Книга чинов присоединения к Православию. Часть 2

Архиере́й, илѝ иере́й, приходя́щего да испыта́ет, ка́ко разуме́ет уче́ние духобо́рцев: та́же пока́жет ему̀ ра́знствие о́наго от уче́ния Правосла́вныя Церквѐ.

По доброво́льнем же испыта́нии и наставле́нии, повели́т ему̀ испове́дати вся̀ грехѝ, ели́ки от ю́ности своея̀ па́мятствует. Разреше́ния, по и́споведи, не подае́т ему̀. В ча́с же присоедине́ния поставля́ет его̀ при вхо́де в це́рковь. Архиере́й, оде́ян в ма́нтию, епитрахи́ль, омофо́р и ми́тру, илѝ иере́й, оде́янный в епитрахи́ль и фело́нь, ста́нет бли́з церко́вных две́рей, и жела́ющаго бы́ти правосла́вным христиани́ном вопроша́ет:

Хо́щеши ли отрещи́ся от погреше́ний и непра́востей духобо́рцев?

Отве́т: Хощ̀у.

Вопроше́ние: Хо́щеши ли приитѝ в соедине́ние ве́ры правосла́вно-кафоли́ческия?

Отве́т: Хощу̀.

Тогда̀ предстоя́тель благословля́ет его̀̀̀, глаго́ля:

Во и́мя Отца̀, и Сы́на, и Свята́го Ду́ха, Ами́нь.

И возложи́в ру́ку на приклоне́нную главу̀ его̀̀̀, диа́кону ре́кшу: Го́споду помо́лимся, и кли́ру: Го́споди, поми́луй, чте́т моли́тву сию̀:

Го́споди Бо́же и́стины, призрѝ на раба̀ Твоего̀̀ (и́мярек)^*, и́щущаго прибе́гнути ко святе́й Твое́й правосла́вней Це́ркви и по́д кро́вом Ея̀ сохрани́тися. Обратѝ его̀̀̀ от заблужде́ния пре́жняго путѝ его̀̀̀ ко и́стинней я́же в Тя̀ ве́ре, и пода́ждь ему̀̀ благода́ть, е́же ходи́ти в за́поведех Твои́х. Да бу́дут о́чи Твоѝ взира́юще на него̀̀ ми́лостию вы́ну, и у́ши твоѝ, е́же слы́шати гла́с моле́ния его̀̀, и та́ко да сопричте́тся ко избра́нному Твоему̀̀ стаду̀. Тя̀ бо пою́т вся̀ си́лы небе́сныя, и Твоя̀ е́сть сла́ва, Отца̀ и Сы́на и Свята́го Ду́ха, во ве́ки веко́в. Ами́нь.

И вопроша́ет предстоя́тель приходя́щего:

Отрица́ешися ли нечести́ваго уче́ния, я́ко не́сть Бо́г в со́бственнем существѐ, пребыва́ет же то́й в ро́де пра́ведных: того̀ ра́ди покланя́тися Бо́гу подоба́ет дру́г во дру́зе?

Отве́т: Отрица́юся.

Вопроше́ние: Отрица́ешися ли ерети́ческаго уче́ния, я́ко Бо́г Оте́ц, Сы́н Бо́жий и Ду́х Свя́тый не су́ть ли́ца триеди́наго божества̀, но то́кмо си́лы, сво́йства и де́йствия божества̀?

Отве́т: Отрица́юся.

Вопроше́ние: Отрица́ешися ли ло́жнаго уче́ния, я́ко Сы́н Бо́жий <...> прему́дрость воплоща́ется в ка́ждом чрез живо́е вну́треннее сло́во?

Отве́т: Отрица́юся.

Вопроше́ние: Отрица́ешися ли ло́жнаго уче́ния, я́ко душа̀ челове́ческая бѐ пре́жде сложе́ния ви́димаго ми́ра и падѐ духо́вне, те́мже заключена̀ бы́сть в сиѐ те́ло, по сме́рти же сего̀ преселя́ется во ино́е те́ло?

Отве́т: Отрица́юся.

Вопроше́ние: Отрица́ешися ли ло́жнаго уче́ния, я́ко ада́мово грехопаде́ние е́сть то́кмо о́браз челове́ческаго прегреше́ния, гре́х же Ада́ма не прехо́дит на его̀ пото́мство?

Отве́т: Отрица́юся.

Вопроше́ние: Отрица́ешися ли ло́жнаго уче́ния, я́ко кре́стныя страда́ния и сме́рть искупи́теля Иису́са Христа̀ не мо́гут опра́вдывати други́х, искупле́ние же е́сть то́кмо духо́вное просвеще́ние?

Отве́т: Отрица́юся.

Вопроше́ние: Отрица́ешися ли ерети́ческаго уче́ния, я́ко Иису́с Христо́с е́сть токмо челове́к, па́че ины́х просвеще́нный внутре́нним сло́вом, и я́ко то́й пострада̀ и умрѐ за и́стину, приме́ра ра́ди?

Отве́т: Отрица́юся.

Вопроше́ние: Отрица́ешися ли ло́жнаго уче́ния, я́ко уме́рый Христо́с воскре́се то́кмо духо́вне и духо́вне же пребыва́ет в ро́де избра́нных, а́ки внутре́ннее живо́е Сло́во?

Отве́т: Отрица́юся.

Вопроше́ние: Оставля́еши ли твоѐ после́дование лжеучи́телем, и́же отмета́ют та́инства, ко прия́тию спаси́тельныя благода́ти от Христа̀ в Це́ркви святе́й устано́вленная, а́ки бы де́йствия не спаси́тельная и ча́дом Бо́жиим нену́жная?

Отве́т: Оставля́ю.

Вопроше́ние: Отступа́еши ли от пре́жде бы́вших твои́х лжеучи́телей, и́же свяще́ннаго Писа́ния и свяще́ннаго Преда́ния не прие́млют, святы́х уго́дников не чту́т и призыва́ние и́х в моли́твах отверга́ют?

Отве́т: Отступа́ю невозвра́тно от си́х учи́телей и и́х лжеуче́ния.

Вопроше́ние: Жела́еши ли у́бо соедини́теся святе́й правосла́вней, кафоли́честей Восто́чней Це́ркви?

Отве́т: Жела́ю от всего̀ моего̀ се́рдца.

Вопроше́ние: Ве́руеши ли, и ка́ко, во еди́наго Бо́га, в Тро́ице сла́вимаго, и покланя́ешися Ему̀?

Отве́т: Ве́рую во еди́наго Бо́га, в Тро́ице сла́вимаго, Отца̀ и Сы́на и Свята́го Ду́ха, и покланя́юся Ему̀.

И сотвори́в земно́й покло́н, чте́т Си́мвол ве́ры.

Посе́м предстоя́тель глаго́лет:

Благослове́н Бо́г, просвеща́яй вся́каго челове́ка, гряду́щаго в ми́р.

И присоединя́емого вопроша́ет:

Ве́руеши ли, я́ко свяще́нное Писа́ние Ве́тхаго и Но́ваго Заве́та, Це́рковию содержи́мое, святи́и Бо́жии челове́цы изглаго́лаша, от Свята́го Ду́ха просвеща́еми, и того̀ ра́ди прие́млиши ли о́ное, я́ко богодухнове́нное и спасительное? От неприе́млющих же и ху́лящих ѐ отмета́ешися ли?

Отве́т: Писа́ние свяще́нное, Це́рковию содержи́мое, я́ко богодухнове́нное и свято́е, а́з прие́млю, я́ко слово Бо́жие, ко спасе́нию на́м да́нное: неприе́млющих же и ху́лящих о́ное отмета́юся.

Вопроше́ние: Апосто́льская и святы́х оте́ц преда́ния, чиноположе́ния и молитвосло́вия, на́шею це́рковию содержи́мая, вменя́еши ли душеспаси́тельна бы́ти и прие́млеши ли я̀?

Отве́т: Вся̀ сия̀ душеспаси́тельна бы́ти ве́рую и после́довати о́нем, ели́ко от менѐ потре́бно, обеща́ваюся.

Вопроше́ние: Ве́руеши ли, я́ко Бог е́сть Существо̀ отли́чное от вся́кия тва́ри, Ду́х преми́рный и всесоверше́нный?

Отве́т: Та́ко ве́рую.

Вопроше́ние: Испове́дуеши ли, я́ко Оте́ц, Сы́н и Святы̀й Ду́х е́сть Бо́г еди́н, по существу̀ неразде́льный, в три́ех же Ли́цех разделя́емый? И ве́руеши ли в Него̀ и покланя́ешися ли Ему̀?

Отве́т: Си́це ве́рую, испове́дую и Бо́гу триеди́ному покланя́юся.

Вопроше́ние: Ве́руеши ли и исповедуеши, я́ко Иису́с Христо́с, единоро́дный Сы́н Бо́жий, от Отца̀ пре́жде все́х ве́к рожде́нный, воплоти́ся от Ду́ха Свята́го и Де́вы Мари́и, на́шего ра́ди спасе́ния, и бы́сть челове́к, сы́й вку́пе и Бо́г, во еди́ней Ипоста́си, в дву́х же естества́х, Бо́жестем и челове́честем, непрело́жно и несли́тно?

Отве́т: Си́це ве́рую и сия̀ та́ко испове́дую несумне́нно.

Вопроше́ние: Ве́руеши ли, я́ко Госпо́дь Иису́с Христо́с не приме́ра ра́ди, но в же́ртву искупле́ния, пло́тию пострада̀ за на́с, божество́м же безстра́стен прибы́сть: я́ко челове́к умрѐ и погребе́н бы́сть, си́лою Своего̀ Божества̀ воскре́се, на небеса̀ с пло́тию взы́де, и седи́т одесну́ю Бо́га Отца̀, отону́дуже па́ки прии́дет суди́ти живы́м и ме́ртвым, и ца́рствовати и́мать, и ца́рствию Его̀̀ не бу́дет конца̀?

Отве́т: Та́ко се́рдцем ве́рую, и усты̀ нелицеме́рно вся̀ сия̀ испове́дую.

Вопроше́ние: Ве́руеши ли, я́ко Де́ва Мари́я, ро́ждшая Христа̀ Бо́га на́шего, е́сть Присноде́ва и вои́стинну Богоро́дица, и того̀ ра́ди до́стойно е́сть почита́ти Ю̀, еди́ну Богоро́дицу я́ко честне́йшую и превы́шшую херуви́м и серафи́м, и покланя́тися Е́й благогове́йно, я́ко непреста́нней о на́с к Бо́гу моли́твеннице?

Отве́т: Вся̀ сия̀ о Присноде́ве Мари́и испове́дую, я́ко Бо́жию Ма́терь сию̀ почита́ю, и в моли́твах и́мам прибега́ти к Не́й.

Вопроше́ние: Ве́руеши ли, я́ко в Це́ркви Свое́й Святе́й Госпо́дь на́ш Иису́с Христо́с учреди́л е́сть та́инств се́дмь, я́ко необходи́мых: креще́ние, миропома́зание, причаще́ние, покая́ние, свяще́нство, бра́к и елеосвяще́ние, чре́з ни́хже пода́емою благода́тию ве́рнии рабѝ Христо́вы быва́ют насле́дницы жи́зни ве́чныя?

Отве́т: Си́це о святы̀х та́инствах ве́рую, и о́ныя се́дмь в Це́ркви Бо́жией, ко спасе́нию ча́д Ея̀, необходи́мыми испове́дую.

Вопроше́ние: Ве́руеши ли, я́ко в креще́нии, при троекра́тном погруже́нии в стихи́йную во́ду с произнесе́нием сло́в: во и́мя Отца̀, и Сы́на, и Свята́го Ду́ха креща́емый прие́млет отпуще́ние все́х грехо́в и благода́тно возражда́ется в жи́знь духо́вную и святу́ю?

Отве́т: Ве́рую и испове́дую.

Вопроше́ние: Ве́руеши ли, я́ко в Евхари́стии, по́д та́инственными ви́дами хле́ба и вина̀, причаща́ются ве́рнии Те́ла и Кро́ве Го́спода на́шего Иису́са Христа̀ во оставле́ние грехо́в и в жи́знь ве́чную?

Отве́т: Ве́рую и испове́дую.

Вопроше́ние: Ве́руеши ли, я́ко апо́столи, му́ченицы и всѝ святи́и, и́хже Це́рковь на́ша чти́т и в мольбу̀ призыва́ет, су́ть вои́стинну уго́дницы Бо́жии, со Христо́м во Ца́рствии небе́снем пребыва́ют и о на́с гре́шных мо́лятся?

Отве́т: Ве́рую, и святы̀х уго́дников Бо́жиих отны́не в мольбу̀ призыва́ю.

Вопроше́ние: Ве́руеши ли, я́ко Крест Го́спода на́шего Иису́са Христа̀, на не́м распя́таго, не ктому̀ прокля́тия и сме́ртныя ка́зни ору́дие е́сть, но спасе́ния и жи́зни ве́чныя зна́мение, е́же на себѐ изобража́юще, сете́й вра́жиих избега́ем?

Отве́т: Си́це о Крестѐ Госпо́дни ве́рую, и си́м спаси́тельным зна́мением огражда́ти себѐ от сете́й лука́ваго, со упова́нием, потщу́ся.

Вопроше́ние: Обеща́еши ли ико́ны святы́е, в Правосла́вней Це́ркви прие́млемыя, по ра́зуму Ея̀ почита́ти, относя̀ че́ствование и́м к первообра́зному, и́ми изобража́емому?

Отве́т: Обеща́юся ико́ны святы́е почита́ти, я́коже в Правосла́вней Це́ркви запове́дано.

Вопроше́ние: Ве́руеши ли, я́ко Христо́с е́сть Глава̀ Це́ркви, и То́й да́л е́сть па́стырям Ея̀ вла́сть вяза́ти и реши́ти грехѝ челове́ков, благода́тию Свята́го Ду́ха, ре́к апо́столом: Приими́те Ду́х Свя́т. И́мже отпуститѐ грехѝ, отпу́стятся и́м: и и́мже держитѐ, держа́тся?

Отве́т: Ве́рую, и послуша́ние священнонача́лию церко́вному обеща́ю.

Посе́м предстоя́тель подае́т присоединя́емому коне́ц омофо́ра, а́ще святи́тель, или коне́ц епитрахи́ли, а́ще иере́́й, и глаго́лет:

Вни́ди в Це́рковь Правосла́вную, и соверше́нно отри́нув заблужде́ния, в ни́хже бы́л есѝ, чтѝ Отца̀ Вседержи́теля, Сы́на Его̀ Иису́са Христа̀, и Ду́ха Свята́го, и́же от Отца̀ исхо́дит, Тро́ицу единосу́щную и неразде́льную.

И та́ко вве́д, поста́вит его̀ пре́д амво́ном, и́деже на столѐ положе́ни су́ть Кре́ст и Ева́нгелие. Иду́щим же и́м, пое́тся псало́м 66:

Бо́же, уще́дри ны̀ и благослови ны̀, просветѝ лицѐ Твоѐ на ны̀ и помилуй ны̀: позна́ти на землѝ пу́ть Тво́й, во все́х язы́цех спасе́ние Твоѐ. Да испове́дятся Тебѐ лю́дие, Бо́же: да испове́дятся Тебѐ лю́дие всѝ. Да возвеселя́тся и да возра́дуются язы́цы: я́ко су́диши лю́дем пра́востию и язы́ки на землѝ наста́виши. Да испове́дятся Тебѐ лю́дие, Бо́же, да испове́дятся Тебѐ лю́дие всѝ. Земля̀ даде пло́д сво́й: благословѝ ны̀, Бо́же Бо́же наш, благословѝ ны̀, Бо́же: и да убоя́тся Его̀ всѝ концы̀ землѝ.

Та́же предстоя́тель повели́т ему̀ коле́на преклони́ти и глаго́лет са́м стихѝ сия̀:

Послѝ Ду́х Тво́й, и сози́ждутся, и обнови́ши лицѐ землѝ.

Спасѝ раба̀ Твоего̀, Бо́же мо́й, упова́ющаго на Тя̀.

Бу́ди ему̀, Го́споди, сто́лп кре́пости от лица̀ вра́жия.

Го́споди, услы́ши моли́тву мою̀, и во́пль мо́й к Тебѐ да прии́дет.

По изглаго́лании, диа́кону ре́кшу: Го́споду помо́лимся, и кли́ру: Го́споди, поми́луй, чте́т со умиле́нием моли́тву сию̀:

Го́споди Бо́же Вседержи́телю, согреша́ющим о́бразы покая́ния предлага́яй и заблу́ждшим пу́ть пра́вый показу́яй, во е́же бы ни еди́ному поги́бнути, но все́м мо́щно бѐ спасти́ся. Благодари́м Тя̀, я́ко и сему̀ рабу̀ Твоему̀ (и́мярек) возсия́л есѝ све́т позна́ния Твоея̀ и́стины, и сподо́бил есѝ его̀ ко святе́й Твое́й Правосла́вно-Кафоли́честей Це́ркви прибе́гнути. Да́ждь у̀бо ему̀ соедини́тися о́ней нелицеме́рно и невозвра́тно: сопричтѝ его̀ избра́нному Твоему̀ ста́ду: сотворѝ его̀ сосу́д че́стен и жили́ще Свята́го Твоего̀ Ду́ха, я́ко да те́м всегда̀ просвеща́емь и наставля́емь, спаси́тельныя за́поведи Твоя̀ неруши́мо соблюде́т, и та́ко небе́сных Твои́х благи́х восприя́тия сподо́бится. Ты́ бо есѝ Бо́г ми́лости и щедро́т и человеколю́бия, и Тебѐ сла́ву возсыла́ем, Отцу̀ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

По моли́тве повелева́ет ему̀ воста́ти, глаго́ля:

Ста́ни до́бре, ста́ни со стра́хом, и пре́д Ева́нгелием и святы́м Кресто́м Спаси́теля утвердѝ да́нное тобо́ю обеща́ние.

