Священномученик Фео́дор Лебедев, пресвитер
Дни памяти
Житие
Отец Александр Смирнов и отец Феодор Лебедев[1] были священниками двух, расположенных в полуверсте друг от друга церквей села Вышегород Верейского уезда Московской губернии. Эти пастыри жили и служили рядом, и претерпеть мученическую кончину им довелось вместе.
Священномученик Александр родился в 1875 году в семье почетного гражданина Василия Смирнова. В 1898 году Александр Васильевич окончил Московскую Духовную семинарию и поступил законоучителем в церковноприходскую школу в селе Круглино Дмитровского уезда Московской губернии. В 1903 году он был рукоположен во священника и стал служить в Крестовоздвиженской церкви села Вышегород. Храм находился в четырнадцати верстах от города Вереи и полуверсте от Ризоположенской церкви. При приходе были церковноприходская школа в деревне Паново и земская школа в деревне Сотниково. В 1903-1904 годах отец Александр был законоучителем в Сотниковской земской школе, а с 1904 года – законоучителем и заведующим Пановской церковноприходской школы. В феврале 1911 года он был избран членом благочиннического совета. За простоту в обращении и милосердие отец Александр был любим своими прихожанами. Когда кому-нибудь из них требовалась помощь, он оказывал ее просто и без сомнений. Неукоснительно исполнял церковный устав, не допуская сокращений или отступлений в службах, за что пользовался большим уважением старообрядцев, которых много тогда жило в этом уезде. Был наделен от Бога красивым и сильным голосом, так что священноначалие не раз хотело перевести его в Москву в один из соборных храмов.
В 1918 году советская власть издала декрет об отделении Церкви от государства. Декрет запрещал любую форму проповеди, что подразумевало и ношение священником рясы вне храма. Кое-где угрозами принуждали священников изменить свой облик и, бывало, за неподчинение убивали. Местные власти потребовали и от отца Александра, чтобы он перестал ходить по селу в рясе и остриг волосы. После совета со своим старцем-священником отец Александр сказал, что никогда не подчинится беззаконному распоряжению и не откажется от облика православного пастыря.
Священномученик Феодор родился в семье священника Николая Лебедева. Он был рукоположен и служил в деревянной Ризоположенской церкви, куда он пришел на место своего брата. В храме было два престола: один во имя Положения ризы Пресвятой Богородицы, другой – во имя бессребреников и чудотворцев Космы и Дамиана. 14 ноября 1918 года в селе отмечался престольный праздник – память бессребреников и чудотворцев Космы и Дамиана, на который съехалось духовенство и миряне со всей округи. После литургии, молебна и общей трапезы священники разъехались по приходам.
В тот же день, ближе к вечеру, в расположенную рядом с Вышегородом деревню въехал вооруженный отряд латышей, приехавших мстить за убитого в этом районе милиционера. Пятьдесят всадников намеревались жестокостью казней устрашить крестьян. Однако не только крестьян они собирались казнить, но и всех священников, которых удастся захватить. Казни начались сразу же. По пути повстречался церковный сторож – он был зарублен. Крестьяне, заподозренные в убийстве милиционера, были без всякого суда казнены. После этого нашли и арестовали отца Александра и отца Федора. Священникам объявили, что они умрут.
– Тогда надо помолиться, – сказал отец Александр.
– Молись, – разрешил начальник отряда.
Священники, преклонив колена, стали молиться Богу. Получив внутреннее откровение в молитве отец Александр сказал:
– Я готов. Теперь делайте со мной, что хотите, но знайте, что все вы вскоре погибнете.
Только лишь он это сказал, как палач взмахнул шашкой. Долго и мучительно умирал батюшка Александр.
После этого палачи приступили к отцу Феодору, который стал обличать их в жестокости и убийствах. В ответ они начали бить его по лицу, и когда он упал, палач дважды выстрелил в него. Отец Феодор был еще жив, его не стали добивать: впечатление от убийства безвинных священников было таково, что каратели спешили покинуть скорей место казни. Отец Федор прожил еще ночь и умер на следующее утро.
Пророчество отца Александра передавалось из уст в уста. Все исполнилось в точности. Через несколько дней отряд карателей был уничтожен под селом Балабановым.
На третий день состоялось отпевание и погребение священномучеников. На похороны собралось множество народа. Сразу же после убийства власти из боязни перед народом поспешили признать священников невиновными и прислали на погребение своих представителей, которые шли среди прихожан с белым знаменем в знак невиновности мучеников.
