О часе́ у́треннем (около 4 утра) параекклисиа́рх взе́м благослове́ние у настоя́теля, исхо́дит и ударя́ет в вели́кое, и кле́плет дово́льно. И вше́д во хра́м, вжига́ет свещы́ вся́, и канди́ла: устроя́ет же сосу́ды два́ со у́глием горя́щим, и влага́ет в ни́х фимиа́ма мно́го благово́ннаго, и поставля́ет еди́н сосу́д среди́ це́ркве, други́й же во свято́м олтаре́, я́ко да испо́лнится це́рковь вся́ благово́ния. Та́же настоя́тель вше́д во святы́й олта́рь со иере́и и диа́коны, облача́тся в ве́сь светле́йший са́н. И раздае́т свещы́ бра́тии, и взе́млет Честны́й Кре́ст: кади́ло же взе́млет диа́кон. Иере́й же свято́е Ева́нгелие, и́н иере́й о́браз Воскресе́ния Христо́ва: и ста́вятся лице́м на за́пад. И затворя́т врата́ церко́вная, я́же к за́паду. Исхо́дит настоя́тель со иере́и в притво́р се́верными две́рьми, предыду́щым пред ни́м диа́коном со двема́ свеща́ми, и о́ба ли́ка пою́ще стихи́ру, гла́с 6: Воскре́сние Твое́ Христе́ Спа́се, А́нгели пою́т на небесе́х, и на́с на земли́ сподо́би чи́стым се́рдцем Тебе́ сла́вити. Та́же ударя́ют во вся́ кампа́ны и тя́жкая, и кле́плют дово́льно. И вше́дше в притво́р, ста́нут со Ева́нгелием, и со о́бразом, лице́м на за́пад, я́коже указа́ся пре́жде. Та́же настоя́тель взе́млет у диа́кона кади́ло в пра́вую ру́ку, Кре́ст же в ле́вую, и кади́т о́бразы, и кли́росы, и бра́тию по обы́чаю. Диа́кону же преднося́щу пред ни́м свещу́ горя́щу. Бра́тия же вси́ стоя́т держа́ще свещы́ своя́. По сконча́нии же кажде́ния, прихо́дит настоя́тель пред вели́кия врата́ це́ркве, и покади́т диа́кона предстоя́щаго ему́ со свеще́ю. Тогда́ взе́м кади́ло диа́кон от руку́ настоя́теля, и покади́т самого́ настоя́теля. И па́ки восприи́м настоя́тель кади́ло, ста́в пред церко́вными две́рьми, зря́ на восто́к, и назна́менает вели́кия врата́ це́ркве, [затворе́ная су́ща], кади́лом крестообра́зно, три́жды, держя́ в ле́вой руце́ Честны́й Кре́ст, и свети́льником стоя́щым со обою́ страну́.
И велегла́сно возгласи́т: Сла́ва Святе́й, и Единосу́щней, и Животворя́щей, и Нераздели́мей Тро́ице, всегда́, ны́не и при́сно, и во ве́ки веко́в.
Хор: Ами́нь.
Начина́ют священнослужители велегла́сно на 5 гла́с:
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в. (единожды)
Хор: Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в. (дважды)
Стих: Да воскре́снет Бо́г, и расточа́тся врази́ Его́, и да бежа́т от лица́ Его́ ненави́дящии Его́.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Стих: Я́ко исчеза́ет ды́м, да исче́знут; я́ко та́ет во́ск от лица́ огня́.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Стих: Та́ко да поги́бнут гре́шницы от лица́ Бо́жия, а пра́ведницы да возвеселя́тся.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Стих: Се́й де́нь, его́же сотвори́ Госпо́дь: возра́дуемся и возвесели́мся в о́нь.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Сла́ва, и ны́не: Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Та́же иерей пое́т вы́шшим гла́сом: Христо́с воскре́се из ме́ртвых, сме́ртию сме́рть попра́в.
Отверза́ет врата́ и вхо́дит в храм и алтарь с Честны́м Кресто́м, предыду́щым ему́ со двема́ лампа́дами и людиям пою́щым: И су́щим во гробе́х живо́т дарова́в.
Та́же ударя́ют во вся́ кампа́ны и трезвонят довольно.
Диа́кон: Ми́ром Го́споду помо́лимся.
Хор: Го́споди, поми́луй.
О свы́шнем ми́ре и спасе́нии душ на́ших, Го́споду помо́лимся.
Хор: Го́споди, поми́луй.
О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.
Хор: Го́споди, поми́луй.
О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.
Хор: Го́споди, поми́луй.
О Вели́ком Господи́не и отце́ на́шем, Святе́йшем Патриа́рхе (имярек), и о господи́не на́шем преосвяще́ннейшем митрополи́те (или архиепи́скопе, или епи́скопе) (имярек), честне́м пресви́терстве, во Христе́ диа́констве, о всем при́чте и лю́дех, Го́споду помо́лимся.
Хор: Го́споди, поми́луй.
О Богохрани́мей стране́ на́шей, власте́х и во́инстве ея́, Го́споду помо́лимся.
Хор: Го́споди, поми́луй.
О гра́де сем (или о ве́си сей), вся́ком гра́де, стране́, и ве́рою живу́щих в них, Го́споду помо́лимся.
Хор: Го́споди, поми́луй.
О бла́горастворе́нии возду́хов, о изоби́лии плодо́в земны́х, и вре́менех ми́рных, Го́споду помо́лимся.
Хор: Го́споди, поми́луй.
О путеше́ствующих, неду́гующих, стра́ждущих, в темни́цех заключе́нных и о спасе́нии их, Го́споду помо́лимся.
Хор: Го́споди, поми́луй.
О изба́витися нам от вся́кия ско́рби, гне́ва и ну́жды, Го́споду помо́лимся.
Хор: Го́споди, поми́луй.
Заступи́, спаси́, поми́луй и сохрани́ нас, Бо́же, Твое́ю благода́тию.
Хор: Го́споди, поми́луй.
Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор: Тебе́, Го́споди.
Иерей читает вслух 1-ю молитву утрени: Благодари́м Тя, Го́споди Бо́же наш, возста́вившаго нас от ло́жей на́ших, и вложи́вшаго во уста́ на́ша сло́во хвале́ния, е́же покланя́тися, и призыва́ти и́мя Твое́ свято́е, и мо́лимся Твои́м щедро́там, и́хже всегда́ употребля́л еси́ о на́шей жи́зни. И ны́не посли́ по́мощь Твою́ на предстоя́щия пред лице́м святы́я сла́вы Твоея́, и ожида́ющия от Тебе́ бога́тыя ми́лости, и да́ждь им, со стра́хом и любо́вию всегда́ Тебе́ служа́щим, хвали́ти неисповеди́мую Твою́ бла́гость. Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор: Ами́нь.
Кано́н Пасха́льный
Глас 1
Пасхальный канон поется полностью хором: и ирмосы, и припевы, и тропари, и катавасии. На каждой песни канона совершается каждение. При соборном служении каждение совершают все иереи поочередно (а при большом числе иереев – попарно).
Песнь 1
Припе́в: Вели́чит душа́ моя́ воскре́сшаго тридне́вно от гро́ба Христа́ Жизнодавца.
Ирмо́с: Воскресе́ния день, просвети́мся, лю́дие. Па́сха, Госпо́дня Па́сха: от сме́рти бо к жи́зни, и от земли́ к небеси́, Христо́с Бог нас преведе́, побе́дную пою́щия.
Припе́в: Христо́с воскре́се из ме́ртвых.
Очи́стим чу́вствия, и у́зрим непристу́пным све́том Воскресе́ния, Христа́ блиста́ющася, и ра́дуйтеся, реку́ща, я́сно да услы́шим, побе́дную пою́ще.
