Преподобный Варлаа́м Серпуховской
Дни памяти
1 сентября (переходящая) - Собор Московских святых
Житие
Сведения о преп. Варлааме сохранила писаная на доске летопись «О зачатии Владычнего монастыря еже есть в Серпухове», до начала XX века хранившаяся в обители. Откуда был родом Варлаам и кто его родители – неизвестно, повесть о жизни Варлаама начинается с 1360 года. Не сохранилось сведений, когда и где принял Варлаам иноческий постриг. Летопись Владычнего монастыря называет его «пострижеником пустынным». При каких обстоятельствах Варлаам стал келейником свт. Алексия, летопись не упоминает, но отмечает, что украшенного добродетелями пустынножительства инока Варлаама свт. Алексий «велми любя, занеже бояся Бога живый и в покорении Ему». Промыслом Божиим пребывая рядом со свт. Алексием, Варлаам оказался вблизи главных и порой весьма непростых событий церковной и политической жизни того времени. Можно предположить, что келейник сопровождал митрополита в его поездках по епархии и, возможно, в Орду в 1357 году и был свидетелем его подвигов и трудов, которым старался по мере сил подражать. Несомненно, что Варлаам находился рядом со свт. Алексием и в период почти двухлетнего пребывания его в Киеве, так как события, с которых начинается повествование летописи Владычнего монастыря, происходили вскоре после возвращения митрополита в Москву.
«Однажды в 1360 году, в то время когда святитель Алексий исполнял обычное правило, диакон Герасим читал кондаки и икосы. Едва святой Алексий проговорил всепетую песнь, как необыкновенный свет озарил его келию. Все ужаснулись, услышав от иконы Пресвятой Богородицы голос: „Алексий, подобает тебе монастырь поставити имени моему, купно же и себе в память“. Святитель размышлял об этом событии, не зная, что делать. По окончании же келейного правила он ушел во внутреннюю свою келию и начал там молиться и преклонять колена пред иконой Владычицы Пресвятой Богородицы, прося изъяснить ему это чудесное явление. И вот в то время опять слышан был голос: „Алексие, Алексие, построй монастырь во имя Мое“. Он же сказал: „Владычице! Где же будет монастырь во имя Твое? Я не знаю, где его построить?“ И опять слышан был голос: „В пределах града Серпухова; тамо бо возлюбих место на спасение многим душам человеческим“. Святитель, повинуясь воле Божией и Владычицы Богородицы, посылает упомянутого преподобного Варлаама осмотреть место для монастыря и приказывает донести ему, когда отыщет такое место, для того, чтобы осмотреть его собственными глазами. Варлаам же, найдя такое место, остался переночевать там. И вот в нощи он слышит необыкновенный звон и гремение сосудов железных и медных. Это заставило его подумать, что здесь именно угодно Богу имети монастырь. Варлаам с радостью возвратился рассказать об этом свт. Алексию. Рад был этому и святитель. Чрез несколько дней он снова послал Варлаама приготовить все нужное для постройки. Пред уходом Варлаама в дорогу святитель творил напутственный молебен. Едва он кончил отпуст, как Варлаам упал и испустил дух. При виде этого св. Алексий обратился к образу, от которого был слышан голос, и воскликнул: „О Владычице! Зачем угодно Тебе взять от меня строителя дома Твоего? Печаль моя болезнию во ад сниде. Без него кто дом Твой устроит? И аз не вем кого послати!“ И был к нему голос: „Алексие, возьми Варлаама за руку и возстави, он послушает тя“. Тот взял его за руку, и Варлаам встал весь в слезах. Святитель стал допытываться о причине его плача. Тот отвечал ему на это: „Молютися, да не нудиши мя поведати дондеже до смерти. При смерти бо ти повем“. После того Варлаам был отправлен в путь. Немного спустя и сам св. Алексий пришел в Серпухов, осмотрел многие места в окрестности и остался недоволен выбором Варлаама. Но опять ночью на том же месте слышал тоже, что и Варлаам, а еще слышен был голос: „Здесь монастырь постави!“ Святитель повиновался, велел заложить деревянную церковь, Варлаама же назвал строителем. А затем в 1362 году была построена и каменная церковь в честь Введения Богородицы во храм с трапезою, которую освятил святитель Алексий. Варлаам был строителем в монастыре 15 лет и потом ослеп. Потеряв зрение, он прожил еще два года, и когда приблизилось время его кончины, он послал к святителю Алексию и просил сказать ему: „Сам ты соорудил монастырь и церкви сам освятил, молютися, и мене погреби своими руками“.
Св. Алексий скоро пришел в Серпухов. Найдя Варлаама слепым и болезненным, он вспомнил обещание преподобного и стал допытываться от него, говоря: „Брате Варлааме! Господа ради, повеждь ми яже обещася прежде сего поведати, – бывшее до зачатия сего монастыря“. „Не могу словом поведати, – отвечал Варлаам, – занеже страшно бе, а писанием возвестити не могу – не вижу“. Св. Алексий велел диакону принести перо, чернил и хартию и сотворил вместе со всеми молитву; и вот вдруг Варлаам прозрел, взял перо и начал писать: „Почто монастырь наречется Владычен, а не Алексеевский, занеже Владычицу видех и все бысть Ея промыслом“. И затем продолжал: „Егда падох, – видех: Ангелы держат монастырь, и Захария во дверех церковных стояща и Богородицу с родителями Ея входящу; Захария же Богородицу приим и посадив на третией степени“.
В это время необыкновенный свет озарил келлию Варлаама, и он, оставив писало, сказал: „Приведите ко мне брата Гедеона“. Гедеон же был слеп. Варлаам возложил свою руку на его голову и сказал: „Со мною ты ослеп, со мною и прозри!“ И Гедеон прозрел.
