачное тем наздавати видение глаголет, заеже рещисе: «Облаци преше Его от очию их» (Деян.1:9).

⁶⁵²

«Безлетне» влепоту рече, при чювьственыих бо истейше в лете и коснейшая, при бестелесныих же и умныих безлетне и единне и некосне что соврьшеннодействуетсе. Не пообает убо лето при умныих именовати.

⁶⁵³

А еже от сьвыше на долняя, – якоже при Иаковли лествици (См. Быт.28:12).

⁶⁵⁴

Друго видение ветр именования, воздушний бо дух ветр глаголет.

⁶⁵⁵

Знаменай и ино сьписание тогово быти необретаемо же. Четворостихийна же тлькователная сказания еже четирех состав вьзводное иноглаголание рече. Образе же, яко мнитсе, паче четирех состав онамо зрением сказал есть. Знаменай же, како сказует «Дух идеже хощет дихает» (Ин.3:8), – носимими речьми, еже есть яко неудрьжим, яко скор, яко невидим. Сими указует, яко не о Святом Дусе глаголет, но о ветре преносне рече от Еуаггелиа, еже тамо о Святом Дусе се зде о ветреном дусе, – да покажет и в сем прикладное богоначелного быти действия изьображение и умних сил.

⁶⁵⁶

Ин.3:8.

⁶⁵⁷

См., напр., Иез.1:4; 10:3; Деян.1:9; Откр.10:1.

⁶⁵⁸

«Премирне испльненыие» – якоже бо облак призивает морьскую воду и пролевает ту на лице земли, по реченном: «Призиваей воду морскую и изливае ту на всяко лице земльно» (Ср. Ам.5:8), – сице и умове, приемлюще свой разум, облак образом в меншее простирают.

⁶⁵⁹

Приетное недро юже дожде подьемлемую именовал есть землю, теми свое раждающую плоды.

⁶⁶⁰

См. Иез.1:7; 40:3; Дан.10:6.

⁶⁶¹

См. Иез.1:26; 10:1, 9; Откр.4:3.

⁶⁶²

См. Иез.:10; Откр.4:7.

⁶⁶³

Знаменай естественое льва зде. Глаголют бо, яко ловещиих утаитисе хоте, ходе, опашию запирает свое следы, да не уведет их. Темже и о Бозе реченно бысть: «В мори путь Твой, и стези Твои в водах многах, и стопы Твои не познаютсе» (Пс.76:20), – якоже бо пут в водах не снабдит се, ни же стопы Львовы, сице ни же Божия шьствия.

⁶⁶⁴

Иез.1:10; Откр.4:7.

⁶⁶⁵

Что назнаменует образ вола.

⁶⁶⁶

Иез.1:10; Откр.4:7.

⁶⁶⁷

Что же – орла, скоролетателно бо животно орьл.

⁶⁶⁸

Глаголет же слово орловом раждаемыих искрьняя от таимичищныих сице разделяти: аще возрет отврьзенема очима к солнцу, искрьня суть, аще ли ни, яко таимичищная измещутсе от гнезда. Сице убо и иже не могы чисте на Солнце правды возрети таимичищ тогова разума обретаетсе.

⁶⁶⁹

См. Иоил.2:4; Зах.2:8; 6:2–3; Откр.19:11, 14.

⁶⁷⁰

Знаменай, что назнаменуют коны белы, ирьны, чрьвены, смесны.

⁶⁷¹

Откр.22:1.

⁶⁷²

Что огньние рекы.

⁶⁷³

Иез.1:15; 10:6; Дан.7:9.

⁶⁷⁴

4Царь.2:11; 6:17; Зах.6:1.

⁶⁷⁵

Дан.7:10.

⁶⁷⁶

Что колеснице.

⁶⁷⁷

Что кола.

⁶⁷⁸

Кола же, невозвратне и неклонителне прав и управлен путешествителняго их действия на тожде неклонителны и праворасецателны путешествующе, всякого их умного течения премирне исправленного назнаменуют силу.

⁶⁷⁹

Ср. Иез.10:13.

⁶⁸⁰

Знаменай, что знаменует «гельгель» в пророце Иезекииле.

