Преподобный Полика́рп Брянский, игумен
Житие
Краткое житие преподобного Поликарпа Брянского
Как предполагают в миру был князем Петром Ивановичем Борятинским, потомком святого Михаила, князя Черниговского († 1245, память 20 сентября/З октября). Время жизни его относят к концу XVI века. Князь неоднократно назначался воеводой в разные города, но потом оставил мир, удалился в Брянск и принял постриг с именем Поликарп. Преподобный на свои средства устроил обитель Преображения Господня и проводил в ней строгую подвижническую жизнь. Святой Поликарп был первым настоятелем этой обители. Там он и скончался в 1620 или 1621 гг. и был погребен.
Полное житие преподобного Поликарпа Брянского
У Святого Спаса во Брянске, по выражению народному, или, точнее сказать, в Брянском Преображенском соборе, с левой стороны, почивают под спудом мощи преподобного Поликарпа, строителя того собора, бывшего до 1764 года монастырским храмом.
Письменного жития преподобного Поликарпа не сохранилось. Нет бесспорных сведений и о времени основания Преображенского Поликарпова монастыря в Брянске, упраздненного в 1764 году. В описи монастырей 1662 года монастырь сей именуется Спасским, или Поликарпа чудотворца. Следовательно, около половины XVII века преподобный Поликарп был уже прославленным святым Русской Церкви. Посему наиболее вероятным следует признавать, что названный монастырь основан не позднее XVI века. Затем сохранились достоверные известия об особенном усердии к этому монастырю со стороны князей Барятинских, князя Даниила Афанасьевича и брата его Алексея, построивших в XVII веке в Спасском монастыре каменный храм во славу Рождества Богородицы. Из самого же расположения семейства князей Барятинских к тому монастырю местное предание заключает, что и строителем монастыря был один из членов этого княжеского семейства. Таковым почитается именно небезызвестный в письменных памятниках XVI века воевода князь Петр Иванович Барятинский. Он занимал почетные места и в гражданском управлении, и в военных походах, но по своему строгому пониманию чувства долга и чести возбудил нерасположение к себе со стороны искателей славы, не по заслугам и подвергся опале. Потомок святого Михаила Черниговского и Брянского, умышленно преследуемый за ревностное понимание мирской службы, он решил отправиться в местность, ранее прославленную его благочестивыми предками: святым князем Олегом, скончавшимся в монашестве, основателем Петропавловского монастыря, и князем Романом Михайловичем, получившим чудесное исцеление от иконы Богоматери в Свенске; устроил иноческую обитель с церковью Преображения Господня, был в ней первым игуменом и после продолжительных подвигов мирно почил о Господе около 1620 года.
О святом Поликарпе в Брянске сохраняется немало преданий как о суровом подвижнике и строгом судии. Ему именно приписывается изречение, что город Брянск будет ни сыт, ни голоден и с тоски и печали весь разойдется. Соборный диакон Соколов, ныне умерший, с особенным страхом всегда рассказывал, как он однажды, будучи в бурном настроении, в гневе, с криком выходил из собора и возле предполагаемого места погребения преподобного увидел старца-монаха, который сказал ему: «Чего ты кричишь и сердишься на этом святом месте? Смотри, я Поликарп. Ты будешь наказан за бесчинство».
Старец скрылся. Испуганный и растерявшийся диакон поспешно бросился с соборной горы и долго не ходил возле того места, где видел таинственного старца.
Однако строгий подвижник был милостив к тем, кто смиренно просил его предстательства у Бога, почему и прославлен был чудотворцем уже через сорок лет после своей кончины. Не оставляет он своим покровительством и до наших дней тех, кто приходит с должным молитвенным расположением к честной гробнице его. Записано несколько случаев исцелений по молитвам преподобного Поликарпа. Так, в начале шестидесятых годов XIX века из Петрограда приезжала дочь местного помещика Клавдия Петровна Гурова, неизлечимо больная. Однажды во сне является ей в монашеской мантии старец, показывает церковь на горе и говорит: «Иди в Брянск, помолись в этой церкви – и будешь здорова».
