История о первом патриархе Иове Московском

Но время обозрения церквей г. Старицы, настоятелем Рождество-Богородицкой (Пятницкой) церкви священником Михаилом Казанским, 19 июня 1904 г., была вручена мне рукопись в (переплете), под заглавием: «История о Иове, патриархе Московском и всея России». Священник же Казанский, как видно из надписи на заглавном листе, рукопись эту получил «на память от (преданной) прихожанки Евдокии Нилус... 1902 г. августа 10 дня». Рукопись написана, вероятно, в начале 19 столетия; она в четверть листа, листов в ней 23 с полулистом.

По библиографическим исследованиям оказывается, что «История о первом патриархе Московском Иове» довольно известна по указаниям C.М. Соловьева («История России», том VIII, примечание 42 и заключение 1-й главы) и в особенности Московского митрополита Макария («История русской церкви», том X, примеч. 34 и следующие). Преосвященный Макарий дал общую характеристику этого памятника и не раз пользовался его показаниями¹.

Рукопись, принадлежащая старицкому священнику Мих. Казанскому, 18 августа сего 1904 r., в заседании Комиссии Тверского Церковно-Археологического Комитета, в присутствии моем, была сверена с напечатанною в XIII томе Русской Исторической Библиотеки, издаваемой Археографическою Комиссиею (С.-Петербург, 1892 года, 928–950 стр.), членами Комитета, священниками Николаем Сердобольским и Александром Петропавловским, и обе они оказались почти во всем своем составе сходны. В рукописи (л. 3) патриарх назван Германом, вместо Гермогена; на листе 11 напечатано «на Туле», а в рукописи «на Туше» (стал самозванец); на том же листе в рукописи не упомянуто имя царицы, а в печатном имя царицы – Мария (супруга Бориса Годунова). Во 2-м чуде в рукописи не упомянуто имя исцеленной при гробе Иова девицы, а в печатном она поименована Иулитою, Харитоновою дочерью; в третьем чуде в рукописи упомянуто имя женщины, получившей исцеление, а в печатном, кроме отчества, она названаТарасовою дочерью. В рукописи опущено перечисление чудес (чудо первое, второе...), а в печатном – пред описанием каждого чуда говорится: «чюдо первое Иова патриарха»... «чюдо второе»... Всех чудес описано четыре. Как печатная повесть о патриархе Иове, так и рукописная заканчиваются словами: «А честные его мощи положены в соборной церкви (в Большом Московском Успенском соборе) подле Иоасафа патриарха».

История о патриархе Иове напечатана в XIII томе Русской Исторической Библиотеки, на основании трех рукописей, находящихся: 1) в Сборнике Саввино-Сторож. монастыря (см. выше), этот список при печатании Истории о патриархе Иове принят был за основной; 2) в Сборнике Московского Публичного и Румянцевского Музеев (№ 156), писанном в 4 долю листа, полууставом разных почерков XVII и XVIII века. Содержание этого сборника указано A. Х. Востоковым в «Описании Русских и Словенских Рукописей Румянцевского Музеума», стр. 208. «История o первом патриархе Иове в велицей России, о возведении на патриаршество и о изгнании его» находится на л.л. 133–136 и представляет собою сокращенный текст произведения, писанный в 1708 или 1711 г., как видно из приписки на листе 166: «Лета 7129 (цифры стерты, Востоков читал 7124) году, месяца августа в – день писана сия тетрадь в Старицком Успенском монастыре рукою многогрешного старца (има стерто); и, наконец, 3) в Сборнике Московского Публичного Румянцевского Музея (собрания В. М. Ундольского, №1110), в лист, скорописью двух почерков XVIII в. на 300 листах. На 296–300 листках «История о первом патриархе Иове Московском и всея России». Статья эта, сравнительно с летописцем, писана другим почерком, на иной бумаге; она осталась неоконченною.

А. Д.

Святейший патриарх Иов в Полном Месяцеслове Православного Востока, Владимирского Архиепископа Сергия, помещен между русскими святыми не канонизированными (Владимир, 1901, изд. 2-е, т. 2. 562 стр.): «Иов, патриарх Московский 1607 года июня 19. Киево-Соф. 209». По Строеву, †19 июня. В 201 г. апреля 11 – перенесение честных мощей патриарха Иова. У Кайдалова: 8 июля перенесение мощей святителя Иова, патриарха Московского, из Старицы в Москву в соборную церковь Успения Пресв. Богородицы, a 6 мая память патриарха Московского Иова (день Ангела). В «Книге святых», изданной графом М. Вл. Толстым, сказано: «Святейший патриарх Иов пострада от Ростриги. Преставися в лето 7011 июня в 19 день» (Рукопись Савваитова. л. 9). В старинных святцах имя патриарха Иова упоминается между святыми града Москвы (архимандрита Леонида «Святая Русь», № 50). В напрестольных крестах в Тверском кафедральном соборе и Старицком Успенском монастыре между частицами от разных святых есть частицы от мощей святейшего Иова, патриарха Московского (архим. Арсений, Описание Успенского Старицкого монастыря, Тверь, 1895, стр. 17). В Старицком Успенском монастыре ежегодно (с 1898 г.) совершается торжественно заупокойное служение 19 июня, в день кончины святейшего патриарха Иова, а после литургии панихида в часовне, устроенной на месте погребения его, под монастырскою колокольнею, в которой помещалась и келлия его. Близ г. Старицы на расстоянии полуверсты от города по Московской дороге устроена часовня в память остановки гробницы с телом патриарха Иова, при перенесении оной из Старицы в Москву (Месяцеслов русских святых, Архиепископа Димитрия, июнь, 150–155 стр.).

