Священномученик Иоа́нн Кесарийский, пресвитер

Дни памяти

17 мая (переходящая) - Собор новомучеников, в Бутове пострадавших

7 сентября (переходящая) - Собор Московских святых

10 декабря - Собор новомучеников и исповедников Радонежских

Житие

Священномученики Иоанн Кесарийский, Петр Косминков, пресвитеры и Симеон Кречков, диакон

Во время гонений на Русскую Православную Церковь бывало, что воинствующие безбожники арестовывали не только священника, но и весь клир, а также членов церковного совета из числа наиболее активных мирян, как это произошло в селе Быково Раменского района. Здесь были арестованы священники Иоанн Кесарийский и Петр Косминков, диакон Симеон Кречков, староста храма Евдокия Сафронова, а также члены церковного совета Петр Пискарев-Молоков и Александр, Екатерина и Дмитрий Чиликины.

Они были арестованы в течение трех дней – с 1 по 3 ноября 1937 года – и заключены в Таганскую тюрьму в Москве.

Священномученик Иоанн родился 30 января 1878 года в селе Одишево Кинешемского уезда Костромской губернии в семье священника Никанора Кесарийского. Окончил Духовную семинарию и в 1903 году – Московскую Духовную академию. В 1904 году он был рукоположен в сан священника и служил в храмах Московской епархии, в последнее время – в храме Владимирской иконы Божией Матери в селе Быково.

Допросы начались в день ареста. Следователь спрашивал, с кем священник знаком. Отец Иоанн отвечал, что знает служащего с ним священника и диакона, старосту храма и некоторых членов церковного совета, с которыми если встречался и беседовал, то исключительно на церковные темы.

Следователь не удовлетворился этим ответом, и допрос продолжился на следующий день.

– Вы один из организаторов церковной группы в селе Быково, – обратился следователь к священнику, имея в виду то, что тот был настоятелем храма, – назовите, кто входит в состав данной группы.

– Это мне неизвестно, и организатором группы я не являюсь, – ответил священник.

– Где происходили нелегальные собрания контрреволюционной группы церковников села Быково?

– Это мне неизвестно, так как на нелегальных собраниях я не присутствовал.

Следователь потребовал от священника, чтобы тот признал себя виновным в том, будто он обсуждал вопрос о совершении террористического акта по отношению к председателю колхоза.

Священник это обвинение отверг.

– Известно, – продолжал спрашивать следователь, – что вы распространяли клевету о советской власти и колхозах. Подтверждаете вы это?

– Контрреволюционной клеветы о советской власти я никогда не высказывал и не распространял. Меня могли неправильно понять, когда я однажды в церковной сторожке за чаем рассказывал случай, о котором было напечатано в газете, как в один колхоз приехал председатель райисполкома, зашел на конюшню, увидел худой хомут, надел его на шею колхознику и сказал: «Вы раньше ходили в хомуте и теперь будете ходить в хомуте». Причем этот случай я рассказал как случившийся факт, без всякой клеветы на колхозы.

– Дайте показания о контрреволюционной деятельности каждого участника контрреволюционной группы церковников села Быково, – потребовал следователь.

– О контрреволюционной деятельности церковников села Быково мне неизвестно, и участников данной группы я не знаю, – ответил священник.

На этом допрос был закончен.

Священномученик Петр родился 4 января 1887 года в селе Пахрино Подольского уезда Московской губернии в семье Василия Петровича Косминкова, служившего псаломщиком в Троицкой церкви в этом селе. Петр Васильевич в 1901 году окончил Перервинское Духовное училище, в 1907 году – Московскую Духовную семинарию и был направлен работать учителем. В 1910 году он был рукоположен в сан священника и служил в храмах Московской епархии, с 1918 года – в храме Владимирской иконы Пресвятой Богородицы в селе Быково.

– Вы арестованы за контрреволюционную деятельность, дайте показания по этому вопросу, – потребовал следователь.

– Никогда контрреволюционной деятельности я не вел и вести не мог, – ответил священник.

– Вы один из организаторов контрреволюционной группы церковников, назовите ее участников.

– Никаким организатором контрреволюционной группы я не являюсь и участников никого не знаю.

– Где проводились нелегальные собрания контрреволюционной группы церковников?

– Нелегальных собраний контрреволюционной группы никогда не было, и мне неизвестно о ее существовании, но члены церковного совета собирались, собирались они главным образом в церкви.

– Какие вопросы обсуждались на нелегальном собрании церковников?

– Собрания актива церковников, проводимые в церкви, были всегда легальными, вопросы на них обсуждались исключительно хозяйственного значения, касающиеся церкви.

– Следствию известно, что на нелегальном собрании контрреволюционной группы церковников обсуждался вопрос о совершении террористического акта против председателя колхоза...

Подтверждаете вы это?

– Не подтверждаю.

– Дайте показания о контрреволюционной деятельности каждого участника группы церковников.

