Иван Грозный
Грозный Иван IV Васильевич (1530–1584) – великий князь Московский – с 1533, русский царь – с 1547. «О произведениях Грозного, – отмечал академик Д.С.Лихачев, – писать нелегко. Это во всех отношениях крайне своеобразный автор. Надо преодолеть немало трудностей, чтобы определить даже то, что принадлежит Грозному, и надо испытать не меньше затруднений, чтобы раскрыть особенности его творчества. Но зато дойдя до существа его писательской натуры, мы открываем необыкновенно интересную творческую личность – личность в своем роде единственную и ни на кого не похожую, экспрессивную и все-таки загадочную, как бы выступающую из теней и полутеней, подобно лицам стариков на картинах Рембрандта».
Одно из таких его загадочных лиц Ивана Грозного выступило в 1886 году, когда архимандрит Леонид опубликовал древнюю рукопись «Стихиры, положенные на крюковые ноты. Творение царя Иоанна, деспота российского» и привел надпись об освящении собора в 1564 году в Переяславле Залесском, гласившую, что «…всенощное бдение слушал и первую статью сам царь чел и божественную литургию слушал, и красным пением с своею станицею, сам же государь пел на заутрени и на литургии». В 1911 году известный исследователь А.И.Шляпкин обратил внимание на тождественность одного из посланий Ивана Грозного с текстами, известными под именем Парфения Уродливого, впервые высказав гипотезу, что Парфений Уродливый (Юродивый) – это псевдоним Ивана Грозного. В 1972 году Дмитрий Лихачев опубликовал молитвы Парфения Уродливого, приведя доказательства их принадлежности Ивану Грозному. Современные исследователи продолжили поиск, и к настоящему времени выявлено пять молитв, связанных с именем «Ивана Богомудрого Царя, Самодерждца Российского». Все они вошли в одиннадцатый том «Библиотеки литературы Древней Руси» (С Пб., 2002). В комментариях к этому изданию Е.Л.Алексеевой и Т.Р.Руди отмечается: «Стихотворное наследие Древней Руси представлено почти исключительно в жанрах церковной гимнографии. Главными стихотворными приемами являлись ритм (но без организации текста в стопы), синтаксическая инверсия и повторы. Поскольку тексты исполнялись на определенные мелодии, было необходимо сохранение заданного количества слогов; иногда это достигалось прибавлением гласных в тех местах, где они когда-то были в эпоху до падения редуцированных гласных (тогда краткие гласные обозначались буквами ер и ерь), или введением искусственных гласных. Из публикуемых текстов это явление, называемое в музыковедении «хомонией», особенно ярко представлено в «Стихирах митрополиту Петру».
Для данной антологии древнерусские тексты этих молитв подготовлены к изданию Юрием Кабанковым.
Канон ангелу грозному Парфения Уродливого
Канун ангелу грозному, и воеводе, и хранителю всех человек, от Вседержителя Бога посланному по вся души человеческая.
Ты же, человече, не забывай часа смертного: пой по вся дни канун сей. Творения Уродиваго Парфения
По утреннем пении глаголи: «Молитвами святых отец наших, Господи Исусе Христе, Сыне Божий, помилуй нас. Аминь», «Царю Небесный», «Трисвятое» и по «Отче наш» – «Господи, помилуй» 12 [раз], «Слава», «Иныне», «Приидете, поклонимся» – трижды; после сего Псалом 50-й: «Помилуй мя, Боже», засим канун глас шестый, песнь первая, ирмос «Яко посуху».
Запев: «Святый ангеле, грозный воевода, моли Бога о нас».
Прежде страшнаго и грознаго твоего, ангеле, пришествия умоли о мне, грешнем, о рабе твоем (имярек). Возвести ми конец мой, да покаюся дел своих злых, да отрину от себе бремя греховное. Далече ми с тобою путешествати, страшный и грозный ангеле, не устраши мене, маломощнаго. Дай ми, ангеле, смиренное свое пришествие и красное хождение, и велми ся тебе возрадую. Напои мя, ангеле, чашею спасения!
«Слава [Отцу, и Сыну, и Святому Духу]»
Святый ангеле, да мя напоиши чашею спасения и весело теку вослед твоему хождению и молюся: не остави мене сира.
