Преподобный Феодо́сий Череповецкий
Житие
Краткие жития преподобных Афанасия и Феодосия Череповецких
Преподобный Афанасий, по прозвищу "Железный посох", и преподобный Феодосий Череповецкие – ученики преподобного Сергия Радонежского. Поселились они в Новгородском краю на Череповецком урочище, при впадении речки Ягорбы в реку Шексну, где подвизались в иноческих трудах. Здесь они построили храм во Имя Святой Троицы и основали Воскресенский Череповецкий монастырь. Скончались около 1388 года и погребены в соборном храме монастыря.
Полные жития преподобных Афанасия и Феодосия Череповецких
Ученики преподобного Сергия, отшельники Афанасий (по прозванию Железный посох) и Феодосий, поселились в Новгородском краю на Череповском урочище, в весьма красивой местности, при впадении речки Ягорбы в реку Шексну, среди непроходимых дремучих лесов. Там поставили они церковь в честь Святой Троицы и устроили монастырь. О святом Феодосии ничего доподлинно неизвестно. О преподобном Афанасии так же почти никаких сведений не сохранилось, лишь в летописных святцах сказано "преподобный Афанасий пустынник, зовомый Железный посох, ученик бысть святаго Сергия чудотворца; преставися в лето 6900 (1392 по Р.Х.)", да в Строгановском иконописном подлиннике, описывается обличие святого: "Преподобный Афанасий... подобием сед, брада поуже и покороче Власиевы".
Череповский Воскресенский монастырь был до основания разорён во время нашествия Литвы, а потому не сохранилось сведений о блаженных его основателях, кроме надписи на вкладной книге 1568 года: "Сия книга святыя обители Воскресения Христова и Живоначальной Троицы и святых преподобных чудотворцев Сергия и Никона и начальников святыя обители сия преподобных отец наших Феодосия и Офанасия".
Мощи преподобных Афанасия и Феодосия почивают в Череповце под спудом Воскресенского собора. Память их совершается 18 июля (5 июля по ст.с.), 8 октября (25 сентября по ст.с.) и 9 декабря (26 ноября по ст.с.).
Жития и книги в библиотеке
- Память преподобных Афанасия и Феодосия Череповецких иером. Макарий Симонопетрский
Богослужения
Тропари, кондаки, молитвы и величания
Тропарь, глас 5
Я́ко всехва́льнии ученицы́/ вели́каго покрови́теля и заступни́ка земли́ Ру́сской,/ Богоно́снии отцы́ на́ша Афана́сие и Феодо́сие,/ от ю́ности ва́шея крест Христо́в на ра́мена взе́мшии,/ усе́рдно Тому́ после́довали есте́/ и до́бре потруди́лися в Се́ргиевой оби́тели./ Отону́дуже Бо́жиим изволе́нием прибы́вша,/ благоче́стно во гра́де на́шем Череповце́ подвиза́лися есте́,/ и оби́тель Воскресе́ния Христо́ва устро́иша,/ моли́твою и трудо́м Бо́гу угоди́вше,/ от Него́ вене́ц сла́вы Небе́сной прия́ли есте́,/ и ны́не святы́ми свои́ми телесы́/ в собо́рнем хра́ме под спу́дом почива́юще,/ ду́хом же вку́пе с преподо́бным Се́ргием/ у Престо́ла Всевы́шняго предстоя́,/ о нас моли́теся приле́жно/ изба́витися нам от всех бед и скорбе́й// и спасти́ся душа́м на́шим.
Кондак, глас 3
Несть брань на́ша к пло́ти и кро́ве,/ но к духово́м зло́бы поднебе́сным,/ си́це апо́стольски взыва́ли есте́, преподо́бнии,/ темже от ми́ра су́етнаго укло́ньшеся,/ в пусты́ни пожи́ли есте́,/ во е́же А́нгелом соревни́тели яви́тися/ и препобеди́ти де́монския ополче́ния./ Си́це ны́не по нам побора́йте,/ огражда́юще ны от наве́тов и ко́зней бесо́вских,/ да мы, собра́вшеся в па́мяти ва́шей,/ помина́юще по́двиги ва́ша, умиле́нно воззове́м:/ я́ко предста́телие те́плии,/ от бед изба́вите нас,// Афана́сие и Феодо́сие пречу́днии.