– Я уже показал, что о существовании контрреволюционной группы церковников мне неизвестно, а потому мне неизвестно и о контрреволюционной деятельности каждого участника.

Священномученик Симеон родился в 1876 году в селе Понизовье Верейского уезда Московской губернии в семье псаломщика Николая Кречкова. Образование получил в Перервинском Духовном училище, а затем в Московской Духовной семинарии, которую окончил в 1900 году. Сначала работал учителем, а в 1903 году был рукоположен в сан диакона ко храму Владимирской иконы Пресвятой Богородицы в селе Быково, где и служил до ареста в 1937 году.

– Вы арестованы за контрреволюционную деятельность. Дайте показания по этому поводу.

– Я никакой контрреволюционной деятельности не вел и не веду, а поэтому показаний дать не могу.

– Вы участник контрреволюционной группировки в селе Быково. Назовите всех ее участников.

– Я не состою ни в какой контрреволюционной группировке и не знаю такой.

– Кто организатор ее?

– Не знаю как о самой организации, так и о ее организаторах.

– Где собирались нелегальные собрания контрреволюционной группировки церковников?

– Не знаю я ничего о собраниях и контрреволюционной группировке, – ответил диакон, не согласившись оклеветать себя или других.

15 ноября 1937 года тройка НКВД приговорила священников Иоанна Кесарийского, Петра Косминкова и диакона Симеона Кречкова к расстрелу. Александр Чиликин и его сын Дмитрий были приговорены к десяти годам заключения в исправительнотрудовом лагере. Петр Пискарев-Молоков, Евдокия Сафронова и Екатерина Чиликина были приговорены к восьми годам заключения в исправительно-трудовом лагере.

Священники Иоанн Кесарийский, Петр Косминков и диакон Симеон Кречков были расстреляны 16 ноября 1937 года и погребены в безвестной общей могиле на полигоне Бутово под Москвой.

Александр Чиликин был отправлен в Беломорско-Балтийский лагерь, Евдокия Сафронова и Екатерина Чиликина – в Тайшетлагерь, Петр Пискарев-Молоков и Дмитрий Чиликин – в Сиблаг.

Евдокия Сафронова умерла в заключении 25 августа 1938 года и была погребена в безвестной могиле, Петр Пискарев-Молоков умер в лагере 9 апреля 1938 года и был погребен в безвестной могиле.

Составитель игумен Дамаскин (Орловский)

«Жития новомучеников и исповедников Российских ХХ века Московской епархии. Ноябрь». Тверь, 2003 год, стр. 51-58.

Источник: fond.ru

Развернуть

Богослужения

Cлужба новомученикам Быковским

Текст утвержден Священным Синодом
Русской Православной Церкви
14 мая 2018 года (журнал № 37)

Ме́сяца ноября́ в 3-й день
Новому́чеников Бы́ковских: священному́чеников пресви́теров Иоа́нна Кесари́йскаго и Петра́ Косминко́ва, диа́кона Симео́на Кречко́ва и му́ченицы Евдоки́и Сафро́новой

На вели́цей вече́рни

Блаже́н муж: 1-й антифо́н. На Го́споди, воззва́х: стихи́ры на 8, глас 1:

Нача́ло ны́не положи́м, о бра́тие,/ моле́нию те́плому к но́вым уго́дником Бо́жиим:/ ти́и бо, страда́ньми очища́еми,/ ро́ждие плодоно́сныя лозы́ Христо́вы показа́шася/ и, сла́достию благода́ти оби́льно напая́еми,/ во благоуха́нии свя́тости нам яви́шася,/ я́ко да и мы по́двигу их поревну́ем// и принесе́м Бо́гу плод покая́ния.

Кро́тцы, но непоколеби́ми пребы́ли есте́,/ новому́ченицы Бы́ковстии,/ Иоа́нне, Пе́тре, Симео́не и Евдоки́е,/ гони́телями на смерть обрече́ннии;/ вам бо и жизнь есть Христо́с, и смерть приобре́тение./ Ны́не же, на Небесе́х пребыва́юще,/ нетле́нныя сла́вы наслажда́етеся и воспева́ете:// благослове́н еси́, Бо́же, во ве́ки.

Адама́нтово му́жество ва́ше/ сла́ва есть Це́ркве Ру́сския,/ страстоте́рпцы и испове́дницы но́вии,/ вы бо, гони́ми и убива́еми,/ непоколеби́ми и тве́рди пребы́сте в беда́х./ Кто изочте́т муче́ния ва́ша, ско́рби и боле́зни?/ Ве́лия бысть ко Го́споду любо́вь ва́ша// и во всем яви́сте себе́ я́ко дру́зи Христо́ви.