«И ныне [и присно, и во веки веков]»
Рождешия ти царя вышним силам, Пресвятая Царица, ты бо еси милостива, можеши бо облехчити мое бремя греховное, тяшкое.
Песнь третья, ирмос – «Несте свята, якоже ты, Господи Боже»
Святый ангеле Христов, грозный воевода, помилуй мя, грешнаго раба своего (имярек), Егда придает время твоего прихода, святый ангеле, по мене, грешнаго (имярек), разлучити мою душу от убогаго ми телеси, – и вниди с тихостию, да с радостию усрящу тя честно. Молю ти ся, святый ангеле, яви ми свой светлый зрак и весело возри на мя, окаяннаго, да не устрашит мене приход твой святый, да уготоваюся на сретение тебе честно.
«Слава»
Святый ангеле, посланниче Божий, дажь ми, ангеле, час покаятися согрешении и отринута от себе бремя тяшкое. Далече ми тещи вослед тебе.
«И ныне»
Святый ангеле, не имам иного разве тебе заступника скора. Помилуй грешнаго раба своего (имярек), и приведи душу мою ко Владычицы, та бо есть милостива отпущати грешным согрешения.
Песнь четвертая, ирмос – «Христос мне»
Молю ти ся, страшный и грозный посланниче вышняго Царя, воевода, – весело возриши на мя, окаяннаго, да не ужаснуся твоего зрака и весело с тобою путешествую. Плачася и вопию, воевода Небесного Царя: грозно возхождение твое, да не вскоре разтлише мене, грешнаго, но весело и тихо напои мене смертною чашею.
«Слава»
От сердца вопию ти, грозный воевода и воине Царя царствующим: несть сильнее тебя и крепчайши во брани, и умиленна в смерти, и пряма во исправлении. Исправи душу мою на путь вечен.
«Иныне»
Госпоже Богородице, Дево , рожшия Царя Небеснаго, смертоноснаго часа не минухся, избави душу раба своего (имярек), от сети ловящих.
Песнь пятая, ирмос – «Божиим»
О сродници мои, егда видите мене, от вас разлученна, и зрак лица моего изменихся, и гробу предаюся, и ко Судии влеком буду, и молитеся о мне святому ангелу, да ведет душу мою в место покойно. О друзи мои любезнии, егда видите мене, от вас разлученна и земли предаема, помолитеся о мне, грешнем, ко святому ангелу, да проводит душу мою вся двадесят мытарств, да изымет от всех погибелей.
«Слава»
Людие Божии благочестнии и вся племена земстии, егда видите смертоносное тело, на земли повержено и вонею объяся, помолитеся ко ангелу смертоносному о мне, да ведет душу мою в тихое пристанище невлаемо.
«И ныне»
Пресвятая Дево Богородице, Владычице, ты веси немощь земных человек: вскоре разоряетца естество плоти нашей, – ты, Госпоже, буди нам заступница.
Песнь шестая, ирмос – «Житейского»
От Бога посланнаго и страшнаго воина царям, и князьям, и архиереям, и всем людям великое изменение от суетнаго века сего, в напастех пребывающих и в скорбех тружающих сущи верных.
«Слава» 2
Святый ангеле, от всех нас, на земли живущих, дань свою приимеши, от Бога повеленную ти, егда приидеши и приимеши душу мою, и неси ю в сокровище света.
«Слава» 1
Святый ангеле, грозный посланниче, и мене избави от суетнаго жилища сего.
«И ныне»
О Царице Владычице, сирым питательница и обидимым помощница, больным надеяние и всем грешным очищение, и мне, грешному (имярек), буди ми помощница и помилуй мя.
Кондак. Глас пятый
Небеснаго Царя воевода и предстатель престолу Божию и сотворитель воли Господни и совершитель заповедей его, не лишиши ся славы велелепныя и прославишися, скоро пленявши и не замедлиши николиже. Всюду готов стоиши и храбруеши, и зла не убоишися, ни стара отринеши, ни млада отступиши. Вся имеши и ведеши в место покойно. И мене помилуй, грешнаго и окаяннаго (имярек), да поем ти аллилуйя.