О́н же, воста́в, ре́чет:

Ве́ру правосла́вно-кафоли́ческую, ю́же ны́не доброво́льне испове́дую, це́лу и ненаруши́му да́же до коне́чнаго моего̀ издыха́ния, Бо́гу помога́ющу, тве́рдо содержа́ти, и за́поведи ея̀ раде́тельно и ра́достно исполня́ти потщу́ся, соблюда́я в непорочности, ели́ко мо́щно се́рдце моѐ. Во увере́ние сего̀ моего̀ обеща́ния целу́ю словеса̀ и Кре́ст Спаси́теля моего̀. Ами́нь.

По лобыза́нии, предстоя́тель глаго́лет:

Благослове́н Бо́г, хотя́й все́м челове́ком спасти́ся и в ра́зум и́стины приитѝ, сы́й благослове́н во ве́ки.

Кли́р: Ами́нь.

Посе́м глаго́лет:

Преклонѝ коле́на Твоя̀ пре́д Го́сподем Бо́гом, его̀же испове́дал есѝ, и прии́меши оставле́ние грехо́в твои́х.

Прекло́ншу ему̀ коле́на и главу̀, предстоя́тель разреша́ет его̀, си́це:

Госпо́дь на́ш Иису́с Христо́с, ключѝ ца́рствия небе́снаго апо́столом вручи́вый, и да́вый и́м и и́х прее́мником вла́сть вяза́ти и реши́ти грехѝ челове́ков, чре́з менѐ, недесто́йнаго архиере́я (иере́я), проща́ет тя̀, ча́до (и́мярек), и разреша́ет от связа́ния кля́твеннаго илѝ запреще́ния, и от все́х грехо́в Твои́х. И а́з, да́нною мнѐ от Него̀ вла́стию, присоединя́ю тя̀ ко правосла́вней Це́ркви и привожду̀ ко обще́нию боже́ственных Та́инств церко́вных, и благословля́ю тя̀ и́менем Отца̀ и Сы́на и Свята́го Ду́ха. Ами́нь.

Посе́м присоединя́емый, а́ще креще́н и миропома́зан бѐ по Госпо́дню установле́нию, ста́нет, ожида́я причаще́ния Пречи́стаго Те́ла и Кровѐ Го́спода: а́ще же не бѐ креще́н, илѝ по креще́нии не миропома́зан, крести́ти его̀ илѝ то́кмо миропома́зати и посе́м сподо́бити свята́го причаще́ния.

По испыта́нии, наставле́нии и и́споведи, бе́з разреше́ния грехо́в присоединя́емаго, предстоя́тель, поста́вив его̀ при вхо́де во хра́м, вопроша́ет:

Хо́щеши ли отрещи́ся от погреши́тельных уче́ний молока́н?

Отве́т: Хощу̀.

Вопроше́ние: Хо́щеши ли приитѝ в соедине́ние ве́ры правосла́вно-кафоли́ческия?

Отве́т: Хощу̀.

Тогда̀ предстоя́тель благословля́ет его̀, глаго́ля:

Во имя Отца̀, и Сы́на, и Свята́го Ду́ха, Ами́нь.

И возложи́в ру́ку на приклоне́нную главу̀ его̀, диа́кону ре́кшу: Го́споду помо́лимся, и кли́ру: Го́споди, поми́луй, чте́т моли́тву сию̀:

Го́споди Бо́же и́стины, призрѝ на раба̀ Твоего̀̀ (и́мярек)*, и́щущаго прибе́гнути ко святе́й Твое́й правосла́вней Це́ркви и по́д кро́вом Ея̀ сохрани́тися. Обратѝ его̀̀̀ от заблужде́ния пре́жняго путѝ его̀̀̀ ко и́стинней я́же в Тя̀ ве́ре, и пода́ждь ему̀̀ благода́ть, е́же ходи́ти в за́поведех Твои́х. Да бу́дут о́чи Твоѝ взира́юще на него̀̀ ми́лостию вы́ну, и у́ши твоѝ, е́же слы́шати гла́с моле́ния его̀̀, и та́ко да сопричте́тся ко избра́нному Твоему̀̀ стаду̀. Тя̀ бо пою́т вся̀ си́лы небе́сныя, и Твоя̀ е́сть сла́ва, Отца̀ и Сы́на и Свята́го Ду́ха, во ве́ки веко́в. Ами́нь.

По моли́тве же вопроша́ет его̀:

Отрица́ешися ли ло́жнаго уче́ния, а́ки бы Сы́н Бо́жий и Ду́х Свя́тый не су́ть ра́вни Бо́гу Отцу̀ по своему̀ бо́жескому досто́инству?

Отве́т: Отрица́юся.

Вопроше́ние: Отрица́ешися ли непра́ваго уче́ния Симео́на Укле́ина и его единомы́шленников, я́ко Сы́н Бо́жий безсе́менне рожде́йся от Де́вы Мари́и, не восприя́т челове́ческия пло́ти от пречи́стых Ея̀ крове́й, но принесѐ Ю̀ с небе́с и с то́ю всели́ся в утро́бу Богома́тере, те́мже и умрѐ не та́ко, я́коже челове́цы умира́ют?

Отве́т: Отрица́юся.

Вопроше́ние: Отрица́ешися ли ло́жнаго уче́ния, я́ко к получе́нию спаси́тельныя благода́ти ви́димая священноде́йствия не су́ть необходи́ма и я́ко та́инства, устано́вленная Го́сподем Иису́сом Христо́м в Це́ркви Его̀, подоба́ет разуме́ти духо́вне?

Отве́т: Отрица́юся.

Вопроше́ние: Отступа́еши ли от пре́жде бы́вших твои́х лжеучи́телей, и́же свяще́ннаго Писа́ния и свяще́ннаго Преда́ния не прие́млют, святы́х уго́дников не чту́т и призыва́ние и́х в моли́твах отверга́ют?

Отве́т: Отступа́ю невозвра́тно от си́х учи́телей и и́х лжеуче́ния.

Вопроше́ние: Жела́еши ли у́бо соедини́теся святе́й правосла́вней, кафоли́честей Восто́чней Це́ркви?

Отве́т: Жела́ю от всего̀ моего̀ се́рдца.

Вопроше́ние: Ве́руеши ли, и ка́ко, во еди́наго Бо́га, в Тро́ице сла́вимаго, и покланя́ешися Ему̀?

Отве́т: Ве́рую во еди́наго Бо́га, в Тро́ице сла́вимаго, Отца̀ и Сы́на и Свята́го Ду́ха, и покланя́юся Ему̀.

И сотвори́в земно́й покло́н, чте́т Си́мвол ве́ры.

Посе́м предстоя́тель глаго́лет:

Благослове́н Бо́г, просвеща́яй вся́каго челове́ка, гряду́щаго в ми́р.

И па́ки вопроша́ет:

Обеща́ешися ли Свяще́нное Писа́ние по истолкова́нию, е́же преда́ша на́м Отцы̀ и Учи́телие Церко́внии, и е́же содержи́т Восто́чная Це́рковь, испы́товати и уразумева́ти?

Отве́т: Обеща́юся и потщу́ся.

Вопроше́ние: Апо́стольская и святы̀х оте́ц преда́ния, чиноположе́ния и моли́твословия, на́шей Це́рковию содержи́мая, вменя́еши ли душеспаси́тельна бы́ти и прие́млиши ли я̀?

Отве́т: Вся̀ сия̀ душеспаси́тельна бы́ти ве́рую и после́довати о́нем, ели́ко от менѐ потре́бно, обещава́юся.

Вопроше́ние: Испове́души ли, я́ко Оте́ц, Сы́н и Свя́тый Ду́х есть Бо́г еди́н, по существу̀ неразде́льный, в тре́х же ли́цех разделя́емый? Ве́руеши ли в Него̀ и покланя́ешися Ему̀?

Отве́т: Си́це ве́рую, испове́дую и Бо́гу триеди́ному покланя́юся.

Вопроше́ние: Ве́руеши ли и испове́души, я́ко Иису́с Христо́с, единоро́дный Сы́н Бо́жий, от Отца̀ пре́жде ве́к рожде́нный, воплоти́ся от Ду́ха Свята́го и Де́вы Мари́и, на́шего ра́ди спасе́ния, и бы́сть челове́к, сы́й вку́пе и Бо́г, во еди́ной ипоста́си, во дву́х же естества́х, бо́жестем и челове́честем, непрело́жно и несли́тно, неразде́льно и неразлу́чно?

Отве́т: Си́це ве́рую, и сия̀ та́ко испове́дую неумне́нно.

Вопроше́ние: Ве́руеши ли, я́ко Госпо́дь Иису́с Христо́с, да́вый себѐ в же́ртву искупле́ния, и́стиною, а не привиде́нием пло́тию пострада̀ за на́с, божество́м же безстра́стен прибы́сть: я́ко челове́к умрѐ и погребе́н бы́сть, си́лою Своего̀ Божества̀ воскре́се, на небеса̀ с пло́тию взы́де, и седи́т одесну́ю Бо́га Отца̀, отону́дуже па́ки прии́дет суди́ти живы́м и ме́ртвым, и ца́рствовати и́мать, и ца́рствию Его̀̀ не бу́дет конца̀?

Отве́т: Та́ко се́рдцем ве́рую, и усты̀ нелицеме́рно вся̀ сия̀ испове́дую.

Вопроше́ние: Ве́руеши ли, я́ко Де́ва Мари́я, ро́ждшая Христа̀ Бо́га на́шего, е́сть Присноде́ва и вои́стинну Богоро́дица, и того̀ ра́ди до́стойно е́сть почита́ти Ю̀, еди́ну Богоро́дицу я́ко честне́йшую и превы́шшую херуви́м и серафи́м, и покланя́тися Е́й благогове́йно, я́ко непреста́нней о на́с к Бо́гу моли́твеннице?

Отве́т: Вся̀ сия̀ о Присноде́ве Мари́и испове́дую, я́ко Бо́жию Ма́терь сию̀ почита́ю, и в моли́твах и́мам прибега́ти к Не́й.

Вопроше́ние: Ве́руеши ли, я́ко в Це́ркви Свое́й Святе́й Госпо́дь на́ш Иису́с Христо́с учреди́л е́сть та́инств се́дмь, я́ко необходи́мых: креще́ние, миропома́зание, причаще́ние, покая́ние, свяще́нство, бра́к и елеосвяще́ние, чре́з ни́хже пода́емою благода́тию ве́рнии рабѝ Христо́вы быва́ют насле́дницы жи́зни ве́чныя?

Отве́т: Си́це о святы̀х та́инствах ве́рую, и о́ныя се́дмь в Це́ркви Бо́жией, ко спасе́нию ча́д Ея̀, необходи́мыми испове́дую.

Вопроше́ние: Ве́руеши ли, я́ко в креще́нии, при троекра́тном погруже́нии в стихи́йную во́ду с произнесе́нием сло́в: во и́мя Отца̀, и Сы́на, и Свята́го Ду́ха креща́емый прие́млет отпуще́ние все́х грехо́в и благода́тно возражда́ется в жи́знь духо́вную и святу́ю?

Отве́т: Ве́рую и испове́дую.

Вопроше́ние: Ве́руеши ли, я́ко в Евхари́стии, по́д та́инственными ви́дами хле́ба и вина̀, причаща́ются ве́рнии Те́ла и Кро́ве Го́спода на́шего Иису́са Христа̀ во оставле́ние грехо́в и в жи́знь ве́чную?

Отве́т: Ве́рую и испове́дую.

Вопроше́ние: Ве́руеши ли, я́ко апо́столи, му́ченицы и всѝ святи́и, и́хже Це́рковь на́ша чти́т и в мольбу̀ призыва́ет, су́ть вои́стинну уго́дницы Бо́жии, со Христо́м во Ца́рствии небе́снем пребыва́ют и о на́с гре́шных мо́лятся?

Отве́т: Ве́рую, и святы̀х уго́дников Бо́жиих отны́не в мольбу̀ призыва́ю.

Вопроше́ние: Ве́руеши ли, я́ко Крест Го́спода на́шего Иису́са Христа̀, на не́м распя́таго, не ктому̀ прокля́тия и сме́ртныя ка́зни ору́дие е́сть, но спасе́ния и жи́зни ве́чныя зна́мение, е́же на себѐ изобража́юще, сете́й вра́жиих избега́ем?

Отве́т: Си́це о Крестѐ Госпо́дни ве́рую, и си́м спаси́тельным зна́мением огражда́ти себѐ от сете́й лука́ваго, со упова́нием, потщу́ся.

Вопроше́ние: Обеща́ешися ли ико́ны святы́е, в Правосла́вней Це́ркви прие́млемыя, по ра́зуму Ея̀ почита́ти, относя̀ че́ствование и́м к первообра́зному, и́ми изобража́емому?

Отве́т: Обеща́юся ико́ны святы́е почита́ти, я́коже в Правосла́вней Це́ркви запове́дано.

Вопроше́ние: Ве́руеши ли, я́ко Христо́с е́сть Глава̀ Це́ркви, е́йже и врата̀ а́дова не одоле́ют, и то́й да́л е́сть па́стырям Ея̀ вла́сть вяза́ти и реши́ти грехѝ челове́ков, благода́тию Свята́го Ду́ха, ре́к апо́столом: Приими́те Ду́х Свя́т. И́мже отпуститѐ грехѝ, отпу́стятся и́м: и и́мже держитѐ, держа́тся?

Отве́т: Ве́рую, и послуша́ние священнонача́лию церко́вному обеща́ю.

Посе́м предстоя́тель подае́т присоединя́емому, а́ще архиере́́й, коне́ц омофо́ра, а́ще же иере́́й, коне́ц епитрахи́ли и глаго́лет:

Вни́ди в Це́рковь Правосла́вную, и соверше́нно отри́нув заблужде́ния, в ни́хже бы́л есѝ, чтѝ Отца̀ Вседержи́теля, Сы́на Его̀ Иису́са Христа̀, и Ду́ха Свята́го, и́же от Отца̀ исхо́дит, Тро́ицу единосу́щную и неразде́льную.

И та́ко вве́д, поста́вит его̀ пре́д амво́ном, и́деже на столѐ положе́ни су́ть Кре́ст и Ева́нгелие. Иду́щим же и́м, пое́тся псало́м 66:

Бо́же, уще́дри ны̀ и благослови ны̀, просветѝ лицѐ Твоѐ на ны̀ и помилуй ны̀: позна́ти на землѝ пу́ть Тво́й, во все́х язы́цех спасе́ние Твоѐ. Да испове́дятся Тебѐ лю́дие, Бо́же: да испове́дятся Тебѐ лю́дие всѝ. Да возвеселя́тся и да возра́дуются язы́цы: я́ко су́диши лю́дем пра́востию и язы́ки на землѝ наста́виши. Да испове́дятся Тебѐ лю́дие, Бо́же, да испове́дятся Тебѐ лю́дие всѝ. Земля̀ даде пло́д сво́й: благословѝ ны̀, Бо́же Бо́же наш, благословѝ ны̀, Бо́же: и да убоя́тся Его̀ всѝ концы̀ землѝ.

Та́же предстоя́тель повели́т ему̀ коле́на преклони́ти и глаго́лет са́м стихѝ сия̀:

Послѝ Ду́х Тво́й, и сози́ждутся, и обнови́ши лицѐ землѝ.

Спасѝ раба̀ Твоего̀, Бо́же мо́й, упова́ющаго на Тя̀.

Бу́ди ему̀, Го́споди, сто́лп кре́пости от лица̀ вра́жия.

Го́споди, услы́ши моли́тву мою̀, и во́пль мо́й к Тебѐ да прии́дет.

По изглаго́лании, диа́кону ре́кшу: Го́споду помо́лимся, и кли́ру: Го́споди, поми́луй, чте́т со умиле́нием моли́тву сию̀:

Го́споди Бо́же Вседержи́телю, согреша́ющим о́бразы покая́ния предлага́яй и заблу́ждшим пу́ть пра́вый показу́яй, во е́же бы ни еди́ному поги́бнути, но все́м мо́щно бѐ спасти́ся. Благодари́м Тя̀, я́ко и сему̀ рабу̀ Твоему̀ (и́мярек) возсия́л есѝ све́т позна́ния Твоея̀ и́стины, и сподо́бил есѝ его̀ ко святе́й Твое́й Правосла́вно-Кафоли́честей Це́ркви прибе́гнути. Да́ждь у̀бо ему̀ соедини́тися о́ней нелицеме́рно и невозвра́тно: сопричтѝ его̀ избра́нному Твоему̀ ста́ду: сотворѝ его̀ сосу́д че́стен и жили́ще Свята́го Твоего̀ Ду́ха, я́ко да те́м всегда̀ просвеща́емь и наставля́емь, спаси́тельныя за́поведи Твоя̀ неруши́мо соблюде́т, и та́ко небе́сных Твои́х благи́х восприя́тия сподо́бится. Ты́ бо есѝ Бо́г ми́лости и щедро́т и человеколю́бия, и Тебѐ сла́ву возсыла́ем, Отцу̀ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

По моли́тве повелева́ет ему̀ воста́ти, глаго́ля:

Ста́ни до́бре, ста́ни со стра́хом, и пре́д Ева́нгелием и святы́м Кресто́м Спаси́теля утвердѝ да́нное тобо́ю обеща́ние.

