Начало богослужебного дня в 16:00.

Выберите настройки для вашего храма в Личном кабинете.
Богослужебные указания

Богослужебные указания за 4 мая 2024 года


21. Страстная седмица. Великая Суббота.

Сщмч. Ианнуария еп. и мч. Феодора, иже в Пергии.

Полунощницу «поем в келлиях, и глаголем кафизму 9-ю» (Типикон, гл. 49, «Во Святый и Великий Пяток вечера», 2-е «зри»). По 1-м Трисвятом – тропарь, глас 2-й: «Благообразный Иосиф...». По 2-м Трисвятом – кондак Триоди, глас 6-й: «Бездну заключивый...» (см на утрене Великой Субботы). «Господи, помилуй» (12), и отпуст (заупокойная молитва «Помяни, Господи...» не произносится).

Примечание. По Уставу, утреня Великой Субботы начинается «в 7-й час нощи», т. е. по-нашему – около 1-го часа ночи (ср.: Типикон, гл. 49, «Во Святую и Великую Субботу»).

Начало утрени обычное (с «Царю Небесный...»). Псалмы 19-й и 20-й (во время псалмов – обычное каждение). Шестопсалмие. (Иерей читает утренние молитвы[1].) Ектения великая.

Примечание. В Великую Субботу – на утрене, часах, вечерне, Литургии – всё, что обычно читается на солее, как-то: ектении, Апостол, Евангелие, входные (а также заамвонная) молитвы – произносится перед Плащаницей. Малый и великий входы совершаются также перед Плащаницей. Причащение мирян и отпуст – на амвоне.

На «Бог Господь» – тропарь, глас 2-й: «Благообразный Иосиф...». «Слава» – ин тропарь, глас тот же: «Егда снизшел еси...», «И ныне» – ин тропарь, глас тот же: «Мироносицам женам...».

Примечание. «Посем настоятель свещы раздает братии: и начинаем пети непорочны со сладкопением. Такожде по стиху. И похвалы возглашает певец, во глас 5-й... Тогда настоятель кадит церковь всю, и братию по чину» (Типикон, гл. 49, «Во Святую и Великую Субботу»).

С началом пения тропарей отверзаются царские врата, священнослужители исходят к Плащанице. Предстоятель раздает возжженные свечи сослужащим. Возжигают свечи и все предстоящие. Предстоятель с диаконом кадят Плащаницу окрест (трижды) и совершают, по традиции, полное каждение храма. Непосредственно по окончании тропарей начинается пение Непорочных (на 5-й глас, и в тот же глас – похвалы). По Уставу, должна петься вся 17-я кафизма (с похвалами), но обычно певцы поют несколько первых стихов с их похвалами, затем поют только псаломские стихи, а похвалы читают священнослужители. При соборном служении псаломские стихи могут петь все священнослужители. Также существует практика, по которой и псаломские стихи, и похвалы читаются. Если священник один, то чтец читает псаломские стихи, а священник – похвалы[2].

По 1-й статии – ектения малая. Возглас: «Яко благословися Твое Имя, и прославися Твое Царство, Отца, и Сына, и Святаго Духа, ныне и присно, и во веки веков».

С началом 2-й статии совершается малое каждение. По традиции, малые каждения совершает священник с диаконом.

Примечание. «И покадив, начинает 2-ю статию. Другий лик поет припев: Достойно есть величати Тя, Жизнодавца... Таже иерей кадит токмо иконы первыя, и лики» (Типикон, гл. 49, «Во Святую и Великую Субботу»)[3].

Вторая статия исполняется, как и первая. По окончании ее – малая ектения. Возглас: «Яко Свят еси, Боже наш, Иже на Престоле Славы Херувимстем почиваяй, и Тебе славу возсылаем, со Безначальным Твоим Отцем, и с Пресвятым, и Благим, и Животворящим Твоим Духом, ныне и присно, и во веки веков».

В начале 3-й статии, которая, по Уставу, поется на 3-й глас – малое каждение.

Примечание. «И начинаем 3-ю статию, кадящу настоятелю» (Типикон, гл. 49, «Во Святую и Великую Субботу»).

По окончании 3-й статии – тропари воскресные, поемые по Непорочных, глас 5-й: «Ангельский собор...» (с обычным припевом: «Благословен еси, Господи...»). В это время, по традиции, совершается полное каждение всего храма[4].

Малая ектения. Возглас: «Ты бо еси Царь мира, Христе Боже наш, и Тебе славу возсылаем, со Безначальным Твоим Отцем, и с Пресвятым, и Благим, и Животворящим Твоим Духом, ныне и присно, и во веки веков».

По возгласе – седален Триоди, глас 1-й: «Плащаницею чистою...». «Слава» – тот же седален[5], «И ныне» – ин седален, глас тот же: «Ужасошася лицы ангельстии...»[6].

Псалом 50-й. (Священнослужители уходят в алтарь. Царские врата затворяются. «Воскресение Христово видевше...» не поется. Молитва: «Спаси, Боже, люди Твоя...» не читается.)

Канон Великой Субботы из Триоди, глас 6-й: «Волною морскою...», со ирмосом на 14 (ирмосы по дважды, тропари на 12). Припевы к тропарям: «Слава Тебе, Боже наш, слава Тебе». Библейские песни не стихословятся.

Катавасия по каждой песни – ирмосы того же канона.

Примечание. «Есть же канон от первыя песни до шестыя, творение Марка монаха, епископа Идрунтскаго: [Ирмосы же творение жены некия Кассии именуемыя,] от 6-я же песни до конца, творение господина Космы» (Типикон, гл. 49, «Во Святую и Великую Субботу»).

По 3-й песни – седален Триоди, глас 1-й: «Гроб Твой, Спасе...». «Слава, и ныне» – тот же седален.

По 6-й песни – кондак Триоди, глас 6-й: «Бездну заключивый...», и икос, глас тот же: «Содержай вся...».

На 9-й песни – обычное каждение («Честнейшую» не поем).

По 9-й песни «Достойно есть» не поется. Вместо светильна поется на 2-й глас: «Свят Господь Бог наш...», со стихами (трижды).

Примечание. До пения великого славословия (обычно во время канона или хвалитных стихир) предстоятель облачается во все священнические одежды (без чтения соответствующих молитв).

«Всякое дыхание...» и хвалитные псалмы.

На хвалитех стихиры Триоди, глас 2-й и глас 6-й – 4. «Слава» – Триоди, глас 6-й: «Днешний день тайно...», «И ныне» – Богородичен, глас 2-й: «Преблагословенна еси, Богородице Дево...».

На пение «И ныне» хвалитных стихир отверзаются царские врата, и священнослужители царскими вратами выходят к Плащанице (предстоятель – в полном облачении). Возглас на славословие предстоятель произносит перед Плащаницей.

Примечание. «Славословие великое. Таже входит настоятель во святый олтарь со иереи и диаконы, и облачится во вся священныя одежды, иереи же токмо в ризы: исходит со Евангелием под Плащаницею, наддержащим священником, диаконом же кадящим. В то время звон во вся, предходящим ему со свещами, и со двема лампадома: и оба лика поюще Трисвятое надгробное. Приходит же игумен пред святыя царския двери, и ту стоит, ожидая конца Трисвятаго последняго. Сему же кончану бывшу, входит настоятель со Евангелием в царския двери, и полагает Евангелие на престоле, Плащаницу же на уготоване столе, во образ гроба...» (Типикон, гл. 49, «Во Святую и Великую Субботу»). «Славословие великое. Священник же облачится во всю священническую одежду, и входит со святым Евангелием» (Триодь Постная, «Во Святую и Великую Субботу»).

В древности существовала также следующая практика: во время пения хвалитных стихир Плащаницу уносили в алтарь и полагали на престоле. Во время великого славословия совершали каждение престола окрест трижды и через северные врата выносили Плащаницу на крестный ход. По окончании крестного хода Евангелие полагали на престол, а Плащаницу на уготованную гробницу; Евангелие читалось в алтаре, а не перед Плащаницей, как это принято сейчас повсеместно (см.: Булгаков С. В. Настольная книга священно-церковнослужителя. Т. 1. С. 616).

Поется великое славословие. Предстоятель с диаконом совершают троекратное каждение окрест Плащаницы. С началом пения Трисвятого все священнослужители совершают три земных поклона. Затем они подъемлют Плащаницу; предстоятель идет под Плащаницей с малым Евангелием на главе. Если служит один священник, то он поднимает Плащаницу и передает ее благоговейным мирянам, а сам с Евангелием входит под Плащаницу; или сам над главой своей несет Плащаницу, а Евангелие передает диакону. Совершается крестный ход вокруг храма. Во время крестного хода медленно поется «Святый Боже...», и бывает перезвон (от большого колокола к малым, но не наоборот), а когда шествие войдет в храм, совершается краткий трезвон.

По входе в храм Плащаницу подносят к царским вратам. Предстоятель по окончании пения «Святый Боже...» возглашает, воздвизая Евангелие: «Премудрость, прости», и Плащаница относится на середину храма. Совершается каждение окрест Плащаницы (трижды). В это время поется[7] тропарь Триоди, глас 2-й: «Благообразный Иосиф...» (единожды). Далее тропарь пророчества, глас 2-й: «Содержай концы...», «Слава[8], и ныне» – тот же тропарь. Диакон: «Вонмем». Чтец – прокимен паримии Триоди, глас 4-й: «Воскресни, Господи, помози нам, и избави нас имене ради Твоего»; стих: «Боже, ушима нашима услышахом, и отцы наши возвестиша нам». Диакон: «Премудрость». Чтец: «Пророчества Иезекиилева чтение». Диакон: «Вонмем». И чтение паримии Триоди (Иезекииля). Диакон: «Вонмем». Чтец – прокимен Апостола, глас 7-й: «Воскресни, Господи Боже мой, да вознесется рука Твоя, не забуди убогих Твоих до конца»; стих: «Исповемся Тебе, Господи, всем сердцем моим, повем вся чудеса Твоя». Диакон: «Премудрость». Апостол (составной; см. в Триоди) – 1 Кор., 133 зач. (5:6–8); Гал., 206 зач. (3:13–14). Аллилуиарий, глас 5-й: «Да воскреснет Бог, и расточатся врази Его»; стих: «Яко исчезает дым, да исчезнут, яко тает воск от лица огня»; стих: «Тако да погибнут грешницы от лица Божия, а праведницы да возвеселятся». Евангелие – Мф., зач. 114 (читается, по традиции, предстоятелем у Плащаницы). Ектении: полная сугубая – «Рцем вси...», и просительная – «Исполним утреннюю...» (с молитвой главопреклонения), и прочее по обычаю.

Великий отпуст произносится с амвона: «Иже нас ради человеков и нашего ради спасения, страшныя Страсти, и Животворящий Крест, и вольное погребение Плотию изволивый, Христос, Истинный Бог наш, молитвами Пречистыя Своея Матере и всех святых, помилует и спасет нас, яко Благ и Человеколюбец». По отпусте певцы поют многолетны, затем – стихиру Триоди на целование Плащаницы, глас 5-й: «Приидите, ублажим Иосифа приснопамятнаго...», и бывает целование Плащаницы.

