Псалом 108

Толкования псалма 108:

• Иоанн Златоуст, свт.
• Афанасий Великий, свт.
• Евфимий Зигабен
• Григорий Разумовский, прот.
• Феодорит Кирский, блж.
• Палладий (Пьянков), еп.

В коне́ц, псало́м Дави́ду.
¹ Бо́же, хвалы́ моея́ не премолчи́, ² я́ко уста́ гре́шнича и уста́ льсти́ваго на мя отверзо́шася, глаго́лаша на мя язы́ком льсти́вым, ³ и словесы́ ненави́стными обыдо́ша мя, и бра́шася со мно́ю ту́не. ⁴ Вме́сто е́же люби́ти мя, оболга́ху мя, аз же моля́хся, ⁵ и положи́ша на мя зла́я за блага́я, и не́нависть за возлюбле́ние мое́. ⁶ Поста́ви на него́ гре́шника, и диа́вол да ста́нет одесну́ю eго́. ⁷ Внегда́ суди́тися eму́, да изы́дет осужде́н, и моли́тва eго́ да бу́дет в грех. ⁸ Да бу́дут дни́е eго́ ма́ли, и епи́скопство eго́ да прии́мет ин: ⁹ да бу́дут сы́нове eго́ си́ри, и жена́ eго́ вдова́: ¹⁰ дви́жущеся да преселя́тся сы́нове eго́ и воспро́сят, да изгна́ни бу́дут из домо́в свои́х. ¹¹ Да взы́щет заимода́вец вся, ели́ка суть eго́, и да восхи́тят чужди́и труды́ eго́. ¹² Да не бу́дет eму́ засту́пника, ниже́ да бу́дет ущедря́яй сироты́ eго́. ¹³ Да бу́дут ча́да eго́ в погубле́ние, в ро́де еди́ном да потреби́тся и́мя eго́. ¹⁴ Да воспомяне́тся беззако́ние оте́ц eго́ пред Го́сподем, и грех ма́тере eго́ да не очи́стится. ¹⁵ Да бу́дут пред Го́сподем вы́ну и да потреби́тся от земли́ па́мять их. ¹⁶ Зане́же не помяну́ сотвори́ти ми́лость, и погна́ челове́ка ни́ща и убо́га, и умиле́на се́рдцем умертви́ти. ¹⁷ И возлюби́ кля́тву, и прии́дет eму́, и не восхоте́ благослове́ния, и удали́тся от него́. ¹⁸ И облече́ся в кля́тву я́ко в ри́зу, и вни́де я́ко вода́ во утро́бу eго́, и я́ко еле́й в ко́сти eго́. ¹⁹ Да бу́дет eму́ я́ко ри́за, в ню́же облачи́тся, и я́ко по́яс, и́мже вы́ну опоясу́ется. ²⁰ Сие́ де́ло оболга́ющих мя у Го́спода и глаго́лющих лука́вая на ду́шу мою́. ²¹ И ты, Го́споди, Го́споди, сотвори́ со мно́ю и́мене ра́ди Твоего́, я́ко бла́га ми́лость Твоя́. ²² Изба́ви мя, я́ко нищ и убо́г есмь аз, и се́рдце мое́ смяте́ся внутрь мене́. ²³ Я́ко сень, внегда́ уклони́тися ей, отъя́хся, стрясо́хся я́ко пру́зи. ²⁴ Коле́на моя́ изнемого́ста от поста́, и плоть моя́ измени́ся еле́а ра́ди. ²⁵ И аз бых поноше́ние им, ви́деша мя, покива́ша глава́ми свои́ми. ²⁶ Помози́ ми, Го́споди Бо́же мой, и спаси́ мя по ми́лости Твое́й, ²⁷ и да разуме́ют, я́ко рука́ Твоя́ сия́, и Ты, Го́споди, сотвори́л еси́ ю́. ²⁸ Проклену́т ти́и, и Ты благослови́ши, востаю́щии на мя да постыдя́тся, раб же Твой возвесели́тся. ²⁹ Да облеку́тся оболга́ющии мя в срамоту́, и оде́ждутся, я́ко оде́ждею, студо́м свои́м. ³⁰ Испове́мся Го́сподеви зело́ усты́ мои́ми, и посреде́ мно́гих восхвалю́ Его́, ³¹ я́ко предста́ одесну́ю убо́гаго, е́же спасти́ от гоня́щих ду́шу мою́.