На девятый день после кончины отец Александр явился во сне дочери Елене и повелел ей собрать оставшиеся на месте убиения косточки головы, указав ей и само место. Примерно через год после кончины он явился сыну Александру, одетый в ризы ослепительной белизны.
Мощи священномучеников Александра и Феодора были обретены 8 октября 1986 года и с тех пор все, прибегавшие к молитвенной помощи священномучеников, получали ее от сих скорых ходатаев и заступников.
Священномученики Александр и Феодор были прославлены в лике новомучеников и исповедников Российских на Юбилейном Архиерейском Соборе 2000 года.
По благословению Святейшего Патриарха Московского и всея Руси Алексия II и Высокопреосвященнейшего митрополита Коломенского и Крутицкого Ювеналия 20 сентября 2003 года мощи священномучеников Александра и Феодора были помещены в храме Казанской иконы Божией Матери в городе Реутове, где в 2001 году был освящен придел во имя Собора Новомучеников и Исповедников Российских.
Память священномучеников Александра и Феодора совершается в день их мученической кончины 1 (14) ноября, в день обретения их святых мощей 25 сентября (8 октября), а так же в день празднования Собора новомучеников и исповедников Российских.
По материалам: Иеромонах Дамаскин (Орловский). "Мученики, исповедники и подвижники благочестия Русской Православной Церкви ХХ столетия". Кн. 2. Тверь, 1996. С. 401-404.
Источник: pstgu.ru
Примечание
[1] Во исполнение благословения Святейшего Патриарха Кирилла от 13 октября 2023 года фамилия сщмч. Феодора указана в соответствии с уточненными данными, представленными Синодальной комиссией по канонизации святых 25 октября 2023 года.
Богослужения
Служба священномученикам Александру Смирнову и Феодору Лебедеву
На велицей вечерни
На Господи, воззвах: стихиры, глас 5
Подобен: Радуйся, Живоносный Кресте:
На Брак Агнчий Владыкою Христом призвани, / во одежду светлу добродетелей одеялися есте / и угодны явистеся Христу Богу со всеми святыми, / наслаждающеся нетленною пищею // во Царствии Небеснем.
В багряныя ризы / кровию твоею облачился еси / и явился еси истиннейший священник Бога Вышняго, / во Царствии Небеснем ныне пребываеши, / священномучениче Александре, / молися даровати нам грехов прощение // и веры утверждение.
Воистину дар Божий / явишася нам мощи твоя, / святый священномучениче Феодоре, / болезни телесныя исцеляюще, / и душевныя страсти искореняюще, / и в нуждах помогающе, // всем любовию тя почитающим.
Плодоносное прозябение веры Христовы / явистеся мученицы, Александре и Феодоре. / Темже кровию вашею / землю нашу освящающе / и Церковь Русскую украшающе, / молите Христа Бога, // да соблюдет нас от всякаго навета вражия.
Слава, глас 6:
Днесь благодать Святаго Духа нас cобра / в прославление святых священномучеников Александра и Феодора, / тии бо предстоят Престолу Всецаря // и молятся о спасении душ наших.
И ныне: Богородичен
“Кто Тебе не ублажит…”
Вход.
Прокимен дне.
И чтения новомучеником:
Деян. 4,6-31; 2Тим.4,1-8; Евр.11,33-40.
На литии стихира новомучеником, глас 6:
Подобен: Отчаянная:
Творение святителя Афанасия Ковровскаго.
Отчаяни есмы / жития ради / и не имамы/ нрава добродетельна, / но, яко миро, приносим Ти, Господи, / молитвы святых сродников наших./ Не отвержи Русь, издревле Святую, / ныне же грехов наших ради люте страждующую. / Не презри слезы верных сынов, / колен своих пред Ваалом не преклонявших, / и ихже не поразил еси, согрешающих. / Приими нас, кающихся, Боже, / святых Твоих мольбами.
Стихиры на стиховне, глас 2:
Подобне древним мучеником, святии Александре и Феодоре, / во страданиих страшных пребысте непоколебими / и мучителем вашим вопиясте: / страха вашего не убоимся, ниже смутимся, // яко с нами Бог.
Стих: Проидохом сквозе огнь и воду, / и извел еси ны в покой.
Небрегше о сосудех телес ваших, / в различных изтязаниих / мученически течение жития скончасте, / темже, память вашу празднующе, / цветы песненными венчаем вас, / ходатаев наших пред Христом Богом, // Егоже молите спасти и просветити души наша.