„Аз же днесь отхожу, – продолжал Варлаам, – ты же, поживши три недели и покаяние приложив к покаянию, приходи ко мне, хотя и не хочешь; я приму тебя с радостию. Ты преставишься в церкви Божией во время перенесения Честных Даров“. Гедеон воскликнул, обратясь к нему: „Пощади, молютися, не готов есмь“. Варлаам же сказал: „Готов есмь уже“, – и, поцеловавши святителя, преставился с миром в 5-й день мая 1377 года. Св. Алексий совершил над ним обычное погребение. Варлаам по своему завещанию был погребен на церковной паперти, потому что сам однажды сказал: „Погребите мя, дабы всегда зрел церковь Пресвятыя Богородицы“; и это завещание велел блюсти в память имени его. По предречению святого Варлаама Гедеон прожил три недели и во время перенесения Честных Даров поклонился и почил о Господе. Он был погребен близ святого Варлаама».
В том же 1377 году по распоряжению свт. Алексия, митрополита Киевского и всея Руси, для Серпуховского Владычнего монастыря написана была икона «Введение Богородицы во Святая Святых» по образу видения преп. Варлаама Серпуховского. Эта икона, помещенная в соборном храме, построенном иноком Варлаамом, в продолжение многих веков была главной святыней монастыря и почиталась всецерковно как чудотворная (празднование 21 ноября).
Древняя Владычняя летопись умолчала о том, как Варлаам руководил братством обители в иноческих подвигах. Но, конечно, не об одном устройстве монастырских зданий заботился первый ее строитель, тем более что из уст святителя Алексия слышал он слова Владычицы: «Возлюбих бо место сие на спасение многим душам человеческим». Потому больше забот и трудов положил Варлаам на нравственное, чем на материальное благоустройство монастыря. Можно справедливо заключить, что, воспитанный в келлии свт. Алексия, у него поучался Варлаам строгому монашескому благочестию, труду с упованием и верою, духовному преуспеянию, и его дух старался поселить во вверенных его руководству иноках.
Не сохранилось сведений, по какому уставу жили подвизающиеся «на месте сем святе». Однако же можно полагать, что этот устав близко подходил к правилам общежития, установленным в монастыре преп. Сергия. Во время настоятельства Варлаама святой игумен мог сам наставлять братию Владычней обители. Впервые это могло произойти в начале зимы 1374 года, когда преподобный Сергий пришел в Серпухов по приглашению серпуховского князя Владимира Андреевича, пожелавшего своим попечением устроить еще одну духовную крепость на границе московского княжества. Серпухов был тогда еще небольшим деревянным, слабо укрепленным городком, и только у заснеженных окских лугов на фоне сосновой рощи поднимались белокаменные храмы Владычнего монастыря, что и на Москве тогда было большой редкостью. Трудно представить, что смиренный пустыннолюбивый старец не поспешил в обитель, основанную свт. Алексием, с которым его соединяла святая дружба.
Через год после посещения преп. Сергием града Серпухова Варлаам ослеп, к тому же здоровье его начало слабеть от многочисленных болезней. Несмотря на это, он еще более умножил труды иноческого делания и с великим смирением и покорностью воле Божией продолжал исполнять возложенное на него свт. Алексием руководство братией. До самой кончины преп. Варлаам собственным примером старался укоренить в своих учениках слова преп. Сергия о многотрудности иноческой жизни: «Знайте, что прежде всего место это трудно, голодно и бедно; готовьтесь не к пище сытной, не к питию, не к покою и веселию, но к трудам, поту, печалям, напастям».
О чем говорил преп. Варлаам, напутствуя иноков и давая им последнее благословение, неизвестно. Но, оставаясь кротким послушником свт. Алексия, надо полагать, вполне мог повторить поучение своего духовного отца и учителя, которому следовал долгие годы иноческого служения Господу: «Имейте, дети, в сердцах своих страх Божий: ибо при нем человек может стяжать всякую добродетель. Имейте в уме своем смерть, воскресение, суд и воздаяние каждому по делам».
Со времени блаженной кончины строителя монастыря инока Варлаама его мощи, лежащие под спудом в соборном храме, почитались братией святыми.
Сведения о почитании преподобного Варлаама
В монастырском синодике (с 1588 г.) и в рукописной летописи монастыря, «писанной на дске, полууставом, в два столбца», и других документах монастырского древнехранилища церковные археологи находили данные, позволяющие отнести почитание инока Варлаама еще к XVI столетию.
К концу XVIII века древний Владычний монастырь, потеряв после секуляризации церковных и монастырских земель средства к существованию, пришел в совершенный упадок и запустение, пока по указу митрополита Московского Платона (Левшина) в 1806 году не был преобразован в женский общежительный монастырь. Во второй половине XIX века по благословению митрополита Московского и Коломенского Филарета (Дроздова) разбираются и изучаются монастырские архив и ризница, и находятся новые свидетельства о древнем почитании инока Варлаама. Например, на священнической ризе, датированной московскими специалистами началом XVII века, нашли вышитый образ преподобного Варлаама, где он изображен в мантии без куколя, с венцом вокруг головы с надписью: «Чудо преподобного Варлаама от Пресвятыя Богородицы». По свидетельству одной схимонахини, в 1806 году при ремонте пола в Введенском соборе под гробницей в деревянном срубе, видно было нетленное тело преподобного. К сожалению, многие ценные документы, и в том числе рукопись жития преподобного Варлаама, были утеряны на рубеже XVIII–XIX вв. в процессе преобразования монастыря из мужского в женский. Согласно сведениям очевидцев, в это время многие монастырские древности были куплены раскольниками и, в частности, древняя книга записей исцелений от гробницы преподобного Варлаама, которая исчезла из обители в 1805 году.