Припе́в: Христо́с воскре́се из ме́ртвых.
Небеса́ у́бо досто́йно да веселя́тся, земля́ же да ра́дуется, да пра́зднует же мир, ви́димый же весь и неви́димый: Христо́с бо воста́, весе́лие ве́чное.
Припе́в: Вели́чит душа́ моя́ воскре́сшаго тридне́вно от гро́ба Христа́ Жизнодавца.
Ирмо́с: Воскресе́ния день, просвети́мся, лю́дие. Па́сха, Госпо́дня Па́сха: от сме́рти бо к жи́зни, и от земли́ к небеси́, Христо́с Бог нас преведе́, побе́дную пою́щия.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Диакон: Па́ки и па́ки, ми́ром Го́споду помо́лимся.
Хор: Го́споди, поми́луй.
Иерей читает вслух 2-ю молитву утрени: От но́щи у́тренюет дух наш к Тебе́, Бо́же наш, зане́ свет повеле́ния Твоя́ на земли́. Пра́вду и святы́ню соверша́ти во стра́се Твое́м вразуми́ ны: Тебе́ бо сла́вим, вои́стинну су́щаго Бо́га на́шего. Приклони́ у́хо Твое́ и услы́ши ны, и помяни́, Го́споди, су́щия и моля́щияся с на́ми вся по и́мени, и спаси́ я́ си́лою Твое́ю, благослови́ лю́ди Твоя́ и освяти́ достоя́ние Твое́. Мир мiрови Твоему́ да́руй, це́рквам Твои́м, свяще́нником и всем лю́дем Твои́м. Я́ко Твоя́ держа́ва, и Твое́ есть Ца́рство, и си́ла, и сла́ва Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор: Ами́нь.
Песнь 3
Припе́в: А́нгел облиста́яй жена́м вопия́ше: преста́ните от слез, я́ко Христо́с воскре́се.
Ирмо́с: Прииди́те, пи́во пие́м но́вое, не от ка́мене непло́дна чудоде́емое, но нетле́ния исто́чник из гро́ба одожди́вша Христа́, в Не́мже утвержда́емся.
Припе́в: Христо́с воскре́се из ме́ртвых.
Ны́не вся испо́лнишася све́та, не́бо же и земля́, и преиспо́дняя: да пра́зднует у́бо вся тварь воста́ние Христо́во, в не́мже утвержда́ется.
Припе́в: Христо́с воскре́се из ме́ртвых.
Вчера́ спогребо́хся Тебе́ Христе́, совостаю́ днесь воскре́сшу Тебе́, сраспина́хся Тебе́ вчера́, Сам мя спросла́ви Спа́се во Ца́рствии Твое́м.
Припе́в: А́нгел облиста́яй жена́м вопия́ше: преста́ните от слез, я́ко Христо́с воскре́се.
Ирмо́с: Прииди́те, пи́во пие́м но́вое, не от ка́мене непло́дна чудоде́емое, но нетле́ния исто́чник из гро́ба одожди́вша Христа́, в Не́мже утвержда́емся.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Диакон: Па́ки и па́ки, ми́ром Го́споду помо́лимся.
Хор: Го́споди, поми́луй.
Иерей читает вслух 3-ю молитву утрени: От но́щи у́тренюет ду́х наш к Тебе́, Бо́же, зане́ све́т повеления Твоя́. Научи́ нас, Бо́же, пра́вде Твое́й, за́поведем Твои́м и оправда́нием Твои́м. Просвети́ о́чи мы́слей на́ших, да не когда́ у́снем во гресе́х в сме́рть. Отжени́ вся́кий мра́к от серде́ц на́ших. Да́руй нам со́лнце пра́вды, и ненаве́тну жизнь на́шу соблюди́ печа́тию Свята́го Твоего́ Ду́ха. Испра́ви стопы́ на́ша на путь ми́ра. Да́ждь нам ви́дети у́тро и де́нь в ра́довании, да Тебе́ у́тренния возсыла́ем моли́твы. Я́ко ты́ еси́ Бо́г на́ш, и Тебе́ сла́ву возсыла́ем, Отцу́, и Сы́ну, и Свято́му Ду́ху ны́не и при́сно, и во ве́ки веко́в.
Хор: Ами́нь.
Ипакои́, глас 4
Предвари́вшия у́тро я́же о Мари́и, и обре́тшия ка́мень отвале́н от гро́ба, слы́шаху от А́нгела: во све́те присносу́щнем Су́щаго, с ме́ртвыми что и́щете, я́ко челове́ка? Ви́дите гро́бныя пелены́, тецы́те и ми́ру пропове́дите, я́ко воста́ Госпо́дь, умертви́вый смерть, я́ко есть Сын Бо́га, спаса́ющаго род челове́ческий.
Чте́ние
Сло́во и́же во святы́х отца́ на́шего Григо́рия Богосло́ва, его́же моли́твами, Го́споди Иису́се Христе́ Бо́же наш, поми́луй нас!
Пасха! Господня Пасха! И еще скажу в честь Троицы: Пасха! Она у нас праздников праздник и торжество торжеств; настолько превосходит все торжества, не только человеческие и земные, но даже Христовы и для Христа совершаемые, насколько солнце превосходит звезды.
Бог всегда был, есть и будет, или, лучше сказать, всегда есть, ибо слова был и будет означают деления нашего времени и свойственны естеству преходящему, а «Сый» означает всегда. И этим именем именует Он Сам Себя, беседуя с Моисеем на горе (Исх. 3:14); потому что сосредоточивает в Себе Самом всецелое бытие, которое не начиналось и не прекратится. Впрочем, предмет моего слова составляет не богословие.
Я хочу исследовать вопрос и догмат, оставляемый без внимания многими, но для меня весьма требующий исследования. Кому и для чего пролита эта излиянная за нас кровь – кровь великая и преславная Бога и Архиерея и Жертвы? Мы были во власти лукавого, проданные под грех и сластолюбием купившие себе повреждение. А если цена искупления дается не иному кому, как содержащему во власти; спрашиваю: кому и по какой причине принесена такая цена? Если лукавому, то как это оскорбительно! Разбойник получает цену искупления, получает не только от Бога, но самого Бога, за свое мучительство берет такую безмерную плату, что за нее справедливо было пощадить и нас! А если Отцу то, во-первых, каким образом? Не у Него мы были в плену. А во-вторых, по какой причине кровь Единородного приятна Отцу, Который не принял и Исаака, приносимого отцом, но заменил жертвоприношение, вместо обещанной жертвы дав тельца? Или из этого видно, что приемлет Отец, не потому что требовал или имел нужду, но по домостроительству и потому, что человеку нужно было освятиться человечеством Бога, чтобы Он Сам избавил нас, преодолев мучителя силой, и возвел нас к Себе через Сына посредствующего и все устрояющего в честь Отца, Которому оказывается Он во всем покорствующим? Таковы дела Христовы, а большее да почтено будет молчанием.
Причастимся же Пасхи, ныне пока прообразовательно, хотя и откровеннее, нежели в Ветхом Завете. Ибо подзаконная Пасха (Пасха иудеев) была еще более неясным образованием прообразования. А впоследствии и скоро причастимся совершеннее и чище, когда Слово будет пить с нами это «новое в царстве Отца» (Мф. 26:29), открывая и преподавая, что ныне явлено им в некоторой мере, ибо познаваемо ныне всегда ново.