Стих: Блажени живущии в дому Твоем,/ в веки веков восхвалят Тя.
Егда, яко мученики, имеюще дерзновение / ко Христу Богу нашему, / востаните судити мирови / во Второе Пришествие Его: // тогда помяните и нас, память вашу любовию празднующих.
Слава, глас 2:
Яко плод зрелый благочестный / сподобистеся принести Христу телеса ваша, / священномученицы Александре и Феодоре, / и собрани бысте в житницу Его, // молите спасти и просветити души наша.
И ныне, глас 6:
Егда приидет времен исполнение, / труба же Архангелова вострубит, / престоли судищныя поставятся и река огненная возшумит, / мертвии возстанут и живии восхищени будут, / и явится знамение Сына Человеческаго на Небесех,/ вси земнороднии восплачутся, / и вся силы небесныя поколеблются, / тогда Дева Богородица, / грешных Спасение и ненадежных Надежда, / одесную Судии предстоящи, явится, / Пречистеи Свои руце к Сыну простирающи, / и слезами ланиты Своя милостивно орошающи, / и вечнаго мучения избавляющи, / имя Ея препетое призывающих. / Темже убо, братие, / ныне потщимся и к Богородице прибегати не обленимся, / да и нас заступит в оный страшный час, / все упование на Ню возлагающих.
По Ныне отпущаеши:
тропарь священномучеником дважды
и Богородице Дево: единожды.
Тропарь, глас 1:
Бескровную Жертву Богу приносяще, / предстояли есте престолу земнаго храма. / Излиявше же кровь свою за Христа, / днесь предстоите Небесному Престолу Царя Славы, / святии священномученицы Александре и Феодоре, // молитеся непрестанно спастися душам нашим.
На утрени
По 1-м стихословии седален:
Вы, святии Александре и Феодоре, яко священницы Бога Вседержителя, приясте власть прощати и решити грехи, разрешите зол моих множество и направите жизнь мою на путь заповедей Божиих.
Слава, и ныне:
Яко юродивыя девы не имам светильника покаяния, не обретох бо елея милости, слез и воздыханий сердечных, тщетно толку в двери, затворенныя ми грехом: Мати Божия, отверзи ми двери милости Твоея.
По 2-м стихословии седален:
Законно пострадасте, венцами нетленными от Господа венчалися есте, и нас утвердите подвигом добрым подвизатися, течение жизни достойно совершити, вас бо теплыя ходатаив ко Спасу стяжахом.
Слава, и ныне:
Буди нам Заступница и Покров от враг видимых и невидимых, Пресвятая Богородице, и Предстательница пред Богом, молящи Его вкупе со священномучениками Александром и Феодором о спасении нашем.
На полиелее величание:
Величаем вас, / святии священномученицы Александре и Феодоре, / и чтим честная страдания ваша, / яже за Христа // претерпели есте.
Псалом избранный: Бог нам прибежище и сила:
Седален по полиелеи:
Днесь двоицу святых страдальцев прославим, крепкаго духом Александра и мужественнаго Феодора, сии бо службу святым братиям Косме и Дамиану совершивше, спострадати им сподобишася, яко братия духовнии суще, ныне же молятся Христу Богу в вере, надежди и любви сохранитися нам.
Слава, и ныне:
Богородице, Упование наше, буди нам Помощница и Предстательница пред Сыном Твоим, Христом Богом нашим, во вся дни живота нашего.
Прокимен, глас 4: Проидохом сквозе огнь и воду, / и извел еси ны в покой.
Стих: Разжегл ны еси, якоже разжизается сребро.
Евангелие от Матфея, зачало 36 (10, 16-22): Рече Господь Своим учеником, се Аз посылаю вас: конец: Претерпевый же до конца, той спасен будет.
Стихира по 50-м псалме, глас 6:
Како возможем прославити вас по достоянию / или что принесем вам в дар, / святии священномученицы Александре и Феодоре, / от Самаго Христа Бога прославлении? / Но приимите усердныя мольбы наша, // вас бо теплыя предстатели ко Спасу стяжахом.
Канон
Песнь 1
Ирмос: Яко по суху:
Како дерзну, недостойный, прославити священную двоицу мучеников, кровь свою Христа ради пролиявших и пред лицем безбожных Имя Его исповедовавших? Но даждь ми, Господи, слово прославити сих, Тебе в житии своем прославивших.