Чудесное избавление Серпухова и его окрестностей от губительной болезни – холеры – в 1848 году предстательством Пресвятой Богородицы обратило внимание на древние святыни Высоцкого и Владычнего монастырей и особенно на гробницу преподобного Варлаама, от которой происходили многочисленные исцеления, в том числе и неизлечимо больных людей. Указом московского митрополита Филарета городской благочинный и благочинный уездных монастырей внимательно следили за событиями во Владычней обители и докладывали обо всем епархиальным властям. До настоящего времени в фондах Серпуховского историко-художественного музея и в собрании документов Московской Духовной Консистории в Центральном историческом архиве Москвы сохранились записи о чудотворной силе преподобного Варлаама, акты об исцелениях, справки из лечебных учреждений о состоянии больных и другие свидетельства благодатных даров угодника Божия.
Незадолго до своей кончины митрополит Московский и Коломенский Филарет (Дроздов) послал подробный отчет о событиях во Владычнем монастыре г. Серпухова Святейшему правительствующему Синоду, в котором, перечисляя все действия московских епархиальных властей, не подвергал сомнению происшедшие чудесные исцеления по записям очевидцев, подчеркивая, что «записи ведутся безпристрастно».
С разрешения московского святителя на месте погребения инока Варлаама была поставлена новая рака, «над которой устроен балдахин и вокруг самой раки ступень чугунная и медная решетка».
Преподобный Варлаам Серпуховской благоговейно почитался сестрами обители и многочисленными паломниками вплоть до закрытия монастыря в 1918–1919 гг. Затем на территории обители расположилась «школа красных военлетов», до 1978 года объект был закрыт для посещения. В 1995 году по милости Божией во Владычнем монастыре была возрождена монашеская жизнь. В начале 1996 года по рассказам очевидцев на прежнем месте была восстановлена гробница преподобного Варлаама, возле нее было возжжена неугасимая лампада. Вскоре у гробницы и от святого масла из лампады стали совершаться исцеления.
18 мая 2000 года в день преставления преподобного Варлаама состоялось восстановление почитания основателя Владычнего монастыря как местночтимого святого Московской епархии.
Жития и книги в библиотеке
- Память святых преподобных Варлаама и Гедеона Серпуховских иером. Макарий Симонопетрский
Богослужения
Служба преподобным Варлааму и Гедеону Серпуховским
Служба составлена в 2013 году. В 2014 году одобрена Высокопреосвященнейшим Ювеналием, митрополитом Крутицким и Коломенским, к употреблению в пределах Московской областной епархии.
Месяца мая в 5-й день
Преподобных Варлаама и Гедеона, Серпуховских
На велицей вечерни
На Господи, воззвах: стихиры, глас 1.
Подобен: О, дивное чудо:
О, дивное чудо!/ Пречистая Дева Богородица / святителю Алексию обитель создати повелевает,/ Варлаама преподобнаго видения сподобляет / и от слепоты того купно с Гедеоном исцеляет,/ икону же Свою страждущим от винопития являет,/ недугующих от болезней избавляет,/ страстей течение уставляет./ О, Всемилостивая Владычице,/ молитвами преподобных Варлаама и Гедеона / подавай душам нашим // мир и велию милость.
О, дивное чудо!/ Знамение Владычицы на земли явися / и чудным звоном место обители Ея указася,/ идеже иноки благочестивии вселишася / и подвиги своими просияша./ Веселися, граде Серпухов,/ имея в себе святыя молитвенники,/ предстоящия Престолу Всевышняго./ Вы же, преподобнии Варлааме и Гедеоне,/ яко имущии дерзновение ко Пресвятей Троице / испросите душам нашим // мир и велию милость.
О дивное чудо!/ В пустыннем месте обитель дивная явися / и яко сад прекрасен показася,/ в нем бо иноки благочестивии / плоды добродетелей принесоша./ Торжествуй днесь, обителе Владычня,/ имущи заступники непостыдныя / и ходатаи предивныя./ Вы же, Варлааме и Гедеоне боголюбивии,/ молите Владыку Вседержителя,/ мир всему миру даровати // и душам нашим велию милость.
Ины стихиры преподобному Варлааму, глас 6.
Подобен: Все отложше:
Преподобне отче Варлааме,/ послушания добрый рачителю!/ Ты, земную красоту и славу отринув,/ Христа всем сердцем возлюбил еси / и, святителем Алексием направляемь,/ обитель Пречистей Богородице устроил еси,/ в нейже равноангельно пожил еси./ Ныне же, во обителех Небесных пребывая,/ за ны усердно Господу молися // даровати душам нашим мир и велию милость.
Преподобне отче Варлааме,/ молитвенниче усердный ко Пресвятей Троице!/ Ты, избранник Пречистыя Девы явився,/ Тоя благословением в пустынном месте обитель создал еси,/ идеже множество иноков собравшеся / Христу Богу усердно послужиша / и Пречистую Его Матерь возвеличиша./ И ныне сохраняй обитель сию,/ нам же, творящим твою память,// теплый предстатель пред Господем буди.
Стихиры преподобному Гедеону,
глас и подобен тойже:
Все отложив житейское мудрование / и мирскую прелесть оставив,/ преподобне отче Гедеоне,/ во обитель Владычицы Девы пришел еси,/ идеже, в послушание старцу Варлааму предався,/ истинное смирение стяжал еси / и плоть потщался еси покорити духу,/ память же смертную пред очима своима имея,/ во бдении, пощении и молитве пребывал еси / и тако Богу угодил еси./ Темже молим тя:/ помози и нам, с любовию к тебе притекающим,// Царствие Небесное улучити.
Глас Господень услышав:/ аще кто хощет по Мне идти,/ да отвержется себе, и возмет крест свой,/ и по Мне грядет,/ крест свой на рамо взем,/ Христу усердно последовал еси,/ преподобне отче Гедеоне,/ и, в слове Божием день и нощь поучаяся,/ заповеди Господни на скрижалех сердца написал еси./ Темже молим тя:/ помози и нам, с любовию к тебе притекающим,// благое иго Христово смиренно носити.
