Собор Карельских святых
День памяти
Жития
В 1910 году преосвященный Никанор, епископ Олонецкий и Петрозаводский благословил написание первой иконы Собора Карельских святых. Икона была написана, и ее снимок опубликован в газете «Олонецкие епархиальные ведомости». На ней изображены четырнадцать Олонецких чудотворцев. Есть все основания предполагать, что первая икона сохранилась до наших дней и находится в Екатерининской церкви г. Петрозаводска.
Семь лет назад в Александро-Невском кафедральном соборе был освящен придел во имя Собора Карельских святых. Рядом с ним в киоте находится особо чтимый в Карелии новонаписанный образ. Взирая на эту икону сонма святых, в земле Карельской просиявших, верующие обращаются к ним с молитвой как к своим благодатным помощникам.
«Праведник яко финикс процветет, яко кедр, иже в Ливане, умножится», – поется в древнем Давидовом псалме. Церковь хранит живую память о святых подвижниках нашего северного края: о чудотворце всея Руси, святом Александре Свирском, преподобных отцах наших Сергии и Германе Валаамских, Афанасии Сяндемском, Геннадии и Никифоре Важеозерских, Лазаре и Афанасии Муромских, Александре Ошевенском, Адриане Ондрусовском, Корнилии Палеостровском, Елисее Сумском, Ионе Яшезерском, Кирилле Челмогорском, Ионе Клименецком, Варлааме Керетском, Зосиме, Германе и Савватии Соловецких и многих других, которые своими великими духовными подвигами благоукрашали родную землю.
Велика сила христианской праведности! Даже несмотря на десятилетия страшного разорения церковной жизни, насильственного искоренения веры в нашем христианском крае, память о святых угодниках Божиих сохранилась в людских душах, в глубине которых всегда горела любовь к высшей правде. Теперь заветные имена духовных светильников земли Карельской постепенно возвращаются в жизнь современных людей. С каждым годом все больше и больше богомольцев собирается в день Собора Карельских святых в святые храмы, восстановленные и вновь построенные в Карелии, чтобы помолиться небесным покровителям родной земли, испросить у них духовных сил в столь нелегкое ныне время, чтобы, духовно пробудившись, вернуться как блудные дети к Небесному Отцу.
Вместе со всеми святыми, увенчанными Христом венцом славы, Церковь чествует в этот день и икону Божией Матери «Владимирская», получившую название Заступницы Русской Державы. В 2000 году, освящая восстановленный Александро-Невский собор, патриарх Московский и всея Руси Алексий II преподнес в дар собору Владимирскую икону Божией Матери, специально написанную для петрозаводского соборного храма и освященную святейшим. Сегодня у этого чудотворного образа люди воссылают смиренные и теплые молитвы и получают утешение.
* * *
Переходящее празднование Собора Карельских святых, как известно, ежегодно совершалось в субботу между 13 и 19 ноября нового стиля. Теперь память великих преподобных святых, просиявших в Карелии, чествуется 3 июня. С чем это связано?
В общецерковный календарь Русской Православной Церкви этот праздник был внесен в 1972 году после визита патриарха Московского и всея Руси Пимена в Финляндию с целью установления дружеских связей с Финской Православной Церковью. В свою очередь архиерейское собрание Финской Православной Церкви празднование памяти карельских святых определило в первую субботу ноября, связанную с государственным праздником Финляндии, установленным в день поминания всех усопших в Финской Евангельско-лютеранской Церкви. Благословение вселенского патриарха Константинополя, Нового Рима Афинагора на это решение церковного правления было получено в 1958 году.
В Карелии празднование Собора Карельских святых в этот день не связано с православной традицией, поэтому по решению Священного Синода и благословению патриарха в 2004 году праздник перенесен на постоянную дату – 3 июня. В этот день в 2000 году патриарх Московский и всея Руси Алексий II совершил великое освящение восстановленного в Петрозаводске Александро-Невского кафедрального собора, южный придел которого освящен в честь Собора Карельских святых.
Еще несколько лет назад этот день в церковном календаре мало о чем говорил большинству жителей Карелии. Память о великих духовных подвижниках, освятивших своими подвигами и вымаливавших нашу северную землю, была насильно вычеркнута из повседневной жизни людей. Забыты были святые имена угодников Божиих, и редко кто призывал преподобных на помощь, обращался к их предстательству. Но ныне память святых, просиявших в нашем крае, вновь становится всепочитаемой, преподобные вновь сопутствуют нам в нашей жизни. Все больше людей приходят в этот праздничный день на службу в карельские храмы, чтобы набраться духовных сил, помолиться о благополучии своих семей и о процветании родного края.
* * *
Олонецкие чудотворцы
«Много звезд на небе, и далеки они от нас. Они сияют нам из глубины небес, и по ним усталый путник правит путь свой по морю и по земле. Тихую отраду вливают в душу эти мерцающия таинственныя светлыя точечки на темном небе ночи!..
Так же далеко от нас в глубину веков ушло и то время, когда жили и трудились на земле наши олонецкие чудотворцы. Тьма веков и все пережитые краем невзгоды сокрыли подробные сведения о жизни многих из них. Но даже самая малая часть из известного нам содержит много поучительного. Своею жизнию святые влекуют нас к небесам, сияя светом добродетелей, показывая всю красоту и привлекательность жизни святой – этого верного пути к райским селениям».
Это строки из Олонецкого патерика. Он был издан в 1910 году и стал в наши дни драгоценнейшим раритетом. В этой чудной книге хранится живая память о святых подвижниках нашего северного края. Она наполнена свидетельствами того, как они жили, как веровали, как благоукрашали родную землю своими духовными подвигами. Когда читаешь примеры такой высокой духовности, невозможно без ужаса смотреть на порушенные монастырские обители и храмы, растоптанную тысячелетнюю культуру, пущенное по ветру богатое наследие, исковерканные и окаменевшие человеческие души.
Патерик излучает свет и добро, оказывает благотворное влияние на людей. Свет, исходящий от добрых дел святых, просиявших на земле Карельской, проливается и на самого читающего. В каждом житии патерика для человека содержится урок потрясающей важности. Ведь святые отличаются от нас не тем, что они были безгрешны, абсолютно чисты, а тем, что боролись с грехом и умели побеждать его. Усваивая уроки святых, человек стремится и свою жизнь изменять к лучшему. Стоит только захотеть и попросить Божией помощи.
* * *
День Карельских святых – праздник, который с 2004 года по решению Священного Синода отмечается 3 июня. В церковном календаре он называется Собором и празднуется во всех храмах России, но особенно торжественно – в Карелии. Праздничное богослужение в кафедральном Александро-Невском соборе ежегодно совершает архиепископ Петрозаводский и Карельский Мануил.
Чествуя в этот день память святых угодников Божиих, прославивших своей жизнью не только Бога, но и наш древний край, мы вспоминаем историю Карелии, притягательность которой заключена не во внешней жизни северян, на севере жить непросто, а в ее внутренней, духовной стороне, взятой от святых. Люди, молящиеся сегодня в храмах России, могут даже не знать, где находится Карелия, но они знают имена прославивших ее подвижников благочестия и душой тянутся к благодатной карельской земле.
Среди тех, кто просвещал Карелию верой Христовой – преподобные Сергий и Герман Валаамские, Зосима и Савватий Соловецкие, Александр, игумен Свирский, Геннадий и Никифор Важеозерские, Лазарь и Афанасий Муромские, Александр Ошевенский, Варлаам Керетский, Афанасий Сяндемский, Адриан Ондрусовский, Корнилий Палеостровский, Елисей Сумский, Иона Яшезерский, Кирилл Челмогорский, Иона Клеменецкий, святой блаженный Фаддей Петрозаводский, канонизированный в октябре прошлого года. Удивительны пути этих подвижников, ушедших от мира в глухие пустынные места сурового северного края. Они основали множество монастырей, ставших очагами назидания и утешения для страждущих. Преподобные были миссионерами, осваивавшими пространства Карелии не мечом, а крестом, кротостью и любовью, и теперь предстоят вечно за нашу землю у престола Божия. Только в их житиях мы можем найти подлинную историю нашего края. Ведь православное понимание истории – это исполнение Промысла Божия здесь, на земле.
К сожалению, за годы господства атеистической идеологии в нашем обществе были забыты имена духовных светильников Карелии. С 1910 года пока остается не переизданным Олонецкий патерик с их житиями, полный примеров великого духовного подвижничества. Для нас, живущих в очень тяжелые времена, когда и небольшое добро пренебрегается, и любое доброе начало тонет среди множества злых примеров, эта утрата достаточно ощутима. Ведь нынешние обстоятельства вынуждают нас жить духовно, обращаться за советом к богопросвещенным людям и книгам, дающим нам образцы святой жизни. “Если бы мы старались подражать преуспевающим, то совесть наша утончалась бы”, – говорит афонский блаженный старец Паисий Агиорит, и он же добавляет: “При одном только нашем взгляде на небо вещи придут в свое положение”.
Каждый день в храмах Петрозаводска – Александро-Невском, Крестовоздвиженском и Екатерининском – возжигаются десятки свечей у новонаписанных икон Собора Карельских святых. Святые угодники, наполнившие Карелию духовными дарованиями, вновь возвратились в нашу жизнь, чтобы и мы наполнили наш украшенный природой край целительными для нашей души молитвами.
Ольга Сидловская
Список Святых
Богослужения
Служба Всем святым, в земле Карельской просиявшим
Текст службы утвержден на заседании Священного Синода 8 декабря 2020 года (журнал № 99).
Месяца мая в 21-й день
Всех святых, в земли Карельстей просиявших
На велицей вечерни
Блажен муж: 1-й антифон. На Господи, воззвах: стихиры на 8: праздника 3, и святых 5. Стихиры святых, глас 6.
Подобен: Все отложше:
Земля веселится и Небо радуется,/ святии отцы в земли Карельстей просиявшии,/ восхваляюще подвиги и труды ваша,/ душевное благомощие и ума чистоту,/ законом бо естества не победистеся./ О, соборе святый и полче Божественный,/ земли нашей утверждение вы есте воистину.
Восхвалим Андрея Первозваннаго/ и святаго равноапостольнаго Владимира,/ яко тех трудами в земли Русстей вера насадися,/ и доныне благодатию Божиею напаяется/ и плод сторичный приносит.
Благоверный княже Александре,/ князей русских похвало,/ воинов соблюдение,/ врагов побеждение,/ сирот и вдов заступниче!/ Приими ныне похвальное пение,/ еже во храмех Божиих совершают людие твои,/ почитающе память твою.
Евангельски Христа возлюбивше,/ преподобнии Зосимо, Савватие и Германе,/ мира отвратистеся,/ в непроходимыя же и пустынныя острова Соловецкия зашедше,/ всякия добродетели образу навыкосте,/ мудрой пчеле подобящеся,/ и приятелище изрядно Духу Святому бысте, премудрии.
Радуйся, пустыне, прежде безплодна и необитаема,/ послежде яко крин цветущая,/ взыграйте, горы Валаама и вся древа дубравная,/ хваляще с нами Сергия и Германа,/ вкупе же Арсения и Германа,/ отцы всехвальныя.
Приидите, празднолюбцы,/ воспоим дивнаго подвижника Церкве Русския,/ Александра Свирскаго,/ с праведными ученики его/ Афанасием, Игнатием, Дионисием и Корнилием,/ Леонидом, Макарием, Ферапонтом и Феодором,/ яко звезды бо возсияша на тверди церковней./ Тех молитвами, Христе Боже наш,/ православных веру утверди,/ яко Человеколюбец.
Преподобнии отцы Никифоре и Геннадие,/ Пахомие и Кирилле,/ Корнилие и Авраамие,/ вы слепым даете свет, болящим исцеление,/ милостиво приклоняющеся к приходящим с верою/ и просящим помощи вашея./ Мы же, заступники и предстатели вас обретше,/ с теплою молитвою к вам прибегаем.
Идеже бе хлад и мраз,/ идеже леса и дебри,/ тамо жизнь райская процвете/ от святых твоих, Господи,/ Авраамия и Антония, Афанасия и Варлаама,/ Геннадия и Германа,/ иже, оледеневшая сердца людская теплотою веры растопивше,/ плодоносна сия соделаша/ и ныне молятся о душах наших.
Слава, глас 8:
Ликуй, Фиваидо русская,/ красуйтеся пустыни и дебри Олонецкия,/ возрастившия святых и славных отцев множество,/ чудным житием всех наставляющих/ миру не прилеплятися,/ крест свой на рамена взяти/ и во след Христу шествовати.
И ныне, Богородичен, глас 6: Кто Тебе не ублажит, Пресвятая Дево:
Вход. Прокимен дне. И чтения три.
Пророчества Исаиина чтение (глава 60, ст. 1-5, 11-13):
Светися, светися, Иерусалиме,/ прииде бо твой свет, и слава Господня на тебе возсия./ Се, тма покрыет землю, и мрак на языки,/ на тебе же явится Господь, и слава Его на тебе узрится./ И пойдут царие светом твоим, и языцы светлостию твоею./ Возведи окрест очи твои и виждь собраная чада твоя:/ се, приидоша вси сынове твои издалеча, и дщери твоя на рамех возмутся./ Тогда узриши и возрадуешися,/ и убоишися и ужаснешися сердцем,/ яко приложится к тебе богатство морское и языков и людий./ И отверзутся врата твоя присно,/ день и нощь не затворятся,/ ввести к тебе силу язык и цари их ведомыя./ Языцы бо и царие, иже не поработают ти, погибнут,/ и языцы запустением запустеют./ И слава Ливанова к тебе приидет,/ кипарисом и певгом и кедром вкупе, прославити место святое Мое,/ и место ногу Моею прославлю.
Премудрости Иисуса, сына Сирахова, чтение (гл. 44, ст. 1-14):
Восхвалим убо мужи славны и отцы наша в бытии./ Многу славу созда Господь в них величием Своим от века./ Господствующе во царствиих своих/ и мужи, именити силою, советующе разумом своим,/ провещавшии во пророчествах;/ старейшины людий в советех/ и в разуме писания людий./ Премудрая словеса в наказании их,/ ищуще гласа мусикийска и поведающе повести во писаниих,/ мужи богатии, обдаровани крепостию,/ мирно живуще в жилищих своих./ Вси сии в родех прославлени быша,/ и во днех их похвала./ Суть от них иже оставиша имя, еже поведати хвалы./ И суть, ихже несть памяти, и погибоша, яко не сущии,/ и быша яко не бывша, и чада их по них./ Но сии мужие милостивии,/ ихже правды не забвены быша,/ с семенем их пребудет доброе наследие,/ изчадия их в заветех./ Остася семя их и чада их по них,/ до века пребудет семя их,/ и слава их не потребится./ Телеса их в мире погребена быша,/ а имена их живут в роды./ Премудрость их поведят людие,/ и похвалу их исповесть Церковь.
Премудрости Соломоновы чтение (гл. 3, ст. 1-9):
Праведных душы в руце Божией,/ и не прикоснется их мука./ Непщевани быша во очесех безумных умрети./ И вменися озлобление исход их./ И еже от нас шествие - сокрушение, они же суть в мире./ Ибо пред лицем человеческим аще и муку приимут,/ упование их безсмертия исполнено./ И вмале наказани бывше,/ великими благодетельствованы будут,/ яко Бог искуси я и обрете их достойны Себе./ Яко злато в горниле, искуси их/ и, яко всеплодие жертвенное, прият я,/ и во время посещения их возсияют/ и, яко искры по стеблию, потекут./ Судят языком и обладают людьми,/ и воцарится Господь в них во веки./ Надеющиися Нань уразумеют истину,/ и вернии в любви пребудут Ему./ Яко благодать и милость в преподобных Его/ и посещение во избранных Его.
На литии стихира храма и святых, глас 2:
Радуйся, карельская похвало,/ священномучениче Николае,/ усердно Церкви Христовой послуживый/ и, угрозы безбожник нивочтоже вменив,/ за веру Христову смерть приемый./ О, новомучениче всеблаженнейший,/ моли милостиваго Бога/ спастися душам нашим.
Радуйся, светильниче северныя страны нашея,/ праведный отроче Артемие,/ ты, ангельский нрав и душу непорочную имея,/ благодетельными чудотворении утешал еси/ всех, молящихся с любовию и благодарственно восписующих тебе:/ радуйся, предстателю наш праведный.
Радуйтеся, архипастырие достославнии,/ Филиппе и Феофане, угодницы Христови,/ чистоты Церкве блюстителие вернии,/ богословы изряднейшии./ О, архипастырие достославнии,/ Божества Триипостаснаго вернии служителие,/ молите спастися душам нашим.
Слава, глас тойже:
О, Всесильне Христе Царю!/ Явивый земли нашей сонм святых:/ преподобных и праведных,/ святителей и чудотворцев,/ пастырей и архипастырей,/ мучеников и новомучеников./ Тех молитвами помилуй и спаси душы наша.
И ныне, Богородичен, глас тойже: О, чудесе новаго, всех древних чудес:
Молитвы на литии:
Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя: молитвами Всепречистыя Владычицы нашея Богородицы и Приснодевы Марии: силою Честнаго и Животворящаго Креста: предстательствы честных Небесных Сил безплотных: честнаго славнаго Пророка, Предтечи и Крестителя Иоанна: святых славных и всехвальных апостол Петра и Павла, святаго апостола Андрея Первозваннаго и прочих всех святых апостол: иже во святых отец наших и вселенских великих учителей и святителей, Василия Великаго, Григория Богослова и Иоанна Златоустаго: иже во святых отец наших святителей Николая, Мир Ликийских, Чудотворца и Спиридона Тримифунтскаго Чудотворца: святых равноапостольных Мефодия и Кирилла, учителей Словенских, святых равноапостольных великаго князя Владимира и великия княгини Ольги: иже во святых отец наших, святителя Михаила, перваго митрополита Киевскаго, первосвятителей Московских и всея Руси, Петра, Алексия, Ионы, Макария, Филиппа, Иова, Ермогена и Тихона, святых, в земли Карельстей просиявших: святаго благовернаго великаго князя Александра Невскаго, святителя Феофана, Затворника Вышенскаго, Геннадия, архиепископа Новгородскаго; святых чудотворцев Авраамия Ростовскаго и Артемия Веркольскаго; священномучеников Вениамина, митрополита Петроградскаго, Дамиана архиепископа Курскаго и Никодима епископа Белгородскаго, священномучеников Николая и Василия пресвитеров; преподобных и богоносных отец наших: Авраамия Кенскаго и Елеазара Анзерскаго, Антония Римлянина и Евфросина Синозерскаго, Адриана Ондрусовскаго и Кассиана Комельскаго, Александра Свирскаго и Александра Ошевенскаго, Арсения Коневскаго и Никодима Кожеезерскаго, Вассиана и Ионы Пертоминских, Афанасия Сяндемскаго и Афанасия Наволоцкаго, Варлаама Керетскаго и Варлаама Пинежскаго, Геннадия и Никифора Важеозерских, Германа Белоезерскаго и Диодора Юрьегорскаго, Сергия и Германа Валаамских, Евфимия и Антония Карельских, Зосимы, Савватия, Германа Соловецких, Ионы Яшезерскаго и Лонгина Яренгскаго, Сергия и Варвары Островских, Макария Высокоезерскаго и Лазаря Муромскаго, Корнилия Палеостровскаго, Трифона Печенгскаго и Феодорита Кольскаго, Пахомия Кенскаго и Кассиана Соломенскаго, Корнилия и Ферапонта Островских, святаго блаженнаго Фаддея Петрозаводскаго, святаго праведнаго отца нашего Иоанна Кронштадтскаго и всех святых, в земли Карельстей просиявших, ихже и память ныне совершаем, святых праведных Богоотец Иоакима и Анны и всех святых, молим Тя, Многомилостиве Господи, услыши нас, грешных, молящихся Тебе, и помилуй нас.
Владыко Многомилостиве, Господи, Иисусе Христе Боже наш, молитвами Всепречистыя Владычицы нашея Богородицы и Приснодевы Марии, силою Честнаго и Животворящаго Креста, предстательствы честных Небесных Сил безплотных, честнаго славнаго Пророка, Предтечи и Крестителя Иоанна, святых славных и всехвальных апостол, святых славных и добропобедных мучеников, преподобных и богоносных отец наших и всех святых, в земли Карельстей просиявших, ихже и память ныне совершаем, святых праведных Богоотец Иоакима и Анны и всех святых Твоих, благоприятну сотвори молитву нашу, даруй нам оставление прегрешений наших, покрый нас кровом крилу Твоею, отжени от нас всякаго врага и супостата, умири нашу жизнь, Господи, помилуй нас и мир Твой, и спаси души наша, яко Благ и Человеколюбец.
На стиховне стихиры, глас 2:
Святых память велие торжество явися земли нашея:/ сии бо воистину делы и словесы и многовидным житием/ и от Бога дарованием соделашася святи./ И ныне, прославльшему их Христу предстояще,/ молятся о нас прилежно,/ любовию совершающих светлое их торжество.
Стих: Честна пред Господем/ смерть преподобных Его.
Преподобнии отцы всечестнии,/ Лазарю и Афанасие,/ Ионо и Вассиане,/ вы, на колесницу добродетелей возшедше,/ к Богу востекосте,/ победныя почести приемлюще./ Темже блажим вас, прехвальнии.
Стих: Блажен муж, бояйся Господа,/ в заповедех Его восхощет зело.
Ликом постническим сочетавшеся,/ преподобнии Макарие и Лонгине,/ ныне во обителех Небесных живете,/ веселящеся, идеже ликуют Ангели./ Темже поминайте любовию блажащих вас на земли/ и святое ваше творящих празднество.
Слава, глас 3:
Преподобнии отцы, мира красоту и сладость временную возненавидевше/ и иноческое житие возлюбивше,/ Ангелом собеседницы бысте/ и светильницы многосветлии земли нашей,/ чудесами, яко звезды сияете,/ всех нас поминайте, совершающих священную память вашу,/ мы бо чада ваша/ и вас на помощь призываем,/ просяще даровати нам мир и велию милость.
И ныне, Богородичен, глас тойже: Творец и Избавитель мой, Пречистая:
Тропарь, глас 8:
Якоже плод красный Твоего спасительнаго сеяния,/ земля Карельская приносит Ти, Господи,/ вся святыя в той просиявшия./ Тех молитвами в мире глубоце,/ Церковь и страну нашу Богородицею соблюди Многомилостиве.
На утрени
Величание:
Величаем вас,/ вси святии, в земли Карельстей просиявшии,/ и чтим святую память вашу,/ вы бо молите за нас/ Христа Бога нашего.
Таже седален, глас 3:
Днесь просия ваша память, святии, якоже пресветлая заря над землею нашею тьму безбожия и нечестия отгоняющи и сердца верных просвещающи, во еже пети Христу: Иисусе, Спасе наш, слава Тебе.
Слава, глас тойже:
Воспоим, вернии, во благознаменитый день святых наших, предварим лице Христа во исповедании и во псалмех воскликнем Ему: призри, Господи, с небесе и виждь, и посети виноград сей, и утверди и, егоже насади десница Твоя.