Первие зде да скажется повесть о Иове патриархе³. В богоспасаемом граде Старицы, на посаде, против града на другой стране реки Волги, стоит монастырь Успения Пречистыя Богородицы, и во дни благочестивого⁴ государя царя и великого князя Иоанна Васильевича Московского и всея России самодержца,⁵ в том честнем монастыре бысть некий юноша, именем Иоанн, тоя же⁶ святыя обители от архимандрита Германа воспитан и грамоте и всему благочинию изучен, и страху Божию добре обучен⁷. И по возрощении своем⁸ и по прехождении нескольких дней⁹ той Иоанн изволи мира сего суетного отлучитися и восприяти святый аггельский образ в той же во святей обители, и наречен бысть во иноцех Иов; у того же архимандрита Германа сей Иов в послушании и в покорении бысть.

По времени же некоем случися быти в том монастыре Пречистой Богородицы благочестивому государю¹⁰ царю и великому князю Иоанну Васильевичу (всея России)¹¹ и Божиим промыслом и государьским благорассмотрением сий инок Иов в той же святей обители Богородицыне поставлен бысть архимандритом. И не по мнозем прехождении дний повелением царским сий¹² архимандрит Иов посылаем бывает на Коломлю¹³ во епископа; и мало дней пребыв тамо, посылаем бывает во град Ростов во архиепископы, и неколико дней¹⁴ пребысть тамо. И Божиим изволением той же благочестивейший государь царь и великий князь Иоанн Васильевич Московский и всея России¹⁵ самодержец повелевает сего Иова из Ростова взяти в Москву¹⁶ в митрополиты, и на Москве в митрополитах бысть дний немало.

В лето осмыя тысячи 93-го году блаженной памяти святый государь царь и великий князь Феодор Иоаннович¹⁷ советовал со всем своим царским сигклитом, и с сущими в полате, a со всем освященным собором, со всею Россиею, и послал бити челом восточным четырем патриархам вселенским, дабы сотворили духовную любовь, еже бы в Велицей России поставити патриарха. Вселенстии же патриархи сие слышавше, и с радостию собор собравше вселенский, подписашася вси восточнии патриархи с митрополиты, и со архиепископы и епископы, со архимандриты и игумены, и послаша они с тою подписною грамотою святейшего Иеремию, патриарха Царяграда, да поставит в Велицей России в царствующем граде Москве патриарха. Он же, пришед к Москве повелением государя царя и великого князя Феодора Иоанновича, самодержца всея России, и святыя великия соборныя и апостольскии церкви Российския, собрашася весь освященный собор, от всея Российския земли, и его, святейшего патриарха Иеремии, благословением с Российскими священноначальники избраша в патриархи Ростовского Иова архиепископа. И Божиим промыслом и святейшего патриарха Иеремиа рукоположением сего Иова поставиша патриархом царствующему граду Москве и всея России;¹⁸ и бысть сий святейший Иов, первый патриарх, на Москве патриархом до дня гонения богоотступника и проклятого еретика Гришки Отрепьева, иже нарицашеся царевичем Димитрием Иоанновичем Московским¹⁹. От сего же злодея Гришки Ростриги сей Иов патриарх с своего престола изгнан бысть и по упрошению своему отпущен бысть во обещание свое, в дом Пречистой Богородицы в Старицкий Успенский монастырь. И по смерти проклятого еретика Гришки Отрепьева сий святейший Иов патриарх от царя государя и великого князя Василия Иоанновича всея России паки возведен бысть на первое свое властинство, на патриаршество; Богу же сего не изволившу, сий святейший Иов патриарх не восхоте паки первыя своея власти восприяти²⁰, паче же изволи в своем обещании быти, а на его степень Божиим промыслом²¹ и царским изволением²² и всего освященного собора советом поставлен бысть в патриархи Казанский и Свияжский митрополит Гермоген, а сей первопрестольник Российской земли Иов патриарх по своему прошению отпущен бысть с подобною честию во свое обещание, в дом Пречистой Богородицы в Старицкий Успенский монастырь, и тамо пребысть мало дний и преставися к Богу.