Песнь седьмая, ирмос – «Хладодавиц»
Великий, мудрый хитрец, никтоже (не) может твоея хитрости разумети, дабы скрылся от твоея нещадости. Святый ангеле, умилися о мне, грешнем и окаяннем. Мудрый ангеле и светлый, просвети ми мрачную мою душу своим светлым пришествием, да во свете теку вослед тебе.
«Слава»
Святый ангеле, радуюся душею и трепещу рукою и показуя людем час разлучения души моей грешней от убогаго ми телеси. Святый анегеле, помолися о мне, грешнем.
«И ныне»
Пресвятая Богородице, Владычице, помилуй грешнаго в час разлучения. Святый ангеле, страшный посланниче, изъми душу мою от сети ловящих.
Песнь восьмая, ирмос – «Из пламени»
Царю Небесному и нетленному слава непроходимая, сотворшему чины ангельския, такова страшна и грозна смертоносна ангела. Хвалите, пойте и превозносите его вовеки. Царя Небеснаго слуга и предстатель престолу Божию, святый ангеле, смерть принося нам, измени нас добротою здания твоего и приведи нас к свету светлейшему Судии. Хвалите, пойте и превозносите его вовеки.
«Слава»
Царю Небесному, Богу нашему угождаеши, славы не отпадаеши, и заповеди его не преступавши, и волю его твориши, и в любви пребывавши. Ангела тя свята хвалим, поем и превозносим его вовеки.
«И ныне»
Царице, Владычице, и вышним силам и земным рождшия Бога и Господа, Спасителя от находящих ны бед, молися Богу, да помилует ны в день судный. Господа пойте и превозносите его вовеки.
Песнь девятая, ирмос – «Бога человекам»
Осквернивше душу злыми похотми и теплыми слезами не омывше и милостынею не очистивше, страшнаго ангела посланника не поминающе, мы же тя, ангеле, по достоянию величаем. Бога нам поведавши, святый ангеле, и душу мою окаянную из тела изъимаеши, и плоть разтлиши и гробу предавши, молим ти ся, святый ангеле, изъми душу мою от сети ловящ их. Тя величаем.
«Слава»
От Бога посланному, всех ангел пристращен еси, святый ангеле, не устраши мою душу убогую, наполнену злосмрадия, и очисти, и престави ю престолу Божию непорочну. Тя величаем.
«И ныне»
О Божия Мати Пречистая, вся спасаеши и милуеши, такожде помилуй мене, грешнаго и злосмраднаго, в час разлучения. И в муку посланному, тогда же ми помози, от огня изхити мя и от муки избави мя. Тя величаем.
Тоже «Достойно есть», яко и «Тресвятае», и по «Отче наш» – трапарь, глас пятый
Небесных сил избраннаго воеводу, от Бога посланнаго мудраго оружника и грознаго полченина и победителя вражиим силам, святого ангела, поюще, хвалим. Смертию нас назирает, и от суеты мира избавляет, и на суд праведны ко Христу представляет, и от вечных мук избавляет.
«Слава», «И ныне», Богородичен
Упование наше, Богородице, крепкая помощнице скорбящим, и от смерти изъимаеши и от муки избавляеши, комуждо по достоянию благодать даеши.
Тоже и отпуст: «Честнейшу херувим», «Слава», «И ныне», «Господи, помилуй» – дважды, «Господи, благослови»
Конец всем благим. Слава свершителю Богу.
Аминь.