И ныне, Богородичен:
Ты еси Похвала верных, Безневестная, Ты Предстательница и Прибежище христиан, Стена и Пристанище: к Сыну бо Твоему мольбы прилежныя возносиши, Всенепорочная, и спасаеши от бед верою и любовию Богородицу Чистую Тебе славящия.
По 50-м псалме стихира, глас 6:
Иже на земли Ангели/ и на Небеси человецы Божии,/ мира благое украшение/ и Отечества нашего похвалу,/ всех святых земли Карельския почтим,/ насаждени бо в дому Господни,/ процветоша праведно/ и, яко кедри в пустыни, умножиша стадо Христово словесных овец/ в преподобии и правде.
Канон, глас 2.
Песнь 1
Ирмос: Грядите, людие,/ поим песнь Христу Богу,/ раздельшему море и наставльшему люди,/ яже изведе из работы египетская,/ яко прославися.
Припев: Вси святии земли Карельския, молите Бога о нас.
Светильников светлых множество на свещнице церковней яви Господь: святителей, мучеников, преподобных и праведных, иже житием своим землю Олонецкую украсиша.
Огнь Божественный возсия и оживотвори зде пустыню, прежде безплодну и необитаему, последи же подвиги преподобных Сергия и Германа, аки крин, процветшую и инок множество взрастившую.
Благодаряще, поим песнь Христу, пославшему нам Зосиму, Савватия, Германа Соловецких чудотворцев, иже, мира отвратившеся, в непроходимыя и пустыя острови Соловецкия вселишася и подвиги своими Превечному Богу угодиша.
Добропобеднии Антоние Сийский, Афанасие Наволоцкий, Варлааме Пинежский! Вы, стрел разжженных лукаваго и огня, в лице вам дышущаго, не убоявшеся, Христа проповедасте и на страдание мужественно потекосте. Темже ныне со святыми водворяетеся.
Богородичен: Воспоим песнь Пречистей Богородице Деве, славяще рождество Христа Бога непостижимое и вопиюще: помилуй стадо Твое, едина Всепетая.
Песнь 3
Ирмос: На камени мя веры утвердив,/ разширил еси уста моя на враги моя;/ возвесели бо ся дух мой, внегда пети:/ несть свят, якоже Бог наш,/ и несть праведен паче Тебе, Господи.
Многомилостиве Господи, сохрани землю Олонецкую и даждь ей быти ненаветней от врагов молитвами святых Твоих, в ней подвизавшихся.
Утверди нас в Тебе, Господи, молитвами собеседник Твоих Александра Свирскаго и Елисея Сумскаго, ихже искуси, обрете достойны Себе и чудесы прослави.
Киими песньми восхвалим угодников Божиих, Лазаря и Афанасия Муромских, обителию святою пустыню украсивших и светом веры Христовы лопарей просветивших?
Смирением, яко ризою, облеклся еси, священномучениче Николае, егда клеветницы без вины на смерть тя осудиша. Темже величаем страдания твоя и славословим кончину твою.
Богородичен: Ангел Святейшая, Богородице Дево, под Твой кров притекаем, Владычице, людие Твои, Помощница буди нам, рабом Твоим, и спасения Подательница.
Песнь 4
Ирмос: Пришел еси от Девы, не ходатай, ни ангел,/ но Сам, Господи, воплощся,/ и спасл еси всего мя человека:/ тем зову Ти:/ слава силе Твоей, Господи.
Радостно едиными усты и сердцем величаем вас, святии земли Олонецкия, и чтим святую память вашу, вы бо молите о нас Христа Бога нашего.
Единонравно на земли поживше и земная мудрования презревше, ум в горняя вперили есте, богомудрии Геннадие и Никифоре Важеозерстии, отцы всехвальнии.
Духом провидя славу земли Северныя, Антоние Римлянине достославне, от ветхаго Рима на камени в тую преплыл еси и веру правую в ней утвердил еси.
Незлобив, праведен и милостив быв, Артемие Веркольский, блаженства Небеснаго в земли кротких сподобился еси, идеже вкушаеши вечнаго утешения.
Богородичен: Свет Божественный рождши, явилася еси, Богородице Дево, Заступница усердная рода христианскаго.
Песнь 5
Ирмос: Света Подателю и веков Творче, Господи,/ во свете Твоих повелений настави нас:/ разве бо Тебе иного Бога не знаем.
Тихое и доброе пристанище яви нам Господь, в земли Олонецтей Божественный Свой виноград насадив, из коего вино чудное источи, спасительным и духовным питием нас напояя.
Явил еси, Христе Боже, угодники Твоя, Авраамия и Корнилия Палеостровских, ихже терпеливно на добрых пажитех веры возрастил еси.
Преподобнии отцы наши, Ионо Яшезерский и Ионо Клименецкий, вы слезными потоки души напоили есте и непорочнаго жития духовное благомощие явили есте, богомудрии.
Радуйся, преподобне отче Макарие Высокоезерский, ты, яко мудрая пчела, мед духовный собирая, сосуд избранный явился еси. Темже достойно тя ублажаем.
Богородичен: Богородице Дево, Ты еси нам святое ограждение, источник исцелений и совершенное спасение душ наших.
Песнь 6
Ирмос: В бездне греховней валяяся,/ неизследую милосердия Твоего призываю бездну:/ от тли, Боже, мя возведи.
Воспеваем вас, вси святии земли Олонецкия, яко противу начал и властей злобы поднебесныя дерзновенно ополчистеся и тех коварства любовию и смирением победисте.
Звезды пресветлыя явистеся, вернии раби Господни: Пахомие Кенский, Александре Ошевенский, Кириаче Каргопольский. Вы бо, узким путем шествовавше, яко постницы, в алчбе и жажде временное житие проводисте; яко послушницы, Христово смирение стяжасте; и яко молитвенницы, блаженство плача о гресех познасте.
Трудницы Господни бысте, преподобнии отцы наши, Афанасие Сяндемский, Елеазаре Анзерский, образ злострадания и терпения показавшии, страстей прилоги и козни вражия попалившии и поругания яко врачество чистительное испившии.
Врага рода человеческаго именем Христовым отгнав, преподобне Трифоне Печенгский, языческая жертвы упразднил еси и жертву хвалы на месте сем Богу принесл еси.
Богородичен: Исцелений неоскудное Сокровище еси нам, Богородице Дево, молим Тя, Владычице, даруй нам душ очищение и от бед свобождение.
Кондак, глас 3:
Днесь лик святых, в земли Карельстей Богу угодивших,/ предстоит в церкви и невидимо за ны молится Богу./ Ангели с ним славословят/ и вси святии Церкве Русския ему спразднуют,/ о нас моляще купно Превечнаго Бога.
Песнь 7
Ирмос: Божия снизхождения/ огнь устыдеся, в Вавилоне иногда,/ сего ради отроцы в пещи, радованною ногою,/ яко в цветнице, ликующе, пояху:/ благословен еси, Боже отец наших.
Храм Бога жива суще, святии отцы наши, любве Его ради живота своего не пощадили есте, темже, миродержателя тьмы века сего победивше, вся сети его, яко паучину, разорили есте, поюще: благословен еси, Боже отец наших.
Возсияли есте в мире, яко светильницы светлии, преподобнии отцы наши, Адриане Ондрусовский и Киприане Сторожевский, неусыпающую скорбь о гресех стяжавшии и слезы многия о них пролившии. Темже, послушанию и смирению навыкше, Христу Спасителю взывали есте: благословен еси, Боже отец наших.
Обители Духа Пресвятаго явилися есте, преподобнии отцы наши, Авраамие и Никодиме Кожеозерстии, Евфимие и Феликсе Карельстии, многими скорбьми в Царство Небесное вшедшии, идеже ныне воспеваете: благословен еси, Боже отец наших.
Чудотворче Кронштадтский Иоанне! Ты молитвою твоею падшия возставлял еси, недужныя исцелял еси. Ныне же, во славе Небесней пребывая, не остави нас, почитающих память твою и верою зовущих: благословен еси, Боже отец наших.
Богородичен: Заре Светоносная и Сене Небесная, Богородице Дево, Свет неизреченно рождшая, просвети, Владычице, и наша души, грехи омраченныя.
Песнь 8
Ирмос: Победители мучителя и пламене/ благодатию Твоею бывше,/ заповедем Твоим зело прилежаще,/ отроцы вопияху:/ благословите, вся дела Господня, Господа.
Премирныя жизни образ миру явившии, избрание свое подвиги благочестия оправдавшии и правый путь к Небеси нам показавшии, преподобнии отцы наши, молите Бога о нас.
Основание непоколебимое Церкве нашея явилися есте, отцы преподобнии Кирилле Челмогорский, Арсение Коневский, Диодоре Юрьегорский, благое иго Христово люботрудно понесшии, Христа ради всеконечно себе отвергшиися и в терпении души ваша стяжавшии.
Широкий путь греха презревше, путем тесным и прискорбным до конца дний шествовали есте, преподобнии отцы наши Варлааме Керетский, Евфросине Курженский, Кассиане Соломенский, и, смирением плоть духу поработивше, Небесных Обителей достигли есте.
О, пастырю блаженне Феофане! Ты, в тайных подвизех течение совершая, яко светильник пресветлый людем явился еси и чада духовная добре воспитал еси, лучами словес твоих путь ко спасению указуя.
Богородичен: Угаси в нас пламень греховный, Богородице Дево, и волю Сына Твоего научи творити нас, Едина Чистая и Благословенная.
Песнь 9
Ирмос: От Бога Бога Слова,/ неизреченною мудростию, пришедшаго обновити Адама,/ ядию в тление падшаго люте,/ от Святыя Девы неизреченно воплотившагося нас ради,/ вернии, единомудренно песньми величаем.
Песньми духовными прославляем вас, преподобнии! Вы бо, вся хотения Господня исполнивше и многия скорби в мире претерпевше, на Небеса со славою возшли есте, и тамо ныне с лики ангельскими Бога величаете.
Преподобнии отцы наши Елеазаре и Назарие Олонецтии! Вы, единомудренни бывше и всякое плотское пристрастие вседушно отвергше, едино на потребу подвиги велиими взыскали есте.
Святаго блаженнаго Фаддея Петрозаводскаго да ублажим, той бо отвержением себе Богу последова и подвигом юродства разум Христов стяжа. Сего ради, многая страдания претерпев, в покой Царствия Небеснаго вниде.
О, велицыи сродницы наши, именованнии и безыменнии, явленнии и неявленнии, Небеснаго Сиона достигшии и славу многу от Бога приимшии! Утешение нам, в скорби сущим, испросите, веру правую в нас укрепите и люди расточенныя соберите, песнь благодарения, яко дар любве, от нас приемлюще.
Богородичен: Богородице Дево, Надеждо ненадежных и нечаянная Радосте наша! Величаем Тя, Ты бо еси верных Заступление и душ наших Спасение.
Светилен, глас 1:
Радуйся, славная земле Карельская, слава бо святых твоих в тебе возсия. Ликуйте ныне и веселитеся, благочестивии людие, яко сонм велий ходатаев Небесных имате пред Богом нашим.
На хвалитех стихиры, глас 4:
Преподобнии отцы наши,/ вы, яко цвети духовнии земли Карельския/ и сокровище неистощимое, нам явилися есте./ Сего ради прославляем прославльшаго вас Господа,/ Егоже молим даровати душам нашим/ мир и велию милость.
Взыграйте днесь, горы и холми,/ восплещите, море и езера водная,/ срадуйтеся и сликовствуйте нам, вернии людие,/ в светоносный день памяти преподобных Сергия и Германа,/ на горах Валаамских,/ яко финиксы, процветших.
Приидите, празнолюбцы и постников сословие,/ верою и любовию сошедшеся,/ постники дивныя, Зосиму и Савватия, почтим./ О, всеблаженнии, преподобным сожителие и ангелом собеседницы,/ о нас молитеся ко Господу,/ помиловатися душам нашим.
Слава, глас 6:
Преподобнии отцы земли нашея,/ вы, в законе Господни день и ночь поучавшеся,/ яко древеса, насажденнии при исходищих вод бысте/ и плод страданий в терпении Христу принесосте./ Темже, дерзновение к Нему имуще,/ испросите нам очищение грехов/ и велию милость.
И ныне, глас тойже: Богородице, Ты еси Лоза истинная:
Молитва
О, преславнии и всехвальнии угодницы Божии, вси святии в земли Карельстей просиявшии! К вам, яко теплым ходатаем и предстателем нашим с молитвою смиренно прибегаем: умолите Милостиваго Бога, да дарует нам тихое и безмятежное житие в веце сем, да избавит нас от враг видимых и невидимых, от искушений и напастей, от соблазнов лукаваго и всякаго зла. На Страшнем же Суде Своем сподобит нас деснаго стояния и наследники Царствия Небеснаго сотворит, идеже купно с вами прославим Пречестное и Великолепое имя Отца и Сына и Святаго Духа, ныне и присно и во веки веков. Аминь.
Тропари, кондаки, молитвы и величания
Тропарь, глас 4
Позна́й свою́ бра́тию, росси́йский Ио́сифе,/ не в Еги́пте, но на Небеси́ ца́рствующий,/ благове́рный кня́же Алекса́ндре,/ и приими́ моле́ния их,/ умножа́я жи́та лю́дем плодоно́сием земли́ твоея́,/ гра́ды влады́чествия твоего́ огражда́я моле́нием,// правосла́вным христиа́ном на сопроти́вныя спобо́рствуя.
Перевод: Узнай своих братьев, российский Иосиф, не в Египте, но на Небесах царствующий, благоверный князь Александр, и прими моления их, умножая число плодов людям плодоносием земли твоей, города под властью твоей охраняя молением, православным христианам в борьбе против врагов оказывая помощь.
Тропарь, глас 4
Я́ко благочести́ваго ко́рене/ пречестна́я о́трасль был еси́, блаже́нне Алекса́ндре,/ яви́ бо тя Христо́с я́ко не́кое Боже́ственное сокро́вище Росси́йстей земли́,/ но́ваго чудотво́рца пресла́вна и Богоприя́тна./ И днесь соше́дшеся в па́мять твою́ ве́рою и любо́вию,/ во псалме́х и пе́ниих ра́дующеся сла́вим Го́спода,/ да́вшаго тебе́ благода́ть исцеле́ний./ Его́же моли́ спасти́ град сей,/ и держа́ве Росси́йстей Богоуго́дней бы́ти,// и сыново́м Росси́йским спасти́ся.
Перевод: Как почитаемый росток от благочестивого корня ты был, блаженный Александр, ибо тебя явил Христос как некое священное сокровище Российской земли, нового чудотворца преславного и Богоприятного. И сегодня собравшиеся в день памяти твоей с верой и любовью в псалмопении и песнопениях духовных, радуясь, славим Господа, давшего тебе благодать исцелений. Его же моли спасти город этот и государству Российскому быть угодным Богу, и сынам Российским спастись.
Тропарь, глас 4
Ева́нгелия Христо́ва и́стиннии послу́шницы/ яви́стеся, преподо́бнии,/ мир и вся я́же в нем, я́ко не су́щая,/ преоби́девше любве́ ра́ди Христо́вы/ и в морски́й о́стров всели́стеся,/ и трудолю́бно в нем проти́ву ко́зней неви́димых враго́в подвиза́стеся,/ посто́м, бде́нием же и всено́щным стоя́нием/ пло́ти своя́ ду́ху му́дре повину́ли есте́./ Сего́ ра́ди от Вседержи́тельныя десни́цы досто́йныя венцы́ прия́ли есте́./ И ны́не Пресвяте́й Тро́ице предстоя́ще,/ моли́теся, всеблаже́ннии отцы́, Се́ргие и Ге́рмане,/ сохрани́тися в ми́ре оте́честву на́шему// и спасти́ся душа́м на́шим.
Перевод: Евангелия Христова настоящие послушники явились, преподобные, мир и все, что в нем, как несущественное, презрели ради любви Христовой, и поселились на морском острове, и трудолюбиво на нем подвизались против козней невидимых врагов, постом, бдением же и всенощным стоянием вы благоразумно подчинили плоть свою духу. Потому из правой руки Вседержителя получили достойные венцы и сейчас, предстоя Пресвятой Троице, молитесь, всеблаженные отцы Сергий и Герман, о сохранении в мире Отечества нашего и о спасении наших душ.
Тропарь, глас 2
Вы́шняго повеле́нием,/ тучено́сным облако́м не́бо помрачи́вшим,/ и мо́лниям блиста́ющим,/ гро́му же возшуме́вшу с преще́нием,/ испусти́л еси́ ду́шу твою́ в ру́це Го́сподеви,/ прему́дре Арте́мие,/ и ны́не предстои́ши Престо́лу Влады́ки всех,/ и́же ве́рою и любо́вию приходя́щим к тебе́,/ подая́ исцеле́ние все́м неотло́жно,/ и моля́ся Христу́ Бо́гу,// спасти́ся душа́м на́шим.
Перевод: По воле Всевышнего, грозовым облаком небо помрачившего, в блистании молний и угрожающем шуме грома ты отпустил душу свою в руки Господа, премудрый Артемий, и сейчас предстоишь Престолу Владыки всех, с верою и любовью приходящим к тебе подавая исцеление без отлагательств и молясь Христу Богу о спасении наших душ.
Тропарь, глас 4
От ю́ности твоея́ впери́в ум твой к Бо́гу,/ блаже́нне Евфроси́не,/ ми́ра же отве́ргся,/ всели́лся еси́ в пусты́ню непроходи́мую,/ и та́мо, от Го́спода укрепля́емь,/ в моли́твах и поще́ниих до́блественне пожи́л еси́,/ и жизнь твою́ страда́льчески/ убие́нием от сыно́в противле́ния сконча́л еси́,/ сего́ ра́ди со преподо́бными и му́ченики венча́лся еси́,/ с ни́миже и ны́не предстои́ши Престо́лу Пресвяты́я Тро́ицы./ Сию́ моли́, мо́лим тя,/ оставле́ние пода́ти согреше́ний на́ших// и дарова́ти нам ве́лию ми́лость.
Перевод: С юности устремив ум твой к Богу, блаженный Евфросин, ты покинул мир, вселился в непроходимую пустынь и там, укрепляемый Господом, в пощении и молитвах жил достойно похвалы и окончил свою жизнь мученически, будучи убит сынами противления (Еф.2:2 "сыны противления" здесь - польские интервенты), потому и получил венец вместе с преподобными и мучениками, с ними же и сейчас ты стоишь перед Престолом Пресвятой Троицы. Моли же Троицу, как и мы молим тебя, даровать нам прощение согрешений и великую милость.
Тропарь, глас 4
Я́ко апо́столов первозва́нный/ и верхо́внаго су́щий брат,/ Влады́це всех, Андре́е, моли́ся/ мир вселе́нней дарова́ти// и душа́м на́шим ве́лию ми́лость.
Перевод: Как призванный первым из апостолов, и верховного Петра родной брат, Владыку всего мира моли, Андрей, да дарует Он мир вселенной и душам нашим великую милость.
Тропарь, глас 3
Отве́рг пло́ти тле́нная,/ нетле́нных потща́лся еси́ дости́гнути,/ и, ми́ра удали́вся,/ всели́лся еси́ в морски́й о́стров,/ и на нем усе́рдно мно́га ле́та Го́сподеви порабо́тал еси́,/ сего́ ра́ди и да́ры прозре́ния и чуде́с обогати́лся еси́,/ о́тче преподо́бне Елеаза́ре.// Христа́ Бо́га моли́ дарова́ти нам мир и ве́лию ми́лость.
Перевод: Ты отверг тленное и телесное, стараясь достичь нетленного и, удалившись от мира, поселился на морском острове, где усердно многие годы Господу трудился, потому и дарами прозрения и чудес обогатился ты, отче преподобный Елиазар. Христа Бога моли даровать нам мир и великую милость.
Тропарь, глас 1
Жела́нием духо́вным распали́вся/ и мяте́жи мирски́я отри́нув,/ ко Еди́ному Бо́гу любо́вию прилепи́лся еси́,/ и Того́ вседу́шне взыску́я,/ во вну́треннюю пусты́ню отше́л еси́, при вода́х всели́вся,/ иде́же во слеза́х и труде́х пребыва́я многоле́тное вре́мя,/ в терпе́нии мно́зем житие́ а́нгельское проходи́л еси́,/ в наставле́нии Боже́ственнаго Ра́зума,/ и мно́жество мона́хов собрал еси́, му́дре,/ и́хже посеща́я, не оста́ви, Анто́ние, преподо́бне о́тче наш,/ Пресвяте́й Тро́ице моля́ся,// от зол вся́ческих изба́вити и спасти́ ду́ши на́ша.
Перевод: Стремлением духовным воспламенившись и суету мирскую отринув, к Единственному Богу с любовью привязался ты и Его всей душой взыскуя, во внутреннюю пустынь ушел ты, поселившись у воды, где в слезах и трудах пребывая долгие годы, со многим терпением ангельскую жизнь проводил ты, наставляемый Божественным Разумом, и множество монахов собрал ты, мудрый, их же посещать не переставай, Антоний, преподобный отче наш, Пресвятой Троице молясь от всякого зла избавить и спасти души наши.
Тропарь, глас 4
По́стническое и равноа́нгельское житие́ ва́ше,/ преподо́бнии отцы́ Зоси́мо и Савва́тие,/ вселе́нней позна́ны сотвори́ вас;/ чудодея́нии разли́чными, Богоно́снии, просвеща́ете// ве́рою призыва́ющия вы и чту́щия честну́ю па́мять ва́шу.
Перевод: Постнической и подобной ангельской жизнью вашей, преподобные отцы Зосима и Савватий, по всей земле вы стали известны; различными чудотворениями, Богоносные, просвещаете с верой призывающих вас и почитающих священную память вашу.
Тропарь, глас 3
Удали́вся ми́ра и водвори́вся в пусты́ню,/ до́брым по́двигом подвиза́лся еси́,/ злострада́нием, и внима́нием, и моли́твами,/ отону́дуже и по сме́рти источа́еши исцеле́ния,/ Савва́тие о́тче наш,/ моли́ Христа́ Бо́га,// спасти́ся душа́м на́шим.
Перевод: Удалившись от мира и поселившись в пустыни, добрым подвигом ты подвизался, терпением напастей, вниманием и молитвами, потому и после смерти источаешь исцеления, Савватий отче наш, моли Христа Бога о спасении душ наших.
Тропарь, глас 4
От ю́ности, Богому́дре, жела́нием духо́вным в пусты́ню всели́вся,/ еди́наго Христа́ возжела́л еси́ усе́рдно стопа́м в след ходи́ти,/ те́мже и а́нгельстии чи́ни, зря́ще тя, удиви́шася,/ ка́ко, с пло́тию к неви́димым ко́знем подвиза́вся, прему́дре,/ победи́л еси́ полки́ страсте́й воздержа́нием/ и яви́лся еси́ равноа́нгелен на земли́,/ Алекса́ндре, преподо́бне,/ моли́ Христа́ Бо́га,// да спасе́т ду́ши на́ша.
