- Псалом 103
- Блаже́н муж
- «Свете Тихий»
- «Ныне отпущаеши»
- Шестопсалмие
- «Ангельский собор…»
- «От юности моея…»
- «Воскресение Христово видевше…»
- «Воскрес Иисус от гроба…»
- Песнь Богородицы с припевом «Честнейшую…»
- Великое славословие
Псалом 103
Благослови́, душе́ моя́, Го́спода. Благослове́н еси́, Го́споди. Го́споди, Бо́же мой, возвели́чился еси́ зело́. Благослове́н еси́, Го́споди. Во испове́дание и в велеле́поту обле́клся еси́. Благослове́н еси́, Го́споди. Посреде́ гор про́йдут во́ды. Ди́вна дела́ Твоя́, Го́споди. Вся прему́дростию сотвори́л еси́. Сла́ва Ти, Го́споди, сотвори́вшему вся.
Блаже́н муж
Блаже́н муж, и́же не и́де на сове́т нечести́вых. Аллилу́иа.
Я́ко весть Госпо́дь путь пра́ведных, и путь нечести́вых поги́бнет. Аллилу́иа.
Рабо́тайте Го́сподеви со стра́хом и ра́дуйтеся Ему́ с тре́петом. Аллилу́иа.
Блаже́ни вси наде́ющиися Нань. Аллилу́иа.
Воскресни́, Го́споди, спаси́ мя, Бо́же мой. Аллилу́иа.
Госпо́дне есть спасе́ние, и на лю́дех Твои́х благослове́ние Твое́. Аллилу́иа.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же. Трижды.
«Свете Тихий»
Све́те Ти́хий святы́я сла́вы Безсме́ртнаго Отца́ Небе́снаго, Свята́го Блаже́ннаго, Иису́се Христе́!
Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га.
Досто́ин еси́ во вся времена́ пет бы́ти гла́сы преподо́бными, Сы́не Бо́жий, Живо́т дая́й, те́мже мир Тя сла́вит.
Тихий свет святой Славы Бессмертного Отца Небесного, Иисусе Христе! Достигнув времени заката, видев свет вечерний, воспеваем Отца и Сына и Святого Духа Бога. Ты, Сын Божий, дающий жизнь, достоин во все времена быть воспеваемым голосами преподобных. Потому мир Тебя прославляет.
«Ныне отпущаеши»
Ны́не отпуща́еши раба́ Твоего́, Влады́ко, по глаго́лу Твоему́ с ми́ром; я́ко ви́деста о́чи мои́ спасе́ние Твое́, е́же еси́ угото́вал пред лице́м все́х люде́й, све́т во открове́ние язы́ков, и сла́ву люде́й Твои́х Изра́иля.
Сейчас отпускаешь раба Твоего, Владыка, по слову Твоему, с миром, потому что видели очи мои спасение Твоё, которое Ты приготовил перед лицом всех народов, свет к просвещению язычников и славу народа Твоего Израиля.
Шестопсалмие
Сла́ва в вы́шних Бо́гу, и на земли́ мир, в челове́цех благоволе́ние. Трижды.
Го́споди, устне́ мои отве́рзеши, и уста́ моя́ возвестя́т хвалу́ Твою́. Дважды.
Слава в вышних Богу, и на земле мир, среди людей – благоволение. Господи! отверзи уста мои, и уста мои возвестят хвалу Твою.
Псалом 3
Го́споди, что ся умно́жиша стужа́ющии ми́? Мно́зи востаю́т на мя, мно́зи глаго́лют души́ мое́й: несть спасе́ния eму́ в Бо́зе eго́. Ты же, Го́споди, Засту́пник мой еси́, сла́ва моя́ и вознося́й главу́ мою́. Гла́сом мои́м ко Го́споду воззва́х, и услы́ша мя от горы́ святы́я Своея́. Аз усну́х, и спах, воста́х, я́ко Госпо́дь засту́пит мя. Не убою́ся от тем люде́й, о́крест напа́дающих на мя. Воскресни́, Го́споди, спаси́ мя, Бо́же мой, я́ко Ты порази́л еси́ вся вражду́ющыя ми всу́е: зу́бы гре́шников сокруши́л еси́. Госпо́дне есть спасе́ние, и на лю́дех Твои́х благослове́ние Твое́.