Молитва
О богоблаже́нная дво́ице, вели́цыи и пресла́внии чудотво́рцы, преподо́бнии отцы́ на́ша Афана́сие и Феодо́сие! О го́рлицы пустыннолю́бныя, возлете́вшия от гнезда́ вели́кого а́ввы земли́ Ру́сския, преподо́бнаго и богоно́снаго отца́ на́шего Се́ргия! Се ны́не мы, гре́шнии, собра́ннии в день земна́го ва́шего торжества́, лобыза́юще о́браз ваш честны́й, усе́рдно мо́лим вас, я́ко те́плых предста́телей на́ших пред Го́сподем: во мно́гих ско́рбех и искуше́ниих терпе́ние ве́лие показа́вшия, да́руйте нам, немощны́м, кре́пость во обстоя́ниих жития́ на́шего; усе́рдне по́двиги ва́ша земна́я соверши́вшия, укрепи́те на́ша си́лы, во е́же не то́чию словесы́, но и де́лы за́поведи Ева́нгельския соблюсти́; сердца́ ва́ша горе́ возноси́вшия ко Го́споду, сотвори́те ны не нае́мники бы́ти, но пои́стине ча́ды Бо́жиими, в любве́ пребыва́ющими ко Отцу́ Небе́сному. Па́стыри на́ша наста́вите усе́рдными бы́ти в хране́нии ста́да Госпо́дня, ни еди́ныя же овцы́ слове́сныя погуби́ти, но вся прите́кшия ко Христу́, Первопа́стырю на́шему, до́бре пасти́ и ко Ца́рствию Небе́сному упра́вити. Прави́телей на́ших в зако́не Бо́жии утверди́те, тружда́ющимся испроси́те утеше́ние и кре́пость, да прии́мут от де́лания рук свои́х не то́кмо поле́зная к жи́зни сей вре́менней, но и возмо́гут ле́пту свою́ Бо́гови принести́. Ю́ныя уцелому́дрите, ста́рыя поддержи́те, на путь бра́чный вступи́вшия в любве́ и упова́нии друг ко дру́гу укрепи́те. В мона́шестве подвиза́ющимся и во след вас тещи́ хотя́щим посо́бницы бу́дите в обе́тов соблюде́нии. Да и ны́не, и в пре́дняя ве́ки умно́жатся, я́ко зве́зды небе́сныя, и́ноки, угоди́вшия Бо́гу во а́нгельстем житии́ на земли́ на́шей. Нас же всех, по́мощи ва́шея ны́не прося́щих, сопроводи́те ко врато́м Черто́га Небе́снаго, да преше́дше по́прище земна́го своего́ жития́, возмо́жем ку́пно с ва́ми и со все́ми святы́ми земли́ на́шея прославля́ти пречестно́е и великоле́пое И́мя Единосу́щныя и Неразде́льныя Тро́ицы, Отца́ и Сы́на и Свята́го Ду́ха, в бесконе́чныя ве́ки. Ами́нь.
