Урок 11

К четвёртому склонению относятся существительные мужского, женского и среднего родов с наращением основы в косвенных падежах: и҆́м-ѧ – и҆́м-ен-е, свекр-ы̀ – свекр-о́в-е, дщ-ѝ – дщ-е́р-е. характерной особенностью этого склонения является также окончание р. ед. –е.

В четвёртом склонении можно выделить подгруппы:

1) Имена существительные среднего рода, в И., В. ед. оканчивающиеся на –мѧ, а в остальных формах принимающие приращение –ен-: и҆́мѧ – и҆́мене, – вре́мене, сѣ́мѧ – сѣ́мене и др. как вы знаете, эти существительные в русском языке также образуют особый тип склонения.

Таблица 26

2) Имена существительные среднего рода, в И., В. ед. оканчивающиеся на –ѧ (-а). к этой подгруппе относятся существительные, обозначающие детёнышей животных, молодых животных, детей. Существительные этой подгруппы характеризуются приращением –ѧт– (-ат-): дит-ѧ̀ – дит-ѧт-е, ѻ҆троч-а̀ – ѻ҆троч-а́т-е, козл-ѧ – козл-ѧ́т-е, ѻ҆рл-ѧ̀ – ѻ҆рл-ѧ́т-е.

Таблица 27

3) имена существительные среднего рода, в И., В. ед. оканчивающиеся на –о и во всех других формах принимающие приращение –ес-: ко́л-о – кол-ес-ѐ, чꙋ́д-о – чꙋд-ес-ѐ, не́б-о – неб-ес-ѐ.

Таблица 28

Существительное сло́во в единственном числе образует формы как с приращением, так и без него. Приращение отсутствует в том случае, когда сло́во означает Христа¹⁸: без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ, тѧ̀ веслича́емъ (Девственно родившую бога слово (т. е. Христа), истинную Богородицу, тебя величаем). При этом используется форма звательного падежа: сло́ве. Напомним, что существительные среднего рода не имеют специальной звательной формы, звательный падеж у них совпадает с именительным. форма сло́ве в значении «Бог Слово, Христос» (при обращении) – исключение.

Существительные ѻ҆́ко и ᲂу҆́хо в ед. и мн. числах склоняются с приращением –ес-, а в двойственном числе без него:

Таблица 29

4) К четвёртой группе относятся два существительных женского рода, оканчивающихся в И. ед. на –и, а в остальных формах имеющих приращение –ер-: дщ-ѝ – дщ-е́р-е, ма́т-и – матер-е.

Таблица 30

5) Существительные мужского рода, оканчивающиеся на –нь: ка́мень, пла́мень, ꙗ҆чме́нь, реме́нь и др. В современном церковнославянском языке основа И. ед. этих существительных не отличается от основы других форм, однако в старославянском языке И. ед. этих существительных был иным: ка́мы, пла́мы и т. д. к этой же группе относится существительное де́нь, у которого никогда не было изменений в основе.

Таблица 31

У существительного ка́мень вместо формы множественного числа часто употребляется собирательная форма ка́менїе.

6) К четвёртому склонению относятся также существительные женского рода, во всех формах, кроме И. ед., имеющие приращение основы –ов-: свекр-ы̀ – свекр-о́в-е, непло́д-ы – непло́д-ов-е. Кроме того, к этой группе относятся существительные кро́вь и це́рковь, у которых в современном церковнославянском языке основа именительного падежа совпадает с основами косвенных падежей. Особенностью подгруппы является то, что эти существительные изменяются по четвёртому склонению лишь в единственном и двойственном числе, а во множественном они изменяются как существительные второго склонения.