И о сем Иове да слышится зде повесть; инде бо о нем нигде не писано, каков бе муж правом, и учением, и благочинием, и благочестием украшен²³. И егда убо епископ бысть на Коломле, и тогда за многое изусть памятное учение явлен церкви Божии бысть: понеже убо всю Псалтирь, и Апостол, и Евангелие без книги толкование сказуя и чтяше, и на всех молениих церковных и предание по уставу сказоваше; и егда же исхождаше на Богоявление в день и на Происхождение Честного Креста и в ходех, и во всех установленных²⁴, вокруг града большого, и не токмо еже Евангелие чести ему изусть с прилогаемыми святыми, но и молитвы различных потреб изусть прочитая, и на воде, и во всяких действах священных, паче же всю службу Великого Василия всегда без книги Господеви Богу возсылаше. Еще же и чуднейши сего слышати се: яко и в день Пятидесятницу²⁵, и егда ослепшу ему сущу, и противу престола на колену став и воздев руце горе, со слезами принося годовое моление, изусть глаголаше пребезначальней и пресвятей Троице. И на всех молениях своих двема виды народ еже подражателем быти добродетелем его, и первие убо уча народы, како с ним молитися вкупе²⁶ Богу. Во дни же убо его не обретеся человек подобен ему ни образом, ни нравом, ни гласом, ни чином, ни похождением, ни вопросом, ни ответом; и в человечестем спобытии да умолчим, а яже излише человека дар Божий данный ему, дарование Божие бысть ему паче же прочих человек. В лета же его патриаршества много изрядных людей освященных быша церковников, но никто же таков дарованием Божиим украшен. И егда убо чтяше молитвы Пятьдесятницы, тогда вси во олтаре сослужебницы ему, и иже и не слезливыя, восхлипающе плакаху, занеже глас его бяше умилен во чтении, громогласуя и добротою чтения у всех сердце, яко огнем, попаляя и просвещая ко умалению²⁷ плача. Дивно же сие о нем бе видети, яко постник всегда бе, николи же не имея гортани своей никакова покоя ни во брашнах, ни в питии, и всегда алчбу и жажду держа волею, и гладну ему сущу, а глас его во обличение бе питающимся и упивающимся. Прекрасен бо бяше в пении, и во чтении, и во умерении, яко труба дивна²⁸ всех веселяя и услаждая слухи сердца слышателей. И таковых убо дарований ради и трудов, и деяний и на патриаршеский возведен бысть сан, и обычая своего якоже в нищете убогого иночества, такожде и в величестве и в богатстве патриаршества, никакоже измени. И в великих в дивных трапезах торжественных царских и святительских пиршествах из златых сосудов пияше, но не пиянство, но токмо воду едину, и тое в меру, занеже тщание ему бяше непрестанно всегда. И непременно яко три седмицы или четыри непрестанно служити ему святую литургию: понедельник же, среду же и пяток, храня, выпевати имущим службу²⁹ святым на литургии, такожде и шестеричным, и полиелеосным святым, вторник же, и четверток, и субботу всегда по усопших память творя, день же недельный, яко долг отдая, и непрестанно сам служа, и не гордяся над инеми служебники, еже бы по чину величества соборной апостольской церкви служити с ним, но аще и три, или два или един будет, и то готов служити с ним. В простыя же дни то он сам вси немощи обменяя и не оставляше службы за то небрежение их, но всегда сам служаше, без поноса и без роптания и сущим ленивым. Таков же потщателен бе к святей службе, яко многажды по новопреставленных непрестанно³⁰ служа четыредесять дний. В сих же великия ради нужды един день, или едва когда два дни от неможения³¹ приимет опочив, не ища чести, дабы кто спомогал сослужебник в службе, и ленивых никакоже никогда царю не оглашая и никого никогда же не оскорбляя, ни стужая никому, но всех милуя и преизлишно питая. И о сем не у времени писати, ни повествовати, каков бе к церковникам Иов, питатель щедр и милостив, и глаголати о том не возможно, понеже видение слуха всегда одолевает. Тем же да прекратится το, и настоящее да глаголется. Святый³² же государь царь и великий князь Феодор Иоаннович царствова при сем Иове патриархе четырнатцать лет и преставися ко Господу Богу. При сем же царе Феодоре Иоанновиче возведен бысть правителем быти шурин его болярин Борис Феодорович³³ Годунов; по смерти же царя Феодора Иоанновича, хотя или не хотя, воцарился правитель Борис Феодорович многим кознодейством. Патриарху же Иову³⁴, та вся новотворимая царем Борисом виде³⁵, а иная дела явно бываемая вся уразумеваема представляхуся, мнози бо людие стужаху ему, глаголюще: что, отче святый, новотворимое³⁶ сие видеши, а молчиши? И совесть сердца его, яко стрелами, устрелено бываше и не могий, что сотворити, еже семена лукавствия сеема видя и винограда Христова делатель сый, изнеможе³⁷, токмо ко Господу Богу единому взирая, ниву ту недобрую слезами обливаше. Быстр убо и строптив сей царь Борис и не хотя видети обличника себе³⁸, тем же непорочен един путь ходити оставив и во два пути хождаше, и ово убо десных лестию держася, ово же шуиих хотения своя исполняя, тем же и преткнулся о камень соблазна и разбися от него. И прежде, егда еще³⁹ не воцарился, и дал своя слухи ласкателем и блажащим подобедником и умыслил⁴⁰ убити неповинно царевича Димитрия Иоанновича Углецкого, и бысть смятение о нем⁴¹ велико, и уста хотя смирити о том, еже на него глаголющих, и сотвори ин злый умысл, и повеле на Москве многих домы пожещи, дабы мир умолчал. И угодницы его первие запалиша в Чертолье Колымажной дворец и все Занеглинье выжгли, даже и до Пушечного двора и до Трубы; и вси церкви, и монастыри погибоша от того запаления, и от освященного чина, и иноческого, и инокинь постиниц в монастырях множество згореша. Потом и Китай весь и с монастыри, и с церквами, и с рядами со всеми созжен бысть и погибе.