Глас 6:

Го́споди, а́ще не бы́хом святы́я Твоя́ име́ли моли́твенники/ и благосты́ню Твою́, ми́лующую нас,/ ка́ко возмогли́ бы́хом враго́м на́шим противуста́ти/ и оте́ц на́ших ве́ру сохрани́ти?/ Го́споди, Многоми́лостиве и Многоблагоутро́бне!/ Вонми́ моли́тве засту́пников на́ших Небе́сных,/ Иоа́нна, Петра́, Симео́на и Евдоки́и,/ и всех новому́ченик Це́ркве Ру́сския,/ непреста́нно вопию́щих к Тебе́:// утверди́, Бо́же, ве́ру правосла́вную во Оте́честве на́шем.

Отъя́т Госпо́дь поноше́ние от люде́й Свои́х,/ уста́ви гоне́ние, посрами́ безбо́жныя,/ дарова́ торжество́ Це́ркви Свое́й кровьми́ новому́чеников и испове́дников./ Те́мже, благодаря́ще Бо́га о ве́лиих благодея́ниих, на нас бы́вших,/ соверша́ем днесь па́мять святы́х уго́дников Бы́ковских// и мо́лимся о спасе́нии душ на́ших.

Сла́ва, глас 8:

Прехва́льнии священному́ченицы Иоа́нне, Пе́тре и Симео́не,/ ку́пно с му́ченицею Евдоки́ею,/ вы сквозе́ огнь и во́ду проидо́сте,/ сего́ ра́ди отверзо́шася вам две́ри ра́йския./ Я́ко ве́лие дерзнове́ние ко Пресвяте́й Тро́ице стяжа́вше,/ Христу́ за ны моли́теся// дарова́ти душа́м на́шим мир и ве́лию ми́лость.

И ны́не, Богоро́дичен: Царь Небе́сный:

Вход. Проки́мен дне и чте́ния три му́ченическая.

На лити́и стихи́ра хра́ма.

Сла́ва, святы́х, глас 8:

Ны́не Це́рковь Небе́сная ликовству́ет о мно́жестве чад свои́х,/ му́ченицех и испове́дницех земли́ Ру́сския,/ ти́и бо, муче́ния многообра́зная и смерть лю́тую за Христа́ прие́мше,/ внидо́ша в жизнь безконе́чную./ Сего́ ра́ди даде́ся им благода́ть моли́тися за ны// и возвеща́ти ми́лости Спа́са на́шего.

И ны́не, Богоро́дичен, глас то́йже:

Засту́пнице усе́рдная,/ Пресвята́я Влады́чице Богоро́дице,/ скорбя́щих при́сное ра́дование/ и Уте́шительнице призыва́ющих Тя в час испыта́ния!/ Услы́ши моли́твы раб Твои́х/ и со страстоте́рпцы святы́ми земли́ на́шея// моли́ спасти́ся нам.

На стихо́вне стихи́ры, глас 6:

Святи́и страстоте́рпцы,/ Иоа́нне, Пе́тре, Симео́не и Евдоки́е,/ мо́лим вас мы, недосто́йнии:/ при́зрите на храм Бо́жия Ма́тере, иде́же подвиза́стеся,/ утверди́те ны в ве́ре правосла́вней/ и вознеси́те моли́тву ко Пресвяте́й Тро́ице// о земно́м оте́честве ва́шем.

Стих: Честна́ пред Го́сподем// смерть преподо́бных Его́.

Священному́ченицы Бы́ковстии,/ вы в стра́шную годи́ну гоне́ний,/ мучи́телей безбо́жных суровства́ не убоя́вшеся,/ многоразли́чныя му́ки претерпе́ли есте́/ и зало́г, вруче́нный вам,/ цел и невреди́м сохрани́ли есте́,/ му́жески Спа́са пропове́давше./ Сего́ ра́ди, дерзнове́ние иму́ще ко Го́споду,// моли́теся о душа́х на́ших.

Стих: Свяще́нницы Твои́ облеку́тся в пра́вду,// и преподо́бнии Твои́ возра́дуются.

Моли́тву вознесо́сте ко Го́споду,/ Иоа́нне, Пе́тре и Симео́не,/ и Тому́ возвести́сте печа́ли своя́, глаго́люще:/ се ны́не ду́ши на́ша полага́ем за слове́сныя о́вцы./ Приими́, Го́споди, моли́твы му́ченик Твои́х,/ я́ко кади́ло пред Тобо́ю,/ да храни́т Русь Свята́я// ве́ру правосла́вную во ве́ки.

Сла́ва, и ны́не, Богоро́дичен, глас то́йже:

Богоро́дице, ве́рным Помо́щнице,/ помози́ и ны́не рабо́м Твои́м,/ в тя́жких обстоя́ниих су́щим./ К Тебе́ прибега́ем, Влады́чице,/ со святы́ми новому́ченики Це́ркве Ру́сския,// моли́ся спасти́ ду́ши на́ша.

На благослове́нии хле́бов тропа́рь, глас 6:

В годи́ну о́гненных искуше́ний Це́ркве Ру́сския,/ кро́тость и смире́ние стяжа́вше,/ любо́вь Христо́ву к па́стве свое́й яви́сте/ и, я́ко па́стыри до́брии,/ ду́ши своя́ за ню положи́сте./ Моли́теся о нас священному́ченицы Иоа́нне, Пе́тре и Симео́не,/ ку́пно с му́ченицею Евдоки́ею,// спасти́ и просвети́ти ду́ши на́ша.