Таблица 32

Ꙗ҆́кѡ – слово многозначное и на русский язык может переводиться по-разному. основные значения слова ꙗ҆́кѡ следующие:

1) Ꙗ҆́кѡ – союз со значением причины. соответствует в русском языке союзам ибо, потому что, так как: И҆ подви́жесѧ и҆ тре́петна бы́сть землѧ̀ и҆ ѡ҆снова̑нїѧ го́ръ смѧто́шасѧ и҆ подвиго́шасѧ, ꙗ҆́кѡ прогнѣ́васѧ на нѧ̀ бг҃ъ [Пс.17:8] (и пришла в движение и затрепетала земля, и основания гор были смятены и сдвинулись с места, ибо прогневался на них бог). Да ᲂу҆бои́тсѧ гдⷭ҇а всѧ̑ землѧ̀, ѿ негѡ́же да подви́жꙋтсѧ всѝ живꙋ́щїи по вселе́ннѣй: ꙗ҆́кѡ то́й речѐ и҆ бы́ша: то́й повелѣ̀ и созда́шаса [Пс.32:8–9]. (да убоится Господа вся земля, да содрогнутся от Него все живущие во вселенной. Ибо Он сказал – и стало, Он повелел – и создалось так.)

2) После глаголов глаго́лати, ви́дѣти, разꙋмѣ́ти, вѣ́дѣти и подобных ꙗ҆́кѡ вводит придаточное предложение со значением дополнения и соответствует русскому союзу что: И҆ а҆́бїе разꙋмѣ́въ і҆и҃съ дх҃омъ свои́мъ, ꙗ҆́кѡ та́кѡ ті́и помышлѧ́ютъ въ себѣ̀, речѐ и҆̀мъ: что̀ сїѧ̑ помышлѧ́ете въ сердца́хъ ва́шихъ; [Мк.2:8]. (Иисус, тотчас узнав духом Своим, что они так помышляют в себе, сказал им: для чего так помышляете в сердцах ваших?) Но да ᲂу҆вѣ́сте, ꙗ҆́кѡ вла́сть и҆́мать сн҃ъ чл҃вѣ́ческїй на землѝ ѿпꙋща́ти грѣхѝ... [Мк.2:10]. (Но чтобы вы знали, что сын человеческий имеет власть на земле прощать грехи...)

3) Ꙗ҆́кѡ имеет сравнительное значение; на русский язык переводится словами как, будто, подобно и др.: И҆ а҆́бїе восходѧ̀ ѿ воды̀, ви́дѣ разводѧ̑щасѧ небеса̀, и҆ д҃ха ꙗ҆́кѡ го́лꙋбѧ, сходѧ́ща на́нь [Мк.1:10]. (И когда выходил (Иисус) из воды, тотчас увидел (Иоанн) разверзающиеся небеса и Духа, как голубя, сходящего на Него). Ѿверзо́ша на мѧ̀ ᲂу҆ста̀ своѧ̑, ꙗ҆́кѡ ле́въ восхища́ѧй и҆ рыка́ѧй [Пс.21:14]. (Открыли уста свои на меня, подобно льву, похищающему (добычу) и рычащему.)

4) Союз ꙗ҆́кѡ (ꙗ҆́коже) вводит придаточное предложение со значением следствия, при этом глагол в придаточном предложении стоит в инфинитиве, а логическое подлежащее выражено существительным или местоимением в дательном падеже. на русский язык ꙗ҆́кѡ в этом случае переводится союзом так что: И҆ ᲂу҆жасо́шасѧ всѝ, ꙗ҆́коже стѧза́тисѧ и҆̀мъ къ себѣ̀, глаго́лющымъ: что̀ є҆́сть сїѐ; [Мк.1:27]. (И все ужаснулись, так что друг друга спрашивали: «Что это?») И҆ бы́сть бꙋ́рѧ вѣ́трена вели́ка: вѡ́лны же влива́хꙋсѧ въ кора́бль, ꙗ҆́кѡ ᲂу҆жѐ погрꙋжа́тисѧ є҆мꙋ̀ [Мк.4:37]. (И поднялась великая буря, волны заливали корабль, так что он уже начал погружаться (в воду).)

5) Если слово ꙗ҆́кѡ стоит перед числительным, то оно может иметь значение около, приблизительно: Бѧ́хꙋ же ꙗ҆́дшихъ ꙗ҆́кѡ четы́ре ты́сащы [Мк.8:9]. (Евших же было около четырех тысяч.)