⁶⁸¹

Како глаголютсе радоватисе небесная и само Божество.

⁶⁸²

Свободно бо их, и отрадьно, и удобно, и бестрастно, и блаженно веселие есть.

⁶⁸³

«Благострадание» же яко от иже у нас прием рече. Сказует же се оно «благострадание» еже благо всегда имети и невредно устаменение.

⁶⁸⁴

Сия же не могут се разумети, якоже суть, разве аще не удостоившиимисе таковому соврьшению, яковим убо и быти подобает мужем, якоже светый с глаголет свещенник, яко и божествныих осияний сподобитисе о сущиих в разуме и в еже к Богу чистом вьиспрьпрострьтии. От таковыих бо осияний обожаем ум в иместве бывает аггельскые сладости и сущего в них несьмущения и тишини, по нейже благоудобьствуе и отрадьствуе прочее ум, яко в свободном покои быв, о спасении спасающиихсе благостражде, поелико мощно Бога подражает, хотещего всем чловеком спастисе, насладивсе Божиих богодействныих нашествий, сиречь богы соделующиих и соврьшающиих.

⁶⁸⁵

Яко подобает недомышляющемусе не стыдетисе о нихже недомыслисе, но исповедати неразумеиие, а не якоже случисе отвещавати, от нихже не разуме.

⁶⁸⁶

Подобает ведети, яко познания, яже имеху еллиние еще сущи, светы сии и по обращени к Христу бе-студа приписоваху себе. Се бо и с «Ареопагита» наричет себе, и божествны Иустин в иже «К еллином» слове «Иустина, – приписа, – Философа» (Иустин Философ и Мученик (I десят. II в. – ок. 166г.) – один из первых христианских писателей-апологетов. Философ-язычник, он сознательно принял христианство и как философ защищал его в своих сочинениях).

Источник: Библиотека литературы Древней Руси / РАН. Ин-т рус. лит. (Пушкинский дом) ; под. ред. Д.С. Лихачева и др. - Санкт-Петербург: Наука, 1997-. / Т. 8: XIV - первая половина XVI века. – 2003. - 580, [1] с.

Telegram-каналы

Комментарии для сайта Cackle

Из славянского перевода корпуса сочинений Дионисия Ареопагита с толкованиями Максима Исповедника

О небесной иерархии

Предисловие переводчика

О небесной иерархии

Сосвещеннику Тимофею – Дионусие свещенник о небеснем свещенноначелстве257

Глава 1. Яко всяко божествное осияние, по благосты различне в промышляемая происходе, пребывает просто, и не се токмо, но и единотворит осиаваемаа

Глава 2. Яко подобне божествная и небесная и отличныими знаменми изъявляема суть

Глава 3. Что есть свещенноначелие и что в свещенноначелии полза. Предел свещенноначелия353

Глава 4. Что назнаменует аггел име

Глава 5. Почто вся небесная сущ’ствия отдоле обще аггелы глаголютсе

Глава 6. Что прьво небесныих существ удобрение, что средне, что последне

Глава 7. О серафимех, и херувимех, и престолех, и о прьвом, их свещенноначелии417

Глава 8. О господствех, и силах, и властех, и о среднем, их свещенноначалии

Глава 9. О началех, и архаггелех и аггелех, и о последьним, их свещенноначели

Глава 10. Повьсприетие и сьбрание аггельского благочиния

Глава 11. Почто все небесныие силы и сущства обще силы небесныие глаголются

Глава 12. По что иже в чловецех свещенноначельници аггелы глаголютьсе

Глава 13. Почто от серафим глаголетсе очиститисе пророк Исайа

Глава 14. Что назнаменует преданное аггельское число

Глава 15. Кыи изьобразителныи аггельскыих сил образы: что еже огневидное, что еже чловековидное, что очи, что рукы, что уши, что ноздры, и прочая главизны подобне

Сосвещеннику Тимофею – Дионусие свещенник о небеснем свещенноначелстве^²⁵⁷

Глава 3. Что есть свещенноначелие и что в свещенноначелии полза. Предел свещенноначелия³⁵³

Глава 7. О серафимех, и херувимех, и престолех, и о прьвом, их свещенноначелии⁴¹⁷