Аз усну́х, и спах, воста́х, я́ко Госпо́дь засту́пит мя.
Господи, почему так умножились враги мои! Многие восстают на меня. Многие скажут душе моей: «Нет спасения ему в Боге его». Но Ты, Господи – защитник, мой; слава моя. Ты возносишь главу мою. Я к Господу воззвал, и Он услышал меня, со святой горы Своей. Я заснул и спал и встал, ибо Он хранит меня. Не убоюсь, тьмы людей, отовсюду нападающих на меня. Господь, восстань, спаси меня, Боже мой! Ибо Ты поразил всех врагов моих, раздробил зубы: грешников. От Господа спасение моё, и на людях Твоих благословение Твоё.
Я уснул и спал; пробудился, ибо Господь защитит меня.
Псалом 37
Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Я́ко стре́лы Твоя́ унзо́ша во мне, и утверди́л еси́ на мне ру́ку Твою́. Несть исцеле́ния в пло́ти мое́й от лица́ гне́ва Твоего́, несть ми́ра в косте́х мои́х от лица́ грех мои́х. Я́ко беззако́ния моя́ превзыдо́ша главу́ мою́, я́ко бре́мя тя́жкое отяготе́ша на мне. Возсмерде́ша и согни́ша ра́ны моя́ от лица́ безу́мия моего́. Пострада́х и сляко́хся до конца́, весь день се́туя хожда́х. Я́ко ля́двия моя́ напо́лнишася поруга́ний, и несть исцеле́ния в пло́ти мое́й. Озло́блен бых и смири́хся до зела́, рыка́х от воздыха́ния се́рдца моего́. Го́споди, пред Тобо́ю все жела́ние мое́ и воздыха́ние мое́ от Тебе́ не утаи́ся. Се́рдце мое́ смяте́ся, оста́ви мя си́ла моя́, и свет о́чию мое́ю, и той несть со мно́ю. Дру́зи мои́ и и́скреннии мои́ пря́мо мне прибли́жишася и ста́ша, и бли́жнии мои́ отдале́че мене́ ста́ша и нужда́хуся и́щущии ду́шу мою́, и и́щущии зла́я мне глаго́лаху су́етная и льсти́вным весь день поуча́хуся. Аз же я́ко глух не слы́шах и я́ко нем не отверза́яй уст свои́х. И бых я́ко челове́к не слы́шай и не имы́й во усте́х свои́х обличе́ния. Я́ко на Тя, Го́споди, упова́х, Ты услы́шиши, Го́споди Бо́же мой. Я́ко рех: да не когда́ пора́дуют ми ся врази́ мои́: и внегда́ подвижа́тися нога́м мои́м, на мя велере́чеваша. Я́ко аз на ра́ны гото́в, и боле́знь моя́ предо мно́ю есть вы́ну. Я́ко беззако́ние мое́ аз возвещу́ и попеку́ся о гресе́ мое́м. Врази́ же мои́ живу́т и укрепи́шася па́че мене́, и умно́жишася ненави́дящии мя без пра́вды. Воздаю́щии ми зла́я возблага́я оболга́ху мя, зане́ гоня́х благосты́ню. Не оста́ви мене́, Го́споди Бо́же мой, не отступи́ от Мене́. Вонми́ в по́мощь мою́, Го́споди спасе́ния моего́.
Не оста́ви мене́, Го́споди Бо́же мой, не отступи́ от Мене́. Вонми́ в по́мощь мою́, Го́споди спасе́ния моего́.