Въ коне́цъ, ѱало́мъ дв҃дꙋ,
¹ Бж҃е, хвалы̀ моеѧ̀ не премолчѝ: ² ꙗ҆́кѡ ᲂу҆ста̀ грѣ̑шнича и҆ ᲂу҆ста̀ льсти́вагѡ на мѧ̀ ѿверзо́шасѧ, глаго́лаша на мѧ̀ ѧ҆зы́комъ льсти́вымъ, ³ и҆ словесы̀ ненави́стными ѡ҆быдо́ша мѧ̀, и҆ бра́шасѧ со мно́ю тꙋ́не. ⁴ Вмѣ́стѡ є҆́же люби́ти мѧ̀, ѡ҆болга́хꙋ мѧ̀, а҆́зъ же молѧ́хсѧ: ⁵ и҆ положи́ша на мѧ̀ ѕла̑ѧ за бл҃га̑ѧ, и҆ не́нависть за возлюбле́нїе моѐ. ⁶ Поста́ви на него̀ грѣ́шника, и҆ дїа́волъ да ста́нетъ ѡ҆деснꙋ́ю є҆гѡ̀: ⁷ внегда̀ сꙋди́тисѧ є҆мꙋ̀, да и҆зы́детъ ѡ҆сꙋжде́нъ, и҆ моли́тва є҆гѡ̀ да бꙋ́детъ въ грѣ́хъ. ⁸ Да бꙋ́дꙋтъ дні́е є҆гѡ̀ ма́ли, и҆ є҆пі́скопство є҆гѡ̀ да прїи́метъ и҆́нъ: ⁹ да бꙋ́дꙋтъ сы́нове є҆гѡ̀ си́ри, и҆ жена̀ є҆гѡ̀ вдова̀: ¹⁰ дви́жꙋщесѧ да преселѧ́тсѧ сы́нове є҆гѡ̀ и҆ воспро́сѧтъ, да и҆згна́ни бꙋ́дꙋтъ и҆з̾ домѡ́въ свои́хъ. ¹¹ Да взы́щетъ заимода́вецъ всѧ̑, є҆ли̑ка сꙋ́ть є҆гѡ̀: и҆ да восхи́тѧтъ чꙋжді́и трꙋды̀ є҆гѡ̀. ¹² Да не бꙋ́детъ є҆мꙋ̀ застꙋ́пника, нижѐ да бꙋ́детъ ᲂу҆щедрѧ́ѧй сирѡты̀ є҆гѡ̀: ¹³ да бꙋ́дꙋтъ ча̑да є҆гѡ̀ въ погꙋбле́нїе, въ ро́дѣ є҆ди́нѣмъ да потреби́тсѧ и҆́мѧ є҆гѡ̀. ¹⁴ Да воспомѧне́тсѧ беззако́нїе ѻ҆тє́цъ є҆гѡ̀ пред̾ гдⷭ҇емъ, и҆ грѣ́хъ ма́тере є҆гѡ̀ да не ѡ҆чи́ститсѧ: ¹⁵ да бꙋ́дꙋтъ пред̾ гдⷭ҇емъ вы́нꙋ, и҆ да потреби́тсѧ ѿ землѝ па́мѧть и҆́хъ: ¹⁶ зане́же не помѧнꙋ̀ сотвори́ти ми́лость, и҆ погна̀ человѣ́ка ни́ща и҆ ᲂу҆бо́га, и҆ ᲂу҆миле́на се́рдцемъ ᲂу҆мертви́ти. ¹⁷ И҆ возлюбѝ клѧ́твꙋ, и҆ прїи́детъ є҆мꙋ̀: и҆ не восхотѣ̀ блгⷭ҇ве́нїѧ, и҆ ᲂу҆дали́тсѧ ѿ негѡ̀. ¹⁸ И҆ ѡ҆блече́сѧ въ клѧ́твꙋ ꙗ҆́кѡ въ ри́зꙋ, и҆ вни́де ꙗ҆́кѡ вода̀ во ᲂу҆тро́бꙋ є҆гѡ̀ и҆ ꙗ҆́кѡ є҆ле́й въ кѡ́сти є҆гѡ̀: ¹⁹ да бꙋ́детъ є҆мꙋ̀ ꙗ҆́кѡ ри́за, въ ню́же ѡ҆блачи́тсѧ, и҆ ꙗ҆́кѡ по́ѧсъ, и҆́мже вы́нꙋ ѡ҆поѧсꙋ́етсѧ. ²⁰ Сїѐ дѣ́ло ѡ҆болга́ющихъ мѧ̀ ᲂу҆ гдⷭ҇а и҆ глаго́лющихъ лꙋка̑ваѧ на дꙋ́шꙋ мою̀. ²¹ И҆ ты̀, гдⷭ҇и, гдⷭ҇и, сотворѝ со мно́ю и҆́мене ра́ди твоегѡ̀, ꙗ҆́кѡ бл҃га млⷭ҇ть твоѧ̀: ²² и҆зба́ви мѧ̀, ꙗ҆́кѡ ни́щь и҆ ᲂу҆бо́гъ є҆́смь а҆́зъ, и҆ се́рдце моѐ смѧте́сѧ внꙋ́трь менє̀. ²³ Ꙗ҆́кѡ сѣ́нь, внегда̀ ᲂу҆клони́тисѧ є҆́й, ѿѧ́хсѧ: стрѧсо́хсѧ ꙗ҆́кѡ прꙋ́зи. ²⁴ Кѡлѣ́на моѧ̑ и҆знемого́ста ѿ поста̀, и҆ пло́ть моѧ̀ и҆змѣни́сѧ є҆ле́а ра́ди. ²⁵ И҆ а҆́зъ бы́хъ поноше́нїе и҆̀мъ: ви́дѣша мѧ̀, покива́ша глава́ми свои́ми. ²⁶ Помози́ ми, гдⷭ҇и бж҃е мо́й, и҆ сп҃си́ мѧ по млⷭ҇ти твое́й: ²⁷ и҆ да разꙋмѣ́ютъ, ꙗ҆́кѡ рꙋка̀ твоѧ̀ сїѧ̀, и҆ ты̀, гдⷭ҇и, сотвори́лъ є҆сѝ ю҆̀. ²⁸ Прокленꙋ́тъ ті́и, и҆ ты̀ блгⷭ҇ви́ши: востаю́щїи на мѧ̀ да постыдѧ́тсѧ, ра́бъ же тво́й возвесели́тсѧ. ²⁹ Да ѡ҆блекꙋ́тсѧ ѡ҆болга́ющїи мѧ̀ въ срамотꙋ̀ и҆ ѡ҆де́ждꙋтсѧ ꙗ҆́кѡ ѻ҆де́ждою стꙋдо́мъ свои́мъ. ³⁰ И҆сповѣ́мсѧ гдⷭ҇еви ѕѣлѡ̀ ᲂу҆сты̑ мои́ми и҆ посредѣ̀ мно́гихъ восхвалю̀ є҆го̀: ³¹ ꙗ҆́кѡ предста̀ ѡ҆деснꙋ́ю ᲂу҆бо́гагѡ, є҆́же спⷭ҇тѝ ѿ гонѧ́щихъ дꙋ́шꙋ мою̀.