Примечание. «И бывает целование во обителех на плащанице положения во гробе. А идеже несть плащаницы, целуют образ. Певцы же поют стихиру, глас 5-й: Приидите, ублажим: и час 1-й» (Типикон, гл. 49, «Во Святую и Великую Субботу»). «Первый же час поется в притворе» (Триодь Постная, «Во Святую и Великую Субботу»).

Час 1-й присоединяется к утрене и оканчивается малым отпустом.

Отдельно совершаются часы 3-й, 6-й и 9-й и изобразительны[9].

Примечание. «При часе же 4-м дне. Ударяет параекклисиарх в малое било. И собравшеся поем час 3, 6, и 9, вкупе, просто, в притворе» (Типикон, гл. 49, «Во Святую и Великую Субботу»).

Перед началом часов священнослужители, по традиции, совершают входные молитвы (по обычаю, перед Плащаницей), облачаются и начинают проскомидию.

На часах – тропарь Триоди: «Благообразный Иосиф...». Кондак Триоди: «Бездну заключивый...».

Блаженны «скоро», без пения (как в Великий Четверток). На «И ныне» – «Верую...». «Ослаби, остави...». По «Отче наш» и возгласе: «Яко Твое есть Царство...» – кондак Триоди: «Бездну заключивый...», «Господи, помилуй» (12). Молитва: «Всесвятая Троице...». Иерей (или диакон): «Премудрость». Певцы: «Достойно есть...» до слов: «и Матерь Бога нашего» (включительно). Иерей: «Пресвятая Богородице, спаси нас». Хор: «Честнейшую Херувим...». Иерей: «Слава Тебе, Христе Боже...». Хор: «Слава, и ныне», «Господи, помилуй» (трижды), «Благослови». Отпуст малый: «Христос, Истинный Бог...». Многолетны[10].

Вечерня соединяется с Литургией свт. Василия Великого.

Примечание. По Уставу, вечерня с Литургией свт. Василия Великого начинается «о часе 10-м дне», т. е. по-нашему – около 4-х часов пополудни (ср.: Типикон, гл. 49, «Во Святую и Великую Субботу вечера»).

Возглас: «Благословено Царство...». Обычное начало (с «Царю Небесный...»), псалом 103-й (священник читает светильничные молитвы[11]). Великая ектения. Кафизмы нет.

«Господи, воззвах», глас 1-й. В это время заканчивается проскомидия, и совершается каждение всего храма.

Примечание. «Господи, воззвах поем во глас 1-й. Иерей же и диакон отшедше творят проскомидию. И ставим стихов 8, и поем стихиры воскресны 4, глас 1-й: Вечерния наша молитвы: В тоже время кадит диакон. И Триоди самогласны 3, глас 8-й, на 4» (Типикон, гл. 49, «Во Святую и Великую Субботу вечера»). «Таже, Господи, воззвах, во глас 1-й. Обители же священницы и диакони вси, достигшу стиху, глаголющу: Падут во мрежу свою: полагающе поклон, отходят, и облачатся и сии во одежди, и творят проскомидию» (Триодь Постная, «Во Святую и Великую Субботу вечера»).

На «Господи, воззвах» стихиры Триоди на 8: воскресные, глас 1-й – 4, и Великой Субботы, глас 8-й – 4 (первая стихира – дважды). «Слава» – Триоди, глас 6-й: «Днешний день...», «И ныне» – догматик, глас 1-й: «Всемирную славу...».

Вход с Евангелием (перед Плащаницей). «Свете Тихий». Прокимна нет. Царские врата затворяются, и тотчас начинается чтение 15 паримий Триоди (по традиции, перед Плащаницей).

Примечание. «Прокимен не глаголется: Но абие иерей, или диакон, Премудрость. И начинает чтец чтения дне Триоди по чину их. Всех же чтений 15» (Типикон, гл. 49, «Во Святую и Великую Субботу вечера»).

Сначала читаются 1–6 паримии. В конце 6-й паримии, на словах: «И рекоша глаголюще», царские врата, по традиции, отверзаются. Чтец возглашает: «Поим Господеви». Певцы поют на 5-й глас: «Славно бо прославися». Чтец возглашает следующие стихи из песни пророка Моисея, певцы на оба лика после каждого стиха поют: «Славно бо прославися». После всех стихов, чтец: «Слава...». Певцы: «Славно бо прославися». Чтец: «И ныне...». Певцы: «Славно бо прославися». И в заключение сам чтец поет: «Славно бо прославися». Царские врата затворяются.

Читаются 7–15 паримии. В конце 15-й паримии, на словах: «Благословен еси на тверди небесней, и препетый, и превозносимый во веки», царские врата, по традиции, отверзаются, и поется песнь трех отроков (в таком же порядке, как исполнялась по 6-й паримии песнь пророка Моисея). Поется: «Господа пойте и превозносите во вся веки»; далее чтец возглашает стихи песни, а певцы к каждому стиху припевают: «Господа пойте и превозносите Его во веки». К стиху «Да благословит земля» должно петь: «Господа да поет и превозносит Его во веки». После стиха «Благословим Отца и Сына и Святаго Духа» следует петь: «Господа поем и превозносим Его во веки». Затем чтец: «И ныне». Певцы: «Господа пойте и превозносите Его во веки». Последний стих, по традиции, поет сам чтец: «Хвалим, благословим, покланяемся Господеви, поюще и превозносяще во вся веки».

Ектения малая. Возглас: «Яко Свят еси, Боже наш, и Тебе славу возсылаем...»[12]. Вместо Трисвятого – «Елицы во Христа крестистеся...»[13].

Прокимен, глас 5-й: «Вся земля да поклонится Тебе и поет Тебе, да поет же имени Твоему, Вышний»; стих: «Воскликните Господеви, вся земля, пойте же имени Его».

Апостол (читается, по традиции, перед Плащаницей) – Рим., зач. 91.

Аллилуиарий не поется, но чтец произносит вместо «Аллилуиа»: «Глас седьмый», и возглашает (или поет) стихи 81-го псалма: «Воскресни, Боже, суди земли, яко Ты наследиши во всех языцех»; стих: «Бог ста в сонме богов, посреде же боги разсудит»; стих: «Доколе судите неправду, и лица грешников приемлете?»; стих: «Судите сиру и убогу, смиренна и нища оправдайте»; стих: «Измите нища и убога, из руки грешничи избавите его»; стих: «Не познаша, ниже уразумеша, во тьме ходят»; стих: «Да подвижатся вся основания земли. Аз рех: бози есте, и сынове Вышняго вси, вы же яко человецы умираете и яко един от князей падаете». Певцы поют припев: «Воскресни, Боже, суди земли, яко Ты наследиши во всех языцех», к каждому стиху этого псалма.

Во время пения «Воскресни, Боже...» царские врата затворяются, и закрывается завеса, священнослужители переоблачаются в белые ризы, и все облачения в храме заменяются светлыми[14]. К чтению Евангелия царские врата открываются.

Примечание. «Егда поют: Воскресни, Боже, суди земли: Тогда иереи и диакони извлачаются черных одежд, и облачаются в белыя» (Триодь Постная, «Во Святую и Великую Субботу вечера»). «Поему же сему, извлачаются иерее и диакони от одежд, и облачаются в белыя» (Типикон, гл. 49, «Во Святую и Великую Субботу вечера»).

Евангелие (читается диаконом перед Плащаницей, а иереем без диакона – у престола) – Мф., зач. 115.

И далее – по чину Литургия свт. Василия Великого.

Вместо «Херувимской» – «Да молчит всякая плоть человеча...».

Примечание. Великий вход совершается перед Плащаницей. Песнопение «Да молчит всякая плоть человеча...» до входа поется, оканчиваясь словами: «...и датися в снедь верным», а после входа продолжается со слов: «Предходят же Сему...», и исполняется до конца[15]. Поминовение на Великом входе совершается по обычной формуле Литургии свт. Василия Великого и свт. Иоанна Златоуста[16].

Задостойник – ирмос 9-й песни канона Великой Субботы: «Не рыдай Мене, Мати...».

Причастен: «Воста яко спя Господь, и воскресе спасаяй нас».

После «Спаси, Боже, люди Твоя...» поем: «Видехом Свет Истинный...»[17].

Отпуст Литургии: «Христос, Истинный Бог наш, молитвами Пречистыя Своея Матере и всех святых, помилует и спасет нас, яко Благ и Человеколюбец». Произносить воскресный отпуст: «Воскресый из мертвых, Христос...» не следует, ибо это не соответствует смыслу богослужения Великой Субботы[18].

После отпуста, согласно Уставу, совершается благословение хлебов и вина[19].

Примечание. «И отпуст. Потом бывает обычное благословение хлебов, и вина. Приходит иерей, покадив их, глаголет обычную молитву благословения: Господи Иисусе Христе, Боже наш, благословивый пять хлебов... И рекше: Аминь» (Типикон, гл. 49, «Во Святую и Великую Субботу вечера»).

Уготованный столец с хлебами и вином поставляется перед Плащаницей, в некотором отдалении от нее, так, чтобы вокруг него можно было совершить каждение. По более распространенной практике столец с хлебами поставляется на солее. По обычаю, поются тропари, глас 2-й: «Благообразный Иосиф...», «Слава» – «Егда снизшел еси...», «И ныне» – «Мироносицам женам...». Совершается троекратное каждение окрест стола с хлебами, затем возглашается: «Господу помолимся», певцы: «Господи, помилуй», и иерей читает молитву:

«Господи Иисусе Христе, Боже наш, благословивый пять хлебов и пять тысящ насытивый, Сам благослови хлебы сия и вино, и умножи сия во граде сем (или в веси сей, или во святей обители сей) и во всем мире Твоем, и вкушающия от них верныя освяти. Яко Ты еси благословляяй и освящаяй всяческая, Христе Боже наш, и Тебе славу возсылаем, со Безначальным Твоим Отцем, и Всесвятым, и Благим, и Животворящим Твоим Духом, ныне и присно, и во веки веков».

Певцы: «Аминь».

Хлебы раздробляются и раздаются верующим.

Во всех храмах Русской Православной Церкви по окончании Божественной Литургии Великой Субботы следует возносить особую молитву «О мире на Святой Земле» (см. в приложении «Богослужебных указаний»)[20].

В Великую Субботу на трапезе разрешается пища без растительного масла и вино.

Примечание. «Долженствует же екклисиарх имети опасство, да егда скончавается литургия, будет час 2-й нощи.