Еще же к тому и во иных градех огнь и кровь многу бесчисленно сотворил людем, ему же ничто же зла ни сотвориша, ни единыя черты, но вси токмо единому правдою суд творящему Господу Иисусу Христу возложиша отмщение отдати. Егда же вся державства в России⁴² в руце свои восприят⁴³, и от смутителей, еже при нем веселяхуся красоте суетного сего света, начат слушати смущения злая, паче же от холопей всяческих народ, и до толика зла дойде от смутителей, яко господам везде от рабов своих дрожати и боятися и повсюду плач бысть господам, и многия великия домы запустеша от злого того нестроения, и мнози от великих вельмож лютыми и нужными бедами и скорбми погибоша. И о сих всех злых бедах писано пространно во Истории в монастыре Сергия чудотворца. В лето 7109 и 110 и 111 бысть глад три лета и мор на люди от глада и мраза; и о сем писано, якоже зде⁴⁴ сказахом, нам же слово предлежит о Иове патриархе.

Святейший же Иов патриарх вся та лютая видев в земли Российстей деемая⁴⁵, день и нощь со слезами непрестанно в молитвах предстоя⁴⁶ в церкви Божии, и в келии своей непрестанно молебная пения собором поя с плачем и с великим рыданием и со многими слезами, такожде и народ⁴⁷ с плачем моля, дабы престали от всякого злого дела, паче же от доводов и от ябедничества. И бе ему непрестанные слезы и плач непостижный. Враг же искони человекоубийца, видя его ο пастве своей погибающей плачуща всегда и рыдающе, и прилогает ему ненавистник горя к горю, и к напасти напасть, и к бедам беды, a не токмо уже овцы смущаемые погубляет, но и самого пастыря ища растерзати и всю церковь Божию поглотити. И Божиим попущением сотворися ему искус⁴⁸ сицевым образом: святейшему же Иову патриарху святительским убо саном собирая святей Божией церкви вся добрая и полезная строения, и поведаша ему из Чудова монастыря⁴⁹ о некоем монахе⁵⁰, нарочитом грамоте, паче же сказующе, яко добр книжник и писец, именем Григорий. И повелением святейшего Иова пиатриарха взят бысть из Чудова монастыря в дом его святительский, и по рассмотрению его святительскому угоден ему, святейшему Иову патриарху, бысть. Той же чернец Григорий Отрепьев, труждаяся у святейшего Иова патриарха в келии, святыя книги пиша, по двою же летех рассмотрен⁵¹ бысть от некиих церковников, и познаша его, яко Латынския веры крепок хранитель. И уведано сие бысть Иову патриарху, и абие отосла его в Чудов монастырь в соблюдение до сыску⁵² царя Бориса Феодоровича. Той же чернец Григорий, волхв и чародей лютый⁵³ сый, у стрегущих его воочию зрящих невидим бысть, и его поискавше много царским и святительским повелением и не обретоша его⁵⁴ во всей России⁵⁵. По двою же летех уведано бысть: зло творя на веру православную, хотя ю в Латинство превратити, егда же убо ушел⁵⁶ с Москвы чародейством, и обретеся у Черкас Запорожских белец, a не чернец. И оттуда в Литве и в Польше бысть у короля Жигимонта, всех же тамо прельстил тем, еже нарицаяся сыном царя Иоанна Васильевича Димитрием⁵⁷, везде же тамо волхвов и чародеев, и с ними содействуя вся по их учению.

Доиде же и до папы в Рим, его же злодейством двема частем, Еуропе⁵⁸ и Азии, и всем людем о нем все ведано бысть, и каково смущение и смятение сотворил многим языком, возмущая их на разорение Российского государства⁵⁹. Римский же владыка с⁶⁰ королем радостно сложился и помогаше того диавола чародея Гришку Ростригу многим воинством; он же помощию их ятся делу тому неугодному, во един год до предел Российских доспе. Сиверския и Резанскиа грады те не неволею, но из воли покоришася ему. Егда же сия творя⁶¹ еретик Рострига повсюду с поляки, православную веру в Велицей России в латинство превратити устрояя, и тогда множество человек бесчисленно пострадавших явлшеся; овии по истине в⁶² живот вечный горе отхождаху, друзии же по прелести Ростриги до ада долу ниспадаху. Святейшей же Иов патриарх непрестанно уча народы еже не повиноватися прелестнику Ростриге, и с горкими слезами глаголаше народом, обличая его и возвещая о нем всем людям, как в Чудове монастыре был и как в келии у него жил, и еретичество его, еже по Латинех мудрование, всем открывая.