О́н же, воста́в, ре́чет:

Ве́ру правосла́вно-кафоли́ческую, ю́же ны́не доброво́льне испове́дую, це́лу и ненаруши́му да́же до коне́чнаго моего̀ издыха́ния, Бо́гу помога́ющу, тве́рдо содержа́ти, и за́поведи ея̀ раде́тельно и ра́достно исполня́ти потщу́ся, соблюда́я в непорочности, ели́ко мо́щно се́рдце моѐ. Во увере́ние сего̀ моего̀ обеща́ния целу́ю словеса̀ и Кре́ст Спаси́теля моего̀. Ами́нь.

По лобыза́нии, предстоя́тель глаго́лет:

Благослове́н Бо́г, хотя́й все́м челове́ком спасти́ся и в ра́зум и́стины приитѝ, сы́й благослове́н во ве́ки.

Кли́р: Ами́нь.

Посе́м глаго́лет:

Преклонѝ коле́на Твоя̀ пре́д Го́сподем Бо́гом, его̀же испове́дал есѝ, и прии́меши оставле́ние грехо́в твои́х.

Прекло́ншу ему̀ коле́на и главу̀, предстоя́тель разреша́ет его̀, си́це:

Госпо́дь на́ш Иису́с Христо́с, ключѝ ца́рствия небе́снаго апо́столом вручи́вый, и да́вый и́м и и́х прее́мником вла́сть вяза́ти и реши́ти грехѝ челове́ков, чре́з менѐ, недесто́йнаго архиере́я (иере́я), проща́ет тя̀, ча́до (и́мярек), и разреша́ет от связа́ния кля́твеннаго илѝ запреще́ния, и от все́х грехо́в Твои́х. И а́з, да́нною мнѐ от Него̀ вла́стию, присоединя́ю тя̀ ко правосла́вней Це́ркви и привожду̀ ко обще́нию боже́ственных Та́инств церко́вных, и благословля́ю тя̀ и́менем Отца̀ и Сы́на и Свята́го Ду́ха. Ами́нь.

Посе́м присоединя́емый, а́ще креще́н и миропома́зан бѐ по Госпо́дню установле́нию, ста́нет, ожида́я причаще́ния Пречи́стаго Те́ла и Кровѐ Го́спода: а́ще же не бѐ креще́н, илѝ по креще́нии не миропома́зан, крести́ти его̀ илѝ то́кмо миропома́зати и посе́м сподо́бити свята́го причаще́ния.

По испыта́нии, наставле́нии и и́споведи, бе́з разреше́ния грехо́в присоединя́емаго, предстоя́тель, поста́вив его̀ при вхо́де во хра́м, вопроша́ет:

Хо́щеши ли отрещи́ся от погреши́тельных уче́ний молока́н?

Отве́т: Хощу̀.

Вопроше́ние: Хо́щеши ли приитѝ в соедине́ние ве́ры правосла́вно-кафоли́ческия?

Отве́т: Хощу̀.

Тогда̀ предстоя́тель благословля́ет его̀, глаго́ля:

Во имя Отца̀, и Сы́на, и Свята́го Ду́ха, Ами́нь.

И возложи́в ру́ку на приклоне́нную главу̀ его̀, диа́кону ре́кшу: Го́споду помо́лимся, и кли́ру: Го́споди, поми́луй, чте́т моли́тву сию̀:

Го́споди Бо́же и́стины, призрѝ на раба̀ Твоего̀̀ (и́мярек)*, и́щущаго прибе́гнути ко святе́й Твое́й правосла́вней Це́ркви и по́д кро́вом Ея̀ сохрани́тися. Обратѝ его̀̀̀ от заблужде́ния пре́жняго путѝ его̀̀̀ ко и́стинней я́же в Тя̀ ве́ре, и пода́ждь ему̀̀ благода́ть, е́же ходи́ти в за́поведех Твои́х. Да бу́дут о́чи Твоѝ взира́юще на него̀̀ ми́лостию вы́ну, и у́ши твоѝ, е́же слы́шати гла́с моле́ния его̀̀, и та́ко да сопричте́тся ко избра́нному Твоему̀̀ стаду̀. Тя̀ бо пою́т вся̀ си́лы небе́сныя, и Твоя̀ е́сть сла́ва, Отца̀ и Сы́на и Свята́го Ду́ха, во ве́ки веко́в. Ами́нь.

По моли́тве же вопроша́ет приемлема́го:

Оставля́еши ли твоѐ после́дование лжеучи́телем, и́же отмета́ют богоустано́вленный правосла́вныя кафоли́ческия Це́ркве чи́н священнослужи́тельский и дерза́ют соверша́ти креще́ние и Евхари́стию и про́чая священноде́йствия, не иму́ще прее́мственнаго от святы́х апо́стол иерархи́ческаго рукоположе́ния?

Отве́т: Оставля̀ю.

Вопроше́ние: Отрица́ешися ли непра́ваго мне́ния, а́ки бы в та́инстве Евхари́стии хле́б не прелага́ется в те́ло Христо́во и не пребыва́ет те́лом Христо́вым, и вино̀ не прелага́ется в кро́вь Христо́ву и не пребыва́ет кро́вию Христо́вою?

Отве́т: Отрица́юся.

Вопроше́ние: Отступа́еши ли от пре́жде бы́вших твои́х лжеучи́телей, и́же свяще́ннаго Писа́ния и свяще́ннаго Преда́ния не прие́млют, святы́х уго́дников не чту́т и призыва́ние и́х в моли́твах отверга́ют?

Отве́т: Отступа́ю невозвра́тно от си́х учи́телей и и́х лжеуче́ния.

Вопроше́ние: Жела́еши ли у́бо соедини́теся святе́й правосла́вней, кафоли́честей Восто́чней Це́ркви?

Отве́т: Жела́ю от всего̀ моего̀ се́рдца.

Вопроше́ние: Ве́руеши ли, и ка́ко, во еди́наго Бо́га, в Тро́ице сла́вимаго, и покланя́ешися Ему̀?

Отве́т: Ве́рую во еди́наго Бо́га, в Тро́ице сла́вимаго, Отца̀ и Сы́на и Свята́го Ду́ха, и покланя́юся Ему̀.

И сотвори́в земно́й покло́н, чте́т Си́мвол ве́ры.

Посе́м предстоя́тель глаго́лет:

Благослове́н Бо́г, просвеща́яй вся́каго челове́ка, гряду́щаго в ми́р.

И присоединя́емого вопроша́ет:

Обеща́ешися ли Свяще́нное Писа́ние по истолкова́нию, е́же преда́ша на́м Отцы̀ и Учи́телие Церко́внии, и е́же содержи́т Правосла́вная Це́рковь, испы́товати и уразумева́ти?

Отве́т: Обеща́юся и потщу́ся.

Вопроше́ние: Апо́стольская пра́вила и друга́я, на седмѝ Вселе́нских и девятѝ Поме́стных Собо́рех постано́вленная, и про́чая Правосла́вныя Це́ркви преда́ния и уста́вы прие́млиши ли?

Отве́т: Прие́млю.

Вопроше́ние: Ве́руеши ли, я́ко в Це́ркви Свое́й Святе́й Госпо́дь на́ш Иису́с Христо́с учреди́л е́сть та́инств се́дмь, я́ко необходи́мых: креще́ние, миропома́зание, причаще́ние, покая́ние, свяще́нство, бра́к и елеосвяще́ние, чре́з ни́хже пода́емою благода́тию ве́рнии рабѝ Христо́вы быва́ют насле́дницы жи́зни ве́чныя?

Отве́т: Си́це о святы̀х та́инствах ве́рую, и о́ныя се́дмь в Це́ркви Бо́жией, ко спасе́нию ча́д Ея̀, необходи́мыми испове́дую.

Вопроше́ние: Ве́руеши ли, я́ко в Евхари́стии, по́д та́инственными ви́ды хле́ба и вина̀, причаща́ются ве́рнии Те́ла и Кро́ве Го́спода на́шего Иису́са Христа̀ во оставле́ние грехо́в и в жи́знь ве́чную?

Отве́т: Ве́рую и испове́дую.

Вопроше́ние: Ве́руеши ли, я́ко апо́столи, му́ченицы и всѝ святи́и, и́хже Це́рковь на́ша чти́т и в мольбу̀ призыва́ет, су́ть вои́стинну уго́дницы Бо́жии, со Христо́м во Ца́рствии небе́снем пребыва́ют и о на́с гре́шных мо́лятся?

Отве́т: Ве́рую, и святы̀х уго́дников Бо́жиих отны́не в мольбу̀ призыва́ю.

Вопроше́ние: Ве́руеши ли, я́ко Крест Го́спода на́шего Иису́са Христа̀, на не́м распя́таго, не ктому̀ прокля́тия и сме́ртныя ка́зни ору́дие е́сть, но спасе́ния и жи́зни ве́чныя зна́мение, е́же на себѐ изобража́юще, сете́й вра́жиих избега́ем?

Отве́т: Си́це о Крестѐ Госпо́дни ве́рую, и си́м спаси́тельным зна́мением огражда́ти себѐ от сете́й лука́ваго, со упова́нием, потщу́ся.

Вопроше́ние: Обеща́ешися ли ико́ны святы́е, в Правосла́вней Це́ркви прие́млемыя, по ра́зуму Ея̀ почита́ти, относя̀ че́ствование и́м к первообра́зному, и́ми изобража́емому?

Отве́т: Обеща́юся че́ствовати, я́коже в Правосла́вней Це́ркви запове́дано.

Вопроше́ние: Ве́руеши ли, я́ко Христо́с е́сть Глава̀ Це́ркви, и То́й да́л е́сть па́стырям Ея̀ вла́сть вяза́ти и реши́ти грехѝ челове́ков, благода́тию Свята́го Ду́ха, ре́к апо́столом: Приими́те Ду́х Свя́т. И́мже отпуститѐ грехѝ, отпу́стятся и́м: и и́мже держитѐ, держа́тся?

Отве́т: Ве́рую, и послуша́ние священнонача́лию церко́вному обеща́ю.

Посе́м предстоя́тель подае́т присоединя́емому, а́ще архиере́́й, коне́ц омофо́ра, а́ще же иере́́й, коне́ц епитрахи́ли и глаго́лет:

Вни́ди в Це́рковь Правосла́вную, и соверше́нно отри́нув заблужде́ния, в ни́хже бы́л есѝ, чтѝ Отца̀ Вседержи́теля, Сы́на Его̀ Иису́са Христа̀, и Ду́ха Свята́го, и́же от Отца̀ исхо́дит, Тро́ицу единосу́щную и неразде́льную.

И та́ко вве́д, поста́вит его̀ пре́д амво́ном, и́деже на столѐ положе́ни су́ть Кре́ст и Ева́нгелие. Иду́щим же и́м, пое́тся псало́м 66:

Бо́же, уще́дри ны̀ и благослови ны̀, просветѝ лицѐ Твоѐ на ны̀ и помилуй ны̀: позна́ти на землѝ пу́ть Тво́й, во все́х язы́цех спасе́ние Твоѐ. Да испове́дятся Тебѐ лю́дие, Бо́же: да испове́дятся Тебѐ лю́дие всѝ. Да возвеселя́тся и да возра́дуются язы́цы: я́ко су́диши лю́дем пра́востию и язы́ки на землѝ наста́виши. Да испове́дятся Тебѐ лю́дие, Бо́же, да испове́дятся Тебѐ лю́дие всѝ. Земля̀ даде пло́д сво́й: благословѝ ны̀, Бо́же Бо́же наш, благословѝ ны̀, Бо́же: и да убоя́тся Его̀ всѝ концы̀ землѝ.

Та́же предстоя́тель повели́т ему̀ коле́на преклони́ти и глаго́лет са́м стихѝ сия̀:

Послѝ Ду́х Тво́й, и сози́ждутся, и обнови́ши лицѐ землѝ.

Спасѝ раба̀ Твоего̀, Бо́же мо́й, упова́ющаго на Тя̀.

Бу́ди ему̀, Го́споди, сто́лп кре́пости от лица̀ вра́жия.

Го́споди, услы́ши моли́тву мою̀, и во́пль мо́й к Тебѐ да прии́дет.

По изглаго́лании, диа́кону ре́кшу: Го́споду помо́лимся, и кли́ру: Го́споди, поми́луй, чте́т со умиле́нием моли́тву сию̀:

Го́споди Бо́же Вседержи́телю, согреша́ющим о́бразы покая́ния предлага́яй и заблу́ждшим пу́ть пра́вый показу́яй, во е́же бы ни еди́ному поги́бнути, но все́м мо́щно бѐ спасти́ся. Благодари́м Тя̀, я́ко и сему̀ рабу̀ Твоему̀ (и́мярек) возсия́л есѝ све́т позна́ния Твоея̀ и́стины, и сподо́бил есѝ его̀ ко святе́й Твое́й Правосла́вно-Кафоли́честей Це́ркви прибе́гнути. Да́ждь у̀бо ему̀ соедини́тися о́ней нелицеме́рно и невозвра́тно: сопричтѝ его̀ избра́нному Твоему̀ ста́ду: сотворѝ его̀ сосу́д че́стен и жили́ще Свята́го Твоего̀ Ду́ха, я́ко да те́м всегда̀ просвеща́емь и наставля́емь, спаси́тельныя за́поведи Твоя̀ неруши́мо соблюде́т, и та́ко небе́сных Твои́х благи́х восприя́тия сподо́бится. Ты́ бо есѝ Бо́г ми́лости и щедро́т и человеколю́бия, и Тебѐ сла́ву возсыла́ем, Отцу̀ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

По моли́тве повелева́ет ему̀ воста́ти, глаго́ля:

Ста́ни до́бре, ста́ни со стра́хом, и пре́д Ева́нгелием и святы́м Кресто́м Спаси́теля утвердѝ да́нное тобо́ю обеща́ние.

О́н же, воста́в, ре́чет:

Ве́ру правосла́вно-кафоли́ческую, ю́же ны́не доброво́льне испове́дую, це́лу и ненаруши́му да́же до коне́чнаго моего̀ издыха́ния, Бо́гу помога́ющу, тве́рдо содержа́ти, и за́поведи ея̀ раде́тельно и ра́достно исполня́ти потщу́ся, соблюда́я в непорочности, ели́ко мо́щно се́рдце моѐ. Во увере́ние сего̀ моего̀ обеща́ния целу́ю словеса̀ и Кре́ст Спаси́теля моего̀. Ами́нь.

По лобыза́нии, предстоя́тель глаго́лет:

Благослове́н Бо́г, хотя́й все́м челове́ком спасти́ся и в ра́зум и́стины приитѝ, сы́й благослове́н во ве́ки.

Кли́р: Ами́нь.

Посе́м глаго́лет:

Преклонѝ коле́на Твоя̀ пре́д Го́сподем Бо́гом, его̀же испове́дал есѝ, и прии́меши оставле́ние грехо́в твои́х.

Прекло́ншу ему̀ коле́на и главу̀, предстоя́тель разреша́ет его̀, си́це:

Госпо́дь на́ш Иису́с Христо́с, ключѝ ца́рствия небе́снаго апо́столом вручи́вый, и да́вый и́м и и́х прее́мником вла́сть вяза́ти и реши́ти грехѝ челове́ков, чре́з менѐ, недесто́йнаго архиере́я (иере́я), проща́ет тя̀, ча́до (и́мярек), и разреша́ет от связа́ния кля́твеннаго илѝ запреще́ния, и от все́х грехо́в Твои́х. И а́з, да́нною мнѐ от Него̀ вла́стию, присоединя́ю тя̀ ко правосла́вней Це́ркви и привожду̀ ко обще́нию боже́ственных Та́инств церко́вных, и благословля́ю тя̀ и́менем Отца̀ и Сы́на и Свята́го Ду́ха. Ами́нь.

Посе́м присоединя́емый, а́ще креще́н и миропома́зан бѐ по Госпо́дню установле́нию, ста́нет, ожида́я причаще́ния Пречи́стаго Те́ла и Кровѐ Го́спода: а́ще же не бѐ креще́н, илѝ по креще́нии не миропома́зан, крести́ти его̀ илѝ то́кмо миропома́зати и посе́м сподо́бити свята́го причаще́ния.

По испыта́нии, наставле́нии и и́споведи, бе́з разреше́ния грехо́в присоединя́емаго, предстоя́тель, поста́вив его̀ при вхо́де во хра́м, вопроша́ет:

Хо́щеши ли отрещи́ся от штунди́зма?

Отве́т: Хощу̀.

Вопроше́ние: Хо́щеши ли приитѝ в соедине́ние ве́ры правосла́вно-кафоли́ческия?

Отве́т: Хощу̀.