Господи, не в ярости Твоей обличай меня и не в гневе Твоём: наказывай меня. Стрелы Твои вонзились в меня и рука Твоя тяготеет на мне. Нет целого места на теле моём от гнева Твоего, нет покоя костям моим от грехов моих. Беззакония мои свыше головы моей, как бремя тяжкое отяготели на мне. Смердят, гноятся раны мои по вине безумия моего. Я согнулся и поник до земли, весь день хожу сокрушаясь. Ибо чресла мои – сплошная язва, и нет здравого места на теле моём. Я изнемог и сокрушён в конец, кричу от боли сердца моего. Господи, пред Тобой все желания мои, и вздох мой не утаится от Тебя. Сердце моё трепещет, оставила меня сила моя, свет очей моих, – и того уже нет. Друзья мои и соседи отвернулись от язв моих, и ближние мои стоят вдали. Ищущие смерти моей ставят мне сети, а замышляющие мне зло говорят о погибели, целый день строят козни. А я, как глухой, не слышу, как немой не открываю рта. Я стал как человек, который не слышит и стоит безответный. Но на Тебя, Господи, уповаю, Ты услышишь, Господи Боже мой. Сказал я: пусть не восторжествуют враги мои; когда поскользнётся нога моя, они величаются надо мной. Я близок к падению, скорбь моя всегда со мною. Беззаконие моё я знаю и сокрушаюсь о грехе моём. Враги же мои живут и крепнут, и умножились ненавидящие меня безвинно. Воздающие мне зло за добро оклеветали меня, за то, что я ищу правды. Не оставь меня. Господи, Боже мой, не удаляйся от меня. Поспеши на помощь мне, Господь спасения моего!
Не оставь меня, Господи, Боже мой, не отступи от меня, обратись на помощь мне, Господи спасения моего!
Псалом 62
Бо́же, Бо́же мой, к Тебе́ у́тренюю, возжада́ Тебе́ душа́ моя́, коль мно́жицею Тебе́ плоть моя́, в земли́ пу́сте и непрохо́дне, и безво́дне. Та́ко во святе́м яви́хся Тебе́, ви́дети си́лу Твою́ и сла́ву Твою́. Я́ко лу́чши ми́лость Твоя́ па́че живо́т, устне́ мои́ похвали́те Тя. Та́ко благословлю́ Тя в животе́ мое́м, о и́мени Твое́м воздежу́ ру́це мои́. Я́ко от ту́ка и ма́сти да испо́лнится душа́ моя́, и устна́ма ра́дости восхва́лят Тя уста́ моя́. А́ще помина́х Тя на посте́ли мое́й, на у́тренних поуча́хся в Тя. Я́ко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́. Ти́и же всу́е иска́ша ду́шу мою́, вни́дут в преиспо́дняя земли́, предадя́тся в ру́ки ору́жия, ча́сти ли́совом бу́дут. Царь же возвесели́тся о Бо́зе, похва́лится всяк клены́йся Им, я́ко загради́шася уста́ глаго́лющих непра́ведная.
На у́тренних поуча́хся в Тя. Я́ко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́.
Сла́ва, и ны́не: Аллилу́иа, аллилу́иа, аллилу́иа, сла́ва Тебе́ Бо́же. Трижды, без поклонов.
Го́споди, поми́луй, трижды. Сла́ва, и ны́не:
Боже, Боже мой, с ранней зари ищу тебя. Тебя жаждет душа моя, по тебе томится плоть моя, в земле пустынной, непроходимой и безводной. Так я видел Тебя во святилище, видел силу Твою и славу Твою. Ибо милость Твоя слаще жизни, уста мои прославят Тебя. Так благословлю Тебя в жизни моей, во имя Твоё воздену руки мои. Словно туком и маслом наполнится душа моя, и радостными устами восхвалю имя Твоё. Я вспоминал Тебя на постели моей, и на утренней страже буду размышлять о Тебе. Ибо Ты был помощником моим и под кровом крыл Твоих возрадуюсь. К тебе прильнула душа моя, десница Твоя поддержала меня. Те же, кто тщетно искали души моей, сойдут в преисподнюю земли. Будут преданы мечу, станут добычей лисиц. Царь же возвеселится о Боге, прославится всякий клянущийся Им, ибо заградятся уста говорящих неправду.
Поу́тру размышлял о Тебе, ибо Ты стал помощником мне, и под кровом крыл Твоих я возрадуюсь. Прильнула душа моя к Тебе, меня поддержала десница Твоя.