Приобщимся к закону по Евангелию, но не по письменам, а жизнью по Нему. Сделаем для себя главой не дольний Иерусалим, но горнюю митрополию – город, не воинствами ныне попираемый, но прославляемый ангелами. Не будем приносить в жертву «тельцов» и агнцев с «рогами и копытами» (Пс. 68:32), в которых много мертвенного и бесчувственного. Но «принесем Богу хвалу» (Пс. 49:14) на горнем жертвеннике с горними ликами. Пройдем первую завесу, приступим ко второй завесе, приникнем во Святая Святых. Скажу еще более: принесем в жертву Богу самих себя, лучше же, будем ежедневно приносить и всякое движение.
Мы возымели нужду в Боге воплотившемся и умерщвленном, чтобы нам ожить. С Ним умерли мы, чтобы очиститься, с Ним воскресли, потому что с Ним умерли; с Ним прославились, потому что с Ним воскресли.
Ему же подобает всякая слава, честь и держава во веки, аминь.
Песнь 4
Припе́в: Христо́с но́вая Па́сха, же́ртва жива́я, а́гнец Бо́жий взе́мляй грехи́ ми́ра.
Ирмо́с: На Боже́ственней стра́жи богоглаго́ливый Авваку́м да ста́нет с на́ми, и пока́жет светоно́сна А́нгела, я́сно глаго́люща: днесь спасе́ние ми́ру, я́ко воскре́се Христо́с, я́ко всеси́лен.
Припе́в: Христо́с воскре́се из ме́ртвых.
Му́жеский у́бо пол, я́ко разве́рзый де́вственную утро́бу, яви́ся Христо́с: я́ко челове́к же, А́гнец нарече́ся: непоро́чен же, я́ко невку́сен скве́рны, на́ша Па́сха, и я́ко Бог и́стинен соверше́н рече́ся.
Припе́в: Христо́с воскре́се из ме́ртвых.
Я́ко единоле́тный а́гнец, благослове́нный нам вене́ц Христо́с, во́лею за всех закла́н бысть, Па́сха чисти́тельная, и па́ки из гро́ба кра́сное пра́вды нам возсия́ Со́лнце.
Припе́в: Христо́с воскре́се из ме́ртвых.
Богооте́ц у́бо Дави́д пред се́нным ковче́гом скака́ше игра́я, лю́дие же Бо́жии святи́и, образо́в сбытие́ зря́ще, весели́мся Боже́ственне, я́ко воскре́се Христо́с, я́ко Всеси́лен.
Припе́в: Христо́с но́вая Па́сха, же́ртва жива́я, а́гнец Бо́жий взе́мляй грехи́ ми́ра.
Ирмо́с: На Боже́ственней стра́жи богоглаго́ливый Авваку́м да ста́нет с на́ми, и пока́жет светоно́сна А́нгела, я́сно глаго́люща: днесь спасе́ние ми́ру, я́ко воскре́се Христо́с, я́ко всеси́лен.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Диакон: Па́ки и па́ки, ми́ром Го́споду помо́лимся.
Хор: Го́споди, поми́луй.
Иерей читает вслух 7-ю молитву утрени: Бо́же и О́тче Го́спода на́шего Иису́са Христа́, да́ждь нам благода́ть во отверзе́ние у́ст на́ших, и приими́ на́ша по си́ле благодаре́ния, и научи́ ны оправда́нием Твои́м: зане́ помоли́тися, я́коже подоба́ет, не ве́мы, а́ще не Ты, Го́споди, Святы́м Твои́м Ду́хом наста́виши ны́. Те́мже мо́лимся Тебе́, а́ще что согреши́хом да́же до настоя́щаго часа́, сло́вом, или́ де́лом, или́ помышле́нием, во́лею или́ нево́лею, осла́би, оста́ви, прости́; а́ще бо беззако́ния на́зриши, Го́споди, Го́споди, кто постои́т, я́ко у Тебе́ избавле́ние есть. Ты еси еди́н святы́й, помо́щник держа́вный, защи́титель жи́зни на́шея, и о Тебе́ пе́ние на́ше всегда́, ны́не и при́сно, и во ве́ки веко́в.
Хор: Ами́нь.
Песнь 5
Припе́в: Магдали́на Мари́я притече́ ко гро́бу, и Христа́ ви́девши, я́ко вертогра́даря вопроша́ше.
Ирмо́с: У́тренюем у́треннюю глубоку́, и вме́сто ми́ра песнь принесе́м Влады́це, и Христа́ у́зрим пра́вды Со́лнце, всем жизнь возсия́юща.
Припе́в: Христо́с воскре́се из ме́ртвых.
Безме́рное Твое́ благоутро́бие, а́довыми у́зами содержи́мии зря́ще, к све́ту идя́ху Христе́, весе́лыми нога́ми, Па́сху хва́ляще ве́чную.
Припе́в: Христо́с воскре́се из ме́ртвых.
Присту́пим свещено́снии, исходя́щу Христу́ из гро́ба, я́ко жениху́, и спра́зднуем любопра́зднственными чи́нми Па́сху Бо́жию спаси́тельную.
Припе́в: Магдали́на Мари́я притече́ ко гро́бу, и Христа́ ви́девши, я́ко вертогра́даря вопроша́ше.
Ирмо́с: У́тренюем у́треннюю глубоку́, и вме́сто ми́ра песнь принесе́м Влады́це, и Христа́ у́зрим пра́вды Со́лнце, всем жизнь возсия́юща.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Диакон: Па́ки и па́ки, ми́ром Го́споду помо́лимся.
Хор: Го́споди, поми́луй.
Иерей читает вслух 5-ю молитву утрени: Благи́х сокро́вище, исто́чниче приснотеку́щий, О́тче святы́й, чудотво́рче, всеси́льне и Вседержи́телю, вси Тебе́ покланя́емся и Тебе́ мо́лимся Твоя́ ми́лости, и Твоя́ щедро́ты призыва́юще на по́мощь и заступле́ние на́шего смире́ния. Помяни́, Го́споди, бдя́щия и пою́щия во сла́ву Твою́, и единоро́днаго Твоего́ Сы́на и Бо́га на́шего, и Свята́го Твоего́ Ду́ха; бу́ди тем помо́щник и засту́пник, приими́ их мольбы в пренебе́сный и мы́сленный Твой же́ртвенник. Ты бо еси́ Царь ми́ра, и Спас душ на́ших, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор: Ами́нь.
Песнь 6
Припе́в: Днесь вся́ка тварь весели́тся и ра́дуется: я́ко Христо́с воскре́се, и ад плени́ся.
Ирмо́с: Снизше́л еси́ в преиспо́дняя земли́, и сокруши́л еси́ вереи́ ве́чныя, содержа́щия свя́занныя, Христе́, и тридне́вен, я́ко от ки́та Ио́на, воскре́сл еси́ от гро́ба.
Припе́в: Христо́с воскре́се из ме́ртвых.
Сохрани́в це́ла зна́мения Христе́, воскре́сл еси́ от гро́ба, ключи́ Де́вы не вреди́вый в рождестве́ Твое́м, и отве́рзл еси́ нам ра́йския две́ри.
Припе́в: Христо́с воскре́се из ме́ртвых.
Спа́се мой, живо́е же и неже́ртвенное заколе́ние, я́ко Бог Сам Себе́ во́лею приве́д Отцу́, совоскреси́л еси́ всеро́днаго Ада́ма, воскре́с от гро́ба.
Припе́в: Днесь Влады́ка плени́ а́да, воздви́гнувый ю́зники, я́же от ве́ка имя́ше лю́те одержи́мыя.
Ирмо́: Снизше́л еси́ в преиспо́дняя земли́, и сокруши́л еси́ вереи́ ве́чныя, содержа́щия свя́занныя, Христе́, и тридне́вен, я́ко от ки́та Ио́на, воскре́сл еси́ от гро́ба.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Диакон: Па́ки и па́ки, ми́ром Го́споду помо́лимся.