Перевод: С самой юности, умудренный Богом, устремлением духовным ты поселился в пустыни, пожелав с усердием следовать только по стопам Христа, потому и ангельские чины, видя тебя, удивились, как ты во плоти боролся с коварством невидимых (бесов), победил полчища страстей воздержанием и явился на земле подобным ангелам, Александр преподобный, моли Христа Бога, да спасет наши души.
Тропарь, глас 8
Жела́нием духо́вным от ю́ности распаля́емь, преподо́бне Ге́рмане,/ Христу́ те́сным жития́ путе́м после́довал еси́/ и, в морски́й пусты́нный о́стров, а́ки в ти́хое приста́нище, всели́вся,/ в нем мно́га ле́та по́стнически пожи́л еси́,/ иде́же блаже́нным отце́м Зоси́ме и Савва́тию сожи́тель был еси́,/ с ни́миже моли́ Христа́ Бо́га о нас,// любо́вию чту́щих святу́ю па́мять твою́.
Перевод: Стремлением духовным с юности воспламеняем, преподобный Герман, Христу ты последовал тесным жизненным путем и на морском пустынном острове, как в тихом пристанище, ты поселился, в нем многие годы постнически прожил ты, вместе с блаженными отцами Зосимой и Савватием, с ними же моли Христа Бога о нас, с любовью почитающих святую память твою.
Тропарь, глас 1
Просвети́вся Боже́ственною благода́тию,/ неве́рныя лю́ди наста́вил еси́ к све́ту Богоразу́мия:/ и по сме́рти сия́я све́тлостию жития́ твоего́,/ источа́еши исцеле́ния притека́ющим с ве́рою к тебе́,/ Авраа́мие о́тче наш,// Христа́ Бо́га моли́ дарова́ти нам ве́лию ми́лость.
Перевод: Просветившись Божественной благодатью, неверующих людей направил ты к свету Богоразумия, и после смерти сияя светом жизни твоей, источаешь исцеления приходящим с верой к тебе, Авраамий отче наш, Христа Бога моли даровать нам великую милость.
Тропарь, глас 5
Уподо́бился еси́ дре́вним отце́м,/ святи́телю о́тче Генна́дие,/ Свяще́нныя кни́ги собра́в и еретики́ посрами́в,/ ре́вность по Бо́зе показу́я, па́ству огради́л еси́,/ моли́ и ны́не Христа́ Бо́га/ мир Це́ркви дарова́ти// и спасти́ся душа́м на́шим.
Перевод: Уподобился ты древним отцам, святитель отче Геннадий, священные книги собрав и еретиков посрамив, ревность о Боге являя, паству защитил ты, моли и сейчас Христа Бога мир Церкви даровать и спастись душам нашим.
Тропарь, глас 4
Изволе́нием Боже́ственнаго ра́зума/ всели́лся еси́ в пусты́ню,/ и та́мо, впери́в ум твой в Небе́сныя оби́тели,/ ра́вно А́нгелом житие́ на земли́ пожи́в,/ в моли́твах, и труде́х, и поще́ниих/ о́браз был еси́ твои́м ученико́м./ Отону́дуже Бог, ви́дя твое́ благо́е изволе́ние,/ умно́жи тебе́ ча́да в пусты́ни, слез твои́х тече́ньми напая́емей./ Но, я́ко име́я дерзнове́ние к Бо́гу,/ помина́й ста́до, е́же собра́л еси́, му́дре,/ и не забу́ди я́коже обеща́лся еси́,/ посеща́я чад твои́х,// Зоси́мо преподо́бне, о́тче наш.
Перевод: По воле Божественного разума ты поселился в пустыни и там, устремив ум свой к Небесным обителям, прожил на земле жизнь, подобную ангельской, в молитвах, трудах и пощении примером был твоим ученикам. Потому Бог, видя твое благое устремление, увеличил число твоих учеников в пустыни, орошаемой потоками слез твоих. Но, как имеющий дерзновение к Богу, вспоминай стадо, которое собрал ты, мудрый, и не забудь как обещал посещать чад твоих, Зосима преподобный, отче наш.
Тропарь, глас 4
Днесь возсия́ нам пресве́тлая па́мять твоя́, сла́вне,/ яко со́лнце светоза́рное,/ луча́ми благода́ти озаря́ющи весь мир/ и тьму но́щи злых духо́в и от нас отгоня́ющи./ Днесь Небе́сныя си́лы святы́х а́нгел, и мирски́й наро́д,/ и ду́ши пра́ведных мы́сленно торжеству́ют, ра́дующеся;/ днесь и мы, гре́шнии, припа́дающе мо́лимся:/ о́тче преподо́бне Кири́лле,/ Христа́ Бо́га моли́ непреста́нно/ спасти́ оби́тель твою́, град и лю́ди,// и́же любе́зно тебе́ почита́ющия.
Перевод: Сегодня воссияла нам преяркая память твоя, прославляемый, как солнце светозарное, лучами благодати озаряющее весь мир и ночную тьму злых духов от нас отгоняющее. Сегодня Небесные силы святых ангелов и все народы земли, и души праведных духовно торжествуют, радуясь, сегодня и мы, грешные, коленопреклоненно молимся: «Отче преподобный Кирилл, Христа Бога моли непрестанно о спасении обители твоей, города и людей, с любовью тебя почитающих».
Тропарь, глас 4
Христа́, и́стиннаго Бо́га, все́ю душе́ю возлюби́л еси́/ и Тому́ невозвра́тным жела́нием после́довал еси́,/ вся же кра́сная и сла́дкая ми́ра сего́ возненави́дев,/ я́ко небопа́рный оре́л, на Небеса́ возлете́/ и та́мо со А́нгелы лику́еши и со все́ми святы́ми Святе́й Тро́ице предстои́ши,/ моли́ и нам спасти́ся, ча́дом твои́м,// я́коже обеща́ся, Алекса́ндре преподо́бне, о́тче наш.
Перевод: Христа, истинного Бога, всей душой ты возлюбил и последовал за Ним с неуклонной волей, все соблазны и сладости мира этого возненавидев, как парящий в небе орел взлетел на Небеса и там с Ангелами воспеваешь и со всеми святыми предстоишь Святой Троице, моли и нам спастись, детям твоим, как обещал, Александр преподобный, отче наш.
Тропарь, глас 8
Первопресто́льников прее́мниче,/ сто́лпе Правосла́вия, и́стины побо́рниче,/ но́вый испове́дниче, святи́телю Фили́ппе,/ положи́вый ду́шу за па́ству твою́,/ те́мже я́ко име́я дерзнове́ние ко Христу́,/ моли́ за град же и лю́ди,// чту́щия досто́йно святу́ю па́мять твою́.
Перевод: Первосвятителей преемник, столп Православия, истины поборник, новый исповедник, святитель Филипп, положивший душу за паству твою! Как имеющий дерзновение ко Христу, моли за город твой и за людей, почитающих по достоинству святую память твою.
Тропарь, глас 1
Боже́ственною любо́вию возгоре́вся,/ мирска́я пристра́стия от души́ отве́ргше,/ те́сным путе́м по́стничества во след Христа́/ невозвра́тным умо́м ше́ствовал еси́, Арсе́ние всеблаже́нне,/ от Него́же и мзду трудо́в твои́х на Небесе́х восприи́м,/ помина́й нас, чту́щих святу́ю па́мять твою́ и вопию́щих:/ сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.
Перевод: Возгоревшись божественной любовью, отвергнув от души мирские пристрастия, тесным путем постничества во след Христа с неизменным духом ты шел, Арсений всеблаженный, от Него же и воздаяние за труды твои принял на Небесах, вспоминай нас, почитающих святую память твою и взывающих: «Слава Давшему тебе силу, слава Венчавшему тебя, слава Подающему через тебя всем исцеления».
Тропарь, глас 8
Пути́, вводя́щаго в жизнь, наста́вник и учи́тель был еси́:/ пе́рвее бо, преподо́бне о́тче наш Три́фоне,/ прише́л еси́ в часть Норве́гския земли́/ и в после́дних конце́х се́верныя страны́ язы́ки просвети́л еси́,/ породи́в водо́ю и Ду́хом Святы́м,/ и свяще́нная твоя́ ча́да в безпло́дней пусты́ни,/ я́ко древа́ ма́сличная, насади́л еси́,/ ве́лию оби́тель Святы́я и Живонача́льныя, Единосу́щныя и Неразде́льныя Тро́ицы созда́л еси́/ и мона́хов мно́жество собра́в./ Тем, я́ко апо́столом и пустынножи́телем равноче́стна чту́ще тя,/ приле́жно припа́дающе, вопие́м:/ моли́ всех Бо́га за Ру́сскую зе́млю, за о́бласть твою́ и за вся лю́ди,// почита́ющия па́мять твою́.
Перевод: Пути, ведущего к жизни, наставник и учитель ты был, ибо сначала, преподобный отче наш Трифон, пришел ты в Норвежскую землю, а потом и в самых дальних концах северного края ты просветил народы, породив их (в Крещении) водой и Духом Святым, и насадил священные чада твои, как масличные деревья в бесплодной пустыни, создал великую обитель Святой и Живоначальной, Единосущной и Нераздельной Троицы, собрав множество монахов. Потому, почитая тебя равным с апостолами и пустынножителями, усердно коленопреклоненно взываем: моли Бога всех о русской земле, о крае твоем и обо всех людях, почитающих память твою.
Тропарь, глас 4
Первопресто́льницы Росси́йстии,/ и́стиннии храни́телие апо́стольских преда́ний,/ столпи́ непоколеби́мии, правосла́вия наста́вницы,/ Пе́тре, Алекси́е, Ио́но, Фили́ппе и Ермоге́не,/ Влады́ку всех моли́те/ мир вселе́нней дарова́ти,// и душа́м на́шим ве́лию ми́лость.
Перевод: Первосвятители Российские, истинные хранители апостольских преданий, непоколебимые столпы, наставники Православия, Петр, Алексей, Иона, Филипп и Ермоген, Владыку всех молите даровать мир вселенной и душам нашим великую милость.
Тропарь, глас 8
Пре́жде отверже́нием ми́ра,/ я́ко морска́го треволне́ния, избего́сте, отцы́ преподо́бнии,/ по́слежде же, изволе́нием Бо́жиим,/ в вода́х морски́х кончи́ну блаже́нную прия́сте/ и к неболе́зненному поко́ю преста́вистеся от земли́, ра́дующеся./ Тем и по кончи́не от Христа́ Бо́га просла́вистеся чудесы́ оби́льно,/ те́плии в беда́х ве́рным помо́щницы показа́стеся,/ и ны́не на Небесе́х предстоя́ще Престо́лу Христо́ву,/ Вассиа́не преблаже́нне и Ио́но пресла́вне,// моли́теся при́сно о душа́х на́ших.
Перевод: Сначала вы отвергли мир, как морской бури его избежав, отцы преподобные, потом же, по воле Божией, приняли блаженную кончину в морских водах и к безболезненному покою преставились от земли, радуясь. Потому и после кончины прославились от Христа Бога обильными чудесами, явились усердными помощниками в бедах верующим и сейчас на Небесах, предстоя Престолу Христову, Вассиан преблаженный и Иона преславный, молитесь всегда о душах наших.
Тропарь, глас 8
Я́ко зве́зды многосве́тлыя, от ю́ности возсия́вше,/ освети́ли есте́ сердца́ ве́рных пренесе́нием честны́х моще́й ва́ших,/ доброде́тельми чуде́с ва́ших, во пло́ти я́ко бо А́нгели на земли́, показа́стеся,/ поще́нием насажде́ни бы́сте, я́ко дре́во при вода́х воздержа́ния,/ напое́ни струя́ми слез ва́ших, и скве́рну омы́сте,/ сего́ ра́ди яви́стеся прия́телище Бо́жия Ду́ха, Иоа́нне и Ло́нгине,// моли́те Христа́ Бо́га спасти́ся душа́м на́шим.
Перевод: Как звезды яркие, с юности воссиявшие, вы осветили сердца верующих перенесением почитаемых мощей ваших, добродетелями чудес ваших вы явились на земле, как ангелы во плоти, насаждены были пощением, как дерево у источника вод воздержания (Пс.1:3), напоенные потоками слез ваших, вы омыли нечистоту, потому стали вместилищами Духа Божия, Иоанн и Лонгин, молите Христа Бога о спасении наших душ.
Тропарь, глас 4
От земли́ Возведы́й тя к ве́чным оби́телем/ соблюда́ет и по сме́рти невреди́мо те́ло твое́, свя́те Иоа́нне,/ ты бо в целому́дрии и чистоте́ жития́, блаже́нне, пожи́л еси́,/ не оскверни́в те́ло,// те́мже со дерзнове́нием моли́ Христа́ Бо́га спасти́ся душа́м на́шим.
Перевод: От земли Возведший тебя в вечные обители, сохраняет и после смерти невредимым тело твое, святой Иоанн, ибо ты в целомудрии и чистоте жития, блаженный, провел жизнь, не осквернив тело, потому с дерзновением моли Христа Бога о спасении наших душ.
Тропарь, глас 1
Свы́ше Боже́ственною благода́тию просвети́вся, Богому́дре,/ мно́гим терпе́нием во вре́менней жи́зни тече́ние соверши́л еси́,/ те́мже и по успе́нии источа́еши чуде́с благода́ть,/ и́же с ве́рою приходя́щим к тебе́, Ло́нгине всеблаже́нне./ Сла́ва Да́вшему ти кре́пость,/ сла́ва Просла́вльшему тя в чудесе́х,// сла́ва Де́йствующему тобо́ю всем исцеле́ние.
Перевод: Просветившись свыше Божественной благодатью, Богомудрый, со многим терпением ты совершил путь временной жизни, потому и после успения источаешь благодать чудес всем, с верой приходящим к тебе, Лонгин всеблаженный. Слава Давшему тебе силу, слава Прославившему тебя чудесами, слава Подающему через тебя всем исцеления.
Тропарь, глас 1
Боже́ственною свы́ше просвети́вся благода́тию, преподо́бне,/ мир оста́вил еси́,/ жите́йскую печа́ль и всяк мяте́ж ми́ра сего́/ любве́ ра́ди Христо́вы со дерзнове́нием отве́ргл еси́,/ ева́нгельски Христу́ после́довал еси́,/ и, Того́ яре́м взем, во всем во́ли Его́ повину́лся еси́,/ и весь ра́зум и се́рдце к Нему́ неукло́нно возложи́л еси́,/ Христа́ ра́ди те́ло свое́ изнуря́я посто́м и бде́нием, в моли́твах свои́х не усыпа́я,/ Бо́га ми́лостива творя́ и Пречи́стую Богоро́дицу Моле́бницу предлага́я,/ и сего́ ра́ди от Бо́га восприе́м власть и си́лу на сопроти́внаго врага́,/ не убоя́ся возду́шныя и морски́я тяготы́ и сту́дени, ниже́ уклони́ся,/ и морско́ю пучи́ною в ма́ле лади́ице по вода́м ше́ствие творя́,/ про́тив зе́льнаго обурева́ния пла́ваше,/ промышле́нием Боже́ственнаго ра́зума направля́ем,/ и о́коло Свята́го Но́са непроходи́мый путь морски́й/ от ядови́таго че́рвия/ благопрохо́ден челове́ком без вреда́ сотвори́л еси́ моли́твами свои́ми,/ и мно́гим терпе́нием во вре́менней жи́зни по́двиг соверши́л еси́,/ и, равноа́нгельное житие́ пожи́в,/ те́мже и по преставле́нии источа́еши чуде́с благода́ть/ и́же ве́рою приходя́щим к тебе́, Варлаа́ме, преблаже́нне о́тче наш,/ вопие́м ти: моли́ Христа́ Бо́га,// да спасе́т ду́ши на́ша.
Перевод: Божественной свыше просветившись благодатью, преподобный, мир оставил ты, житейскую печаль и всякую суету мира этого ради любви Христовой с дерзновением ты отверг, евангельски Христу последовал ты и, взяв Его ярмо, во всем повиновался Его воле и весь разум и сердце к Нему неизменно направлял, Христа ради тело свое изнуряя постом и бдением, в молитвах своих бодрствуя, умилостивляя Бога и представляя перед собой Пречистую Богородицу Молитвенницей, потому ты получил от Бога власть и силу против врага, не побоялся непогоды, морских трудностей и холода, морем в небольшом корабле по воде путешествуя, противостоя сильным бурям, направляемый промыслом Божественного разума, и около мыса Святой Нос непроходимый морской путь от ядовитых червей очистил ты, сделав его безопасным, молитвами своими и многим терпением во временной жизни подвиг совершил ты и прожил подобно ангелам, потому и после успения источаешь благодать чудес для всех с верой приходящих к тебе, Варлаам, преблаженный отче наш, взываем к тебе: моли Христа Бога, да спасет души наши.
Тропарь, глас 1
Боже́ственною благода́тию просвети́вся,/ и по сме́рти да́руеши исцеле́ния притека́ющим к тебе́, прему́дре Афана́сие,/ те́мже и мы ны́не чтим честны́х моще́й твои́х явле́ние,/ веселя́щее вку́пе ду́ши и телеса́./ Тем вси вопие́м:/ сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.
Перевод: Божественной благодатью просветившись, и после смерти ты даруешь исцеления приходящим к тебе, премудрый Афанасий, потому и мы сегодня почитаем священных мощей твоих явление, радующее одновременно души и тела. Поэтому все взываем: «Слава Давшему тебе силу, слава Венчавшему тебя, слава Подающему через тебя всем исцеления».
Тропарь, глас 5
От ю́ности, прему́дре, приле́жно подвиза́вся,/ от Бо́га наставля́емь,/ оте́чество свое́ оста́вль – град Псков,/ и всели́ся в пусты́ню,/ во ото́це вели́каго е́зера Оне́га,/ и́ноки собра́ му́дре/ и извеще́нием Свята́го Ду́ха оби́тель согради́/ и храм созда́ Пресвяте́й Богоро́дице/ в похвалу́ Рождества́ Ея́,/ струя́ми же слез твои́х/ безпло́тныя враги́ погрузи́л еси́/ и жития́ твоего́ целому́дрием со а́нгельскими ли́ки совокупи́ся,/ преподо́бне о́тче Корни́лие,/ с ни́миже Христа́ Бо́га моли́// спасти́ся душа́м на́шим.
Перевод: С юности, премудрый, ты настойчиво подвизался, наставляемый Богом, оставил отечество твое - город Псков - и поселился в пустыни, на острове великого Онежского озера, с мудростью собрав монахов и основав обитель по благословению Святого Духа и создав храм Пресвятой Богородицы, в честь Рождества Ее. Потоками же слез твоих ты потопил бесплотных врагов и целомудрием твоей жизни соединился с собранием ангельским, преподобный отче Корнилий, с ними же Христа Бога моли о спасении наших душ.
Тропарь, глас 8
Я́коже плод кра́сный Твоего́ спаси́тельнаго се́яния,/ земля́ Каре́льская прино́сит Ти, Го́споди, вся святы́я, в той просия́вшия./ Тех моли́твами в ми́ре глубо́це// Це́рковь и страну́ на́шу Богоро́дицею соблюди́, Многоми́лостиве.
Перевод: Как красивый плод Твоего спасительного сеяния, земля Карельская приносит Тебе, Господи, всех святых, в ней просиявших. Их молитвами в глубоком мире Церковь и страну нашу ходатайством Богородицы сохрани, Многомилостивый.
Тропарь
А́нгельскому житию́ поревнова́в, блаже́нне Ио́но,/ оста́вил еси́ оте́чество твое́, вели́кий Но́вград,/ и, прише́д в преде́лы Олоне́цкия/ и в пусты́ню всели́вся,/ в труде́х, моли́твах и слеза́х подвиза́лся еси́,/ и, я́ко му́дрый купе́ц, Ца́рствие Небе́сное насле́довал еси́./ Те́мже любо́вию вопие́м ти:/ моли́ Христа́ Бо́га,// да спасе́т ду́ши на́ша.
Перевод: Возжелав ангельской жизни, блаженный Иона, ты оставил отечество твое, Великий Новгород, и, придя в земли Олонецкие и поселившись в пустыни, в трудах, молитвах и слезах подвизался, и, как мудрый купец (Мф.13:45-46), Царство Небесное унаследовал. Потому с любовью взываем к тебе: моли Христа Бога о спасении душ наших.
Тропарь, глас 3
И́же к доброде́телем прилежа́нием взыгра́ния пло́ти обузда́л еси́,/ благи́ми нра́вы ду́шу свою́ укра́сив,/ от земны́х Христу́ превозведе́ ум свой,/ тем от Него́ исцеле́нием струя́ незави́стна яви́ся,/ притека́ющим ве́рою к тебе́ и любе́зно зову́щим:/ Варлаа́ме, о́тче наш,/ моли́ Христа́ Бо́га,// да спасе́т ду́ши на́ша.
Перевод: Заботой о добродетелях ты обуздал буйство плоти, правильным образом действий душу свою украсив, от земного ты возвел свой ум ко Христу, потому Он явил тебя обильным потоком исцелений для приходящих к тебе с верой и благоговейно взывающих: «Варлаам, отче наш, моли Христа Бога, да спасет души наши».
Тропарь, глас 4
Я́ко свети́льницы пресве́тлии, преподо́бнии отцы́ на́ша Генна́дие и Ники́форе, на брег Важее́зера всели́стеся и равноа́нгельное житие́ в пусты́не соверши́ли есте́. Отню́доже и по сме́рти исцеле́ния источа́ете, ди́внии чудотво́рцы Каре́льстии. Те́мже и мы, притека́ющие во оби́тель ва́шу, со умиле́нием и любо́вию глаго́лем: моли́те Христа́ Бо́га спасти́ся душа́м на́шим.
Перевод: Как светильники преяркие, преподобные отцы наши Геннадий и Никифор, на берегу озера Важе поселились и подобную ангельской жизнь в пустыни провели вы. Потому и после смерти исцеления источаете, удивительные чудотворцы Карельские. Поэтому и мы, приходя в обитель вашу, со смирением и любовью взываем: «Молите Христа Бога о спасении душ наших».
Тропарь, глас 2
Жела́нием духа распали́вся,/ мяте́ж мирски́й отри́нув,/ ко Еди́ному Бо́гу любо́вию прилепи́ся/ и То́го́ вседушне взыску́я,/ во вну́треннюю пусты́ню оты́де,/ при во́дах всели́ся,/ иде́же в слеза́х и труде́х пребыва́я многоле́тное вре́мя,/ в терпе́нии мно́зе житие́ а́нгельское проходи́л еси́/ в наставле́нии Боже́ственнаго Ра́зума,/ ста́до и́нок собра́ мудре,/ и́хже посеща́я, не оста́ви, Диодо́ре преподо́бне,/ о́тче наш, Пресвяте́й Тро́ице моля́ся/ от зол вся́ческих изба́вити и спасти́ души на́ша.
Перевод: Духовным устремлением возгоревшись, мирскую суету отвергнув, к Единому Богу ты привязался любовью и Его всей душой взыскуя, во внутреннюю пустынь ушел, поселился у воды, где в слезах и трудах пребывая долгие годы, со многим терпением совершал подобное ангельскому житие, руководимый Божественным разумом, стадо монахов собрал, мудрый, не переставай посещать их, Диодор преподобный, отче наш, Пресвятой Троице молясь от зол всяческих избавиться и спасти души наши.