Во страдании Христа исповедавше, вы явистеся воистину камение на истиннем Камени Христе утвержденнии.
В любви ко Господу возрастающе, вы исполнили есте заповедь любве вышшия, темже о нас Христа Бога молите, да утвердит в любви души наша.
Слава, и ныне:
Что принесет Тебе, Владычице Богородице, наше неможение? Кую песнь воспоем Тебе, рождшей Бога плотию? Токмо ту, коею Гавриил Архангел нас научи: радуйся, Благодатная, Господь с Тобою.
Песнь 3
Ирмос: Несть свят:
Заповедем Господним поучающеся и от соблазнов мира сего удаляющеся, явистеся избраннии сосуди Духа Святаго, святии Александре и Феодоре, и, от Него укрепляеми, шествовали есте во след распеншагося Христа и от Того венчалися есте венцами небесными.
Юдоль земную благочестно прошедше и кровию своею веру запечатлевше, ныне со всеми святыми прославляетеся в Царствии Небеснем, помяните и нас, священномученицы доблии, память вашу празднующих.
Образ верным показастеся в деле, слове, житии и смерти за Христа. Темже молитеся за нас, чад ваших, яко да достойни явимся вашего за нас предстательства.
Слава, и ныне:
Како возмогла еси вместити Невместимаго? Како родила еси, из Негоже вся быша? Что возглаголю Тебе, окаянный аз, или что воспою? Токмо: радуйся, Благодатная, Господь с Тобою.
По 3-ей песни седален:
Украшение пастырей явистеся, святии священномученицы Александре и Феодоре, Бескровную Жертву усердно Богу приносяще и в добродетелех возрастающе, сподобилися есте венцы мученическия от Христа прияти. Темже молите, да подаст Он пастырем Церкве ревность и попечение о спасении душ наших.
Слава, и ныне:
Витии словеснии умолкают, Дево, в Рождестве Твоем, зряще како раждаеши всю тварь Содержащаго дланию? Мы же в благоговении и трепете предстоим Тебе, взывающе: радуйся, Благодатная, Господь с Тобою.
Песнь 4
Ирмос: Христос моя сила:
От рук безбожных заклатися изволили есте, пастырие Божии, Агнцу и Пастырю Христу последовавше и Того заколение вообразивше.
Пастыреначальнику Христу подражающе, пастырие Божии суще, страстотерпцы, молистеся за убийц своих: Боже, прости им, не ведают бо, что творят.
Духа Святаго вместилище, явившеся, святыя мощи ваша нам оставили есте, достохвальнии, ихже мы обретше дивно, с преподобным аввою Сергием вас ныне ублажаем.
Слава, и ныне:
О, Владычице Богородице, буди нам Щит и Заступление во дни испытаний, находящих на ны: разве бо Тебе инаго предстательства не вемы.
Песнь 5
Ирмос: Божиим светом:
Яко свеща, возженная пред Богом, житие твое бысть, святый мучениче Александре, просвещающая тьму неверия и безбожия, землю Русскую объявшую. Ты бо был еси воистину отец духовный верным чадом твоим.
Воли Божией себе вручивше, святии священномученицы, не обязастеся куплями житейскими, оставивше же вся яже в мире сем и за Христом на смерть последовавше, получисте от Него обетованное Царство.
Новомученицы Российстии, простотою, милосердием, незлобием и любовию подражателие бысте древним мучеником Косме и Дамиану. Темже и празднество им совершивше, пострадати сподобистеся и с ними достойно ныне веселитеся в Царствии Небеснем.
Слава, и ныне:
Аще не была бы Ты, Владычице, Предстательница наша пред Господем, како могли быхом приступити к Нему, обремененнии многими грехми? Но в Тебе имуще дерзновение, вопием Христу о спасении нашем.
Песнь 6
Ирмос: Житейское море:
Мужески страдания претерпесте, человеческое естество превозмогающе, пастырие Христови, и яко хлеб сладкий Святей Троице принесостеся. Молите Христа Бога, да помилует всех нас.
Жертву Безкровную усердно Богу приносяще, священномученицы, вменистеся, яко овцы заколения, и пожрени бысте за Христа, Егоже всем сердцем возлюбили есте.
В смерти вашей явистеся семенем веры, святии Александре и Феодоре, кровию же вашею Церковь утверждающе, бысте достойнии делателие винограда Христова. Темже от Бога получисте венцы нетленныя.