Хор: Го́споди, поми́луй.
Иерей читает вслух 6-ю молитву утрени: Благодари́м Тя́, Го́споди Бо́же спасе́ний на́ших, я́ко вся твори́ши во благоде́тельство жи́зни на́шея, да всегда́ к Тебе́ взира́ем Спа́су и благоде́телю душ на́ших. Те́мже мо́лим Тя, Го́споди, да́ждь нам благода́ть и си́лу, да сподо́бимся пе́ти Тебе́ разу́мно и моли́тися непреста́нно, во стра́се и тре́пете свое́ спасе́ние соде́ловающе заступле́нием Христа́ Твоего́. Помяни́, Го́споди, и в нощи́ к Тебе́ вопию́щия, услы́ши я́ и поми́луй, и сокруши́ под но́зе их неви́димыя и бори́тельныя враги́. Ты бо еси́ Царь ми́ра, и Спа́с душ на́ших, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор: Ами́нь.
Конда́к, глас 8
А́ще и во гроб снизше́л еси́, Безсме́ртне, но а́дову разруши́л еси́ си́лу, и воскре́сл еси́, я́ко победитель, Христе́ Бо́же, жена́м мироно́сицам веща́вый: ра́дуйтеся, и Твои́м апо́столом мир да́руяй, па́дшим подая́й воскресе́ние.
И́кос
Е́же пре́жде со́лнца Со́лнце заше́дшее иногда́ во гроб, предвари́ша ко у́тру, и́щущия я́ко дне мироно́сицы де́вы, и друга́ ко друзе́й вопия́ху: о други́ни! Прииди́те, воня́ми пома́жем те́ло живоно́сное и погребе́ное, плоть воскреси́вшаго па́дшаго Ада́ма, лежа́щую во гро́бе. И́дем, потщи́мся я́коже волсви́, и поклони́мся, и принесе́м ми́ра я́ко да́ры, не в пелена́х, но в плащани́це обви́тому, и пла́чим, и возопии́м: о Влады́ко, воста́ни, па́дшим подая́й воскресе́ние.
Синакса́рий
Во ад одиноко сойдя с силой его побороться,
со многой добычей вышел из ада Христос.
Во святую и великую неделю Пасхи празднуем живоносное воскресение Господа и Бога и Спаса нашего Иисуса Христа. Нынешний праздник мы именуем Пасхой, что в переводе с еврейского означает «переход». Ибо это день, когда Бог в начале мир из небытия произвел. В этот день Он и израильский народ, чрез Красное море проведя, из рук фараона похитил. В тот же день, с небес сойдя, вселился Он и в утробу Девы. И ныне, исторгнув из адовых глубин все человеческое естество, возвел его на небеса и утвердил в первоначальном достоинстве нетления. Однако Христос, сойдя в ад, не всех воскресил, но избравших уверовать в Него; освободил Он и души святых, что от века насильно удерживались в аду, и всем на небеса восхождение даровал. Оттого-то в преизбытке веселья и празднуем мы с великой пышностью Его воскресение, запечатлевая радость, которой по милосердию Божию обогатилось наше естество. Равным образом и приветствие употребляем празднику свойственное: Христос Воскресе!
Хор: Воскресе́ние Христо́во ви́девше, поклони́мся Свято́му Го́споду Иису́су, еди́ному безгре́шному, Кресту́ Твоему́ покланя́емся, Христе́, и свято́е Воскресе́ние Твое́ пое́м и сла́вим: Ты бо еси́ Бог наш, ра́зве Тебе́ ино́го не зна́ем, и́мя Твое́ имену́ем. Прииди́те вси ве́рнии, поклони́мся Свято́му Христо́ву Воскресе́нию: се бо прии́де Кресто́м ра́дость всему́ ми́ру. Всегда́ благословя́ще Го́спода, пое́м Воскресе́ние Его́: распя́тие бо претерпе́в, сме́ртию смерть разруши́.
Воскре́с Иису́с от гро́ба, я́коже прорече́, даде́ нам живо́т ве́чный и ве́лию ми́лость.
Песнь 7
Припе́в: Ра́дуйся, Де́во, ра́дуйся, ра́дуйся, Благослове́нная, ра́дуйся, Препросла́вленная! Твой бо Сын воскре́се тридне́вен от гро́ба.
Ирмо́с: О́троки от пе́щи изба́вивый, быв Челове́к, стра́ждет я́ко сме́ртен, и стра́стию сме́ртное, в нетле́ния облачи́т благоле́пие, Еди́н благослове́н отце́в Бог, и препросла́влен.
Припев: Христо́с воскре́се из ме́ртвых.
Жены́ с ми́ры богому́дрыя в след Тебе́ теча́ху: Его́же, я́ко ме́ртва, со слеза́ми иска́ху, поклони́шася ра́дующияся Живо́му Бо́гу, и Па́сху та́йную Твои́м, Христе́, ученико́м благовести́ша.
Припев: Христо́с воскре́се из ме́ртвых.
Сме́рти пра́зднуем умерщвле́ние, а́дово разруше́ние, ино́го жития́ ве́чнаго нача́ло, и игра́юще пое́м Вино́внаго, Еди́наго благослове́ннаго отце́в Бо́га, и препросла́вленнаго.
Припе́в: Возбуди́л еси́ усну́в мертвыя от ве́ка, ца́рски рыка́вый я́ко от Иу́ды лев.
Я́ко вои́стинну свяще́нная, и всепра́зднственная сия́ спаси́тельная нощь, и светоза́рная, светоно́снаго дне, воста́ния су́щи провозве́стница: в не́йже безле́тный Свет из гро́ба пло́тски всем возсия́.
Припе́в: Ра́дуйся, Де́во, ра́дуйся, ра́дуйся, Благослове́нная, ра́дуйся, Препросла́вленная! Твой бо Сын воскре́се тридне́вен от гро́ба.
Ирмо́с: О́троки от пе́щи изба́вивый, быв Челове́к, стра́ждет я́ко сме́ртен, и стра́стию сме́ртное, в нетле́ния облачи́т благоле́пие, Еди́н благослове́н отце́в Бог, и препросла́влен.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Диакон: Па́ки и па́ки, ми́ром Го́споду помо́лимся.
Хор: Го́споди, поми́луй.
Иерей читает вслух 8-ю молитву утрени: Го́споди Бо́же наш, со́нное уны́ние отгна́вый от нас и сопризва́вый ны зва́нием святы́м, е́же и в нощи́ воздева́ти ру́ки на́ша и испове́датися Тебе́ о судьба́х пра́вды Твоея́. Приими́ мольбы́ на́ша, моле́ния, испове́дания, нощны́я слу́жбы, и да́руй нам, Бо́же, ве́ру непосты́дну, наде́жду изве́стну, любо́вь нелицеме́рну, благослови́ на́ша вхо́ды и исхо́ды, дея́ния, дела́, словеса́, помышле́ния, и да́ждь нам пости́гнути в нача́ло дне, хва́лящим, пою́щим, благословя́щим Твоея́ неизрече́нныя благосты́ни бла́гость. Я́ко благослови́ся и́мя Твое́, и просла́вися Ца́рство Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор: Ами́нь.
Песнь 8
Припе́в: Христо́с воскре́се, смерть попра́вый, и ме́ртвыя воздви́гнувый, лю́дие весели́теся.
Ирмо́с: Сей нарече́нный и святы́й день, еди́н суббо́т царь и госпо́дь, пра́здников пра́здник и торжество́ есть торже́ств, во́ньже благослови́м Христа́ во ве́ки.
Припев: Христо́с воскре́се из ме́ртвых.