Псалом 87
Го́споди Бо́же спасе́ния моего́, во дни воззва́х, и в нощи́ пред Тобо́ю. Да вни́дет пред Тя моли́тва моя́: приклони́ у́хо Твое́ к моле́нию моему́, я́ко испо́лнися зол душа́ моя́, и живо́т мой аду прибли́жися. Привмене́н бых с низходя́щими в ров, бых я́ко челове́к без по́мощи, в ме́ртвых свобо́дь, я́ко я́звеннии спя́щии во гро́бе, и́хже не помяну́л еси́ ктому́, и ти́и от руки́ Твоея́ отринове́ни бы́ша. Положи́ша мя в ро́ве преиспо́днем, в те́мных и се́ни сме́ртней. На мне утверди́ся я́рость Твоя́, и вся во́лны Твоя́ наве́л еси́ на мя. Уда́лил еси́ зна́емых мои́х от Мене́, положи́ша мя ме́рзость себе́: пре́дан бых и не исхожда́х. О́чи мои́ изнемого́сте от нищеты́, воззва́х к Тебе́, Го́споди, весь день, возде́х к Тебе́ ру́це мои́. Еда́ ме́ртвыми твори́ши чудеса́? Или́ вра́чеве воскреся́т, и испове́дятся Тебе́? Еда́ пове́сть кто во гро́бе ми́лость Твою́, и и́стину Твою́ в поги́бели? Еда́ позна́на бу́дут во тьме чудеса́ Твоя́, и пра́вда Твоя́ в земли́ забве́нней? И аз к Тебе́, Го́споди, воззва́х и у́тро моли́тва моя́ предвари́т Тя. Вску́ю, Го́споди, отре́еши ду́шу мою́, отвраща́еши лице́ Твое́ от Мене́? Нищ есмь аз, и в труде́х от ю́ности моея́; возне́с же ся, смири́хся, и изнемого́х. На мне преидо́ша гне́ви Твои́, устраше́ния Твоя́ возмути́ша мя, обыдо́ша мя я́ко вода́, весь день одержа́ша мя вку́пе. Уда́лил еси́ от Мене́ дру́га и и́скренняго, и зна́емых мои́х от страсте́й.
Го́споди Бо́же спасе́ния моего́, во дни воззва́х, и в нощи́ пред Тобо́ю. Да вни́дет пред Тя моли́тва моя́: приклони́ у́хо Твое́ к моле́нию моему́.
Господи Боже, спасение моё, днём и ночью взываю к Тебе. Да взойдёт пред лицо Твоё молитва моя, приклони ухо Твоё к молению моему. Ибо душа моя насытилась, горем: и жизнь моя приблизилась к аду. Я сравнялся со сходящими в гроб, как человек беспомощный, покинутый. Среди погибших от меча и брошенных в могилу, о ком Ты уже не вспоминаешь, ибо они отвержены от руки Твоей. Меня положили, во рву преисподней, во мраке и сени смертной. На меня обрушился гнев Твой и все волны Твои нахлынули на меня. Ты удалил от меня близких моих; сделал меня мерзостью для них. Я заточён и нет мне исхода. Очи мои исчахли от горя. Я взывал к Тебе, Господи, весь день, простирал к Тебе руки мои. Разве для мёртвых Ты творишь чудеса? Или тени воскреснут, чтобы славить Тебя? Разве кто поведает во гробе милость Твою и истину Твою в погибели? Разве познает кто во тьме чудеса Твои, и правду Твою в стране забвения. Но я к Тебе, Господи, воззвал, и утром молитва моя – навстречу Тебе. Зачем же, Господи, Ты отвергаешь душу мою? Скрываешь лицо Твоё от меня? Жалок я и чахну от юности моей; терплю, смиряюсь и изнемогаю. Надо мною бушует ярость Твоя, ужас Твой убивает меня. Окружают меня как вода всякий день, обступают со всех Сторон. Ты удалил от меня близких моих, друга и ближнего от страны мрака.
Господи Боже, спасение моё, днём и ночью взываю к Тебе. Да взойдёт пред лицо Твоё молитва моя, приклони ухо Твоё к молению моему.