Тропарь, глас 1
Боже́ственною любо́вию уязви́вся,/ вся кра́сная ми́ра сего́ возненави́дел еси́;/ в пусты́ню же всели́вся,/ в моли́твах и поще́ниих до́блественне подвиза́лся еси́;/ разбо́йника к покая́нию сподви́гл еси́/ равноа́нгельное житие́ страда́льчески сконча́в,/ страстоте́рпцев и пра́ведных воздая́ние прия́л еси́,/ Адриа́не, преподо́бне о́тче наш,// моли́ Христа́ Бо́га спасти́ся душа́м на́шим.
Тропарь, глас 8
Благове́щенския оби́тели устрои́телю усе́рдный,/ сло́вом и́стины ве́ру насади́вый,/ благове́стием же окре́стныя лю́ди, я́ко ни́ву, оби́льно ороси́вый/ и прозябе́ние ди́вное Бо́гу принесы́й,/ восхваля́ем тя любо́вию, преподо́бне о́тче Ио́но,/ и, соверша́юще па́мять твою́, уми́льно вопие́м:// моли́ся, во е́же спасти́ся душа́м на́шим.
Тропарь, глас 8
Слез твои́х тече́ньми пусты́ни безпло́дное возде́лал еси́,/ и я́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней, сия́я чудесы́, Мака́рие, о́тче наш,// моли́ Христа́ Бо́га спасти́ся душа́м на́шим.
Тропарь, глас 4
Земли́ Каре́льския утеше́ние духо́вное,/ ти́хое приста́нище благода́ти Бо́жией,/ святы́й блаже́нне Фадде́е,/ моли́ Христа́ Бо́га// спасти́ся душа́м на́шим.
Ин тропарь, глас 1
От мирски́я молвы́ бе́гающе,/ безмо́лвия и благоче́стия рачи́тели,/ в ти́хое приста́нище Валаа́ма/ от восто́ка приидо́сте/ и в нем, ева́нгельски Христу́ доброде́тельми после́довавше,/ на верх соверше́нства востекли́ есте́./ И ны́не в торжестве́ преми́рнем богозре́нием наслажда́ющеся,/ всеблаже́ннии отцы́ Се́ргие и Ге́рмане,/ Человеколю́бца Бо́га моли́те,// е́же спасти́ всех нас, благоче́стно вас почита́ющих.
Перевод: Мирской суеты избегая, любители безмолвия и благочестия, вы пришли с востока в тихое пристанище Валаама, и в нем, по Евангелию последовав Христу добродетелями, поднялись на верх совершенства, и сейчас в торжестве надмирном созерцанием Бога наслаждаясь, всеблаженные отцы Сергий и Герман, Человеколюбца Бога молите, чтобы Он спас всех нас, благоговейно вас почитающих.
Ин тропарь, глас 1
От ю́ности впери́в ум свой к Бо́гу,/ блаже́нне Евфроси́не,/ и бе́гая суеты́ ми́ра сего́,/ дости́гл еси́ в пусты́ню непроходи́мую,/ иде́же Бо́гу, тя укрепля́ющу,/ а́нгельское житие́ стяжа́в,/ порабо́тал еси́ дово́льно Влады́це своему́ Христу́/ в поще́нии, и в моли́твах, и во всено́щных бде́ниях/ и сподо́бился еси́ да́ра Ду́ха Пресвята́го,/ е́же прорица́ти бу́дущая,/ наставля́я на стезю́ покая́ния/ притека́ющих к тебе́ и послу́шающих тя./ Те́мже Всеблаги́й Бог, ви́дя вели́кую твою́ к Себе́ ве́ру,/ нелицеме́рную любо́вь и несумне́нную наде́жду,/ дарова́ тебе́ не то́чию е́же ве́ровати в Него́,/ но е́же и страда́ти по Нем,/ егда́ от проти́вных сыно́в в то́йже пусты́ни кровь твоя́ неща́дно излия́ся./ И досе́ле, я́ко А́велева, вопие́т к Бо́гу,/ свиде́тельствующу о сем нетле́нием моще́й твои́х./ На ня́же взира́юще, уми́льно вопие́м:/ сла́ва Христу́, дарова́вшему тебе́ благода́ть толи́ку,// Его́же и моли́ о нас.
Перевод: С юности устремив ум свой к Богу, блаженный Евфросин, и избегая суеты этого мира, достиг ты пустыни непроходимой, где с помощью укрепляющего тебя Бога, ангельскую жизнь обрел ты, много поработав Владыке своему Христу в пощении, молитвах и всенощных бдениях, и удостоился ты дара Духа Пресвятого: прорицать будущее, направлять на путь покаяния приходящих к тебе и послушных тебе. Потому Всеблагой Бог, видя великую твою к Себе веру, нелицемерную любовь и несомненную надежду, даровал тебе не только веровать в Него, но и пострадать за него, когда от противников в той же пустыни кровь твоя обильно пролилась. И до сих пор она, как и кровь Авеля, взывает к Богу (Быт. 4:10), свидетельствуя об этом нетлением мощей твоих. На них же взирая, смиренно взываем: «Слава Христу, даровавшему тебе такую благодать, Его же моли о нас».
Ин тропарь, глас 6
И́же вои́стинну на земли́ тя а́нгела/ и на Небеси́ челове́ка Бо́жия почти́м,/ сию́ жизнь су́етную оста́вль,/ я́ко вои́стинну преудо́брен во́ин Христа́ Бо́га,/ на стра́сти душепа́губныя подвиза́вся в жи́зни сей су́етней/ бде́нием и поще́нием,/ во всем быв о́браз свои́м ученико́м./ Те́мже бо в тя всели́ся Пресвяты́й Дух,/ Его́же де́йствием све́тло укра́шен,/ но я́ко име́я дерзнове́ние ко Святе́й Тро́ице,/ помина́й святу́ю оби́тель сию́/ и ста́до свое́, е́же собра́, му́дре,/ и не забу́ди, я́коже обеща́ся,/ посеща́й чад свои́х,// Анто́ние преподо́бне, о́тче наш.
Перевод: Воистину ангела на земле и на Небесах человека Божия, оставившего эту суетную жизнь, почтим, как воистину одаренного совершенством воина Христа Бога, против губительных для души страстей боровшегося в жизни этой суетной, бдением и пощением, он во всем был примером своим ученикам, потому поселился в нем Пресвятой Дух. Его же действием светло украшен, имеющий дерзновение к Святой Троице, вспоминай святую обитель эту и стадо свое, которое собрал ты, мудрый, и не забудь, как обещал, посещать чад своих, Антоний преподобный, отче наш.
Ин тропарь, глас 4
От ю́ности твоея́, преподо́бне,/ весь себе́ Го́сподеви предложи́в/ и земна́я вся оста́вль,/ Христо́вым стопа́м те́пле после́довал еси́/ и безпло́тным сожи́тель яви́лся еси́/ и всем преподо́бным соо́бщник, преблаже́нне Савва́тие./ Тем мо́лим ти ся, о́тче:/ моли́ся о нас непреста́нно Христу́ Бо́гу,// я́ко да ми́лостив бу́дет нам в Де́нь Су́дный.
Перевод: С юности твоей, преподобный, весь себя Господу вручив и все земное оставив, Христовым стопам усердно последовал ты и стал жить как бесплотные (ангелы) и явился единомышленником всем преподобным, преблаженный Савватий. Потому молимся тебе, отче, молись о нас не переставая Христу Богу, чтобы Он был милостив к нам в День Судный.
Ин тропарь, глас 8
Украси́вся, прему́дре, по́стническим житие́м,/ спо́стник был еси́ и сожи́тель в морсте́м ото́це/ преподо́бным отце́м Зоси́ме и Савва́тию,/ сподвиза́вся в моли́твах, и труде́х, и в поще́ниих,/ преподо́бне о́тче Ге́рмане,/ но, я́ко име́я дерзнове́ние к Бо́гу,// моли́ изба́вити нас от враг и спасти́ ду́ши на́ша.
Перевод: Украсившись, премудрый, постнической жизнью, ты был постником, жившим на морском острове вместе с преподобными отцами Зосимой и Савватием, подвизался с ними в молитвах, трудах и пощении, преподобный отче Герман, и, как имеющий дерзновение к Богу, моли избавить нас от врагов и спасти души наши.
Ин тропарь, глас 8
Я́ко свети́льницы яви́стеся всесве́тлии/ во ото́це окиа́на мо́ря,/ преподо́бнии отцы́ Зоси́мо и Савва́тие/ вы бо крест Христо́в на ра́мо взе́мше,/ усе́рдно Тому́ после́довасте/ и, чистото́ю Бо́гови прибли́жившеся,/ отону́ду си́лами чуде́с обогати́стеся./ Те́мже и мы любе́зно притека́ем к ра́кам честны́х моще́й ва́ших/ и уми́льно глаго́лем:// о преподо́бнии, моли́те Христа́ Бо́га спасти́ся душа́м на́шим.
Перевод: Как светильники явились преяркие на морском острове, преподобные отцы Зосима и Савватий, ибо вы, взяв крест Христов на плечи, усердно последовали за Ним и, приблизившись чистотой к Богу, обогатились силой чудотворений. Потому и мы с любовью приходим к ракам с почитаемыми мощами вашими и с благоговением говорим: «О преподобные, молите Христа Бога о спасении душ наших».
Ин тропарь, глас 8
Первопресто́льников прее́мниче,/ сто́лпе Правосла́вия, и́стины побо́рниче,/ но́вый испове́дниче, святи́телю Фили́ппе,/ положи́вый ду́шу за па́ству твою́,/ те́мже я́ко име́я дерзнове́ние ко Христу́,/ моли́ за Оте́чество на́ше, град же и лю́ди,// чту́щия досто́йно святу́ю па́мять твою́.
Перевод: Первосвятителей преемник, столп Православия, истины поборник, новый исповедник, святитель Филипп, положивший душу за паству твою! Как имеющий дерзновение ко Христу, моли за Отечество наше, город и людей, почитающих по достоинству святую память твою.
Ин тропарь, глас 5
Ра́достный возсия́ день све́тлаго торжества́:/ днесь церко́вная расширя́ются не́дра,/ прие́млюще духо́вных даро́в неоскуде́емо боготво́рное сокро́вище,/ струю́ благода́тей неисчерпа́емую,/ исто́чника чудесе́м оби́льна,/ чудотвори́выя и свяще́нныя мо́щи твоя́,/ святи́телю Фили́ппе./ Те́мже моли́ просла́вившаго тя Дарода́теля Христа́ Бо́га/ о воспева́ющих тя// и кла́няющихся свяще́нным моще́м твои́м.
Перевод: Радостный воссиял день светлого торжества: сегодня расширяются церковные недра, принимая неоскудеваемое сотворенное Богом сокровище духовных даров, неисчерпаемый поток благодати из обильного источника чудес, чудотворные и священные мощи твои, святитель Филипп. Потому моли прославившего тебя Дародателя Христа Бога о воспевающих тебя и поклоняющихся священным мощам твоим.
Ин тропарь, глас 4
Ду́хом Бо́жиим наставля́емый,/ возлюби́л еси́ безмо́лвие,/ в не́мже ева́нгельски подвиза́ющуся,/ пречу́дный Афо́нский дар –/ Богома́тере ико́на, дарова́ся ти, всеблаже́нне,/ и, о́браз доброде́телей быв ста́ду твоему́,/ Арсе́ние о́тче наш,/ к Го́рнему торжеству́ возше́л еси́,/ иде́же со А́нгелы ликовству́я,/ моли́ Христа́ Бо́га// спасти́ся душа́м на́шим.
Перевод: Направляемый Духом Божиим, ты полюбил безмолвие, в котором, по Евангелию подвизающемуся, удивительный Афонский дар - икона Богоматери даровалась тебе, всеблаженный, и примером добродетелей был стаду твоему, Арсений отче наш, к Небесному торжеству ты поднялся, где, радуясь с Ангелами, моли Христа Бога о спасении наших душ.
Ин тропарь, глас 1
Сла́ву ми́ра сего́ презре́вше, преподо́бнии,/ пусты́нное житие́ возлюби́ли есте́,/ ду́ши же Бо́гу до́бре повину́вше,/ посто́м, бде́нием и моли́твою де́моны препобеди́ли есте́/ и, житию́ а́нгельскому непоро́чно поревнова́вше,/ на Небесе́х мзду трудо́в ва́ших восприя́ли есте́./ Сла́ва да́вшему вам кре́пость,/ сла́ва венча́вшему вас,// сла́ва де́йствующему ва́ми всем исцеле́ния.
Кондак, глас 8
Я́ко звезду́ тя пресве́тлу почита́ем,/ от восто́ка возсия́вшую, и на за́пад прише́дшую,/ всю бо страну́ сию́ чудесы́ и добро́тою обогаща́еши,/ и просвеща́еши ве́рою чту́щия па́мять твою́, Алекса́ндре блаже́нне./ Сего́ ра́ди днесь пра́зднуем твое́ успе́ние, лю́дие твои́ су́щии,/ моли́ спасти́ Оте́чество твое́, и вся притека́ющия к ра́це моще́й твои́х,/ и ве́рно вопию́щия ти́:// ра́дуйся, гра́ду на́шему утвержде́ние.
Перевод: Как звезду тебя преяркую почитаем, воссиявшую на востоке и пришедшую на запад, ибо всю страну эту обогащаешь чудесами и красотой, и просвещаешь с верой почитающих память твою, Александр блаженный. Потому сегодня празднуем твое успение, люди твои, моли спасти Отечество твое и всех приходящих к раке с мощами твоими, и с верой взывающих к тебе: «Радуйся, города нашего сила».
Кондак, глас 4
От мирска́го жития́ изше́дше,/ отверже́нием ми́ра Христу́ после́довасте,/ и достиго́сте вели́каго Не́ва е́зера,/ и, в нем на о́строве Валаа́ме все́льшеся,/ равноа́нгельное житие́ пожи́ли есте́,/ отону́дуже, веселя́щеся, прешли́ есте́ к Небе́сным черто́гом./ И ны́не со А́нгелы Влады́чню Престо́лу предстоя́ще,/ помина́йте нас, чад свои́х,/ я́же собра́ли есте́, богому́дрии,/ да ра́достно от души́ вопие́м:// ра́дуйтеся, Се́ргие и Ге́рмане, отцы́ преблаже́ннии.
Перевод: От мирской жизни удалившись, отвержением мира вы последовали за Христом и достигли великого озера Нево (Ладожское), и, в нем на острове Валаам поселившись, прожили жизнь подобную ангельской, откуда, радуясь, перешли к Небесным чертогам. И сейчас с Ангелами Престолу Владыки предстоя, вспоминайте нас, чад своих, которых собрали вы, Богомудрые, да радостно от души взываем: «Радуйтесь, Сергий и Герман, отцы преблаженные».
Кондак, глас 8
Возсия́ днесь пресве́тлая па́мять прему́драго Арте́мия;/ Богода́нная благода́ть я́ко ре́ки излива́ет от целе́бных моще́й его́ ди́вная исцеле́ния,/ и́миже от многоразли́чных неду́г избавля́емся,/ с ве́рою прие́млюще я́, и взыва́юще:// ра́дуйся, Арте́мие Богому́дре.
Перевод: Воссияла сегодня пресветлая память премудрого Артемия. Богоданная благодать как реки изливает от врачующих мощей его удивительные исцеления, которыми мы избавляемся от многоразличных болезней, с верой принимая их и взывая: «Радуйся, Артемий Богомудрый».
Кондак, глас 8
Подража́я житию́ дре́вних отце́в,/ Богому́дре о́тче Евфроси́не,/ красоту́ ми́ра сего́ возненави́дел еси́,/ и, в пусты́ню всели́вся,/ ве́ру Христо́ву, я́коже щит, в се́рдце твое́ прия́л еси́,/ с не́юже изше́л еси́, я́ко до́бр во́ин Царя́ Небе́снаго,/ не на брань проти́ву пло́ти и кро́ве,/ но на брань проти́ву ко́зней неви́димаго врага́,/ и сего́ вознесе́нную горды́ню,/ по да́нней тебе́ от Ду́ха Свята́го благода́ти,/ глубо́ким смире́нием твои́м низложи́л еси́,/ и от Небе́снаго Мздовозда́теля неувяда́емым венце́м побе́ды венча́лся еси́./ Сего́ ра́ди, соше́дшеся любо́вию, вопие́м ти:// ра́дуйся, о́тче Евфроси́не, пусты́нное украше́ние.
Перевод: Подражая жизни древних отцов, Богомудрый отче Евфросин, ото всех мирских благ отвратился и поселился в пустыни, приняв в свое сердце веру во Христа, ставшую щитом (Еф.6:16), с которым ты, как настоящий воин Небесного Царя, вышел на бой не против крови и плоти, но на бой против козней невидимого врага (Еф.6:12), и его высокомерную гордость победил своим глубоким смирением и данной тебе от Духа Святого благодатью, от Небесного же Мздовоздаятеля ты увенчался неувядаемым венцом победы. Потому, собравшись с любовью, взываем к тебе: «Радуйся, отче Евфросин, пустыни украшение».
Кондак, глас 2
Му́жества тезоимени́таго Богоглаго́льника/ и Це́ркве возсле́дователя верхо́внаго,/ Петро́ва сро́дника восхва́лим,/ зане́ я́коже дре́вле сему́, и ны́не нам воззва́:// прииди́те, обрето́хом Жела́емаго.
Перевод: Соименного мужеству (от др.греч. Ἀνδρέας — мужественный) Богопроповедника и призванного первым из учеников Спасителя, родственника Петра восхвалим; ибо он, как некогда ему, и ныне нам возгласил: «Придите, мы нашли Желанного!» (Ин.1:40-41).
Кондак, глас 1
Я́ко лучу́ тя со́лнечную, Христо́с показа́, преподо́бне,/ сия́ющу во стране́ примо́рстей чуде́с благода́тию,/ уставля́еши бо пла́вающим тишину́ морску́ю, ве́рою моля́щимся тебе́ и вопию́щим:/ ра́дуйся, Елеаза́ре, о́тче наш,// страны́ Беломо́рския похвало́ и утвержде́ние.
Перевод: Светом солнечным Христос тебя явил, преподобный, сияющим в краю приморском благодатью чудес, ибо ты устанавливаешь плавающим спокойствие на море, с верой молящимся тебе и взывающим: «Радуйся, Елеазар, отче наш, края Беломорского честь и сила».
Кондак, глас 8
От ю́ности, преподо́бне, плоть твою́ в посте́х и моли́твах истощи́л еси́/ и крест твой взем, Христу́ после́довал еси́,/ те́мже и к вы́шним тече́ние ра́достно соверши́л еси́,/ иде́же со все́ми святы́ми Святе́й Тро́ице предстои́ши./ И ны́не ста́до твое́ посеща́я,/ помина́й чту́щих пресвяту́ю па́мять твою́,/ да вси благода́рне вопие́м ти:// ра́дуйся, Богому́дре Анто́ние, наста́вниче пусты́нный.
Перевод: С юности, преподобный, тело твое в постах и молитвах укротил ты и, крест свой взяв, Христу последовал, потому и к Небесам совершил радостный путь, где со всеми святыми Святой Троице предстоишь. И сейчас стадо твое посещая, вспоминай почитающих пресвятую память твою, да все благодарно взываем к тебе: «Радуйся, Богомудрый Антоний, наставник пустынник».
Кондак, глас 2
Христо́вою любо́вию уязви́вшеся, преподо́бнии,/ и Того́ крест, на ра́мо взе́мше, понесли́ есте́,/ боже́ственне вооружи́вшеся на неви́димыя враги́/ и непреста́нныя моли́твы, я́ко копие́ в рука́х, иму́ще,/ кре́пко победи́ли есте́ бесо́вская ополче́ния;/ благода́ть Госпо́дню прие́мше цели́ти неду́ги душ и теле́с/ притека́ющих к ра́кам честны́х моще́й ва́ших,/ чуде́с лучи́ испуща́ете всю́ду./ Тем зове́м вам:/ ра́дуйтеся, преподо́бнии отцы́ Зоси́мо и Савва́тие,// мона́хов удобре́ние.
Перевод: Христовой любовью воспламенившись, преподобные, и Его Крест на плечи взяв, вы понесли, божественно вооружившись на невидимых врагов и непрестанные молитвы держа, как копье в руках, мужественно поразили вы бесовские войска, получив благодать от Господа исцелять болезни душ и тел приходящих к ракам с почитаемыми мощами вашими, везде вы испускаете лучи чудес. Потому взываем к вам: «Радуйтесь, преподобные отцы Зосима и Савватий, монахов украшение».
Кондак, глас 2
Жите́йския молвы́ отбе́г,/ всели́лся еси́ в морски́й о́стров, му́дре,/ и крест твой взе́м, Христу́ после́довал еси́,/ в моли́твах, и во бде́ниих, и в поще́ниих/ злострада́ньми плоть твою́ изнуря́я./ Тем был еси́ преподо́бных удобре́ние./ Сего́ ра́ди любо́вию па́мять твою́ пра́зднуем,/ преподо́бне Савва́тие,// моли́ Христа́ Бо́га непреста́нно о всех нас.
Перевод: От житейской суеты удалившись, ты поселился на морском острове, мудрый, и крест твой взяв, Христу последовал, в молитвах, бдениях и пощении терпением страданий изнуряя свою плоть. Этим ты был украшением преподобных. Потому с любовью память твою празднуем, преподобный Савватий, моли Христа Бога непрестанно обо всех нас.
Кондак, глас 8
Я́ко многосве́тлая звезда́ днесь в страна́х росси́йских возсия́л еси́, о́тче,/ всели́вся в пусты́ню, Христо́вым стопа́м после́довати усе́рдно возжеле́л еси́/ и, Того́ свято́е и́го на ра́мо твое́ взем - честны́й крест,/ умертви́л еси́ труды́ по́двиг твои́х теле́сная взыгра́ния,/ те́мже вопие́м ти:/ спаси́ ста́до твое́, е́же собра́л еси́, му́дре, да зове́м ти:// ра́дуйся, преподо́бне Алекса́ндре, о́тче наш.
Перевод: Как преяркая звезда ныне в стране российской ты воссиял, отче, вселившись в пустынь, ты пожелал с усердием следовать по стопам Христовым и Его святое иго (Мф.11:30), почитаемый крест, на плечи свои подняв, умертвил ты трудами подвигов твоих буйство плоти, потому молимся тебе: спаси стадо твое, которое ты собрал, мудрый, да взываем к тебе: «Радуйся, преподобный Александр, отче наш».
Кондак, глас 4
Вы́шних жела́я,/ вся до́лу влеку́щая возненави́дел еси́/ и, отече́ство свое́ оста́вль,/ в помо́рие пусты́нное отше́л еси́,/ та́же в морски́й о́стров удали́вся,/ в нем мно́га ле́та Го́сподеви порабо́тал еси́./ Те́мже, па́мять твою́ пра́зднующе,/ любо́вию вопие́м ти:// ра́дуйся, Ге́рмане Богому́дре, о́тче наш.