Прииди́те, но́ваго виногра́да рожде́ния, Боже́ственнаго весе́лия, в наро́читом дни Воскресе́ния, Ца́рствия Христо́ва приобщи́мся, пою́ще Его́ я́ко Бо́га во ве́ки.
Припе́в: Христо́с воскре́се из ме́ртвых.
Возведи́ о́крест о́чи твои́, Сио́не, и виждь: се бо приидо́ша к тебе́, я́ко богосве́тлая свети́ла, от за́пада, и се́вера, и мо́ря, и восто́ка ча́да твоя́, в тебе́ благословя́щая Христа́ во ве́ки.
Припе́в: Вели́чит душа́ моя́ Триипоста́снаго и Неразде́льнаго Божества́ держа́ву.
Тро́ичен: О́тче Вседержи́телю, и Сло́ве, и Ду́ше, треми́ соединя́емое во Ипоста́сех Естество́, Пресу́щественне и Пребоже́ственне, в Тя крести́хомся, и Тя благослови́м во вся ве́ки.
Припе́в: Христо́с воскре́се, смерть попра́вый, и ме́ртвыя воздви́гнувый, лю́дие весели́теся.
Ирмо́с: Сей нарече́нный и святы́й день, еди́н суббо́т царь и госпо́дь, пра́здников пра́здник и торжество́ есть торже́ств, во́ньже благослови́м Христа́ во ве́ки.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Диакон: Па́ки и па́ки, ми́ром Го́споду помо́лимся.
Хор: Го́споди, поми́луй.
Иерей читает вслух 12-ю молитву утрени: Возсия́й в сердца́х на́ших и́стинное со́лнце пра́вды Твоея́, просвети́ ум наш, и чу́вства вся соблюди́, да я́ко во дни́ благообра́зно ходя́ще путе́м за́поведей Твои́х, дости́гнем в жизнь ве́чную, я́ко у Тебе́ есть исто́чник жи́зни, и в наслажде́нии бы́ти сподо́бимся непристу́пнаго Твоего́ све́та. Бу́ди держа́ва Ца́рствия Твоего́ благослове́нна и препросла́вленна, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор: Ами́нь.
Песнь 9
Припе́в: А́нгел вопия́ше Благода́тней: Чи́стая Де́во, ра́дуйся! И па́ки реку́: ра́дуйся! Твой Сын воскре́се тридне́вен от гро́ба, и ме́ртвыя воздви́гнувый: лю́дие, весели́теся.
Ирмо́с: Свети́ся, свети́ся, но́вый Иерусали́ме: сла́ва бо Госпо́дня на тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии Рождества́ Твоего́.
Припе́в: Христо́с воскре́се из ме́ртвых.
О Боже́ственнаго, о любе́знаго, о сладча́йшаго Твоего́ гла́са! с на́ми бо нело́жно обеща́лся еси́ бы́ти, до сконча́ния ве́ка Христе́: Его́же ве́рнии, утвержде́ние наде́жди иму́ще, ра́дуемся.
Припе́в: Христо́с воскре́се из ме́ртвых.
О Па́сха ве́лия и свяще́ннейшая, Христе́! о му́дросте, и Сло́ве Бо́жий, и си́ло! Подава́й на́м и́стее Тебе́ причаща́тися, в невече́рнем дни́ Ца́рствия Твоего́.
Припе́в: А́нгел вопия́ше Благода́тней: Чи́стая Де́во, ра́дуйся! И па́ки реку́: ра́дуйся! Твой Сын воскре́се тридне́вен от гро́ба, и ме́ртвыя воздви́гнувый: лю́дие, весели́теся.
Ирмо́с: Свети́ся, свети́ся, но́вый Иерусали́ме: сла́ва бо Госпо́дня на тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии Рождества́ Твоего́.
Христо́с воскре́се из ме́ртвых, сме́ртию сме́рть попра́в и су́щим во гробе́х живо́т дарова́в.
Диакон: Па́ки и па́ки, ми́ром Го́споду помо́лимся.
Хор: Го́споди, поми́луй.
Иерей читает вслух 11-ю молитву утрени: Бо́же, Бо́же наш, у́мныя и слове́сныя соста́вивый Си́лы Твое́ю во́лею, Тя мо́лим и Тебе́ ми́ли де́емся: приими́ на́ше по си́ле славосло́вие, со все́ми созда́нии Твои́ми, и бога́тыми Твоея́ бла́гости возда́ждь дарова́ньми. Я́ко Тебе́ преклоня́ется вся́кое коле́но небе́сных, и земны́х, и преиспо́дних, и вся́кое дыха́ние и созда́ние пое́т непостижи́мую Твою́ сла́ву: еди́н бо еси́ Бог и́стинный и многоми́лостивый. Я́ко Тя хва́лят вся Си́лы Небе́сныя, Отца́, и Сы́на, и Свята́го Ду́ха, и Тебе́ сла́ву возсылают, ны́не и при́сно, и во ве́ки веко́в.
Хор: Ами́нь.
Ексапостила́рий
Пло́тию усну́в, я́ко мертв, Царю́ и Го́споди, тридне́вен воскре́сл еси́, Ада́ма воздви́г от тли, и упраздни́в смерть: Па́сха нетле́ния, ми́ра спасе́ние.
Канонарх: Глас 1. Вся́кое дыха́ние да хва́лит Го́спода. Припев: Тебе́ подоба́ет песнь, Бо́же.
Псало́м 148
Лик первый: Хвали́те Го́спода с небе́с, хвали́те Его́ в вы́шних. Тебе́ подоба́ет песнь, Бо́же.
Лик второй: Хвали́те Его́, вси А́нгели Его́, хвали́те Его́, вся си́лы Его́. Тебе́ подоба́ет песнь, Бо́же.[1]
[1] Этот припев припевается после каждого последующего стиха (и смысловой фразы) или звучит фоном во время чтения их чтецом. Этот же принцип используется и ко всем последующим припевам.
Чтец: Хвали́те Его́, со́лнце и луна́, / хвали́те Его́, вся зве́зды и свет. / Хвали́те Его́ Небеса́ небе́с и вода́, я́же превы́ше небе́с. / Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. / Поста́ви я́ в век и в век ве́ка, повеле́ние положи́, и не ми́мо и́дет. / Хвали́те Го́спода от земли́, зми́еве и вся бе́здны:/
Хор: Дади́те сла́ву Бо́гу.
Чтец: огнь, град, снег, го́лоть, дух бу́рен, творя́щая сло́во Его́, / го́ры и вси хо́лми, древа́ плодоно́сна и вси ке́дри, / зве́рие и вси ско́ти, га́ди и пти́цы перна́ты. / Ца́рие зе́мстии и вси лю́дие, кня́зи и вси судии́ зе́мстии, ю́ноши и де́вы, ста́рцы с ю́нотами да восхва́лят и́мя Госпо́дне. /
Хор: Тому́ подоба́ет песнь.
Чтец: Я́ко вознесе́ся и́мя Того́ Еди́наго, / испове́дание Его́ на земли́ и на небеси́. / И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́. /
Псало́м 149
Воспо́йте Го́сподеви песнь но́ву, хвале́ние Его́ в це́ркви преподо́бных. / Восхва́лятся преподо́бнии во сла́ве и возра́дуются на ло́жах свои́х. / Возноше́ния Бо́жия в горта́ни их, и мечи́ обою́ду остры́ в рука́х их. / Сотвори́ти отмще́ние во язы́цех, обличе́ния в лю́дех, /
Хор: Пощади́ ны, Го́споди.
Чтец: связа́ти цари́ их пу́ты, и сла́вныя их ручны́ми око́вы желе́зными. / Сотвори́ти в них суд напи́сан; сла́ва сия́ бу́дет всем преподо́бным Его́. /
Хор: Сы́не Бо́жий, поми́луй нас.