Но яко же Богу попустившу, да обличится пшеница и плевелы, в малом времени вознесошася руки нечестивых и отвержени быша щиты праведных, всюду всех беззаконие лестцев умножахуся, а очи умнии отемневаша, и коего тогда не подъят бесчестия церковь Божия, мати церквам Великия России!⁶³. Разделися народ на двое и бысть тогда велия беда во всех градех, и во святых обителех, и в селех, и на путех: везде убо друг друга стрежаху и брат брата, послушающе, кто⁶⁴ речет, яко Рострига Гришка Отрепьев – царь, а не Димитрий царевич, – и без розыску и без испытания те вси смерть приимаху. На Туле⁶⁵ же став со многими людьми, присла к Москве прелестников своих. И гневом Божиим вскоре напрасная смерть постиже царя Бориса Федоровича; нецыи же реша, яко зелия смертна испив умре, a по нем в четыредесятый день и царицу его (Марию)⁶⁶, зле обесчестивше, воры и с царевичем Федором удавиша. В сих же днех многие домы многих вельмож разграблением погибоша, паче же Годуновых. Рострига же паки вскоре присла к Москве ко угодником своим, дабы и патриарха Иова извергли⁶⁷ от престола его, или убо смерти предали его. Злодеи же грабители собравшеся мнози со оружием, и пришедше в Патриарший двор и поставиша сторожей и влечаху святейшего Иова патриарха из церкви к Лобному месту. Приидоша же тогда множество народа, и мнози плакаху и рыдаху, видяще лютое сие смятение. Тогда бо соборные церкви клирицы во вси церковные двери выбегоша, вопль и крик с плачем сотвориша о Иове патриархе, и моляще народы, бе бо опалилися от бесования⁶⁸. И егда патриарха ведоша, и кто изречет ту беду, еже бесчестиша и биша его патриарха: прелестники Ростригины ему, патриарху, ругалися без милости сурово и бесчеловечно. Слух же протече во весь град Москву, яко нецыи хотят убити святейшего Иова патриарха, вину наричуще ему, яко наяснейшего царевича Димитриа Ростригою сказует и распрение бе лютое бысть в народе, и силнии начаша одолевати⁶⁹. Весть же тогда прииде с Патриархова двора от Ростригиных сторожей к ворам и грабителем, сице глаголемо: велми богат патриарх Иов! – И злодейцем распрение ради богатства, слухи и руце им ослабевахуся, и едва народ утолися от бесчинства сего ради словесе, еже рекоша. Тогда воры и грабители мнози рекоша: богат, богат, богат Иов патриарх! Идем и разграбим имения его! И яко тии беснии отскочиша от святейшего Иова патриарха, и вскоре потекоша на Патриархов двор, и к мале часе весь дом его разграбиша, и разнесоша все богатство, простые же и святые вещи вси развеяша, ино же нечто срама ради не возможно глаголати и писанию предати. Нецыи же от вельмож, иже поклонишася антихристову знамению лжехристу Ростриге, и приходяще ко святейшему Иову патриарху, аки чада его истинные, но лукавии хищницы, и поведаху ему то, яко Рострига хощет тебе сослати под начал, и моля его, святейшего Иова патриарха: где хощеши быти? Святейший же Иов патриарх верных ему из них лукавых хищников умолил, дабы Рострига его отпустил на обещание свое, во град Старицу, во Успенский монастырь. Лжехрист же, Рострига и проклятый еретик Гришка Отрепьев по совещанию лестьцев своих сотвори изгнание блаженному Иову патриарху из царствующего града Москвы во град Старицу во Успенский монастырь, и возведе на патриаршество Игнатия, бывшего архиепископа Рязанского, суща волка, тайного же врага и еретика, каков a сам⁷⁰ еретик Гришка Отрепьев, гречески пострижена,⁷¹ а верою папежника суща и блядива. И о сем инде писано, как с Москвы к папе отъиде, и на Россию всю и на четырех патриархов греческих велико гонение воздвиже, и святейшего патриарха Кирилла Константинопольского Турский салтан царь по его Игнатьеву умыслу⁷² камень на выю навязав, вверже его в море, а прочих патриархов вселенских церкви и паствы их едва не погубиша от его затей вконец. И того Игнатия, патриарха Русского, вси восточнии власти, патриархи и митрополиты, и архиепископы и епископы, проклинают даже и до днесь.