Перевод: Небесного желая, все влекущее к земле ты возненавидел и, отечество свое оставив, ушел в пустынное поморье, там же, удалившись на морской остров, многие годы послужил на нем Господу. Потому, память твою празднуя, с любовью взываем к тебе: «Радуйся, Герман Богомудрый, отче наш».
Кондак, глас 2
И́го Христо́во прие́м, Авраа́мие,/ и Того́ крест на ра́мо взем,/ после́довал еси́ Ему́,/ насажде́н быв в дому́ Госпо́дни/ и процве́л еси́, я́ко фи́никс и я́ко кедр, и́же в Лива́не,/ умно́жил еси́ ча́да твоя́, муж жела́ний духо́вных:/ от возлю́бленнаго же апо́стола Иоа́нна Богосло́ва благода́ть восприи́м,/ жезло́м сокруши́л еси́ и́дола/ и рассы́пал еси́ его́, я́ко прах,/ и чудотво́рец у́бо ве́лий яви́лся еси́, преподо́бне./ Тем же Христа́ Бо́га моли́// непреста́нно о всех нас.
Перевод: Иго Христово подняв, Авраамий, и Его крест на плечо взяв, последовал ты Ему, быв посажен в доме Господне и процвел ты, как пальма и как Ливанский кедр (Пс.91:13-14). Увеличил ты число чад твоих, муж желаний духовных (Дан.10:11), от возлюбленного же апостола Иоанна Богослова ты получил благодать, жезлом сокрушил идола и рассыпал его, как прах, и стал великим чудотворцем, преподобный. Потому Христа Бога моли непрестанно обо всех нас.
Кондак, глас 2
Ве́лия исправле́ния о церко́вном благоле́пии явля́я,/ Правосла́вную ве́ру утверди́л еси́,/ святи́телю о́тче Генна́дие,/ не преста́й моли́тися о нас,// во Ца́рствии Небе́снем безсме́ртныя тра́пезы наслажда́яся.
Перевод: Великие дела в церковном благоустройстве являя, Православную веру укрепил ты, святитель отче Геннадий, не переставай молиться о нас, в Царствии Небесном бессмертным пиршеством наслаждаясь.
Кондак, глас 8
Христо́вою любо́вию уязви́вся, преподо́бне,/ и Того́ Крест сла́вный, на ра́мо взе́м,/ поне́сл еси́, боже́ственне вооружи́вся,/ и непреста́нныя моли́твы, я́ко копие́ в руце́, имы́й,/ кре́пко ссе́кл еси́ бесо́вская ополче́ния./ Тем зове́м ти́:// ра́дуйся, преподо́бне о́тче Зоси́мо, мона́хов удобре́ние.
Перевод: Христовой любовью воспламенившись, преподобный, и Его Крест славный, на плечи взяв, ты понес, божественно вооружившись, и непрестанные молитвы держа, как копье в руке, ты мужественно поразил бесовские войска. Потому взываем к тебе: «Радуйся, преподобный отче Зосима, монахов украшение».
Кондак, глас 8
От ю́ности, преподо́бне, вся оста́вль жите́йская, кра́сная же и ле́потная/ и в пусты́ню всели́вся, усе́рдно после́довал еси́ Зва́вшему тебе́, преблаже́нне,/ в труде́х же и посте́х, о́тче, тело свое́ изнури́л еси́,/ отону́дуже тя па́стыря Свои́м овца́м до́бре устроя́ет всебога́тый Госпо́дь,/ Кири́лле чудоде́йственниче, моли́ Христа́ Бо́га/ о приходя́щих с ве́рою и прося́щих свои́х прегреше́ний оставле́ния дарова́ти,// чту́щих любо́вию святу́ю па́мять твою́.
Перевод: С юности, преподобный, оставив все мирские блага и удобства, в пустыни поселился, усердно последовал ты Звавшему тебя, преблаженный, в трудах же и постах, отче, тело свое изнурил ты, потому тебя пастырем овец Своих поставил всеблаженный Господь. Кирилл чудотворец, моли Христа Бога о приходящих с верой и просящих даровать прощение их прегрешений, почитающих с любовью святую память твою.
Кондак, глас 8
Роди́телей свои́х любо́вь отри́нул еси́/ и дом свой, я́ко чужд, оста́вил еси́,/ водвори́ бо ся в пусты́ню,/ и та́мо ви́де Бог труды́ твоя́ и по́двиги,/ па́стыря и наста́вника избра́нному Своему́ ста́ду сподобля́ет тя/ и по преставле́нии вели́кими чудесы́ прославля́ет тя,/ исцеля́ти разли́чныя неду́ги./ Моли́ о нас Христа́ Бо́га,/ пра́зднующих любо́вию святу́ю па́мять твою́,/ да вси единогла́сно вопие́м ти:// ра́дуйся, Алекса́ндре преподо́бне, о́тче наш.
Перевод: Ты отверг любовь своих родителей и дом свой оставил, как чужой тебе, вселился в пустынь, и там Бог, видя труды твои и подвиги, удостоил тебя быть пастырем и наставником избранному Своему стаду и по преставлении твоем прославил великими чудесами, силой исцелять различные недуги. Моли о нас Христа Бога, празднующих с любовью святую память твою, да все единогласно взываем тебе: «Радуйся, Александр преподобный, отче наш».
Кондак, глас 8
Во успе́нии твое́м обрето́ша на телеси́ твое́м сокро́вище некра́домое:/ два креста́ и тяжча́йшая желе́за, е́же есть вери́ги,/ посто́м и моли́твами Бо́гу угоди́л еси́, святи́телю Фили́ппе,// моли́ Христа́ Бо́га о всех нас.
Перевод: После успения твоего обрели на теле твоем сокровище, не подверженное краже, два креста и тяжелейшие железные вериги. Постом и молитвами ты угодил Богу, святитель Филипп, моли Христа Бога обо всех нас.
Кондак, глас 8
Трисия́тельнаго Божества́ сия́нием просвети́в се́рдце твое́, преподо́бне,/ светови́ден весь яви́лся еси́ доброде́тельми,/ я́ко и Го́ру Афо́нскую свет трудолю́бия твоего́ озари́,/ иде́же святу́ю ико́ну Со́лнца и́стиннаго,/ Христа́, и Его́ Пречи́стыя Ма́тере в дар прии́м,/ на о́стров Нева́ е́зера прише́д,/ оби́тель устро́ил еси́, всеблаже́нне./ Тем, ве́рою и любо́вию к тебе́ притека́юще, ра́достно вопие́м:// ра́дуйся, пресве́тлый свети́льниче, Арсе́ние, о́тче наш.
Перевод: Триипостасного Божества сиянием просветив сердце твое, преподобный, ты весь стал просветлен добродетелями, так и Афонскую гору озарил свет трудолюбия твоего, где святую икону Солнца Правды (Мал.4:2), Христа, и Его Пречистой Матери в дар приняв, ты пришел на остров Ладожского озера и устроил обитель, всеблаженный. Потому, с верой и любовью к тебе приходя, с радостью взываем: «Радуйся, преяркий светильник, Арсений, отче наш».
Кондак, глас 8
Все твое́ у́мное жела́ние к Бо́гу впери́в,/ Того́ зва́нию невозвра́тно от души́ после́довал еси́,/ в пусты́ню коне́чную всели́вся,/ и, та́мо а́нгельски и равноапо́стольне пожи́в,/ мно́гим путь был еси́ ко спасе́нию./ Сего́ ра́ди и Христо́с тя просла́ви и да́ром чуде́с обогати́./ Те́мже вси вопие́м ти:/ ра́дуйся, испове́дниче Христа́ Бо́га на́шего;// ра́дуйся, гра́ду твоему́ неколеби́мое утвержде́ние, Три́фоне, о́тче наш.
Перевод: Все твое духовное стремление обратив к Богу, Его призыву неуклонно от души последовал ты, в пустыни далекой поселился и, там подобно ангелам и апостолам прожив, для многих ты был путем ко спасению. Потому и Христос тебя прославил и даром чудес обогатил. Поэтому все взываем к тебе: «Радуйся, исповедник Христа Бога нашего, радуйся, города твоего непоколебимая крепость, Трифон, отче наш».
Кондак, глас 3
Во святи́телех благоче́стно пожи́сте,/ и лю́ди к Богоразу́мию наста́висте, и до́бре Бо́гу угоди́сте,/ сего́ ра́ди от Него́ нетле́нием и чудесы́ просла́вистеся,// я́ко ученицы́ Бо́жия благода́ти.
Перевод: Вы благочестиво прожили как святители и людей к познанию Бога направляли и хорошо послужили Богу, поэтому от Него прославились нетлением и чудотворением, наученные Божией благодатью.
Кондак, глас 2
Я́ко сокро́вище бога́тно,/ ве́рным Боже́ственная благода́ть/ из морски́х недр издаде́ мо́щи ва́ша, отцы́ преблаже́ннии,/ и в ме́сте пу́сте це́лы и невреди́мы обрето́шася пресла́вно,/ и та́ко вас ра́ди ны́не сла́вится Бог,/ Ему́же со дерзнове́нием предстоя́ще ны́не на Небесе́х,/ Вассиа́не и Ио́но досточу́днии,// моли́теся непреста́нно о всех нас.
Перевод: Как богатое сокровище, Божественная благодать вручила верующим из морских глубин мощи ваши, отцы преблаженные, которые были славно обретены в пустынном месте целыми и невредимыми, и так вами прославляется Бог, Ему же с дерзновением предстоя сейчас на Небесах, Вассиан и Иона удивительные, молитесь непрестанно обо всех нас.
Кондак, глас 8
Яви́стеся свети́льницы всесве́тлии, во пло́ти а́нгели,/ я́ко Живота́ дре́во ра́йское,/ поще́нием, и бде́нием, и ве́рою возраща́еми, процвели́ есте́./ Моли́твами свои́ми Небе́сную благода́ть прие́мше,/ вра́чеве же кре́пцыи я́вльшеся,/ исцеля́ете неду́жныя и ду́ши с ве́рою прибега́ющих к ра́це моще́й ва́ших,/ чудотво́рцы сла́внии, Иоа́нне и Ло́нгине,/ сего́ ра́ди вси ве́рою и любо́вию вопие́м:// ра́дуйтеся, помо́рстей стране́ похвало́ и утвержде́ние.
Перевод: Явившись яркими светильниками, ангелами во плоти, как райское древо Жизни, взращиваемые пощением, бдением и верой вы процвели. По молитвам своим Небесную благодать приняв и став превосходными врачами, вы исцеляете больных и души всех с верой приходящих к раке с мощами вашими, чудотворцы прославляемые Иоанн и Лонгин, потому все с верой и любовью взываем: «Радуйтесь, Поморского края честь и сила».
Кондак, глас 3
Все у́мное свое́ жела́ние к Бо́гу впери́в,/ и Тому́ невозвра́тно от души́ после́довал еси́,/ и жите́йския молвы́ отри́нув,/ в моли́твах, и слеза́х, и злострада́ниих плоть свою́ изнуря́я,/ до́бре подвиза́вся проти́ву неви́димаго врага́ ко́знем,/ и, победи́в я́, веселя́ся, преше́л еси́ к Небе́сным черто́гом,/ и ны́не со А́нгелы Святе́й Тро́ице предстоя́,/ отню́ду же и Всеви́дящее о́ко, твоя́ труды́ ви́дев,/ да́ром чуде́с по преставле́нии обогати́ло тя есть,/ и́же тебе́ с ве́рою почита́ющим/ исцеле́ние подава́еши неви́димо/ и мо́лишися непреста́нно, сохраня́я оте́чество свое́ и лю́ди/ от враг ви́димых и неви́димых ненаве́тны,/ да вси тебе́ вопие́м:/ преподо́бне о́тче наш Варлаа́ме,// моли́ непреста́нно о всех нас.
Перевод: Все духовное свое стремление направив к Богу, ты неуклонно последовал Ему от души и, житейскую суету отвергнув, в молитвах, слезах и суровой жизни плоть свою изнуряя, ты свято подвизался против козней невидимого врага и, победив его, радуясь, переселился в Небесные чертоги, и сейчас с ангелами Святой Троице предстоишь, потому и Всевидящее око, видя твои труды, даром чудотворений по успении твоем обогатил тебя, которые ты с верой почитающим тебя невидимо подаешь в исцелениях и молишься непрестанно, сохраняя отечество свое и людей защищенными от врагов видимых и невидимых, да все взываем к тебе: преподобный отче наш Варлаам, моли непрестанно обо всех нас.
Кондак, глас 3
Я́ко А́нгел во пло́ти, на земли́ показа́ся,/ поще́нием насажде́н быв, преподо́бне о́тче Корни́лие,/ наста́вник и́ноком мно́гим был еси́,/ сего́ ра́ди вопие́м ти:// моли́ Христа́ Бо́га спасти́ся душа́м на́шим.
Перевод: Как Ангел во плоти ты был на земле, будучи подготовлен пощением, преподобный отче Корнилий, ты был наставником многих монахов, потому взываем к тебе: «Моли Христа Бога о спасении наших душ».
Кондак, глас 3
Днесь лик святы́х, в земли́ на́шей Бо́гу угоди́вших, предстои́т в Це́ркви/ и неви́димо за ны мо́лится Бо́гу./ А́нгели с ним славосло́вят,/ и вси святи́и Це́ркве Христо́вы ему́ спра́зднуют,/ о нас бо мо́лят вси ку́пно// Преве́чнаго Бо́га.
Перевод: Сегодня собрание святых, в земле нашей Богу угодивших, предстоит в Церкви и невидимо о нас молится Богу. Ангелы с ним прославляют Бога, и все святые Церкви Христовой вместе с ним празднуют, ибо все вместе молят о нас Превечного Бога.
Кондак, глас 8
Я́ко звезда́ светоза́рная,/ от Вели́каго Новагра́да прише́д,/ в чужи́х, я́ко в за́падных стра́нах, за́йде,/ от восто́к чуде́с, я́ко со́лнце, возсия́,/ те́мже, и́же во тьме и се́ни сме́ртней, в неду́зех лежа́щии,/ свет исцеле́ния от тебе́ прие́млюще,/ с на́ми, ча́ды твои́ми, непреста́нно вопию́т ти:// ра́дуйся, Богому́дре Варлаа́ме, о́тче наш.
Перевод: Как сияющая звезда, ты пришел от Великого Новгорода, на западе зайдя, а на востоке чудесно, как солнце, воссияв, потому все, во тьме и мраке смерти, в болезнях лежащие, принимая от тебя свет исцеления, с нами, чадами твоими, не переставая взывают к тебе: «Радуйся, Богомудрый Варлаам, отче наш».
Кондак, глас 2
Ми́ра красоту́ и я́же в нем тле́нная оста́вивше и все у́мное свое́ жела́ние к Бо́гу впери́вше, Того́ кре́ст на ра́мо взе́мше дарова́ние чуде́с от Христа́ прия́ли есте́. И ны́не предстоя́ще Святе́й Тро́ице, помина́йте нас, чад ва́ших, я́же собра́ли есте́ му́дрии. Сего́ ра́ди вопие́м вам: ра́дуйтеся преподо́бнии отцы́ на́ша Генна́дие и Ники́форе.
Перевод: Мирские блага и все тленное оставив и все свое духовное желание к Богу устремив, Его Крест на плечи взяв, дарование чудотворений от Христа вы получили. И сейчас, предстоя Святой Троице, вспоминайте нас, чад ваших, которых собрали вы, мудрые. Потому взываем к вам: «Радуйтесь, преподобные отцы наши Геннадий и Никифор».
Кондак, глас 2
От ю́ности, преподо́бне,/ плотску́ю во́лю в посте́х и моли́твах истощи́л еси́,/ кре́ст свой взем, Христо́ви после́довал еси́,/ те́мже и к Вы́шним тече́нием ра́достно устреми́в себе́,/ иде́же со все́ми святы́ми Святе́й Тро́ице предстои́ши,/ но и ны́не ста́до свое́ посеща́я,/ помина́й чту́щих пресвяту́ю па́мять твою́,/ да вси благода́рно вопие́м ти:/ ра́дуйся, Богому́дре Диодо́ре, наста́вниче наш пусты́нный.
Перевод: С юности, преподобный, плотские желания в постах и молитвах истощил ты, крест свой взяв, Христу последовал, потому и к Небесам радостно устремил свой путь, где со всеми святыми Святой Троице предстоишь, но и сейчас, стадо свое посещая, вспоминай почитающих пресвятую память твою, да все благодарно взываем к тебе: «Радуйся, Богомудрый Диодор, учитель наш пустынный».
Кондак, глас 2
Сви́рским тайнови́дцем Святы́я Тро́ицы наставля́емь,/ жите́йския молвы́ оста́вил еси́, преподо́бне,/ и, на бре́зе бу́рныя Ла́доги до́бре подвиза́вся,/ и́ноком му́дрый наста́вник яви́лся еси́,/ неви́нно же от разбо́йник лю́тую смерть прие́м,/ в Небе́сный Черто́г, ра́дуяся, преше́л еси́./ Те́мже с ве́рою и любо́вию тебе́ вопие́м:// ра́дуйся, богоно́сне Адриа́не, о́тче наш.
Кондак, глас 2
Подви́жника изря́дна и уго́дника Бо́жия преди́вна/ днесь Це́рковь Христо́ва па́мять че́стно пра́зднует/ и, досто́йно того́ ублажа́ющи, си́це вопие́т:/ ди́вный во святы́х Твои́х, Го́споди,// моли́твами преподо́бнаго Ио́ны поми́луй нас.
Кондак
Чи́стотою душе́вною Боже́ственно вооружи́вся/ и непреста́нныя моли́твы, я́ко копие́, вручи́в кре́пко,/ пробо́л еси́ бесо́вская ополче́ния, Мака́рие, о́тче наш,// моли́ непреста́нно о всех нас.
Кондак, глас 1
Нището́ю богаты́й, пла́менем любви́ ко Го́споду испо́лненный,/ слеза́ми, моли́твой, посто́м благода́ть Свята́го Ду́ха стяжа́вый,/ да́р прозорли́вости на́м яви́вый,/ я́ко свеща́ я́ркая земли́ Каре́льския возсия́л еси,/ о святы́й блаже́нне Фадде́е,// те́плый моли́твенниче о душа́х на́ших.
Ин кондак, глас 4
Я́коже сро́дницы твои́, Бори́с и Глеб,/ яви́шася тебе́ с Небесе́ в по́мощь,/ подвиза́ющемуся на Ве́лгера Све́йскаго и во́ев его́,/ та́ко и ты ны́не,/ блаже́нне Алекса́ндре,/ прииди́ в по́мощь твои́м сро́дником // и побори́ борю́щия ны.
Перевод: Также как родственники твои, Борис и Глеб, явились тебе с Небес на помощь, в битве против Биргера Шведского и войска его, так и ты сейчас, блаженный Александр, приди на помощь твоим соотечественникам и победи враждующих с нами.
Ин кондак, глас 3
Христа́ еди́наго вожделе́в,/ и к Тому́ любо́вию уязви́вся,/ и Тому́ неотло́жным путе́м после́довал еси́./ Вся́кое жите́йское наслажде́ние возненави́дев,/ те́мже, я́ко второ́е со́лнце, чудесы́ сия́я,/ и сего́ ра́ди тя да́ром обогати́ Влады́ка,/ помина́й нас, чту́щих пресве́тлую па́мять твою́, да зове́м ти:// ра́дуйся, Анто́ние преподо́бне о́тче наш.
Перевод: Христа единственного возжелав и к Нему любовью пленившись, за Ним неизменным путем последовал ты, всякое житейское наслаждение возненавидев, потому, как второе солнце, сиял чудесами, даром которых обогатил тебя Владыка, вспоминай же нас, почитающих пресветлую память твою, да взываем к тебе: «Радуйся, Антоний преподобный отче наш».
Ин кондак, глас 3
Я́ко звезда́ всесве́тлая,/ доброде́тельми сия́ющи, чуде́с лучи́ испуща́ющи,/ обою́ду богатя́ приходя́щих,/ ду́ши исцеля́еши и телеса́,/ благода́ть име́я, Савва́тие,// прославля́ет бо Своя́ Си Вели́кий Дарода́тель.
Перевод: Как преяркая звезда, сияющая добродетелями, испускающая лучи чудес, ты обогащаешь приходящих с обеих сторон, исцеляя души и тела, благодать имея, Савватий, ибо прославляет Своих (святых) Великий Дародатель.
Ин кондак, глас 3
Правосла́вия наста́вника и и́стины провозве́стника,/ Златоу́стаго ревни́теля,/ Росси́йскаго свети́льника, Фили́ппа прему́драго восхва́лим,/ пи́щею слове́с свои́х разу́мно ча́да своя́ пита́юща,/ той бо язы́ком хвале́ния поя́ше,/ устна́ма же пе́ние веща́ше,// я́ко таи́нник Бо́жия благода́ти.
Перевод: Православия наставника и истины провозвестника, Златоусту подражателя, Российское светило, Филиппа премудрого восхвалим, пищею слов своих духовно детей своих питающего;ибо он языком хвалу воспевал, а устами песнопение возглашал, как служитель таинств Божией благодати.
Ин кондак, глас 3
Я́ко со́лнце, днесь от земны́х недр возсия́ша/ честны́я твоя́ мо́щи, святи́телю./ Зе́млю же и возду́х ше́ствием твои́м освети́л еси́/ и всех ве́рных чуде́с богозна́меньми облиста́л еси́,/ чудотво́рец преди́вен и моли́твенник к Бо́гу о ми́ре изя́щен яви́ся./ Сего́ ра́ди вопие́м ти:/ спаса́й нас те́плым свои́м предста́тельством,// я́ко учени́к Бо́жия благода́ти.
Перевод: Как солнце, сегодня воссияли из недр земли почитаемые твои мощи, святитель. Землю и воздух ты осветил твоим путем и всех верующих осиял чудесами - знамениями милости Божией. Ты был удивительным чудотворцем и необыкновенным молитвенником к Богу о мире, потому взываем к тебе: «Спасай нас горячей своей защитой, как ученик Божией благодати».
Ин кондак, глас 4
Жите́йское мо́ре по́двиги ва́шими невла́жно проше́дше,/ кре́пкаго приста́нища Христо́ва дости́гли есте́,/ иде́же Престо́лу Пресвяты́я Тро́ицы предстоя́ще,/ Ники́форе и Генна́дие богому́дрии,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.