Слава, глас 8:
Богомудрая двоице доброхвальных отец,/ благосердне Варлааме и добронравне Гедеоне,/ ревностию Христовою распалаемии,/ в преподобии и правде на земли просияли есте,/ ныне же на Небеси с лики всех святых / Престолу Пресвятыя Троицы предстоите./ Поминайте нас, священную память вашу совершающих,/ мы бо чада ваша и вас на помощь призываем,// просяще вами прияти мир и велию милость.
И ныне, Богородичен: Царь Небесный:
Вход. Прокимен дне. И чтения.
Премудрости Соломоновы чтение (глава 3):
Праведных души в руце Божией, и не прикоснется их мука./ Непщевани быша во очесех безумных умрети, и вменися озлобление исход их./ И еже от нас шествие сокрушение, они же суть в мире./ Ибо пред лицем человеческим аще и муку приимут, упование их безсмертия исполнено./ И вмале наказани бывше, великими благодетельствовани будут,/ яко Бог искуси я и обрете их достойны Себе./ Яко злато в горниле искуси их и яко всеплодие жертвенное прият я./ И во время посещения их возсияют и, яко искры по стеблию, потекут./ Судят языком и обладают людьми, и воцарится Господь в них во веки./ Надеющиися Нань разумеют истину и вернии в любви пребудут Ему/ Яко благодать и милость в преподобных Его, и посещение во избранных Его.
Премудрости Соломоновы чтение (главы 5 и 6):
Праведницы во веки живут, и в Господе мзда их, и попечение их у Вышняго./ Сего ради приимут Царствие благолепия и венец доброты от руки Господни,/ зане десницею покрыет я и мышцею защитит их./ Приимет всеоружие рвение свое и вооружит тварь в месть врагом./ Облечется в броня правды и возложит шлем, суд нелицемерен./ Приимет щит непобедимый преподобие,/ поострит же напрасный гнев во оружие;/ споборет же с ним мир на безумныя./ Пойдут праволучныя стрелы молниины/ и, яко от благокругла лука облаков, на намерение полетят./ И от каменометныя ярости исполнь падут грады,/ вознегодует на них вода морская, реки же потопят я нагло./ Сопротив станет им дух силы, и, яко вихор, развеет их/ и опустошит всю землю беззаконие, и злодейство превратит престолы сильных./ Слышите убо, царие, и разумейте, навыкните, судии концев земли./ Внушите, держащии множества и гордящиися о народех язык,/ яко дана есть от Господа держава вам и сила от Вышняго.
Премудрости Соломоновы чтение (глава 4):
Праведник аще постигнет скончатися, в покои будет./ Старость бо честна не многолетна, ниже в числе лет исчитается./ Седина же есть мудрость человеком, и возраст старости житие нескверное./ Благоугоден Богови быв, возлюблен бысть, и живый посреде грешник преставлен бысть./ Восхищен бысть, да не злоба изменит разума его, или лесть прельстит душу его./ Рачение бо злобы помрачает добрая, и парение похоти пременяет ум незлобив./ Скончався вмале, исполни лета долга./ Угодна бо бе Господеви душа его, сего ради потщася от среды лукавствия./ Людие же видевше и не разумевше, ниже положше в помышлении таковое./ Яко благодать и милость в преподобных Его, и посещение во избранных Его.
На литии стихиры, глас 3:
Приидите, вернии,/ возвеличим в песнех честныя отцы,/ Варлаама богосветлаго и Гедеона преявственнаго:/ светильники Неприступнаго Света Христова,/ сосуды честныя Духа Святаго,/ ангелом собеседники и преподобным сопричастники,/ веры Христовы истинныя исповедники,/ покаяния наставники и благочестия учители,// тии бо явишася соль земли и свет миру.
Сшествуим вси радостно во обитель Владычню / и восхвалим преподобныя отцы,/ телесы бо своими в ней почивше,/ чудеса преславная содевают верою приходящим:/ болящим подают исцеление,/ погибающим от страстей свобождение,/ маловерным благодатное укрепление,/ страждущим в бедах скорое поможение,/ ожесточенным сердцы примирение,// всем же христианом веры истинныя познание и утверждение.
Слава, глас 8:
Рождия доброплодная суще,/ преподобнии Варлааме и Гедеоне,/ на лозе Христовой произрасли есте,/ уставов же отеческих истиннии ревнителие явльшеся,/ заповеди Господни усердно исполнили есте / и, труды ко трудом прилагавше,/ молитву непрестанно совершали есте:// Иисусе, Сыне Божий, помилуй нас.
И ныне, Богородичен, глас тойже:
К Тебе Госпоже, Пречистая, прибегаем,/ яко Источнику спасения нашего,/ вшедши бо во святое святилище храма,/ воспиталася еси во Святилище Бога Вышняго/ и, вместивши Избавителя во утробе Своей,/ Престол Царя славы явилася еси./ Темже с верою и любовию вопием Ти:/ Милостивое Пристанище, Покров и Заступление нам буди.
На стиховне стихиры, глас 5.
Подобен: Радуйся, Живоносный Кресте:
Радуйтеся, непобедимии воини Христови,/ преподобнии Варлааме и Гедеоне,/ заповеди бо евангельстии усердно соблюдше,/ истиннии подобницы Господни явистеся,/ кротость и смирение стяжавше,/ врагу мужественне противостасте./ Ныне же, во Царствии Небеснем ликовствующе,/ молите Пресвятую Троицу // низпослати нам дух любве и смиренномудрия.
Стих: Восхвалятся преподобнии во славе / и возрадуются на ложах своих.
Радуйся, всеблаженне отче Варлааме,/ небесный человече и земный ангеле,/ верный таинниче святителя Алексия / и добрый его послушниче!/ Ты, в пустыннем месте усердно подвизаяся,/ обитель Владычицы Девы воздвигл еси./ Ныне же, в Небесных обителех водворяяся,/ моли Пречистую Богородицу // низпослати нам дух кротости и целомудрия.