На у́трени

По 1-м стихосло́вии седа́лен, глас 6:

Крест на ра́мо взе́мше/ и Христа́ всем се́рдцем возлюби́вше, му́ченицы достохва́льнии,/ Того́ стопа́м после́довали есте́/ и за́поведь Госпо́дню до конца́ испо́лнили есте́:/ я́ко бо́льши сея́ любве́ никто́же и́мать,/ да кто ду́шу свою́ положи́т за дру́ги своя́./ И вы ду́ши ва́ша положи́сте за Це́рковь Правосла́вную./ Ны́не же, я́ко иму́ще дерзнове́ние ко Христу́ Бо́гу,/ моли́теся о чту́щих па́мять ва́шу.

Сла́ва, и ны́не, Богоро́дичен:

Те́плое заступле́ние су́щим в беда́х/ и Помо́щницу на́шу,/ Е́юже безбо́жия избавля́емся,/ Богоро́дицу, ве́рнии, ублажа́ем.

По 2-м стихосло́вии седа́лен, глас 8:

Ра́дуйтеся, новому́ченицы блаже́ннии,/ я́ко ни скорбь, ни теснота́, ни гоне́ние,/ ни меч возмого́ша разлучи́ти вас от любве́ Христо́вы./ И ны́не приле́жно мо́лим вас мы, недосто́йнии:/ не забу́дите посеща́ти чад свои́х,/ соверша́ющих свяще́нную па́мять ва́шу.

Сла́ва, и ны́не, Богоро́дичен:

Безневе́стная, Чи́стая Богоро́дице Де́во,/ не лиши́ нас покро́ва Твоего́ и заступле́ния во дни искуше́ний и бед./ Мы же со святы́ми новому́ченики и засту́пники на́шими/ арха́нгельский глас прино́сим Ти:/ ра́дуйся, Обра́дованная, Госпо́дь с Тобо́ю.

Велича́ние:

Велича́ем вас,/ священному́ченицы Христо́ви Иоа́нне, Пе́тре, Симео́не и свята́я му́ченице Евдоки́е,/ и чтим честна́я страда́ния ва́ша,/ я́же за Христа́// претерпе́ли есте́.

Или́ сие́:

Велича́ем вас,/ святи́и му́ченицы Христо́ви Иоа́нне, Пе́тре, Симео́не и Евдоки́е,/ и чтим честна́я страда́ния ва́ша,/ я́же за Христа́// претерпе́ли есте́.

Псало́м избра́нный: Бог нам прибе́жище и си́ла:

По полиеле́и седа́лен, глас 1:

Проидо́сте сквозе́ огнь муче́ний и во́ду слез,/ и введе́ вы Госпо́дь в поко́й Свой,/ те́мже ны́не те́плии хода́таи к Бо́гу яви́стеся нам,/ лобыза́ющим по́двиг ваш, страстоте́рпцы Бы́ковстии./ Сла́ва Предуве́девшему произволе́ние ва́ше,/ сла́ва Предуста́вившему вас к сла́ве Небе́сней,/ сла́ва Подаю́щему нам моли́твами ва́шими ве́лию ми́лость.

Сла́ва, и ны́не, Богоро́дичен:

Ублажи́м Честне́йшую го́рних во́инств Де́ву Пречи́стую Богоро́дицу,/ Та бо две́ри Ца́рствия Небе́снаго отве́рзе/ и ны́не на путь спасе́ния наставля́ет нас гре́шных.

Степе́нна, 1-й антифо́н 4-го гла́са. Проки́мен, глас 4: Тебе́ ра́ди, Го́споди,// умерщвля́еми есмы́ весь день. Стих: Вмени́хомся, я́ко о́вцы заколе́ния. Ева́нгелие от Матфе́я, зача́ло 36.

По 50-м псалме́ стихи́ра, глас 6:

Любве́ Христо́вы и благода́ти Ду́ха Свята́го испо́лнени,/ душетле́нныя стра́сти победи́ли есте́,/ всеблаже́ннии страстоте́рпцы Бы́ковстии,/ и, гоне́ния от беззако́нников лю́тых претерпе́вше,/ преми́рных селе́ний дости́гли есте́/ и с ли́ки новому́чеников Це́ркве Ру́сския та́мо водвори́лися есте́.// Те́мже испроси́те душа́м на́шим мир и ве́лию ми́лость.

Кано́н святы́х на 8, глас 6.

Песнь 1

Ирмо́с: Я́ко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,// Бо́гу побе́дную песнь пои́м, вопия́ше.

Припе́в: Святи́и новому́ченицы Бы́ковстии, моли́те Бо́га о нас.