Молитва
Ско́рый помо́щниче всех усе́рдно к тебе́ прибега́ющих и те́плый наш пред Го́сподем предста́телю, святы́й благове́рный кня́же Алекса́ндре! При́зри ми́лостивно на ны недосто́йныя мно́гими беззако́нии непотре́бны себе́ сотво́ршия, к ра́це моще́й твои́х (или: ико́не твое́й) ны́не притека́ющия и из глубины́ се́рдца тебе́ взыва́ющия: ты в житии́ свое́м ревни́тель и защи́тник правосла́вныя ве́ры был еси́, и нас в ней те́плыми твои́ми моли́твами непоколеби́мы утверди́. Ты вели́кое, возло́женное на тя служе́ние тща́тельно проходи́л еси́, и нас твое́ю по́мощию пребыва́ти коего́ждо, в не́же призва́н есть, наста́ви. Ты, победи́в полки́ супоста́тов, от преде́лов Росси́йских отгна́л еси́, и на нас ополча́ющихся всех ви́димых и неви́димых враго́в низложи́. Ты, оста́вив тле́нный вене́ц ца́рства земна́го, избра́л еси́ безмо́лвное житие́, и ны́не пра́ведно венце́м нетле́нным уве́нчанный, на Небесе́х ца́рствуеши, хода́тайствуй и нам, смире́нно мо́лим тя, житие́ ти́хое и безмяте́жное и к ве́чному Ца́рствию ше́ствие неукло́нное твои́м предста́тельством устро́й нам. Предстоя́ же со все́ми святы́ми Престо́лу Бо́жию, моли́ся о всех правосла́вных христиа́нах, да сохрани́т их Госпо́дь Бог Свое́ю благода́тию в ми́ре, здра́вии, и благоде́нствии, и вся́ком благополу́чии в до́лжайшая ле́та, да и при́сно сла́вим и благослови́м Бо́га, в Тро́ице Святе́й сла́вимаго Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.
Перевод: (или: ико́не твое́й)
Молитва
О, вели́ции отцы́ на́ши, Христо́вы уго́дницы и те́плии предста́тели ко Спа́су о душа́х на́ших, Се́ргие и Ге́рмане! Вы бо в неду́зех цели́тели яви́стеся, по мо́рю пла́вающим ко́рмчии, и утопа́ющим благонаде́жное избавле́ние, и от вся́каго смертоно́снаго наше́ствия храни́тели, па́че же от духо́в нечи́стых свобожде́ние и вся́ких наве́тов, проти́ву нас содержи́мых, очище́ние и по́мощь. О, преблаже́ннии отцы́ и чудотво́рцы пресла́внии, Се́ргие и Ге́рмане, моли́теся ко Влады́це Христу́ о нас, гре́шных, я́ко да ва́шими моли́твами сподо́бимся в день Су́дный десна́го предстоя́ния и наслажде́ния во Ца́рствии Бо́жии во ве́ки веко́в. Ами́нь.
Молитва
Святы́й уго́дниче Бо́жий, пра́ведный Арте́мие, при́сный храни́телю святы́я ве́ры Правосла́вныя и бли́зкий защи́тниче всего́ се́вернаго кра́я Росси́йския страны́! При́зри ми́лостивно на усе́рдную моли́тву нас гре́шных и твои́м благомо́щным предста́тельством испроси́ нам у Го́спода проще́ние согреше́ний на́ших, преспе́яние в ве́ре и благоче́стии и огражде́ние от ко́зней диа́вольских. Моли́ Го́спода, да храни́т во здра́вии и непременя́емем благополу́чии ве́рных люде́й Свои́х, да пода́ст стране́ на́шей мир и тишину́, а нам нелицеме́рное послуша́ние, да сподо́бит всех нас получи́ти, по христиа́нстей кончи́не, Небе́сное Ца́рствие, иде́же вси пра́веднии вме́сте с тобо́ю, ве́чно сла́вят Отца́ и Сы́на и Свята́го Ду́ха. Ами́нь.
Молитва
О, преподо́бне о́тче наш Елеаза́ре, Богоизбра́нный нача́льниче и основа́телю безмо́лвнаго и́ноческаго жития́ в пусты́ни А́нзерстей, дарова́нной ти ми́лостию царе́вою, су́щия ра́ди в тебе́ благода́ти проро́ческия. Мо́лим тя мы, смире́ннии и недосто́йнии, испроси́, уго́дниче Бо́жий, у Вседержи́теля Бо́га, в Тро́ице покланя́емаго, Ему́же в дерзнове́нии предстои́ши с ли́ки святы́х, да да́рует стране́ на́шей мир и утвержде́ние, на враги́ побе́ду и одоле́ние, церква́м благостоя́ние и всем лю́дем тишину́, и благоде́нствие, и изоби́лие плодо́в земны́х. Угаси́ моли́твами твои́ми разжже́нныя на ны стре́лы диа́вольския, да не прико́снется нам зло́ба грехо́вная, да, благоче́стно сконча́вше вре́менное житие́, сподо́бимся насле́довати Ца́рствие Небе́сное и ку́пно с тобо́ю сла́вити Отца́, и Сы́на, и Свята́го Ду́ха во ве́ки веко́в. Ами́нь.
Молитва
О, всеблаже́нне о́тче наш, преподо́бне Анто́ние, те́плый засту́пниче и помо́щниче с ве́рою призыва́ющим тя, изба́ви нас моли́твами си ко Го́споду от вся́каго обстоя́ния бесо́вскаго и изми́ нас, окая́нных и недосто́йных рабо́в твои́х, о чудотво́рче Анто́ние, от уст па́губнаго зми́я, зия́ющаго пожре́ти нас и свести́ во ад жи́вых, прости́ нас, о́тче, ели́ко согреши́хом ти, и исто́ргни нас от греха́ и вся́кия напа́сти, приходя́щия грехо́в ра́ди на́ших. Пода́ждь душа́м на́шим утеше́ния, всади́ в сердца́ на́ша страх Суда́ Бо́жия и изба́ви нас от враго́в на́ших, ви́димых и неви́димых, тебе́ бо и́мамы те́пла моли́твенника и засту́пника, и́же в беда́х су́щии и в грехи́ впа́дшия. Ты бо яви́ся столп благоче́стия, воздержа́ния пра́вило, смиренному́дрия о́браз, целому́дрия наста́вник, убо́гим и сирота́м засту́пник и храни́тель прибега́ющим к тебе́. Кто у́бо по досто́инству мо́жет похвали́ти равноа́нгельное твое́ житие́ и кто мо́жет изчести́ твои́х трудо́в по́двизи и сле́зы ко Го́споду, вои́стинну я́ко со́лнца светле́йши возсия́ша твоя́ исправле́ния. Ревни́тель бо бысть всех святы́х преподо́бных и пра́ведных и учи́тель духо́вный, побо́рник, и засту́пник, и моли́твенник, Пресвяте́й Тро́ице предстоя́. Ты я́ко мир оста́вил еси́ и я́же в ми́ре, и нас в покая́ние приведи́ ко Го́споду моли́твами си, о́тче всечестне́йший, да и мы сподо́бимся ве́чных благи́х, иде́же наслажда́ешися Небе́сныя сла́вы жела́емаго Иису́са Христа́, И́стиннаго Бо́га на́шего и Сладча́йшаго Влады́ки и Го́спода всех. Ему́же подоба́ет вся́кая сла́ва, честь и поклоне́ние со Безнача́льным Его́ Отце́м и Пресвяты́м, и Благи́м, и Животворя́щим Его́ Ду́хом, ны́не, и при́сно, и во ве́ки веко́в. Ами́нь.
Молитва
О, преподо́бнии и Богоно́снии отцы́ на́ши Зоси́мо и Савва́тие, земни́и а́нгели и Небе́снии челове́цы, бли́жнии дру́зи Христо́вы и уго́дницы Бо́жии, оби́тели ва́шея сла́во и украше́ние, всея́ же се́верныя страны́, па́че и всего́ Правосла́внаго оте́чества на́шего необори́мая стено́ и вели́кое заступле́ние! Се мы, недосто́йнии и многогре́шнии, с благогове́йною любо́вию ко святы́м моще́м ва́шим припа́дающе, ду́хом сокруше́нным и смире́нным приле́жно мо́лим вас: моли́те непреста́нно благосе́рдаго Влады́ку и Го́спода на́шего Иису́са Христа́, я́ко дерзнове́ние ве́лие к Тому́ иму́щии, да не отсту́пит от нас Его́ вседе́йствующая благода́ть, покро́в же и заступле́ние Пресвяты́я Влады́чицы на́шея Богоро́дицы на ме́сте сем да пребу́дет, и да не оскуде́ют никогда́же и́стиннии ревни́тели а́нгельскаго жития́ во святе́й оби́тели сей, иде́же вы, богоно́снии отцы́ и нача́льницы, безме́рными труды́ и поще́ньми, то́ки же сле́зными и всено́щными бде́нии, непреста́нными моли́твами и моле́ньми нача́ло и́ноческому житию́ положи́сте. Ей, уго́дницы святи́и, моли́твенницы к Бо́гу благоприя́тнейшии, те́плыми ва́шими к Нему́ мольба́ми огради́те и сохрани́те ны и свято́е селе́ние сие́ ва́ше от тру́са, пото́па, огня́ и меча́, наше́ствия иноплеме́нных и смертоно́сныя я́звы, от вражды́ и вся́ких нестрое́ний, от вся́кия беды́ и ско́рби и от вся́каго зла: да непреста́нно на ме́сте сем, в ми́ре и безмо́лвии, благоче́стно сла́вится пресвято́е и́мя Го́спода и Бо́га, и обрета́ют ве́чное спасе́ние и́щущие Его́. О, преблаже́ннии отцы́ на́ши, Зоси́мо и Савва́тие! Услы́шите ны гре́шныя, во святе́й оби́тели ва́шей и под кро́вом ва́шего защище́ния недосто́йно жи́тельствующыя, и благомо́щными ва́шими к Бо́гу хода́тайствы испроси́те душа́м на́шым грехо́в оставле́ние, жития́ исправле́ние и ве́чных благ восприя́тие в Небе́снем Ца́рствии: всем же ве́рующим, и́же на вся́ком ме́сте и во вся́кой ну́жде призыва́ют вас в по́мощь и заступле́ние, и и́же с благогове́йною любо́вию во оби́тель ва́шу притека́ют, не преста́ните излива́ти вся́кую благода́ть и ми́лость, сохраня́юще их от вся́кия сопроти́вныя си́лы, от вся́кия напа́сти и от вся́каго зла́го обстоя́ния, и подаю́ще им вся потре́бная к душе́вней и теле́сней по́льзе. Наипа́че же моли́те премилосе́рдаго Бо́га, да утверди́т и укрепи́т Це́рковь Свою́ святу́ю и все на́ше Правосла́вное оте́чество в ми́ре и тишине́, в любви́ и единомы́слии, в правове́рии и благоче́стии да сохрани́т и соблюде́т во ве́ки веко́в. Ами́нь.
Молитва
О, преподо́бне о́тче, уго́дниче Христо́в Савва́тие, все́ю душе́ю Го́спода возлюби́вый и удали́выйся в пусты́ню сию́ и тече́ние по́двига спаси́тельнаго соверши́вый. О ве́рный ра́бе Царя́ Небе́снаго, учи́телю доброде́телей, о́браз смире́ния, граждани́не пусты́нный, А́нгелом собесе́дниче, Херуви́ме земны́й, челове́че Небе́сный. О све́те немра́чный ото́ка Солове́цкаго, па́че же ве́лие свети́ло всея́ Це́ркви правове́рных. Молю́ся ти, пречестны́й, аз, многогре́шный (имя рек): услы́ши убо́гое мое́ моле́ние, раба́ твоего́, вонми́ глаго́лам нечи́стых усте́н мои́х, твоея́ ны́не по́мощи тре́бующаго. Се бо враг прелука́вый на вся́ко вре́мя тщи́тся мя погуби́ти, иски́й го́рько поглоти́ти ду́шу мою́ и несть мне спасе́ния, иде́же по́мощь прия́ти, зане́ не́мощию пло́ти моея́ обложе́н есмь и страстьми́ весь до́лу преклони́хся, не и́мам к Бо́гу дерзнове́ния. Ны́не же то́чию к твоему́ поверга́ю себе́ заступле́нию: поми́луй мя, омраче́ннаго все́ми злы́ми де́лы, воздежи́ о мне всечестне́и твои́ ру́це ко Го́споду, о моли́твенниче те́плый, Савва́тие преподо́бне. Да за благоутро́бие щедро́т Свои́х пода́ст ми грехо́в оставле́ние и в день Су́дный изба́вит мя ве́чнаго муче́ния и Ца́рствию Своему́ сподо́бит благода́тию Свое́ю, Ему́же бу́ди всегда́ сла́ва, честь и поклоне́ние во ве́ки. Ами́нь.
Перевод: (имя рек)
Молитва
О, свяще́нная главо́, А́нгеле земни́й и челове́че Небе́сный, преподо́бне и богоно́сне о́тче наш Алекса́ндре, изря́дный уго́дниче Пресвяты́я и Единосу́щныя Тро́ицы, явля́яй мно́гия ми́лости живу́щим во святе́й оби́тели твое́й и всем, с ве́рою и любо́вию притека́ющим к тебе́! Испроси́ нам вся благопотре́бная к житию́ сему́ вре́менному, и ну́жная к ве́чному спасе́нию на́шему. Посо́бствуй предста́тельством твои́м, уго́дниче Бо́жий, пред Го́сподем на враги́ ви́димыя и неви́димыя. Ве́рных рабо́в Его́, в ско́рби и печа́ли день и нощь вопию́щих к Нему́, многоболе́зненный вопль да услы́шит и да изведе́т от поги́бели живо́т наш. Да в ми́ре глубо́це пребу́дет свята́я Правосла́вная Це́рковь Христо́ва, и в благострое́нии зи́ждется Оте́чество на́ше, во вся́ком благоче́стии неруши́мо. Бу́ди всем нам, чудотво́рче святы́й, помо́щник ско́рый во вся́кой ско́рби и обстоя́нии. Наипа́че же в час кончи́ны на́шея яви́ся нам засту́пник благосе́рдый, да не пре́дани бу́дем на мыта́рствех возду́шных вла́сти зло́бнаго мироде́ржца, но да сподо́бимся непреткнове́ннаго восхо́да в Ца́рствие Небе́сное. Ей, о́тче, моли́твенниче наш при́сный! Не посрами́ упова́ния на́шего, не пре́зри смире́нная моле́ния на́ша, и предста́тельствуй за нас пред Престо́лом Живонача́льныя Тро́ицы, да сподо́бимся вку́пе с тобо́ю и со все́ми святы́ми мы, недосто́йнии, в селе́ниих ра́йских сла́вити вели́чие, благода́ть и ми́лость Еди́наго в Тро́ице Бо́га, Отца́ и Сы́на и Свята́го Ду́ха, во ве́ки веко́в. Ами́нь.
Молитва
Бо́же, очи́сти мя́ гре́шнаго, и поми́луй мя́, и прости́ ми́, Го́споди Бо́же, Спа́се Ми́лостивый! Да́ждь ми́, Го́споди, христиа́нский коне́ц с Пречи́стым Те́лом и с Честно́ю Кро́вию, со слеза́ми и покая́нием. Изба́ви, Го́споди, му́ки ве́чныя, огня́ негаси́маго, и че́рвия неусыпа́ющаго, и смолы́ кипя́щия. Ты́ созда́л мя́ еси́, Го́споди, Ты́ поми́луй, Го́споди, Твое́ е́смь созда́ние. Пречи́стая Госпоже́ Ми́лостивая, Цари́це Небе́сная, помоли́сь Го́споду Бо́гу и Спа́су на́шему Иису́су Христу́, Сы́ну Твоему́, за мене́, гре́шнаго раба́ Твоего́ (имяре́к). Да́ждь ми́, Госпоже́, христиа́нский коне́ц с Пречи́стым Те́лом и Честно́ю Кро́вию и со слеза́ми и покая́нием. Изба́ви, Госпоже́, му́ки ве́чныя, огня́ негаси́маго, и че́рвия неусыпа́ющаго, и смолы́ кипя́щия. Пречи́стая Госпоже́, Ми́лостивая Цари́це Небе́сная, Ты́ еси́ Моле́бница ко Го́споду Бо́гу и Спа́су на́шему Иису́су Христу́ за мене́, гре́шнаго и окая́ннаго раба́ Твоего́ (имяре́к), Ты́ еси́ Помо́щница, Ты́ Засту́пница от вся́каго зла́ и супоста́та, не забу́ди, Пречи́стая Госпоже́, ни́щаго Твоего́ до конца́. Посе́м: Засту́пнице усе́рдная, Благоутро́бная Го́спода Ма́ти, к Тебе́ прибега́ю а́з окая́нный и па́че все́х челове́к гре́шнейший. Вонми́ гла́су моле́ния моего́ и во́пль мо́й и стена́ние услы́ши. Я́ко беззако́ния моя́ превзыдо́ша главу́ мою́ и а́з, я́коже кора́бль в пучи́не, погружа́юся в мо́ре грехо́в мои́х. Но Ты́, Всеблага́я и Милосе́рдая Влады́чице, не пре́зри мене́, отча́яннаго и во гресе́х погиба́ющаго. Поми́луй мя́, ка́ющагося в злы́х де́лех мои́х, и обрати́ на пу́ть пра́вый заблу́ждшую окая́нную ду́шу мою́. На Тебе́, Влады́чице моя́ Богоро́дице, возлага́ю все́ упова́ние мое́. Ты́, Ма́ти Бо́жия, сохрани́ и соблюди́ мя́ под кро́вом Твои́м ны́не и при́сно и во ве́ки веко́в. Ами́нь.
Перевод: (имяре́к)
Молитва
О, преподо́бне и Богоно́сне о́тче наш Ге́рмане, безмо́лвнаго и́ноческаго жития́ во о́строве Солове́цтем первонача́льниче! Мо́лим тя мы недосто́йнии, предстоя́ще пред честно́й ико́ной твое́й: бу́ди моли́твенник и хода́тай о нас гре́шных пред Престо́лом Вседержи́теля Бо́га, Ему́же в дерзнове́нии предстои́ши со А́нгелы и все́ми святы́ми, да да́рует нам, я́ко Благи́й и Человеколюби́вый, вся потре́бная к животу́ и благоче́стию, душа́м и телесе́м на́шим здра́вие, во всех благи́х преспе́яние и Свою́ всеси́льную по́мощь во вся́ких искуше́ниих, беда́х же и напа́стех, воздвиза́емых на ны от враг спасе́ния на́шего; оби́тели же твое́й моли́ изба́витися от вся́каго зла́го обстоя́ния, и приходя́щим в ню бли́жним и да́льним получи́ти вся проси́мая ко душе́вней и теле́сней по́льзе. Наипа́че же испроси́, уго́дниче Христо́в, всем нам грехо́в отпуще́ние, христиа́нскую кончи́ну жития́ и насле́дие Ца́рства Небе́снаго у Христа́ Бо́га на́шего, Ему́же честь и сла́ва со Отце́м и Святы́м Ду́хом, ны́не и при́сно и во ве́ки веко́в. Ами́нь.
Молитва
О, блаже́нная и пречестна́я и благода́ти Свята́го Ду́ха испо́лненная главо́, сосу́де избра́нный Святы́я Тро́ицы, преподо́бне о́тче наш Кири́лле, услы́ши нас, гре́шных, предстоя́щих ны́не пред тобо́ю и уми́льно моля́щих тя: помоли́ся о нас, рабе́х твои́х, ко Всеми́лостивому Влады́це Иису́су Христу́ Бо́гу на́шему и Его́ ро́ждшей Ма́тери, Влады́чице на́шей Богоро́дице и Присноде́ве Мари́и, е́же отпусти́ти нам согреше́ния на́ша, я́же соде́яхом. Ве́мы бо, о́тче наш, а́ще пло́тию и в пе́рсти почива́еши, но ду́хом зде с на́ми неотсту́пно и неви́димо пребыва́еши, назира́я нас и назида́я по твоему́ нело́жному обеща́нию, сохраня́еши от вся́ких обстоя́ний. И я́коже мно́го дерзнове́ние стяжа́вый ко Го́споду по́стническими твои́ми по́двиги, умоли́ Его́ святы́ми твои́ми моли́твами пода́ти ми́ру мир, Це́ркви Его́ Святе́й – единомы́слие, стране́ – на враги́ побе́ду, служа́щим же ти – друг ко дру́гу любо́вь и согла́сие и всем лю́дем, притека́ющим к тебе́ с ве́рою, испроси́ у Го́спода к по́льзе душе́вней и теле́сней ми́лость, мир, благослове́ние, во е́же изба́витися нам всем в День Су́дный стра́шный, шу́ия ча́сти спасти́ся, ста́ти же одесну́ю со избра́нными Его́ к насле́дию Ца́рствия Небе́снаго, я́ко Тому́ подоба́ет вся́кая сла́ва, честь и поклоне́ние со Безнача́льным Его́ Отце́м и Пресвяты́м и Благи́м и Животворя́щим Его́ Ду́хом ны́не, и при́сно, и во ве́ки веко́в. Ами́нь.
Молитва
О, пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый наш засту́пниче, святи́телю Фили́ппе, предстоя́ у Престо́ла всех Царя́ и наслажда́яся све́та единосу́щныя Тро́ицы и херуви́мски со а́нгелы возглаша́я песнь трисвяту́ю, вели́кое же и неизсле́дованное дерзнове́ние име́я ко всеми́лостивому Влады́це, моли́ спасти́ся па́ствы Христо́вы лю́дем, благостоя́ние святы́х церкве́й утверди́: архиере́и благоле́пием святи́тельства украси́, мона́шествующыя к по́двигом до́браго тече́ния укрепи́, ца́рствующий град и вся гра́ды и страны́ до́бре сохрани́, и ве́ру святу́ю непоро́чну соблюсти́ умоли́, мир весь предста́тельством твои́м умири́, от гла́да и па́губы изба́ви ны, и от нападе́ния иноплеме́нных сохрани́, ста́рыя уте́ши, ю́ныя наста́ви, безу́мныя умудри́, вдови́цы поми́луй, си́роты заступи́, младе́нцы возрасти́, пле́нных возврати́, немощству́ющыя и моля́щияся тебе́ от всех напа́стей и бед хода́тайством твои́м свободи́: моли́ о нас Всеще́драго и Человеколюби́ваго Христа́ Бо́га на́шего, да и в день Стра́шнаго Прише́ствия Его́ от шу́ияго стоя́ния изба́вит нас, и ра́дости святы́х прича́стники сотвори́т со все́ми святы́ми во ве́ки веко́в. Ами́нь.
Молитва
О, всеблаже́нне и Богоно́се Арсе́ние, о́тче наш! Сый во сла́ве Небе́снаго Царя́ Христа́ Бо́га, предстоя́ Престо́лу Его́ со все́ми Его́ святы́ми, не пре́зри нас, до́лу су́щих, гре́шных и недосто́йных, со слеза́ми тебе́ моля́щихся, но приими́ серде́чное стена́ние и бре́нных усте́н моле́ние сие́ на́ше. Тебе́ бо вси мо́лимся, о преподо́бне о́тче, и тебе́ умиле́нно про́сим: бу́ди о нас хода́тай и моли́твенник тепле́йший ко Всеблаго́му Бо́гу. Моли́ бла́гость Его́, е́же спасти́ нас от прегреше́ний на́ших, и́миже весть судьба́ми. Моли́ся щедро́там Его́, е́же подава́ти ще́дро всему́ ми́ру потре́бная. Моли́ся Даю́щему всем мир низпосла́ти мир це́рквам, собира́я расточе́нныя воеди́но, сохрани́ти зе́млю Ру́сскую в ми́ре и тишине́, и всем ве́рным в до́ме, и на пути́, и на мо́ри, и повсю́ду дни бла́ги и безмяте́жны дарова́ти; благослови́ти труды́ отце́в и бра́тий на́ших и прости́ти всех согреше́ния во́льная и нево́льная, я́ко да сподо́бимся и мы, гре́шнии, вку́пе с тобо́ю сла́вити Отца́ и Сы́на и Свята́го Ду́ха в безконе́чныя ве́ки. Ами́нь.