Стих: Блажени вси боящиися Господа,/ ходящии в путех Его.
Радуйся, обитель Владычня,/ града Серпухова похвало и украшение,/ ты бо благотишное пристанище спасения / верным людем явилася еси./ Мы же, ублажающе святую память отец твоих,/ преподобных Варлаама и Гедеона,/ исцеления дары приемлем / и венчавшаго их Христа прославляем,// яко Спаса душ и телес наших.
Слава, глас 4:
Преподобне отче Варлааме,/ подвиг пустыннаго жития являя,/ монахов множество собрал еси / и, словом Божиим непрестанно тех наставляя,/ по лествице добродетелей к Небесным селением возвел еси./ Таже и ученик твой, предивный Гедеон,/ блаженства праведных взыскуя,/ тебе, яко мудрому наставнику,/ всего себе в послушание предаде / и житию твоему добре поревнова./ Ныне же молим вас, отцы преподобнии,/ научите нас право шествовати,// да Царствия Небеснаго сподобимся.
И ныне, Богородичен, глас тойже:
Днесь Боговместимый храм, Богородица,/ в храм Господень приводится,/ и Захария Сию приемлет:/ днесь святая святых радуются,/ и лик ангельский таинственно торжествует./ С нимиже и мы, празднующе днесь, с Гавриилом возопиим:/ радуйся, Благодатная, Господь с Тобою,// имеяй велию милость.
Тропарь святых, глас 4:
Божественною ревностию распалаеми,/ вся мирская пристрастия отринули есте,/ благое иго Христово усердно понесше,/ образ спасения верным показали есте,/ обитель Владычицы Девы воздвигше,/ град Серпухов радостию исполнили есте./ И ныне, Престолу Божию предстояще,/ молитеся, преподобнии Варлааме и Гедеоне,/ спастися душам нашим.
На утрени
На Бог Господь: тропарь преподобных дважды. Слава, и ныне, Богородичен: Еже от века утаеное:
По 1-м стихословии седален, глас 3:
Божественныя любве взыскуя,/ в пустынное место вселился еси, блаженне Варлааме,/ и обитель во имя Пречистыя Девы воздвигл еси,/ идеже, сеяй доброе семя слова Божия в сердца приходящих,/ дивный плод от древа добродетелей,/ духоноснаго Гедеона, израстил еси./ С нимже молися Сладчайшему Господу Иисусу,/ да спасет души наша.
Слава, и ныне, Богородичен:
Дивному вхождению Твоему во святая святых, Дево Всепетая,/ вся силы Небесныя удивишася,/ Серафими же воспеша песнь хвалебную,/ ибо явися всему миру Боговместимый Храм,/ источающий спасение всем с верою и любовию к Тебе притекающим.
По 2-м стихословии седален, глас 2:
Земную красоту и славу временную презрев,/ Христа единаго возлюбил еси, преподобне Гедеоне,/ и, крест свой взем,/ Божественней воли всеусердно покорился еси/ и лествицею добродетелей Небеснаго отечества достигл еси./ О, предивне отче,/ истинный учениче и послушания рачителю,/ молися Христу Богу низпослати нам дух кротости и смиренномудрия.
Слава, и ныне, Богородичен:
Яко Лоза истинная, Дево Пречистая,/ прекрасный Грозд, Христа, возрастила еси,/ источающий верным вино спасительное, веселящее души и телеса./ Темже со умилением к Тебе припадаем и тепле вопием:/ напои нас потоком Божественныя сладости, Всенепорочная Владычице.
Величание:
Ублажаем вас,/ преподобнии отцы наши Варлааме и Гедеоне,/ и чтим святую память вашу,/ наставницы монахов/ и собеседницы ангелов.
Псалом избранный: Терпя, потерпех Господа:
По полиелеи седален, глас 5:
Егда, блаженнии, к Божественному желанию ум свой вперисте,/ тогда оставили есте вся долу влекущая мудрования/ и, в пустыню всельшеся,/ терние страстей искоренили есте и добродетельми процвели есте./ Темже, стяжавше богатство неотъемлемое на Небесех,/ отцы преподобнии Варлааме и Гедеоне,/ молите Христа Бога согрешений оставление даровати/ чтущим святую память вашу.
Слава, и ныне, Богородичен:
Престол Небесный и Храм одушевленный явилася еси, Пренепорочная Владычице,/ Хлеб вечныя жизни верным подавающая/ и избавляющая достояние Твое от всех наветов вражиих./ Сподоби нас в страшный час испытания прощение улучити/ и Царствия Небеснаго достигнути.
Таже степенна, 1-й антифон 4-го гласа.
Прокимен, глас 4: Честна пред Господем/ смерть преподобных Его. Стих: Что воздам Господеви о всех, яже воздаде ми? Всякое дыхание: Евангелие от Матфея, зачало 43.
По 50-м псалме стихира, глас 6:
Иже на земли ангелов / и на Небеси человеков Божиих,/ мира благое украшение,/ монахов и постников похвалу,/ славных отцев почтим,/ насаждени бо в дому Господни,/ процветоша, яко кедри в пустыни,/ умноживше стадо Христово словесных овец // в преподобстве и правде.
Канон преподобных отец Варлаама и Гедеона, глас 1.
Песнь 1
Ирмос: Песнь победную поим вси Богу,/ сотворшему дивная чудеса мышцею высокою // и спасшему Израиля, яко прославися.
Припев: Слава Тебе, Боже наш, слава Тебе.
Господи, Боже, подаждь ми силу и разум,/ да достойно прославлю преславныя подвиги угодник Твоих, преподобных Варлаама и Гедеона,/ Светом бо невечерним озаряемии,/ Престолу Твоему предстоят/ и молятся о спасении верою творящих память их.