Слава, и ныне:
В скорбех Помощницу, в болезнех Целительницу, от уз Свободительницу обретохом Тя, Владычице Богородице, темже молим Тя: не удали от нас милости Твоея.
Кондак, глас 2:
Пастырие Христовы, Александре и Феодоре, священномученик чудная двоице, мужественне веру православную пред мучители исповедовавшии и кровию своею землю Русскую обагрившии, страдания ваша днесь благочестно восхваляем и мощи ваша умильно лобызаем, молите непрестанно о всех нас.
Ин кондак:
священномученику Александру, глас 3:
Душу свою милосердием удобрил еси,/ предался еси в руце Божии,/ безбожных мучителей удивил еси,/ предвозвестив им смерть грядущую, яко бывшую;/ и душею твоею, яко нетленною звездою,/ сонм святых украсил еси;/ сего ради и мы восхваляем тя,/ святый священномучениче Александре/, пастырей добрых крепосте и утверждение.
Икос:
Руками вашими Безкровную Жертву Богу принесосте и от рук Его венцы мученическия и нетление приясте. Мы же, чудеса ваша зряще, верно вопием: Радуйтеся, исповедницы Христа Бога нашего; радуйтеся, яко за Него пострадати изволисте. Радуйтеся, Царства Небеснаго наследницы; радуйтеся, яко дар мощи своя нам остависте. Радуйтеся, земли Московския столпи непоколебимии; радуйтеся, граду нашему освящение и утверждение. Радуйтеся, прибегающим к вам скории помощницы; радуйтеся, яко исцеляете душевныя недуги. Радуйтеся, Александре и Феодоре, пастырей добрых крепосте и утверждение.
Песнь 7
Ирмос: Россодательну убо пещь:
Господь, древле росу с Небесе трием отроком пославый, и вам терпение и крепость во страданиих подаде, вы же, страстотерпцы, любвию к Нему распалающеся, пети научисте всех: благословен еси, Боже отец наших.
Яко отроцы посреде огня неопально стояху, тако и вы, святии мученицы Александре и Феодоре, посреде огненнаго испытания веры неопалими бысте и Христу вопияли есте: благословен еси, Боже отец наших.
Яко злато в горниле очищено явистеся, святии мученицы Александре и Феодоре, во страдании крепчайше адаманта бывше, Христу вопияли есте: благословен еси, Боже отец наших.
Слава, и ныне:
На Тя, Богородице, упование возлагаем, вернии людие, да не постыдимся никогдаже, но имуще Тя Покров и Стену Нерушимую, вопием Ти: радуйся, Благодатная, Господь с Тобою.
Песнь 8
Ирмос: Из пламене:
Облика пастырскаго не отреклся еси, священномучениче Александре, пред лицем безбожных исповедовав Истину, и даже до смерти верным пребыл еси Пастыреначальнику Христу, от Негоже венец победный приял еси во Царствии Небеснем.
Во страдании своем мучителей удивив, блаженне Феодоре, Христа не отверглся еси и, силою Его укрепляемь, всех научал еси вопити: благословен еси Боже отец наших.
Ревнителие убо отеческих преданий и блюстителие уставов церковных пребысте, святии священномученицы Александре и Феодоре, наставляюще верных твердо шествовати путем заповедей Христовых. Молите Христа Бога, да соблюдет Церковь Свою от наветов вражиих.
Слава, и ныне: троичен:
В Триех Лицех Бога исповедую, Отца, и Сына, и Духа Святаго, Троицу Единосущную и Нераздельную.
Песнь 9
Ирмос: Бога человеком:
Словеса Давидова приемлюще: “Се что добро или что красно, но еже жити братии вкупе”, вы, святии, яко братия единокровнии явистеся и, пребывше единомыслени во страданиих, в Царствии Христовом ныне веселитеся.
Смертию вашею веру в воскресение исповедасте, священномученицы предивнии, и бесстрашно страданьми ко Господу приидосте, верующе, яко кто погубит душу свою Христа ради, восприимет ю во Царствии Небеснем.
Терпением многим муки претерпевше, святии мученицы Александре и Феодоре, Христа смертию вашею прослависте. О нас Того прилежно молите, да спасет души наша.
Слава, и ныне:
Богородице Дево, моли Сына Твоего и Бога нашего со всеми святыми в земли Российстей просиявшими, да избавит Отечество наше от неверия и сохранит нерушиму Церковь Православную.