Молитва
О, преподо́бне и богоно́сне о́тче наш Ио́но! Ты, порабо́тати Го́сподеви жела́я, зде всели́лся еси́, и неле́ностно во труде́х, во бде́ниих, в моли́твах и посте́х подвиза́лся еси́, и был еси́ наста́вник мона́шествующим, всем же лю́дем учи́тель ре́вностный. Ны́не у́бо, по отше́ствии твое́м от земны́х, Небе́сному Царю́ предстоя́, моли́ бла́гость Его́, е́же уще́дрити ме́сто селе́ния на́шего, святы́й храм сей, иде́же ду́хом любве́ твоея́ неотсту́пно пребыва́еши, и всем лю́дем твои́м, с ве́рою к тебе́ припа́дающим, во блага́я проше́ния их испо́лнити. Испроси́ у Ми́лостиваго Го́спода на́шего, да низпосле́т нам оби́лие благ земны́х, па́че же я́же на по́льзу душ на́ших да да́рует нам, и сконча́ти житие́ сие́ привре́менное в покая́нии да сподо́бит, в день же су́дный десна́го предстоя́ния и наслажде́ния во Ца́рствии свое́м да удосто́ит во ве́ки веко́в. Ами́нь.
Молитва
О, преподо́бнии и всечестни́и отцы́ Вассиа́не и Ио́но, уго́дницы Христо́вы блаже́ннии и чудотво́рцы пресла́внии! По́стничеством Бо́гу пе́рвее угоди́вше и де́лы благоче́стно на земли́ подвиза́вшеся, я́ко свети́ла све́тлая, по сме́рти в ми́ре возсия́вше, просвеща́юще ве́рных чуде́с све́тлостию, вы засту́пницы те́плии показа́стеся. Мно́гих, в ско́рбех и беда́х стра́ждущих и поги́бнути иму́щих, здра́вы сохраня́ете, непослу́шавших же завеща́ния ва́шего и малове́рующих отмсти́тельне наказа́сте, и пре́жде заблу́ждшей жене́ путевожди́ бы́сте, и осле́пшему па́ки прозре́ние дарова́сте. Де́рзостне же косну́вшагося целе́бных моще́й ва́ших напра́сно отри́нусте и, разслабле́нием наказа́вше, поми́ловасте. К сим же и ина́я пресла́вная соде́ласте, и бы́вшее оскуде́ние во оби́тели ва́шей сугу́бо испо́лнисте, соблюда́юще ю́. Мо́лимся у́бо ны́не вам, о преблаже́ннии отцы́, услы́шите моле́ние на́ше, не пре́зрите нас в бе́дах и ско́рбех, призыва́ющих вас ве́рою, бу́дите помо́щницы нам ско́рии и покрови́тели, сохрани́те же во благоде́нствии, ми́ре и тишине́ оте́чество на́ше. К сим же и духо́внаго о вас собра́ния не оста́вите до конца́, посеща́юще я́ всегда́, о преподо́бнии, изоби́лованием вся́цем, и моли́теся при́сно о нас ко Го́споду, да моли́твами ва́шими грехо́в проще́ние полу́чим, и Ца́рствия Небе́снаго сподо́бимся благода́тию Его́, я́ко Тому́ подоба́ет вся́кая сла́ва, честь и поклоне́ние, ны́не, и при́сно, и во ве́ки веко́в. Ами́нь.
Молитва
О, преподо́бне о́тче Адриа́не, уго́дниче Бо́жий, пусты́нный жи́телю, послу́шниче Христо́в! Ты́ убие́ние от нечести́вых челове́к по науще́нию вра́жию претерпе́л еси́, но Госпо́дь Бо́г десна́го стоя́ния Своего́ со святы́ми тя́ сподо́би. Сего́ ра́ди к ра́це честны́х моще́й твои́х припа́даем и мо́лим тя́ усе́рдно: бу́ди моли́твенник ко Го́споду Бо́гу о на́с гре́шных, святы́ми твои́ми моли́твами сохрани́ на́с от вся́каго зла́, огня́, гла́да, пото́па и вся́кия боле́зни и внеза́пныя сме́рти, и умоли́ Го́спода Бо́га дарова́ти на́м оставле́ние грехо́в, десна́го же стоя́ния и на́с сподо́бити, да непреста́нно прославля́ем Пресвяту́ю Тро́ицу, Отца́ и Сы́на и Свята́го Ду́ха, во ве́ки веко́в. Ами́нь.
Молитва
О, преподо́бне о́тче наш Авраа́мие! Не забу́ди нас, но помина́й всегда́ во святы́х твои́х богоприя́тных моли́твах к Бо́гу. Помяни́ ста́до твое́, е́же сам и пасл еси́, и не забу́ди посеща́ти ча́да твоя́, и моли́ за ны, о́тче свяще́нный, я́ко име́я дерзнове́ние ко Го́споду: не мним бо тя ме́ртва су́ща, а́ще и преста́вился еси́ от нас, па́стырю наш до́брый! Се мо́щи твоя́ святы́я пред очи́ма на́шима: свята́я же твоя́ душа́ с а́нгельскими безпло́тными ли́ки у Престо́ла Всех Царя́ предстоя́щи досто́йно весели́тся. Испроси́ у́бо нам вре́мя на покая́ние, е́же невозбра́нно прейти́ от земли́ на Не́бо, и ве́чныя му́ки изба́витися, и Небе́снаго Ца́рствия насле́дниками бы́ти со все́ми пра́ведными, от ве́ка благоугоди́вшими Го́споду на́шему Иису́су Христу́. Ему́же подоба́ет вся́кая сла́ва, честь и поклоне́ние со Отце́м и Святы́м Ду́хом, ны́не, и при́сно, и во ве́ки веко́в. Ами́нь.
Молитва
Первозва́нне апо́столе Бо́га и Спа́са на́шего Иису́са Христа́, Це́ркве после́дователю верхо́вный, всехва́льне Андре́е, сла́вим и велича́ем апо́стольския труды́ твоя́, сла́дце помина́ем твое́ благослове́нное к нам прише́ствие, ублажа́ем честна́я страда́ния твоя́, я́же за Христа́ претерпе́л еси́, лобыза́ем свяще́нныя мо́щи твоя́, чтим святу́ю па́мять твою́ и ве́руем, я́ко жив Госпо́дь, жива́ же и душа́ твоя́ и с Ним во ве́ки пребыва́еши на Небеси́, иде́же и лю́биши ны то́южде любо́вию, е́юже возлюби́л еси́ нас, егда́ Ду́хом Святы́м прозре́л еси́ на́ше е́же ко Христу́ обраще́ние, и не то́чию лю́биши, но и мо́лиши о нас Бо́га, зря во Све́те Его́ вся ну́жды на́ша. Та́ко ве́руем и та́ко сию́ ве́ру на́шу испове́дуем во хра́ме, и́же во и́мя твое́, святы́й Андре́е, пресла́вно созда́ся, иде́же святы́я мо́щи твоя́ почива́ют; ве́рующе же, про́сим и мо́лим Го́спода и Бо́га и Спа́са на́шего Иису́са Христа́, да моли́твами твои́ми, я́же при́сно послу́шает и прие́млет, пода́ст нам вся потре́бная ко спасе́нию нас гре́шных; да я́коже ты а́бие по гла́су Го́спода, оста́вль мре́жи своя́, неукло́нно Ему́ после́довал еси́, си́це и ки́йждо от нас да и́щет не свои́х си, но е́же к созида́нию бли́жняго и о го́рнем зва́нии да помышля́ет. Иму́ще же тя предста́теля и моли́твенника о нас, упова́ем, я́ко моли́тва твоя́ мно́го мо́жет пред Го́сподем и Спаси́телем на́шим Иису́сом Христо́м, Ему́же подоба́ет вся́кая сла́ва, честь и поклоне́ние со Отце́м и Святы́м Ду́хом во ве́ки веко́в. Ами́нь.
Молитва
О, преподо́бне о́тче наш Корни́лие, вели́кий уго́дниче Бо́жий и ско́рый в беда́х предста́телю! Не забу́ди, я́коже обеща́лся еси́, посеща́ти нас, чад свои́х; а́ще бо те́лом от нас и отше́л еси́, но ду́хом с на́ми пребыва́еши. Мо́лимся у́бо тебе́, о преподо́бне о́тче Корни́лие, бу́ди предста́тель за ны, гре́шныя рабы́ своя́, ко Го́споду Иису́су Христу́ и Пречи́стей Его́ Богома́тери, Влады́чице на́шей Богоро́дице, да изба́вимся от гла́да, губи́тельства, тру́са, пото́па, огня́ и меча́, от наше́ствия иноплеме́нных и междоусо́бныя бра́ни, от напра́сныя сме́рти и от всех враго́в ви́димых и неви́димых. О преподо́бне о́тче Корни́лие! Услы́ши нас, гре́шных рабо́в свои́х, моля́щихся тебе́, изря́днее же в час сей со слеза́ми припа́дающих к тебе́: не отри́ни нас от своего́ заступле́ния: а́ще бо и гре́шнии есмы́, но с ве́рою притека́ем к честно́му твоему́ гро́бу и с любо́вию облобыза́юще честну́ю твою́ ико́ну, уми́льно зове́м: приими́ от нас, недосто́йных, моли́тву сию́, я́ко кади́ло благово́нное, я́ко же́ртву благоприя́тну, и умерщвле́нныя на́ша ду́ши злы́ми де́лы и по́мыслы оживи́, преподо́бне, и просвети́ на́ша о́чи серде́чныя, я́коже и деви́це Ага́фии исцели́л еси́ десно́е о́ко, и зре́ти сотвори́л, и Бори́су стра́ждущему во сне яви́лся еси́, и, от разслабле́ния здра́ва соде́лавши, во и́ноческий о́браз приве́л еси́ его́, та́кожде и нас, содержи́мых у́зами вра́жиими, и́миже связа́ нас зло́е на́ше произволе́ние, исто́ргни из глубины́ прегреше́ний на́ших и к пути́ покая́ния наста́ви, и от се́ти диа́воли разреши́ ми́лостивным свои́м предста́тельством. Ами́нь.
Молитва
О, преподо́бнии отцы́ на́ша, Христо́вы уго́дницы и чудотво́рцы Генна́дие и Ники́форе, оби́тели Важее́зерския предста́тилие и храни́тилие! Предстоя́ще Престо́лу Вседержи́теля и име́юще к Нему́ дерзнове́ние, воззри́те ми́лостиво на нас чад ва́ших недосто́йных со благогове́нием и любо́вию к вам припа́дающих и те́пле прося́щих. Мо́лим вас, отцы́ преблаже́нии, по да́нной вам от Бо́га благода́ти, помози́те нам твори́ти во́лю Госпо́дню в простоте́ се́рдца и смире́нии. Испроси́те нам у бла́гости Его́ ве́ру пра́вую, покая́ние и́стинное, моли́тву серде́чную, братолю́бие соверше́нное и вся благопотре́бная ко спасе́нию; труды́ же и ско́рби на́ша терпели́во, безро́потно и со благодаре́нием понести́, христиа́нскую кончи́ну обрести́ и до́брый отве́т на стра́шном суди́лище Христо́ве получи́ти. Не забу́дьте и оби́тель ва́шу святу́ю, ва́ми созда́нную и при́сно вас чту́щую, и сохрани́те ю́ и вся подвиза́ющиеся в ней и на поклоне́ние к вам приходя́щая от искуше́ний диа́вольских и вся́кого зло́го обстоя́ния; да и мы предста́тельством ва́шим сподо́бимся дости́гнути обетова́нного нам Ца́рствия Небе́сного, сла́вяще Безнача́льную Тро́ицу, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
Молитва
О, преподо́бне о́тче наш Варлаа́ме, я́ко име́яй дерзнове́ние ко Творцу́, Изба́вителю всех, И́же в Тро́ице Святе́й покланя́емому и́стинному Христу́, Бо́гу на́шему, помяни́ нас в моли́твах свои́х и всех нас моле́ния, Бо́гу возсыла́емая, приими́ и принеси́ хода́тайственне. Мо́лим тя, изба́ви нас от напа́стей, и на мо́ри зе́льнаго обурева́ния, и потопле́ния морска́го невреди́мы сохрани́, и от всех ви́димых и неви́димых враг ненаве́тны соблюди́, я́ко да твои́ми моли́твами, свя́те, согреше́ний на́ших оставле́ние полу́чим и ве́чных благ сподо́бимся благода́тию и человеколю́бием Го́спода на́шего Иису́са Христа́, Ему́же сла́ва со Отце́м и Святы́м Ду́хом ны́не и при́сно и во ве́ки веко́в. Ами́нь.
Молитва
О, преподо́бне и достоблаже́нне Диодо́ре, о́тче наш, по́стниче терпеливоду́шный, безмо́лвия рачи́телю предо́блий, учи́телю духо́вный спасти́ся хотя́щим, разреши́телю тлетво́рных страсте́й незло́бивый, моли́твенниче о бию́щих тя безви́нно, Христоподо́бный, прозорли́вства проро́ческаго испо́лненный, предвозгла́сная о бу́дущих благи́х цевни́це, адама́нте ве́ры во Христа́ несеко́мый, сто́лпе терпе́ния незы́блемый, за́поведей Творца́ своего́ благопослу́шливый соверши́телю, плотоно́сный А́нгеле и Ду́ха Свята́го вмести́лище благоуха́нное, жи́телю пусты́нный несумни́тельный, смиренному́дрый Небе́сный челове́че и сожи́телю Го́рним чинонача́лиям! Ты кро́тостию ду́ха кро́тких зе́млю насле́довал еси́, друг же и уго́дник в Тро́ице сла́вимому Бо́гу на́шему яви́лся еси́, И́же и просла́вити тя благоизво́ли. Ве́мы бо, преподо́бне, ка́ко Бог изоби́льно от тебе́ чуде́сному дождю́ ве́рным кропи́ти повеле́. К тебе́ у́бо припа́дающе, любе́зно мо́лим тя, уго́дниче досточу́дный: не преста́й моля́ся Пресвяте́й и Живонача́льней Тро́ице, да низпосле́т стране́ на́шей тишину́ и мир, на враги́ побе́ду и одоле́ние, церква́м же согла́сие и всем лю́дем смиренному́дрие и изоби́лие благи́х. Угаси́, блаже́нне, моли́твами твои́ми паря́щия на ны разжже́нныя бесо́вския стре́лы, да не прико́снется нам зло́ба грехо́вная, и всем всегда́ ми́лостивное да́руй. При́зри и на мя, недосто́йнаго: свя́зан бо есмь лю́те плени́цами прегреше́ний мои́х и в пучи́ну стра́стнаго мо́ря влеко́м, увы́ мне! неодержа́нно. Сего́ ра́ди приле́жно молю́ святы́ню твою́, пребога́те, и припа́даю к тебе́ со слеза́ми, глаго́ля: предста́ни ми на пути́ напа́сти моея́, расто́ргни у́зы, отжени́ стра́сти, осла́би от грехо́вных вери́г, изба́ви мя от належа́щия ско́рби и от вся́каго зла, да не сведе́н бу́ду по дело́м мои́м в снедь лю́тому мироде́ржцу врагу́. Разреши́ мя от боле́зненных соу́з и спасе́ние да́руй ми, я́ко да спаса́ем моли́твами твои́ми, воспою́ и просла́влю от всея́ ви́димыя и неви́димая тва́ри в Тро́ице сла́вимаго Бо́га, Отца́, и Сы́на, и Свята́го Ду́ха, ны́не и в безконе́чныя ве́ки веко́в. Ами́нь.
Молитва
О, всесвяты́я Тро́ицы уго́дниче, о блаже́ннейший и равноапо́стольный па́стырю, преподо́бне о́тче наш Три́фоне! Не забу́ди твоея́ па́ствы, помина́й во святы́х твои́х и богоприя́тных моли́твах, приноси́мых в Тро́ице сла́вимому Бо́гу, ста́до твое́, е́же сам, по благове́стию от А́нгела, прише́ствием твои́м собра́л и упа́сл еси́. Поне́же в сро́дстве твоего́ мирска́го жили́ща, слы́шав во святе́й це́ркви на у́трени пою́щих: «пусты́нным живо́т сокрове́н есть, Боже́ственным раче́нием воскриля́ющимся», и от того́ воспери́вся Боже́ственною любо́вию, оста́вль дом и сродство́ и прише́д в край се́верныя страны́, просвети́л еси́ святы́м креще́нием неве́дующий Творца́, всех Бо́га, лопа́рский наро́д, за е́же, во утвержде́нии Христиа́нския ве́ры, мно́га изгна́ния и злоключе́ния подъя́л еси́; и близ реки́ Пече́неги в пу́стыню всели́вся, бра́тию из мно́гих градо́в и ве́сей собра́в, ве́лию оби́тель воздви́гл еси́, и при отше́ствии к Небе́сным селе́нием, о посеще́нии твоея́ оби́тели проро́чествия дар от Бо́га восприя́л еси́, и по сме́рти на мо́ри и на су́ше мно́га чудеса́ и цельбы́ с ве́рою прося́щим сотвори́л еси́ и ны́не твори́ши. Те́мже мо́лим тя, не забу́ди присеща́ти чад твои́х, моли́ за ны, преподо́бне о́тче, приходя́щая к тебе́ с ве́рою, и за вся христиа́ны, я́ко име́яй дерзнове́ние к безсме́ртному Царю́ Христу́ всех Бо́гу; не премолчи́ за ны ко Го́споду и не пре́зри нас, ве́рою и любо́вию чту́щих тя и помина́ющих святу́ю па́мять твою́. А́ще бо ты и преста́вился еси́ от нас те́лом, но и по сме́рти, живы́й ду́хом, всегда́ чудоде́йствуеши. Моли́твами твои́ми сохраня́й нас от стрел и ко́зней вра́жиих, и вся́кия пре́лести бесо́вския, и от враг ви́димых и неви́димых. Па́стырю наш до́брый! А́ще мо́щи твоя́ в ра́це незри́мы нам суть, оба́че, поне́же всегда́ в Тро́ице сла́вимому Бо́гу, при престо́ле Его́ непостижи́маго вели́чествия неотсту́пно в моли́твах предстои́ши, усе́рдно к тебе́ прибега́ем и про́сим: умоли́ и испроси́ нам вре́мя к покая́нию, да в час исхо́да души́ пре́йдем от земны́х к Небе́сным, мыта́рств же возду́шных и ве́чныя му́ки изба́вимся, и Небе́сному Ца́рствию насле́дницы бу́дем со все́ми от ве́ка угоди́вшими. О всеблаже́нне и преподо́бне о́тче наш Три́фоне! Не пре́зри и ны́не нас, притека́ющих к тебе́, я́ко да, моли́твами твои́ми и по́мощию спаса́емы, сла́ву и благодаре́ние, хвалу́ и поклоне́ние за вся в Тро́ице еди́ному Бо́гу, всех Созда́телю, возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Молитва
О, святы́й преподобному́чениче Евфроси́не! Услы́ши усе́рдное на́ше, приноси́мое тебе́ моле́ние. Огради́ и сохрани́ святы́ми моли́твами твои́ми весь сию́ и вся ве́си и гра́ды правосла́внаго оте́чества на́шего от гла́да, тру́са, пото́па, огня́, меча́, наше́ствия иноплеме́нников, междоусо́бныя бра́ни и смертоно́сныя я́звы, от вся́кия беды́, ско́рби и зла. Умоли́ Го́спода Бо́га и Спа́са на́шего дарова́ти мир Це́ркви Его́, под зна́мением Креста́ во́инствующей, архипа́стырем и па́стырем на́шим пра́во пра́вити сло́во и́стины Ева́нгельския хода́тайством твои́м помози́ и всем правосла́вным христиа́ном проще́ние согреше́ний их во́льных и нево́льных испроси́, в неду́зех же пребыва́ющим пода́ждь предста́тельством твои́м от неду́гов исцеле́ние, да тебе́ ра́ди сла́вится пречестно́е и великоле́пое и́мя Пресвяты́я Тро́ицы, Отца́ и Сы́на и Свята́го Ду́ха, ны́не, и при́сно, и во ве́ки веко́в. Ами́нь.
Молитва
О свяще́нная главо́, земный а́нгеле и Небе́сный челове́че, преподо́бне и Богоно́сне о́тче наш Мака́рие! Припада́ем к Тебе́ с ве́рою и любо́вию и мо́лимтися приле́жно: яви́ нам, смире́нным и гре́шным, свято́е твое́ заступле́ние; се бо грех ра́ди на́ших не и́мамы свобо́ды чад Бо́жиих проси́ти о потре́бах на́ших Го́спода и Влады́ку на́шего, но Тебе́, моли́твенника благоприя́тнаго, к Нему́ предлага́ем и про́сим тя со усе́рдием мно́гим: испроси́ нам у бла́гости его́ благопотре́бныя дары душа́м и телесе́м на́шим: ве́ру пра́ву, наде́жду спасе́ния несумне́нну, любо́вь ко всем нелицеме́рну, в искуше́ниях му́жество, в злострада́ниих терпе́ние, в моли́твах постоя́нство, душ и теле́с здра́вие, земли́ плодоно́сие́, возду́ха благорастворе́ние, жите́йских потре́б дово́льство, ми́рное и безмяте́жное житие́, благу́ю христиа́нскую кончи́ну и до́брый отве́т на стра́шнем Суде́ Христо́ве. Испроси́, уго́дниче Бо́жий, у Царя́ Ца́рствующих и Го́спода госпо́дствующих всем правосла́вным христиа́ном здра́вие, спасе́ние и на враги́ одоле́ние, Це́ркви Ру́сстей мир, тишину́ и благострое́ние. Не забу́ди, преподо́бне о́тче, и пусты́нное ме́сто по́двигов твои́х, но благоволи о нем, и просла́ви е́ чудотворе́нии твои́ми, и всех приходя́щих на поклоне́ние моще́м твои́м святы́м от искуше́ний диа́вольских и вся́каго зла ми́лостиво изба́ви. Ей, чудотво́рче святы́й, не лиши́ нас по́мощи твоея́ Небе́сныя, но моли́твами твои́ми всех нас приведи́ в приста́нище спасе́ния и насле́дники яви́ нас быти всесве́тлаго Ца́рствия Христо́ва, да пое́м и сла́вим неизрече́нныя щедро́ты Человеколю́бца Бо́га, Отца́ и Сы́на и Свята́го Ду́ха, и твое́ свято́е оте́ческое заступле́ние во ве́ки веко́в. Ами́нь.