По приезде в город больная тотчас узнала, что она во сне видела брянский собор, попросила отслужить здесь молебен преподобному Поликарпу и выздоровела.
Крестьянка деревни Лбов Карачевского уезда Евдокия Петровна Донцова долгое время страдала расслаблением всего тела. По совету благочестивых людей она была приведена мужем в брянский собор. Больную внесли на руках муж и двое односельчан и положили на лавку. Здесь провела она всю литургию, а потом была исповедана, приобщилась Святых Таин и слушала молебен преподобному Поликарпу. Она усердно молилась, и во время молебна на нее возложен был крест от вериг преподобного. Было это в первой половине июня 1900 года, и с того времени здоровье Донцовой начало быстро улучшаться. Через неделю она снова приезжала в Брянск на богомолье, а в сентябре была еще раз и слушала благодарственный молебен за свое исцеление.
1 июня 1901 года перед гробницей преподобного Поликарпа служил благодарственный молебен священник села Коростовки Брянского уезда Василий Данков, получивший исцеление от болезни по молитвам угодника Божия. В письме к соборному протоиерею исцеленный рассказывает, что в половине апреля 1901 года он заболел ревматизмом в руках и ногах, так что не мог двигаться и слег в постель. Лечению болезнь не поддавалась. В крайнем болезненном состояния он стал призывать на помощь преподобного Поликарпа и уже на следующий день после того, как он остановился на этой мысли, мог перейти с постели в другую комнату, а потом и совсем выздоровел.
Крестьянка деревни Летошники Брянского уезда, больная чахоткою, Анна Васильевна Муравьева в ночь на 1 сентября 1901 года видела во сне человека из толпы, сопровождавшей крестный ход с чудотворной иконой. Человек сказал ей: «Пойди в брянский собор и попроси надеть на твою грудь крест от мощей, оставшийся после пожара, и тебе будет легче».
Болезнь продолжалась уже год, больная потратила на лечение все состояние. 2 сентября в соборе по ее просьбе был отслужен молебен преподобному Поликарпу и возложен на нее крест его. Упоминаемый в описаниях чудес крест преподобного – медный, складной, в форме древних энколпионов до татарского периода, имевших преимущественное распространение на юге России.
Запись чудес при гробе преподобного Поликарпа ведется обстоятельно в последнее время. До 1895 года не было особого празднования в память преподобного. Дозволение местного празднования состоялось по ходатайству городского управления, а указ дан Святейшим Синодом в июле 1897 года.
Иное жизнеописание преподобного Поликарпа Брянского
Преподобный Поликарп Брянский, как предполагают, в миру был князем Петром Ивановичем Борятинским, потомком святого Михаила, князя Черниговского (память 20 сентября). Это предположение выдвинуто из-за участия Борятинских в судьбе Брянского Спасо-Преображенского монастыря. Время жизни его относят к XVI в. Имя князя Петра Борятинского нередко встречается в актах XVI в. Так он в числе других был отправлен на реку Сестру воевать против шведского короля. В 1576 г. он был назначен воеводою в Тулу. В 1580 г. Борятинский, поставленный воеводою в Холму, был пленен литовцами вместе с осадным головою Паниным. По возвращении из плена при Борисе Годунове, Борятинский подвергся опале. В 1591 г. он был назначен воеводою в Тюмень, а через несколько лет оставил мир, удалился в Брянск и принял постриг с именем Поликарп. Преподобный на свои средства устроил обитель в честь Преображения Господня и проводил в ней строгую подвижническую жизнь. Святой Поликарп был первым настоятелем этой обители. Там он скончался в 1620 или 1621 г. и был погребен.
Жития и книги в библиотеке
- Преподобный Поликарп Брянский мон. Таисия (Карцова)
- Память преподобного Поликарпа Брянского иером. Макарий Симонопетрский
- Память о преподобных Моисее Белозерском и Поликарпе Брянском свт. Филарет Черниговский
Богослужения
Служба преподобному Поликарпу Брянскому
Текст службы утвержден на заседании Священного Синода 8 декабря 2020 года (журнал № 99).