По отпусте же исходим из церкве в трапезу, и сядем кийждо на месте своем, с безмолвием и со благоговеинством. И абие входит келарь, и дает братии по единому укруху хлеба: якоже бы просфоры на то уготовлены, в пол литры хлебы, умерены равны, и по 6 смоквей, или фиников, и по единой мерней чаши вина. А идеже вина несть, испивают братия квас от меда, или от жита. Смокви же обретаются на множайших странах. Нам же вкушающим, предложится чтение великое, в Деяниих святых апостол от начала. Глаголет же чтец начало, иерей же стих: Молитвами святых апостол, Господи Иисусе Христе, Боже наш, помилуй нас. И по Амине начинает чтец чести.

[По отпусте же не исходим из церкве, но седим на местех наших, и входит келарь, и дает братии по единому укруху хлеба, и по шести смоквей, или фиников, и по единому красовулю[21] вина. Нам же возлежащим, бывает чтение великое в Деяниих святых апостол от начала (Триодь Постная, «Во Святую и Великую Субботу вечера»).]

Ведомо же да есть, яко в завещаниих святых апостол, и инде паки отцы, даже до куроглашения, повелевают отговевати верным. Святый же 6-й Собор до полунощи повелевает. Типицы же Студийский, Иерусалимский, и Святыя Горы, до конца 3-го часа нощи глаголют совершати службу, и тако ясти, ничтоже ино, но хлеб, и овощие, и мало вин, якоже мню. Сия убо вся мы сочетавше, сущим у нас о Христе братиям предложихом, якоже и предречеся по отеческому уставу, яко да купно, внегда зайдет солнце, клепати, идеже доспеет отпуст.

По вкушении же всея братии, бывает чтение в техже Деяниих святых апостол, якоже предречеся. Сие опасство да внимает церквоначальник, да вся Деяния прочтутся до конца. Братиям же всем с прилежанием послушающим, и да не будет леть ни единому же на сон предати себе, боящеся скверны искусителя врага: в таковых бо временех и местех тщится враг осквернити нерадивыя, и многосонливыя монахи. Изменяются же чтецы, и чтут даже до часа 4-го нощи. Посем же вжигает параекклисиарх вся кандила по местом. И взем от настоятеля благословение, и тако изшед ударяет в било. И чтец совершает чтение» (Типикон, гл. 49, «Во Святую и Великую Субботу вечера», 2-е, 3-е и 4-е «зри»).

Если освящение куличей и пасох совершается до Светлой заутрени, то при этом следует петь только воскресный тропарь 2-го гласа: «Егда снизшел еси к смерти...».

После уборки храма начинается «чтение великое в Деяниих святых апостол от начала». Чтец: «Деяния святых апостол благослови, отче, прочести». Иерей: «Молитвами святых апостол, Господи Иисусе Христе, Боже наш, помилуй нас». Чтец: «Аминь», и начинает чтение.

Аналой для чтения Деяний поставляется перед Плащаницей.

1 По обычаю, перед Плащаницей.

2 Во время пения 17-й кафизмы с похвалами диакон непрестанно кадит Плащаницу.

3 Ср.: Розанов В. Богослужебный Устав Православной Церкви. С. 581.

4 Устав умалчивает о каждении во время тропарей по Непорочных («Ангельский собор...»).

5 Согласно Постной Триоди, на «Славу» поется окончание седальна.

6 «И чтение в толковании Златоустаго на Евангелие Матфея, зачало 114: Во утрий же день, иже есть по пятце» (Типикон, гл. 49, «Во Святую и Великую Субботу»).

7 «И мы тропарь единожды: Благообразный Иосиф...» (Триодь Постная, «Во Святую и Великую Субботу»). «Глаголет настоятель: Премудрость, прости. И чтец абие тропарь Благообразный Иосиф... единожды» (Типикон, гл. 49, «Во Святую и Великую Субботу»).

8 Согласно Постной Триоди, на «Славу» повторяется окончание тропаря.

9 Изобразительны начинаются с «Во Царствии Твоем...».

10 Ср.: Великопостный служебник. В 3-х ч. М.: Издательство Московской Патриархии Русской Православной Церкви, 2021. Ч. 3. С. 286; Службы на каждый день Страстныя седмицы: в 6-ти кн. Кн. 6: Суббота. М.: Издательство Московской Патриархии Русской Православной Церкви, 2013. С. 106–107.

11 По обычаю, перед Плащаницей.

12 Возглас «Яко Свят еси, Боже наш...» произносится на Литургии и тогда, когда она совершается с вечерней. По мнению прот. К. Никольского (см. его «Пособие к изучению Устава богослужения Православной Церкви», с. 388), в этом случае следует возглашать «Господи, спаси благочестивыя...». Порядок произношения «Господи, спаси благочестивыя...» такой же, как на Литургии, совершаемой без соединения с вечерней. Священник, когда нет служащего диакона, должен произносить сам возглашение «Господи, спаси благочестивыя и услыши ны» в следующей редакции. Иерей – возглас: «Яко Свят еси, Боже наш, и Тебе славу возсылаем, Отцу и Сыну и Святому Духу, ныне и присно и во веки веков». Лик: «Аминь». Иерей: «Господи, спаси благочестивыя». Лик поет то же. Иерей: «И услыши ны». Лик поет то же, и далее поет «Святый Боже...». (См.: Определения Священного Синода <о порядке возглашения «Господи, спаси благочестивыя...»>, заседание 17 июля 1997 г. // Журнал Московской Патриархии. М., 1997. № 8. С. 15–16.)

13 Молитва Трисвятого («Боже Святый...») читается на полной Литургии и в том случае, когда она совершается в соединении с вечерней. Ср.: Никольский К., прот. Пособие к изучению Устава богослужения Православной Церкви. СПб., 19077; М.: Издательский Совет РПЦ, 2008р. С. 387–391; Булгаков С. В. Настольная книга для священно-церковнослужителей. К., 1913. М., 1993р. С. 882; Настольная книга священнослужителя. М.: Изд. Моск. Патриархии, 19922. Т. 1. С. 225; Георгиевский А. И. Чинопоследование Божественной Литургии. Нижний Новгород, 1995. С. 59.

14 Переоблачение священнослужителей в светлые одежды – это крещальная особенность, сохранившаяся в современном богослужении от древней практики Крещения в этот день оглашенных (как и апостольское и евангельское чтения Литургии Великой Субботы).

15 Ср.: Булгаков С. В. Настольная книга для священно-церковнослужителей. К., 1913. М., 1993р. С. 618.

16 При архиерейском служении поминовение на Великом входе бывает, как обычно, в царских вратах, после обхождения процессией Плащаницы. В приходской практике, помимо совершения поминовения на амвоне (после обхождения Плащаницы), встречается также обычай совершения поминовения у Плащаницы (посреди храма лицом к молящимся) во время остановки при ее обхождении.

17 Существует практика петь вместо «Видехом Свет Истинный...» воскресный тропарь, глас 2-й: «Егда снизшел еси к смерти...» (ср.: Последование служб в субботу Лазареву, Неделю ваий и Страстную седмицу / Сост. Е. Кустовский. М., 2010. С. 300), однако, богослужебные книги не дают оснований для подобной замены.

18 См.: Успенский Н. Д. Богослужебные отпусты // Журнал Московской Патриархии. М., 1963. № 12. С. 52–69; Богослужебные указания на 1998 год. С. 417–419.

19 Встречается практика, согласно которой благословение хлебов и вина, предваряемое пением тропарей и троекратным каждением окрест стола с хлебами, совершается после заамвонной молитвы.

20 Данное указание включено в месяцеслов по благословению Святейшего Патриарха Кирилла 26 мая 2017 года.

21 Красовуля – чаша для пития, употребляемая в греческих монастырях, которая вмещает ½ фунта и более напитка (один русский фунт равен 409,5 грамма).

Богослужебные указания с сайта Патриархии на каждый день.

⏶ Закрыть богослужебные указания

Вечерня во Святый и Великий Пяток

Священник: Благослове́н Бог наш всегда́, ны́не и при́сно и во ве́ки веко́в.

Чтец: Аминь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от всякия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставляем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец: Ами́нь.

Го́споди, поми́луй. (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя, Го́спода, Го́споди Бо́же мой, возвели́чился еси́ зело́, во испове́дание и в велеле́поту обле́клся еси́. Одея́йся све́том я́ко ри́зою, простира́яй не́бо я́ко ко́жу. Покрыва́яй вода́ми превы́спренняя Своя, полага́яй о́блаки на восхожде́ние Свое, ходя́й на крилу́ ве́треню. Творяй А́нгелы Своя ду́хи, и слуги́ Своя пла́мень о́гненный. Основа́яй зе́млю на тве́рди ея, не преклони́тся в век ве́ка. Бе́здна я́ко ри́за одея́ние ея, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры, и низхо́дят поля́ в ме́сто, е́же основа́л еси́ им. Преде́л положи́л еси́, его́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Своих, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тьму, и бысть нощь, в не́йже про́йдут вси зве́рие дубра́внии. Ски́мни рыка́ющии восхи́тити, и взыска́ти от Бо́га пи́щу себе́. Возсия́ со́лнце, и собра́шася, и в ло́жах сво́их ля́гут. Изы́дет челове́к на де́ло свое, и на де́лание свое до ве́чера. Я́ко возвели́чишася дела́ Твоя, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́хже несть числа́, живо́тная ма́лая с вели́кими, та́мо корабли́ препла́вают, змий сей, его́же созда́л еси́ руга́тися ему. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им, соберу́т, отве́рзшу Тебе́ ру́ку, вся́ческая испо́лнятся бла́гости, отвра́щшу же Тебе́ лице́, возмяту́тся, оты́меши дух их, и исче́знут, и в персть свою возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Своих, призира́яй на зе́млю, и творя́й ю трясти́ся, прикаса́яйся гора́м, и дымя́тся. Воспою́ Го́сподеви в животе́ моем, пою́ Бо́гу моему́, до́ндеже есмь, да услади́тся Ему́ бесе́да моя, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя, Го́спода. Со́лнце позна́ за́пад свой, положи́л еси́ тьму, и бысть нощь. Я́ко возвели́чишася дела́ Твоя, Го́споди, вся прему́дростию сотвори́л еси́.

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (Трижды).

Ектения великая

Ми́ром Го́споду помо́лимся.

Лик: Го́споди, поми́луй.

О свы́шнем ми́ре и спасе́нии душ наших, Го́споду помо́лимся.

Лик: Го́споди, поми́луй.

О ми́ре всего ми́ра, благостоя́нии Святы́х Бо́жиих Церкве́й, и соедине́нии всех, Го́споду помо́лимся.

Лик: Го́споди, поми́луй.

О святе́м хра́ме сем и с ве́рою, благогове́нием и стра́хом Бо́жиим входя́щих вонь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

О Богохрани́мей стране́ нашей, власте́х и во́инстве ея́, Го́споду помо́лимся.

Лик: Го́споди, поми́луй.

О гра́де сем, вся́ком гра́де, стране́ и ве́рою живу́щих в них, Го́споду помо́лимся.

Лик: Го́споди, поми́луй.