Го́споди Бо́же наш, помози́ нам смире́нно воспе́ти по́двиги новому́чеников Бы́ковских, пресви́теров Иоа́нна и Петра́, диа́кона Симео́на и Евдоки́и, и́же страда́нии свои́ми внидо́ша в Черто́г Твой Небе́сный.

Кий слове́сный дар принесе́м вам, до́блии страстоте́рпцы Бы́ковстии, ве́рнии свиде́телие Сло́ва? Недоумева́ем бо досто́йно воспе́ти вели́чие по́двигов ва́ших, дре́вних му́чеников подража́телие.

Мно́ги ско́рби пра́ведным, и от всех изба́вит я́ Госпо́дь, рече́ проро́к. Те́мже и вы, проше́дше сквозе́ огнь и во́ду, в ра́дость жи́зни ве́чныя внидо́сте и со все́ми святы́ми ны́не сла́ву Бо́жию воспева́ете.

Богоро́дичен: Во успе́нии Твое́м ми́ра не оста́вила еси́, Влады́чице, те́мже покрыва́еши при́сно лю́ди Твоя́ от вся́ких обстоя́ний и моли́твами Твои́ми избавля́еши от сме́рти ду́ши на́ша.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени// испове́дания Твоего́.

Кровь ва́шу, я́ко спаси́тельное се́яние, земля́ Ру́сская прия́т и сла́ва по́двигов ва́ших преде́лы ея́ облиста́. Те́мже, благодаря́ще Го́спода, торжеству́ем па́мять ва́шу, му́ченицы Бы́ковстии.

Кто Бог ве́лий, я́ко Бог наш? Ты еси́ Бог, творя́й чудеса́, – си́це вопия́ху новому́ченицы Бы́ковстии, претерпева́юще мучи́тельства безбо́жных и ве́ру Христо́ву кровьми́ свои́ми утвержда́юще.

Служи́телие Бо́жия Ма́тере бы́сте, страстоте́рпцы Иоа́нне и Пе́тре, Симео́не и Евдоки́е. Те́мже, ве́лиею любо́вию к Ро́ждшемуся от Нея́ испо́лнившеся, не убоя́стеся ни мук, ни са́мыя сме́рти и венцы́ по́двигов свои́х прия́сте.

Богоро́дичен: Премилосе́рдая Ма́ти, Пречи́стая Де́во, ве́мы Тя ско́рую Уте́шительницу в напа́стех и ско́рбех, подаю́щую по́мощь рабо́м Твои́м.

Седа́лен, глас 4:

Тьму́ неве́рия сло́вом и́стины просвеща́юще,/ на брань духо́вную проти́ву отсту́пников и безбо́жников лю́тых дерзнове́нно подвиго́стеся,/ сла́внии па́стырие на́ши Иоа́нне и Пе́тре, с Симео́ном диа́коном./ Сего́ ра́ди, укрепля́юще нас му́жески испове́дати ве́ру правосла́вную,/ моли́теся о спасе́нии душ на́ших.

Сла́ва, и ны́не, Богоро́дичен:

Чудотво́рною ико́ною Твое́ю Влади́мирскою дре́вле Оте́чество на́ше укрепи́ла еси́, Пресвята́я Де́во,/ та́кожде и в годи́ну безбо́жных гоне́ний/ но́выя ратобо́рцы к подвиго́м му́ченическим утверди́ла еси́./ Те́мже с любо́вию и благодаре́нием ублажа́ем Тя, Пречи́стая.

Песнь 4

Ирмо́с: Христо́с моя си́ла,/ Бог и Госпо́дь,/ честна́я Це́рковь/ боголе́пно пое́т, взыва́ющи,// от смы́сла чи́ста, о Го́споде пра́зднующи.

Сла́вный священному́чениче Иоа́нне, прему́дрость кни́жную разуме́в, вы́сшее и соверше́ннейшее уче́ние Ева́нгельское пости́гл еси́, и ду́шу твою́ за о́вцы ста́да Христо́ва положи́л еси́.

Ди́вный священному́чениче Пе́тре, ты, науча́я люби́ти Христа́ всем се́рдцем, чад ма́лых и соверше́нных во́зрастом учи́тель был еси́, ты и кро́вию му́ченическою уче́ние запечатле́л еси́, те́мже па́стырь усе́рдный и страстоте́рпец пресла́вный яви́лся еси́.

Прехва́льный му́чениче Симео́не диа́коне! Возлюби́л еси́ нача́ло прему́дрости, страх Госпо́день, те́мже, во олтаре́ святе́м усе́рдно служа́, мно́гим благогове́нием Бо́гу угоди́л еси́. Ны́не пред лице́м Его́ пое́ши, ра́дуяся.

Богоро́дичен: Богоро́дице Де́во Пречи́стая, я́ко Госпожу́, Цари́цу и Влады́чицу пою́т Тя святи́и новому́ченицы Це́ркве Ру́сския. С ни́миже приими́ и на́ша моле́ния и спаси́ ду́ши на́ша.