Молитва к Господу нашему Иисусу Христу, ко святому Архангелу Михаилу
Господи Иисусе Христе Сыне Божий, великий царю, безначальный и невидимый и несозданный, седяй на престоле со Отцем и со Святым Духом, приемля славу от небесных сил, посли архангела своего Михаила на помощь рабу своему (имярек) изъяти мя из руки враг моих. О великий Михаиле Архангеле, демоном прогонителю! Господи Исусе Христе, излей миро, яко благ и человеколюбец, на раба твоего (имярек) и запрети всем врагом, борющимся со мною, сотвори их яко овец и сокруши их яко прах пред лицем ветру. О великий Михаиле Архангеле, шестокрилатых (серафимов) первый князь и воевода небесных сил, херувим и серафим и всех ангел! О чудный архистратиже страшный, Михаиле Архангеле, хранителю неизреченных тайн, егда услышиши глас раба Божия (имярек), призывающаго тя на помощь, Михаиле Архангеле, услыши и ускори на помощь мою и прожени от Мене вся противныя не чистыя духи силою Святаго твоего Духа, молитвами святых апостол и святых пророк, святых святитель и святых мученик, и святых пустынник, святых безмездник и святых столпник, святых мучениц и всех святых праведник, угодивших от века Христу, – молитвами их соблюди раба Божия в бедах и в скорбех и в печалех, на распутиях, на реках и в пустынях, в ратех в царех и в князех, в вельможах, и в людех, и во всякой власти. И от всякоя притчи, и от диявола, Господи Исусе Христе, избави и, великий Михаиле Архангеле, соблюди раба Божия (имярек) от очию злых человек и от напрасныя смерти, и от всякого зла, молитвами пресвятыя Владычицы нашея Богородицы и Приснодевы Мария и святаго пророка и предотечи, крестителя Господня Иоанна, и святаго пророка Илии, и святаго отца нашего Николы Чудотворца, и святых мученик Никиты и Еупатия и всех святых твоих молитвами, ныне и присно и во веки веков.
Аминь.
Стихиры сретению Владимирской иконы Божией Матери
Иуния (июня) 23 дня. В той же день празднуем сретение Пречистой Владимирской.
На «Господи воззвах» стихиры, глас четвертый <…>
Ины стихиры, глас первый. Подобен: «О дивное чудо».
Творение царево
О, великое милосердие грешнымо еси, Богородице Пречистая, скорая помоще, спасение и заступление! Веселися, преименитый град Москва, приемля чудотворную икону Владычица. Воспоимо, вверении со архиереи и со князи: «Обрадованная, радуйся, с Тобою Господе, подаяй намо Тобою велию милость». Дивно твое милосердие, Владычице: егда бо християне припадоша Ти избавитися пагубнаго заколения, тогда невидимо Сыну си молящеся, честеным же си образом люди спасающее. Християне, возрадуитеся, поюще: «Обрадованная, радуйся». Твое славяте заступление архиереи и священицы, царие и князи, иноки же и причетницы, и весенародное множество, со женами и младенцы. О святей иконе Твоей хвалящееся, припадаюте велможи с воинествы рускими, зовущее: «Обрадованная, радуйся».
«Слава», «Иныне». Глас шестый
Вострубите трубою песней во благонарочитеме дни празденика нашего. И тьмы разрушение и свету пришествие паче солнеца восиявошу; се бо весех Царица и Владычица и Богородица, Мати Твореца весех, Христа Бога нашего, услышавоше моление недостойных рабов своих, на милосердие прекланяетеся, и милостивено невидимо руце простирающе к Сыну си и Богу нашему, молитву о всей Руси предолагающи и согрешением свобожение даровати молящися, и праведеное Его прещение возвратити. О, великое милосердие, Владычица, о, великое щедрото, милости Царица, о, великое заступление, Богородца, како убо, молящи Сына Своего и Бога нашего пришествиеме честенаго образа, преславено и выше слова градо и веся люди ото напасти и смерти избавляющи. Царие и князи да сотекутеся, святители и священицы да возвеселятеся, и весяко возрасто вереных моножество совокупленное весех Царицы, Царя рожешей, да воспоем благодарественная, в радости глаголюще: «Радуйся, Божие жилище и граде одушевленный Царя Христа Бога нашего; радуйся, християном излияние милости и щедрото и промышления; радуйся, к Тебе прибегающим пристанище и заступление, и избавление и спасение наше».
На литии. «Слава», «Иныне». Глас шестый
Яко венцеме пресветлыме, Пречистая Богородице, образом Твоим святыме градо Москва украсися и светится.
Весь до конца писан Покрову.