Псало́м 150
Чтец: Хвали́те Бо́га во святы́х Его́, хвали́те Его́ во утверже́нии си́лы Его́. /
Хор: Тебе́ сла́ва подоба́ет, Го́споди.
На 4: Хвали́те Его́ на си́лах Его́, хвали́те Его́ по мно́жеству вели́чествия Его́. /
Глас 1. Пое́м Твою́, Христе́, спаси́тельную страсть, и сла́вим Твое́ Воскресе́ние.
Стих: Хвали́те Его́ во гла́се тру́бнем, хвали́те Его́ во псалти́ри и гу́слех. /
Крест претерпе́вый, и смерть упраздни́вый, / и воскресы́й из ме́ртвых, / умири́ на́шу жизнь, Го́споди, // я́ко Еди́н Всеси́лен.
Стих: Хвали́те Его́ в тимпа́не и ли́це, / хвали́те Его́ во стру́нах и орга́не.
А́да плени́вый и челове́ка воскреси́вый, / Воскресе́нием Твои́м, Христе́, / сподо́би ны чи́стым се́рдцем, // Тебе́ пе́ти и сла́вити.
Стих: Хвали́те Его́ в кимва́лех доброгла́сных, хвали́те Его́ в кимва́лех восклица́ния. / Вся́кое дыха́ние да хва́лит Го́спода.
Боголе́пное Твое́ снизхожде́ние сла́вяще, / пое́м Тя, Христе́: / роди́лся еси́ от Де́вы, и неразлуче́н был еси́ от Отца́: / пострада́л еси́ я́ко челове́к, / и во́лею претерпе́л еси́ Крест, / воскре́сл еси́ от гро́ба я́ко от черто́га произше́д, / да спасе́ши мир, // Го́споди, сла́ва Тебе́.
Та́же совоку́пльшеся о́ба ли́ка, пою́т стихи́ры Па́схи, глас 5.
Стих: Да воскре́снет Бог, и расточа́тся врази́ Его́.
Па́сха свяще́нная нам днесь показа́ся, Па́сха но́ва свята́я, Па́сха та́инственная, Па́сха всечестна́я. Па́сха Христо́с Изба́витель, Па́сха непоро́чная, Па́сха вели́кая, Па́сха ве́рных. Па́сха две́ри ра́йския нам отверза́ющая. Па́сха всех освяща́ющая ве́рных.
Стих: Я́ко исчеза́ет дым, да исче́знут.
Прииди́те от виде́ния жены́ благове́стницы, и Сио́ну рцы́те: приими́ от нас ра́дости благове́щения, Воскресе́ния Христо́ва: красу́йся, лику́й и ра́дуйся, Иерусали́ме, Царя́ Христа́ узре́в из гро́ба, я́ко жениха́ происходя́ща.
Стих: Та́ко да поги́бнут гре́шницы от Лица́ Бо́жия, а пра́ведницы да возвеселя́тся.
Мироно́сицы жены́, у́тру глубоку́, предста́вша гро́бу Живода́вца, обрето́ша А́нгела на ка́мени седя́ща, и той провеща́в им, си́це глаго́лаше: что и́щете Жива́го с ме́ртвыми? что пла́чете Нетле́ннаго во тли? Ше́дше, пропове́дите ученико́м Его́.
Стих: Сей день, его́же сотвори Госпо́дь, возра́дуемся и возвесели́мся в онь.
Па́сха кра́сная, Па́сха, Госпо́дня Па́сха! Па́сха всечестна́я нам возсия́. Па́сха, ра́достию друг дру́га обы́мем. О Па́сха! Избавле́ние ско́рби, и́бо из гро́ба днесь, я́ко от черто́га возсия́в Христо́с, жены́ ра́дости испо́лни, глаго́ля: пропове́дите апо́столом.
Сла́ва и ны́не: Воскресе́ния день, и просвети́мся торжество́м, и друг дру́га обы́мем. Рцем бра́тие, и ненави́дящим нас, прости́м вся Воскресе́нием, и та́ко возопии́м: Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в.
Во время пения последней стихиры священник, положив три поклона пред престолом, берет лежащее на нем Евангелие и отдает диакону. С ним они обходят вокруг престола, начиная с правой его стороны и выходят северными вратами, в сопровождении свещеносца, на амвон. И, став на амвоне лицом к народу, по окончании пения, диакон воздвигает Евангелие. Возласив «Прему́дрость, про́сти» и благословив им народ крестообразно, он кладет Его на заранее поставленный на амвоне аналой, перед которым поставляется свеча, поворачивается к иконе Спасителя и глаголет: Го́споду помо́лимся.
Хор: Го́споди, поми́луй.
Иерей читает вслух молитву входа: Ве́чер, и зау́тра, и полу́дне, хва́лим, благослови́м, благодари́м и мо́лимся Тебе́, Влады́ко всех: испра́ви моли́тву на́шу, я́ко кади́ло пред Тобо́ю, и не уклони́ серде́ц на́ших в словеса́ или́ в помышле́ния лука́вствия, но изба́ви нас от всех ловя́щих ду́ши на́ша, я́ко к Тебе́, Го́споди, Го́споди, о́чи наши, и на Тя́ упова́хом, да не посрами́ши нас, Бо́же наш. Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор: Ами́нь.
Иерей благословляет рукой вход и, возгласив «В це́рквах благослови́те Бо́га, Го́спода от исто́чник Изра́илевых», заходит внутрь алтаря (по типу того, как совершается малый вход на вечерне при пении «Свете Тихий»).
Ипакои́, глас 4
Хор: Предвари́вшия у́тро я́же о Мари́и, и обре́тшия ка́мень отвале́н от гро́ба, слы́шаху от А́нгела: во све́те присносу́щнем Су́щаго, с ме́ртвыми что и́щете, я́ко челове́ка? Ви́дите гро́бныя пелены́, тецы́те и ми́ру пропове́дите, я́ко воста́ Госпо́дь, умертви́вый смерть, я́ко есть Сын Бо́га, спаса́ющаго род челове́ческий.
Сла́ва, и ны́не: А́ще и во гроб снизше́л еси́, Безсме́ртне, но а́дову разруши́л еси́ си́лу, и воскре́сл еси́, я́ко победитель, Христе́ Бо́же, жена́м мироно́сицам веща́вый: ра́дуйтеся, и Твои́м апо́столом мир да́руяй, па́дшим подая́й воскресе́ние.
Диакон: Во́нмем.
Иерей: Мир всем.
Люди: И ду́хови твоему́.
Диакон: Прему́дрость! Проки́мен, гла́с 8: Се́й де́нь его́же сотвори́, Госпо́дь, возра́дуемся и возвесели́мся во́нь.
Хор: Се́й де́нь его́же сотвори́, Госпо́дь, возра́дуемся и возвесели́мся во́нь.
Сти́х: Испове́дайтеся Го́сподеви, я́ко бла́г, я́ко в ве́к ми́лость Его́.
Хор: Се́й де́нь его́же сотвори́, Госпо́дь, возра́дуемся и возвесели́мся во́нь.
Диакон: Се́й де́нь его́же сотвори́, Госпо́дь.
Хор: Возра́дуемся и возвесели́мся во́нь.
Диакон: Прему́дрость.
Чтец: Дея́ний святы́х апо́стол чте́ние.
Диакон: Во́нмем.