Тогда̀ предстоя́тель благословля́ет его̀, глаго́ля:

Во имя Отца̀, и Сы́на, и Свята́го Ду́ха, Ами́нь.

И возложи́в ру́ку на приклоне́нную главу̀ его̀, диа́кону ре́кшу: Го́споду помо́лимся, и кли́ру: Го́споди, поми́луй, чте́т моли́тву сию̀:

Го́споди Бо́же и́стины, призрѝ на раба̀ Твоего̀̀ (и́мярек)*, и́щущаго прибе́гнути ко святе́й Твое́й правосла́вней Це́ркви и по́д кро́вом Ея̀ сохрани́тися. Обратѝ его̀̀̀ от заблужде́ния пре́жняго путѝ его̀̀̀ ко и́стинней я́же в Тя̀ ве́ре, и пода́ждь ему̀̀ благода́ть, е́же ходи́ти в за́поведех Твои́х. Да бу́дут о́чи Твоѝ взира́юще на него̀̀ ми́лостию вы́ну, и у́ши твоѝ, е́же слы́шати гла́с моле́ния его̀̀, и та́ко да сопричте́тся ко избра́нному Твоему̀̀ стаду̀. Тя̀ бо пою́т вся̀ си́лы небе́сныя, и Твоя̀ е́сть сла́ва, Отца̀ и Сы́на и Свята́го Ду́ха, во ве́ки веко́в. Ами́нь.

По моли́тве же вопроша́ет его̀:

Вопроше́ние: Отрица́ешися ли ло́жнаго уче́ния, а́ки бы предопределе́ние челове́ков ко спасе́нию, илѝ отверже́ние и́х быва́ет не по боже́ственному предве́дению их ве́ры и до́брых де́л, илѝ и́х неве́рия илѝ нече́стия, но по не́коей непродоли́мей судьбѐ?

Отве́т: Отрица́юся сего̀ лжеуче́ния.

Вопроше́ние: Отступа́еши ли от пре́жде бы́вших твои́х лжеучи́телей, и́же себѐ саме́х прельща́ют, глаго́люще, я́ко безгре́шне и свя́ти су́ть, и сего̀ ра́ди согреша́ющих, а́ще бы и очища́ли бы́ша себѐ покая́нием, не прие́млют во обще́ние?

Отве́т: Отступа́ю невозвра́тно.

Вопроше́ние: Отрица́ешися ли ло́жнаго уче́ния, а́ки бы крести́ти подоба́ет то́кмо ве́рующих возра́стных, младе́нцы же ве́рных не во гресе́х ражда́ются и не и́мут ну́жды во благода́тнем возрожде́нии?

Отве́т: Отрица́юся.

Вопроше́ние: Оставля́еши ли после́дование лжеучи́телем, и́же отверга́ют пя́ть Та́инств: Миропома́зание, Покая́ние, Бра́к, Елеосвяще́ние и са́мое Свяще́нство, бе́з него́же не́сть и чи́н священнослужи́тельский, и не иму́ще хирото́нии, дерза́ют соверша́ти не то́кмо Креще́ние, но и Евхари́стию?

Отве́т: Оставля́ю та́ких лжеучи́телей.

Вопроше́ние: Отверга́еши непра́вое мне́ние, а́ки бы в та́инстве Евхари́стии хле́б и вино̀ не прелага́ются в Те́ло Христо́во и в Кро́вь Христо́ву, и суть то́кмо ви́димая зна́мения Те́ла и Кро́ве Христо́вых?

Отве́т: Отверга́ю сиѐ непра́вое мне́ние.

Вопроше́ние: Отступа́еши ли от согла́сия с лжеучи́тельми, и́же не прие́млют свяще́ннаго Преда́ния, не чту́т святы́х Бо́жиих и отверга́ют поминове́ние усо́пших?

Отве́т: Отступа́ю и обще́ния с си́ми лжеучи́тельми име́ти не бу́ду.

Вопроше́ние: Жела́еши ли соедини́тися Святе́й, Правосла́вней, Кафоли́честей, Восто́чней Це́ркви?

Отве́т: Жела́ю от всего̀ моего̀ се́рдца.

Вопроше́ние: Ве́руеши ли, и ка́ко, во Еди́наго Бо́га, в Тро́ице сла́вимаго, и поклоня́ешися ли Ему̀?

Отве́т: Ве́рую во Еди́наго Бо́га, в Тро́ице сла́вимаго, Отца̀ и Сы́на и Свята́го Ду́ха, и покланя́юся Ему̀.

И сотвори́в земно́й покло́н, чте́т Си́мвол ве́ры.

Посе́м предстоя́тель глаго́лет:

Благослове́н Бо́г, просвеща́яй вся́каго челове́ка, гряду́щаго в ми́р.

И присоединя́емого вопроша́ет:

Вопроше́ние: Обеща́ешися ли Свяще́нное Писа́ние по истолкова́нию, е́же преда́ша на́м Отцы̀ и Учи́телие Церко́внии, и е́же соде́ржит Правосла́вная Це́рковь, испы́товати и уразумева́ти?

Отве́т: Обеща́юся и потщу́ся.

Вопроше́ние: Апо́стольская пра́вила и друга́я, на седмѝ Вселе́нских и девятѝ Поме́стных Собо́рех постано́вленная, и про́чая Правосла́вныя Це́ркви преда́ния и уста́вы прие́млиши ли?

Отве́т: Прие́млю.

Вопроше́ние: Ве́руеши ли, я́ко в Це́ркви Свое́й Святе́й Госпо́дь на́ш Иису́с Христо́с учреди́л е́сть та́инств се́дмь, я́ко необходи́мых: креще́ние, миропома́зание, причаще́ние, покая́ние, свяще́нство, бра́к и елеосвяще́ние, чре́з ни́хже пода́емою благода́тию ве́рнии рабѝ Христо́вы быва́ют насле́дницы жи́зни ве́чныя?

Отве́т: Си́це о святы̀х та́инствах ве́рую, и о́ныя се́дмь в Це́ркви Бо́жией, ко спасе́нию ча́д Ея̀, необходи́мыми испове́дую.

Вопроше́ние: Ве́руеши ли, я́ко никто́же чи́ст е́сть от грехо́вныя скве́рны, а́ще и еди́н де́нь жития̀ его̀, всѝ бо в беззако́нии зачина́ются и во гресе́х ражда́ются: того̀ ра́ди подоба́ет крести́ти и младе́нцы по ве́ре и́х роди́телей и восприе́мников?

Отве́т: Та́ко ве́рую.

Вопроше́ние: Ве́руеши ли, я́ко в креще́нии, при троекра́тном погруже́нии в стихи́йную во́ду с произнесе́нием сло́в: во и́мя Отца̀, и Сы́на, и Свята́го Ду́ха креща́емый прие́млет отпуще́ние все́х грехо́в и благода́тно возражда́ется в жи́знь духо́вную и святу́ю?

Отве́т: Ве́рую.

Вопроше́ние: Ве́руеши ли, я́ко в Евхари́стии, по́д та́инственными ви́дами хле́ба и вина̀, причаща́ются ве́рнии Те́ла и Кро́ве Го́спода на́шего Иису́са Христа̀ во оставле́ние грехо́в и в жи́знь ве́чную?

Отве́т: Ве́рую и испове́дую.

Вопроше́ние: Ве́руеши ли, я́ко апо́столи, му́ченицы и всѝ святи́и, и́хже Це́рковь на́ша чти́т и в мольбу̀ призыва́ет, су́ть вои́стинну уго́дницы Бо́жии, со Христо́м во Ца́рствии небе́снем пребыва́ют и о на́с гре́шных мо́лятся?

Отве́т: Ве́рую, и святы̀х уго́дников Бо́жиих отны́не в мольбу̀ призыва́ю.

Вопроше́ние: Ве́руеши ли, я́ко Крест Го́спода на́шего Иису́са Христа̀, на не́м распя́таго, не ктому̀ прокля́тия и сме́ртныя ка́зни ору́дие е́сть, но спасе́ния и жи́зни ве́чныя зна́мение, е́же на себѐ изобража́юще, сете́й вра́жиих избега́ем?

Отве́т: Си́це о Крестѐ Госпо́дни ве́рую, и си́м спаси́тельным зна́мением огражда́ти себѐ от сете́й лука́ваго, со упова́нием, потщу́ся.

Вопроше́ние: Обеща́ешися ли ико́ны святы́е, в Правосла́вней Це́ркви прие́млемыя, по ра́зуму Ея̀ почита́ти, относя̀ че́ствование и́м к первообра́зному, и́ми изобража́емому?

Отве́т: Обеща́юся ико́ны святы́е почита́ти, я́коже в Правосла́вней Це́ркви запове́дано.

Вопроше́ние: Ве́руеши ли, я́ко Христо́с е́сть Глава̀ Це́ркви, и То́й да́л е́сть па́стырям Ея̀ вла́сть вяза́ти и реши́ти грехѝ челове́ков, благода́тию Свята́го Ду́ха, ре́к апо́столом: Приими́те Ду́х Свя́т. И́мже отпуститѐ грехѝ, отпу́стятся и́м: и и́мже держитѐ, держа́тся?

Отве́т: Ве́рую, и послуша́ние священнонача́лию церко́вному обеща́ю.

Посе́м предстоя́тель подае́т присоединя́емому коне́ц омофо́ра, а́ще святи́тель, илѝ коне́ц епитрахи́ли, а́ще иере́й, и глаго́лет:

Вни́ди в Це́рковь Правосла́вную, и соверше́нно отри́нув заблужде́ния, в ни́хже бы́л есѝ, чтѝ Отца̀ Вседержи́теля, Сы́на Его̀ Иису́са Христа̀, и Ду́ха Свята́го, и́же от Отца̀ исхо́дит, Тро́ицу единосу́щную и неразде́льную.

И та́ко вве́д, поста́вит его̀ пре́д амво́ном, и́деже на столѐ положе́ни су́ть Кре́ст и Ева́нгелие. Иду́щим же и́м, пое́тся псало́м 66:

Бо́же, уще́дри ны̀ и благослови ны̀, просветѝ лицѐ Твоѐ на ны̀ и помилуй ны̀: позна́ти на землѝ пу́ть Тво́й, во все́х язы́цех спасе́ние Твоѐ. Да испове́дятся Тебѐ лю́дие, Бо́же: да испове́дятся Тебѐ лю́дие всѝ. Да возвеселя́тся и да возра́дуются язы́цы: я́ко су́диши лю́дем пра́востию и язы́ки на землѝ наста́виши. Да испове́дятся Тебѐ лю́дие, Бо́же, да испове́дятся Тебѐ лю́дие всѝ. Земля̀ даде пло́д сво́й: благословѝ ны̀, Бо́же Бо́же наш, благословѝ ны̀, Бо́же: и да убоя́тся Его̀ всѝ концы̀ землѝ.

Та́же предстоя́тель повели́т ему̀ коле́на преклони́ти и глаго́лет са́м стихѝ сия̀:

Послѝ Ду́х Тво́й, и сози́ждутся, и обнови́ши лицѐ землѝ.

Спасѝ раба̀ Твоего̀, Бо́же мо́й, упова́ющаго на Тя̀.

Бу́ди ему̀, Го́споди, сто́лп кре́пости от лица̀ вра́жия.

Го́споди, услы́ши моли́тву мою̀, и во́пль мо́й к Тебѐ да прии́дет.

По изглаго́лании, диа́кону ре́кшу: Го́споду помо́лимся, и кли́ру: Го́споди, поми́луй, чте́т со умиле́нием моли́тву сию̀:

Го́споди Бо́же Вседержи́телю, согреша́ющим о́бразы покая́ния предлага́яй и заблу́ждшим пу́ть пра́вый показу́яй, во е́же бы ни еди́ному поги́бнути, но все́м мо́щно бѐ спасти́ся. Благодари́м Тя̀, я́ко и сему̀ рабу̀ Твоему̀ (и́мярек) возсия́л есѝ све́т позна́ния Твоея̀ и́стины, и сподо́бил есѝ его̀ ко святе́й Твое́й Правосла́вно-Кафоли́честей Це́ркви прибе́гнути. Да́ждь у̀бо ему̀ соедини́тися о́ней нелицеме́рно и невозвра́тно: сопричтѝ его̀ избра́нному Твоему̀ ста́ду: сотворѝ его̀ сосу́д че́стен и жили́ще Свята́го Твоего̀ Ду́ха, я́ко да те́м всегда̀ просвеща́емь и наставля́емь, спаси́тельныя за́поведи Твоя̀ неруши́мо соблюде́т, и та́ко небе́сных Твои́х благи́х восприя́тия сподо́бится. Ты́ бо есѝ Бо́г ми́лости и щедро́т и человеколю́бия, и Тебѐ сла́ву возсыла́ем, Отцу̀ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

По моли́тве повелева́ет ему̀ воста́ти, глаго́ля:

Ста́ни до́бре, ста́ни со стра́хом, и пре́д Ева́нгелием и святы́м Кресто́м Спаси́теля утвердѝ да́нное тобо́ю обеща́ние.

О́н же, воста́в, ре́чет:

Ве́ру правосла́вно-кафоли́ческую, ю́же ны́не доброво́льне испове́дую, це́лу и ненаруши́му да́же до коне́чнаго моего̀ издыха́ния, Бо́гу помога́ющу, тве́рдо содержа́ти, и за́поведи ея̀ раде́тельно и ра́достно исполня́ти потщу́ся, соблюда́я в непорочности, ели́ко мо́щно се́рдце моѐ. Во увере́ние сего̀ моего̀ обеща́ния целу́ю словеса̀ и Кре́ст Спаси́теля моего̀. Ами́нь.

По лобыза́нии, предстоя́тель глаго́лет:

Благослове́н Бо́г, хотя́й все́м челове́ком спасти́ся и в ра́зум и́стины приитѝ, сы́й благослове́н во ве́ки.

Кли́р: Ами́нь.

Посе́м глаго́лет:

Преклонѝ коле́на Твоя̀ пре́д Го́сподем Бо́гом, его̀же испове́дал есѝ, и прии́меши оставле́ние грехо́в твои́х.

Прекло́ншу ему̀ коле́на и главу̀, предстоя́тель разреша́ет его̀, си́це:

Госпо́дь на́ш Иису́с Христо́с, ключѝ ца́рствия небе́снаго апо́столом вручи́вый, и да́вый и́м и и́х прее́мником вла́сть вяза́ти и реши́ти грехѝ челове́ков, чре́з менѐ, недесто́йнаго архиере́я (иере́я), проща́ет тя̀, ча́до (и́мярек), и разреша́ет от связа́ния кля́твеннаго илѝ запреще́ния, и от все́х грехо́в Твои́х. И а́з, да́нною мнѐ от Него̀ вла́стию, присоединя́ю тя̀ ко правосла́вней Це́ркви и привожду̀ ко обще́нию боже́ственных Та́инств церко́вных, и благословля́ю тя̀ и́менем Отца̀ и Сы́на и Свята́го Ду́ха. Ами́нь.

Посе́м присоединя́емый, а́ще креще́н и миропома́зан бѐ по Госпо́дню установле́нию, ста́нет, ожида́я причаще́ния Пречи́стаго Те́ла и Кровѐ Го́спода: а́ще же не бѐ креще́н, илѝ по креще́нии не миропома́зан, крести́ти его̀ илѝ то́кмо миропома́зати и посе́м сподо́бити свята́го причаще́ния.

По испыта́нии, наставле́нии и и́споведи, бе́з разреше́ния грехо́в присоединя́емаго, предстоя́тель, поста́вив его̀ при вхо́де во хра́м, вопроша́ет:

Хо́щеши ли отрещи́ся от младоштунди́зма?

Отве́т: Хощу̀.

Вопроше́ние: Хо́щеши ли приитѝ в соедине́ние ве́ры правосла́вно-кафоли́ческия?

Отве́т: Хощу̀.

Тогда̀ предстоя́тель благословля́ет его̀, глаго́ля:

Во имя Отца̀, и Сы́на, и Свята́го Ду́ха, Ами́нь.

И возложи́в ру́ку на приклоне́нную главу̀ его̀, диа́кону ре́кшу: Го́споду помо́лимся, и кли́ру: Го́споди, поми́луй, чте́т моли́тву сию̀:

Го́споди Бо́же и́стины, призрѝ на раба̀ Твоего̀̀ (и́мярек)*, и́щущаго прибе́гнути ко святе́й Твое́й правосла́вней Це́ркви и по́д кро́вом Ея̀ сохрани́тися. Обратѝ его̀̀̀ от заблужде́ния пре́жняго путѝ его̀̀̀ ко и́стинней я́же в Тя̀ ве́ре, и пода́ждь ему̀̀ благода́ть, е́же ходи́ти в за́поведех Твои́х. Да бу́дут о́чи Твоѝ взира́юще на него̀̀ ми́лостию вы́ну, и у́ши твоѝ, е́же слы́шати гла́с моле́ния его̀̀, и та́ко да сопричте́тся ко избра́нному Твоему̀̀ стаду̀. Тя̀ бо пою́т вся̀ си́лы небе́сныя, и Твоя̀ е́сть сла́ва, Отца̀ и Сы́на и Свята́го Ду́ха, во ве́ки веко́в. Ами́нь.