Месяца февраля в 23-й день
Преподобнаго Поликарпа Брянскаго
На велицей вечерни
На Господи, воззвах: стихиры на 8, глас 5.
Подобен: Радуйся, Живоносный Кресте:
Приспе светлая память/ преподобнаго отца нашего Поликарпа,/ да празднуем убо, братие, воспевающе того,/ яко отечества нашего славу,/ земли Брянской украшение,/ иноком мудраго наставника,/ печальным милостиваго утешителя,/ болящим скораго целителя/ и всем верным теплаго молитвенника.
Преподобне отче Поликарпе,/ угодниче Христов усердный,/ ты, безмолвия взыскуя,/ от мирскаго мятежа изшел еси/ и, ангельский образ восприем,/ обитель иноком во граде Брянске основал еси./ Ныне, во обителех Небесных с лики святых водворяяся,/ моли спастися душам нашим.
Радуйся, преподобне Поликарпе,/ отче наш богомудрый,/ кротости и смирения образе,/ незлобия и терпения учителю,/ общаго иноческаго жития рачителю,/ милости источниче, оружниче Царя Небеснаго,/ Емуже молися/ отечеству нашему победы на враги даровати/ и душам нашим велию милость.
Слава, глас 8:
Преподобне отче Поликарпе,/ во всеоружие Божие облекся,/ мирови и страстем себе умертвил еси/ и, трудолюбне подвизаяся,/ иноков множество ко Христу привел еси,/ Егоже моли грехов оставление даровати/ чтущим любовию святую память твою.
И ныне, Богородичен.
Вход. Прокимен дне. Чтения три преподобническая.
На литии стихиры, глас 2:
Преподобне отче Поликарпе,/ ты, премудрости Божественныя измлада рачитель быв,/ в напастех мирских перст Божий уразумел еси/ и, совершен хотя быти,/ привременная блага оставил еси,/ евангельски же Христу последовав,/ постом, бдением и молитвами Тому угодил еси/ и Небесных благ сподобился еси.
Слава, глас 6:
Божиим Духом подвизаемь,/ обитель Спасу Христу воздвигл еси,/ блаженне Поликарпе,/ и многия ученики, житию твоему ревнующия, собрал еси,/ душу же твою, воздержанием крепким/ и слезными токи очистив,/ в жилище Святыя Троицы уготовал еси,/ Юже моли спастися душам нашим.
И ныне, Богородичен:
Возвеличим вси Пренепорочную Матерь Бога нашего,/ Юже освяти Дух Пресвятый,/ и со умилением Той возопиим:/ о, Пречистая Дево Богородице,/ Оружие наше и Стено/ и отечества нашего Заступнице,/ избави от бед рабы Твоя/ и спаси души наша.
На стиховне стихиры, глас 2.
Подобен: Доме Евфрафов:
В славнем граде Брянске/ верою Православною/ и подвиги иноческими/ просиял еси, отче Поликарпе,/ молитвенниче о душах наших.
Стих: Честна пред Господем/ смерть преподобных Его.
Блаженне отче Поликарпе,/ иноческими труды твоими/ благодать чудес восприял еси,/ недуги исцеляти/ и прошения наша исполняти.
Стих: Блажен муж, бояйся Господа,/ в заповедех Его восхощет зело.
Преподобне отче Поликарпе,/ приими пение чад твоих/ и подаждь нам крепость и силу/ на невидимыя и видимыя враги наша/ благодатными твоими к Богу молитвами.
Слава, глас и подобен тойже:
Дом добродетелей быв,/ привременная блага отринул еси,/ отче преподобне Поликарпе,/ и, в храме Божии приметатися изволив,/ обители Спаса Христа игумен мудрый явился еси.
И ныне, Богородичен, глас и подобен тойже:
Дево Мати Пречистая,/ предстоящи пред Богом,/ моли о нас, грешных,/ с преподобным Поликарпом,/ о спасении душ наших.