Припев: Преподобнии отцы Варлааме и Гедеоне, молите Бога о нас.
Доброплодная лоза винограда Христова,/ рукою святителя Алексия насажденная,/ явился еси, преподобне Варлааме./ Темже основание обители Владычния в пределех града Серпухова положил еси,/ да вси приходящии спасение улучают.
Добродетельному житию святых отцев поучаяся,/ кротость, смирение и послушание возлюбил еси, пречудне Гедеоне,/ и, всю надежду на Бога возлагая,/ мужественно взыграния страстей препобедил еси.
Богородичен: Милостивым предстательством, Пренепорочная Владычице,/ покрый от всяких напастей и вражиих ухищрений рабы Твоя,/ Тя бо имамы Избавительницу и Спасение душам нашим.
Песнь 3
Ирмос: Да утвердится сердце мое в воли Твоей, Христе Боже,/ Иже над водами Небо утверждей второе // и основавый на водах землю, Всесильне.
Слово Божие, яко семя, в сердце своем приемше/ и сторичный клас добродетелей возрастивше,/ плод духовный любве, мира и долготерпения принесли есте./ Темже и нас, отцы богосветлии,/ соделайте причастники подвига вашего.
Господнею любовию озаряемь, преподобне отче Варлааме,/ в послушание Царице Небесней вдался еси/ и в пустыннем месте, близ града Серпухова, обитель во имя Ея воздвигл еси,/ идеже, многия ученики собрав,/ путь спасения им указал еси.
Очищая душу свою от тлетворных страстей,/ блаженный плач стяжал еси,/ избранниче Христов отче Варлааме./ Сего ради мир душевный обрел еси/ и смиренному Гедеону с прочими ученики путь спасения показал еси.
Богородичен: Вереи адовы сломишася и заклепи вечнии сокрушишася преславным Рождеством Твоим,/ явися бо Избавление всем человеком./ Сего ради зовем:/ радуйся, Пречистая Дево, верных Спасение.
Седален, глас 4:
Вся временная в мире сем оставивше, богомудрии Варлааме и Гедеоне,/ Крест Христов на рамена подъяли есте/ и, Тому Единому смиренно последовавше,/ блаженства вечнаго достигли есте./ И ныне молим вас,/ прощение грехов у Господа испросите нам,/ любовию творящим святую память вашу.
Слава, и ныне, Богородичен:
Богородице, всех Царице,/ Ты еси Престол Царя Небеснаго,/ Неупиваемая Чаша нашего спасения,/ Клас, израстивший нам Хлеб живота,/ от Негоже ядше, живи будем/ и не взалчем во веки.
Песнь 4
Ирмос: Духом провидя, пророче Аввакуме, Словесе воплощение,/ проповедал еси, вопия:/ внегда приближитися летом, познаешися,/ внегда приити времени, покажешися.// Слава силе Твоей, Господи.
Храм Духа Святаго явилися есте, преподобнии отцы наши Варлааме и Гедеоне,/ егда всякое нечестие от сердца своего отгнавше,/ невозвратным помыслом Христу последовали есте, вопиюще:/ слава силе Твоей, Господи.
Тихостию нрава и кроткими словесы/ многия во обитель привлекл еси, преподобне Варлааме,/ братолюбием и незлобием добродетельному пути научая, да с радостию воспевают:/ слава силе Твоей, Господи.
Престолу Божию предстоя и райския сладости наслаждаяся,/ помяни нас во святых твоих молитвах, отче Гедеоне,/ да, слезами покаяния души очистивше,/ купно с тобою Христу воспоим:/ слава силе Твоей, Господи.
Богородичен: Всем, притекающим к Тебе,/ Предстательница и Помощница явилася еси, Пренепорочная Владычице,/ избавляющи от работы вражия/ и на путь спасения наставляющи.
Песнь 5
Ирмос: Твой мир даждь нам, Сыне Божий,/ иного бо, разве Тебе, Бога не знаем,/ Имя Твое именуем,// яко Бог живых и мертвых еси.
В слове Божием ревностно поучающеся, преподобнии Варлааме и Гедеоне,/ познали есте како подобает волю Господню творити./ Темже почесть трудов своих прияли есте/ и светоносную благодать Святаго Духа улучили есте.
Добро есть жити в заповедех Господних,/ сице поучал еси ученики твоя, богомудре Варлааме./ Мы же, внемлюще гласу твоему, ныне молим тя:/ настави нас на стези спасения/ и в Царствие Небесное пути наша управи.
Утешение во Христе ища/ и слезы покаяния о гресех проливая, преблаженне отче Гедеоне,/ мудрому учителю твоему во всем последовал еси./ Темже и возмогл еси шатание лукаваго низложити/ и пристанища Небеснаго достигнути.
Богородичен: В недузех и всех обстояниих к Тебе, Владычице, припадаем/ и, яко Надежде нашего спасения, тепле вопием:/ даруй нам дух сокрушения и смирение сердца,/ да благодарне воспеваем величия Твоя.
Песнь 6
Ирмос: Пророка Иону подражая, вопию:/ живот мой, Блаже, свободи из тли/ и спаси мя, Спасе мира, зовуща: слава Тебе.
Непрестанную молитву в сердце имуще, досточуднии отцы,/ собеседницы Небесных Сил явилися есте./ С нимиже помозите и нам чистоту сердечную стяжати, да зовем:/ Спасе мира, слава Тебе.
Пламенною любовию ко Христу возгоревся,/ все упование свое на Господа возложил еси, отче Варлааме,/ и непрестанно во псалмех и пениих и песнех духовных Ему взывал еси:/ Спасе мира, слава Тебе.
Мудрому учителю твоему вседушно в послушание вдався/ и во всем волю свою отсекая, премудре Гедеоне,/ всем сердцем волю Божию исполнил еси, воспевая:/ Спасе мира, слава Тебе.