О благорастворе́нии возду́хов, о изобилии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, Пречи́стую, Преблагослове́нную, Сла́вную Влады́чицу нашу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Священник: Я́ко подоба́ет Тебе́ вся́кая сла́ва, че́сть и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

«Господи, воззвах»

Таже поем Го́споди, воззва́х… во глас 1, на оба лика:

Го́споди, воззва́х к Тебе́, услы́ши мя, услы́ши мя, Го́споди.

Го́споди, воззва́х к Тебе́, услы́ши мя: вонми́ гла́су моле́ния моего́, внегда́ воззва́ти ми к Тебе́. Услы́ши мя, Го́споди.

Да испра́вится моли́тва моя, я́ко кади́ло пред Тобо́ю, воздея́ние руку́ мое́ю же́ртва вече́рняя́. Услы́ши мя, Го́споди.

Положи́, Го́споди, хране́ние усто́м моим, и дверь огражде́ния о устна́х моих.

Не уклони́ се́рдце мое в словеса́ лука́вствия, непщева́ти вины́ о гресе́х.

С челове́ки де́лающими беззако́ние, и не сочту́ся со избра́нными их.

Нака́жет мя пра́ведник ми́лостию и обличи́т мя, елей же гре́шнаго да не нама́стит главы́ моей.

Я́ко еще́ и молитва моя во благоволе́ниих их, поже́рты бы́ша при ка́мени судии их.

Услы́шатся глаго́ли мои, я́ко возмого́ша: я́ко то́лща земля просе́деся на земля, расточишася ко́сти их при а́де.

Я́ко к Тебе́, Го́споди, Го́споди, о́чи мои: на Тя упова́х, не отыми ду́шу мою.

Сохрани мя от се́ти, юже соста́виша ми, и от собла́зн де́лающих беззако́ние.

Паду́т во мре́жу свою́ гре́шницы: един есмь аз, до́ндеже прейду́.

Гла́сом моим ко Го́споду воззва́х, гла́сом моим ко Го́споду помолихся.

Пролию́ пред Ним моле́ние мое, печа́ль мою пред Ним возвещу́.

Внегда́ исчеза́ти от мене́ ду́ху моему́: и Ты позна́л еси стези моя.

На пути сем, по нему́же хожда́х, скры́ша сеть мне.

Смотря́х одесну́ю и возгля́дах, и не бе зна́яй мене́.

Поги́бе бе́гство от мене́, и несть взыска́яй ду́шу мою́.

Воззва́х к Тебе́, Го́споди, рех: Ты еси упова́ние мое́, часть моя еси на земли живы́х.

Вонми́ моле́нию моему́, яко смирихся зело́.

Изба́ви мя от гоня́щих мя, яко укрепишася па́че мене́.

На 6, стих: А́ще беззако́ния на́зриши, Го́споди, Го́споди, кто́ постои́т? Я́ко у Тебе́ очище́ние есть.

Стихиры Триоди, глас 1

Вся тварь изменя́шася стра́хом, зрящи Тя на Кресте́ ви́сима, Христе́. Со́лнце омрача́шеся, и земли основа́ния сотряса́хуся, вся сострада́ху Созда́вшему вся. Во́лею нас ра́ди претерпе́вый, Го́споди, сла́ва Тебе́.

Стих: Имене ра́ди Твоего́ потерпе́х Тя, Го́споди, потерпе́ душа́ моя в сло́во Твое́, упова́ душа́ моя на Го́спода.

Вся тварь изменя́шася стра́хом, зрящи Тя на Кресте́ висима, Христе́. Со́лнце омрача́шеся, и земля основа́ния сотряса́хуся, вся сострада́ху Созда́вшему вся. Во́лею нас ра́ди претерпе́вый Го́споди, сла́ва Тебе́.

Стих: От стра́жи у́тренния до но́щи, от стра́жи у́тренния, да упова́ет Изра́иль на Го́спода.

Глас 2: Лю́дие злочести́вии и беззако́ннии, вску́ю поуча́ются тще́тным? Вску́ю Живота́ всех на смерть осуди́ша? Ве́лие чу́до, я́ко Созда́тель мира в ру́ки беззако́нных предае́тся, и на дре́во возвыша́ется Человеколю́бец, да я́же во а́де ю́зники свободи́т, зову́щия: Долготерпели́ве Го́споди, сла́ва Тебе́.

Стих: Я́ко у Го́спода милость и мно́гое у Него́ избавле́ние: и Той изба́вит Изра́иля от всех беззако́ний его́.

Днесь зря́щи Тя Непоро́чная Де́ва на Кресте́, Сло́ве, возвыша́ема, рыда́ющи ма́тернею утро́бою, уязвля́шеся се́рдцем го́рце, и стеня́щи боле́зненно из глубины́ души, лице́ со власы́ терза́ющи. Те́мже и пе́рси бию́щи взыва́ше жа́лостно: увы́ Мне, Боже́ственное Ча́до! Увы́ Мне, Све́те ми́ра! Что заше́л еси́ от о́чию Мое́ю Агнче Бо́жий? Те́мже во́инства безпло́тных тре́петом содержи́ми бя́ху, глаго́люще: Непостижи́ме Го́споди, сла́ва Тебе́.

Стих: Хвали́те Го́спода вси язы́цы, похвали́те Его́ вси лю́дие.

На дре́ве ви́дящи ви́сима, Христе́, Тебе́ всех Зижди́теля и Бо́га, безсе́менно ро́ждшая Тя вопия́ше го́рько: Сы́не Мой, где добро́та за́йде зра́ка Твоего́? Не терплю́ зре́ти Тя непра́ведно распина́ема: потщи́ся у́бо воста́ни, я́ко да ви́жу и Аз Твое́ из ме́ртвых тридне́вное Воскресе́ние.

Стих: Я́ко утверди́ся ми́лость Его́ на нас, и и́стина Госпо́дня пребыва́ет во век.

Глас 6: Днесь Влады́ка тва́ри предстои́т Пила́ту, и Кресту́ предае́тся Зижди́тель всех: я́ко а́гнец приводи́мь Свое́ю во́лею, гвоздьми́ пригвожда́ется, и в ре́бра пробода́ется, и гу́бою напоя́ется ма́нну одожди́вый, по лани́те зауша́ется Изба́витель ми́ра, и от Свои́х раб поруга́ется Созда́тель всех. О Влады́чняго человеколю́бия! О распина́ющих моля́ше Своего́ Отца́, глаго́ля: О́тче, оста́ви им грех сей: не ве́дят бо беззако́ннии, что непра́ведное содева́ют.

Сла́ва Отцу́ и Сы́ну и Свято́му Ду́ху.

О ка́ко беззако́нное со́нмище, Царя́ тва́ри осуди́ на смерть, не устыде́вся благодея́ния, я́же воспомина́я предутвержда́ше глаго́ля к ним: лю́дие Мои, что сотвори́х вам? Не чуде́с ли испо́лних Иуде́ю? Не мертвецы́ ли воскреси́х еди́нем сло́вом? Не вся́кую ли боле́знь исцели́х и неду́г? Что у́бо Ми воздаете́? Вску́ю не по́мните Мя? За исцеле́ния ра́ны Мне наложи́вше, за живо́т умерщвля́юще, ве́шающе на дре́ве я́ко злоде́я Благоде́теля, я́ко беззако́нна Законода́вца, я́ко осужде́нна всех Царя́. Долготерпели́ве Го́споди, сла́ва Тебе́.

И ны́не и при́сно и во ве́ки веко́в. Ами́нь.

Стра́шное и пресла́вное та́инство днесь де́йствуемо зри́тся: Неосяза́емый удержава́ется; вя́жется Разреша́яй Ада́ма от кля́твы; Испыту́яй сердца́ и утро́бы непра́ведно испыту́ется; в темни́це затворя́ется, И́же бе́здну затвори́вый; Пила́ту предстои́т, Ему́же тре́петом предстоя́т небе́сныя си́лы; зауша́ется руко́ю созда́ния Созда́тель; на дре́во осужда́ется Судя́й живы́м и ме́ртвым; во гро́бе заключа́ется Разори́тель а́да, И́же вся терпя́й милосе́рдно, и всех спасы́й от кля́твы, Незло́биве Господи, сла́ва Тебе́.

И абие бывает вход со Святым Евангелием. Иерей благословляет вход.

Диакон: Прему́дрость, про́сти.

Лик: Све́те ти́хий святы́я сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́. Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пет бы́ти гла́сы преподо́бными, Сы́не Бо́жий, живо́т дая́й, те́мже мир Тя сла́вит.

Диакон: Во́нмем.

Священник: Мир всем.

Диакон: Прему́дрость. Во́нмем. Проки́мен, глас 4:

Раздели́ша ри́зы Мои́ себе́, и о оде́жди Мое́й мета́ша жре́бий.

Лик: Раздели́ша ри́зы Мои́ себе́, и о оде́жди Мое́й мета́ша жре́бий.

Диакон, стих: Бо́же, Бо́же Мой, вонми́ Ми, вску́ю оста́вил Мя еси́?

Лик: Раздели́ша ри́зы Мои́ себе́, и о оде́жди Мое́й мета́ша жре́бий.

Диакон: Раздели́ша ри́зы Мои́ себе́.

Лик: И о оде́жди Мое́й мета́ша жре́бий.

Паримии

Диакон: Прему́дрость.

Чтец: Исхо́да чте́ние (Исх.33:11–23).

Диакон: Во́нмем.

Чтец: Глаго́ла Госпо́дь к Моисе́ю лице́м к лицу́, я́коже а́ще бы кто возглаго́лал к своему́ дру́гу, и отпуща́шеся в полк: слуга́ же Иису́с сын Нави́н, ю́ноша не исхожда́ше из ски́нии. И рече́ Моисе́й ко Го́споду: се Ты мне глаго́леши, изведи́ лю́ди сии́, Ты же не яви́л ми еси́, кого́ по́слеши со мно́ю. Ты же мне рекл еси́: вем тя па́че всех, и благода́ть и́маши у Мене́. Аще у́бо обрето́х благода́ть пред Тобо́ю, яви́ ми Тебе́ Само́го, да разу́мно ви́жду Тя, яко да обре́т бу́ду благода́ть пред Тобо́ю́: и да позна́ю, яко лю́дие Твои́ язы́к вели́к сей. И глаго́ла (ему́ Госпо́дь): Аз Сам предыду́ пред тобо́ю, и упоко́ю тя. И рече́ к Нему́ Моисе́й: а́ще Сам Ты не и́деши с на́ми, да не изведе́ши мя отсю́ду. И ка́ко ве́домо бу́дет вои́стинну, яко обрето́х благода́ть у Тебе́, аз же и лю́дие Твои́, то́чию иду́щу Ти с на́ми? И просла́влен бу́ду, аз же и лю́дие Твои́, па́че всех язы́к, ели́цы суть на земли́. Рече́ же Госпо́дь к Моисе́ю: и сие́ тебе́ сло́во, е́же рекл еси́, сотворю́: обре́л бо еси́ благода́ть предо Мно́ю, и вем тя па́че всех. И глаго́ла Моисе́й: покажи́ ми сла́ву Твою́. И рече́ (Госпо́дь к Моисе́ю): Аз предыду́ пред тобою́ сла́вою Мое́ю и воззову́ о и́мени Мое́м, Госпо́дь, пред тобо́ю: и поми́лую, его́же а́ще ми́лую: и уще́дрю, его́же а́ще ще́дрю. И рече́: не возмо́жеши ви́дети лица́ Моего́, не бо у́зрит челове́к лице́ Мое́, и жив бу́дет. И рече́ Госпо́дь: се ме́сто у Мене́, и ста́неши на ка́мени. Егда́ же пре́йдет сла́ва Моя́, и положу́ тя в разсе́лине ка́мене, и покры́ю руко́ю Мое́ю над тобо́ю, до́ндеже мимоиду́. И отыму́ ру́ку Мою́ и тогда́ у́зриши сза́ди Мене́. Лице́ же Мое́ не яви́тся тебе́.