Тропарь, глас 1:
Ветрилом креста душевный корабль окормив,/ житейская красная оставил еси/ и, от мирскаго мятежа изшед,/ плотския похоти воздержанием многим, отче, умертвил еси,/ пощением же и слезами, молитвами и песньми непрестанно прилепляяся Богу,/ жилище достойное Духа Пресвятаго показался еси./ Моли, Поликарпе преподобне, Христа Бога,/ оставление прегрешений даровати нам и велию милость.
На утрени
По 1-м стихословии седален, глас 8:
Непрестанно исход от временнаго сего жития помышляя и о усопших братиях неустанно псаломский глас вознося, богоносне отче Поликарпе, на молитвенней стражи бодренно предстоял еси, темже и в час кончины твоея бдяща обрете тя Христос Бог. Мы же о тебе вопием: честна пред Господем смерть преподобных Его.
Слава, и ныне, Богородичен:
Помышляю суд и испытания страшная, трепещу и ужасаюся мук, и огня болезни, и тьмы же и тартара. Увы, что сотворю? Студ како претерплю, егда книги разгнутся и деяния обличатся? Сего ради припадаю Ти, Богородице Пречистая: тогда предстани ми, нужды оныя изымающи, Тебе бо имам прибежище, Владычице.
По 2-м стихословии седален, глас 4:
Тесным и прискорбным путем шествуя и злострадания кротко претерпевая, труды велия подъял еси и, о спасении ближних болезнуя, в Царствие Небесное узкими враты вшел еси, богомудре отче Поликарпе, верных утверждение, преподобных похвало и земли Брянския заступниче.
Слава, и ныне, Богородичен:
Стена непобедимая христианом еси, Богородице Дево, к Тебе бо прибегающе, невредими пребываем, и паки согрешающе, имамы Тя Молитвенницу. Темже, благодаряще, вопием Ти: радуйся, Обрадованная, Господь с Тобою.
Величание:
Ублажаем тя,/ преподобне отче Поликарпе,/ и чтим святую память твою,/ наставниче монахов/ и собеседниче Ангелов.
Псалом избранный: Терпя, потерпех Господа:
По полиелеи седален, глас 3:
Отложив земное попечение и от мирскаго мятежа изшед, евангельски Христу последовал еси, блаженне Поликарпе. Ныне же, с безплотными воинствы водворяяся, поминай нас, чтущих святую память твою, да радостно воспеваем Господа Человеколюбца, Даровавшаго тебе благодать исцелений.
Слава, и ныне, Богородичен:
Небесная веселяхуся и земная с трепетом ужасахуся, егда Пречистый глас найде на Тя, Богородице, едино бо торжество обоим возсия, егда Безплотный радость Тебе принесе. Темже со Ангелом Тебе вопием: радуйся, Обрадованная.
Степенна, 1-й антифон 4-го гласа. Прокимен, глас 4: Честна пред Господем/ смерть преподобных Его. Стих: Что воздам Господеви о всех, яже воздаде ми? Всякое дыхание: Евангелие от Матфеа, зачало 43.
По 50-м псалме стихира, глас 6:
Яко солнце раннее землю оживляет,/ тако образ подвигов твоих время постное услаждает,/ отче наш Поликарпе./ Молися, преподобне, Христу Богу,/ Церковь Русскую в Православии невредиму соблюсти,/ отечество наше миром оградити/ и спасти души наша.
Канон святаго, глас 8, егоже краегранесие: Преподобнаго Поликарпа поем любовию.
Песнь 1
Ирмос: Воду прошед, яко сушу,/ и египетскаго зла избежав,/ израильтянин вопияше:/ Избавителю и Богу нашему поим.
Просвети ми ум и озари моя чувства, Христе Боже, и согрешений мрак от души моея отгони, да воспою угодника Твоего, Поликарпа блаженнаго.
Ревность по Бозе от юности с благородием души сочетав, добродетельным житием море житейское преити тщался еси.
Егда суету мирскаго мятежа познал еси, отче Поликарпе, тогда мира сего красная Христа ради во уметы вменил еси.
Богородичен: Пренепорочная Отроковице, Богомати Владычице, призри на рабы Твоя и моли Сына Твоего от всяких бед избавити нас.