Песнь 5

Ирмо́с: Бо́жиим Све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,// от мра́ка грехо́внаго взыва́юща.

Оскверне́нная де́лы безбо́жными земля́ Ру́сская кропле́нием крове́й ва́ших па́ки освяща́ется, да позна́ют язы́цы, я́ко с на́ми Бог, и покоря́тся пра́вде Его́.

Вси лю́дие правосла́внии ско́рби испо́лнишася, егда́ безбо́жнии мучи́тели на Це́рковь Ру́сскую ополчи́шася. Вы же, я́ко во́ини кре́пцыи, беззако́нию их му́жественне противуста́сте и ве́ру правосла́вную до́бле утверди́сте.

Во мра́це безбо́жия заблу́ждшим яви́стеся огневи́днии свети́льницы, Иоа́нне, Пе́тре, Симео́не и Евдоки́е, новому́ченицы пресла́внии, указу́юще благоче́стия путь спаси́тельный.

Богоро́дичен: Пречи́стая Де́во Богома́ти, Наста́внице и́щущим спасе́ния, сподо́би и нас мы́слити, глаго́лати и де́яти то́чию пра́вая, после́дующе новому́чеником Це́ркве Ру́сския, я́ко испове́дником тве́рдым.

Песнь 6

Ирмо́с: Жите́йское мо́ре,/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:// возведи́ от тли живо́т мой, Многоми́лостиве.

Еде́ма сладча́йшаго насле́дницы показа́стеся, новому́ченицы Бы́ковстии, вы бо, ско́рбни бы́вше в ми́ре сем, на Небеси́ ны́не утеша́етеся; непра́вды же и гоне́ния претерпе́вше, жизнь ве́чную, я́ко воздая́ние пра́ведное, от Бо́га улучи́ли есте́.

Cвященному́ченицы Бы́ковстии Иоа́нне, Пе́тре, Симео́не с му́ченицею Евдоки́ею! Вы заточе́ния темни́чнаго и лю́тыя сме́рти не убоя́лися есте́, ны́не же в ри́зах све́тлых с чи́нми А́нгельскими Святе́й Тро́ице предстои́те и мо́литеся о душа́х на́ших.

О ра́тницы Христо́ви непобеди́мии, новому́ченицы Бы́ковстии! Вы опло́т Правосла́вия яви́стеся; огради́те убо и нас, немощны́х в ве́ре, по́двиг ваш кре́стный помина́ющих.

Богоро́дичен: Богоро́дице Де́во, упова́ние христиа́ном, покры́й, соблюди́, сохрани́ и спаси́ Русь Правосла́вную, к заступле́нию Твоему́ прибега́ющую.

Конда́к, глас 2:

О́браз есте́ чту́щим по́двиги ва́ша,/ но́вии страстоте́рпцы Бы́ковстии,/ испове́днически по́прище земно́е прете́кшии./ Вас бо ни скорбь, ни теснота́, ни смерть/ от любве́ Бо́жия разлучи́ти возмого́ша./ Те́мже, страда́ньми дерзнове́ние стяжа́вше,/ моли́теся Христу́, вас укрепи́вшему,// да и мы му́жества дар от Бо́га восприи́мем.

И́кос:

Прииди́те, правосла́внии лю́дие, пе́сньми ублажи́м но́выя свети́льники Це́ркве Ру́сския, Иоа́нна, Петра́, Симео́на и Евдоки́ю, те́плыя моли́твенники, усе́рдныя предста́тели, проти́ву безбо́жия тве́рдыя ору́жники, ду́ши своя́ за Христа́ положи́вшия и венце́в му́ченических сподо́бльшияся. К ни́мже с любо́вию припа́даем, зову́ще си́це: ра́дуйтеся, страстоте́рпцы Бы́ковстии, ве́ру правосла́вную по́двигом до́брым утверди́вшии.

Песнь 7

Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие, мучи́теля увеща́ вопи́ти:// благослове́н еси́, Бо́же оте́ц на́ших.

Го́споди Бо́же наш, при́зри на Це́рковь Ру́сскую, отврати́ гнев Твой, на ны дви́жимый, прости́ грехи́ и беззако́ния на́ша и поми́луй нас, предста́тельством святы́х сро́дников на́ших, непреста́нно за ны моля́щихся.

Го́споди, моли́твами новому́чеников Це́ркве Ру́сския отжени́ тьму от серде́ц на́ших сло́вом Твоея́ и́стины, не даждь сатане́ льсти́вому погуби́ти ду́ши на́ша, утверди́ нас в Правосла́вии и да́руй нам в благоче́стии пожи́ти вся дни живота́ на́шего.

Ди́внии уго́дницы Бо́жии, сла́внии му́ченицы Бы́ковстии, вы, не убоя́вшеся преще́ний безбо́жных, рекли́ есте́: не пощади́м естества́ тле́ннаго, изво́лим смерть, да венцы́ побе́дными увязе́мся от Христа́, Бо́га на́шего.