Диакон: Во́нмем. Проки́мен, глас четве́ртый:

Суди́, Го́споди, оби́дящия мя, побори́ борю́щия мя.

Лик: Суди́, Го́споди, оби́дящия мя, побори́ борю́щия мя.

Диакон, стих: Приими́ ору́жие и щит, и воста́ни в по́мощь мою́.

Лик: Суди́, Го́споди, оби́дящия мя, побори́ борю́щия мя.

Диакон: Суди́, Го́споди, оби́дящия мя.

Лик: Побори́ борю́щия мя.

Диакон: Прему́дрость.

Чтец: И́ова чте́ние (Иов.42:12-20).

Диакон: Во́нмем.

Чтец: Госпо́дь благослови́ после́дняя И́овля, не́же пре́жняя: бя́ху же ско́ти его́, ове́ц четырена́десять ты́сящ, вельблю́дов шесть ты́сящ, супру́г воло́в ты́сяща, осли́ц ста́дных ты́сяща. Роди́ша же ся ему́ сы́нове седмь, и дще́ри три. И нарече́ пе́рвую у́бо День: втору́ю же Касси́ю: тре́тию же Амалфе́ев Ро́г. И не обрето́шася подо́бнии в ле́поте дще́рем И́овлевым в поднебе́сней: даде́ же им оте́ц насле́дие в бра́тии их. Поживе́ же И́ов по я́зве лет сто се́дмьдесят: всех же лет поживе́ две́сти четы́редесять о́смь. И ви́де И́ов сы́ны своя́, и сы́ны сыно́в свои́х, да́же до четве́ртаго ро́да. И сконча́ся И́ов стар, и испо́лнь дней. Пи́сано же есть па́ки, воста́ти ему́, с ни́миже Госпо́дь возста́вит и́. Та́ко толку́ется от си́рския кни́ги. В земли́ у́бо живы́й Авситиди́йстей на преде́лех Идуме́и и Арави́и: пре́жде же бя́ше и́мя ему́ Иова́в. Взем же жену́ ара́вляныню, роди́ сы́на, ему́же и́мя Енно́н. Бе же той отца́ у́бо Заре́фа, Иса́вовых сыно́в сын, ма́тере же Восо́рры: я́коже бы́ти ему́ пя́тому от Авраа́ма.

Диакон: Прему́дрость.

Чтец: Проро́чества Иса́иина чте́ние (Ис.52:13-15; 53:1-12; 54:1).

Диакон: Во́нмем.

Чтец: Та́ко глаго́лет Госпо́дь: се уразуме́ет о́трок Мой, и вознесе́тся и просла́вится зело́. Я́коже ужа́снутся о Тебе́ мно́зи, та́ко обезсла́вится от челове́к вид Твой, и сла́ва Твоя́ от сыно́в челове́ческих. Та́ко удивя́тся язы́цы мно́зи о Нем, и заградя́т ца́рие уста́ своя́: я́ко, имже не возвести́ся о Нем, у́зрят, и и́же не слы́шаша, уразуме́ют. Го́споди, кто ве́рова слу́ху на́шему? И мы́шца Госпо́дня кому́ откры́ся? Возвести́хом, я́ко отроча́ пред Ним, я́ко ко́рень в земли́ жа́ждущей, несть ви́да Ему́, ниже́ сла́вы: и ви́дехом Его́, и не имя́ше ви́да, ни добро́ты. Но вид Его́ безче́стен, ума́лен па́че всех сыно́в челове́ческих: челове́к в я́зве сый, и ве́дый терпе́ти боле́знь, я́ко отврати́ся лице́ Его́, безче́стно бысть, и не вмени́ся. Сей грехи́ на́ша но́сит, и о нас боле́знует, и мы вмени́хом Его́ бы́ти в труде́, и в я́зве от Бо́га, и во озлобле́нии. Той же я́звен бысть за грехи́ на́ша, и му́чен бысть за беззако́ния на́ша, наказа́ние ми́ра на́шего на Нем, я́звою Его́ мы исцеле́хом. Вси я́ко о́вцы заблуди́хом: челове́к от пути́ своего́ заблуди́, и Госпо́дь предаде́ Его́ грех ра́ди на́ших. И Той, зане́ озло́блен бысть, не отверза́ет уст Свои́х: я́ко овча́ на заколе́ние веде́ся, и я́ко а́гнец пред стригу́щим его́ безгла́сен, та́ко не отверза́ет уст Свои́х. Во смире́нии Его́ суд Его́ взя́тся: род же Его́ кто испове́сть? я́ко взе́млется от земли́ живо́т Его́, ра́ди беззако́ний люде́й Мои́х веде́ся на сме́рть. И дам лука́выя вме́сто погребе́ния Его́, и бога́тыя вме́сто сме́рти Его́, я́ко беззако́ния не сотвори́, ниже́ обре́теся лесть во усте́х Его́. И Госпо́дь хо́щет очи́стити Его́ от я́звы: а́ще да́стся о гресе́, душа́ ва́ша у́зрит се́мя долгоживо́тное. И хо́щет Госпо́дь руко́ю Свое́ю отъя́ти боле́знь от души́ Его́, яви́ти Ему́ све́т, и созда́ти ра́зумом, оправда́ти Пра́веднаго, благослужа́ща мно́гим, и грехи́ их Той понесе́т. Сего́ ра́ди Той насле́дит мно́гих, и кре́пких раздели́т коры́сти: зане́ предана́ бысть на смерть душа́ Его́, и со беззако́нными вмени́ся: и Той грехи́ мно́гих вознесе́, и за беззако́ния их пре́дан бы́сть. Возвесели́ся непло́ды неражда́ющая, возгласи́ и возопи́й нечревоболе́вшая: я́ко мно́га ча́да пусты́я па́че, не́жели иму́щия му́жа.

Диакон: Во́нмем.

Чтец: Проки́мен, глас шесты́й:

Положи́ша мя в ро́ве преиспо́днем, в те́мных и се́ни сме́ртней.

Лик: Положи́ша мя в ро́ве преиспо́днем, в те́мных и се́ни сме́ртней.

Чтец, стих: Го́споди, Бо́же спасе́ния моего́, во дни воззва́х и в нощи́ пред Тобо́ю.

Лик: Положи́ша мя в ро́ве преиспо́днем, в те́мных и се́ни сме́ртней.

Чтец: Положи́ша мя в ро́ве преиспо́днем.

Лик: В те́мных и се́ни сме́ртней.

Диакон: Прему́дрость.

Чтец: К Кори́нфяном посла́ния свята́го апо́стола Па́вла чте́ние (1Кор.1:18-2:2).

Диакон: Во́нмем.

Чтец: Бра́тие, сло́во кре́стное погиба́ющим у́бо юро́дство есть, а спаса́емым нам си́ла Бо́жия есть. Пи́сано бо есть: погублю прему́дрость прему́дрых, и ра́зум разу́мных отве́ргу. Где прему́др? Где кни́жник? Где совопро́сник ве́ка сего́? Не обуи́ ли Бог прему́дрость ми́ра сего́? Поне́же бо в прему́дрости Бо́жией, не разуме́ мир прему́дростию Бо́га, благоизво́лил Бог бу́йством про́поведи спасти́ ве́рующих. Поне́же и иуде́е зна́мения про́сят, и е́ллини прему́дрости и́щут. Мы́ же пропове́дуем Христа́ ра́спята, иуде́ем у́бо собла́зн, е́ллином же безу́мие. Саме́м же зва́нным, иуде́ем же и е́ллином, Христа́, Бо́жию си́лу и Бо́жию прему́дрость. Зане́ нему́дрое Бо́жие прему́дрее челове́к есть: и немощно́е Бо́жие крепча́е челове́к есть.

Ви́дите бо зва́ние ва́ше, бра́тие, я́ко не мно́зи прему́дри по пло́ти, не мно́зи си́льни, не мно́зи благоро́дни. Но нему́дрыя ми́ра избра́ Бог, да прему́дрыя посрами́т: и не́мощная ми́ра избра́ Бог, да посрами́т кре́пкая. И худоро́дная ми́ра и уничиже́нная избра́ Бог, и не су́щая, да су́щая упраздни́т, я́ко да не похва́лится вся́ка плоть пред Бо́гом. Из Него́же вы есте́ о Христе́ Иису́се, и́же бысть нам прему́дрость от Бо́га, пра́вда же и освяще́ние, и избавле́ние. Да я́коже пи́шется: хваля́йся о Го́споде да хва́лится.

И аз прише́д к вам, бра́тие, приидо́х не по превосхо́дному словеси́, или́ прему́дрости, возвеща́я вам свиде́тельство Бо́жие. Не суди́х бо ве́дети что в вас, то́чию Иису́са Христа́, и Сего́ ра́спята.

Священник: Мир ти.

Чтец: И ду́хови твоему́.

Диакон: Прему́дрость.

Чтец: Аллилу́иа, аллилу́иа, аллилу́иа.

Стих 1: Спаси́ мя, Бо́же, я́ко внидо́ша во́ды до души́ моея́.

Лик:  Аллилу́иа, аллилу́иа, аллилу́иа.

Чтец, стих 2: Поноше́ние ча́яше душа́ моя́, и стра́сть.

Лик: Аллилу́иа, аллилу́иа, аллилу́иа.

Чтец, сти́х 3: Да помрача́тся о́чи их, е́же не ви́дети.

Лик: Аллилу́иа, аллилу́иа, аллилу́иа.

Диакон: Прему́дрость, про́сти, услышим Свята́го, Ева́нгелия.

Священник: Мир всем.

Лик: И ду́хови твоему́.

Диакон: От Матфе́я Свята́го Ева́нгелия чте́ние (Мф.27:1-38; Лк.23:39-43; Мф.27:39-54; Ин.19:31-37; Мф.27:55-61).