Песнь 3
Ирмос: Ты ecu Утверждение/ притекающих к Тебе, Господи,/ Ты ecu Свет омраченных,/ и поет Тя дух мой.
Отложив попечения суетная, преподобне Поликарпе, цветы добродетелей благоухал еси.
Дар Божий земли Брянской явился еси, образом жития твоего и чудес дарованием благоверие утверждая.
О Царствии Небеснем непрестанно помышляя, вся земная оставил еси и над страстьми царствовал еси, богомудре.
Богородичен: Богоматерь Чистую воспоим, рождшую Свет неприступный, Иже весь мир просвещает зарями Своего Божества.
Седален, глас 8:
Скорый в бедах утешитель и в болезнех целитель, монахов наставник и всех верных покровитель, таже и уставов церковных усердный хранитель явился еси, преподобне отче Поликарпе, града Брянска похвало и отечества нашего славо и украшение.
Слава, и ныне, Богородичен:
Теплая Предстательнице и усердная Заступнице, Упование христиан непостыдное, Стено и Покрове, и Пристанище прибегающих к Тебе, земных и Небесных Владычице, Сына Твоего и Бога нашего моли, даровати мирови умирение, и спасение и велию милость.
Песнь 4
Ирмос: Услышах, Господи,/ смотрения Твоего таинство,/ разумех де¬ла Твоя/ и прославих Твое Божество.
Научен быв Божественным заповедем, якоже Ангел на земли преизяществовал еси плотию, молитвою и постом страсти греховныя обуздавая.
Алчуща и жаждуща Христовы правды зрим тя, преподобне Поликарпе, вольною нищетою дарования духовная стяжавшаго.
Гордаго змия послушанием и смирением попрал еси, блаженне, и чада духовная богоугождению научил еси.
Богородичен: О, Пречистая, души моея страсти исцели и печали недоумения победи, Яже Бога рождшая на спасение человеком.
Песнь 5
Ирмос: Просвети нас повелении Твоими, Господи,/ и мышцею Твоею высокою/ Твой мир подаждь нам,/ Человеколюбче.
Престолу Всещедраго Бога ныне предстоя, отче Поликарпе, не престай молитися о нас и отечестве нашем, еже в мире ему пребывати.
Отче преподобне Поликарпе, основателю и первоначальниче Брянския обители Спаса Христа, град твой поминай и возрождению обители твоея пособствуй.
Ликостоянием Небесным причащаяся, призри на немощныя и грешныя чада твоя, исцеления душам и телесем даруя.
Богородичен: Избавителя и Спаса нашего родила еси, Всенепорочная Дево, Сего убо моли чтущим Тя прегрешений оставление даровати.
Песнь 6
Ирмос: Ризу мне подаждь светлу,/ одеяйся светом, яко ризою,/ Многомилостиве Христе Боже наш.
Крепкое заступление буди всем, притекающим к твоей помощи в недузех и печалех, преподобне отче Поликарпе, теплый наш молитвенниче.
Ангелом на земли подражая, молитву непрестанную Богу возносил еси и всего себе в жертву Ему приносил еси.
Ратоборец на видимыя и невидимыя враги буди нам и щит несокру¬шимый отечеству нашему, от бед и напастей его избавляя.
Богородичен: Призре Господь на смирение Твое, Пречистая, и Тобою посещение сотвори удалившимся от Него, яко Многомилостив.
Кондак, глас 4:
Долу влекущее мудрование умертвив/ и суету мирскую презрев,/ Божественным законом последовал еси/ и образ благонравнаго жития иноком явил еси./ Мы же, восхваляюще подвиги твоя,/ со умилением и верою вопием ти:/ преподобне отче Поликарпе,/ моли Христа Бога/ спасти и просветити души наша.
Икос:
Преподобне отче Поликарпе, богоугодное житие твое души верных возвышает и к подражанию тебе подвизает: ты бо, обетов иноческих изрядный хранитель быв, кротостию злобу победил еси и, в скорбех упованием на Бога терпение неистощимое явив, древнему иерарху Смирнскому подобник изрядный показался еси. Темже, восхваляюще честную память твою, зовем ти: моли Христа Бога спасти и просветити души наша.