Богородичен: Со архангелы и ангелы песнь хвалебную воспоим Царице Богородице,/ Та бо молит Сына Своего, Христа Бога нашего,/ даровати нам прежде конца покаяние и велию милость.
Кондак, глас 8:
Избраннии угодницы Христовы,/ служителие усерднии Владычицы Богородицы,/ истиннии послушницы святителя Алексия,/ Варлааме и Гедеоне богоблаженнии,/ души своя кротостию, смирением и чистотою украсившии,/ сосуди предивнии Святаго Духа явилися есте./ Мы же, прославляюще подвиги ваша,/ с верою и любовию взываем:// радуйтеся, преподобнии отцы, усерднии о нас пред Богом молитвенницы.
Икос:
Вся земная оставльше,/ обрели есте бесценный бисер, Христа Бога,/ любомудрии Варлааме и Гедеоне,/ и, крест свой на рамо вземше,/ последовали есте Ему невозвратным помыслом,/ тщание о спасении непрестанно имуще./ Темже вопием вам:
Радуйтеся, Ангелов подражателие преславнии;
радуйтеся, храмы Духа Святаго пречестнии.
Радуйтеся, тесною евангельскою стезею шествовавшии;
радуйтеся, звезды, на тверди Небесней сияющии.
Радуйтеся, от страстей скорое свобождение;
радуйтеся, Владычния обители похвало и украшение.
Радуйтеся, преподобнии отцы, усерднии о нас пред Богом молитвенницы.
Песнь 7
Ирмос: Сущим в пещи отроком Твоим, Спасе,/ не прикоснуся, ниже стужи огнь./ Тогда трие, яко единеми усты пояху/ и благословляху, глаголюще:/ благословен Бог отец наших.
Христови сраспеншеся, богомудрии отцы,/ Тому единому всеусердно пожили есте./ Темже и Возлюбившему вас ныне с ликом преподобных поете и глаголете:/ благословен Бог отец наших.
Руку спасения человеку некоему простерл еси, блаженне Варлааме,/ егда в сонном видении тому явлься,/ исцеление от недуга пианства обещал еси,/ да пред образом Пречистыя и Предвечнаго Младенца Ея воспоет:/ благословен Бог отец наших.
Исцеление от слепоты телесныя блаженному Гедеону даровавый,/ исцели слепоту душ наших, боголюбезне Варлааме,/ да просвещенными очесы узрим Господа и воспоем Ему:/ благословен Бог отец наших.
Богородичен: Принесем песнь согласно Царице Небесней,/ яко Небесную Чашу Своего милосердия нам источила еси/ и Скорая Помощница в скорбех явилася еси./ Темже вси возопиим:/ радуйся, Заступнице Усердная рода христианскаго.
Песнь 8
Ирмос: Егоже ужасаются Ангели и вся воинства,/ яко Творца и Господа,/ пойте, священницы, прославите, отроцы,/ благословите, людие,/ и превозносите во вся веки.
О, пустыннолюбнии отцы Варлааме и Гедеоне!/ Вы, зельным воздержанием плотския похоти от себе отгнавше,/ добродетелию целомудрия себе украсили есте./ Темже со ангелы превозносите Господа во вся веки.
Недугующим скорый целитель явился еси, отче Варлааме./ Не презри убо и нас с верою к мощем твоим притекающих,/ но скоро услыши молитвы наша и подаждь помощь свыше, да вопием:/ отроцы, благословите, священницы, воспойте,/ людие, превозносите Господа во вся веки.
Во обители Владычней усердно подвизаяся, преподобне Гедеоне,/ добродетельми, яко солнце, просиял еси./ Темже и возшел еси в Небесный чертог,/ идеже сподобился еси прославляти Творца и Господа во вся веки.
Богородичен: Странно явление образа Неупиваемая Чаша и несказанно есть,/ чудотворная бо икона сия во обители обретается/ и грешным людем Владычица исцеления подает./ Темже благодарне вопием:/ благословенна Ты, Пречистая, во вся веки.
Песнь 9
Ирмос: Живоприемный Источник приснотекущий,/ светоносный Светильник благодати,/ Храм одушевленный, Сень пречистую,/ Небесе и земли пространнейшую,/ Богородицу, вернии, величаем.
Честна воистинну смерть ваша, достославнии отцы,/ преставилися бо есте от земли к Небесным./ Обаче, предстояще Престолу Вседержителя,/ и от нас духом не отступаете./ Темже непрестанно молите Троицу Единосущную,/ спастися душам нашим.
Райския пищи причастницы явистеся, преблаженнии отцы наши,/ и от Христа Бога венцы славы приясте./ И ныне молитеся прилежно о нас,/ верою и любовию творящих честную память вашу.
Днесь творяще память вашу,/ преподобнии отцы Варлааме и Гедеоне,/ похвальное пение приносим вам и молим:/ веру Православную во Отечестве нашем утвердите,/ обитель Владычню сохраните/ и предстателие явитеся всем, с любовию к вам притекающим.
Богородичен: Воспеваем Тя, Всемилостивая Заступнице рода христианскаго,/ Ты бо всегда прилежно молишися о нас./ Темже, со умилением сердечным припадающе, тепле вопием:/ сохрани нас от всякия напасти и беды/ и спаси души наша.
Светилен, глас 5:
Свети святии, богоизбраннии Варлааме и Гедеоне!/ Вы есте преподобным похвала, священником украшение,/ христианом поможение/ и граду нашему Серпухову великое утверждение.
Слава, и ныне, Богородичен:
Радуйся, Боголюбивая Царице,/ радуйся, Мати Христа Бога нашего,/ радуйся, обители нашея крепкое Заступление,/ радуйся, Отечеству нашему Похвало и Утверждение.
На хвалитех стихиры, глас 1.
