К материалам для истории Московских соборов 1666–1667 гг.¹

Всесвятейшие патриархи!

Якоже древле правою истинного евангельского учения стезею ходящие, бдагочестивейшие цари греческие, Аркадий же и Онорий Христолюбивые самодержцы за велию ко Христу Богу любовь, велие о православной вере и благочестивой церкви Христовой попечение творяху, в своем благочестивом к христолюби­вому архиерею Флавиану послании глаголющий сице: «ничтоже нам тако потщательно, яко святых церквей попечение и сущия во Христе веры неблазнейшая твердь. – Тако правым истинного евангельского учения путем ходяй, в прекрасную православия порфиру одеянный, многоценною благочестия диадимою удобренный и златозарным правды же и правоверия венцем боговенчанный царь наш Алексей Михайлович, христолюбивый всей россии самодержец с царствующим пророком к Господу Богу глаголюще: Господи, возлюбих благолепие дому твоего, о благолепии дому божь­его и благолепом православной церкви российской правлении же и благостроении всегда печется и тщится. – По царскому бо благо­полезному его попечению и богодвиженому тщанию вы о всесвятейшии патриархи, суще соль земли, суще свет мира, суще ка мень веры, суще правило благочестия, яко избранные Богоподра­жателе из стран далечейших к благочестиву царствующу граду Москвы в благополезное православной церкви российской с ве­личайшими труды потщастеся богопоспешно пришествовати, – о их же пришествии богопоспешном – кто ли не веселится? кто не радуется, кто не тешится? истинно Боговенчанный и хри­столюбивый царь наш всечестная лица ваша зрети благоусер­дно желавый, иже к давшему ему духовное веселие с богодухов­ным псаломником, богодуховно восклицает: дал ecu веселие в сердце мое; веселится зело богособранный всесвященный со­бор, вы богомудрые восточной церкви учителя, – от востока Христа Бога нашего (сице бо Христос наречеся в божествен­ном писании глаголющим се муж восток имя ему) истинно­му учению Богодуховне наученные, в благополезное церковных дел содейство, Богодвижне семо пришедшие зрети желавый, радуется зело; зело же радуяся, в вам тревожделенным отценачальникам с божественным апостолом восклицает; тожде же и вы радуйтеся и срадуйтеся мне, словесное стадо Христово в Богозданной православной церкви российской овчарни пребывающее, вы, добрыя пастыри, –пастыреначальнику Христу Бо­гу добре последуще, в душеполезное всей благочесчивой россии благое семо Богопоспешно пришедшыя зрети желавый тешится зело. Зело же утешающеся, – к небесному утешителю восклицает: жезл твой и палица твоя тии мя утешиша. –Но кто есть сей жезл, кто палица? – Есть небесный утешитель, всесвятый дух Божий, яко некий богомудрый учитель церковный учительствует, глаголя сице: Божественный жезл он и утешительная палица, чрез еже ударяти в действующее врачева­ние – дух есть. Но чесо ради все благочестивое царство россий­ское с благочестивно царствующим о благополучном прише­ствии вашем веселится, радуется же и тешится? Сего ради – яко благодействительною всесвятаго духа благодатию и богопос­пешным вашим священноначальническим начальнодейством (елма бо – по божественному апостолу глаголющу: исполните мою радость, да тожде мудрствуете, с душевни единомудрствующе, уже весь православный род российский единодушно тожде возмудрствует) уже злосеяннный умовредных расколов пле­вел весьма искоренится; уже всекрасная жена, в солнце облеченная, православная церковь российская, доселе вдовствовав­шая, духовным браком Богоизбранному мужу своему богопомощно собрачится; уже словесное стадо Христово в благоче­стивом царстве российстем, правою спасения стезею ходящее, богопоставленному крайнейшему пастырю своему, дверию внидущему, богопоспешно вручится; уже богозданный православ­ной церкви российской корабль по бурном мира сего мо­ри, богохранен плавствующе (понеже бо, яко в начале про­поведи евангельской веровавшии единомудреннии и единодушни бяху, – по божественному писанию глаголющу: множества же веровавших бе сердце и душа едина; тако ныне правоверно в Христа Бога верующим, единосердным и единодушным-благолепотствует быти). Фарсийским душевредных распрь же и ра­сколов кораблем духом бурным сокрушившимся, в благотихое душеспасительного единосердия, единодушия, единоумия и единомудрия пристанище притечет же и от богоданнаго себе кормчия правым слова Божьего кормилом воскормится право. – Но слово текущее в благолепую вашу похвалу, что речет к вам, к вам, благолепая церкви восточной похвало, достохвальные всесвятейшие патриархи, иже Богопомоществуеми проходите глубокое сверепих агарянских гонений море, проходите непостоянную многокозненных вражииих напастей воду, проходите в царство бо­жие идуще (ибо по божественному писанию, глаголющу: многими печалми подобает нам внити во царство Божие); многопламенный великих скорбей огнь, горяще убо не сжигающе же, но яко злато, благочестивые души ваши, многоценным любе Божия златом благолепно позлащенные чистящия; ибо по некоему во святых учителю церковному глаголюшу: якоже огнь творитъ искусншее злато, егда ему сбывает, тако и златым душам приходящи печаль – чистшая я делает и искусншая, понеже древле и богоизбранным архиереем на вселенский собор ефесский стекшимся, от Богоглаголива во святых Кирилла александ­рийского речеся сице: сии бо благочестия учителе столпы и кровы веры, пирги незыблемые, пристанища тихоносива, верные и мудрые домостроителе, мудрые архитевтони, небесное плавание и равноангельское житие на земли провождающие, пророков ссельницы, апостолов сопрестольницы, святых церквей предстателе, убо благоподражателие, в благолепую похвалу вашу текущее слово речет к вам, всесвятейшие патриархи сице: вы есте богодухновенные пророков ссельницы, священноначальные апосто­лов сопристольницы, богопоставленные церквей святых предста­теле, богомудрии домов божиих архитектони, тихоносивая бла­гочестия пристанища, незыблемии православия столпи, непоколеблемые веры пирги, яснозарные евангельского учения светильницы, не под спудом лежащий, но на свещниче церковном светящие убо миру, освещаемые же от всесветлыя лампады Христа сына Божиего, о немже пророчески речеся: спасение же мое, яко лампада вожжется, – сия бо лампада есть единородный сын Бо­жий Христос Бог наш, человеколюбивый рода человеча спа­ситель. яко некий во святых богомудрый учитель церковный сказует, глаголя сице: и появися бо нам, яко в нощи и во тме, лампада сын божественный свет веровавших душам впущающе. Темже аще кто зде обрящется или догматы церковныя зыблюще, или предания апостольские колибающе, или во истин­ном евангельском учении слепотствующе, или боготканные единости церковные ризу раздирающе, и вы, всесвятейшии патриар­хи, яко незыблемые столпы зиблющаго укрепляйте; яко непоколебимые пирги – колибающаго утверждайте; яко златозарные светильницы слепотствующего просвещайте; таже яко богопо­ставленная единости церковные правила раздирающаго на пра­вую единомудрия же и мира стезю наставляйте с божественным апостолом ко всем сицевым глаголюще: прочее, братие, радуйтеся, совершайтеся, утешайтеся, тожде мудрствуйте, мирствуйте и Бог любви мира будет с вами, Елма же богоизбранный духа святого сосуд – божественный апостол Павел да о царех молитвы творятся – молит глаголя сице: молю же первое всех творити моления, молитвы, прошения, благодарения о всех челове- цех о царех и всех в преимуществе сущих, да тихое и безмолвное жи­тие преживем во всяком благочестии и честности. – Убо, о всесвятейшии патриархи, вам, яко апостолоподражателем, сущим теп- лейшим к Господу Богу молебникам, благолепоствует творити моление о благочестивейшем Государе нашем Царе и вели­ком князе Алексии Михаиловиче всея великия и малыя и белыя россии самодержце, златозарными евангельского учения и истин­ного богомудрия лучами облистанном, иже яко светлейшее бла­гочестия солнце вся в мрачной скудости и убожества тме седящии же и милости дарения просящыя ясносиятельным великой ми­лости светом освещает; творити молитвы о христолюбивейшей царице Государыне нашей и великой княгини Марии Илиичне, многоценными всяких богоугодных добродетелей бисерми удобренной, яже яко маслина плодовита благовонное великия милости масло на нищих же и убогих обильно изливает. – Тво­рити прошения о благороднейшем Государе нашем царевиче и великом князе Алексии Алексиевиче, о благороднейшем Госу­даре нашем царевиче и великом князе Феодоре Алексеевиче, о благороднейшем Государе нашем царевиче и великом кня­зе Симеоне Алексиевиче и о христолюбивейших царевнах наших благовонными благочестия, православия и правоверия цветами украшенных. – Молитися о преизящном синклите царском, и о всем благочестивом царстве российском, да тихое и безмолвное преживем житие благочестно. Темже да и вы, всесвятейшии патриархи, добрые стада Христова пастырие, словесныя овцы Христовы пастырству вашему врученные, алчущия убо здравым евангельскаго учения пажитем питающе, жаждущия же живот­ными слова Божиего водами напаяюще, блуждающие же на пра­вую спасения стезю наставляюще, всецело и благоздраво пожи­вете многа лета, таже, по еже благоподвижно претещи поприще временной жизни в небесную овчарню со словесными овцы па­стырству вашему врученными пришедше, от пастыроначальника Христа Бога нашего человеколюбива жизнодавца нетленную тру­дов пастырских мзду жизнь вечную восприяти сподобитеся усердно желаю

н р р т или желаем.

(Последние слова обрезаны, вероятно при переплете).

Сообщил с. Белокуров