И егда первого святейшего Иова патриарха, святого и праведного обличителя Ростригина, иже от престола его извергоша и с бесчестием отослаша⁷³ его в Старицкий Успенский монастырь на обещание его; тогда же в той святей обители, Успенский монастырь, был архимандрит Дионисий. Виде в писании, в Ростригине грамоте, он Дионисий архимандрит, яко неправедно изгнаша сего святейшего Иова патриарха, отца отцем, и еще ему же неправедное указано смирение: держати во озлоблении скорбнем, архимандрит же Дионисий приставов учреди, якоже довлеет, и отпусти их с честию, а сам со всею братиею и со многими горкими слезами, не ведый, что сотворити великому пастырю, и молит, и просит, что повелит, и что укажет еже о себе творити, понеже бо знаемо бе ему все житие святейшего отца, не бояще бо ся никакого озлобления, ни глада же, ни жажды, ни смерти, никогда же не стужающе⁷⁴ ему, бдение же всенощное и коленное поклонение, то убо бе и дело ему всегда, и таковых убо трудов и дел в патриарший возведен сан, якоже о нем сказахом. О архимандрите Дионисии инде писано.

В лето 7115 году, июня в 19 день, против Воскресения Христова⁷⁵ в нощи преставися преподобный и святейший Иов, патриарх первопрестольный Московский и всеа Россия, во своем обещании, во обители Успения Пречистыя Богородицы, во граде Старицы; в той же святей обители и погребен бысть честне Крутицким Пафнутием митрополитом и Тверским Феоктистом архиепископом со освященным собором; а положен бысть близ церкви Успения Пречистыя Богородицы, у западных дверей против правого крилоса, подле его⁷⁶ начального отца, того же монастыря архимандрита Германа, на правой стороне. И егда же сего святейшего Иова патриарха готовляху к погребению, тогда служаху Крутицкий митрополит Пафнутий и архиепископ Феоктист собором, и с ними же в службе действоваше архимандрит Дионисий и с прочими священницы⁷⁷ и диаконы, поддержавающе святейшего Иова патриарха мощи. И во время, егда служаху божественную литургию, на лице сего святейшего Иова патриарха бысть аки роса велика, Дионисий же, ту росу отираше, и смочиша⁷⁸ два полотенца. По отпетии божественной литургии, егда понесоша к погребению, и тогда лице его бысть светло, яко живу ему сущу. И по преставлении его, и по погребении, по его святительскому приказу и повелением архимандрита Дионисия, над гробом его создана палатка каменна. И не по мнозем же времени является святейший Иов патриарх архимандриту Дионисию и глаголет ему: «Поставили вы над гробом моим палатку не по моему приказу мне ди палатка строить, не тем переводом».

В лета 7117 году, месяца июня в 4 день в том же граде Старицы⁷⁹ бысть некий человек, именем Иоанн Иоаннов сын, по прозванию Тулупов. Случися ему болезнь люта зело и в той зелной болезни исступити ума; и в той болезни явися ему Святая Богородица со святителем Николаем чудотворцем и с преподобным святейшим Иовом патриархом сицевым образом, якоже бы ему быти в монастыре Пресвятой⁸⁰ Богородицы, идеже честныя мощи святейшего Иова патриарха. И видит сей человек: отверзошася церковные западные двери, иже есть ко Святым воротам к реке Волге; и видит тот человек Иоанн из той⁸¹ церкви грядущу Пресвятую Владычицу нашу Богородицу, с правою страну поддерживающе ее святый Николае, а с левую страну святейший Иов патриарх. И слышит⁸² он, Иоаннович, глас в нему глаголющ, веляше ему идти в град Старицу и глаголати воеводе князю Симеону Путятину и всем и протопопу Иоанну и всем ту живущим людем, чтобы шли в соборную апостольскую церковь к Михаилу Архангелу и пели бы молебны и святили бы воду, шли бы со кресты около града и пели бы литию и кропили бы святою водою, – и в Троице достославимый Бог наш, за молитвы Пречистыя Богородицы и заступлением Михаила Архангела и Гавриила и прочих небесных сил бесплотных и всех святых молитвами град сей и в нем живущих всех православных людей от належащия брани и от нахождения ратных Литовских людей и русских богоотступников и воровских людей защитит и соблюдет не воевать. Аще ли сих словес не послушают, то и град ceй и в нем живущие люди от врагов своих посечени будут и пожжени. И по сих глаголех святая Богородица и со святими невидими быша. Той же человек Иоанн в дому своем начат вопити велиим гласом, сродичем своим сказоваше сие чудное явление Пресвятой Богородицы со святыми и веляше себе вести во град к начальствующим. Родители же словес его нимало во ум свой приимаше, но токмо начаша его вязати и бесновата глаголюще. Он же больный со многим прилежанием веляше себя вести во град к начальствующим и хотяше им видение поведати, родители же его сия глаголы ни во что же вмениша и не в лепоту почтоша. Последи же, по прохождении дне единого, приидоша ко граду тому сопостатнии Литовстии вои и Руские воры, град Старицу обступиша и пожгоша, и люди в нем мечу подклониша, и пожгоша соборную церковь во имя Архангела Михаила и прочие соборные же церкви каменные, во имя Николая чудотворца и святых мученик Бориса и Глеба, разориша, и в них множество людей посекоша и пожгоша и, переехав реку Волгу, монастырь Пречистой Богородицы такожде пожгоша, и в нем священноиноков и протчих людей посекоша. Сей же предреченный человек Иоанн в то время был в дому своем связан от находящей своей болезни от родителей своих; егда же приидоша к двору его Литовстии людие, и в той час тот человек Иоанн, молитвами Пресвятой Богородицы и великих чудотворцев, великого святителя Николая и святейшего Иова патриарха, и своею молитвою, бесы разгна и от уз разрешися и нача Литовских людей поносити и укоряти. Они же, Литовстии людие, помыслиша его здрава и смысленна, иссекоша его мечи своими и копии избодоша и от него изыдоша. Сий же человек Иоанн день той весь от утра и до вечера лежаща мертв и ни что же ο себе помня. Нощи же приспевшей, и той человек Иоанн возбнув, аки от сна, и сотворив молитву Иисусову, и прекрести лице свое, и обретеся против своего двора, близ воды реки Волги, здрав и смыслен, яко никоего зла пострада, токмо на нем срачица едина вся иссечена и исколота и кровию побагрена; на теле же его от ран ничто же обретеся. И от того часа той человек Иоанн был здрав и смыслен, славя и благодаря Бога и Пречистую Его Матерь и великого святителя Николая и святейшего Иова патриарха похваляюще.