6) Ꙗ҆́кѡ вводит прямую речь и при переводе опускается: И҆ молѧ́ше є҆го̀ мно́гѡ, глаго́лѧ: ꙗ҆́кѡ дщѝ моѧ̀ на кончи́нѣ є҆́сть, да прише́дъ возложи́ши на ню̀ рꙋ́цѣ [Мк.5:23]. (И усиленно просил его, говоря: «Дочь моя при смерти; приди и возложи на неё руки».)

1. Определите формы выделенных существительных четвёртого склонения:

I. Ѻ҆́нъ же не ѿвѣща̀ є҆́й словесѐ [Мф.15:23]. И҆ вѣ́роваша словесѝ є҆гѡ̀, и воспѣ́ша хвалꙋ̀ є҆гѡ̀ [Пс.105:12]. Не́бо и землѧ̀ мимои́детъ, словеса́ же моѧ̑ не мимои́дꙋтъ [Мф.24:35]. Мѡѷсе́й... бѣ̀ же си́ленъ въ словесѣ́хъ и дѣ́лѣхъ [Деян.7:22]. Не въ словеси́ бо црⷭ҇тво бж҃їе, но въ си́лѣ [1Кор.4:20].

II. Ѻ҆троча́ же растѧ́ше и҆ крѣплѧ́шесѧ дх҃омъ, и҆сполнѧ́ѧсѧ премⷣрости [Лк.2:40]. И҆ ты, ѻ҆троча̀, прⷪ҇ро́къ вы́шнѧгѡ нарече́шисѧ [Лк.1:76]. Бы́сть свѧще́нникъ во і҆ерⷭ҇ли́мѣ, и҆́менемъ и҆́лїй. Се́й бѣ̀ двою̀ ѻ҆троча́тꙋ ѻ҆те́цъ. И҆́лїй не возбранѧ́ше ѻ҆троча́тема ѕло̀ твори́ти, ни ᲂу҆чаше боѧ́тисѧ бг҃а. И҆до́ста же и҆ ѡ҆брѣто́ста жреба̀ привѧ́зано при две́рехъ [Мк.11:4].

III. Бы́сть человѣ́къ по́сланъ ѿ бг҃а, и҆́ма є҆мꙋ̀ і҆ѡа́ннъ [Ин.1:6]. Наста́ви мѧ̀ на стєзѝ пра́вды и҆́мене ра́ди своегѡ̀ [Пс.22:3]. Хвали́тесѧ ѡ҆ и҆́мени ст҃ѣ́мъ є҆гѡ̀: да возвесели́тсѧ се́рдце и҆́щущихъ гдⷭ҇а [Пс.104:3]. И҆ сїа̑ и҆мена̀ сынѡ́въ і҆сма́илихъ, по и҆менѡ́мъ родѡ́въ є҆гѡ̀ [Быт.25:13]. И҆ ѿто́лѣ и҆ска́ше ᲂу҆добна вре́мене, да є҆гѡ̀ преда́стъ (чтобы его предать) [Мф.26:16]. И҆ бꙋ́детъ въ то́й де́нь, ѿи́метсѧ и҆́го є҆гѡ̀ ѿ ра́мене твоегѡ̀.

IV. Прїи́дꙋтъ же дні́е, є҆гда̀ ѿѧ́тъ бꙋ́детъ ѿ ни́хъ жени́хъ, и҆ тогда̀ постѧ́тсѧ (будут поститься) въ ты̑ѧ дни̑ [Лк.5:35]. Слы́шахомъ є҆го̀ гл҃го́люща (говорящего), ꙗ҆́кѡ а҆́зъ разорю̀ це́рковь сїю̀ рꙋкотворе́нꙋю, и҆ тремѝ де́нми и҆́нꙋ (другую) нерꙋкотворе́нꙋ созиждꙋ [Мк.14:58]. Бѣ́ же па́сха и҆ ѡ҆прѣсно́цы по двою̀ дні́ю (через два дня (надлежало) быть (празднику) Пасхи и опресноков) [Мк.14:1]. Ст҃ый ні́кѡнъ ѡ҆брѣ́те кора́бль, и҆ двѣма̀ денма̀ дости́же горы̀. И҆ взѧ̀ ѿ ка́менїѧ мѣ́ста тогѡ̀ (с того места камень), и҆ положѝ въ возгла́вїе себѣ̀ [Быт.28:11]. Оу҆же́ бо и сѣки́ра при ко́рени дре́ва лежи́тъ: всѧ́ко ᲂу҆̀бо дре́во, є҆́же не твори́тъ плода̀ добра̀, посѣка́емо быва́етъ и҆ во ѻ҆́гнь вмета́емо [Мф.3:10].