По моли́тве же вопроша́ет его̀:

Вопроше́ние: Отрица́ешися ли ло́жнаго уче́ния, а́ки бы предопределе́ние челове́ков ко спасе́нию, илѝ отверже́ние и́х быва́ет не по боже́ственному предве́дению их ве́ры и до́брых де́л, илѝ и́х неве́рия илѝ нече́стия, но по не́коей непродоли́мей судьбѐ?

Отве́т: Отрица́юся сего̀ лжеуче́ния.

Вопроше́ние: Отступа́еши ли от пре́жде бы́вших твои́х лжеучи́телей, и́же себѐ саме́х прельща́ют, глаго́люще, я́ко безгре́шне и свя́ти су́ть, и сего̀ ра́ди согреша́ющих, а́ще бы и очища́ли бы́ша себѐ покая́нием, не прие́млют во обще́ние?

Отве́т: Отступа́ю невозвра́тно.

Вопроше́ние: Отрица́ешися ли ло́жнаго уче́ния, я́ко к получе́нию спаси́тельныя благода́ти ви́димая священноде́йствия не су́ть необходи́ма и я́ко та́инства, устано́вленная Го́сподем Иису́сом Христо́м в Це́ркви Его̀, подоба́ет разуме́ти духо́вне?

Отве́т: Отрица́юся.

Вопроше́ние: Отрица́ешися ли непра́ваго уче́ния, а́ки бы для восприя́тия благода́ти возрожде́ния в креще́нии погружа́тися теле́сне в стихи́йную во́ду не подоба́ет, но довле́ет духо́вне крести́тися ве́рою в сме́рть и воскресе́ние Го́спода Иису́са Христа̀?

Отве́т: Отрица́юся сего̀ лжеуче́ния.

Вопроше́ние: Отрица́ешися ли непра́ваго мне́ния, а́ки бы причаще́ния Те́ла и Кро́ве Го́спода на́шего Иису́са Христа̀ е́сть восприя́тие живы́х его̀ слове́с и живо́е едине́ние с его̀ це́рковию?

Отве́т: Отрица́юся.

Вопроше́ние: Отступа́еши ли от согла́сия с пре́жде бы́вшими твои́ми лжеучи́тельми, и́же отверга́ют правосла́вныя кафоли́ческия Це́ркве чи́н священнослужи́тельский, не прие́млют свяще́ннаго Преда́ния не чту́т святы́х Бо́жиих уго́дников и призыва́ние и́х в моли́твах отверга́ют?

Отве́т: Отступа́ю и обще́ния с си́ми лжеучи́тельми име́ти не бу́ду.

Вопроше́ние: Жела́еши ли соедини́тися Святе́й, Правосла́вней, Кафоли́честей, Восто́чней Це́ркви?

Отве́т: Жела́ю от всего̀ моего̀ се́рдца.

Вопроше́ние: Ве́руеши ли, и ка́ко, во Еди́наго Бо́га, в Тро́ице сла́вимаго, и поклоня́ешися ли Ему̀?

Отве́т: Ве́рую во Еди́наго Бо́га, в Тро́ице сла́вимаго, Отца̀ и Сы́на и Свята́го Ду́ха, и покланя́юся Ему̀.

И сотвори́в земно́й покло́н, чте́т Си́мвол ве́ры.

Посе́м предстоя́тель глаго́лет:

Благослове́н Бо́г, просвеща́яй вся́каго челове́ка, гряду́щаго в ми́р.

И присоединя́емого вопроша́ет:

Обеща́ешися ли Свяще́нное Писа́ние по истолкова́нию, е́же преда́ша на́м Отцы̀ и Учи́телие Церко́внии, и е́же соде́ржит Восто́чная Це́рковь, испы́товати и уразумева́ти?

Отве́т: Обеща́юся и потщу́ся.

Вопроше́ние: Апо́стольская пра́вила и друга́я, на седмѝ Вселе́нских и девятѝ Поме́стных Собо́рех постано́вленная, и про́чая Правосла́вныя Це́ркви преда́ния и уста́вы прие́млиши ли?

Отве́т: Прие́млю.

Вопроше́ние: Ве́руеши ли, я́ко в Це́ркви Свое́й Святе́й Госпо́дь на́ш Иису́с Христо́с учреди́л е́сть та́инств се́дмь, я́ко необходи́мых: креще́ние, миропома́зание, причаще́ние, покая́ние, свяще́нство, бра́к и елеосвяще́ние, чре́з ни́хже пода́емою благода́тию ве́рнии рабѝ Христо́вы быва́ют насле́дницы жи́зни ве́чныя?

Отве́т: Си́це о святы̀х та́инствах ве́рую, и о́ныя се́дмь в Це́ркви Бо́жией, ко спасе́нию ча́д Ея̀, необходи́мыми испове́дую.

Вопроше́ние: Ве́руеши ли, я́ко никто́же чи́ст е́сть от грехо́вныя скве́рны, а́ще и еди́н де́нь жития̀ его̀, всѝ бо в беззако́нии зачина́ются и во гресе́х ражда́ются: того̀ ра́ди подоба́ет крести́ти и младе́нцы по ве́ре и́х роди́телей и восприе́мников?

Отве́т: Та́ко ве́рую.

Вопроше́ние: Ве́руеши ли, я́ко в креще́нии, при троекра́тном погруже́нии в стихи́йную во́ду с произнесе́нием сло́в: во и́мя Отца̀, и Сы́на, и Свята́го Ду́ха креща́емый прие́млет отпуще́ние все́х грехо́в и благода́тно возражда́ется в жи́знь духо́вную и святу́ю?

Отве́т: Ве́рую.

Вопроше́ние: Ве́руеши ли, я́ко в Евхари́стии, по́д та́инственными ви́дами хле́ба и вина̀, причаща́ются ве́рнии Те́ла и Кро́ве Го́спода на́шего Иису́са Христа̀ во оставле́ние грехо́в и в жи́знь ве́чную?

Отве́т: Ве́рую и испове́дую.

Вопроше́ние: Ве́руеши ли, я́ко апо́столи, му́ченицы и всѝ святи́и, и́хже Це́рковь на́ша чти́т и в мольбу̀ призыва́ет, су́ть вои́стинну уго́дницы Бо́жии, со Христо́м во Ца́рствии небе́снем пребыва́ют и о на́с гре́шных мо́лятся?

Отве́т: Ве́рую, и святы̀х уго́дников Бо́жиих отны́не в мольбу̀ призыва́ю.

Вопроше́ние: Ве́руеши ли, я́ко Крест Го́спода на́шего Иису́са Христа̀, на не́м распя́таго, не ктому̀ прокля́тия и сме́ртныя ка́зни ору́дие е́сть, но спасе́ния и жи́зни ве́чныя зна́мение, е́же на себѐ изобража́юще, сете́й вра́жиих избега́ем?

Отве́т: Си́це о Крестѐ Госпо́дни ве́рую, и си́м спаси́тельным зна́мением огражда́ти себѐ от сете́й лука́ваго, со упова́нием, потщу́ся.

Вопроше́ние: Обеща́ешися ли ико́ны святы́е, в Правосла́вней Це́ркви прие́млемыя, по ра́зуму Ея̀ почита́ти, относя̀ че́ствование и́м к первообра́зному, и́ми изобража́емому?

Отве́т: Обеща́юся че́ствовати, я́коже в Правосла́вней Це́ркви запове́дано.

Вопроше́ние: Ве́руеши ли, я́ко Христо́с е́сть Глава̀ Це́ркви, и То́й да́л е́сть па́стырям Ея̀ вла́сть вяза́ти и реши́ти грехѝ челове́ков, благода́тию Свята́го Ду́ха, ре́к апо́столом: Приими́те Ду́х Свя́т. И́мже отпуститѐ грехѝ, отпу́стятся и́м: и и́мже держитѐ, держа́тся?

Отве́т: Ве́рую, и послуша́ние священнонача́лию церко́вному обеща́ю.

Посе́м предстоя́тель подае́т присоединя́емому коне́ц омофо́ра, а́ще святи́тель, илѝ коне́ц епитрахи́ли, а́ще иере́й, и глаго́лет:

Вни́ди в Це́рковь Правосла́вную, и соверше́нно отри́нув заблужде́ния, в ни́хже бы́л есѝ, чтѝ Отца̀ Вседержи́теля, Сы́на Его̀ Иису́са Христа̀, и Ду́ха Свята́го, и́же от Отца̀ исхо́дит, Тро́ицу единосу́щную и неразде́льную.

И та́ко вве́д, поста́вит его̀ пре́д амво́ном, и́деже на столѐ положе́ни су́ть Кре́ст и Ева́нгелие. Иду́щим же и́м, пое́тся псало́м 66:

Бо́же, уще́дри ны̀ и благослови ны̀, просветѝ лицѐ Твоѐ на ны̀ и помилуй ны̀: позна́ти на землѝ пу́ть Тво́й, во все́х язы́цех спасе́ние Твоѐ. Да испове́дятся Тебѐ лю́дие, Бо́же: да испове́дятся Тебѐ лю́дие всѝ. Да возвеселя́тся и да возра́дуются язы́цы: я́ко су́диши лю́дем пра́востию и язы́ки на землѝ наста́виши. Да испове́дятся Тебѐ лю́дие, Бо́же, да испове́дятся Тебѐ лю́дие всѝ. Земля̀ даде пло́д сво́й: благословѝ ны̀, Бо́же Бо́же наш, благословѝ ны̀, Бо́же: и да убоя́тся Его̀ всѝ концы̀ землѝ.

Та́же предстоя́тель повели́т ему̀ коле́на преклони́ти и глаго́лет са́м стихѝ сия̀:

Послѝ Ду́х Тво́й, и сози́ждутся, и обнови́ши лицѐ землѝ.

Спасѝ раба̀ Твоего̀, Бо́же мо́й, упова́ющаго на Тя̀.

Бу́ди ему̀, Го́споди, сто́лп кре́пости от лица̀ вра́жия.

Го́споди, услы́ши моли́тву мою̀, и во́пль мо́й к Тебѐ да прии́дет.

По изглаго́лании, диа́кону ре́кшу: Го́споду помо́лимся, и кли́ру: Го́споди, поми́луй, чте́т со умиле́нием моли́тву сию̀:

Го́споди Бо́же Вседержи́телю, согреша́ющим о́бразы покая́ния предлага́яй и заблу́ждшим пу́ть пра́вый показу́яй, во е́же бы ни еди́ному поги́бнути, но все́м мо́щно бѐ спасти́ся. Благодари́м Тя̀, я́ко и сему̀ рабу̀ Твоему̀ (и́мярек) возсия́л есѝ све́т позна́ния Твоея̀ и́стины, и сподо́бил есѝ его̀ ко святе́й Твое́й Правосла́вно-Кафоли́честей Це́ркви прибе́гнути. Да́ждь у̀бо ему̀ соедини́тися о́ней нелицеме́рно и невозвра́тно: сопричтѝ его̀ избра́нному Твоему̀ ста́ду: сотворѝ его̀ сосу́д че́стен и жили́ще Свята́го Твоего̀ Ду́ха, я́ко да те́м всегда̀ просвеща́емь и наставля́емь, спаси́тельныя за́поведи Твоя̀ неруши́мо соблюде́т, и та́ко небе́сных Твои́х благи́х восприя́тия сподо́бится. Ты́ бо есѝ Бо́г ми́лости и щедро́т и человеколю́бия, и Тебѐ сла́ву возсыла́ем, Отцу̀ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

По моли́тве повелева́ет ему̀ воста́ти, глаго́ля:

Ста́ни до́бре, ста́ни со стра́хом, и пре́д Ева́нгелием и святы́м Кресто́м Спаси́теля утвердѝ да́нное тобо́ю обеща́ние.

О́н же, воста́в, ре́чет:

Ве́ру правосла́вно-кафоли́ческую, ю́же ны́не доброво́льне испове́дую, це́лу и ненаруши́му да́же до коне́чнаго моего̀ издыха́ния, Бо́гу помога́ющу, тве́рдо содержа́ти, и за́поведи ея̀ раде́тельно и ра́достно исполня́ти потщу́ся, соблюда́я в непорочности, ели́ко мо́щно се́рдце моѐ. Во увере́ние сего̀ моего̀ обеща́ния целу́ю словеса̀ и Кре́ст Спаси́теля моего̀. Ами́нь.

По лобыза́нии, предстоя́тель глаго́лет:

Благослове́н Бо́г, хотя́й все́м челове́ком спасти́ся и в ра́зум и́стины приитѝ, сы́й благослове́н во ве́ки.

Кли́р: Ами́нь.

Посе́м глаго́лет:

Преклонѝ коле́на Твоя̀ пре́д Го́сподем Бо́гом, его̀же испове́дал есѝ, и прии́меши оставле́ние грехо́в твои́х.

Прекло́ншу ему̀ коле́на и главу̀, предстоя́тель разреша́ет его̀, си́це:

Госпо́дь на́ш Иису́с Христо́с, ключѝ ца́рствия небе́снаго апо́столом вручи́вый, и да́вый и́м и и́х прее́мником вла́сть вяза́ти и реши́ти грехѝ челове́ков, чре́з менѐ, недесто́йнаго архиере́я (иере́я), проща́ет тя̀, ча́до (и́мярек), и разреша́ет от связа́ния кля́твеннаго илѝ запреще́ния, и от все́х грехо́в Твои́х. И а́з, да́нною мнѐ от Него̀ вла́стию, присоединя́ю тя̀ ко правосла́вней Це́ркви и привожду̀ ко обще́нию боже́ственных Та́инств церко́вных, и благословля́ю тя̀ и́менем Отца̀ и Сы́на и Свята́го Ду́ха. Ами́нь.

Посе́м присоединя́емый, а́ще креще́н и миропома́зан бѐ по Госпо́дню установле́нию, ста́нет, ожида́я причаще́ния Пречи́стаго Те́ла и Кровѐ Го́спода: а́ще же не бѐ креще́н, илѝ по креще́нии не миропома́зан, крести́ти его̀ илѝ то́кмо миропома́зати и посе́м сподо́бити свята́го причаще́ния.

По испыта́нии, наставле́нии и и́споведи приходя́щаго, пре́жде разреше́ния грехо́в ему̀, поставля́ет его̀ предстоя́тель при вхо́де во хра́м, и вопроша́ет:

Хо́щеши ли отрещи́ся от погреше́ний и непра́востей хлысто́вства?

Отве́т: Хощ̀у.

Вопроше́ние: Хо́щеши ли приитѝ в соедине́ние ве́ры правосла́вно-кафоли́ческия?

Отве́т: Хощу̀.

Тогда̀ предстоя́тель благословля́ет его̀̀̀, глаго́ля:

Во и́мя Отца̀, и Сы́на, и Святаго Ду́ха, Ами́нь.

И возложи́в ру́ку на приклоне́нную главу̀ его̀̀̀, диа́кону ре́кшу: Го́споду помо́лимся, и кли́ру: Го́споди, поми́луй, чте́т моли́тву сию̀:

Го́споди Бо́же и́стины, призрѝ на раба̀ Твоего̀̀ (и́мярек)*, и́щущаго прибе́гнути ко святе́й Твое́й Правосла́вней Це́ркви и по́д кро́вом Ея̀ сохрани́тися. Обратѝ его̀̀̀ от заблужде́ния пре́жняго путѝ его̀̀̀ ко и́стинней я́же в Тя̀ ве́ре, и пода́ждь ему̀̀ благода́ть, е́же ходи́ти в за́поведех Твои́х. Да бу́дут о́чи Твоѝ взира́юще на него̀̀ ми́лостию вы́ну, и у́ши твоѝ, е́же слы́шати гла́с моле́ния его̀̀, и та́ко да сопричте́тся ко избра́нному Твоему̀̀ стаду̀. Тя̀ бо пою́т вся̀ си́лы небе́сныя, и Твоя̀ е́сть сла́ва, Отца̀ и Сы́на и Свята́го Ду́ха, во ве́ки веко́в. Ами́нь.

И́ вопроша́ет предстоя́тель приходя́щаго:

Отрица́ешися ли непра́ваго уче́ния, я́ко Сы́н Бо́жий мно́гажды воплоща́шеся и мо́жет по потре́бностям и по досто́инству людий па́ки воплоща́тися, те́мже и ны́не мно́зи су́ть христѝ?

Отве́т: Отрица́юся.

Вопроше́ние: Отрица́ешися ли ло́жнаго уче́ния, я́ко Иису́с Христо́с бѐ то́кмо челове́к, ниче́мже ра́знствуяй от про́чих хлысто́вских лжехристо́в?

Отве́т: Отрица́юся.

Вопроше́ние: Отрица́ешися ли непра́ваго уче́ния, я́ко Иису́с Христо́с бѐ учи́тель и законополо́жник то́кмо для своего̀ вре́мене, те́мже и Свяще́нное Писа́ние, явля́ющее Его̀ уче́ние, ныне е́сть ужѐ ветхозаве́тная се́нь, и установле́ния его̀ ку́пно со все́ми та́инствы су́ть проо́бразы, потре́бнии то́кмо для несоверше́нных?

Отве́т: Отрица́юся.

Вопроше́ние: Оставля́еши ли твоѐ после́дование лжеучи́телем, и́же отмета́ют богоустано́вленный правосла́вныя кафоли́ческия Це́ркве чи́н священнослужи́тельский, и богоху́льно дерза́ют себѐ называ́ти христа́ми, проро́ками и апо́столами?

Отве́т: Оставля́ю невозвра́тно.