Подобен: Небесных чинов:
Днесь обитель Владычня торжествует,/ прославляющи угодники своя,/ богосветлаго Варлаама и добронравнаго Гедеона./ Тии бо, светом Христовых заповедей сияюще,/ добродетельному житию нас научают / и, прошения наша приемлюще,// прилежно молятся Богу о спасении душ наших.
Усердно Христу последовал еси,/ боголюбезне Варлааме,/ воздержания правило и целомудрия образе,/ добродетели рачителю и благосердия источниче./ Ныне же, яко ангелов собеседник,/ райскую доброту богатно зриши // и молишися о спасении душ наших.
Вышния доброты взыскуя,/ преподобне отче Гедеоне,/ мира и сущих в нем житейских отреклся еси / и, послушания добрый рачитель быв,/ терпением и смирением ангельския лики удивил еси./ Темже молим тя:// в послушании Церкви Христовой утверди нас.
Днесь духовный лик составльше,/ торжествуем и радуемся,/ прославляюще богомудрых Варлаама и Гедеона,/ преподобно в заповедех Господних поживших./ Помяните нас, отцы преблаженнии,/ у Престола Святыя Троицы // и испросите душам нашим мир и велию милость.
Слава, глас 8:
Светильницы присносветлии / явистеся мирови,/ преподобнии отцы Варлааме и Гедеоне,/ монашескаго жительства истинное правило,/ земли нашея пресветлое украшение,/ целомудрия и чистоты образи. / Тех молитвами, Благоутробне Господи,/ подаждь людем Твоим оставление грехов // и велию милость.
И ныне, Богородичен, глас тойже:
Владычице, приими молитвы раб Твоих / и избави нас // от всякия нужды и печали.
На Литургии
Блаженны от канона, песни 3-я и 6-я.
Прокимен, глас 7: Честна пред Господем/ смерть преподобных Его. Стих: Что воздам Господеви о всех, яже воздаде ми? Апостол, к Галатом, зачало 213. Аллилуия, глас 6: Блажен муж, бояйся Господа,/ в заповедех Его восхощет зело. Стих: Сильно на земли будет семя Его.
Евангелие от Луки зачало 24. Причастен: В память вечную будет праведник:
Тропари, кондаки, молитвы и величания
Тропарь, глас 3
От святи́теля Алекси́я богоугожде́нию науче́н,/ доброде́тельми украси́л еси́ ду́шу свою́,/ сего́ ра́ди Ма́тери Бо́жией избра́нник яви́лся еси́,/ и оби́тель Тоя́ Введе́нию воздви́гл еси́/ на спасе́ние мно́гим душа́м челове́ческим./ Мона́шествующим до́брый наста́вниче,/ те́плый о на́с к Бо́гу моли́твенниче,/ преподо́бне Варлаа́ме, о́тче на́ш,// моли́ спасти́ся душа́м на́шим.
Перевод: От святителя Алексия наученный угождению Богу, ты украсил свою душу добродетелями, потому и явился избранником Божией Матери и основал монастырь, посвященный Введению Богородицы во Храм, для спасения многих человеческих душ. Хороший наставник монашествующим, горячий о нас молитвенник к Богу, преподобный Варлаам, отче наш, моли о спасении наших душ.
Кондак, глас 8
А́ще и под спу́дом сокры́ты е́сть честны́я твоя́ мо́щи,/ преподо́бне о́тче на́ш Варлаа́ме,/ оба́че же лучи́ чуде́с и исцеле́ний испуща́ют све́тло,/ все́м, притека́ющим ве́рою и моля́щим ти́ ся́ усе́рдно,/ вои́стину яви́лся бо еси́ уго́дник Бо́жий,// и хода́тай при́сный о чту́щих любо́вию святу́ю па́мять твою́.
Перевод: Хотя твои почитаемые мощи сохраняются скрыто, преподобный отче наш Варлаам, но ярко испускают лучи чудес и исцелений всем, обращающимся с верой и молящим тебя с усердием, ибо ты явился истинным угодником Божиим, всегда заступающимся за всех, почитающих с любовью святую память твою.
Молитва
О, преподо́бне и Богоно́сне о́тче на́ш Варлаа́ме, оби́тели Пресвяты́я Влады́чице Богоро́дицы устрои́телю, земли́ Серпуховския украше́ние, ми́лостивый и те́плый о на́с к Бо́гу хода́таю и чудотво́рче пресла́вный! Приклони́ у́хо твое́ на моле́ния на́ша, бу́ди на́м благи́х пода́тель и в житии́ се́м многоско́рбнем уте́шитель и наста́вник. Научи́ ны́, су́етными попече́ниями обурева́емыя, пе́рвее Ца́рствия Небе́снаго иска́ти, и в послуша́нии и смире́нии серде́чнем во́лю Бо́жию исполня́ти. Я́ко ру́це, на по́мощь на́м немощны́м простира́емыя, да бу́дут твоя́ святы́я к Бо́гу за ны́ моли́твы. Пода́ждь же исцеле́ния душа́м и телесе́м на́шим, да в ра́дости духо́вней благода́рственныя и хвале́бныя пе́ния не преста́нем возсыла́ти, и та́ко твои́м заступле́нием храни́ми, дости́гнем в ти́хое и безмяте́жное приста́нище, иде́же ты́ со А́нгелы и все́ми святы́ми при́сно сла́виши Пречестно́е и Великоле́пое И́мя Отца́ и Сы́на и Свята́го Ду́ха, ами́нь.
Каноны и Акафисты
Случайный тест
О календаре
Богослужения
Посты
Праздники
![](https://azbyka.org/days/cache/300x240/storage/images/photos-of-day/65fbf5b9451e1066422450.jpg)
79 год. Извержение Везувия. Города Помпеи, Геркуланум и Стабии погребены под вулканическим пеплом.
1904 год. В России отменены телесные наказания.