Песнь 7
Ирмос: Отроцы еврейстии в пещи/ попраша пламень дерзновенно/ и на росу огнь преложиша, вопиюще:/ благословен ecu, Господи Боже, во веки.
Ангельскую ревность о спасении Богом врученнаго ти словеснаго стада являя, наставниче неусыпный, отче преподобне, волю Пастыреначальника Христа творити научал еси.
Призри на нас, чад твоих, преподобне Поликарпе, предстоящих твоему честному образу, и подаждь отеческая твоя даяния, да поем: благословен еси, Боже отец наших.
Оставив временная и избрав вечная, изволил еси усердне хранити заповеди Господни и, яко сотворивый и научивый, велий в Царствии Небеснем нареклся еси.
Богородичен: Ева убо недугом преслушания клятву всели, Ты же, Дево Богородице, прозябением чревоношения Благословение мирови изнесла еси.
Песнь 8
Ирмос: Богоглаголивии отроцы, в пещи/ со огнем пламень попирающе, пояху:/ благословите, дела Господня, Господа.
Молим тя, преподобне Поликарпе, утоли наша болезни и скорби, и в Православней вере утверди, да превозносим Господа во веки.
Любве Божия пламенный рачителю, еже питати чада твоя, напитай и нас пищею духовною, да причастницы жизни вечныя будем.
Юдоль плачевная томит нас, отвергших Духа благодать, преподобне отче, обаче молитвами твоими возвесели нас, кающихся Господу.
Богородичен: Безлетный из Тебе воплотися боголепне, Егоже моли, Дево, страсти плоти моея умертвити и оживити душу мою.
Песнь 9
Ирмос: Чистую славно почтим,/ людие, Богородицу,/ огнь Божества приимшую во чреве неопально,/ песньми величаем.
О, многаго твоего дерзновения, имже ко Владыце всех обогатился еси, отче преподобне, в сердце Ему, якоже другу, собеседуя.
Вем, яко недоумеет язык восхвалити тя по достоянию, обаче от любве приносимыя тебе похвалы сия приими, яко отец чадолюбивый.
Избави нас ходатайством твоим от мук вечных, преподобне Поли¬карпе, и деснаго стояния на Страшнем Суде сподоби.
Богородичен: Юже древле предвозвести пророческое сословие, стамну, и жезл, и скрижаль, и несекомую гору, Богородицу Деву, вернии, да восхвалим.
Светилен:
Благолепною простотою удобренный, отче Поликарпе, добродетелей небовосходными крилы, яко мысленный орел, сетей князя мира сего избегл еси и от земныя обители к Небесней востекл еси, отонудуже осиявай попечением твоим град Брянск, и землю Русскую, и всех, любовию тя почитающих.
Слава, и ныне, Богородичен:
Всю надежду спасения нашего на Тя возлагаем, Богомати Неискусобрачная, и на помощь присно Тя призываем: от напасти врага и печали спаси нас, греховныя пленицы зол наших разрешающи, и вечнаго огня исхити, да Тя, Предстательницу рода нашего, присно величаем.
На хвалитех стихиры, глас 1.
Подобен: Небесных чинов радование:
Равноангельным житием твоим/ течение добре совершая/ и тело, изнуренное постом и бдением,/ непрестанно вериги тяжкими сокрушая,/ в ничтоже подвиги твоя вменял еси, отче Поликарпе./ Темже тя с любовию ублажаем.
Смирение и кротость/ с твердостию духа сочетавая,/ беды от лжебратий и злых человек поношения/ Христа ради претерпел еси,/ отраду изнемогающей души твоей/ в молитве у преподобных лавры Печерския обретая.
В келлии убозей и ризах раздраных/ богатством добродетелей возсиял еси, преподобне,/ себе самаго образ стаду твоему подавая,/ благоуветливый же глас словес твоих,/ силою духа и любовию растворенный,/ к Богу сердца верных обращаше.