Псалом 102
Благослови́, душе́ моя́, Го́спода, и вся вну́тренняя моя́ и́мя свя́тое Его́. Благослови́, душе́ моя́, Го́спода, и не забыва́й всех воздая́ний Его́, очища́ющаго вся беззако́ния твоя́, исцеля́ющаго вся неду́ги твоя́, избавля́ющаго от истле́ния живо́т твой, венча́ющаго тя ми́лостию и щедро́тами, исполня́ющаго во благи́х жела́ние твое́: обнови́тся я́ко о́рля ю́ность твоя́. Творя́й ми́лостыни Госпо́дь, и судьбу́ всем оби́димым. Сказа́ пути́ Своя́ Моисе́ови, сыново́м Изра́илевым хоте́ния Своя́: Щедр и Ми́лостив Госпо́дь, Долготерпели́в и Многоми́лостив. Не до конца́ прогне́вается, ниже́ во век вражду́ет, не по беззако́нием на́шым сотвори́л есть нам, ниже́ по грехо́м на́шым возда́л есть нам. Я́ко по высоте́ небе́сней от земли́, утверди́л есть Госпо́дь ми́лость Свою́ на боя́щихся Его́. Ели́ко отстоя́т восто́цы от за́пад, уда́лил есть от нас беззако́ния на́ша. Я́коже ще́дрит оте́ц сы́ны, уще́дри Госпо́дь боя́щихся Его́. Я́ко Той позна́ созда́ние на́ше, помяну́, я́ко персть есмы́. Челове́к, я́ко трава́ дни́е его́, я́ко цвет се́льный, та́ко оцвете́т, я́ко дух про́йде в нем, и не бу́дет, и не позна́ет ктому́ ме́ста своего́. Ми́лость же Госпо́дня от ве́ка и до ве́ка на боя́щихся Его́, и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́. Госпо́дь на Небеси́ угото́ва Престо́л Свой, и Ца́рство Его́ все́ми облада́ет. Благослови́те Го́спода вси А́нгели Его́, си́льнии кре́постию, творя́щии сло́во Его́, услы́шати глас слове́с Его́. Благослови́те Го́спода вся Си́лы Его́, слуги́ Его́, творя́щии во́лю Его́. Благослови́те Го́спода вся дела́ Его́, на вся́ком ме́сте влады́чества Его́, благослови́, душе́ моя́, Го́спода.
На вся́ком ме́сте влады́чества Его́, благослови́, душе́ моя́, Го́спода.
Благослови, душа моя, Господа и всё существо моё имя святое Его. Благослови, душа моя, Господа и не забывай благодеяний Его. Очищающего все беззакония твои, исцеляющего все недуги твои. Избавляющего от тления жизнь твою, венчающего тебя милостью и щедротами. Насыщающего желания твои. Обновится, как орёл, юность твоя. Творит правду Господь и суд всем обиженным. Открыл, пути Свои Моисею, сынам Израилевым дела Свои. Щедр и милостив Господь, долготерпелив и многомилостив. Не до конца гневается, не вечно негодует. Не по беззакониям нашим сотворил нам, и не по грехам нашим воздал нам. Как высоко небо над землёю, так велика милость Его к боящимся Его, Как далёк Восток от Запада, так удалил Он от нас беззаконие наше. Как отец жалеет сыновей, так жалеет Господь боящихся Его. Ибо он знает природу нашу, помнит, что мы прах. Человек – как трава дни его; как цветок полевой, отцветает. Подует на него ветер, и нет его. И места его не узнать. Милость же Господня от века и до века к боящимся Его. И правда Его на сынах сынов, хранящих завет Его, и соблюдающих заповеди Его. Господь на небесах поставил престол Свой и Царству Его всё подвластно. Благословите Господа все ангелы Его, сильные крепостью, творящие волю Его, внимая гласу слова Его. Благословите Господа все воинства Его, служители Его, творящие волю Его. Благословите Господа все создания Его, на всяком месте владычества Его. Благослови, душа моя, Господа.
На всяком месте владычества Его. Благословляй, душа моя, Господа!
Псалом 142
Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от Мене́, и уподо́блюся низходя́щым в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.
Услы́ши мя, Го́споди, в пра́вде Твое́й и не вни́ди в суд с рабо́м Твои́м.
Услы́ши мя, Го́споди, в пра́вде Твое́й и не вни́ди в суд с рабо́м Твои́м.
Дух Твой Благи́й наста́вит мя на зе́млю пра́ву.
Сла́ва, и ны́не: Аллилу́иа, аллилу́иа, аллилу́иа, сла́ва Тебе́ Бо́же. Трижды.