Чтец: Пе́рвое у́бо сло́во сотвори́х о всех, о Фео́филе, я́же нача́т Иису́с твори́ти же и учи́ти. Да́же до дне, во́ньже, запове́дав Апо́столом Ду́хом Святы́м, и́хже избра́, вознесе́ся. Пред ни́миже и поста́ви Себе́ жи́ва по страда́нии Свое́м, во мно́зех [и́стинных] зна́мениих, де́ньми четы́редесятьми явля́яся им, и глаго́ля я́же о Ца́рствии Бо́жии: С ни́миже и яды́й, повеле́ им от Иерусали́ма не отлуча́тися, но жда́ти обетова́ния О́тча, е́же слы́шасте от Мене́: я́ко Иоанн у́бо крести́л есть водо́ю, вы же и́мате крести́тися Ду́хом Святы́м, не по мно́зех сих днех. Они́ же у́бо соше́дшеся, вопроша́ху Его́, глаго́люще: Го́споди, а́ще в ле́то сие́ устроя́еши ца́рствие Изра́илево? Рече́ же к ним: несть ва́ше разуме́ти времена́ и ле́та, я́же Оте́ц положи́ во Свое́й вла́сти: Но прии́мете си́лу, наше́дшу Свято́му Ду́ху на вы, и бу́дете Ми свиде́тели во Иерусали́ме же и во всей Иуде́и и Самари́и, и да́же до после́дних земли́.
Иерей: Мир ти.
Чтец: И ду́хови твоему́.
Диакон: Прему́дрость.
Чтец: Аллилу́ия, глас 4.
Хор: Аллилу́ия, аллилу́ия, аллилу́ия.
Чтец: Ты воскре́с уще́дриши Сио́на.
Хор: Аллилу́ия, аллилу́ия, аллилу́ия
Чтец: Госпо́дь с Небесе́ на зе́млю призре́.
Хор: Аллилу́ия, аллилу́ия, аллилу́ия.
Диакон: Го́споду помо́лимся.
Хор: Го́споди, поми́луй.
Иерей читает вслух 9-ю молитву утрени: Возсия́й в сердца́х на́ших, человеколю́бче Влады́ко, Твоего́ богоразу́мия нетле́нный свет, и мысленныя на́ша отве́рзи о́чи во ева́нгельских Твои́х пропове́даний разуме́ние. Вложи́ в нас и блаже́нных Твои́х за́поведей страх, да плотския по́хоти вся попра́вше, духо́вное жи́тельство про́йдем, вся я́же ко благоугожде́нию Твоему́ и му́дрствующе и де́юще. Ты бо еси́ освяще́ние и просвеще́ние душ и теле́с на́ших, Христе́ Бо́же, и Тебе́ сла́ву возсыла́ем, со безнача́льным Твои́м Отце́м и всесвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в.
Хор: Ами́нь.
Диакон: Прему́дрость, про́сти! Услы́шим свята́го Ева́нгелия.
Иерей: Мир всем.
Люди: И ду́хови твоему́.
Иерей: От Иоа́нна свята́го Ева́нглиа чте́ние.
Хор: Сла́ва Тебе́, Го́споди, сла́ва Тебе́!
Диакон: Во́нмем.
В нача́ле бе Сло́во, и Сло́во бе к Бо́гу, и Бог бе Сло́во. Сей бе искони́ к Бо́гу. Вся Тем бы́ша, и без Него́ ничто́же бысть, е́же бысть. В Том живо́т бе, и живо́т бе свет челове́ком. И свет во тьме све́тится, и тьма его́ не объят. Бысть челове́к по́слан от Бо́га, и́мя ему́ Иоа́нн. Сей прии́де во свиде́тельство, да свиде́тельствует о Све́те, да вси ве́ру и́мут Ему́. Не бе той свет, но да свиде́тельствует о Све́те. Бе Свет и́стинный, И́же просвеща́ет вся́каго челове́ка гряду́щаго в мир. В ми́ре бе, и мир Тем бысть, и мир Его́ не позна́. Во своя́ прии́де, и свои́ Его́ не прия́ша. Ели́цы же прия́ша Его́, даде́ им о́бласть ча́дом Бо́жиим бы́ти, ве́рующим во и́мя Его́. И́же не от кро́ве, ни от по́хоти плотски́я, ни от по́хоти му́жеския, но от Бо́га роди́шася. И Сло́во плоть бысть, и всели́ся в ны, и ви́дехом сла́ву Его́, сла́ву я́ко Единоро́днаго от Отца́, испо́лнь благода́ти и и́стины. Иоа́нн свиде́тельствует о Нем и воззва́, глаго́ля: Сей бе, Его́же рех, И́же по мне Гряды́й, пре́до мно́ю бысть, я́ко пе́рвее мене́ бе. И от исполне́ния Его́ мы вси прия́хом, и благода́ть воз благода́ть: Я́ко зако́н Моисе́ом дан бысть, благода́ть же и и́стина Иису́с Христо́м бысть.
Хор: Сла́ва Тебе́, Го́споди, сла́ва Тебе́!
Иерей: Сло́во и́же во святы́х отца́ на́шего свт. Иоа́нна Златоу́стого, его́же моли́твами, Го́споди Иису́се Христе́ Бо́же наш, поми́луй нас!
Кто благочестив и боголюбив, — тот пусть насладится этим прекрасным и светлым торжеством.
Кто раб благоразумный, — тот пусть, радуясь, войдёт в радость Господа своего.
Кто потрудился, постясь, — тот пусть возьмёт ныне динарий.
Кто работал с первого часа, — тот пусть получит сегодня должную плату.
Кто пришёл после третьего часа, — пусть с благодарностью празднует.
Кто успел придти после шестого часа, — пусть нисколько не беспокоится; ибо ничего не лишится.
Кто замедлил до девятого часа, — пусть приступит, нисколько не сомневаясь, ничего не боясь.
Кто успел придти только в одиннадцатый час, — пусть и тот не страшится за своё промедление.
Ибо щедрый Владыка принимает и последнего, как первого; успокаивает пришедшего в одиннадцатый час так же, как и работавшего с первого часа; и последнего милует, и о первом печётся; и тому даёт, и этому дарует; и дела принимает, и намерение приветствует; и деятельности отдаёт честь и расположение хвалит.
Итак, все войдите в радость Господа нашего; и первые и вторые получите награду;
Богатые и бедные, ликуйте друг с другом;
Воздержные и нерадивые, почтите этот день;
Постившиеся и непостившиеся, веселитесь ныне.
Трапеза обильна, — насыщайтесь все;
Телец велик, — никто пусть не уходит голодным; все наслаждайтесь пиршеством веры; все пользуйтесь богатством благости.
Никто пусть не жалуется на бедность, ибо открылось общее Царство.
Никто пусть не плачет о грехах, ибо из гроба воссияло прощение.
Никто пусть не боится смерти, ибо освободила нас смерть Спасителя.
Он истребил её, быв объят ею;
Он опустошил ад, сошедши во ад;
Огорчил того, который коснулся плоти Его.
Об этом и Исаия, предузнав, воскликнул: «Ад, — говорит он, — огорчися, срет тя доле».
Он огорчился, ибо стал праздным;
Огорчился, ибо посрамлён;
Огорчился, ибо умерщвлён;
Огорчился, ибо низложен;
Огорчился, ибо связан.
Он взял тело и нашёл в нём Бога;
Взял землю и увидел в ней небо;
Взял то, что видел, и подвергся тому, чего не видел.
«Где ти, смерте, жало?
Где ти, аде, победа?» (1Кор. 15:55).
Воскрес Христос, — и ты низложился;
Воскрес Христос, — и пали бесы;
Воскрес Христос, — и радуются ангелы;
Воскрес Христос, — и водворяется жизнь;
Воскрес Христос, — и мёртвого ни одного нет во гробе.
Ибо Христос, воскресший из мертвых, — «Начаток умершим бысть» (1Кор. 15:20).