Вопроше́ние: Отрица́ешися ли гну́снаго лжеуче́ния, я́ко зако́нная супру́жеская отноше́ния му́жа и жены̀ освяща́емая це́рковию в та́инстве бра́ка, грехо́вна су́ть, сего̀ ра́ди и де́ти, порожде́ние си́х отноше́ний, су́ть скве́рна, те́мже и пло́тских роди́телей почита́ти а́ки бы не подоба́ет?

Отве́т: Отрица́юся.

Вопроше́ние: Отрица́ешися ли богоме́рзскаго лжеуче́ния, я́ко егда̀ бра́т с сестро́ю внѐ зако́ннаго бра́ка име́ют пло́тскую любо́вь по взаи́мней скло́нности, не́сть сиѐ блу́д, но духо́вное супру́жество и любы̀ Христо́ва?

Отве́т: Отрица́юся.

Вопроше́ние: Отступа́еши ли от пре́жде бы́вших твои́х лжеучи́телей, и́же Свяще́ннаго Преда́ния не прие́млют, святы́х уго́дников Бо́жиих не чту́т и призыва́ние и́х в моли́твах отверга́ют?

Отве́т: Отступа́ю от си́х лжеучи́телей.

Вопроше́ние: Отрица́ешися ли лжеуче́ния хлысто́вскаго, а́ки бы хлысто́вское раде́ние е́сть богоуго́дный и спаси́тельный по́двиг?

Отве́т: Отрица́юся

Вопроше́ние: Отступа́еши ли от пре́жде бы́вших твои́х лжеучи́телей, и́же повелева́ют не вкуша́ти мя́са и вина̀, не воздержа́ния ра́ди, но не́нвистию ме́рзко творя́ще я̀?

Отве́т: Отступа́ю от си́х лжеучи́телей невозвра́тно.

Вопроше́ние: Жела́еши ли у́бо соедини́тися Святе́й, Правосла́вней, Кафоли́честей, Восто́чней Це́ркви?

Отве́т: Жела́ю от всего̀ моего̀ се́рдца.

Вопроше́ние: Ве́руеши ли, и ка́ко, во Еди́наго Бо́га, в Тро́ице сла́вимаго, и поклоня́ешися ли Ему̀?

Отве́т: Ве́рую во Еди́наго Бо́га, в Тро́ице сла́вимаго, Отца̀ и Сы́на и Свята́го Ду́ха, и покланя́юся Ему̀.

И сотвори́в земно́й покло́н, чте́т Си́мвол ве́ры.

Посе́м предстоя́тель глаго́лет:

Благослове́н Бо́г, просвеща́яй вся́каго челове́ка, гряду́щаго в ми́р.

И па́ки вопроша́ет:

Ве́руеши ли, я́ко Свяще́нное Писа́ние Ве́тхаго и Но́ваго Заве́та, Це́рковию содержи́мое, святи́и Бо́жии челове́цы изглаго́лаша, от Свята́го Ду́ха просвеща́еми, и того̀ ра́ди прие́млиши ли о́ное, я́ко богодухнове́нное и спасительное?

Отве́т: Писа́ние Свяще́нное, Це́рковию содержи́мое, я́ко богодухнове́нное и свято́е, и а́з прие́млю, я́ко слово Бо́жие, ко спасе́нию на́м да́нное.

Вопроше́ние: Обеща́ешися ли Свяще́нное Писа́ние по истолкова́нию, е́же преда́ша на́м Отцы̀ и Учи́телие Церко́внии, и е́же соде́ржит Восто́чная Церковь, испы́товати и уразумева́ти?

Отве́т: Обеща́юся и потщу́ся.

Вопроше́ние: Апо́стольская и святы̀х оте́ц преда́ния, чиноположе́ния и моли́твословия, на́шей Це́рковию содержи́мая, вменя́еши ли душеспаси́тельна бы́ти и прие́млиши ли я̀?

Отве́т: Вся̀ сия̀ душеспаси́тельна бы́ти ве́рую и после́довати о́нем, ели́ко от менѐ потре́бно, обещава́юся.

Вопроше́ние: Испове́дуеши ли, я́ко Оте́ц, Сы́н и Святый Ду́х е́сть Бо́г еди́н, по существу̀ неразде́льный, в трие́х же Ли́цех различа́емый? Ве́руеши ли в Него̀ и покланя́ешися ли Ему̀?

Отве́т: Сице ве́рую, испове́дую и Бо́гу триеди́ному покланя́юся.

Вопроше́ние: Ве́руеши ли и испове́дуеши, я́ко Иису́с Христо́с, единоро́дный Сы́н Бо́жий, от Отца̀ пре́жде все́х ве́к рожде́нный, еди́ною воплоти́ся от Ду́ха Свята́го и Де́вы Мари́и, на́шего ра́ди спасе́ния, и бы́сть челове́к, сы́й вку́пе и Бо́г, во еди́ней Ипоста́си, в дву́х же естества́х, Бо́жестем и челове́честем, непрело́жно и несли́тно, неразде́льно и неразлу́чно, и ктому̀ не и́мать ну́жды во ине́й ма́тери и во ине́м рожде́нии, и ины́х христо́в не бѐ и не бу́дет?

Отве́т: Сице ве́рую и сия̀ та́ко испове́дую несумне́нно.

Вопроше́ние: Ве́руеши ли, я́ко Госпо́дь Иису́с Христо́с не приме́ра ра́ди, но в же́ртву искупле́ния, пло́тию пострада̀ еди́ною за грехѝ все́х люди́й и все́х време́н божество́м же безстра́стен прибы́сть: я́ко челове́к умрѐ и погребе́н бы́сть, си́лою Своего̀ Божества̀ воскре́се, на небеса̀ с пло́тию взы́де, и седи́т одесну́ю Бо́га Отца̀, отону́дуже со сла́вою па́ки прии́дет се́й са́мый Иису́с, а не и́н кто̀, суди́ти живы́м и ме́ртвым, и ца́рствовати и́мать, и ца́рствию Его̀̀ не бу́дет конца̀?

Отве́т: Та́ко се́рдцем ве́рую, и усты̀ нелицеме́рно вся̀ сия̀ испове́дую.

Вопроше́ние: Ве́руеши ли, я́ко Де́ва Мари́я, ро́ждшая Христа̀ Бо́га на́шего, е́сть Присноде́ва и вои́стинну Богоро́дица, и того̀ ра́ди досто́йно е́сть почита́ти то́кмо Ю̀, я́ко честне́йшую и вы́шшую херуви́м и серафи́м, и покланя́тися Е́й благогове́йно, я́ко непреста́нней о на́с к Бо́гу моли́твеннице?

Отве́т: Вся̀ сия̀ о Присноде́ве Мари́и испове́дую, я́ко Бо́жию Ма́терь сию̀ почита́ю, и в моли́твах и́мам прибега́ти к Не́й.

Вопроше́ние: Ве́руеши ли, я́ко в Це́ркви Свое́й Святе́й Госпо́дь на́ш Иису́с Христо́с учреди́л е́сть та́инств се́дмь, я́ко необходи́мых: креще́ние, миропома́зание, причаще́ние, покая́ние, свяще́нство, бра́к и елеосвяще́ние, чре́з ни́хже пода́емою благода́тию ве́рнии рабѝ Христо́вы быва́ют насле́дницы жи́зни ве́чныя?

Отве́т: Си́це о святы̀х та́инствах ве́рую, и о́ныя се́дмь в Це́ркви Бо́жией, ко спасе́нию ча́д Ея̀, необходи́мыми испове́дую.

Вопроше́ние: Ве́руеши ли, я́ко зако́нный бра́к, освяща́емый та́инством святы́я правосла́вныя Це́ркве, че́стен е́сть во все́х и ло́же нескве́рно, те́мже и ча́да, от бра́ка ражда́емая, достолюбе́зна су́ть?

Отве́т: Та́ко ве́рую.

Вопроше́ние: Ве́руеши ли, я́ко апо́столи, му́ченицы и всѝ святи́и, и́хже Це́рковь на́ша чти́т и в мольбу̀ призыва́ет, су́ть вои́стинну уго́дницы Бо́жии, со Христо́м во Ца́рствии небе́снем пребыва́ют и о на́с гре́шных мо́лятся?

Отве́т: Ве́рую, и святы̀х уго́дников Бо́жиих отны́не в мольбу̀ призыва́ю.

Вопроше́ние: Ве́руеши ли, я́ко Кре́ст Го́спода на́шего Иису́са Христа̀, на не́м распя́таго, не ктому̀ прокля́тия и сме́ртныя ка́зни ору́дие е́сть, но спасе́ния и жи́зни ве́чныя зна́мение, е́же на себѐ изобража́юще, сете́й вра́жиих избега́ем?

Отве́т: Си́це о Крестѐ Госпо́дни ве́рую, и си́м спаси́тельным зна́мением огражда́ти себѐ от сете́й лука́ваго, со упова́нием, потщу́ся.

Вопроше́ние: Обеща́ешися ли ико́ны святы́е, в Правосла́вней Це́ркви прие́млемыя, по ра́зуму Ея̀ почита́ти, относя̀ че́ствование и́м к первообра́зному, и́ми изобража́емому?

Отве́т: Обеща́юся че́ствовати, я́коже в Правосла́вней Це́ркви запове́дано.

Вопроше́ние: Ве́руеши ли, я́ко Христо́с е́сть Глава̀ Це́ркви, и То́й да́л е́сть па́стырям Ея̀ вла́сть вяза́ти и реши́ти грехѝ челове́ков, благода́тию Свята́го Ду́ха, ре́к апо́столом: Приими́те Ду́х Свя́т. И́мже отпуститѐ грехѝ, отпу́стятся и́м: и и́мже держитѐ, держа́тся?

Отве́т: Ве́рую, и послуша́ние священнонача́лию церко́вному обеща́ю.

Посе́м подае́т присоединя́емому, а́ще архиере́́й, кра́й омофо́ра, а́ще же иере́́й, коне́ц епитрахи́ли и глаго́лет:

Вни́ди в Це́рковь Правосла́вную, и соверше́нно отри́нув заблужде́ния, в ни́хже бы́л есѝ, чтѝ Отца̀ Вседержи́теля, Сы́на Его̀ Иису́са Христа̀, и Ду́ха Свята́го, и́же от Отца̀ исхо́дит, Тро́ицу единосу́щную и неразде́льную.

И та́ко вве́д, поста́вит его̀ пре́д амво́ном, и́деже на столѐ положе́ни су́ть Кре́ст и Ева́нгелие. Иду́щим же и́м, пое́тся псало́м 66:

Бо́же, уще́дри ны̀ и благослови ны̀, просветѝ лицѐ Твоѐ на ны̀ и помилуй ны̀: позна́ти на землѝ пу́ть Тво́й, во все́х язы́цех спасе́ние Твоѐ. Да испове́дятся Тебѐ лю́дие, Бо́же: да испове́дятся Тебѐ лю́дие всѝ. Да возвеселя́тся и да возра́дуются язы́цы: я́ко су́диши лю́дем пра́востию и язы́ки на землѝ наста́виши. Да испове́дятся Тебѐ лю́дие, Бо́же, да испове́дятся Тебѐ лю́дие всѝ. Земля̀ даде пло́д сво́й: благословѝ ны̀, Бо́же Бо́же наш, благословѝ ны̀, Бо́же: и да убоя́тся Его̀ всѝ концы̀ землѝ.

Та́же предстоя́тель повели́т ему̀ коле́на преклони́ти и глаго́лет са́м стихѝ сия̀:

Послѝ Ду́х Тво́й, и сози́ждутся, и обнови́ши лицѐ землѝ.

Спасѝ раба̀ Твоего̀, Бо́же мо́й, упова́ющаго на Тя̀.

Бу́ди ему̀, Го́споди, сто́лп кре́пости от лица̀ вра́жия.

Го́споди, услы́ши моли́тву мою̀, и во́пль мо́й к Тебѐ да прии́дет.

По изглаго́лании, диа́кону ре́кшу: Го́споду помо́лимся, и кли́ру: Го́споди, поми́луй, чте́т со умиле́нием моли́тву сию̀:

Го́споди Бо́же Вседержи́телю, согреша́ющим о́бразы покая́ния предлага́яй и заблу́ждшим пу́ть пра́вый показу́яй, во е́же бы ни еди́ному поги́бнути, но все́м мо́щно бѐ спасти́ся. Благодари́м Тя̀, я́ко и сему̀ рабу̀ Твоему̀ (и́мярек) возсия́л есѝ све́т позна́ния Твоея̀ и́стины, и сподо́бил есѝ его̀ ко святе́й Твое́й Правосла́вно-Кафоли́честей Це́ркви прибе́гнути. Да́ждь у̀бо ему̀ соедини́тися о́ней нелицеме́рно и невозвра́тно: сопричтѝ его̀ избра́нному Твоему̀ ста́ду: сотворѝ его̀ сосу́д че́стен и жили́ще Свята́го Твоего̀ Ду́ха, я́ко да те́м всегда̀ просвеща́емь и наставля́емь, спаси́тельныя за́поведи Твоя̀ неруши́мо соблюде́т, и та́ко небе́сных Твои́х благи́х восприя́тия сподо́бится. Ты́ бо есѝ Бо́г ми́лости и щедро́т и человеколю́бия, и Тебѐ сла́ву возсыла́ем, Отцу̀ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

По моли́тве повелева́ет ему̀ воста́ти, глаго́ля:

Ста́ни до́бре, ста́ни со стра́хом, и пре́д Ева́нгелием и святы́м Кресто́м Спаси́теля утвердѝ да́нное тобо́ю обеща́ние.

О́н же, воста́в, ре́чет:

Ве́ру правосла́вно-кафоли́ческую, ю́же ны́не доброво́льне испове́дую, це́лу и ненаруши́му да́же до коне́чнаго моего̀ издыха́ния, Бо́гу помога́ющу, тве́рдо содержа́ти, и за́поведи ея̀ раде́тельно и ра́достно исполня́ти потщу́ся, соблюда́я в непорочности, ели́ко мо́щно се́рдце моѐ. Во увере́ние сего̀ моего̀ обеща́ния целу́ю словеса̀ и Кре́ст Спаси́теля моего̀. Ами́нь.

По лобыза́нии, предстоя́тель глаго́лет:

Благослове́н Бо́г, хотя́й все́м челове́ком спасти́ся и в ра́зум и́стины приитѝ, сы́й благослове́н во ве́ки.

Кли́р: Ами́нь.

Посе́м глаго́лет:

Преклонѝ коле́на Твоя̀ пре́д Го́сподем Бо́гом, его̀же испове́дал есѝ, и прии́меши оставле́ние грехо́в твои́х.

Прекло́ншу ему̀ коле́на и главу̀, предстоя́тель разреша́ет его̀, си́це:

Госпо́дь на́ш Иису́с Христо́с, ключѝ ца́рствия небе́снаго апо́столом вручи́вый, и да́вый и́м и и́х прее́мником вла́сть вяза́ти и реши́ти грехѝ челове́ков, чре́з менѐ, недесто́йнаго архиере́я (иере́я), проща́ет тя̀, ча́до (и́мярек), и разреша́ет от связа́ния кля́твеннаго илѝ запреще́ния, и от все́х грехо́в Твои́х. И а́з, да́нною мнѐ от Него̀ вла́стию, присоединя́ю тя̀ ко правосла́вней Це́ркви и привожду̀ ко обще́нию боже́ственных Та́инств церко́вных, и благословля́ю тя̀ и́менем Отца̀ и Сы́на и Свята́го Ду́ха. Ами́нь.

Посе́м присоединя́емый, а́ще креще́н и миропома́зан бѐ по Госпо́дню установле́нию, ста́нет, ожида́я причаще́ния Пречи́стаго Те́ла и Кровѐ Го́спода: а́ще же не бѐ креще́н, илѝ по креще́нии не миропома́зан, крести́ти его̀ илѝ то́кмо миропома́зати и посе́м сподо́бити свята́го причаще́ния.

По испыта́нии, наставле́нии и и́споведи приходя́щаго, пре́жде разреше́ния грехо́в ему̀, поставля́ет его̀ предстоя́тель при вхо́де во хра́м, и вопроша́ет:

Хо́щеши ли отрещи́ся от погреши́тельных уче́ний скопце́в?

Отве́т: Хощ̀у.

Вопроше́ние: Хо́щеши ли приитѝ в соедине́ние ве́ры правосла́вно-кафоли́ческия?

Отве́т: Хощу̀.

Тогда̀ предстоя́тель благословля́ет его̀̀̀, глаго́ля:

Во и́мя Отца̀, и Сы́на, и Святаго Ду́ха, Ами́нь.

И возложи́в ру́ку на приклоне́нную главу̀ его̀̀̀, диа́кону ре́кшу: Го́споду помо́лимся, и кли́ру: Го́споди, поми́луй, чте́т моли́тву сию̀:

Го́споди Бо́же и́стины, призрѝ на раба̀ Твоего̀̀ (и́мярек)*, и́щущаго прибе́гнути ко святе́й Твое́й Правосла́вней Це́ркви и по́д кро́вом Ея̀ сохрани́тися. Обратѝ его̀̀̀ от заблужде́ния пре́жняго путѝ его̀̀̀ ко и́стинней я́же в Тя̀ ве́ре, и пода́ждь ему̀̀ благода́ть, е́же ходи́ти в за́поведех Твои́х. Да бу́дут о́чи Твоѝ взира́юще на него̀̀ ми́лостию вы́ну, и у́ши твоѝ, е́же слы́шати гла́с моле́ния его̀̀, и та́ко да сопричте́тся ко избра́нному Твоему̀̀ стаду̀. Тя̀ бо пою́т вся̀ си́лы небе́сныя, и Твоя̀ е́сть сла́ва, Отца̀ и Сы́на и Свята́го Ду́ха, во ве́ки веко́в. Ами́нь.