V. Повѣ́мъ (поведаю) и҆́мѧ твоѐ бра́тїи мое́й: посредѣ̀ цр҃кве воспою̀ тѧ̀ [Пс.21:23]. И҆ бы́сть по трїе́хъ дне́хъ, ѡ҆брѣто́ста є҆го̀ въ це́ркви, сѣдѧ́щаго посредѣ̀ ᲂу҆чи́телей, и҆ послꙋ́шающаго и҆́хъ, и҆ вопроша́ющаго и҆̀хъ [Лк.2:46]. Стра́ха нѣ́сть въ любвѝ, но соверше́нна любы̀ во́нъ и҆згонѧ́етъ стра́хъ [1Ин.4:18. А҆рхїере́є же, прїе́мше (взяв) сре́бреники, рѣ́ша: недосто́йно є҆́сть вложи́ти и҆̀хъ въ корва́нꙋ (в церковную казну), поне́же цѣна̀ кро́ве є҆́сть [Мф.27:6].

VI. Сѐ кнѧ́зъ нѣ́кїй прише́дъ (прийдя) кла́нѧшесѧ є҆мꙋ̀, глаго́ла, ꙗ҆́кѡ дщѝ моѧ̀ ны́нѣ ᲂу҆́мре [Мф.9:18]. І҆и҃съ же ѡ҆бра́щьсѧ и҆ ви́дѣвъ ю҆̀ (обернувшись и увидев её), речѐ: дерза́й, дщѝ, вѣ́ра твоѧ̀ сп҃се́ тѧ [Мф.9:22]. И҆мена́ же двою̀ дщє́рїю є҆гѡ̀, и҆́мѧ перворо́дной меро́ва, и҆ и҆́мѧ вторѣ́й мелхо́ла [1Цар.14:49].

2. Переведите следующие предложения, найдите существительные четвёртого склонения и укажите их форму:

И҆ а҆́бїе возопи́въ ѻ҆те́цъ ѻ҆троча́те, со слеза́ми глаго́лаше: вѣ́рꙋю, гдⷭ҇и, помозѝ моемꙋ̀ невѣ́рїю [Мк.9:24]. Ѽ му́дросте и҆ сло́ве бж҃їй и҆ си́ло! И҆ гро́би ѿверзо́шасѧ, и҆ мнѡ́га тѣлеса̀ ᲂу҆со́пшихъ ст҃ы́хъ воста́ша [Мф.27:52]. И҆ речѐ ца́рь: нѣ́сть ва́мъ на ра́менахъ носи́ти ничто́же: ны́нѣ ᲂу҆̀бо слꙋжи́те гдⷭ҇ꙋ, бг҃ꙋ ва́шемꙋ, и҆ лю́демъ є҆гѡ̀ і҆и҃лю [2Пар.35:3]. И҆ наречѐ а҆да́мъ и҆мена̀ всѣ̑мъ скотѡ́мъ, и всѣ̑мъ пти́цамъ небє́снымъ, и҆ всѣ̑мъ ѕвѣрє́мъ зємны́мъ [Быт.2:20]. Вы́ бо є҆стѐ цє́ркви бг҃а жи́ва [2Кор.6:16]. И҆мѣ́ѧй ᲂу҆́хо да слы́шитъ, что̀ дх҃ъ гл҃го́летъ цр҃квамъ [Откр.2:7]. Бг҃ъ бо заповѣ́да, гл҃го́ла̀: чтѝ ѻ҆тца̀ и҆ ма́терь: и҆: и҆́же (тот, который) ѕлосло́витъ ѻ҆тца̀ и҆лѝ ма́терь, сме́ртїю да ᲂу҆мретъ [Мф.15:4]. Ꙗ҆́кѡ сїѧ̑ (ибо вот что) гл҃го́летъ гдⷭ҇ь ѡ҆ сынѣ́хъ и҆ дще́рехъ, и҆̀же (которые) родѧ́тсѧ на мѣ́стѣ се́мъ, и҆ ѡ҆ ма́терехъ и҆̀хъ, ꙗ҆̀же (которые) роди́ша и҆́хъ, и҆ ѡ҆ ѻ҆тцѣ́хъ и҆́хъ роди́вшихъ ѧ҆̀ въ землѝ се́и: сме́ртїю лю́тою и҆зомрꙋ́тъ [Иер.16:3–4]. Оу҆ лава́на же бѣ́стѣ двѣ̀ дщє́ри: и҆̀мѧ старѣ́йшей лі́а, и҆́ма же ю҆нѣ́йшей рахи́ль [Быт.29:16]. И҆ да́мъ чꙋдеса̀ на небесѝ горѣ̀, и҆ зна́мєнїѧ на землѝ ни́зꙋ, кро́вь и ѻ҆́гнь и кꙋре́нїе ды́ма [Деян.2:19]. Чꙋдотво́рецъ лео́нтѣй чꙋдесы̀ лю́ди въ вѣ́рѣ ᲂу҆крѣпѝ. И҆ ѡ҆ ѻ҆слѧ́тѣхъ твои́хъ, заблꙋди́вшихъ дне́сь тре́тїи де́нь, не помышлѧ́й въ се́рдцы свое́мъ ѡ҆ ни́хъ, и҆́бо ѡ҆брѣто́шасѧ [1Цар.9:20]. Ѻ҆́нъ же речѐ и҆̀мъ: кто̀ є҆́сть ѿ ва́съ человѣ́къ, и҆́же (который) и҆́мать ѻ҆вча̀ є҆ди́но, и҆ а҆́ще впаде́тъ сїѐ въ сꙋббѡ̑ты въ ꙗ҆́му, не и҆́меть ли є҆̀ и҆ и҆́зметъ; Кольмѝ ᲂу҆бо лꙋ́чши є҆́сть человѣ́къ ѻ҆вча́те; [Мф.12:11–12]. Подо́бно є҆́сть црⷭ҇твїе нбⷭ҇ное зе́рнꙋ горꙋ́шичнꙋ (горчичному)... є҆́же (которое) малѣ́йше ᲂу҆́бѡ є҆́сть ѿ всѣ́хъ сѣ́менъ [Мф.13:31–32]. А҆́ще ли же стѧза̑нїѧ сꙋ́ть ѡ҆ словесѝ и҆ ѡ҆ и҆́менѣхъ и҆ ѡ҆ зако́нѣ ва́шемъ, вѣ́дите (знаете) са́ми: сꙋдїѧ́ бо а҆́зъ си̑мъ не хощꙋ̀ бы́ти [Деян.18:15]. Ѻ҆троча́ же растѧ́ше и҆ крѣплѧ́шесѧ дꙋ́хомъ: и҆ бѣ̀ въ пꙋсты́нѧхъ до днѐ ꙗ҆вле́нїѧ своегѡ̀ ко і҆и҃лю [Лк.1:80].