Времени же немало минувше по преставлении святого Иова патриарха, прииде во обитель Пречистой Богородицы честного и славного Ее Успения в Старицкий монастырь крестьянин Иоанн, по реклу Бакс, тоя же святой обители, бесным недугом одержим немало время, отступившу ему ума своего и износя изо уст своих злые речи на всякого человека и многие им пакости творяше. Той же человек, предреченный Иоанн приим себе во ум о святейшем Иове патриархе и обещася идти в дом Пречистой Богородицы и пети молебен Пресвятей Богородице и святому Иову патриарху панихиду пети. И от того часа прият облегчение недугу своему и к тому не прикоснуся к нему нечистый дух, и поживе лета довольно и преставися к Богу с добрым исповеданием. Преблагий же человеколюбец Бог, не хотя видети мучима рода человеческого от врага диавола, но вся козни его разоряя.

В лето 7160-го году, марта в 23 день, Божиим благоволением и по ревности велиим желанием и посланием благочестивейшего государя нашего царя⁸³ и великого князя Алексия Михайловича, всея России самодержца, и прииде из царствующего града Москвы во град Старицу преосвященный Варлаам, митрополит Ростовский и Ярославский, со освященным собором, да с ними же был царского сигклита болярин Михайла Михайлович Салтыков с дворяны и со многими людьми, на взыскание мощей иже во святых отца нашего святейшего Иова, патриарха Московского и всея России чудотворца. Прииде же предреченный преосвященный Варлаам митрополит в монастырь Святой Богородицы, честного и славного Ее Успения и начат надгробное и молебное пение к Богу воссылати и Пречистей Его Богоматери Владычицы нашей Богородицы и Приснодевы Марии; и тогда снидошася множество народа града того на песнохваление Божие, и многие священноиноцы и иноцы и богобоязнивые людие пред гробом святителя Иова патриарха стояще, поникнувше со умилением главы своя и испущающе от очию своею слезы, чающе обрести, яко некое сокровище, могострадальные мощи святого Иова патриарха. Надгробному же и молебному пению скончавшуся, дневи же и нощи минувше, во вторый же день заутра снидошася людие мнози града того на песнословие Божие. Приспевшу же времени, егда быти взысканию мощей иже во святых отца нашего Иова патриарха, и тогда начаша надгробное и молебное пение к Богу воссылати и⁸⁴ начаша звонити во вся колокола во обители пресвятой Богородицы и во всем граде том у святых Божих церквей. И в то время ужас и страх велий обдержаше людей, во граде том живущих, и начаша друг ко другу глаголати, яко мы, живущии ту, не слышахом николи же такового страха от звона того. И снидошася множество народа, мужей и жен и малых детей, во обитель святой Богородицы на обретение мощей святого Иова патриарха.

Чудо первое Иова патриарха⁸⁵. Егда же обретоша честные и многоцелебные мощи и принесены быша во церковь соборную Пречистой Богородицы, того же дни приведоша человека посадского того же града, именем Иоанн, Александрова сына⁸⁶, бесным недугом одержим; дух же лукавый мучаше его 15 дний, овогда бияше его по земли, овогда же мертв лежаше, и пена из уст его течаше и ума своего ему исступившу⁸⁷. Родители же его бывше в недоумении велицем и печаль⁸⁸ велию имуще о человеце том и приведоша его ко гробу святого Иова патриарха; и начаша плакати родители его у гроба святого и тогда прикосновением⁸⁹ святого исцеление получивше, и отъидоша в дом свой, радуяся, славяще и благодаря Бога и Пречистую Его Богоматерь и угодника⁹⁰ Его, святого Иова патриарха, и к тому не прикоснуся ему злокознство прежнее. Тогда он предреченный Иоанн поведа митрополиту и всему собору, чаяше, яко не до конца от него отбеже нечистый дух лукавый, а опосле нам он, Иоанн, своими усты глаголаше, яко же писано, тако и сотворишася над ним у гроба святого.

