Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере услы́ши ны, недосто́йныя рабы́ Твоя́, со упова́нием к Тебе́ приходя́щия (или: мя, недосто́йнаго раба́ Твоего́, со упова́нием к Тебе́ приходя́щаго; или: мя, недосто́йную рабу́ Твою́, со упова́нием к Тебе́ приходя́щую). Спаси́, Го́споди, и поми́луй де́ти на́ша (или: ча́до на́ше) имярек, и́хже жи́зни суть (или: его́же жизнь есть) в ми́лостивой вла́сти Твое́й. Прости́ им (или: ему́) вся согреше́ния во́льная и нево́льная, наста́ви их (или: его́) ходи́ти путе́м и́стины Твоея́ и просвети́ их (или: его́) све́том за́поведей Твои́х. Благослови́, Го́споди, слу́жбу их (или: его́) воинскую, на су́ше, возду́се, в мо́ри и на вся́ком ме́сте влады́чества Твоего́. Вложи́ в се́рдце их (или: его) хра́брость и всеце́лое упова́ние на волю Твою́. Укрепи́ их (или: его́) душе́вныя и теле́сныя си́лы ко исполне́нию служе́ния, любве́ к бли́жним ра́ди несо́маго. Огради́ их (или: его́) си́лою Честно́го и Животворя́щаго Креста́ Твоего́ от вся́каго ору́жия смертоно́сна и ме́ста губи́тельна, даждь им (или: ему́) избегнути плене́ния вра́жия и от бли́жних преда́тельства. Здра́вы и благополучны (или: здра́ва и благополу́чна) возврати́ их (или: его́) в дом о́тчий да ми́рное и безгре́шное житие́ соверша́т (или: соверши́т) во сла́ву Твою́ и Ца́рствие Твое́ Небе́сное насле́дят (или: насле́дит). Ами́нь.*
* Православный молитвослов с приложением молитв Пресвятой Богородице и святым угодникам Божиим. — М.: Изд-во Московской Патриархии Русской Православной Церкви, 2018. — 816 с.