По моли́тве же вопроша́ет его̀:

Отрица́ешися ли богоме́рзскаго лжеуче́ния, я́ко еди́нственный пу́ть ко освобожде́нию от грехо́вныя скве́рны, сохране́нию чистоты̀ и достже́нию блаже́нства е́сть вне́шнее отсече́ние теле́сных чле́нов на́шея пло́ти?

Отве́т: Отрица́юся.

Вопроше́ние: Отрица́ешися ли все́х злохуле́ний, я́же скопцы̀ изрыга́ют на Спа́са на́шего Го́спода Иису́са Христа̀, на боже́ственное его̀ уче́ние о и́стиннем путѝ к чистотѐ и на установле́ние и́м та́йныя ве́чери?

Отве́т: Отрица́юся от все́х злохуле́ний ско́пческих и всеконе́чне отмета́ю о́ная.

Вопроше́ние: Отрица́ешися ли су́етных ба́сней ско́пческих о первоучи́тели и́х Кондра́тии Селива́нове и о мни́мем прише́ствии его̀ для Стра́шнаго Суда̀?

Отве́т: Отрица́юся.

Вопроше́ние: Оставля́еши ли твоѐ после́дование лжеучи́телем, и́же отмета́ют та́инства и богоустано́вленный правосла́вныя кафоли́ческия Це́ркве чи́н священнослужи́тельский?

Отве́т: Оставля́ю.

Вопроше́ние: Отрица́ешися ли гну́снаго лжеуче́ния, я́ко зако́нная супру́жеская отноше́ния му́жа и жены̀ освяща́емая це́рковию в та́инстве бра́ка, грехо́вна су́ть, сего̀ ра́ди и де́ти, порожде́ние си́х отноше́ний, су́ть скве́рна, те́мже и пло́тских роди́телей почита́ти а́ки бы не подоба́ет?

Отве́т: Отрица́юся.

Вопроше́ние: Отступа́еши ли от пре́жде бы́вших твои́х лжеучи́телей, и́же Свяще́ннаго Преда́ния не прие́млют, святы́х уго́дников Бо́жиих не чту́т и призыва́ние и́х в моли́твах отверга́ют?

Отве́т: Отступа́ю невозвра́тно от си́х лжеучи́телей и и́х лжеуче́ния.

Вопроше́ние: Отступа́еши ли от пре́жде бы́вших твои́х лжеучи́телей, и́же повелева́ют не вкуша́ти мя́са и вина̀, не воздержа́ния ра́ди, но не́нвистию ме́рзко творя́ще я̀?

Отве́т: Отступа́ю от си́х лжеучи́телей невозвра́тно.

Вопроше́ние: Жела́еши ли у́бо соедини́тися Святе́й, Правосла́вней, Кафоли́честей, Восто́чней Це́ркви?

Отве́т: Жела́ю от всего̀ моего̀ се́рдца.

Вопроше́ние: Жела́еши ли у́бо соедини́тися Святе́й, Правосла́вней, Кафоли́честей, Восто́чней Це́ркви?

Отве́т: Жела́ю от всего̀ моего̀ се́рдца.

Вопроше́ние: Ве́руеши ли, и ка́ко, во Еди́наго Бо́га, в Тро́ице сла́вимаго, и поклоня́ешися ли Ему̀?

Отве́т: Ве́рую во Еди́наго Бо́га, в Тро́ице сла́вимаго, Отца̀ и Сы́на и Свята́го Ду́ха, и покланя́юся Ему̀.

И сотвори́в земно́й покло́н, чте́т Си́мвол ве́ры.

Посе́м предстоя́тель глаго́лет:

Благослове́н Бо́г, просвеща́яй вся́каго челове́ка, гряду́щаго в ми́р.

И присоединя́емого вопроша́ет:

Ве́руеши ли, я́ко Свяще́нное Писа́ние Ве́тхаго и Но́ваго Заве́та, Це́рковию содержи́мое, святи́и Бо́жии челове́цы изглаго́лаша, от Свята́го Ду́ха просвеща́еми, и того̀ ра́ди прие́млиши ли о́ное, я́ко богодухнове́нное и спасительное?

Отве́т: Писа́ние Свяще́нное, Це́рковию содержи́мое, я́ко богодухнове́нное и свято́е, и а́з прие́млю, я́ко слово Бо́жие, ко спасе́нию на́м да́нное.

Вопроше́ние: Обеща́ешися ли Свяще́нное Писа́ние по истолкова́нию, е́же преда́ша на́м Отцы̀ и Учи́телие Церко́внии, и е́же соде́ржит Восто́чная Церковь, испы́товати и уразумева́ти?

Отве́т: Обеща́юся и потщу́ся.

Вопроше́ние: Апо́стольская и святы̀х оте́ц преда́ния, чиноположе́ния и моли́твословия, на́шей Це́рковию содержи́мая, вменя́еши ли душеспаси́тельна бы́ти и прие́млиши ли я̀?

Отве́т: Вся̀ сия̀ душеспаси́тельна бы́ти ве́рую и после́довати о́нем, ели́ко от менѐ потре́бно, обещава́юся.

Вопроше́ние: Испове́дуеши ли, я́ко Оте́ц, Сы́н и Святый Ду́х е́сть Бо́г еди́н, по существу̀ неразде́льный, в трие́х же Ли́цех различа́емый? Ве́руеши ли в Него̀ и покланя́ешися ли Ему̀?

Отве́т: Сице ве́рую, испове́дую и Бо́гу триеди́ному покланя́юся.

Вопроше́ние: Ве́руеши ли и испове́дуеши, я́ко Иису́с Христо́с, единоро́дный Сы́н Бо́жий, от Отца̀ пре́жде все́х ве́к рожде́нный, еди́ною воплоти́ся от Ду́ха Свята́го и Де́вы Мари́и, на́шего ра́ди спасе́ния, и бы́сть челове́к, сы́й вку́пе и Бо́г, во еди́ней Ипоста́си, в дву́х же естества́х, Бо́жестем и челове́честем, непрело́жно и несли́тно, неразде́льно и неразлу́чно, и ктому̀ не и́мать ну́жды во ине́й ма́тери и во ине́м рожде́нии?

Отве́т: Сице ве́рую и сия̀ та́ко испове́дую несумне́нно.

Вопроше́ние: Ве́руеши ли, я́ко Госпо́дь Иису́с Христо́с не ну́ждею, но во́лею, не приме́ра ра́ди, но в же́ртву искупле́ния, пло́тию пострада̀ еди́ною за грехѝ все́х люди́й и все́х време́н божество́м же безстра́стен прибы́сть: я́ко челове́к умрѐ и погребе́н бы́сть, си́лою Своего̀ Божества̀ воскре́се, на небеса̀ с пло́тию взы́де, и седи́т одесну́ю Бо́га Отца̀, отону́дуже со сла́вою па́ки прии́дет се́й са́мый Иису́с, а не и́н кто̀, суди́ти живы́м и ме́ртвым, и ца́рствовати и́мать, и ца́рствию Его̀̀ не бу́дет конца̀?

Отве́т: Та́ко се́рдцем ве́рую, и усты̀ нелицеме́рно вся̀ сия̀ испове́дую.

Вопроше́ние: Ве́руеши ли, я́ко Де́ва Мари́я, ро́ждшая Христа̀ Бо́га на́шего, е́сть Присноде́ва и вои́стинну Богоро́дица, и того̀ ра́ди досто́йно е́сть почита́ти то́кмо Ю̀, я́ко честне́йшую и вы́шшую херуви́м и серафи́м, и покланя́тися Е́й благогове́йно, я́ко непреста́нней о на́с к Бо́гу моли́твеннице?

Отве́т: Вся̀ сия̀ о Присноде́ве Мари́и испове́дую, я́ко Бо́жию Ма́терь сию̀ почита́ю, и в моли́твах и́мам прибега́ти к Не́й.

Вопроше́ние: Ве́руеши ли, я́ко в Це́ркви Свое́й Святе́й Госпо́дь на́ш Иису́с Христо́с учреди́л е́сть та́инств се́дмь, я́ко необходи́мых: креще́ние, миропома́зание, причаще́ние, покая́ние, свяще́нство, бра́к и елеосвяще́ние, чре́з ни́хже пода́емою благода́тию ве́рнии рабѝ Христо́вы быва́ют насле́дницы жи́зни ве́чныя?

Отве́т: Си́це о святы̀х та́инствах ве́рую, и о́ныя се́дмь в Це́ркви Бо́жией, ко спасе́нию ча́д Ея̀, необходи́мыми испове́дую.

Вопроше́ние: Ве́руеши ли, я́ко не теле́сным отсече́нием у́дов достиза́ется чистота̀ и Ца́рстие Небе́сное, но ве́рою во Христа̀ Иису́са и духо́вным умерщвле́нием те́х у́дов, и́же су́ть, по апо́столу, блу́д, нечистота̀, стра́сть, по́хоть зла́я, лихоима́ние?

Отве́т: Ве́рую.

Вопроше́ние: Ве́руеши ли, я́ко апо́столи, му́ченицы и всѝ святи́и, и́хже Це́рковь на́ша чти́т и в мольбу̀ призыва́ет, су́ть вои́стинну уго́дницы Бо́жии, со Христо́м во Ца́рствии небе́снем пребыва́ют и о на́с гре́шных мо́лятся?

Отве́т: Ве́рую, и святы̀х уго́дников Бо́жиих отны́не в мольбу̀ призыва́ю.

Вопроше́ние: Ве́руеши ли, я́ко Кре́ст Го́спода на́шего Иису́са Христа̀, на не́м распя́таго, не ктому̀ прокля́тия и сме́ртныя ка́зни ору́дие е́сть, но спасе́ния и жи́зни ве́чныя зна́мение, е́же на себѐ изобража́юще, сете́й вра́жиих избега́ем?

Отве́т: Си́це о Крестѐ Госпо́дни ве́рую, и си́м спаси́тельным зна́мением огражда́ти себѐ от сете́й лука́ваго, со упова́нием, потщу́ся.

Вопроше́ние: Обеща́ешися ли ико́ны святы́е, в Правосла́вней Це́ркви прие́млемыя, по ра́зуму Ея̀ почита́ти, относя̀ че́ствование и́м к первообра́зному, и́ми изобража́емому?

Отве́т: Обеща́юся че́ствовати, я́коже в Правосла́вней Це́ркви запове́дано.

Вопроше́ние: Ве́руеши ли, я́ко Христо́с е́сть Глава̀ Це́ркви, и То́й да́л е́сть па́стырям Ея̀ вла́сть вяза́ти и реши́ти грехѝ челове́ков, благода́тию Свята́го Ду́ха, ре́к апо́столом: Приими́те Ду́х Свя́т. И́мже отпуститѐ грехѝ, отпу́стятся и́м: и и́мже держитѐ, держа́тся?

Отве́т: Ве́рую, и послуша́ние священнонача́лию церко́вному обеща́ю.

Посе́м предстоя́тель подае́т присоединя́емому коне́ц омофо́ра, а́ще святи́тель, или коне́ц епитрахи́ли, а́ще иере́́й, и глаго́лет:

Вни́ди в Це́рковь Правосла́вную, и соверше́нно отри́нув заблужде́ния, в ни́хже бы́л есѝ, чтѝ Отца̀ Вседержи́теля, Сы́на Его̀ Иису́са Христа̀, и Ду́ха Свята́го, и́же от Отца̀ исхо́дит, Тро́ицу единосу́щную и неразде́льную.

И та́ко вве́д, поста́вит его̀ пре́д амво́ном, и́деже на столѐ положе́ни су́ть Кре́ст и Ева́нгелие. Иду́щим же и́м, пое́тся псало́м 66:

Бо́же, уще́дри ны̀ и благослови ны̀, просветѝ лицѐ Твоѐ на ны̀ и помилуй ны̀: позна́ти на землѝ пу́ть Тво́й, во все́х язы́цех спасе́ние Твоѐ. Да испове́дятся Тебѐ лю́дие, Бо́же: да испове́дятся Тебѐ лю́дие всѝ. Да возвеселя́тся и да возра́дуются язы́цы: я́ко су́диши лю́дем пра́востию и язы́ки на землѝ наста́виши. Да испове́дятся Тебѐ лю́дие, Бо́же, да испове́дятся Тебѐ лю́дие всѝ. Земля̀ даде пло́д сво́й: благословѝ ны̀, Бо́же Бо́же наш, благословѝ ны̀, Бо́же: и да убоя́тся Его̀ всѝ концы̀ землѝ.

Та́же предстоя́тель повели́т ему̀ коле́на преклони́ти и глаго́лет са́м стихѝ сия̀:

Послѝ Ду́х Тво́й, и сози́ждутся, и обнови́ши лицѐ землѝ.

Спасѝ раба̀ Твоего̀, Бо́же мо́й, упова́ющаго на Тя̀.

Бу́ди ему̀, Го́споди, сто́лп кре́пости от лица̀ вра́жия.

Го́споди, услы́ши моли́тву мою̀, и во́пль мо́й к Тебѐ да прии́дет.

По изглаго́лании, диа́кону ре́кшу: Го́споду помо́лимся, и кли́ру: Го́споди, поми́луй, чте́т со умиле́нием моли́тву сию̀:

Го́споди Бо́же Вседержи́телю, согреша́ющим о́бразы покая́ния предлага́яй и заблу́ждшим пу́ть пра́вый показу́яй, во е́же бы ни еди́ному поги́бнути, но все́м мо́щно бѐ спасти́ся. Благодари́м Тя̀, я́ко и сему̀ рабу̀ Твоему̀ (и́мярек) возсия́л есѝ све́т позна́ния Твоея̀ и́стины, и сподо́бил есѝ его̀ ко святе́й Твое́й Правосла́вно-Кафоли́честей Це́ркви прибе́гнути. Да́ждь у̀бо ему̀ соедини́тися о́ней нелицеме́рно и невозвра́тно: сопричтѝ его̀ избра́нному Твоему̀ ста́ду: сотворѝ его̀ сосу́д че́стен и жили́ще Свята́го Твоего̀ Ду́ха, я́ко да те́м всегда̀ просвеща́емь и наставля́емь, спаси́тельныя за́поведи Твоя̀ неруши́мо соблюде́т, и та́ко небе́сных Твои́х благи́х восприя́тия сподо́бится. Ты́ бо есѝ Бо́г ми́лости и щедро́т и человеколю́бия, и Тебѐ сла́ву возсыла́ем, Отцу̀ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

По моли́тве повелева́ет ему̀ воста́ти, глаго́ля:

Ста́ни до́бре, ста́ни со стра́хом, и пре́д Ева́нгелием и святы́м Кресто́м Спаси́теля утвердѝ да́нное тобо́ю обеща́ние.

О́н же, возста́в, ре́чет:

Ве́ру правосла́вно-кафоли́ческую, ю́же ны́не доброво́льне испове́дую, це́лу и ненаруши́му да́же до коне́чнаго моего̀ издыха́ния, Бо́гу помога́ющу, тве́рдо содержа́ти, и за́поведи ея̀ раде́тельно и ра́достно исполня́ти потщу́ся, соблюда́я в непорочности, ели́ко мо́щно се́рдце моѐ. Во увере́ние сего̀ моего̀ обеща́ния целу́ю словеса̀ и Кре́ст Спаси́теля моего̀. Ами́нь.

По лобыза́нии, предстоя́тель глаго́лет:

Благослове́н Бо́г, хотя́й все́м челове́ком спасти́ся и в ра́зум и́стины приитѝ, сы́й благослове́н во ве́ки.

Кли́р: Ами́нь.

Посе́м глаго́лет:

Преклонѝ коле́на Твоя̀ пре́д Го́сподем Бо́гом, его̀же испове́дал есѝ, и прии́меши оставле́ние грехо́в твои́х.

Прекло́ншу ему̀ коле́на и главу̀, предстоя́тель разреша́ет его̀, си́це:

Госпо́дь на́ш Иису́с Христо́с, ключѝ ца́рствия небе́снаго апо́столом вручи́вый, и да́вый и́м и и́х прее́мником вла́сть вяза́ти и реши́ти грехѝ челове́ков, чре́з менѐ, недесто́йнаго архиере́я (иере́я), проща́ет тя̀, ча́до (и́мярек), и разреша́ет от связа́ния кля́твеннаго илѝ запреще́ния, и от все́х грехо́в Твои́х. И а́з, да́нною мнѐ от Него̀ вла́стию, присоединя́ю тя̀ ко правосла́вней Це́ркви и привожду̀ ко обще́нию боже́ственных Та́инств церко́вных, и благословля́ю тя̀ и́менем Отца̀ и Сы́на и Свята́го Ду́ха. Ами́нь.