Тропарь и кондак на перенесение мощей Михаила Черниговского
На пренесение мощей тропарь великому князю Михаилу Черниговскому. Творение Ивана, Богомудраго царя, самодержца Росийскаго
Глас 8
Троичнаго Божества осиянием просветився, пресветле и всеблаженне великий княже Михаиле, с доблим и всемудрым болярином ти Феодором, ярости нечестиваго царя не убоявшеся исповедания ради Святыя Троицы, самозваннии к подвигом устремистеся и видимому сему солнцу не поклонистеся паче праведнаго солнца Христа, кусту же, и огню, и идолом не поклонистеся, но поплевасте. Кровии своих струями обагрившеся, востекосте радостно ко Господу господем и Царю царем – Господу нашему Исусу Христу, в Троице славимому, от Него победныя венцы приясте и своими кровии страдании тогда всю Русскую землю от нечестия свободисте, – тако и ныне своим пришествием нас свыше назирайте, предстояще у престола Владыки Христа, моляше Святую Троицу избавитися нам от ходящих ны зол: душевных согрешений, и телесных недугов, и варварскаго нахождения, и междуусобныя брани, и всяких скорбей, душевных и телесных, и мятежей. Молим вы, святии, яко да вашими святыми молитвами подаст нам вся благая Христос человеколюбец, во святых своих прославляемый.
Кондак. Глас 5
Солнца мысленаго, праведнаго Христа, озарився сиянием пребогате, Михаиле, видимому солнцу не поклонился еси, и твари паче Творца не послужил еси, и нечестия обуздал еси, ярости царя не убоявся и кровии своих обагрении Христови предстал еси, радуйся. И ныне в пренесении мощей твоих нас свыше назирай и Христа, Бога нашего, молити тебе, о нас молимся, яко спастися нам и державы царствия непоколебимо, отечество ваше соблюсти о всех противных иноплеменных, и междуусобных ратей, и мятежа, и оскудения, и праведнаго Господня гнева и прещения, возвратите и сохраните Господу Богу наш ему Исусу Христу во всем молитвами твоими, – святителя же, и царя, и вся люди по велицей Его милости.
Стихиры Митрополиту Петру
Декемвриа (декабря) 21 дня.
В той же день преставление Петра митрополита Московскаго и всея России чудотворца на «Господи воззвах» стихиры, глас второй. Подобен: «киими похвальными венцы» ины стихиры, глас той же. Творение царя Иоанна, деспота Росийскаго
Кыми похвалеными венецы увяземо святителя, иже плотью в Руси суща и духовно всем достизающа, иже чисте того любяще, вернымо предстателя и заступника, иже всемо скорбнымо утешителя, благочестия реку, землю Рускую веселющу течении, Петра, теплаго предстателя нашего и хранителя? Кыми пророческими пении венчаемо святителя, нечестию спротивобореца и благочестию правителя, освященнаго ото пелен, столпа церкви неподвижимаго, иже веся злобеныя посрамляюща, потребителя Сеитова, реку многих чудес, землю Рускую веселящу течении, Петра, теплаго предстателя нашего и хранителя? Кыми духовеными пении воспоимо святителя, иже дальняя суща провидяща и отстоящая яко близо суща пророчествующа неложено, иже явлениеме Пречистыя первосвятителю явлешуся дивнаго в чудесех исцеления весемо подавающа, реку, землю Рускую веселящу течении, – Петра, теплаго предстателя нашего и хранителя?
«Слава». Глас первый
Божественаго совыше явления светелостию умоме своиме просветивося, Петре, твердый умоме, законы избеже естественыя, яко же сень благодатию же истиненою, весемудре, осиянно бысте, отонюдуже и приятелище Пресвятаго Духа бысте, чудесемо дарово приято обогащая сими чада своя, и ныне со первосвятители предостоя Христу, молися о душах о наших.
«И ныне» празднику. Глас той же
Приимите ясли: его же во купине Моисей Законоположеник провиде во Хориве ныне ражаемо ото Девы Духоме Божественыиме: тая и есте иже в Законе реченная, тая есте пророческая печате, яже Бога плотию тленнымо являюще, ему же поклонимося.
На исхожении: «Слава». Глас шестый
Творение царево Денесе собори рустии сошедошеся радостено празденуимо, первосвятителю Петру и чудотворецу ото земля на небо прошедошу, благочестено торжествуимо прежеосвяшеннаго ото пелен во спасение Христовых словесеных овеце: цари свеща носяща предоидуте, царскаго благолепия чтуще честеное украшение; святители трудо весе отоложеше радостено последующе первосвятителю Божию Петру и предстателю; веси убо радостено возопиемо: «Радуйся, святителю Петре, молися прилежно о душах о наших».
«И ныне» празднику.
Комментировать