Богоро́дичен: Засту́пнице усе́рдная, Ма́ти Го́спода Вы́шняго, покры́й Це́рковь Ру́сскую держа́вным Твои́м покро́вом, христолюби́вым лю́дем на враги́ спобо́рствуй и належа́щих скорбе́й душе́вных и теле́сных свободи́, Ма́ти Де́во Пречи́стая.

Песнь 8

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́,/ вся бо твори́ши, Христе́, то́кмо е́же хоте́ти.// Тя превозно́сим во вся ве́ки.

Убели́сте ри́зы ва́ша, до́блии новому́ченицы, кро́вию А́гнца Бо́жия, за челове́ки закла́ннаго. Его́же, о́троцы благослови́те, свяще́нницы, воспо́йте, лю́дие, превозноси́те во вся ве́ки.

Вои́стину дру́зи Христо́ви яви́стеся, новому́ченицы Бы́ковстии, плоть бо и мир возненави́девше, ве́тхаго челове́ка совлеко́стеся, во оде́жду же нетле́ния обле́кшеся, реко́сте: не ктому́ уже́ мы живе́м, но живе́т в нас Христо́с.

Рече́ Госпо́дь Свои́м ученико́м: не бо́йся, ма́лое ста́до, я́ко благоизво́ли Оте́ц ваш да́ти вам Ца́рство. Вы же, сло́ву сему́ после́дующе, черто́га Небе́снаго достиго́сте. Те́мже, сла́внии добропобе́дницы, помози́те и нам спасе́ние улучи́ти.

Богоро́дичен: Пресвята́я Влады́чице Богоро́дице, защити́ и спаси́ нас от ко́зней вра́жиих и многоразли́чных напа́стей, да́руй нам кре́пость в терпе́нии, на Тебе́ бо наде́емся и Тобо́ю хва́лимся.

Песнь 9

Ирмо́с: Бо́га/ челове́ком невозмо́жно ви́дети,/ на Него́же не сме́ют чи́ни А́нгельстии взира́ти,/ Тобо́ю же, Всечи́стая, яви́ся челове́ком/ Сло́во воплоще́нно,/ Его́же велича́юще,// с Небе́сными во́и Тя ублажа́ем.

На Пречи́стую Богоро́дицу все упова́ние возложи́вше, страстоте́рпцы Бы́ковстии, да́же до сме́рти пострада́ли есте́ и, то́кмо Еди́наго на Небесе́х Живу́щаго боя́щеся, Того́ со вся́ким дерзнове́нием испове́дали есте́.

Блаже́ннии страстоте́рпцы Бы́ковстии, приими́те сие́ смире́нное и убо́гое моле́ние на́ше, да, ве́рно почита́юще па́мять ва́шу, улучи́м от Го́спода и Влады́ки живота́ на́шего оставле́ние грехо́в и ве́лию ми́лость.

О богоизбра́ннии новому́ченицы Бы́ковстии, я́ко зве́зды, Не́бо церко́вное украси́вшии, моли́теся ко Го́споду о земне́м оте́честве ва́шем и о ве́рою и любо́вию вас почита́ющих.

Богоро́дичен: О Всепе́тая Ма́ти, а́ще и разори́ся от злых храм Твой Влади́мирский, иде́же новому́ченицы Бы́ковстии подвиза́шася, но ми́лостию Твое́ю благоволи́ла еси́ его́ во сла́ве обнови́ти. Те́мже, соше́дшеся днесь, благода́рственными пе́сньми Тя велича́ем.

Свети́лен, глас 1:

Све́том Христо́вым просвети́вшеся,/ святи́и новому́ченицы Бы́ковстии,/ во мра́це безбо́жия свети́льницы ве́рным яви́стеся,/ страда́ньми бо ва́шими и доны́не ве́ра правосла́вная пропове́дуется,/ наде́жда укрепля́ется, любо́вь умножа́ется/ и Це́рковь Ру́сская до́блестию ва́шею озаря́ется.

Сла́ва, и ны́не, Богоро́дичен, глас то́йже:

Прииди́те, восхва́лим Пречи́стую Ма́терь Бо́жию,/ Вы́шшую всех земноро́дных/ и Честне́йшую го́рних во́инств,/ Засту́пницу усе́рдную ро́да христиа́нскаго.

На хвали́тех стихи́ры на 4, глас 6:

Прииди́те, возра́дуемся, лю́дие,/ собра́вшеся в честне́м хра́ме Бо́жия Ма́тере,/ и воспое́м испове́дники Христо́вы,/ и́хже смерть но́вое рожде́ние бысть/ и страда́ние венце́в прия́тие./ Те́мже ку́пно со все́ю Це́рковию// страстоте́рпцы Бы́ковския прославля́ем.