Господи, услышь молитву мою, внемли молению моему по истине Твоей, услышь меня во правде Твоей. И не судись с рабом Твоим, ибо не оправдается пред Тобой никто из живых. Враг преследует душу мою; в землю: втоптал жизнь мою; заставил меня жить во мраке как мертвеца. И уныл во мне дух мой, во мне смутилось сердце моё. Вспоминаю дни древние, рассуждаю о всех делах Твоих, помышляю о делах рук Твоих. Простираю к Тебе руки мои; душа моя как жаждущая земля перед Тобой. Скоро услышь меня, Господи, дух мой изнемогает. Не отвращай лица Твоего от меня, да не уподоблюсь сходящим в гроб. Дай мне услышать на рассвете милость Твою, ибо на Тебя уповаю. Укажи мне, Господи, путь, каким идти, ибо к Тебе стремится душа моя. Избавь меня от врагов моих, Господи, к Тебе прибегаю. Научи меня исполнять волю Твою, ибо Ты Бог мой; дух Твой благий да введёт меня в землю правды. Имени Твоего ради, Господи, оживи меня правдой Твоею. Изведи от печали душу мою. И по милости Твоей истреби врагов моих и погуби всех угнетающих душу мою. Ибо я Твой раб.
«Ангельский собор…»
Благослове́н еси́ Го́споди, научи́ мя оправда́нием Твои́м.
А́нгельский собо́р удиви́ся, зря́ Тебе́ в ме́ртвых вмени́вшася, сме́ртную же Спа́се, кре́пость разори́вша, и с Собо́ю Ада́ма воздви́гша, и от а́да вся́ свобо́ждша.
Благослове́н еси́ Го́споди, научи́ мя оправда́нием Твои́м.
Почто́ ми́ра с ми́лостивными слеза́ми, о учени́цы, растворя́ете? Блиста́яйся во гро́бе А́нгел, мироно́сицам веща́ше: ви́дите вы́ гро́б, и уразуме́йте, Спа́с бо воскре́се от гро́ба.
Благослове́н еси́ Го́споди, научи́ мя оправда́нием Твои́м.
Зело́ ра́но мироно́сицы теча́ху ко гро́бу Твоему́ рыда́ющия, но предста́ к ни́м А́нгел, и рече́: рыда́ния вре́мя преста́, не пла́чите, воскресе́ние же апо́столом рцы́те.
Благослове́н еси́ Го́споди, научи́ мя оправда́нием Твои́м.
Мироно́сицы жены́, с ми́ры прише́дшия ко гро́бу Твоему́, Спа́се, рыда́ху, А́нгел же к ни́м рече́, глаго́ля: что́ с ме́ртвыми жива́го помышля́ете? Яко Бо́г бо воскре́се от гро́ба.
Сла́ва: Поклони́мся Отцу́, и Его́ Сы́нови, и Свято́му Ду́ху, Святе́й Тро́ице во еди́ном существе́, с Серафи́мы зову́ще: Свя́т, Свя́т, Свя́т еси́ Го́споди.
И ны́не: Жизнода́вца ро́ждши, греха́, Де́во, Ада́ма изба́вила еси́, ра́дость же Е́ве в печа́ли ме́сто подала́ еси́: па́дшия же от жи́зни, к се́й напра́ви, из Тебе́ воплоти́выйся Бо́г и Челове́к.
Аллилу́иа, Аллилу́иа, Аллилу́иа, сла́ва Тебе́, Бо́же. Три́жды.
Благословен Ты, Господи, научи меня повелениям Твоим.
Сонм Ангелов изумился, увидя Тебя причисленного к мертвым, – (Тебя), Спаситель, уничтожившего силу смерти и воскресившего Адама с Собою и освободившего всех из ада.
Что вы миро слезами сострадания, о ученицы, разбавляете?” – Ангел, блистающий в гробнице, к мироносицам взывал, – “осмотрите вы гробницу и познайте, что воскрес Спаситель из гроба!
Рано утром поспешили мироносицы ко гробу Твоему с рыданиями. Но предстал пред ними Ангел и возгласил: “Кончилось время рыдания, не плачьте но о воскресении Апостолам возвестите”.
Жены-мироносицы, с миром пришедшие ко гробу Твоему, Спаситель, рыдали, тогда как Ангел им возглашал: “Что вы к мертвым Живого причисляете? Ведь как Бог воскрес Он из гроба”.
Поклонимся Отцу, и Его Сыну, и Святому Духу, святой Троице во едином существе, с Серафимами взывая: “Свят, Свят, Свят Ты, Господи”.
Жизни Подателя родив, Ты, Дева, от греха Адама избавила, Еве же радость вместо скорби подала; от жизни отпавшего к ней же направил из Тебя воплотившийся Бог и Человек.