Лик: Сла́ва Тебе́, Го́споди, сла́ва Тебе́.

Священник: Во́нмем.

Диакон чтет Евангелие:

Во вре́мя о́но, сове́т сотвори́ша вси архи́ере́е и ста́рцы людсти́и на Иису́са, я́ко уби́ти Его́. И связа́вше Его́ ведо́ша, и преда́ша Его́ Понти́йскому Пила́ту иге́мону.

Тогда́ ви́дев Иу́да преда́вый Его́, я́ко осуди́ша Его́, раска́явся возврати́ три́десять сре́бреники архиере́ем и ста́рцем, глаго́ля: согреши́х, преда́в кровь непови́нную. Они́ же ре́ша: что есть нам? ты у́зриши. И пове́рг сре́бреники в це́ркви, оты́де, и шед удави́ся. Архиере́е же прие́мше сре́бреники, ре́ша: недосто́йно есть вложи́ти их в корва́ну, поне́же цена́ кро́ве есть. Сове́т же сотво́рше, купи́ша и́ми село́ скуде́льниче, в погребе́ние стра́нным. Те́мже нарече́ся село́ то Село́ Кро́ве до сего́ дне. Тогда́ сбы́стся рече́нное Иереми́ем проро́ком глаго́лющим: и прия́ша три́десять сре́бреник, це́ну Цене́ннаго, Его́же цени́ша от сыно́в Изра́илев: И да́ша я́ на селе́ скуде́льничи, я́коже сказа́ мне Госпо́дь. Иису́с же ста пред иге́моном, и вопроси́ Его́ иге́мон, глаго́ля: Ты ли еси́ Царь Иуде́йский? Иису́с же рече́ ему́: ты глаго́леши. И егда́ Нань глаго́лаху архиере́е и ста́рцы, ничесо́же отвещава́ше. Тогда́ глаго́ла Ему́ Пила́т: не слы́шиши ли, коли́ко на Тя свиде́тельствуют? И не отвеща́ ему́ ни к еди́ному глаго́лу, я́ко диви́тися иге́мону зело́. На всяк же пра́здник обы́чай бе иге́мону отпуща́ти еди́наго наро́ду свя́зня, его́же хотя́ху. Имя́ху же тогда́ свя́зана наро́чита, глаго́лемаго Вара́вву. Со́бранным же им, рече́ им Пила́т: кого́ хо́щете от обою́ отпущу́ вам: Вара́вву ли, или́ Иису́са глаго́лемаго Христа́? Ве́дяше бо, я́ко за́висти ра́ди преда́ша Его́. Седя́щу же ему́ на суди́щи, посла́ к нему́ жена́ его́, глаго́лющи: ничто́же тебе́, и Пра́веднику Тому́: мно́го бо пострада́х днесь во сне Его́ ра́ди. Архиере́е же и ста́рцы наусти́ша наро́ды, да испро́сят Вара́вву, Иису́са же погубя́т. Отвеща́в же иге́мон рече́ им: кого́ хо́щете от обою́ отпущу́ вам? Они́ же ре́ша: Вара́вву. Глаго́ла им Пила́т: что у́бо сотворю́ Иису́су, глаго́лемому Христу́? Глаго́лаша ему́ вси: да ра́спят бу́дет. Иге́мон же рече́: ко́е у́бо зло сотвори́? Они́ же и́злиха вопия́ху, глаго́люще: да про́пят бу́дет.

Ви́дев же Пила́т, я́ко ничто́же успева́ет, но па́че молва́ быва́ет, прие́м во́ду, умы́ ру́це пред наро́дом, глаго́ля: непови́нен есмь от кро́ве Пра́веднаго Сего́, вы у́зрите. И отвеща́вше вси лю́дие, ре́ша: кровь Его́ на нас и на ча́дех на́ших. Тогда́ отпусти́ им Вара́вву, Иису́са же бив, предаде́ им, да Его́ про́пнут.

Тогда́ во́ини иге́моновы прие́мше Иису́са на суди́ще, собра́ша Нань все мно́жество во́ин. И совле́кше Его́, оде́яша Его́ хлами́дою червле́ною. И спле́тше вене́ц от те́рния, возложи́ша на главу́ Его́, и трость в десни́цу Его́: и покло́ньшеся на коле́ну пред Ним, руга́хуся Ему́, глаго́люще: ра́дуйся, Царю́ Иуде́йский. И плю́нувше Нань, прия́ша трость, и бия́ху по главе́ Его́. И егда́ поруга́шася Ему́, совлеко́ша с Него́ багряни́цу, и облеко́ша Его́ в ри́зы Его́: и ведо́ша Его́ на пропя́тие. Исходя́ще же обрето́ша челове́ка кирине́йска, и́менем Си́мона: и сему́ заде́ша понести́ Крест Его́.

И прише́дше на ме́сто нарица́емое Голго́фа, е́же есть глаго́лемо Кра́ниево ме́сто, да́ша Ему́ пи́ти о́цет с же́лчию сме́шен: и вкушь не хотя́ше пи́ти. Распе́ншии же Его́, раздели́ша ри́зы Его́, ве́ргше жре́бия. И седя́ще стрежа́ху Его́ ту. И возложи́ша верху́ главы́ Его́ вину́ Его́ напи́сану: Сей есть Иису́с Царь Иуде́йский. Тогда́ распя́ша с Ним два разбо́йника: еди́наго одесну́ю и еди́наго ошу́юю.

Еди́н же от обе́шеною злоде́ю ху́ляше Его́ глаго́ля: а́ще Ты еси́ Христо́с, спаси́ Себе́ и на́ю. Отвеща́в же други́й, преща́ше ему́, глаго́ля: ни ли ты бои́шися Бо́га, я́ко в то́мже осужде́н еси́? И мы у́бо в пра́вду, досто́йная бо по дело́м на́ю восприе́млева: Сей же ни еди́наго зла сотвори́. И глаго́лаше Иису́сови: помяни́ мя, Го́споди, егда́ прии́деши во Ца́рствии Си. И рече́ ему́ Иису́с: ами́нь глаго́лю тебе́, днесь со Мно́ю бу́деши в раи́.

Мимоходя́щии же ху́ляху Его́, покива́юще глава́ми свои́ми, и глаго́люще: разоря́яй це́рковь, и тремя́ де́ньми созида́яй, спаси́ся Сам: а́ще Сын еси́ Бо́жий, сни́ди со Креста́. Та́кожде же и архиере́е руга́ющеся с кни́жники, и ста́рцы, и фарисе́и, глаго́лаху: ины́я спасе́, Себе́ ли не мо́жет спасти́? Аще Царь Изра́илев есть, да сни́дет ны́не со Креста́, и ве́руем в Него́. Упова́ на Бо́га, да изба́вит ны́не Его́, а́ще хо́щет Ему́: рече́ бо, я́ко Бо́жий есмь Сын. То́жде же и разбо́йника распя́тая с Ним поноша́ста Ему́. От шеста́го же часа́ тьма бысть по всей земли́, до часа́ девя́таго. О девя́том же часе́ возопи́ Иису́с гла́сом ве́лиим, глаго́ля: Или́, Или́, лима́ савахфани́? Еже есть Бо́же Мой, Бо́же Мой, вску́ю Мя еси́ оста́вил? Не́ции же от ту стоя́щих слы́шавше, глаго́лаху: я́ко Илию́ глаша́ет Сей. И а́бие тек еди́н от них, и прие́м гу́бу, испо́лнив же о́цта, и вонзе́ на трость, напая́ше Его́. Про́чий же глаго́лаху: оста́ви да ви́дим, а́ще прии́дет Илия́ спасти́ Его́. Иису́с же па́ки возопи́в гла́сом ве́лиим, испусти́ дух. И се заве́са церко́вная раздра́ся на дво́е, с вы́шняго кра́я до ни́жняго: и земля́ потрясе́ся, и ка́мение распаде́ся. И гро́би отверзо́шася: и мно́га телеса́ усо́пших святы́х воста́ша. И изше́дше из гроб по воскресе́нии Его́, внидо́ша во святы́й град, и яви́шася мно́зем. Со́тник же и и́же с ним стрегу́щии Иису́са, ви́девше трус и бы́вшая, убоя́шася зело́, глаго́люще: вои́стинну Бо́жий Сын бе Сей.

Иуде́е же, поне́же пято́к бе, да не оста́нут на кресте́ телеса́ в суббо́ту, бе бо ве́лик день тоя́ суббо́ты, моли́ша Пила́та, да пребию́т го́лени их, и во́змут. Приидо́ша же во́ини, и пе́рвому у́бо преби́ша го́лени, и друго́му распя́тому с Ним. На Иису́са же прише́дше, я́ко ви́деша Его́ уже́ уме́рша, не преби́ша Ему́ го́лений. Но еди́н от во́ин копие́м ре́бра Ему́ прободе́, и а́бие изы́де кровь и вода́. И ви́девый свиде́тельствова, и и́стинно есть свиде́тельство его́: и той весть, я́ко и́стину глаго́лет, да вы ве́ру и́мете. Бы́ша бо сия́, да сбу́дется Писа́ние: кость не сокруши́тся от Него́. И па́ки друго́е Писа́ние глаго́лет: воззря́т Нань, Его́же прободо́ша.

Бя́ху же ту и жены́ мно́ги издале́ча зря́ще, я́же идо́ша по Иису́се от Галиле́и, служа́ще Ему́. В ни́хже бе Мари́я Магдали́на, и Мари́я Иа́ковля, и Иоси́и ма́ти, и ма́ти сы́ну Зеведе́ову. По́зде же бы́вшу, прии́де челове́к бога́т от Аримафе́я, и́менем Ио́сиф: и́же и той учи́ся у Иису́са. Сей присту́пль к Пила́ту, проси́ телесе́ Иису́сова. Тогда́ Пила́т повеле́ да́ти те́ло. И прие́м те́ло Ио́сиф, обви́т е́ плащани́цею чи́стою. И положи́ е́ в но́вем свое́м гро́бе, и́же изсече́ в ка́мени: и возвали́в ка́мень ве́лий над две́ри гро́ба, оты́де. Бе же ту Мари́я Магдали́на и друга́я Мари́я, седя́ще пря́мо гро́ба.

Лик: Сла́ва Тебе́, Го́споди, сла́ва Тебе́.

Cугубая ектения

Рцем вси от всея́ души́, и от всего́ помышле́ния на́шего рцем.

Лик: Го́споди, поми́луй.

Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды).

Еще́ мо́лимся о Вели́ком Го́споди́не и Отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и всей во Христе́ бра́тии на́шей.

Лик: Го́споди, поми́луй. (Трижды).

Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды).

Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды).

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́.

Лик: Го́споди, поми́луй. (Трижды).

Еще́ мо́лимся о плодонося́щих и доброде́ющих во свято́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тый ми́лости.

Лик: Го́споди, поми́луй. (Трижды).

