Неизданные письма
Содержание
I. Великому господину, Архиерею Божию, Преосвященнейшему Иову Митрополиту святейшие Митрополии Великоновгородской 2. Честному господину Феологу, любезному ми
I. Великому господину, Архиерею Божию, Преосвященнейшему Иову Митрополиту святейшие Митрополии Великоновгородской
Архипастырю и Богомудрому учителю смиренный
Архиерей Ростовский и Господе радоваться.
Прием в руки мои грешные пречестное Apxиерейство вашего к моей худости писание, и прочитав, любезно лобзал его, радуясь духом, яко в милости вашей святительской незабвен есть, и изволите присетити мя любовью своею отеческой в писании изъясненною, еяже потолику благодарен есмь, поскольку кто нечаемую от незнающих его получив пребогатую милость, благодарствует и покланяется.
Не знаемый есмь преосвященству вашему лицезрительством, обаче любви твоея сподобляеши мя и одолжаеши благодеяинием твоим, за что благодарствуя смиренно челом бью.
Соболезную же святыне вашей в скорбях ваших, в них же да утешит вы Бог и Отец Господа нашего Иисуса Христа (с Апостолом глаголю); Отец шедротам и Бог всякие утехи, утешаяй нас о всякой скорби нашей, той скорбения ваши и печали в радость да претворит. Слышащи же наченьшееся в славу Божию у преосвященства вашего еллиногреческое учение тщанием вашим архиерейским, трудолюбием же премудрейших учителей Ионникия и Софрония Ликудиевых (quos fraterna charitate amplector, vеnеrоr, et amabiliter Ialuto), зело о том радуюсь и молю Бога, да поспешит преосвященству вашему и пречеснейшим учителем в том благопотребном деле; что бо человека вразумляет аще не учение? Вразуми мя, рече, и научуся заповедям твоим. И Христос Господь, хотя ученики своя сотворил учителями всей вселенной и теми весь мир просветили, первее отверз им ум разумети писания.
Подобишися преосвященство ваше Господу своему, егда в пастве своей хотя имети людей учительных разумных, собрал еси не малое учеников число, и предложил еси им то учение, еже начало есть и источник всему любомудрию, еллино-греческий язык, от того бо вся премудрая учения во вся языки произыдоша.
И аз грешный волею Господнею на престол Ростовский паствы пришел, начал был прилагати тщание о учениях и завел был училище греческое и латинское, и поучилися были ученики лета два не больше, иже начали были грамматику разумети не зле, но попущением Божиим сотворишаяся дому apxиepeйcкому скудость сотвори препятиe, и остановиша учения: понеже вознегодоваша питающие нас, аки бы многая исходить на учители и ученики издержка, и уже вся та, чем дому apxиерейскому питатися, от нас отняты суть, не только отчины, но и церковные дани и вечной памяти, и прочая, и прочая; оскудeвшие убо во всем, оскудейхом и во учениях.
Но да не продолжу писания, умалчиваю о прочих поведениях наших, sat sapienti. Преосвященству вашему паки и паки челом бью, и молю, да и впредь милость и любовь ваша отческая к моей худости не оскудеет.
На подлинном письме собственною преосвященнейшего митрополита Димитрия рукою написано:
Illustrissimo Archipraesuli ас celsitudini vestrae cunctorum bonorum fautor et ad omnia obsequia promtissimus et addictissimus servus, et exorator humilis Demetrius Metropolita Roslowiensis et Idroslaviensis.
Rostowiae, An. 1706 decembris 10.
____________________________________________
2. Честному господину Феологу, любезному ми
Спасет Бог любовь твою, яко вея моя желания и прошения исполняеши.– Катихизис еретический приняв посмотрел и паки послал к вам. Видел я его давно, когда еще в Литве бых, токмо гворцов его забых. Недолжно мне о нем упражняться; дал бы Бог коего иного охотника: аз изнемогаю.
Вопрошаеши мя, возлюбленне, о моем здравии. По истине возвещаю ти, яко немоществую. Прежде бывало мое здравие по полам, полуздрав и полунедужен: а ныне недугование превозмогает и едва третья доля здравия остается. Обаче будто мужаюся и движуся о Господе моем, в Его же руку живот мой. Дела ныне никакого не делаю: до чего ни примусь, все из рук падает; дни мне стали темны, очи мало видят, в нощи свет свещной мало пособствует, паче же вредит, егда долго в письмо смотрюся; а недугование заставляет лежать да стонать. В таковом моем нездравом здравии не вем, что чаяти, живот или смерть? В том воля Господня да будет! На смерть не готов, обаче по воли; и по повелению Господню должен готов быти; силен же есть Владыка мой еще укрепити мою немощь. Есень сия для меня тяжела; воздух ростовский зело худ, а воды весьма нездоровы.
Прости, возлюбленне. Не могу много писать. Tем челом бью
Грешный Димитрий.
Замечание переписчика: таковое писано за один день до кончины его.