Ему слава и держава во веки веков.
Людие: Аминь.
Тропа́рь Иоа́нна Златоу́стого, глас 8
Хор: Уст твои́х, я́коже све́тлость огня́ возсия́вши, благода́ть вселе́нную просвети́: не сребролю́бия ми́рови сокро́вища сниска́, высоту́ нам смиреному́дрия показа́, но твои́ми словесы́ наказу́я, о́тче Иоа́нне Златоу́сте, моли́ Сло́ва, Христа́ Бо́га, спасти́ся душа́м на́шим.
Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши, и поми́луй.
Хор: Го́споди, поми́луй. (3 раза)
Еще́ мо́лимся о Вели́ком Господи́не и отце́ на́шем, Святе́йшем Патриа́рхе (имярек), и о господи́не на́шем преосвяще́ннейшем митрополи́те (или архиепи́скопе, или епи́скопе) (имярек), и о всей во Христе́ бра́тии на́шей.
Хор: Го́споди, поми́луй. (3 раза)
Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Хор: Го́споди, поми́луй. (3 раза)
Еще́ мо́лимся о блаже́нных и приснопа́мятных созда́телех свята́го хра́ма сего́ (аще во обители: святы́я оби́тели сея́), и о всех преждепочи́вших отце́х и бра́тиях, зде́ лежа́щих и повсю́ду правосла́вных.
Хор: Го́споди, поми́луй. (3 раза)
Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (аще во обители: святы́я оби́тели сея́).
Хор: Го́споди, поми́луй. (3 раза)
Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.
Хор: Го́споди, поми́луй. (3 раза)
Иерей читает вслух 4-ю молитву утрени: Влады́ко Бо́же, святы́й и непостижи́мый, приими́ нас и ны́не покланя́ющихся Тебе́ и по си́ле благодаря́щих Тя́, и да́руй нам вся, я́же ко спасе́нию, проше́ния. Покажи́ ны сы́ны све́та и дне и насле́дники ве́чных Твои́х благ. Помяни́, Го́споди, во мно́жестве щедро́т Твои́х и вся лю́ди Твоя́, су́щия и моля́щияся с на́ми, и всю бра́тию на́шу, я́же на земли́, на мо́ри, на вся́ком ме́сте влады́чествия Твоего́, тре́бующих Твоего́ человеколю́бия и по́мощи, и всем пода́й вели́кую Твою́ ми́лость. Да спасе́ни душе́ю же и те́лом всегда́ пребыва́юще, со дерзнове́нием сла́вим чу́дное и благослове́нное и́мя Твое́. Я́ко Бог ми́лости, щедро́т и человеколю́бия еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор: Ами́нь.
И далее по чи́ну - Боже́ственная Литурги́а Златоу́стаго.[2]
Если литургия не служится, то следует окончание:
Диакон: Прему́дрость.
Хор: Благослови́.
Иерей: Сый благослове́н Христо́с, Бог наш, всегда́, ны́не и при́сно, и во ве́ки веко́в.
Хор: Ами́нь. Утверди́, Бо́же, святу́ю правосла́вную ве́ру, правосла́вных христиа́н во ве́к ве́ка.
Иерей: Пресвята́я Богоро́дице, спаси́ нас.
Хор: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.
Посе́м иерей держа кре́ст вме́сто «Сла́ва тебе́ Христе́ Бо́же» пое́т: Христо́с воскре́се из ме́ртвых, сме́ртию сме́рть попра́в.
Люди поют: И су́щым во гробе́х живо́т дарова́в.
Иерей глаго́лет отпу́ст: Христо́с воскресы́й из ме́ртвых, сме́ртию сме́рть попра́вый, и су́щым во гробе́х живо́т дарова́вый: и́стинный Бо́г на́ш, моли́твами Пречи́стыя Своея́ Ма́тере и все́х святы́х, поми́лует и спасе́т на́с, я́ко Бла́г и Человеколю́бец.
Та́же кре́ст возвыша́я, глаго́лет: Христо́с воскре́се. (трижды)
Мы́ же отвеща́ем: Вои́стинну воскре́се. (трижды)
Та́же, пое́м коне́чное: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (трижды)
И по не́м пе́нием кончи́м: И на́м дарова́ живо́т ве́чный, покланя́емся Его́ тридне́вному Воскресе́нию.
Посе́м поется многоле́тие и целу́ем Честны́й Кре́ст держи́мый в руку́ священника.
[2] На словах «Христо́с посреде́ нас» целу́ют вси дру́г дру́га.
Целова́ние же настоя́теля с иере́и и диа́коны во свято́м олтари́ быва́ет си́це: Глаго́лет приходя́й: Христо́с воскре́се: О́ному же отвеща́вшу: Вои́стинну воскре́се. Посе́м взе́м настоя́тель честны́й кре́ст и ста́нет вне́ пред святы́ми ца́рскими две́рьми. Та́кожде и вси́ свяще́нницы, ели́ко и́х е́сть, и диа́кони, взе́мше ки́йждо и́х, свято́е ева́нглие, и честны́я ико́ны, по чи́ну своему́: и ста́нут вси́ ря́дом, от десны́я страны́ настоя́теля. И прихо́дят пре́жде честне́йшии церко́вницы, ста́рцы, еди́н по еди́ному: и ма́ло преклоня́ются пред настоя́телем: и целу́ют ки́йждо и́х честны́й кре́ст, и свято́е ева́нглие, его́же держи́т иере́й, и про́чыя о́бразы. Та́же и самаго́ настоя́теля целу́ют в плечо, глаго́люще: Христо́с воскре́се. О́ному же отвеща́вшу: Вои́стинну воскре́се.
По тому́же о́бразу и иере́ев целу́ют, и са́ми между́ собо́ю по чи́ну своему́. И ста́вятся от иере́ев по десно́й стране́ ря́дом. Та́же по ни́х и миря́не та́кожде целова́ние творя́т дру́г дру́га целу́юще. По окончании вси поем: Веруем, во единого Бога.
Вме́сто же Досто́йно: пое́м: А́нгел вопия́ше благода́тней, Чи́стая Де́во ра́дуйся, и па́ки реку́, ра́дуйся: Тво́й Сы́н воскре́се тридне́вен от гро́ба, и ме́ртвыя воздви́гнувый, лю́дие весели́теся. Та́же ирмо́с: Свети́ся, свети́ся но́вый Иерусали́ме:
Прича́стный: Те́ло Христо́во приими́те, исто́чника безсме́ртнаго вкуси́те, аллилу́иа. (Три́жды)
Егда́ же настоя́тель глаго́лет: Со стра́хом Бо́жиим и ве́рою приступи́те, мы́ вме́сто Благослове́н гряды́й во и́мя Госпо́дне пое́м: Христо́с воскре́се: еди́ножды.
Настоя́тель глаго́лет: Спаси́ Бо́же лю́ди Твоя́: И мы́: Христо́с воскре́се: еди́ножды.
Егда́ же изглаго́лет иере́й: Всегда́ ны́не и при́сно: И мы́: Христо́с воскре́се: еди́ножды. Посе́м ектениа́.
Вме́сто же, Бу́ди и́мя Госпо́дне: и вме́сто псалма́, Благословлю́ Го́спода: пое́м: Христо́с воскре́се: двана́десять, и мно́жае: до́ндеже анафо́ра от игу́мена разда́стся. Та́же настоя́тель, Благослове́ние Госпо́дне на ва́с: Ли́к: Ами́нь. Посе́м настоя́тель вме́сто, Сла́ва тебе́ Христе́ бо́же: пое́т: Христо́с воскре́се из ме́ртвых сме́ртию сме́рть попра́в. И ли́к: И су́щым во гробе́х живо́т дарова́в.