Месяца марта в 27 день.⁹¹ Приспевшу же времени, егда понесоша мощи из обители святой Богородицы святого Иова, патриарха Московского и всея России, и тогда звону велику бывшу, и начаша мощи двизати из церкви святой Богородицы, и тогда священноиноцы и тоя обители иноцы начаша горько плакати и рыдати, яко своего начальника и поборника, и многие православные христианы и богобоязнивии людие града того, мужи и жены, плакаху и рыдаху с великими слезами от очей своих, яко реки, испущающе слезы, и глаголаше в себе: «О святителю Христов, Иове, отче наш! Не остави посещати град наш и святую обитель свою, идеже твои мощи многострадальные почиваху⁹²; ныне видим мы, грешнии, яко ты, пастырю наш, отходиши от нас на свое пребывание, а нас оставляеши сирых быти во граде сем. Святителю Христов⁹³, ныне мы, грешнии, провождаем тебе⁹⁴, пастыря своего и заступника, к кому нам будет приити во обитель святой Богородицы, кому нам поклонитися и у кого нам благословение и заступление просить о грехах своих?» – Кончавшу же провождению от града до двою поприщу и надгробное пение отпевше, мощи же святого понесоша к царствующему граду Москве, граждане же поидоша ко своему граду с миром, слезы испущающе⁹⁵ от очию своею, глаголюще в себе: «яко мы остахом⁹⁶ своего пастыря и заступника».

Чюдо 2-е святейшего Иова патриарха⁹⁷. Преидоша же от града Старицы 13 поприщ и доидоша того же Успенского⁹⁸ монастыря святой Богородицы села Ильинского, тако нарицаемо деревни Петрова; и узреша ту живущии людие несомы мощи святого Иова патриарха, и вынесли девицу (именем Иулитту, Харитонову дочь)⁹⁹, бесным недугом обдержима годищное время; дух же лукавый помалу ей пакость творяше: овогда же корчаша жилы ея, и лице ее назад обращашеся и все тело ее трясением бесчисленным¹⁰⁰ трясашеся и ума ей своего в то время отступившу и лежаще, яко мертва, девица та. Принесоша же родители ее ко гробу святого Иова патриарха и приложиша ее к цельбоносным мощем его, и от того часа¹⁰¹ та девица здравие получи и никакоже к ней не прикоснуся нечистый дух. И отъиде в дом свой, славя всесильного Бога и Пречистую Богородицу и святого Иова патриарха. И о том бывшем чудеси удивишася мнози окрестных стран людие.

Чудо третие¹⁰². Месяца марта в 27 день¹⁰³. Тогда yбo бывшу мощем святого Иова патриарха в селе Латышыне¹⁰⁴, в церкви боголепного Преображения, и снидошася мнози людие на поклонение святым¹⁰⁵ мощем и приведоша того же Успенской монастыря вотчины Пресвятой Багородицы деревни Горохова жену, именем Агрипину, Тарасову дочь, бесным недугом одержиму; дух же лукавый мучаше ю на нов месяц, восхищаше ю нощию с ложа от мужа ее, и гоняше ю дух нечистый сквозе лесов и болот, непроходимыми стезями, бегаше во единой срачице раздранней. Родители же ее искаша по лесу три дни и обретоша ю еле живу лежащу, от нечистого духа мучиму, и ума ей своего исступившу. И тако ее мучаше дух лукавый годищное время. Приведоша же родители ее ко гробу святого Иова патриарха, молебное пение отпевше и приложиша ее к цельбоносным мощем святого Иова патриарха, и в том часе здравие получиша, и не прикоснуся ей никакоже дух нечистый. И отъидоша в дом свой, радуяся, славя¹⁰⁶ Бога и Пречистую Его Матерь и святого Иова патриарха.

Чудо четвертое¹⁰⁷. Егда убо принесены быша мощи иже во святых отца нашего Иова, патриарха Московского и всея России, ко царствующему граду Москве, вестницы же поидоша проповедати по царствующему граду священническому чину и всем людям; поиде¹⁰⁸ же слух и по окрестным странам и весям; тогда убо снидошася людие мнози на сретение и на поклонение (честных) мощей иже во святых отца нашего, Иова патриарха. Приидоша волости Успенские¹⁰⁹ крестьянин, именем Исакий, недугом одержим (лютым), и бе болезнь его заложило правое ухо, и не слышаше (тем ухом многие дни)¹¹⁰, и гной исхождаше безпрестани из уха того, и шум велий во главе его бысть, яко и полглавы отъяся от болезни тоя. Прииде же той человек Исакий в соборную и апостольскую церковь помолитися и к мощам святого Иова патриарха приложитися, восхоте облегчение своей болезни просити. Предреченный же Исакий, моляся святей Богородице и сподвизая на молитву святого отца Иова патриарха, и приложися ко гробу его, и от того часа день от дня облегчение приял и от болезни свободися, и здравие получи заступлением Пречистой Богородицы и молитвами святого¹¹¹ Иова патриарха. А честные его мощи положены в соборной церкви подле Иоасафа патриарха.

А. Бушев