Посе́м присоединя́емый, а́ще креще́н и миропома́зан бѐ по Госпо́дню установле́нию, ста́нет, ожида́я причаще́ния Пречи́стаго Те́ла и Кровѐ Го́спода: а́ще же не бѐ креще́н, илѝ по креще́нии не миропома́зан, крести́ти его̀ илѝ то́кмо миропома́зати и посе́м сподо́бити свята́го причаще́ния.

По соверше́нии предположе́нного чи́на, еди́н от иере́й, илѝ протодиа́кон (а́ще святи́тель са́м соверша́ет сиѐ) взе́м сосу́д со святы́м ми́ром, и гу́бу, и суче́ц, и в ма́лом сосу́де во́ду те́плую ко е́же гу́бу омочи́в, места̀ ми́ром пома́занная отира́ти, полага́ет я̀ на угото́ваннем столѐ, на не́мже поло́жено да бу́дет свято́е Ева́нгелие и животворя́щий кре́ст, к сему̀ же и двѐ свещѝ зажже́нныя свети́льницех да поставятся.

Си́м же си́це приугото́вленным, святи́тель (илѝ иере́й) покланя́ется три́жды к восто́ку со все́ми предстоя́щими.

Диа́кону ре́кшу: Благословѝ влады́ко.

Иере́й глаго́лет: Благослове́но ца́рство Отца̀, и Сы́на, и Свята́го Ду́ха ны́не и при́сно и во ве́ки веко́в.

Кли́р: Ами́нь.

И а́бие пою́т стихи́ру, гла́с 6:

Царю̀ Небе́сный, Уте́шителю, Душѐ и́стинны, и́же вездѐ сы́й и вся̀ исполня́яй, сокро́вище благи́х и жи́зни пода́телю, приидѝ и всели́ся в ны̀, и очисти ны̀ от вся́кия скве́рны, и спасѝ, Бла́же, ду́ши на́ша.

По сконча́нии же пения, диа́кон а́бие глаго́лет ектению̀ свята́го миропома́зания:

Миром Го́споду помо́лимся.

Ли́к: Го́споди поми́луй.

О свы́шнем ми́ре и спасе́нии ду́ш на́ших Го́споду помо́лимся.

О ми́ре все́го ми́ра, благостоя́нии святы́х Бо́жиих церкве́й, и соедине́нии все́х, Го́споду помо́лимся.

О святе́йшем прави́тельствующем сино́де, и о преосвяще́ннем архиепи́скопе (илѝ епи́скопе нашем) (и́мярек), честне́м пресви́терстве, во Христѐ диа́констве, о все́м при́чте и лю́дех, Го́споду помо́лимся.

О благочести́вейшем, самодержа́внейшем, вели́ком Госуда́ре на́шем, импера́торе Никола́е Алекса́ндровиче всея̀ Росси́и: о супру́ге его̀, благочестивейшей Госуда́рыне императри́це Алекса́ндре Фео́доровне: о ма́тери его̀, благочести́вейшей Госуда́рыне императри́це Мари́и Фео́доровне, Го́споду помо́лимся.

О насле́днике его, благове́рном Госуда́ре цесаре́виче и вели́ком кня́зе Алекси́и Никола́евиче, и о все́м ца́рствующем до́ме: о все́й пала́те и вои́нстве и́х, Го́споду помо́лимся.

О е́же пома́занием всесвята́го, благоде́тельнаго, и всесоверши́тельнаго ми́ра, пода́тися си́ле Боже́ственней, ны́не це́ркви святе́й собо́рней совоку́пленному рабу̀ Бо́жию (и́мярек), в побежде́ние и попра́ние все́х сопроти́вных диа́вольских ко́зней, от пло́ти же и от ми́ра находя́щих бра́ней, Го́споду помо́лимся.

О е́же бы́ти ему̀ хра́бру и победоно́сну во́ину Христа̀ Бо́га на́шего, си́лою, де́йствием, благода́тию и прише́ствием Свята́го Ду́ха, пома́занием всесвята́го ми́ра, Го́споду помо́лимся.

О е́же тве́рдым и кре́пким и непоколеби́мым в правосла́вной ве́ре, любвѝ же и наде́жди, пома́занием всесвята́го ми́ра, бы́ти ему̀ во вся̀ днѝ живота̀ его̀, Го́споду помо́лимся.

О е́же пода́тися ему̀ благода́ти пома́занием всесвята́го ми́ра, е́же со дерзнове́нием бе́з стра́ха непосты́дно испове́дати пре́д все́ми и́мя Христа̀ Бо́га на́шего, и того̀ ра́ди страда́ти и умре́ти любо́вно всегда̀ изво́лити, Го́споду помо́лимся.

О е́же возраста́ти ему̀ во все́х доброде́телех, и преспева́ти в за́поведех Христа̀ Бога на́шего, пома́занием всесвята́го ми́ра, Го́споду помо́лимся.

О е́же святи́тельным стра́хом в чистотѐ и пра́вде ду́шу его̀ соблюстѝ пома́занием всесвята́го ми́ра, Го́споду помо́лимся.

О е́же доспе́ти ему̀ в му́жу соверше́нна, ме́ру во́зраста исполне́ния Христо́ва, си́лою, де́йством, благода́тию и наше́ствием Пресвята́го Ду́ха пома́занием всесвята́го и всесоверши́тельнаго ми́ра, Го́споду помо́лимся.

О е́же изба́витися ему̀ и на́м от вся́кия ско́рби, гне́ва и нужды и дости́гнути все́м на́м в соедине́ние ве́ры и ра́зума Сы́на Бо́жия, Го́споду помо́лимся.

Заступѝ, спасѝ, поми́луй и сохранѝ его̀ и на́с, Бо́же, твое́ю благода́тию.

Пресвяту́ю, Пречи́стую Преблагослове́нную, сла́вную влады́чицу на́шу Богоро́дицу и Присноде́ву Мари́ю со все́ми святы́ми помяну́вше са́ми себѐ и дру́г дру́га, и ве́сь живо́т на́ш Христу̀ Бо́гу предади́м.

Ли́к: Тебѐ Го́споди.

Иере́й возгла́с:

Я́ко подоба́ет Тебѐ вся́кая сла́ва, че́сть и поклоне́ние Отцу̀ и Сы́ну и Свято́му Ду́ху, ны́не и при́сно и во ве́ки веко́в.

Ли́к: Ами́нь.

По сконча́нии же ектениѝ, ре́кшу диа́кону: Го́споду помо́лимся, и ли́ку: Го́споди поми́луй, святи́тель (или иере́й) глаго́лет моли́тву сию со вся́ким внима́нием велегла́сно:

Благослове́н есѝ Го́споди Бо́же Вседержи́телю, исто́чниче благи́х, со́лнце пра́вды, возсия́вый су́щим во тьмѐ све́т спе́сения, явле́нием единоро́днаго Твоего̀ Сы́на и Бо́га на́шего, и дарова́вый на́м недосто́йным блаже́нное очище́ние во святе́й водѐ, и боже́ственное освяще́ние в животворя́щем пома́зании: и́же и ны́не благоволи́л есѝ рабу̀ Твоему̀ сему̀ (и́мярек), позна́ти Твою̀ и́стину и в покая́нии прибе́гнути к твоему̀ благоутро́бию и соедини́тися свято́му твоему̀ избра́нному ста́ду, и оставле́ние грехо́в, мною̀ недосто́йным рабо́м Твои́м, тому̀ дарова́вый. Са́м Влады́ко, все́х Царю̀ благоутро́бне, да́руй ему̀ печа́ть да́ра свята́го всеси́льнаго, и покланя́емаго Твоего̀ Ду́ха, и причаще́ние свята́го Те́ла и честны́я Кро́ве Иису́са Христа̀ Твоего̀: Сохранѝ его̀ во Твое́м освяще́нии, утвердѝ в правосла́вной ве́ре, измѝ от лука́ваго, и все́х ко́зней его̀, и спаси́тельным Твои́м стра́хом в чистотѐ и пра́вде ду́шу его̀ соблюдѝ: я́ко да во вся́ком де́ле и сло́ве благоугожда́я Тебѐ, сы́н и насле́дник бу́дет пренебе́снаго Твоего̀ Ца́рствия. Я́ко Ты есѝ Бо́г наш, Бо́г е́же милова́ти и спаса́ти, и Тебѐ сла́ву возсыла́ем, Отцу̀ и Сы́ну и Свято́му Ду́ху, ны́не и при́сно и во ве́ки веко́в.

Ли́к: Ами́нь.

По моли́тве же а́бие иере́й помазу́ет новосоедине́ннаго ми́ром святы́м, творя̀ креста̀ о́браз на челѐ, и оче́сех, и но́здрех, и усте́х, и обо́их ушесе́х, и пе́рсех, и рука́х, и нога́х, глаго́ля: Печа́ть да́ра Ду́ха Свята́го, ами́нь.

Сему̀ же соверши́вшуся диа́кону ре́кшу: Го́споду помо́лимся, и кли́ру: Го́споди поми́луй, глаго́лет моли́тву сию̀:

Го́споди Бо́же на́ш, сподо́бивый соверше́нна показа́ти раба̀ Твоего̀ сего̀ (и́мярек), ве́рою пра́вою, я́же в Тебѐ, и печа́тию да́ра Свята́го Духа, во святе́м Твое́м и пренебе́снем пома́зании, Ты̀, Влады́ко все́х, и́стинную ве́ру в не́м соблюдѝ, воспита́й его̀ в пра́вде и и́стине, и все́ми дарова́нии Твоими украсѝ.

Я́ко ты̀ есѝ Бо́г на́ш, и Тебѐ сла́ву возсыла́ем, Отцу̀ и Сы́ну и Свято́му Ду́ху, ны́не и при́сно и во ве́ки веко́в.

Ли́к: Ами́нь.

Взе́м же а́бие гу́бу, и омочи́в в те́плой водѐ, отира́ет места̀ ми́ром пома́занная, глаго́ля:

Оправда́лся есѝ, освяти́лся есѝ и́менем Го́спода на́шего Иису́са Христа̀, и Ду́хом Бо́га на́шего, и ми́ром пома́зался есѝ, во и́мя Отца̀, и Сы́на, и Свята́го Ду́ха ны́не и при́сно и во ве́ки веко́в.

Ли́к: Ами́нь.

Посе́м святи́тель глаго́лет: Ми́р все́м.

Ли́к: И Ду́хови Твоему̀.

Диа́кон: Главы̀ ва́ши Госпо́деви преклони́те.

Ли́к: Тебѐ Го́споди.

Все́м же главы̀ прекло́ншим, святи́тель глаго́лет вта́йне моли́тву сию̀:

Оде́явыйся (илѝ оде́явшаяся) в тя̀ Христа̀ и Бо́га на́шего, подклонѝ с на́ми гла́ву свою̀, его́же (илѝ ю́же) сохранѝ непобеди́ма подви́жника (илѝ непобеди́му подви́жницу) пребы́ти, на всу́е вражду̀ подвиза́ющих на него̀ (илѝ на ню̀) и на ны̀: твои́м же нетле́нным венце́м да́же до конца̀ победи́тели все́х покажѝ.

Возгла́с: Твоѐ бо е́сть е́же милова́ти и спаса́ти, и Тебѐ славу возсыла́ем со безнача́льным твои́м Отце́м и пресвяты́м и благи́м и животворя́щим Твои́м Ду́хом, ны́не и при́сно и во ве́ки веко́в.

Кли́р: Ами́нь.

Посе́м ектения̀: Поми́луй на́с, Бо́же:

Ещѐ мо́лимся о благочести́вейшем, самодержа́внейшем, вели́ком Госуда́ре на́шем, импера́торе Никола́е Алекса́ндровиче всея̀ Росси́и: о держа́ве, побе́де, пребыва́нии, ми́ре, здра́вии, спасе́нии его̀, Го́споду Бо́гу на́шему наипа́че поспеши́те и пособи́те ему̀ во все́х, и покори́ти под но́зи его̀ вся́каго врага̀ и супоста́та.

Еще мо́лимся о супру́ге его̀, благочестивейшей Госуда́рыне императри́це Алекса́ндре Фео́доровне, о ма́тери его̀, благочести́вейшей Госуда́рыне императри́це Мари́и Фео́доровне, о насле́днике его, благове́рном Госуда́ре цесаре́виче и вели́ком кня́зе Алекси́и Никола́евиче, и о все́м ца́рствующем до́ме.

Еще мо́лимся о святе́йшем прави́тельствующем сино́де.

Еще мо́лимся о ми́лости, жи́зни, ми́ре, здра́вии, спасе́нии и оставле́нии грехо́в раба̀ Бо́жия, (и́мярек), восприе́мника.

Еще мо́лимся о новопросвеще́нным рабѐ Бо́жии (илѝ о новопросвеще́нней рабѐ Бо́жией), (и́мярек), о е́же сохране́ну быти ему̀ (илѝ сохране́не бы́ти е́й) в ве́ре чи́стаго испове́дания, во вся́ком благоче́стии же, и исполне́нии за́поведей Христо́вых, во вся̀ днѝ живота̀ его̀ (илѝ ея̀).

Я́ко ми́лостив и человеколю́бец Бог есѝ и Тебѐ сла́ву возсыла́ем, Отцу̀ и Сы́ну и Свято́му Ду́ху, ны́не и при́сно и во ве́ки веко́в.

Ли́к: Ами́нь.

Свяще́нник: Сла́ва Тебѐ Христѐ Бо́же, упова́ние на́ше, сла́ва Тебѐ.

Сла́ва и ны́не: Го́споди поми́луй, три́жды. Благословѝ.

И свяще́нник твори́т отпу́ст.

Миропома́занному же причасти́тися пречи́стым та́йнам Те́ла и Кро́ве Госпо́дни благословля́ет на литурги́и боже́ственней. Сия̀ бо пре́д божественною литурги́ею соверша́ются.

Во сла́ву святы́я, единосу́щныя, животворя́щия и нераздели́мыя Трои́цы Отца̀, и Сы́на, и Свята́го Ду́ха: при держа́ве благочести́вейшаго, самодержа́внейшаго, вели́каго Госуда́ря на́шего, импера́тора Никола́я Алекса́ндровича всея̀ Росси́и: при супру́ге его̀̀, благочести́вейшей Госуда́рыне императри́це Алекса́ндре Фео́доровне: при ма́тери его̀, благочести́вейшей Госуда́рыне императри́це Мари́и Фео́доровне: при насле́днике его̀, благове́рном госуда́ре цесаре́виче и вели́ком кня́зе Алекси́и Никола́евиче: при благове́рном госуда́ре вели́ком кня́зе Михаи́ле Алекса́ндровиче: при благове́рной госуда́рыне вели́кой княги́не Мари́и Па́вловне: при благове́рных госуда́рех вели́ких князех Кирилле, Борисе и Андре́е Влади́мировичах: при благове́рной госуда́рыне вели́кой княги́не Елисаве́те Фео́доровне: при благове́рном госуда́ре вели́ком кня́зе Павле Алекса́ндровиче: при благове́рном госуда́ре вели́ком кня́зе Дими́трие Па́вловиче: при благове́рном госуда́ре вели́ком кня́зе Никола́е Константи́новиче: при благове́рной госуда́рыне вели́кой княги́не Елисаве́те Маври́киевне: при благове́рном госуда́ре вели́ком кня́зе Дими́трие Константи́новиче: при благове́рном госуда́ре вели́ком кня́зе Никола́е Никола́евиче: при благове́рном госуда́ре вели́ком кня́зе Петрѐ Никола́евиче и при супру́ге его̀̀, благове́рной госуда́рыне вели́кой княги́не Ми́лице Никола́евне: при благове́рных госуда́рех вели́ких князех Никола́е и Михаи́ле Миха́йловичах: при благове́рном госуда́ре вели́ком кня́зе Гео́ргии Миха́йловиче и при супру́ге его̀̀, благове́рной госуда́рыне вели́кой княги́не Мари́и Гео́ргиевне: при благове́рном госуда́ре вели́ком кня́зе Алекса́ндре Миха́йловиче, и при супру́ге его̀̀, благове́рной госуда́рыне вели́кой княги́не Ксе́нии Алекса́ндровне: при благове́рном госуда́ре вели́ком кня́зе Се́ргии Миха́йловиче: при благове́рных госуда́рынях вели́ких княжна́х О́льге, Татиа́не, Мари́и и Анастаси́и Никола́евнах: при благове́рной госуда́рыне вели́кой княги́не О́льге Алекса́ндровне и при супру́ге ея̀: при благове́рной госуда́рыне вели́кой княги́не Еле́не Влади́мировне и при супру́ге ея̀: при благове́рной госуда́рыне вели́кой княги́не Мари́и Па́вловне: при благове́рных госуда́рынях: вели́кой княгине Мари́и Алекса́ндровне: при короле́ве е́ллинов О́льге Константи́новне: при вели́кой княги́не Анастаси́и Миха́йловне: благослове́нием святе́йшаго прави́тельствующего всеросси́йскаго сино́да напеча́тася сия̀ ча́сть втора́я Кни́ги чино́в присоедине́ния к Правосла́вию в ца́рствующем гра́де свята́го Петра̀, в синода́льной типогра́фии вторы́м тисне́нием в ле́то от сотворе́ния ми́ра ҂зук҃д. [7424], от рождества̀ же по пло́ти Бо́га Сло́ва ҂ацє҃і. [1915], инди́кта д҃і. [14], ме́сяца септе́мврия.