«От юности моея…»
От ю́ности моея́ мно́зи бо́рют мя стра́сти, но Сам мя заступи́, и спаси́, Спа́се мой.
Ненави́дящии Сио́на, посрами́теся от Го́спода, я́ко трава́ бо огне́м бу́дете изсо́хше.
Сла́ва: Святы́м Ду́хом вся́ка душа́ живи́тся, и чистото́ю возвыша́ется, светле́ется Тро́ическим Еди́нством священнота́йне.
И ны́не: Святы́м Ду́хом вся́ка душа́ живи́тся…
С юности моей многие страсти поборают (одолевают) меня; но Ты Сам защити и спаси меня, Спаситель мой (Пс. 128:1–2).
Устыдитесь Господа, ненавидящие Сион (т. е. враги церкви Христовой); ибо вы как трава, от огня иссохнете (Пс. 128:5).
Святым Духом всякая душа оживляется, чистотой возвышается (при Его благодати делается чистою) и священно-таинственно просвещается Троицею-Единицею.
«Воскресение Христово видевше…»
Воскресе́ние Христо́во ви́девше, поклони́мся Свято́му Го́споду Иису́су, еди́ному безгре́шному. Кресту́ Твоему́ покланя́емся, Христе́, и свято́е Воскресе́ние Твое́ пое́м и сла́вим: Ты бо еси́ Бог наш, ра́зве Тебе́ ино́го не зна́ем, и́мя Твое́ имену́ем. Прииди́те вси ве́рнии, поклони́мся Свято́му Христо́ву Воскресе́нию: се бо прии́де Кресто́м ра́дость всему́ ми́ру, всегда́ благословя́ще Го́спода, пое́м Воскресе́ние Его́: распя́тие бо претерпе́в, сме́ртию смерть разруши́.
Сла́ва: Моли́твами Апо́столов, Ми́лостиве, очи́сти мно́жества согреше́ний на́ших.
И ны́не: Моли́твами Богоро́дицы, Ми́лостиве, очи́сти мно́жества согреше́ний на́ших.
Поми́луй мя́, Бо́же, по вели́цей ми́лости Твое́й и по мно́жеству щедро́т Твои́х очи́сти беззако́ние мое́.
Увидевши Христово воскресение, будем покланяться Святому Господу Иисусу, единому безгрешному, Христе! Мы покланяемся Твоему Кресту, воспеваем и прославляем святое Твое воскресение; ибо Ты – Бог наш, кроме Тебя другого мы не знаем и имя Твое призываем. Приидите, все верующие (христиане), поклонимся святому Христову Воскресению, ибо чрез крест (Его) настала радость для всего мира. Восхваляя всегда Господа, будем воспевать воскресение Его, ибо, претерпевши крестные страдания, смертью (Своею) Он уничтожил смерть (для людей).
Милостивый (Господи)! за молитвы Апостолов прости нам множество грехов.
Милостивый (Господи)! за молитвы Богородицы прости нам множество наших грехов.
Помилуй меня, Боже, по великой милости Твоей и по великому благоутробию Твоему изгладь преступления мои.
«Воскрес Иисус от гроба…»
Воскре́с Иису́с от гро́ба, я́коже прорече́, даде́ нам живо́т ве́чный и ве́лию ми́лость.
Иисус, воскресши из гроба, как предсказал, даровал нам (Своим воскресением) жизнь вечную и великую милость.
Песнь Богородицы с припевом «Честнейшую…»
Вели́чит душа́ Моя́ Го́спода и возра́довася ду́х Мо́й о Бо́зе Спа́се Мое́м.
Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя́ велича́ем.
Я́ко призре́ на смире́ние рабы́ Своея́, се́ бо, от ны́не ублажа́т Мя́ вси́ ро́ди. Честне́йшую Херуви́м…
Я́ко сотвори́ Мне́ вели́чие Си́льный, и свя́то и́мя Его́, и ми́лость Его́ в ро́ды родо́в боя́щымся Его́. Честне́йшую Херуви́м…
Сотвори́ держа́ву мы́шцею Свое́ю, расточи́ го́рдыя мы́слию се́рдца и́х. Честне́йшую Херуви́м…
Низложи́ си́льныя со престо́л, и вознесе́ смире́нныя, а́лчущия испо́лни бла́г, и богатя́щыяся отпусти́ тщи́. Честне́йшую Херуви́м…
Восприя́т Изра́иля о́трока Своего́, помяну́ти ми́лости, я́коже глаго́ла ко отце́м на́шим, Авраа́му и се́мени его́ да́же до ве́ка. Честне́йшую Херуви́м…
Величит душа Моя Господа, и возрадовался дух Мой о Боге, Спасителе Моем.