Течение скончавая пощения твоего,/ преподобне отче Поликарпе,/ при празе церковнем погребсти/ многотрудное тело твое завещал еси,/ обаче весть Господь славящия Его прославляти./ Темже и тя по кончине даром чудес обогати.
Слава, глас 8.
Подобен: О, преславнаго чудесе:
О, угодниче Божий,/ отче наш Поликарпе,/ града Брянска покровителю,/ и Русския земли заступниче,/ Православныя веры поборниче,/ верным утверждение и воином пособниче,/ Безплотных подражателю и преподобных сожителю,/ и всем страждущим помощниче,/ моли спастися душам нашим.
И ныне, Богородичен, глас и подобен тойже:
О, преславнаго чудесе!/ Небесе и земли Царица,/ от святых сродников наших умоляемая,/ доныне землю Русскую покрывает/ и лика Своего изображении милостивно обогащает./ О, Владычице Державная!/ Не престани и на будущее время/ во утверждение на Руси Православия/ милости и чудеса изливати до века. Аминь.
На Литургии
Блаженны от канона святаго, песнь 3-я и 6-я, на 4. Прокимен, глас 7: Честна пред Господем смерть преподобных Его: Стих: Что воздам Господеви о всех, яже воздаде ми? Апостол к Галатом, зачало 213. Алиллуиа, глас 6: Блажен муж, бояйся Господа, в заповедех Его восхощет зело. Стих: Сильно на земли будет семя его. Евангелие от Луки, зачало 24. Причастен: В память вечную будет праведник:
Молитва
О, пастырю добрый, наставниче неусыпный, преподобне отче Поликарпе! Ты, от мятежа мира сего изшед, отвержением благ преходящих евангельски Христу последовал еси и, равноангельное житие пожив, Безплотных почести сподобился еси. Сего ради, любовь твою к людем памятующе, яко чада ко отцу, к тебе прибегаем и со умилением молимся: о преподобне угодниче Божий, избави от всякаго навета вражия грады и веси земли нашея и не остави заступлением твоим нас, немощных, грехми и скорбьми многими обремененных. Умоли Христа Бога нашего даровати нам помыслов мир, от пагубных страстей и всякия скверны воздержание, братолюбие долготерпеливное, благочестие же нелицемерное, да не во зло обратим благая, нам свыше присно посылаемая. Молися, преблаженне, да озарится ум наш светом лица Божия, да укрепится благодатию Господнею произволение наше, да, в законе Христове утвердившеся, неленостно по пути заповедей святых потечем. Осени горним твоим благословением нас и всех, в скорбех сущих, болезньми душевными и телесными одержимых, исцеление, утешение и избавление тем даруя; над всеми же сими испроси нам свыше дух кротости и смиренномудрия, дух терпения и покаяния, да прочее время жития нашего в вере и сокрушении сердечнем поживем и тако в час скончания нашего благодарне восхвалим прославльшаго тя Господа, Безначальнаго Отца, Единороднаго Его Сына и Единосущнаго Всеблагаго Духа, Троицу Нераздельную, во веки веков. Аминь.
Тропари, кондаки, молитвы и величания
Тропарь, глас 1
Ве́трилом креста́ душе́вный кора́бль окорми́в,/ жите́йская кра́сная оста́вил еси́,/ и от мирска́го мяте́жа изше́д,/ плотски́я по́хоти воздержа́нием мно́гим, о́тче, умертви́л еси́,/ поще́нием и слеза́ми, моли́твами и пе́сньми непреста́нно прилепля́яся Бо́гу:/ те́мже и жили́ще досто́йно Ду́ха Пресвята́го показа́лся еси́./ Моли́, Полика́рпе преподо́бне, Христа́ Бо́га// оставле́ние прегреше́ний дарова́ти нам и ве́лию ми́лость.
Перевод: Парусом креста корабль души направляя, житейские блага оставил ты, и от мирской суеты удалился, телесные похоти умертвив, отче, многим воздержанием, пощением и слезами, молитвами и духовными песнопениями, непрестанно имея общение с Богом, потому и стал достойным жилищем Пресвятого Духа. Моли, Поликарп преподобный, Христа Бога, прощение прегрешений даровать нам и великую милость.