2-я Молитва
О, преподо́бнии и Богоно́снии отцы́ на́ши Се́ргие и Ге́рмане! С ве́рою и любо́вию припа́дающе к святе́й ико́не ва́шей, умиле́нно мо́лим вас: не забу́дите нас, недосто́йных и гре́шных (имена), но предста́тельством ва́шим огради́те нас от злых ко́зней вра́жиих: утоли́те возста́ние страсте́й: укрепи́те не́мощь на́шу в духо́вных бра́нех и по́двизех, предлежа́щих нам: отжени́те вся́кое уны́ние и печа́ль грехо́вную от серде́ц на́ших, и Небе́сное утеше́ние низпосли́те нам во труде́х и ско́рбех на́ших. В стра́шный же час сме́ртный предста́ните всем нам, я́ко же блази́и хода́таи и те́мных зра́ков де́монских прогони́телие: да в ми́ре и покая́нии сконча́вше земно́е по́прище на́ше, дости́гнем и ве́чных благ наслажде́ния, и ку́пно с ва́ми да воспое́м и просла́вим всесвято́е и́мя Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
Перевод: (имена)
2-я Молитва
О, святы́й благове́рный кня́же Алекса́ндре! При́зри ми́лостивно на ны, недосто́йныя рабы́ Бо́жии (имена), и исхода́тайствуй нам житие́ ти́хое и безмяте́жное, и к ве́чному Ца́рствию ше́ствие неукло́нное твои́м предста́тельством устро́й нам, да сохрани́т нас Госпо́дь Бог Свое́ю благода́тию в ми́ре, здра́вии, долгоде́нствии и вся́ком благополу́чии в до́лжайшая ле́та, да при́сно сла́вим и благослови́м Бо́га в Тро́ице Святе́й сла́вимаго, Отца́ и Сы́на и Свята́го Ду́ха, ны́не и при́сно, и во ве́ки веко́в. Ами́нь.
Перевод: (имена)
2-я Молитва
О, пресла́вный, Богоукраше́нный, пресве́тлый свети́льниче, Небе́сного Ца́рствия насле́дниче, безмо́лвия рачи́телю всеизря́дный, трудополо́жниче терпеливоду́шный! Ты дре́вле непло́дную, ны́не же тобо́ю новопросвеще́нную Юрьеву го́ру све́том Христо́вым озари́л еси́, на не́йже и святу́ю оби́тель воздви́гл еси́, и Богоуго́дными твои́ми труды́ и по́двиги, разли́чными добро́тами и благоле́пием сию́ украси́л еси́, и честны́м твои́м и чудотво́рным и цельбоно́сным моще́м просла́витися изво́лил еси́, и те́ми страну́ сию́ освяти́л еси́, и бесо́вския полки́ из нея́ изгна́л еси́. Помози́ мне, гре́шному, о всеблаже́нне, Ду́ха Свята́го благода́тию путь жития́ спаси́тельно ше́ствовати; просвети́ омраче́нную ду́шу мою́ заре́ю Богодарова́нныя ти благода́ти; да́руй ми бога́тно неболе́зненным жи́тельством пожи́ти; покажи́ вход невозбра́нен во огра́ду ве́чнаго пребыва́ния; сохрани́ блужда́ющаго в пусты́ни жите́йстей; отжени́ от се́рдца моего́ душетли́тельную по́хоть; очи́сти скве́рну грехо́вную моли́твами твои́ми, я́звы исцели́ и спасе́ние да́руй, да ве́село зову́ ти, спаса́ем: ра́дуйся, преподо́бне Диодо́ре, о́тче наш, свети́ло незаходи́маго све́та, све́тло сия́ющая звездо́ пресве́тлая, в сия́ после́дняя времена́ в се́верных стра́нах возсия́вшая; ра́дуйся, стране́ Росси́йской вели́кое на супоста́ты поможе́ние и заступле́ние, во бра́нех кре́пкое одоле́ние; ра́дуйся, непоколеби́мый благоче́стия сто́лпе, и́ноческих преда́ний тве́рдый храни́телю и и́ноком наста́вниче духо́вный; ра́дуйся, кре́пкий адама́нте и стра́шный бесо́м прогони́телю и повели́телю; ра́дуйся, гра́ду на́шему и Богозда́нней твое́й оби́тели све́тлая добро́то и оте́честву твоему́ похвало́ ве́чная и непреста́нная. Сподо́би у́бо и мене́ вся́кия ра́дости и Небе́снаго Ца́рствия бы́ти прича́стника ны́не и при́сно и во ве́ки веко́в. Ами́нь.
2-я Молитва
О, преди́вный чудотво́рче и вели́кий уго́дниче Бо́жий, преподо́бне о́тче Анто́ние, па́стырю наш до́брый, те́плый засту́пниче и ско́рый помо́щниче, предстоя́й Престо́лу Святы́я Тро́ицы, при́зри ми́лостивым о́ком на ны и на вся лю́ди, благогове́йне притека́ющия к честно́му гро́бу твоему́, в не́мже лежа́щия святы́я мо́щи твоя́, от дней дре́вних цвету́ще нетле́нием и благоуха́юще благода́тию животворя́щаго Пресвята́го Ду́ха, неоску́дно источа́ют исцеле́ния от вся́ких неду́гов душе́вных и теле́сных, услы́ши нас, моля́щихся и чту́щих святу́ю па́мять твою́. Моли́ ми́лостиваго Бо́га, отврати́ти от нас вся́кий гнев Его́, пра́ведно на ны дви́жимый, и сохрани́ти не то́чию оби́тель на́шу, но и вся гра́ды и ве́си, и вся стра́ны христиа́нския и лю́ди, живу́щия в них, от гра́да и гла́да, от тру́са и пото́па, от огня́ и меча́, от наше́ствия иноплеме́нных и междоусо́бныя бра́ни, от смертоно́сныя я́звы и вся́кия па́губы и вся́каго зла, дарова́ти же нам вся к жи́зни вре́менней благопотре́бная и к ве́чному спасе́нию поле́зная. Помози́ нам, свя́тче Бо́жий, избежа́ти па́губных сете́й диа́вольских, препобеди́ти собла́зны ми́ра и умертви́ти у́ды на́ша, су́щия на земли́; отврати́ о́чи на́ша от су́етных и преле́стных веще́й земны́х, напра́ви же умы́ и мы́сли на́ша к зре́нию красо́т боже́ственных, пренебе́сных и нетле́нных, сердца́ на́ша неду́гующая страстьми́ грехо́вными, исцели́, да не прильпну́т сласте́м привре́менным и безме́стным; согре́й же я боже́ственною любо́вию, да вожделе́ют и́стиннаго и непреходя́щаго блаже́нства, е́же в Бо́зе. Укрепи́ нас к исполне́нию за́поведей Госпо́дних, даждь нам покая́ние серде́чное и умиле́ние сле́зное, моли́тву непреста́нную и трудолю́бие неосла́бное, бо́дренное трезве́ние ума́ и хране́ние се́рдца, мир помысло́в, чистоту́ жела́ний, правоту́ дея́ний, да, изба́вльшеся тобо́ю от всех враг ви́димых и неви́димых, от вся́ких зол душе́вных и теле́сных, и соблю́дше ве́ру пра́вую, наде́жду неотло́жную и любо́вь нелицеме́рную, богоуго́дне сконча́ем житие́ на́ше на земли́, и преше́дше в жизнь ве́чную, сподо́бимся зре́ти трисве́тлую зарю́ трисия́ющаго ве́чнаго Со́лнца, и в невече́рнем дни Небе́снаго Ца́рствия, ку́пно с тобо́ю и со все́ми святы́ми, благода́рне воспева́ти и благословля́ти Пресвяту́ю Тро́ицу, Отца́ и Сы́на и Свята́го Ду́ха, во ве́ки веко́в. Ами́нь.
2-я Молитва
О, вели́кий уго́дниче Христо́в святи́телю о́тче наш Фили́ппе, ско́рый помо́щниче и ди́вный чудотво́рче! При́зри ми́лостивно на ны многогре́шныя, ве́мы бо, се́рдцем и усты́ и со благоразу́мным разбо́йником испове́дуем, я́ко по дело́м на́шим бе́ды пости́гшия нас прие́млем, си́ми бо вре́менными скорбьми́ избежи́м по милосе́рдию Го́спода ве́чныя му́ки, гре́шником угото́ванныя: се́яхом бо се́мена своево́льнаго жития́, пожина́ем же те́рния скорбе́й. Оба́че не́мощни есмы́, и в покая́ние те́плое прише́дше, мо́лимся, да преложи́т Госпо́дь гнев Свой на ми́лость и тебе́, святи́телю Христо́в, усе́рдно про́сим: проле́й те́плую моли́тву твою́ ко Христу́ Го́споду на́шему, Ему́же при́сно предстои́ши и мо́лишися о почита́ющих тя с любо́вию и упова́ющих на твое́ предста́тельство. Умоли́ пра́веднаго Судию́, да защити́т святу́ю оби́тель сию́, ме́сто, в не́йже ты духо́вно породи́лся еси́, и путево́ждь и́ноком свята́го ме́ста сего́ был еси́. Упаси́ я́коже до́брый па́стырь жезло́м бла́гости твоея́ разсе́янныя о́вцы ста́да Христо́ва и во дво́ры Госпо́дни всели́ я́. Огради́ нас от собла́зна ересе́й и раско́лов в правосла́вной Це́ркви на́шей. Научи́ нас, во стра́нствии су́щих, го́рняя му́дрствовати, а не земна́я, просвети́ разсе́янный ум наш и на путь и́стины напра́ви, охладе́вшее се́рдце на́ше любо́вию ко Го́споду и к бли́жним на́шим согре́й. Вдохни́ в нас ре́вность ко исполне́нию веле́ний Бо́жиих. Осла́бленную греха́ми и нераде́нием во́лю на́шу оживотвори́ благода́тию Ду́ха Всесвята́го. Правосла́вие укрепи́, нападе́ния лука́внующих и беззако́нных челове́к на Це́рковь Бо́жию дале́че отжени́. Отпа́дшия ве́тви от лозы́ Христо́вы с то́ю па́ки соедини́, испроси́ у Христа́ Бо́га душа́м и телесе́м на́шим здра́вие и кре́пость, боля́щим исцеле́ние да́руй, стра́ждущих уте́ши, скорбя́щим мир и отра́ду покажи́, пла́чущия ра́доватися сотвори́, печа́льныя ликовствова́ти соде́лай, вражду́ющих умиротвори́, зави́стливыя ми́лостивны покажи́, вся́кия в нас непра́вды испра́ви. Изжени́ вся́кую крамо́лу и лука́выя сове́ты нечести́вых разруши́, оба́че тех в покая́ние приведи́. Архиере́ем и духо́вным па́стырем, поста́вленным пасти́ ста́до Христо́во Росси́йския Правосла́вныя Це́ркви, пода́ждь прему́дрость и пра́ведное житие́, я́коже и сам си́ми доброде́тельми украша́лся еси́, ста́рыя поддержи́, ю́ныя научи́ и уцелому́дри, и да́руй им моли́твами твои́ми трудолю́бие, послуша́ние и ми́рное жи́тельство. Нам же всем ра́дость при́сную о Го́споде пода́ждь, да терпе́нием тече́м на предлежа́щий нам по́двиг жития́ сего́ вре́меннаго, взира́юще на Нача́льника ве́ры и Подвигополо́жника Го́спода на́шего Иису́са Христа́, Ему́же бу́ди сла́ва, благодаре́ние и поклоне́ние, со безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом, ны́не, и при́сно, и во ве́ки веко́в. Ами́нь.
2-я Молитва
О, пресла́внии и преди́внии уго́дницы Бо́жии, Ники́форе и Генна́дие Важеозерстии, се́верныя Фиваи́ды дво́ице достосла́вная! Вы, в преде́лех земли́ Олоне́цкия пресла́вно возсия́вше, сию́ по́двиги ва́шими освяти́ли есте́. Бу́дите всем нам покро́в и огражде́ние, скорбя́щим утеше́ние, неду́гующим исцеле́ние, путеше́ствующим и по мо́рю пла́вающим управле́ние, заключе́нным в темни́цех ско́рое свобожде́ние, в по́двизех и гоне́ниих су́щим терпе́ние и поможе́ние, и всем христиа́ном прибе́жище и заступле́ние, да вы́ну сла́вим просла́вльшаго вас Бо́га во ве́ки веко́в. Ами́нь.
2-я Молитва
О, вели́кий уго́дниче Бо́жий, святы́й пра́ведный Арте́мие, покрови́телю святы́я оби́тели, твои́м и́менем красу́ющияся, си́льный хода́таю о нас ко Го́споду, вели́кий благоде́телю и живу́щих зде и́ноков твоея́ оби́тели и всех с ве́рою и любо́вию притека́ющих к ра́це чудотво́рных моще́й твои́х! При́зри ми́лостивно на убо́гую моли́тву нас, гре́шных и непотре́бных рабо́в, и твои́м всемо́щным предста́тельством испроси́ нам у Го́спода проще́ние грехо́в, преспе́яние в ве́ре и благоче́стии и огражде́ние от ко́зней супоста́та, и́щущаго нас погуби́ти. Да́руй бра́тству твоея́ оби́тели, от ста́рших до после́дних, смире́ние и кро́тость, любо́вь и послуша́ние вседу́шное, служе́ние и житие́ благогове́йное, свято́е и во всем ве́рное и благоду́шное исполне́ние и́ноческаго общежи́тия, да, рабо́тающе Го́сподеви непосты́дно и ду́хом горя́ще в непреста́нней моли́тве за благотвори́телей на́ших живы́х и усо́пших, яви́мся ве́рными раба́ми Го́спода, да Це́рковь Правосла́вная всея́ Росси́и, я́ко вертогра́д благонасажде́нный, цвете́т и плодотвори́т бога́то плода́ми ве́ры и благоче́стия! Моли́ Го́спода, да храни́т во здра́вии, душе́внем спасе́нии и благопоспеше́нии во всем правосла́вный наро́д наш. Моли́ Го́спода о ми́лости и благода́тных щедро́тах Святе́йшему Патриа́рху на́шему (имярек) и Святе́йшему Сино́ду на́шему. Моли́ Го́спода, да хода́тайством и заступле́нием преблагослове́нныя Влады́чицы на́шея Богоро́дицы все мы и зде ми́рное и богоуго́дное житие́ поживе́м и по ми́рней христиа́нстей кончи́не сподо́бимся в пресла́внем Ца́рствии ми́лости Царя́ Не́ба и земли́, Отца́ и Сы́на и Свята́го Ду́ха, сла́вяще Его́ ны́не и при́сно и во ве́ки веко́в. Ами́нь.
Перевод: (имярек)
2-я Молитва
О, преподо́бне и богоно́сне о́тче Ио́но, те́плый наш засту́пниче, ско́рый помо́щниче и ми́лостивый предста́телю! Ты, в земли́ Се́верныя Фиваи́ды а́нгельски пожи́в, ны́не на Небеси́ Престо́лу Бо́жию предстои́ши и ду́хом любве́ от нас не отступа́еши. Те́мже, име́я тя ди́внаго хода́тая пред Бо́гом, к ми́лостивому заступле́нию твоему́ прибега́ем и вопие́м: приими́ ны́не моле́ние нас недосто́йных, и изба́ви твои́м предста́тельством от всех ско́рбных обстоя́ний, неду́гов теле́сных и искуше́ний лука́вых. Испроси́ Оте́честву на́шему от Великодарови́таго Бо́га мир, тишину́ и благоде́нствие, бу́ди непрело́жный покрови́тель всем с ве́рою к тебе́ прибега́ющим, земли́ Ве́псской и святе́й оби́тели, твои́м име́нем укра́шенней, в не́йже ты трудолю́бне подвиза́лся еси́ и в Тро́ице сла́вимому Бо́гу на́шему угоди́л еси́. Ему́же подоба́ет вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.
3-я Молитва
О, богоблаже́нне и приснопа́мятне о́тче наш Анто́ние, не мним тя ме́ртва су́ща, а́ще те́лом и преста́вился еси́ от нас, но жив в собо́ре А́нгелов водворя́ешися. Моли́ за ны, избра́нниче Христо́в, и не пре́зри нас, ве́рою и любо́вию чту́щих тя, помина́й нас недосто́йных у Престо́ла Царя́ Небе́снаго, тебе́ бо даде́ся благода́ть моли́тися за ны. О, засту́пниче и моли́твенниче наш до́брый! Се бо святы́х моще́й твои́х ра́ка, пред очи́ма на́шима ви́дима есть, сохраня́й нас всегда́ от сете́й вра́жиих; моли́ся ко Го́споду о спасе́нии душ на́ших, и испроси́ нам покая́ния вре́мя и христиа́нскую кончи́ну безболе́зненну, непосты́дну, ми́рну, да невозбра́нно пре́йдем мыта́рства возду́шных князе́й и сподо́бимся Небе́снаго Ца́рствия со все́ми угоди́вшими Влады́це Не́ба и земли́, Го́споду на́шему Иису́су Христу́, Ему́же подоба́ет вся́кая сла́ва, честь и поклоне́ние всегда́, ны́не и при́сно и во ве́ки веко́в. Ами́нь.
3-я Молитва
О, великосла́вный уго́дниче Бо́жий, о, вели́кий чудотво́рче, святы́й и пра́ведный Арте́мие, херуви́ме земны́й, челове́че Небе́сный, А́нгелов собесе́дниче, Небе́сный жи́телю! При́зри с высоты́ Небе́сныя све́тлым о́ком твои́м, и ниспосли́ нам лучи́ Бо́жия благода́ти. Свети́льниче Боговозжже́нный, твои́ми святы́ми моли́твами разжени́ мрак грехо́в на́ших, упроси́ у Отца́ све́тов свет благода́ти душа́м на́шим, всех правове́рных ско́рый быв помо́щник и засту́пник. Всяк бо, с ве́рою под кров защище́ния твоего́ моли́твенно притека́яй и заступле́ния Твоего́ у Го́спода прося́й, а́бие посо́бствуем быва́ет, Бо́жию же ми́лость обрета́ет и жела́ния се́рдца своего́ не лиша́ется, но про́сит благода́ти и прие́млет дар на по́льзу проше́ния. Ты еси, пра́ведный Арте́мие, вертогра́д Бо́гом насажде́нный, в не́мже цвет здравотво́рный, процвете́, е́же исцели́тися мно́гим от зе́льнаго трясави́чнаго неду́га. О, коль мно́зи твое́ю чуде́сною по́мощию слепи́и прозре́ша, глуси́и слух прия́ша, хроми́и возскочи́ша и ходя́ша, немощни́и де́йство рук прия́ша, безу́мнии воуми́шася, разсла́блении в жи́лах укрепи́шася, сля́ченнии испра́вишася и иму́щии вре́ды исцеле́ша! Еще́ же и скве́рнии де́мони моли́твою твое́ю отгна́шася, и ини́и неисце́льнии неду́зи разреши́шася. Та́ко, святы́й и пра́ведный Арте́мие, всем всегда ми́лостив явля́ешися. У́бо и о нас неисповеди́мую Бо́жию бла́гость умоли́, да оста́вит нам Госпо́дь до́лги на́ша, и да храни́т госуда́рство Росси́йское в ми́ре и благоде́нствии, в кре́пости и оби́лии, и ве́ру правосла́вную да укрепи́т, церко́вныя же раско́лы да утоли́т, и вся правосла́вныя христиа́ны да спасе́т. Мы же твою па́мять святу́ю от ро́да в род че́стно пра́здновати бу́дем, сла́вяще просла́вльшаго тя Христа́ Го́спода, Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м и со Пресвяты́м и Благи́м и Животворя́щим Ду́хом, ны́не и при́сно, и в безконе́чныя ве́ки веко́в. Ами́нь.
Величание
Велича́ем вас,/ святи́телие Христо́вы/ Пе́тре, Алекси́е, Ио́но, Фили́ппе и Ермоге́не,/ и чтим святу́ю па́мять ва́шу:/ вы бо мо́лите за нас// Христа́ Бо́га на́шего.
Величание
Ублажа́ем тя, преподо́бне о́тче Алекса́ндре, и чтим святу́ю па́мять твою́, наста́вниче мона́хов и собесе́дниче А́нгелов.
Величание
Ублажа́ем тя, преподо́бне о́тче Ло́нгине, и чтим святу́ю па́мять твою́, наста́вниче мона́хов и собесе́дниче а́нгелов.
Величание
Велича́ем тя,/ апо́столе Христо́в Андре́е,/ и чтим боле́зни и труды́ твоя́,/ и́миже труди́лся еси́// во благове́стии Христо́ве.
Величание
Велича́ем тя́,/ благове́рный кня́же Алекса́ндре,/ и чти́м свято́е успе́ние твое́,/ и ны́не мо́лиши за на́с// Христа́, Бо́га на́шего.
Величание
Ублажа́ем тя,/ преподо́бне о́тче Диодо́ре,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Каноны и Акафисты
Проповедь дня
- Прот. Георгий Митрофанов. День памяти св. князя Александра Невского.
- Митр. Филарет (Вознесенский). Священномученик митрополит Филипп Московский.
- Патриарх Кирилл (Гундяев). В день памяти святителя Филиппа, митрополита Московского.
- Еп. Митрофан (Зноско-Боровский). Память святого апостола Андрея Первозванного.
- Прот. Александр Глебов. Проповедь в день памяти св. блгв. вел. кн. Александра Невского.
- Прот. Григорий Дьяченко. Перенесение мощей св. блгв. вел. кн. Александра Невскаго из Владимира в царствующий град Петербург.
- Перенесение мощей святителя Филиппа из Соловецкаго монастыря в Москву.
- Преподобный Зосима, Соловецкий чудотворец.
- Свт. Филипп, митрополит Московский.
- Св. апостол Андрей Первозванный.
- Св. благоверный князь Александр Невский.
- Преподобный Савватий Соловецкий.
- Сщмч. Фаддей (Успенский). Слово в день святого благоверного князя Александра Невского.
- Свт. Николай Сербский. Евангелие о призвании апостолов.
Книги, статьи, стихи, кроссворды, тесты
Исторические сведения о преподобных Сергии и Германе Валаамских.
К истории почитания святого благоверного князя Александра Невского.
Новгородский святитель Геннадий и его церковно-просветительские труды.
Аудиокниги и фильмы
Пятнадцатый век – эпоха наивысшего подъема духовной культуры в России, государственного и церковного строительства, век усиленной молитвы и небывалого роста числа святых подвижников...
Жития преподобных Зосимы, Савватия и Германа, Соловецких чудотворцев...
Ясный, удивительно цельный образ предстаёт перед нами при погружении в русский XIII век, образ, может быть, самый значительный и великий для своего времени. Святой благоверный князь Александр Невский… Сын Суздальского князя Ярослава Всеволодовича, Александр был потомком великих властителей земли Русской, оставивших в истории яркий след, князей, которые отличались неустанной созидательной деятельностью, а также — благочестием...Случайный тест
О календаре
Богослужения
Посты
Праздники
И веровать только во Христа Спасителя есть оправдание, исповедать же Его устами — совершенное спасение.
Все жития
3:11