3. Переведите, пользуясь словарём, следующие предложения, обратите внимание на перевод слова ꙗ҆́кѡ:

И҆ бꙋ́детъ ꙗ҆́кѡ дре́во насажде́ное при и҆схо́дищихъ во́дъ, є҆́же пло́дъ сво́й да́стъ во вре́ма своѐ [Пс.1:3]. Нѣ́сть ми́ра въ косте́хъ мои́хъ ѿ лица̀ грѣ̑хъ мои́хъ. Ꙗ҆́кѡ беззакѡ́нїѧ моѧ̑ превзыдо́ша главꙋ̀ мою̀, ꙗ҆́кѡ бре́мѧ тѧ́жкое ѡ҆тѧготѣ́ша на мнѣ̀ [Пс.37:4–5]. Поста́ви, гдⷭ҇и, законоположи́телѧ над̾ ни́ми, да разꙋмѣ́ютъ ꙗ҆зы́цы (чтобы познали народы), ꙗ҆́кѡ человѣ́цы сꙋ́ть [Пс.9:21]. Не та́кѡ нечести́вїи, не та́кѡ: но ꙗ҆́кѡ пра́хъ, є҆го́же возмета́етъ вѣ́тръ ѿ лица̀ землѝ [Пс.1:4]. И҆́зсше (высохла) ꙗ҆́кѡ скꙋде́ль крѣ́пость моѧ̀, и҆ ѧ҆зы́къ мо́й прильпѐ (прилип) горта́ни моемꙋ̀, и҆ въ пе́рсть сме́рти све́лъ мѧ̀ є҆сѝ. Ꙗ҆́кѡ ѡ҆быдо́ша мѧ̀ псѝ мно́зи, со́нмъ лука́выхъ ѡ҆держа́ша мѧ̀ [Пс.21:16–17]. Ны́нѣ позна́хъ, ꙗ҆́кѡ сп҃сѐ гдⷭ҇ь хрїста̀ (помазанника) своего̀ [Пс.19:7]. И҆ воста̀ а҆́бїе, и҆ взе́мъ (взяв) ѻ҆́дръ, и҆зы́де пред̾ всѣ́ми: ꙗ҆́кѡ диви́тисѧ всѣ̑мъ, и сла́вити бг҃а, глаго́лющымъ, ꙗ҆́кѡ николи́же та́кѡ ви́дѣхомъ [Мк.2:12]. И҆ прїидо́ша въ до́мъ: и҆ собра́сѧ па́ки наро́дъ, ꙗ҆́кѡ не мощѝ и҆̀мъ ни хлѣ́ба ꙗ҆́сти. И҆ слы́шавше и҆̀же бѧ́хꙋ ᲂу҆ негѡ̀, и҆зыдо́ша, да и҆́мутъ є҆го̀: гл҃го́лахꙋ бо, ꙗ҆́кѡ неи́стовъ є҆́сть [Мк.3:20–21]. А҆ми́нь гл҃го́лю ва́мъ: ꙗ҆́кѡ всѧ̑ ѿпꙋ́стѧтсѧ согрѣшє́нїѧ сынѡ́мъ человѣ́чєскимъ [Мк.3:28]. И҆ па́ки нача́тъ ᲂу҆чи́ти при мо́ри: и собра́сѧ къ немꙋ̀ наро́дъ мно́гъ, ꙗ҆́коже самомꙋ̀ влѣ́зшꙋ въ кора́бль, сѣдѣ́ти въ мо́ри: и весь наро́дъ при мо́ри на землѝ бѧ́ше [Мк.4:1]. И҆ дꙋ́си нечи́стїи, є҆гда̀ ви́дахꙋ є҆го̀, припа́дахꙋ къ немꙋ̀ и зва́хꙋ, глаго́люще, ꙗ҆́кѡ ты є҆сѝ сн҃ъ бж҃їй [Мк.3:11]. И҆ повелѣ̀ и҆̀мъ а҆́бїе і҆и҃съ. И҆ и҆зше́дше дꙋ́си нечи́стїи, внидо́ша во свинїѧ̑: и҆ ᲂу҆стреми́сѧ ста́до по бре́гꙋ въ мо́ре: бѧ́хꙋ же ꙗ҆́кѡ двѣ̀ ты́сащы: и ᲂу҆топа́хꙋ въ мо́ри [Мк.5:13].

4. Ответьте на вопросы:

По какому признаку выделяются существительные, относящиеся к 4-му склонению? В чём особенность склонения существительных типа свекры̀? какое существительное среднего рода может иметь форму звательного падежа, отличающуюся от именительного? в каких случаях слово ꙗ҆́кѡ при переводе опускается?