Светилен:
Мучения за Христа яко истинный дар Божий восприясте, мученицы славнии, и кровию вашею потописте бесовския полки, ныне же сцарствуете Ему во веки.
Слава, и ныне:
Под Твою милость прибегаем, Богородице Дево, молитв наших не презри в скорбех, но от бед избави нас Едина Чистая и Благословенная.
На хвалитех, глас 8:
Подобен: Что вас наречем:
Что вас наречем, святии мученицы, / Ангели, яко презресте своя телеса; / Херувими, яко на вас почи благодать Божия; // Силы, яко творите чудеса молитвами вашими?
Что вас наречем, святии мученицы, / солнце, яко изливаете Свет Христов по всей земли, / столпи, яко укреписте небосвод церковный // страданиями вашими за Христа?
Придите, мучениколюбцев собори, / восхвалим заступников наших святых Александра и Феодора,/ тии бо предстоят Престолу Всецаря // и молятся о душах наших.
Слава, глас 6:
Подобен: Все отложше:
Восхваляюще заступников наших, / святых мучеников Александра и Феодора, / воспоим Христу победную песнь: / слава Тебе, мучеников крепосте, / слава Тебе, явившему дивных святых в последняя времена; // тех предстательством помилуй нас.
И ныне, Богородичен, глас 6:
Богородице, Ты еси лоза истинная,/ возрастившая нам Плод Живота,/ Тебе молимся, молися, Владычице,/ со святыми священномучениками Александром и Феодором,// помиловатися душам нашим.
На Литургии
Прокимен, глас 7: Честна пред Господем смерть преподобных Его. Стих: Что воздам Господеви о всех, яже воздаде ми;
Апостол к Римляном, зач. 99 (8,28-39): Братие, вемы, яко любящим Бога вся поспешествуют во благое;
Аллилуиа, глас 2: Священницы Твои облекутся в правду, и преподобнии Твои возрадуются. Стих: Бог нам прибежище и сила, Помощник в скорбех, обретших ны зело.
Евангелие от Луки, зач. 106 (21,12-19): Возложат на вы руки своя:
Причастен: Радуйтеся, праведнии о Господе, правым подобает похвала.
Источник: Гимнограф.ру
Тропари, кондаки, молитвы и величания
Молитва
О, святи́и священному́ченицы Алекса́ндре и Фео́доре! К ва́м, я́ко к неоскудева́ющему исто́чнику благода́ти Бо́жией, мы́, недосто́йнии, прибега́ем. Вы́ бо тоя́ сподо́бистеся, адама́нты ве́ры су́ще. Еще́ же и стра́шныя ра́ны и хуле́ния зло́бная нечести́вых мучи́телей претерпе́вше, увере́ние о венце́ му́ченичестем от Го́спода прия́сте и терпе́нием ва́шим, дре́вним му́чеником подража́юще, мучи́телей удиви́сте. Я́ко па́стырие Бо́жии су́ще, ре́вностно слу́жбу в земны́х хра́мех соверша́вше и моли́твою ва́шею наро́д Бо́жий укрепля́вше, бу́дите и за на́с моли́твенницы, предстоя́ще ны́не пред Престо́лом Вседержи́теля. Вы́, поне́сше тяготу́ и зно́й дневны́й, не то́кмо сло́вом, но и де́лом бы́сте свиде́телие Пра́вды Бо́жия, утверди́те и на́с во и́стине Христо́вой, не поне́сших ни тяготы́ поноше́ний, ни зно́я гоне́ний, но да бу́дем, я́ко нае́мницы единонадеся́таго часа́, ча́ющии мзду́ прия́ти от Христа́ во Ца́рствии Небе́снем. Испроси́те у Бо́га моли́твами ва́шими, святи́и страда́льцы Христо́ви, ве́ры правосла́вныя укрепле́ние, помысло́м на́шим освяще́ние, в доброде́телех преспе́яние; да да́рует О́н да́р благопотре́бен коему́ждо прося́щему предста́тельства ва́шего, да сподо́бит на́с и в ча́с кончи́ны на́шея о́ную тве́рдость ве́ры яви́ти, ку́ю же и ва́м дарова́, да со все́ми святы́ми сподо́бимся в Ца́рствии Небе́снем непосты́дно воспева́ти Его́ Пресвято́е И́мя Отца́, и Сы́на, и Свята́го Ду́ха во ве́ки веко́в. Ами́нь.