Кондак, глас 4
Я́коже оте́ц духо́вно, князь чу́вственно,/ лю́дем Росси́йским яви́лся еси́, преподо́бне Полика́рпе:/ мудрова́ние бо и сла́ву мирску́ю презре́в,/ Боже́ственным зако́ном после́довал еси́,/ мона́хом же был тве́рдое укрепле́ние и свети́льник све́тел,/ те́мже восхваля́юще честну́ю па́мять твою́, зове́м ти:// моли́ Христа́ спасти́ и просвети́ти ду́ши на́ша.
Перевод: Духовным отцом и князем в миру для людей российских стал ты, преподобный Поликарп, ибо мирское мудрование и славу презрев, Божественному закону последовал, монахам же был твердым укреплением и ярким светильником, потому прославляя почтенную память твою, взываем к тебе: «Моли Христа спасти и просветить души наши».
Молитва
О, па́стырю до́брый, наста́вниче неусы́пный, преподо́бне о́тче Полика́рпе, ты от мяте́жа ми́ра сего́ изше́д, отверже́нием благ преходя́щих ева́нгельски Христу́ после́довал еси́, и равноа́нгельное житие́ пожи́в, Безпло́тных по́чести сподо́бился еси́; того́ ра́ди па́мятуя любо́вь твою́ к лю́дям ти сро́дным, я́ко ча́до ко отцу́, к тебе́ прибега́ем и мо́лимся со умиле́нием: бу́ди щит несокруши́м Святе́й Це́ркви Правосла́вней и оте́честву на́шему, во́инству, я́ко сора́тник, и споспешеству́й в побе́дах на супоста́ты. Изба́ви, о преподо́бне уго́дниче Бо́жий, от вся́каго наве́та вра́жия гра́ды и ве́си страны́ Росси́йския и не оста́ви заступле́нием твои́м нас немощны́х, грехи́ и скорбьми́ мно́гими обремене́нных: умоли́ бла́гость Христа́ Бо́га на́шего дарова́ти нам по́мыслов мир, от па́губных страсте́й и вся́кия скве́рны воздержа́ние, братолю́бие и́скреннее, благоче́стие нелицеме́рно и да не во зло обрати́м блага́я, нам свы́ше вы́ну посыла́емая. Озари́, преблаже́нне, ум наш све́том лица́ Бо́жия, и́же ны́не осиява́ет тя; укрепи́ благода́тиею Госпо́днею произволе́ние на́ше, да утверди́вшеся в зако́не Христо́ве, неле́ностно тече́м по пути́ за́поведей святы́х; осени́ го́рним твои́м благослове́нием нас и всех в ско́рбех су́щих, бе́ды и боле́зньми душе́вными и теле́сными обдержи́мых, исцеле́ние, утеше́ние и избавле́ние им да́руя; над все́ми же си́ми испроси́ свы́ше рабо́м твои́м дух кро́тости и смире́ния, дух терпе́ния и покая́ния, да про́чее вре́мя живота́ на́шего иждиве́м в ве́ре и сокруше́нии серде́чнем и та́ко в час сконча́ния и разреше́ния от уз пло́ти благода́рне восхва́лим просла́вльшаго тя Го́спода, Безнача́льнаго Отца́, Единоро́днаго Его́ Сы́на и Единосу́щнаго Всеблага́го Ду́ха, Тро́ицу Неразде́льную во ве́ки веко́в. Ами́нь.
Случайный тест
О календаре
Богослужения
Посты
Праздники
Когда <духовные потребности> не удовлетворяются, то, будь все другие удовлетворяемы богато, покоя не бывает.
472 год. Воспоминание падшего праха от воздуха в Цареграде.
В 1989 году возобновлено подворье-представительство Иерусалимской Православной Церкви в Москве.
19 ноября 2009 года на амвоне храма апостола Фомы убит исламистом священник Даниил Сысоев.