В конец, псалом Давида.
¹ Боже, не безмолвствуй, когда я восхвалю Тебя! ² Ибо уста грешника, уста лукавого на меня отверзлись, оклеветали меня языком лукавым, ³ Словами ненависти опутали меня и ополчились на меня напрасно. ⁴ Вместо того, чтобы любить меня, оболгали меня, а я молился Богу; ⁵ И воздали мне злом за добро, и ненавистью за любовь мою. ⁶ Подчини врага грешнику, и диавол да станет рядом с ним! ⁷ Когда будет он судим, да выйдет осужден, и молитва его да будет ему во грех! ⁸ Да будут дни его кратки, и достоинство его да примет иной! ⁹ Да станут сыновья его сиротами, а жена его вдовою! ¹⁰ Да скитаются непрестанно сыновья его и просят подаяния, и да изгнаны будут из домов своих! ¹¹ Да взыщет взаимодавец все имущество его, и чужие да расхитят плоды трудов его! ¹² Да не будет ему заступника, и никто да не окажет милости сиротам его! ¹³ Да постигнет детей его погибель, в одном поколении да изгладится имя его! ¹⁴ Да помянет Господь беззакония отцов его, и да не простит греха матери его! ¹⁵ Да будут их грехи всегда пред Господом, и да истребится с земли память о них, ¹⁶ За то, что не захотел враг мой сотворить милость и преследовал человека бедного, убогого и сокрушенного сердцем, чтобы умертвить его. ¹⁷ И заслужил он проклятие, и падет на него; и не восхотел он благословения, и отступит от него. ¹⁸ И облечется он проклятием, словно одеждой, и проникнет оно, как вода, в утробу его и, словно елей, в кости его; ¹⁹ Да будет оно ему, словно одежда, что носит он, и как пояс, каким опоясывается! ²⁰ Такова участь тех, кто клевещет на меня пред Господом и говорит дурное о душе моей! ²¹ Но Ты, Господи, Господи, защити меня во имя Твое, по благой милости Твоей! ²² Избавь меня, ибо я беден и убог, и сердце мое содрогнулось во мне! ²³ Как тень бегущая, исчезаю; как саранчу, гонят меня. ²⁴ Колена мои ослабели от поста, и тело мое изнемогло без елея. ²⁵ И стал я посмешищем для врагов моих; глядя на меня, кивают они головами. ²⁶ Помоги мне, Господи Боже мой, и спаси меня по милости Твоей! ²⁷ И да познают они силу руки Твоей, и Ты, Господи, это сотворишь! ²⁸ Проклянут они меня, а Ты благословишь; восстающие на меня да постыдятся, раб же Твой возвеселится. ²⁹ Да облекутся позором те, кто клевещет на меня, и оденутся, словно одеждою, стыдом своим! ³⁰ Возглашу славу Господу устами моими, среди множества людей восхвалю Его; ³¹ Ибо явился Он мне убогому, спасти от гонителей душу мою.