Во́ини добропобе́днии/ и свети́льницы, ве́рою сия́ющии,/ безбо́жия обличи́телие/ и пре́лести разруши́телие,/ велегла́снии и́стины пропове́дницы,/ святи́и страстоте́рпцы Иоа́нне, Пе́тре, Симео́не и Евдоки́е,/ му́ченическою кро́вию в Ца́рствие Небе́сное возше́дшии,/ Христа́ Бо́га моли́те// спасти́ и просвети́ти ду́ши на́ша.

Водо́ю жи́зни ве́чныя напои́сте ве́рныя,/ страстоте́рпцы всесла́внии,/ жа́жду и́стины утоля́юще/ и огнь безбо́жных преще́ний угаша́юще,/ те́мже Боже́ственныя сла́вы прича́стницы яви́стеся/ и страда́ньми ва́шими Христу́ обручи́стеся./ Того́ приле́жно, му́ченицы, моли́те/ мир ми́рови дарова́ти// и душа́м на́шим ве́лию ми́лость.

Новому́ченицы и испове́дницы Христо́ви,/ со все́ми святы́ми земли́ Ру́сския Влады́це предстоя́ще, усе́рдно моли́теся,/ да от ересе́й и раско́лов Це́рковь Свою́ изба́вит,/ Оте́чество на́ше в Правосла́вии утверди́т/ и нас Ца́рствия Небе́снаго сподо́бит,// да всегда́ прославля́ем ва́ше ми́лостивное предста́тельство.

Сла́ва, глас 8:

Реко́ша испове́дницы ве́рнии отсту́пником и безбо́жником:/ всу́е тружда́етеся, не льсти́теся;/ не поги́бнет бо земля́ Ру́сская, Бо́гом возлю́бленная,/ но, кро́вию но́вых му́чеников напое́нная,/ па́ки просия́ет ве́рою и́стинною./ Ны́не сло́во сие́ испо́лнися,/ я́ко Бог просла́ви уго́дники Своя́// и посрами́ сопроти́вныя.

И ны́не, Богоро́дичен, глас то́йже:

Я́ко Госпожу́, Цари́цу и Влады́чицу на́шу,/ пое́м Тя со священному́ченики Бы́ковскими,/ в держа́вный Твой покро́в прибега́юще,/ и благода́рне зове́м Ти, спаса́емии:// ра́дуйся, Благода́тная, с Тобо́ю Госпо́дь.

Славосло́вие вели́кое, ектении́ и отпу́ст.

На Литурги́и

Блаже́нны от кано́на святы́х, пе́сни 3-я и 6-я. Проки́мен, глас 7: Тебе́ ра́ди, Го́споди,// умерщвля́еми есмы́ весь день. Стих: Вмени́хомся, я́ко о́вцы заколе́ния. Апо́стол к Ри́мляном, зача́ло 99. Аллилу́ия, глас 4: Воззва́ша пра́веднии, и Госпо́дь услы́ша их. Стих: Мно́ги ско́рби пра́ведным, и от всех их изба́вит я́ Госпо́дь. Ева́нгелие от Луки́, зача́ло 106. Прича́стен: Ра́дуйтеся, пра́веднии, о Го́споде, пра́вым подоба́ет похвала́.

Моли́тва

О святи́и священному́ченицы Бы́ковстии Иоа́нне, Пе́тре, Симео́не и му́ченице Евдоки́е, в годи́ну лю́тых гоне́ний за Христа́ пострада́вшии, ве́рность Ему́ да́же до сме́рти сохрани́вшии и вене́ц жи́зни от Него́ прие́мшии! Вы, во дни искуше́ния тя́жкаго, прише́дшаго на Це́рковь Ру́сскую от безбо́жных, муче́ния многоразли́чная и лю́тую смерть претерпе́вше, любо́вь ко Го́споду и о́браз непосты́днаго упова́ния на Него́ му́жественно яви́ли есте́. И ны́не, в раи́ сла́дости наслажда́ющеся, Престо́лу Бо́жию во сла́ве предстои́те и при́сно хвалу́ со А́нгелы и все́ми святы́ми Триеди́ному Бо́гу возно́сите. Сего́ ра́ди мы, недосто́йнии, мо́лим вас: умоли́те Го́спода сил, да утверди́т Це́рковь Ру́сскую непоколеби́му в многомяте́жнем ми́ре сем, да да́рует нам дух братолю́бия и ми́ра, и приведе́т нас, заблу́ждших, к покая́нию, да водворя́тся в душа́х на́ших любо́вь и благогове́ние, да испо́лнятся уста́ на́ша непреста́ннаго благодаре́ния Спаси́телю на́шему. Моли́твенным же предста́тельством ва́шим да возгори́тся в сердца́х на́ших ре́вность о сла́ве Бо́жией и о вся́ком де́лании пра́вды, да сподо́бимся при́сно с ва́ми прославля́ти Еди́наго во Святе́й Тро́ице и́стиннаго Бо́га, Отца́, и Сы́на, и Свята́го Ду́ха, во ве́ки веко́в. Ами́нь.

Развернуть

Богослужение сегодня