Мы величаем Тебя, честнейшую Херувимов и славнейшую без сравнения Серафимов, без изменения родившую Бога-Слова, истинную Богородицу.
Что призрел Он на смирение рабы Своей; ибо отныне будут ублажать Меня все роды.
Что сотворил Мне величие Сильный, и свято имя Его; и милость Его в роды родов к боящимся Его.
Явил силу мышцы Своей; рассеял надменных помышлениями сердца их.
Низложил сильных с престолов, и вознес смиренных; алчущих исполнил благ и богатящихся отпустил ни с чем.
Воспринял Израиля, отрока Своего, воспомянув милости, как говорил, отцам нашим к Аврааму и семени его до века (Лк. 2:46–55).
Великое славословие
Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ра́ди сла́вы Твоея́.
Го́споди Царю́ Небе́сный, Бо́же Отче Вседержи́телю, Го́споди, Сы́не Единоро́дный, Иису́се Христе́, и Святы́й Ду́ше. Го́споди Бо́же, Агнче Бо́жий, Сы́не Оте́чь, взе́мляй грех ми́ра, поми́луй нас; взе́мляй грехи́ ми́ра, приими́ моли́тву на́шу. Седя́й одесну́ю Отца́, поми́луй нас. Яко Ты еси́ еди́н Свят, Ты еси́ еди́н Госпо́дь, Иису́с Христо́с, в сла́ву Бо́га Отца́, ами́нь.
На всяк день благословлю́ Тя и восхвалю́ и́мя Твое́ во ве́ки и в век ве́ка.
Сподо́би, Го́споди, в день (или вечер) сей без греха́ сохрани́тися нам.
Благослове́н еси́, Го́споди Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.
Бу́ди, Го́споди, ми́лость Твоя́ на нас, я́коже упова́хом на Тя.
Благослове́н еси́, Го́споди, научи́ мя оправда́нием Твои́м. (Трижды).
Го́споди, Прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой; яко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.
Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Святы́й Бо́же, Святы́й Кре́пкий, Святы́й Безсме́ртный, поми́луй нас.
Слава в вышних Богу, и на земле мир, среди людей – благоволение. Восхваляем Тебя, благословляем Тебя, поклоняемся Тебе, славословим Тебя, благодарим Тебя ради великой славы Твоей.
Господи, Царь Небесный, Боже Отче Вседержитель, Господи, Сын Единородный Иисусе Христе, и Дух Святой! Господи Боже, Агнец Божий, Сын Отчий, подъемлющий грех мира, помилуй нас. Подъемлющий грехи мира, прими молитву нашу, Сидящий справа от Отца, помилуй нас. Ибо Ты – один Свят, Ты один – Господь, Иисус Христос, во славу Бога Отца. Аминь.
На всякий день благословлю Тебя и восхвалю имя Твоё вовеки и в век века. Сподоби, Господи, в день сей без греха сохраниться нам.
Благословен Ты, Господи, Боже отцов наших, и хвально и прославлено имя Твоё вовеки. Аминь.
Да будет, Господи, милость Твоя на нас, как мы уповаем на Тебя. Благословен Ты, Господи, научи меня повелениям Твоим.
Господи, Ты стал для нас прибежищем от рода в род. Я сказал: Господи, помилуй меня, исцели душу мою, ибо я согрешил пред Тобой.
Господи, к Тебе я прибег, научи меня творить волю Твою, ибо Ты – Бог мой. Ибо у Тебя источник жизни, во свете Твоём мы увидим свет. Простри милость Твою к знающим Тебя.
Святой Боже, Святой Крепкий, Святой Бессмертный, помилуй нас.
Слава Отцу, и Сыну, и Святому Духу, и ныне, и всегда, и во веки веков. Аминь.
Святой Боже, Святой Крепкий, Святой Бессмертный, помилуй нас.
1 Если молитвенное правило исполняется днём, то вместо вечер ставится слово день.