Священник: Я́ко ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Чтец: Сподо́би, Го́споди, в ве́чер сей, без греха́ сохрани́тися нам. Благослове́н еси́, Го́споди Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.

Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Ектения

Испо́лним вече́рнюю моли́тву на́шу Го́сподеви.

Лик: Господи, помилуй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Ве́чера всего́ соверше́нна, свя́та, ми́рна и безгре́шна, у Го́спода про́сим.

Лик: Пода́й, Го́споди.

А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

Лик: Пода́й, Го́споди.

Проще́ния и оставле́ния грехо́в и прегреше́ний на́ших, у Го́спода про́сим.

Лик: Пода́й, Го́споди.

До́брых и поле́зных душа́м на́шим, и ми́ра ми́рови, у Го́спода про́сим.

Лик: Пода́й, Го́споди.

Про́чее вре́мя живота́ на́шего в ми́ре и покая́нии сконча́ти, у Го́спода про́сим.

Лик: Пода́й, Го́споди.

Христиа́нския кончи́ны живота́ на́шего безболе́зненны, непосты́дны, ми́рны и до́браго отве́та на Стра́шнем Суди́щи Христо́ве, про́сим.

Лик: Пода́й, Го́споди.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

Священник: Я́ко Благ и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Священник: Мир всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

Священник: Бу́ди держа́ва Ца́рствия Твоего́ благослове́на и препросла́влена, Отца́ и Сы́на и Свята́го Ду́ха, ны́не и при́сно и во ве́ки веко́в.

Стихиры стиховныя, глас 2

Егда́ от дре́ва Тя ме́ртва, Аримафе́й снят всех Живота́, сми́рною и плащани́цею Тя, Христе́, обви́в, и любо́вию подвиза́шеся, се́рдцем и устна́ми, те́ло нетле́нное Твое́ облобыза́ти. Оба́че одержи́мь стра́хом, ра́дуяся вопия́ше Ти: сла́ва снизхожде́нию Твоему́, Человеколю́бче.

Стих: Госпо́дь воцари́ся, в ле́поту облече́ся.

Егда́ во гро́бе но́ве за всех положи́лся еси́, Изба́вителю всех, ад всесмехли́вый ви́дев Тя ужасе́ся, вереи сокруши́шася, сломи́шася врата́, гро́би отверзо́шася, ме́ртвии воста́ша. Тогда́ Ада́м благода́рственно ра́дуяся вопия́ше Тебе́: сла́ва снизхожде́нию Твоему́, Человеколю́бче.

Стих: Ибо утверди́ вселе́нную, я́же не подви́жится.

Егда́ во гро́бе пло́тски хотя́ заключился еси́, И́же естество́м Божества́ пребыва́яй неопи́санный и неопределе́нный, сме́рти заключи́л еси́ сокро́вища, и а́дова вся истощи́л еси́, Христе́, ца́рствия: тогда́ и суббо́ту сию́ Боже́ственнаго благослове́ния и сла́вы, и Твоея све́тлости сподо́бил еси́.

Стих: До́му Твоему́ подоба́ет святы́ня Го́споди, в долготу́ дни́й.

Егда́ си́лы зря́ху Тя, Христе́, я́ко преле́стника от беззако́нных оклевета́ема, ужаса́хуся неизглаго́ланному долготерпе́нию Твоему́, и ка́мень гро́ба рука́ми запеча́танный, и́миже Твоя́ нетле́нная ре́бра прободо́ша. Оба́че на́шему спасе́нию ра́дующеся вопия́ху Ти: сла́ва снизхожде́нию Твоему́, Человеколю́бче.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Глас 5: Тебе́ оде́ющагося све́том я́ко ри́зою, снем Ио́сиф с дре́ва с Никоди́мом, и ви́дев ме́ртва, на́га, непогребе́на, благосе́рдный плач восприим, рыда́я глаго́лаше: увы́ мне, сладча́йший Иису́се, Его́же вма́ле со́лнце на Кресте́ ви́сима узре́вшее мра́ком облага́шеся, и зе́мля стра́хом колеба́шеся, и раздира́шеся церко́вная заве́са: но се ны́не ви́жу Тя, мене́ ра́ди во́лею подъе́мша смерть. Ка́ко погребу́ Тя, Бо́же мой, или́ како́ю плащани́цею обвию́? Ко́има ли рука́ма прикосну́ся нетле́нному Твоему́ те́лу? Или́ ки́я пе́сни воспою́ Твоему́ исхо́ду, Ще́дре? Велича́ю стра́сти Твоя́, песносло́влю и погребе́ние Твое́ со воскресе́нием, зовы́й: Го́споди, сла́ва Тебе́.

При пении Тебе́ оде́ющагося… отверзаются царские врата и предстоятель с диаконом совершают троекратное каждение вокруг престола с лежащей на нем Плащаницей.

Чтец: Ны́не отпуща́еши раба́ Твоего́, Влады́ко, по глаго́лу Твоему́ с ми́ром: я́ко ви́деста о́чи мои́ спасе́ние Твое́, е́же еси́ угото́вал пред лице́м всех люде́й, свет во открове́ние язы́ков, и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Лик: Ами́нь.

Тропари, глас 2

Благообра́зный Ио́сиф, с дре́ва снем пречи́стое те́ло Твое́, плащани́цею чи́стою обви́в, и воня́ми во гро́бе но́ве покры́в положи́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Мироносицам жена́м при гро́бе предста́в А́нгел вопия́ше: ми́ра ме́ртвым суть прили́чна, Христо́с же истле́ния яви́ся чу́ждь.

Во время пения тропарей предстоятель полагает себе на главу лежащее на Плащанице Евангелие и поверх его Плащаницу, поддерживаемую сослужащими иереями. Они идут вокруг престола через горнее место в северную дверь, износят Плащаницу на средину храма и полагают на уготованном месте. Предстоятель с диаконом совершают каждение окрест Плащаницы трижды.

На практике сразу после выноса Святой Плащаницы духовенство в центре храма читает канон «На плач Богородицы»

Канон, творение Симеона Логофета о распятии Господни, и на плач Пресвятыя Богородицы. Глас 6

Песнь 1

Ирмос: Я́ко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше. (Дважды).

Припев: Сла́ва Тебе́, Бо́же наш, сла́ва Тебе́.

Обе́шена я́ко ви́де на Кресте́ Сы́на и Го́спода Де́ва Чи́стая, терза́ющися вопия́ше го́рце, со други́ми жена́ми стеня́щи глаго́лаше.

Сла́ва Тебе́, Бо́же наш, сла́ва Тебе́.

Ви́жу Тя ны́не, возлю́бленное Мое́ Ча́до и люби́мое, на Кресте́ ви́сяща, и уязвля́юся го́рце се́рдцем, рече́ Чи́стая: но даждь сло́во, Благи́й, Рабе́ Твое́й.

Сла́ва Отцу́ и Сы́ну и Свято́му Ду́ху.

Во́лею, Сы́не Мой и Тво́рче, терпи́ши на дре́ве лю́тую сме́рть, Де́ва глаго́лаше предстоя́щи у Креста́ со возлю́бленным ученико́м.

И ны́не и при́сно и во ве́ки веко́в. Ами́нь.

Ны́не Моего́ ча́яния ра́дости и весе́лия, Сы́на Моего́ и Го́спода лише́на бых: увы́ Мне, боле́зную се́рдцем, Чи́стая пла́чущи глаго́лаше.

Ирмос: Я́ко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

Песнь 3

Ирмос: Несть свят я́коже Ты, Го́споди Бо́же мой, вознесы́й рог ве́рных Твои́х Бла́же, и утверди́вый нас на ка́мени испове́дания Твоего́. (Дважды).

Сла́ва Тебе́, Бо́же наш, сла́ва Тебе́.

Стра́ха ра́ди иуде́йска Петр скры́ся, и вси отбего́ша ве́рнии, оста́вльше Христа́, Де́ва рыда́ющи глаго́лаше.

Сла́ва Тебе́, Бо́же наш, сла́ва Тебе́.

О стра́шном Твое́м рождестве́ и стра́нном, Сы́не Мой, па́че всех ма́терей возвели́чена бых Аз: но увы́ Мне, ны́не Тя ви́дящи на дре́ве, распала́юся утро́бою.

Сла́ва Отцу́ и Сы́ну и Свято́му Ду́ху.

Хощу́ утро́бу Мою́ на руку́, и́маже я́ко Младе́нца держа́х, с дре́ва прия́ти, веща́ше Чи́стая: но никто́же, увы́ Мне, Сего́ даде́.

И ны́не и при́сно и во ве́ки веко́в. Ами́нь.

Се свет Мой сла́дкий, наде́жда и живо́т Мой благи́й, Бог Мой, угасе́ на Кресте́, распала́юся утро́бою, Де́ва стеня́щи глаго́лаше.

Ирмос: Несть свят я́коже Ты, Го́споди Бо́же мой, вознесы́й рог ве́рных Твои́х Бла́же, и утверди́вый нас на ка́мени испове́дания Твоего́.

Песнь 4

Ирмос: Христо́с моя́ си́ла, Бог и Госпо́дь, честна́я Це́рковь боголе́пно пое́т взыва́ющи, от смы́сла чи́ста о Го́споде пра́зднующи. (Дважды).

Сла́ва Тебе́, Бо́же наш, сла́ва Тебе́.

Со́лнце не заходя́й Бо́же Преве́чный, и Тво́рче всех тва́рей, Го́споди, ка́ко терпи́ши стра́сть на Кресте́, Чи́стая пла́чущи глаго́лаше.

Сла́ва Тебе́, Бо́же наш, сла́ва Тебе́.

Пла́чущи глаго́лаше Браконеиску́сная, ко благообра́зному: потщи́ся Ио́сифе к Пила́ту приступи́ти, и испроси́ сня́ти со дре́ва Учи́теля твоего́.

Сла́ва Отцу́ и Сы́ну и Свято́му Ду́ху.

Ви́дев Пречи́стую го́рце слезя́щу, Ио́сиф смути́ся, и пла́чася приступи́ к Пила́ту, даждь ми, вопия́ с пла́чем, те́ло Бо́га моего́.

И ны́не и при́сно и во ве́ки веко́в. Ами́нь.

Уя́звена Тя ви́дящи, и без сла́вы, на́га на дре́ве, Ча́до Мо́е, утро́бою распала́юся, рыда́ющи я́ко Ма́ти, Де́ва провещава́ше.

Ирмос: Христо́с моя́ си́ла, Бог и Госпо́дь, честна́я Це́рковь боголе́пно пое́т взыва́ющи, от смы́сла чи́ста о Го́споде пра́зднующи.

Песнь 5

Ирмос: Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, И́стиннаго Бо́га, от мра́ка грехо́внаго взыва́юща. (Дважды).

Сла́ва Тебе́, Бо́же наш, сла́ва Тебе́.