2-я Молитва
О, дво́ице свяще́нная, преблаже́ннаго а́ввы Се́ргия послу́шателие усе́рднии, гра́да Череповца́ похвало́ и утвержде́ние, преподо́бнии отцы́ на́ша Афана́сие и Феодо́сие! Вы, в по́стничестве и в де́лех благоче́стия на земли́ на́шей подвиза́вшеся и оби́тель Воскресе́ния Христо́ва устро́ивше Бо́гу угоди́сте, та́же я́ко свети́ла све́тлая в ми́ре просия́ли есте́ и ве́рныя да́же до днесь моли́твою и житие́м ва́шим просвеща́ете. Тем же па́мять ва́шу ны́не ублажа́юще, мы, недосто́йнии, ду́хом смире́нным приле́жно вас мо́лим: моли́те за ны Всеблага́го Го́спода, да хо́дим ки́йждо досто́йно зва́ния христиа́нскаго, в не́мже зва́ни бы́хом, да яви́мся в ве́ре правосла́вной святы́ни ва́шея насле́дницы. Моли́те, отцы́ на́ши, да водвори́тся мир в земли́ на́шей, вражды́ же и нестрое́ния грехо́внии да упраздня́тся и да воссия́ет свет благода́ти всем бра́тиям на́шим по пло́ти во тьме лжеве́рия и суему́дрия седя́щим, да позна́ют вси Христа́ И́стиннаго, Еди́наго Спаси́теля всех челове́к, да вразумя́тся и прии́дут неве́рующая бра́тия на́ша во огра́ду Це́ркви Правосла́вныя, в ней же спасе́ние ве́чное содева́ется. Хода́тайством ва́шим отжени́те вся́кое уны́ние и печа́ль грехо́вную от серде́ц на́ших и небе́сное утеше́ние ниспосли́те нам во труде́х и ско́рбех земны́х. Помози́те нам во́лю Го́спода в простоте́ и смире́нии твори́ти, искуше́ния же вра́жия победи́ти, да яви́мся в любве́ возраста́юще, Небе́снаго Оте́чества гра́ждане, иде́же ку́пно с ва́ми да просла́вим Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
3-я Молитва
О, отцы́ на́ша преблаже́ннии, преподо́бнии Афана́сие и Феодо́сие, негаси́мыя свети́льницы ве́ры правосла́вныя, в де́брях Чере́повси подвиза́вшиеся, ны́не же с высоты́ го́рних селе́ний на нас, в пусты́нях грехо́внаго себялю́бия блужда́ющих, с любо́вью и милосе́рдием взира́ющии! При́зрите на нас, не́мощных, и, я́ко те́плии моли́твенницы и ско́рыя уте́шетельницы на́ша, у Христа́ Бо́га испроси́те нам грехо́в оставле́ние, жития́ исправле́ние, се́рдца очище́ние, в ве́ре свято́й утвержде́ние. О вели́цыи духо́внии ко́рмчии, да моли́твами ва́шими окормля́емии, приведе́м корабли́ душ на́ших в ти́хую при́стань спасе́ния и сподо́бимся та́мо ку́пно с ва́ми сла́вити Отца́ и Сы́на и Свята́го Ду́ха во ве́ки веко́в. Ами́нь.
4-я Молитва
О преподо́бнии отцы́, вели́цыи засту́пницы и моли́твенницы на́ша, ди́вныя чудотво́рцы Афана́сие и Феодо́сие! Мо́лим у́бо вы: услы́шите нас, гре́шных, и хла́дныя, и че́рствыя сердца́ на́ша ми́лостивым ва́шим посеще́нием согре́йте и оживи́те, и ду́ши на́ша, злы́ми де́лы и грехо́вными по́мыслы умерщвле́нныя, благода́тью, да́нной вам от Го́спода, исцели́те, да укрепи́вшись те́лом и душе́ю, служа́ Еди́ному Бо́гу, с терпе́нием, благодаре́нием и упова́нием на Влады́ку всех крест свой понесе́м, благоче́стно и пра́ведно в ве́це сем поживе́м, сла́вя ди́внаго во святы́х Свои́х Бо́га, с на́ми всегда́ спребыва́ющаго и помо́щию Свое́й не оставля́ющаго, ны́не и при́сно и во ве́ки веко́в. Ами́нь.
Случайный тест
О календаре
Богослужения
Посты
Праздники
![](https://azbyka.org/days/cache/300x240/storage/images/photos-of-day/65fbf5b9451e1066422450.jpg)
79 год. Извержение Везувия. Города Помпеи, Геркуланум и Стабии погребены под вулканическим пеплом.
1904 год. В России отменены телесные наказания.