Растерза́яся и рыда́я, и дивя́ся, вку́пе с Никоди́мом сня́т Ио́сиф, и уцелова́в пречи́стое те́ло, рыда́ше, и стеня́ше, и поя́ Его́ я́ко Бо́га.

Сла́ва Тебе́, Бо́же наш, сла́ва Тебе́.

Прии́мши Его́ с пла́чем Ма́ти Неискусому́жная, положи́ на коле́ну, моля́щи Его́ со слеза́ми, и облобыза́ющи, го́рце же рыда́ющи и восклица́ющи.

Сла́ва Отцу́ и Сы́ну и Свято́му Ду́ху.

Еди́ну наде́жду и живо́т, Влады́ко Сы́не Мой и Бо́же, во о́чию свет Раба́ Твоя́ име́х, ны́не же лише́на бых Тебе́, сла́дкое Мое́ Ча́до и люби́мое.

И ны́не и при́сно и во ве́ки веко́в. Ами́нь.

Боле́зни и ско́рби, и воздыха́ния обрето́ша Мя, увы́ Мне Чи́стая го́рце рыда́ющи глаго́лаше, ви́дящи Тя Ча́до Мое́ возлю́бленное, на́га и уедине́на, и воня́ми пома́зана мертвеца́.

Ирмос: Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, Истиннаго Бо́га, от мрака грехо́внаго взывающа.

Песнь 6

Ирмос: Жите́йское мо́ре воздвиза́емое зря напа́стей бу́рею, к ти́хому приста́нищу Твоему́ прите́к вопию Ти: возведи́ от тли живо́т мой, Многоми́лостиве. (Два́жды).

Слава Тебе́, Бо́же наш, слава Тебе́.

Ме́ртва Тя зрю Человеколю́бче, оживи́вшаго ме́ртвыя, и содержа́ща вся, уязвля́юся лю́те утро́бою. Хоте́ла бых с Тобо́ю умре́ти, Пречи́стая глаго́лаше: не терплю бо без дыха́ния ме́ртва Тя ви́дети.

Слава Тебе́, Бо́же наш, слава Тебе́.

Дивлю́ся зря́щи Тя, Преблаги́й Бо́же и Преще́дрый Го́споди, без сла́вы и без дыха́ния, и безобра́зна, и пла́чуся держа́щи Тя, я́ко не наде́яхся увы́ Мне, ви́дети Тя Сы́не Мой и Бо́же.

Слава Отцу́ и Сы́ну и Свято́му Ду́ху.

Не изглаго́леши ли Рабе́ Твое́й сло́ва, Сло́ве Бо́жий? Не уще́дриши ли, Влады́ко, Тебе́ ро́ждшую? глаго́лаше Чи́стая, рыда́ющи и пла́чущи, облобызающи те́ло Го́спода Своего.

И ны́не и при́сно и во ве́ки веко́в. Ами́нь.

Помышля́ю Владыко, я́ко ктому́ сладкаго Твоего́ не услы́шу гла́са, ни добро́ты лица́ Твоего́ узрю́, я́коже пре́жде Раба́ Твоя́: и́бо заше́л еси́, Сы́не Мой, от о́чию Мое́ю.

Ирмос: Жите́йское мо́ре воздвизаемое зря напастей бу́рею, к ти́хому пристанищу Твоему́ прите́к вопию́ Ти: возведи́ от тли живо́т мой, Многоми́лостиве.

Го́споди, поми́луй. (Трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Кондак, глас 8

Нас ра́ди Распя́таго, прииди́те вси воспои́м, Того́ бо ви́де Мари́я на дре́ве, и глаго́лаше: аще и распя́тие терпи́ши, Ты еси́ Сын и Бог Мой.

Икос. Своего́ А́гнца А́гница зря́щи, к заколе́нию влеко́ма, после́доваше Мари́я просте́ртыми власы́ со ине́ми жена́ми, сия́ вопию́щи: ка́мо и́деши, Ча́до, чесо́ ра́ди ско́рое тече́ние соверша́еши? Еда́ други́й брак па́ки есть в Ка́не, и та́мо ны́не тщи́шися, да от воды́ им вино́ сотвори́ши? Иду́ ли с Тобо́ю Ча́до, или́ па́че пожду́ Тебе́? Даждь Ми сло́во, Сло́ве, не молча́ мимоиди́ Мене́, чи́сту соблюды́й Мя: Ты бо еси́ Сын и Бог Мой.

Песнь 7

Ирмос: Росода́тельну у́бо пещь соде́ла Ангел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти, благослове́н еси́ Бо́же оте́ц на́ших. (Дважды).

Сла́ва Тебе́, Бо́же наш, сла́ва Тебе́.

Где Сы́не Мой и Бо́же благове́щение дре́внее, е́же Ми Гаврии́л глаго́лаше? Царя́ Тя, Сы́на и Бо́га Вы́шняго нарица́ше: ны́не же ви́жу Тя, Све́те Мой сла́дкий, на́га и уя́звена мертвеца́.

Сла́ва Тебе́, Бо́же наш, сла́ва Тебе́.

Избавля́яй боле́зни, ны́не приими́ Мя с Тобо́ю, Сы́не Мой и Бо́же, да сни́ду, Влады́ко, во ад с Тобо́ю и Аз, не оста́ви Мене́ еди́ну, уже́ бо жи́ти не терплю́, не ви́дящи Тебе́ сла́дкаго Моего́ Све́та.

Сла́ва Отцу́ и Сы́ну и Свято́му Ду́ху.

С други́ми жена́ми мироно́сицами, рыда́ющи Непоро́чная го́рце, и носи́ма ви́дящи Христа́, глаго́лаше: увы́ Мне, что ви́жу! Ка́мо и́деши ны́не Сы́не Мой, а Мене́ еди́ну оставля́еши?

И ны́не и при́сно и во ве́ки веко́в. Ами́нь.

Изнемога́ющи и рыда́ющи Непоро́чная, мироно́сицам глаго́лаше: срыда́йте Ми и спла́читеся го́рце: Се бо Све́т Мой сла́дкий и Учи́тель ваш гро́бу предае́тся.

Ирмос: Росода́тельну у́бо пещь соде́ла Ангел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти, благослове́н еси́ Бо́же, оте́ц на́ших.

Песнь 8

Ирмос: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся бо твори́ши, Христе́, то́кмо е́же хоте́ти, Тя превозно́сим во вся ве́ки. (Дважды).

Сла́ва Тебе́, Бо́же наш, сла́ва Тебе́.

Де́ву рыда́ющу Ио́сиф ви́дев, растерза́шеся весь, и вопияше го́рько: ка́ко Тя, о Бо́же мой, ны́не погребу́ раб Твой? Каки́ми плащани́цами обвию́ те́ло Твое́?

Сла́ва Тебе́, Бо́же наш, сла́ва Тебе́.

Па́че ума́ превзы́де стра́нное Твое́ виде́ние нося́щаго тварь всю Го́спода: сего́ ра́ди Ио́сиф я́ко ме́ртва Тя на руку́ свое́ю, и с Никоди́мом но́сит и погреба́ет.

Благослови́м Отца́ и Сы́на и Свята́го Ду́ха, Го́спода.

Стра́нную ви́жу и пресла́вную та́йну, Де́ва вопия́ше Сы́ну и Го́споду: ка́ко в худо́м гро́бе полага́ешися, ме́ртвыя повеле́нием возставля́яй во гробе́х?

И ны́не и при́сно и во ве́ки веко́в. Ами́нь.

Ни от гро́ба Твоего́ воста́ну, Ча́до Мое́, ни сле́зы точа́щи преста́ну Раба́ Твоя́, до́ндеже и Аз сни́ду во ад: не могу́ бо терпе́ти разлуче́ния Твоего́, Сы́не Мой.

Хва́лим, благослови́м, покланя́емся Го́сподеви, по́юще и превознося́ще во вся ве́ки.

Ирмос: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся бо твори́ши, Христе́, то́кмо е́же хоте́ти, Тя превозно́сим во вся ве́ки.

Песнь 9

Ирмос: Бо́га челове́ком невозмо́жно ви́дети, на Него́же не сме́ют чи́ни а́нгельстии взира́ти: Тобо́ю же, Всечи́стая, яви́ся челове́ком Сло́во воплоще́нно, Его́же велича́юще, с небе́сными во́и, Тя ублажа́ем. (Дважды).

Сла́ва Тебе, Бо́же наш, сла́ва Тебе́.

Ра́дость Мне николи́же отсе́ле прико́снется, рыда́ющи глаго́лаше Непоро́чная: Свет Мой и Ра́дость Моя́ во гроб за́йде. Но не оста́влю Его́ еди́наго, зде же умру́, и спогребу́ся Ему́.

Сла́ва Тебе́, Бо́же наш, сла́ва Тебе́.

Душе́вную Мою́ я́зву ны́не исцели́, Ча́до Мое́, Пречи́стая вопия́ше слезя́щи: воскресни́ и утоли́ Мою́ боле́знь и печа́ль, мо́жеши бо, Влады́ко, ели́ко хо́щеши и твори́ши, а́ще и погре́блся еси́ во́лею.

Сла́ва Отцу́ и Сы́ну и Свято́му Ду́ху.

О ка́ко утаи́лася Тебе́ есть бе́здна щедро́т? Ма́тери в та́йне изрече́ Госпо́дь: тва́рь бо Мою́ хотя́ спасти, изво́лих умре́ти. Но и воскре́сну, и Тебе́ возвели́чу, я́ко Бог небесе́ и земли́.

И ны́не и при́сно и во ве́ки веко́в. Ами́нь.

Воспою́ милосе́рдие Твое́, Человеколю́бче, и покланя́юся бога́тству ми́лости Твоея́, Влады́ко: созда́ние бо Твое́ хотя́ спасти, смерть подъя́л еси́, рече́ Пречи́стая. Но воскресе́нием Твоим, Спа́се, поми́луй всех нас.

Ирмос: Бо́га челове́ком невозмо́жно ви́дети, на Него́же не сме́ют чи́ни а́нгельстии взира́ти: Тобо́ю же, Всечи́стая, яви́ся челове́ком Сло́во воплоще́нно, Его́же велича́юще, с небе́сными во́й, Тя ублажа́ем.

Диакон: Прему́дрость.

Лик: Благослови́.

Священник: Сый благослове́н Христо́с Бог наш, всегда́, ны́не и при́сно и во ве́ки веко́в.

Лик: Ами́нь.

Утверди́, Бо́же, святу́ю правосла́вную ве́ру, правосла́вных христиа́н во ве́к ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, Упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй. (Трижды).

Благослови́.

Отпуст

И́же нас ра́ди челове́к и на́шего ра́ди спасе́ния стра́шныя Стра́сти, и Животворя́щий Крест, и во́льное погребе́ние пло́тию изво́ливый, Христо́с, Истинный Бог наш, моли́твами Пречи́стый Своея́ Ма́тере, и все́х святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.

По традиции после отпуста произносится проповедь.

  • 2.7 млн. 1077